رواية حرم الاسود الفصل الثاني عشر بقلم بتول ابو الليل
عشرتي وياك صارت كلها حسرات
مثل حسرة الشاعر بالقصيدة
الشاعر يكتب البيت ال يأذي
والجمهور يصفك ويكلة عيده..!!
____________♠___________
اريانا : احب تيمور
فتحت عيونها امي بصدمه ممصدكه كلامي الي احجي لأن دائماً احجي علئ تيمور واكول مغرور متكبر يصيح ع اليان عمري مامدحته كدامها
جميله : انتِ مستوعبه الكلام الي تحجييينه شنوو تحبين تيمور اذا يسمع اخوج بهذا الحجي يموووتج ولج
_فدوة بس اسمعيني اني وياه مابينه أي،شيء والله العظيم بس هوه يريدني بالحلال وكلي افتح الموضوع وياج وأسالج واني راضيه بيه مالكه احسن منه وياي اليان بالبيت يعني راح اكون مرتاحه كلش وعائلتهم معروفه وعدهم خير من الله
جميله : ولج شنووو عدهم خيرر شنوو ماتلكين احسن منه چا وبيت ام هيثم شكووول الهم ليششش رضيتي من الاول تضحكين علئ العاااالم انتِ
_اني من الاول مجنت راضيه بيهم بس
جميله : بس شنووو فهميني اكووو شيء صايرر بينج وبين تيمور احجييييي ولج لاتجلطيني.
_لا لاا والله ماما كلشي ماصاير بينه لاتفكرين هيج بس مجنت متاكده من مشاعري او هوه هم محاجالي عن مشاعره ومن عرف نفسه يحبني طلب ايدي
جميله : ومن شوكت هل حجي واحنه ماندري حقه مسلم اذا منعج ماطلعين ويانه اثاري كاشفج وعارف حركاتج وياه
_ماما فدوة ساعدني ولاتوكفين ضدي ممسويه أي تصرف غلط وغلاتج عندي بس هوه يحبني والحب موو حرام ولا عيب ليش مكبره الموضوع هيج
جميله : اشش اسكتي لاتحجين ولاحرف اذا سمع واحد من اخوانج لوو ابوج تصير كارثه محد راح يصدك ماصاير شيء بينكم لأن انتِ روحاتج هواي عليهم
_اوووف هسه شنوو متساعديني؟
باوعتلي بخزره عافتني وطلعت من الغرفه خليت اديه علئ وجهي واني دايخه يالله دخيلك شهل ورطه الطحت بيها شسوي هسه اذا امي وماقتنعت مسلم شلوون راح يقتنع
لزمت الجهاز واني عيوني كلهاا دموع دخلت علئ المحادثه شفت البصمه والصوره شهكت بغصه شسوي بروحي شلون اخلص نفسي من هل سالفه.
سحبت نفس قوي ورجعت اتصلت علئ تيمور يرن عنده بس ميجاوب اخر شي جاوب بصوت نعسان
تيمور : الوو
_تء تيـ تيمور
تيمور ; اريانا شبيج يروحي ليش تبجين ؟
_فدوة لاتسوي شيء والله حجيت ويه امي وماقبلت وبقت تصيح عليه الله يخليك ابوس ايدك لاتسوي شيء والله موبيدي.
تيمور : يعني امج ماقتنعت
_ايي والله لأن منطين كلمه للعالم تكول نضحك عليهم
تيمور : هههه سهله لاتضوجين ولاتبجين ابد اني اعرف شلون اتصرف
_شراح تسوي ؟
تيمور : ماتردين انشر شيء موو
_أي
تيمور : باجر الساعه بـ 10 الصبح تجيني ل** واني راح اخلي اهلج غصباً عليهم يوافقون
_مستحيل ماجيك لأي مكان شتريد منيي انتَ
تيمور : ماترديني اقنع اهلج !!
_اي ماريدك ماريد تقنعهم ولا اريد شيء منك حل عني عوفني بحالي.
تيمور : هاا هيج يعني
بلعت ريكي بخوف ياربي هذا شيطان شنوو يدور براسه
تيمور : اححح ليش تعبيني ياعيني خلينه نخلص السالفه بسرعه ونسدها تجيني للفندق لوو تقنعين امج لوو تخليني انشر وحده منهم تختارين
_ليش هيج تسوي وياي ؟
تيمور ; اريددددج اريانا اني عمري كله مارفضتني بنيه ولا صدتني كلشي اريده اخذه برضات الشخص او بعدم رضاته مارتاح لحد ماخذ الي اريده اني هيج اتخبل انجن اذا خليت شغله براسي وماسويتها لازم تكمل اتخبل تفهمين شنوو احجي
_اني موو سلعه تكدر تشتريها بفلوسك انيي موو ملكك سمعتتت ماتكدر تاخذني اني مااااريدددك مااااريددددك
تيمور : هههههه احب عصبيتج حييل احسج تصيرين نار
_نذل حقييير نكسسس الله ياااخذك
تيمور : بس تصيرين بين اديه اذا ماطلعت كل حرف حجيتي من خشمج بسيطه اعلمج شلون تغلطين هيج يحلوه
سديت الخط منه انهاريت دموعي صارت تنزل وحده ورا الثاني خليت ايدي علئ راسي دايخه شسوي ياربي دخيلك شسوووي.
بجييت هوواي احس راسي انسطر من البجي سمعت صوت مسلم يصيحني كمزت خايفه ركضت للحمام دخلت وقفلته عليه.
مسلم : اريانا ويينج
مسحت دموعي حيل شغلت الدوش حته يعرفني بالحمام وصحت حته ميبين صوتي مخنوكه.
_ءءأ ني هنا بالحمام
مسلم : هاا تمام كالولي مريضه واجيت اشوفج كملي سبح وتعالي اخذج للدكتور تنطيج ابر علاج
سكتت مجاوبته هوه هم راح صوته اعتقد طلع سبحت صدك وطلعت بدلت ملابسي ونزلت جوه جان الكل كاعد بالصاله امي تباوعلي بتركيز عيوني مورمه من البجي ومنفخات.
حازم : تعاي باباتي شبيج ليش هيج حالتج بيج شيء
هزيت راسي بـ لأ رحت كعدت قرب بابا باوعلي مسلم بستغراب وكال
مسلم : شبيج اريانا جنتي تبچين شنوو؟
_هاا لأ بس دخل صابون بعيوني وصارن هيج حمر
مسلم : اممم تردين اخذج للعياده
_لا ماكوو داعي مابيه شيء هسه اصير زينه
عفاف : شنوو مابيج حابسه روحج بالغرفه وعيونج مورمه علئ شنوو ترا والله ترجع اليان وين تروح بس بعدهم اهلها ممنفذين طلب الخاطف لاتخافين عليها
مسلم : قبل شويه خابرت ابوها كال كملن اوراق التنازل ومقدميهن للمحكمه وباجر انشالله يطلع السجين واليان ترجع لبيتها
_صدك يعني راح ترجع اليان للبيت ؟
مسلم : أي راح ترجع همه متفقين ويه الخاطف يطلعون سجينهم وهمه يرجعون اليان واعتقد راح ينفذون كلامه ويرجعونها.
_اوووف الحمدالله ياربي
مسلم : هسه كومي اكلي شيء وجهج صاير اصفر عبالك مال ميت ههه
عفاف : أي والله حيل متأثره لوو هيج الصداقه لو بلا
جميله : يلا ماما كومي اكلي شيء
هزيت راسي بـ أي عفتهم ورحت للمطبخ لكيت الاكل حميته وصبيتلي بصينيه وكعدت بالمطبخ اتعشه
افكرر بكلام تيمور واحس نفسي اغص بالكمه ماكدر حته ابلعها دموعي تنزل بصمت.
مسحت دموعي أخاف يدخل شخص للمطبخ ويشوفني خايفه وحايره شلوون راح تخلص قصتي ويه تيمور ..؟
تهديداته خلت عندي رعب كل شويه افتح الجهاز واباوع خاف ناشر شيء
خلاني عشت بحالة توتر وخوف امي من حجيت وياها صارت تباوعلي دائماً بغضب وحايره شلون تحجي ويه ام هيثم عن الموضوع.
ثاني يوم الصبح دزت علئ ام هيثم وكلتلها علئ الموضوع انصدمت المره وجانت تريد تحجي وياي بس ماطلعت عليها ماكدر اواجها ابد
فشلانه منهاا ومادري شنوو اجاوبها اذا سألتني ليش رفضت ابنها
ضاجت المره حيل منه وطلعت من البيت وهيه زعلانه علينه
عفاف : ليش رفضتي الولد ترا كلش حباب ومراح تلگين احسن منه
_ماريده ماكدر اجبر نفسي عليه
عفاف : اذا متريدي ليش وافقتي من الاول فشلتينه كدام العالم هسه
_وشصاار هسه ترا حته كلام رسمي مصاير ولا خاطبين مجرد كلام نسوان وماقتنعت راجعت نفسي شفته موو مناسب الي ورفضت
عفاف :اووي علئ كيفج عيني سندس اكلتينه وبلعتينه علئ شنوو ضلي طبج طوب تزوجين ماتزوجين اني شعليه حياتج وانتِ حره بيها
عافتني وراحت لغرفتها تاففت بضوجه احس روحي تريد تطلع ممتحمله أي كلمه شويه ودخلت امي للصاله وهيه وجهه ضايج كمت من مكاني ورحت عليها
_هاا يمه شصار
جميله : شصار كتلها ممقتنعه بنتي وماتقبل تزوج
_وشكالت؟
جميله : كالت ليش وافقت اذا ممتاكده من قرارها خلتنه طشينه الخبر وحاجين ويه كبارهم حته يجون علينه
_خلص ماصار شيء حلينه الموضوع قبل لايتعقد اكثر
جميله : وهسه ست اريانا شنوو تردين
_اريد تيمور
جميله : والله لو يسمعج اخوج الأ يذبحج علئ هذا الكلام
_ماما فدوة ساعديني انتِ الوحيده الي تكدرين تقنعينه
جميله : لازم احجي ويه تيمور واشوفه واتاكد اذا صدك يحبج بهذيج الساعه اخلي يجيب اهله ويتقدملج رسمي ويطلب ايدج من ابوج واخوانج.
_تمام ماعندي مشكله تعرفي عليه وشوفي اسلوبه
جميله : والله مادري احس هذا حبج المفاجأه بيه النه وخصوصاً من تيمور مادري والله انتِ طول عمرج تحجين عليه شغيرج رأيج بين ليله ويوم.
_هوه صح تصرفااته مال واحد متكبر ومغرور بس حباب ومحترم كلش ويحبني
جميله : أي خوش
عافتني وراحت سحبت نفس بقوه ماما شاكه بوضعي بعدها ممقتنه بكلامي ممصدكه اني احب تيمور تعرفني زين ماطيقه
بقيت كاعده وحدي بالصاله ولازمه الجهاز بيدي فجأه اجتني رساله من تيمور كاتبته علئ أسمه النكس.
دزلي فيديو لولد وبنيه يتباوسون من الشفايف منظرهم حيل مقزز ومنحط
هذا شيحس وهيج يدزلي فيديوهات كل تفكيره وعقله بهل امور
غمضت عيوني بقهر مسحت المحادثه وحضرته شمرت الجهاز كرهت حته جهازي احس نفسي صرت وصخه مثله شلوون ساكته علئ هاي تصرفااته وشلوون راح اتحمله بحياتي مادري..؟
....
ولاكانو يسمعوني بابا يجر بيه من ايدي يريد يرجعني للسياره حرت شلون اخلصه شفت مسدس بخصر الشرطي سحبته وخلته براسي.
بابا بقه فاتح عيونه بصدمه وآرون كذالك رفع ايده بابا بخوف
جاسر : باباتي اليان شتسوين تردين تموتيني ولج بووويه شسوالج هل نذل وهيج خايفه عليه نزلي المسدس من ايدج
_عووووفو والله اقتل نفسي هسه خلوو يروح اذا مديتو اديكم عليه افجر راسي كدامكم
جاسر : الكل يشيل ايده عنه
ابتعدو الجنود عن آرون وبقو يباوعلي بصمت ايدي ترجف وعيوني مليانه دموع
ضابط : انتِ بأمان لاتخافين نزلي المسدس من ايدج يلا بابا جيبي لاتتهورين
_مانزله وخرو عنيي لاتتقرب منييي والله اسويها وخررر لاتوصلني
جاسر : لاتتقربون منها اني احجي وياها ..اليان بابا هذا اني ابوج شبيج ياروحي انتِ لاتخافين مايكدر يسويلج شيء بعد نزلي المدسدس من ايدج يلا حبيبتي جيبي
_خلو يروح واني انزله خلي يروح والله اذا وكفتو بطريقه اموت نفسي كدامكم بابا خلي يروح اني اطلب منك هل شيء انتَ موو تحبني موو متريدني امووت خلي يروح لاتسجنه اني متنازله عن القضيه مسوالي شيء
مخليه المسدس علئ راسي واباوع علئ آرون وابجي هوه صافن بوجهي والدم من كل مكان بيه.
جاسر : انتِ تخببببببلتي شلووون اعوفه نسَيتيَ هل عااار جان خاطفج نسيتي شسوه بيج شلوون بعدج عني وعذبج لازم احاسبه علئ هذا تصرفه لازم اخلي يعرف ويه منوو غلط
_مانسيت شيء بس جان مجبور يسوي هيج ويايه اني افهمك كلشي بس عوفه لخاطري بابا اذا تحبني عوفه يروح
جاسر : لااا اليان لااا مستحيل اسمح لهل انسان يفلت بعملته مادري شلاعب بعقلج ومخليج هيج ماتعرفين شلون تصرفين بس اني هنا اني اعرف شلون اطلع حگج من عيونه هل نكس جان يلعب علينه بالشركه موظفه عندي وثاق بيه تالي ماتالي طلع يتأمر ضدي وخطفج اذا ماخليته يذوگ المر ماطلع جاسر
غمضت عيوني بقهر من سمعت كلام بابا مادري ليش فقدت الامل انوو اساعد آرون سحبت المسدس تخبل بابا صاح آرون بصوت عالي عليه.
آرون : ديرررر بالج تسووووينها اليان نزلي لاتخبلييين نزلييي
جاسر : نزليييي المدسدس اليااان نزليييي لاتتهورين المسدس مامأمن بأي ساعه تطلع طلقه منه نزلييي من ايدج
_انتَ متحبني لو تحبني جان وكفت وياي وساندتني بس هل مره اسمع مني
جاسر : خلص الي تردينه يصير الكل يبتعد عنه خلو يروح عوفو بحاله
ابتسمت بنص دموعي باوعت علئ آرون الي يباوعلي مصدوم عيونه مدمعه ابتسملي بهدوء هز راسه الي عافنه وراح يركض للسياره دخل بيها وساق بسرررعه.
_والله والله اذا تحرك شخص ولحكه اموت نفسي
جاسر : مع الاسف مع كل الاسف انتِ بنتي
حجايت بابا خلتني احس علئ نفسي وعلئ تصرفي حييل انقهر من تصرفي عافني وراح علئ سيارته صعد بيها وصل يمي الضابط مدلي ايده وكال
الضابط : نزلي المسدس من ايدج مامأمن خطر علئ حياتج تلزمينه هل شكل جيبي
نزلت المسدس واني عيوني حمرر دم اخذه من ايدي الضابط اشر للجنود يصعدون سياراتهم ويلحكون آرون
اني احس نفسي صرت بحالة صدمه مادري التصرف السويته صح لوو غلط بحق بابا كعدت علئ ركبي علئ الارض واني اشهك جسمي كله يرجف.
اباوعله بالسياره كاعد ومخلي اديه علئ راسه ثنينهم نزل السايق واجه نحوي
السايق : ابوج منتظرج بالسياره
هزيت راسي بأي سحبت نفس قوي مسحت دموعي ورحت صعدت بالسياره يمه دار وجهه عني حته مباوعلي همست بصوت مخنوك
_بابا
مجاوبتي دخل السايق وساق السياره اخذنه لبيتنه طول الطريق بابا ساكت وصافن ماحجه حرف
وصلنه للبيت جان هوواي عالم جايه يمكن سامعين بيه ليوم ارجع اخواني ولد عمي واعمامي الكل واكفه برا
نزلت من السياره اني وبابا عيوني مورمه من البجي ودايخه وماطايقه احد ولا اريد احجي حرف.
دنك اخوي قصي هوه وابن عمي ذبحو طليان علئ رجلي لان رجعت سالمه ومبيه شيء يوزعون لحمهن علئ الفقره
تيمور : نور البيت برجعت اختنه الغاليه
قصي ; الحمدالله علئ سلامتج حبيبتي
اجو خواني سلمو عليه سلمت علئ اعمامي الكبار ودخلت للبيت جانو عماتي جايين سلمت عليهن وكعدت بالصاله وياهن
صفاء : الحمدالله علئ سلامتج حبيبتي
_الله يسلمج
جنان : اليان احجيلنه وين اخذوج شسوولج تقربو منج
صبا : اني اكول هل أساله موو وكتها كومي عمه اصعدي لغرفتج بدلي ملابسج ورتاحي شويه
آيلا : تعالي نصعد سويه
_اريد ارتاح وحدي شويه عذروني ماكدر اكعد وياكم.
صفاء : اصعدي حبيبتي رتاحي مانضوج عاذرينج
هزيت راسي بأي عفتهم وصعدت لغرفتي بيتي رجعتله بعد غياب 10 ايام جنت ابجي حته ارجعله هسه بجيت لأن عفت آرون وفترقنه.
دخلت لغرفتي سديت الباب وكعدت علئ السرير احس نفسي بغير عالم عقلي وتفكيري كله مشوش
احس كلشي صاار وياي مثل الحلم مجاي استوعب أي شيء
دنكت راسي ولزمته بثنين اديه احسه يريد ينفجر.
شراح يصير هسه معقوله يلزمون آرون وينسجن لازم اخلي بابا يعرف كل الحقيقه
أذا يبقه حاقد عليه راح يلزمه حته لوو خليته يطفر هل مره
كمت علئ حيلي اباوع علئ نفسي بالمرايه ضعفانه حيل ومتغيره وجهي ذبلان وين جنت وين صرت
جنت حيل حيل مرتاحه مافكر بأي شيء ولاهتم لأي بشر كلشي عندي متوفر وبابا بحياتي
هسه ماستفاديت أي شيء الانسان الي حبه گلبي خاطب ومرتبط ببنيه ثانيه ويحبها هواي وبابا الي جان يموت عليه هسه خليته يكرهني وحته ميحجي وياي.
مادري شسوي بروحي ليش هيج صاار وياي نزلت دموعي بصمت
مسحتهن بسرعه وسحبت نفس قوي لازم اكون قويه خلص مصار شيء كلشي راح يتصلح واني مغلطانه وراح اخلي بابا يسامحني.
رحت للكنتور طلعتلي ملابس ودخلت للحمام اسبح ..
...
كاعده بالصاله وحدي شويه ودخل مسلم للبيت شافني ابتسم وكال
مسلم : جايبلج خبر راح يخليج طيرين من الفرح
_صدووك شنوو
مسلم : اليان رجعت للبيت خلص رجعوها
فتحت عيوني بصدمه كمت واني اضحك وابجي بنفس الحظه
_صدووك والله احلف كووول متشاقه موو رجعت اليااان
مسلم : اي والله رجعت قبل شويه خابرني تيمور وگالي بهل شيء
_الف حمددد وشكررر الك ياااربي خلينه نرووح عليهم فدووووة مسلم اخذني اشوفها
مسلم : موهسه بليل نروح كلنه خلي يرجع ابوي وامي ونروح كلنه
_تمام
فرحتي متنوصف بهل لحظه حيل فرحت من سمعت باليان رجعت اليان كلشي بالنسبه الي صديقتي بيت اسراري اختي كلشي رابين سويه دارسين الابتدائيه والعداديه سويه يعني عايشين كل لحظه سويه
افترقنه بس من سافرت وماعفتها كل يوم نحجي اتصالات كام كلشي اشاركها بحياتي.
انتظرت اليل ساعه ساعه متحمسه اشوفها واحضنها وابجي اشكيلها واحجيلها عن تيمور شسوه بيه بلكي تكدر تساعدني بشي
امي من سمعت بالخبر هم مثلي صارت تبجي من الفرح حضرنه نفسنه كلنه نروح عليهم حته عفاف وريان
لبست وكملت ماخليت أي شيء علئ وجهي لأن تعبانه نفسيتي حيل ومالي خلك شيء بس خليت عطر ونزلت
_يلا مسلم خلينه نروح
مسلم : اوكفي خلي تكمل عفاف
_شدسوي هيه
مسلم : تلبس بريان تدرين بيه يشلع الكلب مايقتنع بسرعه
_اففففف لوو ادري رايحه ويه ماما وبابا
مسلم : اطلعي للسياره هسه نجي
هزيت راسي بأي عفتهم وطلعت برا بقيت واكفه يم السياره لازمه الجهاز بيدي دخلت علئ الفيس باوعت خاف تيمور مسوي مصيبه حضرته من كل البرامج اريد ارتاح منه ومن تصرفاته المنحطه
شويه وطلع اخوي هوه ومرته صعدنه بالسياره اخذنه لبيت اليان
رغم فرحتي باليان خايفه من تيمور حييل خايفه من تصرفاته وياي وخايفه من سكوتي بس اوصل احجي كلشي الايان اخليها تعرف حقيقته ع اقل شخص يعرف بالسالفه ينصحني شسوي.
وصلنه لبيتهم بسرعه لأن موو كلش بعيدين علينه
نزلنه كلنه سويه جان تيمور كاعد بالحديقه هوه وياه ولد عمه يشرب جكاير ويضحك من شافنه صفن بوجهي بنظرات تخوف بلعت ريكي بخوف ودنكت راسي بتوتر
اشرلنه مسلم ندخل رحنه اني وعفاف دخلنه للبيت ومسلم راح يسلم عليهم
جانو عمات اليان موجودات ومن ضمنهم شذر ماطيق ولا وحده بيهم لأن كلهن مسمومات
امي واصله كدامنه وكاعده وياهم سلمنه علئ الكل وكعدنه
_وينها اليان؟
صفاء ; بغرفتها هسه دزيت عليها المساعده تكولها تنزل
_لا اني صاعده اشوفها
عفتهم وصعدت بسرعه لغرفتها لادكيت الباب ولاشي دخلت كبل لكيتها كاعده مقابيل المرايه وصافنه بوجهه من دخلت دارت وجهه شافتني كامت علئ حيلها
رحت اركض عليها حضنتها وبجيت بصوت مسموع ممصدكه اشوفها كدامي
_يييييمه حبيبتيييي واخيررراً رجعتييييي الف حمد وشكرر الك ربيي متتت من خوووفي عليج والله مارحتي من بالي دقيقه
اليان : كافي شبيج ليش هل بجي كله مابيه شيء لاتخافين
_ويين اخذوج وليش وشلوون رجعتي فهميني محد منهم يحجيلي شيء عنج
اليان : بعدين احجيلج كلشي السالفه حيل طويله ودوخ كلش وهسه تعبانه
_تمام انتِ زينه موو ماسوولج شيء مأذوج؟
اليان : ماسوولي أي شيء بالعكس تعلمت هواي امور وياهم
_شنوو شقصدج
اليان : هيج انسي شلونج انتِ طاك گلبي علئ شوفتج
_موو مثلي والله ليل مع نهار افكر بيج خايفه يسوولج شيء كل شويه يجيبولنه خبر عنج ومرات يكولون راح يكتلونها راح تموت واني بكل خبر انهار
اليان ; لا ماكوو هيج شيء مسوولي شيء ولا أذوني مجرد جان عدهم اتفاق بينهم وبين بابا واول مانفذ هل اتفاق عافوني
_الحمدالله جنت حيل خايفه
اليان : انزلي كدامي راح اجهز نفسي وانزل عيب من عماتي من زمان عدنه ومانزلت سلمت
_تمام
رجعت حضنتها وبستها من خدها وطلعت احسها حيل هادئه صايره وكلامها محدود عاذرتها بعدها بحاله صدمه واكتأب
طلعت من غرفتها وجنت اريد انزل ماحس غير انسحبت ايدي وشخص خله ايده علئ حلكي حته ماعيط
جان تيمور خليت ايدي علئ ايده اريد افلت نفسي ماكدرت سحبني لغرفته وسد الباب
_انتَ شتريدددد منيييي شنوو هل تصرفاااات حل عنييي والله افضحك كدااام الكل هسه
تيمور : ليش حاضرتني ست اريانا ؟
_لأن مايشرفني احجي ويه واحد منحرف مثلك انييي موو وصخه مثلك انييي انظف من تفكيرك هذااا سمعتتت
تقدم نحوي وهوه يبتسم بكل حقاره رجعت خطوات ليورا واني اتنفس بغضب وصل يمي رجعت راسي علئ الحايط واني كل جسمي يرجف
خله ايده محاوطتني من الجهتين قرب وجهه مني وهمس
تيمور : هههههه تدرين كل ماترفضيني وتضوجين هيج وتعيطين يزيد اصراري عليج هيج يصير عندي حماس احس بطعم غريب يصير بحياتي متخيله الوضع الي اني بيه
_انتَ واحد مّرَيَـضّ احلف عليك موو صاحي روح تعالج احسلك ماعندك ذرت كرامه ولا احساس لوو تفهم متسوي هيج تصرفات مع الاسف انتَ أخو اليان
تيمور : ههههه عادي ميهمني شلون تشوفيني انتِ وتقيميني المهم اني شلوون اشوفج واتخيلج هذا المهم عندي
_حلوو يعني تحب الي يهينك ويحجي عليك من صدوك عديم رجوله وماعندك شخصيه
لزم اديه وقيدهن ورا ظهري غمضت عيوني بألم وصحت بوجهه
_عوووف ايدي ااااه
تيمور : اشششش لاتكولين اااه هواي لأن ماكدر اتحكم بنفسي
_عووف ايدي دتوجعني اااااخ.
تيمور : انوب اااخ شلوون وياج احنه نكظيها آهات ..؟
_حقيير نذل عوووفني ايدي توجعني والله اصرخ والم البيت عليك
تيمور ; صرخي يلا صيحي يبووو ساعدوني تيمور يحاول يغتصبني واني اعرف شلون اتصرف
_لك عووووفني ااااااي ايدي
تيمور : اريانا حبيني خليني مأذيج
_مستحيل احب واحد مثلك عووووف ايدي يلاا
عيونه تفتر داخل عيوني دنك راسه دفنه بركبتي وبقه يشمها بقوه بقيت ابجي واحاول ادفعه ماكدر مثل الحديد ايده
_وخررر تيموووور لاتسووووي هيييج وخررر عنيي فدوة لااا
ولاكانو احجي وياه دموعي ترست وجهي ترس اخاف اصرخ وانفضح اكثرر ولاكدر اخلي يسوي هيج.
_اسوووي الي تريده بس عووووفني الله يخليك كااااافي وخررررر عنيييييي
رفع راسه عني وهوه يلهث عيونه ركزت بعيوني الي كلها دموع قرب وجهه مني يحرك خشمه علئ خدي ويهمس بصوت خدران
تيمور : بس هل اسبوع وتصيرين ملكي غير هل اسبوع ماعندج وقت اذا ماصرتي مرتي اغتصبج ماكدر اتحكم بنفسي تفهميني اريانا روحي تريدج حيييل.
غمضت عيوني واني منهاره دموعي تشكي حالتي صار يبوس بدموعي الي تنزل علئ خدي
تيمور : لاتبجين اوك اخليج مرتاحه وياي ماسويلج شيء لاتخافين مني ماذيج والله
_الله ينتقم منك مراح اسامحك طوول عمري علئ هذا تصرفك عمرري مراح اتقبلك مستحيييل اتقبلك حته لوو صرت ملكك مراح تكدر تملك گلبي حته لوو اخذت جسدي منيي مراح تاخذ گلبي سمعتتت
لزمني من حلكي بقوه وصك علئ سنونه بعصبيه ركز بعيوني بغضب وهمس من بين اسنانه
تيمور : اخليج تحبيني غصباً عليج عبالج ترتاحين منيي لأ غلطانه ماعوفج ولا راح ترتاحين بدوني.
_آه حلكي
عصر شفتي بيده حيل باوعلها بنظرات قذره بلع ريكه وهوه يباوعلي اني دموعي تنزل بخوف
ابتسم بهدوء باس شفتي حيل وسحبني من خصري بثنين اديه يقربني علئ جسمه
حاولت ابتعد عنه ماكدر بقيت اضرب بيه وابجي فجأه انفتح باب الغرفه علينه ابتعد عني بسرعه جانـ .....
