رواية حرم الاسود الفصل الثالث عشر بقلم بتول ابو الليل
حاولت ابتعد عنه ماكدر بقيت اضرب بيه وابجي فجأه انفتح باب الغرفه علينه ابتعد عني بسرعه جانـت اليان
واكفه بالباب وفاتحه عيونها بصدمه احس تجمدت كل اطرافي من شفتها الله يلعنك تيمور علئ هل عمله
بلعت ريكي بخوف واني امسح بدموعي تيمور ولاهمه ابتسم بكل حقاره
عافتنه وطلعت بسررعه من الغرفه جنت اريد اروح وراها لزم ايدي تيمور بسرعه وجرني عليه
_عووووف ايددددي وخررر كله منك شاااافتنه اليااان يالله يااخذك ياحقير شسوووي هسه شلوون اباوع بوجهه فهمنييي ليششش هيييج سووووويت انيي بشنوو اذيتك
تيمور : هههه وشنوو يعني منوو اليان فد شغله عظيمه؟ واذا شافتنه عادي ترا مراح تكدر تسوي أي شيء
_انتَ شنوو من بشر متحس متستحي علئ نفسي ماعندك شووويه خجل كل هل شيء صااار كدام اختك وتكووول عاددي
تيمور : ايي واكثرر من عادي هم وانتِ هم تاخذين الموضوع شغله عاديه وماتتوترين كدامها ولاتحجين شيء واذا سألتج عن الموضوع تكولين انتِ تحبيني وبينه علاقه ولأ تعرفين كلش زين شسوي بيج
_سووي الي تريده مستحيل احجي هيج الاليان راح افضحك كدامها راح اخليها تعرف حقيقتك والله اذا ماخليتك تتندم
تيمور : ههههه اووك روحي احجي الايان بس قبل هل شيء خلي احجيلج شغله صغيره اكو كامرات بغرفتي سجلت كلشي صاار بينه حالياً بوساتي الج تقربي منج كلشي يعني اكو اضافات جديده لموضوعنه
بقيت صافنه بوجهه واني دموعي تنزل بصمت بعمري ماشفت انسان انذل منه هذا شيحس شلون يفكر يالله دخيلك اني شورطني وياه
تيمور : مصدومه شبيج شو سكتي ؟ عبالج اني سهل وتفوت عليه هل تصرفات جؤ غلطانه يحلوه اكدر هسه اركب عليج كل فيديو يعجبني واخليج انتِ شخصياً متعرفين نفسج ليش تعبيني واتعبج وليش ماترضين بالواقع خيرتج بين شغلتين يا اما نتزوج يا اما تجيني برجليج ونخلص السالفه بسرعه بس انتِ مصره تشلعين گلبي وتعبيني
ضربته راجدي قووي علئ وجهه درته للجهه الثانيه تفلت عليه وحجيت بصوت مخنوك
_قذررر انتَ واحدد قذر وصخ الله ينتقم منك صدكني مراح ترتاح بحياتك لأن تلعب علئ بنات ناس وتهدد بيهن رب العالمين عادل وجاي يشوف شلوون تصرف راح يعاقبك اشد عقاب كما تدين تدان مراح تفوتلك راح يجي يوم وتتندم علئ هذا تصرفك وتبجي دم وثق بالله بهذاك اليووم اني الي راح اخليك تتندم وتبجي مثل دموعي هسه راح اخليك تتوسل بالرحمه.
عفته وطلعت من الغرفه رحت علئ غرفة اليان مجانت موجوده سحبت نفس بقوه واني احاول اهدي نفسي دخلت للحمام غسلت وجهي اغسل ودموعي تنزل بقيت ابجي وحدي
ماكدر حته احجي ويه اليان بعد شسوي هسه شلون اتصرف احجيلها الحقيقه لوو اسكت
هذا واحد قذر كلشي اتوقع يطلع منه ينشر كلشي عليه ويخلي سيرتي علئ كل السان
مسحت دموعي حيل وطلعت من الغرفه نزلت جوه جانت اليان كاعده ويه عماتها وامي وعفاف
من نزلت باوعتلي بتركيز عيونها بيهن الف سؤال نزلت راسي بتوتر رحت كعدت قرب عفاف واني منزله راسي واعصر باصابعي.
عفاف : احجيلنه اليان شلوون خلوج ترجعين
اليان : هوه خطفي كله جان علئ اتفاق واول ماخلص هل اتفاق اني رجعت
شذر : اممم يمكن يكون سؤالي شويه بايخ بس اريد اعرف هم سوولج شيء يعني ..
اليان : مسولي شيء افتهمو مخطفوني حته يأذوني بالعكس جانو حيل لطيفين وياي وعتبروني وحده من العائله خلوني وياه اهلهم مجرد بعدوني عن بيتي لاكثر
آيلا : يعني شنوو جنتي كاعده وياهم بأراتج؟
اليان : لأ موو بأراتي بس جنت ماعرف الموضوع كامل بعدين من عرفت انتظرت يجي بابا ويرجعني يعني كاعده بس ماسوي أي مشاكل هيج
صفاء : الحمدالله ع كل حال المهم رجعتي سالمه
صبا : أي صح
شذر : شنوو رأيج تجين ويانه لبيتنه تغيرين من نفسيتج وتبقين يمنه كم يوم
اليان : شكراً حبيبتي بس اريد ارتاح شويه اجيكم غير يوم انشالله.
آيلا : من تجين مري علينه نشوفج واخذج للمزرعه مالتنه كلش راح تحبيها
جنان : أي ع يوم نجي عليكم اني وياها
آيلا : كل الهلا بيكم صدوك اليان سمعت بيج تشتغلين ويه عموو بالشركه صح
اليان : يومين اشتغلت ونخطفت
آيلا : اممم معندج حض لعد
اليان : عادي الايام الجايه ارجع بيهن بقوه
آيلا : أي عموو يوظف بنته مره طلبت منه ماقبل يوظفني.
اليان : انتِ ممكمله جامعتج وماعندج خبره بهل مجال اكيد يريدج طورين من نفسج يلا يوظفج.
آيلا : اممم أي
جميله : يلا ماما تأخرنه خلينه نروح نرجع غير يوم ونشوف اليان
اليان : بعد وكت خاله
جميله : حبيبتي ماماتي نجيج غير يوم انشالله
اليان : خاله ممكن تخلين اريانا هنا.
بلعت ريكي بتوتر من كالت هيج ماريد ابقه كرهت هل مكان من ورا تصرفاات تيمور ابتسمت امي وكالت
جميله : ايي عادي خليها بس باجر لازم ترجع اخوها مايقبل ليوم راح اقنعه علمودج
اليان : شكراً حبيبتي
عفاف : يلا مع السلامه
اليان : الله يسلمج حبيبتي هلا بيكم
سلمو علئ اليان وطلعو بقيت اني كاعده ومدنكه متوتره حيل اكيد خلتني ابقه يمها حته تحجي وياي موضوع تيمور
بقينه كاعدين ويه عماتها صار اليل حضرو العشه كعدنه كلنه سويه علئ طاوله الطعام حته الولد تيمور وساهر وقصي واحد من ولد عمهم اسمه زيد وعمهم اسمه خليل وابو اليان
صارت جمعه عائليه شذر ماشالت عينها من تيمور وهوه مركز بوجهي اليان تباوعلي وتباوع لتيمور واني مدنكه وبطني تمغص بيه
قصي : واخيراً رجعت التمت عائلتنه
ساهر : الحمدالله
تيمور : شلون صرتي حبيبتي اليان ..؟
اليان : بخير
تيمور : الحمدالله اعرفج قويه متهمج هيج امور بسرعه تتخطين المواضيع.
اليان : موو كلشي اتخطاه بسرعه اكوو امور ادرسها زين واعبرها بمهارتي
زيد : يعجبني تفكيرج
اليان : شكراً
يحجون بـ الألغاز واحد يبسمر الثاني اليان تعرف تيموور كلش زين وتعرف تفكيره هوه يحجي ويتبسم بكل حقاره ماهامه أي بشر غير نفسه
خلصنه عشه كعدنه كلنه بالصاله جابولنه كهوه نشرب بقو يحجون بيناتهم كلام عادي
تيمور مخلي رجل علئ رجل مرجع راسه علئ القنفه مخلي ايده علئ طول القنفه ويدخن ويباوعلي من فوك لتحت
انيي من يمي خجلت وتوترت هوه ولا هامه ولا عبالك كاعدين كدامه اشخاص ماخذ راحته ع اخرر يسحب نفس قوي من الجكاره ويزفرها شويه
واتصل جهاز تيمور باوعله تافف بضوجه كام من مكانه وطلع من طلع يلا حسيت نفسي اكدر اتنفس حيل جنت مختنكه منه وماكدر حته ارفع راسي كل مارفعه اشوفه يباوعلي
شذر اول ماطلع راحت وراه مادري هل عائله من شنوو متكونه ماعدها خجل ابد ولاشخص ياخاف من اهله ابد هيه رغم امها واخوها كاعدين طلعت وراه
جنت مدنكه وافكر خلت ايدها اليان علئ فخذ رجلي وهمستلي بهدوء
اليان : اريانا تعالي نصعد لغرفتي اريد احجي وياج موضوع مهم
_ءأ.. تمام
اليان : صاعده كدامج تعاي وراي
هزيت راسي بـ أي عافتني وصعدت لغرفتها ڪمت من مكاني جنت اريد اصعد شفت شذر لازمه تيمور من ازار قميصه وتحجي وياه
صاار عندي فضول أعرف شنوو يحجونٍ وهل نڪس بشنوو قانعها او مهددها معقوله تڪون ضحيه مثلي؟
تقربت يم الباب اسمع شنوو يحجي وياها جان تڪول ..
شذر : ترا الكل انتبهه علئ نظراتك اتجاه اريانا شنوو تيمور مليت مني لهل درجه صرت متحبني وين راح كلامك احنه شنوو جنه متفقين
تيمور : اني ماحب بنات رخيصات احب البنيه الشريفه الي متنطي بنفسها لأي بشر
شذر : بس انتَ تعرفني احبك او ..
تيمور : اوو شنوو هاا شنوو عبالج اني ماعرف تسوين من وراي ؟ علئ منوو تلعبين شذر انيي تيموور نسيتي شنوو اڪدر اسوي بيج اعرف ابسط الامور عنج تروحين للفندق وياه وتڪضين ليالي وتجين تسوين نفسج مسكينه ڪدامي فيديوهاتج انتِ وهذاك العار يمي سمعتي يعني اڪدر بحرڪت اصبع وحده افضحكم فضيحه واخليكم علئ ڪل لسااان اكدر اخليج فرجه للعالم ڪله
خليت ايدي علئ حلڪي مصدومه هذا شديحجي شنوو هل كلام مجاي استوعب شيء ياربي دخيلك
جنت واڪفه ومصدومه من ڪلامه مادري شلوون لخصني هل انساان من صدك محد يڪدر يغلبه اول ماشافني ابتسم تك خد ورفعلي حاجب
احس كل جسمي صاار يرجف من شفت نظراته صعدت لغرفة اليان اركض.
دخلت للغرفه وسديت الباب وراي واني متوتره حيل جانت اليان كاعده علئ السرير وتباوعلي بستغراب
اليان : شڪوو؟
_ءءء ماڪو ماڪو شيء
اليان : ماعرفتج والله انتِ نفسج اريانا اختي وصديقة طفولتي لوو غيرها تصرفاتج ابد مجاي تعجبني.
_اليان فدوة لاتفهميني غلط الصار كله اني مجنت راضيه عليه
اليان : عمري مافهمتج غلط ولا راح افهمج بيوم اريد اسمع كلشي منج أشرحيلي ليش هيج سويتي ويه اخووي من شوڪت انتِ وتيمور علئ علاقه
بلعت ريڪي بخوف مادري شنوو اجاوبها وشحجيلها اذا فضحت تيمور راح اوڪع مشكله واذا سويت نفسي بينه علاقه راح اخسر ثقه صديقتي بيه
اليان : شبيج شوو سڪتي متحچين
_هوه اني احب اخوج تيمور
فتحت عيونها مصدومه ڪامت من مكانها واجت يمي لزمتني من ڪتافي بقوه وهزتني بغضب
اليان : انتِ تخببببلتي مالڪيتي غييير تيمووور تحبي ولج شفتيييي منه شلوون خلاج تنخدعين بيه انتِ موو جنتي تڪرهينه شلوون حبيتي بهل سرعه فهميني شتغير
_مادري مادري صح جنت اڪرهه بس هسه صرت احبه وحته راح نتزوج
اليان : تزوجون؟؟
_أي هوه كال راح يطلب ايدي للزواج
اليان : هههه لج هذا جذاااااب اڪبرر جذاااب ضحك علئ بنات هووواي غيرج واخذ شرفهن منهن وعافهم مجرد يتسله وياهم ڪم يوم يكضي وڪت لاڪثر
دنڪت راسي واني ابجي المشڪله اعرف بكل هل امور وماكدر احجي واتقبل واني ساڪته
اليان : ارفعي راسج اريانا باوعيلي انتِ اختي انيي اريدج الخير والله رغم تيمور اخوووي بس انيي احجيها الج ابد ميناسبج ابدد مترهمين وياه انتِ تستاهلين شخص احسن منه هوه نسونجي ابو سوالف مڪسره انتِ جوهره شلوون تخلينه يدناج احجي صاار شيء بينڪم خليتي يتقرب منج احجييي
_لأ والله مصــار شيء وليوم باسني بالڪوه حته جنت ابجي وادفع بيه
اليان : شفتي يريد بس ياخذ منج مصالحه هوه لوو صدك يحبج ميفڪر بهيج سوالف وياج جان اهتم بيج دللج خلاج تحسين بالحب اتجاهه ميفكر بشهوته ومصالحه
_شسوي اليان مابيدي شيء والله هوه يكول احبج واريد اخطبج واني حايره شلوون اتصرف
اليان : شنوو مابيدج شيء ڪلشي بيدج انتِ تقررين حياتج ويه منوو تڪون لادمرين نفسج ويه تيمور وعمرج لاتتعلقين بيه لأن راح تعبين حيل لأن هوه مايثبت علئ بنيه وحده ڪل يوم وحده شڪل اذا ترتبطين بيه راح تعبين حيل وتتندمين بعدين عاد من هسه ابتعدي عنه
_مادري حايره وخايفه حيل
اليان : اني وياج لاتخافين ابد كلشي يريده منج بس احجيلي اني اخلي يعوفج غصباً عليه
حضنتها واني مقهوره و شڪدد خلتني ارتاح بهذا كلامها ياريت لوو اڪدر احجيلج الحقيقه وخليج تساعديني لازم الزملي شيء عليه واهدده مثل مايهددني واخلي يعوفني بحالي.
اليان : اهدي يلا كافي علئ شنو تبچين
_اليان لاتعوفيني وحدي حيل خايفه والله
اليان : من شنوو تيمور شمسويلج مهددج بشي احجيلي
_هاا لا ممهددني بس هيج
اليان : اكيد؟
_أي اكيد
اليان : تمام يلا تعاي اڪعدي
رحت وياها ڪعدنه علئ السرير متوتره حيل افكاري كلها مشوشه اتذكر كلام تيمور ويه شذر هل انسان يعرف كلشي واذا خله واحد براسه يسحب كل معلومات حياته
معقوله اني هم مراقبني يعرف اشياء عني بس اني كلشي ممسويه اووف يالله شهل سالفه
اليان : شبيج ساكته
_مابيه شيء انتِ احجيلي شلون جنتي كاعده ويه الخاطفين شصار وياج هناك
من حجيت هيج بلعت ريكها ودنڪت راسها ستغربت شبيها هاي خليت ايدي علئ ايدها احاجيها
_هاا شو سڪتي
اليان ; تدرين الشخص الي خطفني جان يشتغل ويه بابا بالشركه "
_شنوو شلون ..؟
اليان : جان موظفه عدنه بالشركه وابو مسجون بتهمت سرقه يعني علمود يخلص ابوه خطفني
_لحظه لحظه وضحيلي مافتهمت أي شيء شنوو تهمه سرقه وشنوو موظف عدڪم بالشركه
ابتسمت بهدوء وحجتلي كل السالفه بقيت صافنه ودايخه بكلامها
_زين اذا ابوه ممسوي هيج منوو ممڪن يڪون اخذهن
اليان ; مادري والله
_او هسه شلون انتِ و ابوج راح تبقون متزاعلين متحجيله الحقيقه تفهمي ليش هيج تصرفتي حته ميبقه ضايج
اليان : لا اكيد راح نتصالح واحجيله كل الحقيقه واخلي يبحث موضوع السرقه الصارت حته نڪدر نوصل للفاعل الرأيسي.
_أي احسن لأن ظلمتو انسان بريء
اليان : اوووف اريانا آرون حيل حباب خلاني تعودت عليه حيل هسه احجيلج واتخيله كدامي
_ههههه ليڪون تحبي ولج
اليان : لا شنوو احبه اصلاً هوه خاطب
_يااا شلون عرفتي
اليان : عرفني علئ خطيبته واخته وعمته عرفت عائلته كلها
_هههههه هاي اول مره بحياتي اسمع خاطف يعرف السجينه العنده عن عائلته.
اليان : باعي هوه ماخطفني حتى يعذبني لأ بس حته يطلع ابوه أهتم بيه هواي ونقذني من الموت جان ڪلش حباب وياي
_عزاا شلون نقذج من الموت
اليان ; وڪعت بنص الهور وهوه دخل ورايه وطلعني ونقذني
_اوووي فدوة احس الفتره الي نخطفتي بيها جانت ڪلها مغامرات
اليان : ههههه اي والله متتخيلين المواقف الصارت وياي والاحداث كلها اكشن ومتخطر ع باال ولاجنت متخيله بيوم يصير هيج ويايه.
_الحمدالله عبالي جان يعذب بيج ويضربج
اليان : لا لا ولامره مد ايده عليه وضربني جان يهتم بيه
_امممم اي وبعد شصار مصار احسج حيل فرحانه بيه وتحجين عنه هواي
اليان : لأ ع شنو فرحانه بي بس غير احجيلج الصار شبيج تاخذين ڪلشي بغير تفكير
_هوه شسمه نسيت ؟
اليان : آرون اسمه والحقيقي أيسر
_هااا حلوو حافظه اسمه بصم
اليان : ههههههه اريانا شبيج
_ههههه اني شبيه لو انتِ احجي ولج تحبي موو مبينه من عيونج احجي لاتستحين اختي واعرفج من كلامج حابسه شيء بداخلج ومتردين تحجي فضفضي يلا
اليان : اوووف اريانا اي والله احبه ومادري ليش ومن شوڪت اني هيج افڪر اول مره يعجبني انسان اول مره احس عندي مشاعر تتحرك بداخلي المشڪله خاطب واحس نفسي بلا ڪرامه من احبه شڪد حاولت ماخلي نفسي تتعلق بيه بس غصباً عليه انعجبت بيه مادري ليش.
_والله وماعرف حيل صعب الحب من طرف واحد صدوك هوه يحب خطيبته؟
اليان : أي هواي يحبها وهيه ڪلش حلووه تستاهل يحبها
_اممم لعد انسي وانتِ بعد متڪدرين تشوفينه حاولي تهتمين بانسان ثاني تبعدينه عن تفكيرج الف شخص يتمناج.
اليان : هوه هيج ماريد افڪر بيه بعد ولا اذل نفسي عليه اريده يعيش حياته مرتاح ويه خطيبته وابوه راح ارجع اشتغل والهي نفسي بهل امور.
_عفيه هذا الصح شيلي فڪرت الحب من راسج لأن ماوراه بس العذاب
اليان : الي يسمعج يكول حابه من قبل
_لا بس ادري سالفه الحب شلعان گلب ودوخه راس هيج يعني
اليان :ايي والله عذاب والغيره تكتل تخيلي من اشوفه ويه خطيبته ويبوسها ابجي
_ههههه صدوك تحجين ليش
اليان : والله موبيدي من اشوفه وياها حيل انقهر هسه عندي هنا احسن ع اقل ماشوفهم ڪدامي.
_اوووي حبيبي المغرم الولهان خيولي يروح فدوة لدموعج الف واحد يتمناج والله.
اليان : أي صح يلا انسي خلينه نام حيل دايخه وماكدر اسهر عودوني علئ النومه من وكت
_ههههه ترا بعد وڪت شوفي ساعه هستوها بـ 12
اليان : لعد لوو تشوفين صبيحه تنام من 8
_هاي منوو النوب؟
اليان ; المره الي جنت كاعده عدها بالهور
_هاا
اليان : نعسانه هسه باجر اسوالفلج عن جواهر وصبيحه
_هههه تمام نامي اني منعسانه نازله اسويلي كابتشينو واشرب
اليان ; تمام عمري
عفتها ونزلت جوه جانو مطفين الاضويه مال البيت باقي ضوء قليل بالبيت يعني
كل واحد بغرفته رحت علئ المطبخ اسوي كابتشينو اخلي بالكلاص ماحس غير شخص حضني من خصري من ورا فزيت خايفه اجيت اصرخ همس يم اذني
تيمور ; اششش لاتخافين هذا اني
_تيمور الله يخليك وخر ماريد فضايح ارحم بحالي والله والله اذا يعرف اخوي بلي تسوي يذبحني
تيمور : شحده يوصلج وحگ من نزل القرآن اخفي من الكره الارضيه حته جثه ماخلي اله اثرمه ثرم.
_أذا فڪرت تفكير واحد تأذي شخص من عائلتي ثق بالله اندمك ع الساعه الي صرت بيها لاعبالك ساكته خوف منك لٱ بس ماريد فضايح ماريد اهلي يتأذون بسببي هذا الشي والوحيد الي مسكتني وألا انتَ ابد متخوفني ولا افڪر بيك اصلاً
شمني من ركبتي غمضت عيوني واني خايفه حيل ومتوتره لزمت اديه اريد ابعده همس قريب من اذني
تيمور ; شايفه مدمنين المخدرات هيج صرت مدمن عليج لـيش هيج اريانا ليش تضوجيني ياراحتي.
_وخرر عنيي ياحقير وخرر نكس تافههه انتَ واحد مريض روح تعالج
تيمور : هههه كلشي مابيه بس احبج رايدج من زمان بس متردد اسويلج شي.
_لاتتقرب منييي وخررر حرررام عليك اذا تحب الله وخرر انتَ لوو تحبني متسويلي هيج متهددني متخليني اخاف منك وابجي هذا موو حب هذا مرض هذا حب للتملك تحب تتملك كلشي يعجبك هيج تفڪيرك انتَ
سحب نفس قوي وابتعد عني رجعت خطوات ليورا واني عيوني مليانه دموع وخوف ورعب بداخلي.
تيمور : باجر اطلب ايدج وتوافقين انتِ تمام
_ماريدك شلوون تزوج من بنيه رافضتك
تيمور : ليش رافضه علمود هيثم؟
_ياهيثم انتَ شتحجييي
تيمور : عبالج ماعرف جان اكوو علاقه بينكم
_انتَ مستوعب الكلام الي دتحجيييي ماكووو أي شيء بينه هوه خطبني واهلي وافقو لاكثر ولاقل.
تيمور : والهدايه؟ والرسايل والكعدات بالكوفيات والدروس الي تخلصونها سوييه هيج هذني ممحسوبات
_ءءء أ نتَ منين ..منين تعرف هل معلومات ؟
تيمور : ڪلشي اعرف عنج وعن عائلتج اعرف امور انتِ متعرفيهَـا واول ماطلب أيدج محد يتجرأ ويرفض حته اخوج مسلم لأن راسه بيدي وبكلمه وحده مني يوكع بمشكله وسالفه مالها حل ولا نهاية
بقيت فاتحه عيوني بصدمه هذا شديحجي شنوو لازم علئ اخوي وشلوون يعرف كلشي عنيي
_انتَ منوو وشنوو شغلك مافيا موو انتَ من المافيا متاكده
تيمور : هههههههه شغلي ممحدود كلشي يعجبج اشتغله اكدر اسوي أي شيء بالج.
_تيمور فهمني ليش تسوي هيج وياي فدوة احجيلي اني غلطانه بحقك مسويتلك شيء
تقدم نحوي وهوه يبتسم بهدوء مد ايديه لزم وجهي يمسح بدموعي غمضت عيوني واني متوتره حيل.
تيمور : بمرور الايام راح تعرفين كلشي بس شغله وحده خليها بالج ماذيج اني لاتخافين من تيمور كوني ذيبه احب النساء القويات ماحب الدموع والعواطف.
رفعت راسي اباوع داخل عيونه شديصير ليش احسه غامض حيل واكوو اسرار هواي عنده احس تقربه مني وحبه الي موو عادي ابدد
وراه اشياء هوايه ركز بعيوني هوه دنك راسه علئ راسي يريد يبوس شفتي دفعته من صدره بقوه خليته رجع ليورا
_لاتتقرررب منيييي
عفته وطلعت اركض من المطبخ صعدت لغرفة اليان دخلت للغرفه واني ابجي جانت اليان نايمه كعدت علئ الارض خليت ايدي علئ حلكي اكتم صوت البجي مالتي
كلشي مخربط مجاي افهم أي شيء شنوو تيمور احسه موو طبيعي بيه خبث حقاره انسان متسلط
مع هذا يحاول يلعب بعواطفي ويخليني اتعاطف وياه.
مسحت دموعي وكمت دخلت للحمام غسلت وجهي ورحت تمددت علئ السرير يم اليان بقيت اليل كله اتكلب
افكر بكلام تيمور وخايفه منه هواي وحايره شنوو لازم ع اخوي وياترئ صدك مسلم يوافق ع زواج مالتنه
هوه حيل يكرهه تيمور ومايطيقه رغم ممسويله شيء ماعرف شنوو سبب هل كرهه الي بينهم.
لازم اڪوو سر بيناتهم بس شنوو هل سرر الله اعلم
دخت من التفكير ونمت كعدت ثانيي يوم راسي يوجعني ودايخه حيل
شلت راسي من المخده اباوع اليان موو بالغرفه الساعه بـ 12 الظهر
كمت غسلت وجهي ونزلت جوه جان تيمور كاعد بالحديقه هوه وابوه وياهم رجال ماعرفه ومخلين كومه اوراق ع الطاوله الكدامهم يتناقشون بمواضيع الشغل اعتقد
رحت للمطبخ جانت اليان كاعده وتاكل دولمه.
_صباح الخيرر
اليان : صباح النور تعالي اكعدي ذوقي الدولمه فد شيء رهييب
_لأ ماريد راسي يوجعني بس اريد اشرب جاي وعلاج ورجع للبيت ماما كلتلي ماتاخر ورجع من وكت بس اخذتني النومه.
اليان : ترا بعد وكت اكعدي تغدي وشربي علاج ومن ترتاحين العصر روحي
_لاا اليان انتِ متعرفين مسلم ميقبل
اليان : اهوو شيريد مسلم افندي اكعدي ومعليج بيه
_لا فدوة ماريد مشاكل مالي خلك عرك وياه اسينا فدوة كلاص جاي.
هزت راسها بأي كعدت مقابيل اليان ع ميز الطعام سوتلي جاي اسينا وشربته شويه ودخل تيمور للمطبخ
تيمور : صار ساعه من دزيت ع كلاصات مي وينهم؟
اسينا : العفو نسيت
تيمور : بسرعه حضريهم رجال يريد يروح والكهوه مسويتها زفت
دنكت راسها بتوتر اليان ضاجت حيل واني كذالك
_يلا اليان تعالي انطيني علاج
تيمور : شبيج
_مابيه شيء
تيمور : كومي حبيبي اخذج لدكتوره تشوفج خاف ماخذه برد.
احس جمدت مكاني هذا ماخذ راحته عبالك مرته كدامه اليان هزت ايدها مراضيه دنكت راسي بفشله.
اليان : كومي كومي خليني انطيج علاج بلكي تصحين ع نفسج وتفكرين زين بالي حجيناه لبارحه.
بقه يباوعلها بغضب كمت وياها طلعنه من المطبخ صعدت لغرفتها انطتني علاج شربت وبدلت ملابسي لازم ارجع للبيت مسلم ميقبل ابات عدهم هواي يضوج من تيمور حيل.
نزلنه سويه طلعت ويايه اليان للحديقه راحت علئ الحارس كلتله يوصلني ودعتها وصعدت
اخذني السايق مالتهم لبيتنه وصلني وراح نزلت دكيت الجرس فتحته امي
_هلوو ماماتي
جميله : هلا ماما ادخلي
دخلت وياها حسيت ماما ضايجه ماعرف شبيها جان الكل كاعد يتغده
_سلام عليكم
مسلم : واخيراً شرفتي ست اريانا تذكرتي عندج بيت واهل.
_ليش شكوو ترا أخذت اذن من ماما قبل لا ابقه هناك
مسلم : واني شنوو هناااااا طرطووووور
فززني من صاح بوجهي كام من الطاوله مال الاكل واجه نحوي صارت امي بوجهه
جميله : انتَ شتريد منهاا شمسويه حرام تبات يم بيت خالتها
مسلم : شكوو بايته عدهم انتِ موو تدرين بيهم عدهم شباب متكولين بنيتي صغيره تنغش يلعبون بعقلها ماتفكرين بهيج امور.
حازم : شو ماتعرف تحجي شنوو هل خرط هذا ناسي هاي اختك الي تحجي هيج عليها مع الاسف عليك تشك بتربيتنه الهاا
مسلم : ماشك بس روحاتها هناك وتبات مالهن معنه ابدد
حازم : البنيه جانت مخطوفه وخايفه ورادتها تكون وياها شصار
مسلم : هوه انتَ يابه من يووم يومك منطي لبناتك مجال ومدللهن
حازم : ماطول ابوهن عايش يبقن مدللات ومحد اله حق يحاسبهن غيري سمعت
دمعت عيوني من سمعت كلام بابا حيل فرحت بدفاعه عني خله مسلم يسكت
عفتهم وصعدت لغرفتي جنت متاكده مسلم مراح يقبل لأن بكل مره يمنعني ابات يمهم.
بدلت ملابسي ونزلت جوه جانو مخلصين اكل رحت للمطبخ حميت الاكل وكعدت اكل لان جعت وحسيت نفسي صرت زينه ع علاج
شويه ودخلت عفاف للمطبخ شايله صينيه الاستكاين
عفاف : هاا ولج بزونه تاكلين بوحدج
_هههه شسوي جوعانه
عفاف : اكلج
_شكوو
عفاف : قبل شويه من صعدتي لغرفتج تبدلين ابو تيمور اتصل ع عموو وكله نريد نجي عليكم موضوع شكوو ع شنوو جايين
بلعت الكمه بصعوبه هذا صدك سواها وراح يجي يخطبني بقيت ساكته
عفاف : شبيج شو سكتي شكوو
_جايين يخطبوني
عفاف : ياااااا لمنووو
_لتيمور
عفاف : ههههه اكتملت حته مسلم يتخبل فد مره اريانا احجي الصدك بينكم شيء ليش تضمين عليه
_والله مابينه شيء بس تيمور يريد يخطبني
عفاف : يمكن اني الوحيده الي اشوفه خوش ولد وشخصيته حلوه
_انتِ مدري شنوو عاجبج بيه وين شخصيته
عفاف : كل هذا وتكولين وين شخصيته لج رزانه بكلشي بكلامه باسلوبه بلبسه حته سيارته مختلفه عن باقي السيارات
_ماشالله حافظه كلشي عنه.
عفاف : ههههه احجيلج يعني
_امممم والله مادري اني ماريدت ورافضه هل زواج حيل
عفاف : ليش
_ماحبه
عفاف : عادي من تنخطبون تحبون بعض مو كل العالم تزوجت عن حب مرات يجي الحب بعد الزواج.
بقيت ساكته ماجاوبتها لوو تعرف تيمور بشنوو يهدد بيه حته اقبل
بقت تغسل بالستكاين يمي اني حته الاكل انسدت نفسي منه شلت الاكل غسلت وطلعت للصاله
شويه واجو علينه ابو تيمور وتيمور وياهم عمهم اعتقد.
ساعه بـ 3 العصر نهار الشتاء يطير بسرعه متلحك عليه
جميله : امممم سواها واجه يخطبج
_أي
جميله : ادعي يوافق اخوج اذا رفض اخليج غصباً عليج تعوفينه عبالج اخليج براحتج ساكته علمود مأذيج بس من اشوفج طلعتي من الطريق اكص جناحاتج بيدي
هزيت راسي بأي ومجاوبتها امي مرات هم تكون قاسيه وياي احن شخص بالعائله بابا
همه كلهم يحبوني بس متسلطين وميخلون الشخص براحته ابدد
سوت عفاف ضيافه الهم راح ريان كعد ويه ابوه بالاستقبال.
شويه ودخل مسلم للبيت ياخذ الكهوه م̷ـــِْن ايد عفاف باوعلي بنظره ماعرف شلوون افسرها
احس بيها معاني هواي غضب عدم رضئ شك كلشي اخذ الصينيه وطلع اجت كعدت يمنه عفاف
عفاف : الله يستر مسلم وجهه مكلوب كلاب
جميله : ايي والله يمه الله يستر.
بقيت كاعده علئ نار اريد اعرف شنوو حجو وياترئ مسلم راح يوافق او لأ
بقو يمنه تقريباً ساعه ونص وراحو اول ماطلعو دخل بابا ومسلم للبيت اني كاعده ومنزله راسي بتوتر وخوف.
جميله : هاا شعدهم
حازم : جايين خطابه
جميله : لمنوو؟
مسلم : ع اساس ماتعرفين لمنوو
جميله : شمدريني اشم كف ايدي
مسلم : لتيمور افندي اكوو غيره انيي موو من الاول گلت الكم هل عار مخلي عينه علئ اختي
حازم : مسلم اكرمنه بسكوتك رحمه للكائنات موو كل سالفه تصير تفسرها ع كيفك
مسلم : انتَ صاير هواي تنزعج من كلامي
حازم ; لأن كلامك مابي معنه حيييل
جميله : شبيكم صدك جذب تتعاركون
حازم : مانتعارك عليمن العرك
جميله : هسه شنوو شصار شكلتولهم موفقين.
حازم : بالنسبه الي ماعندي أي اعتراض بس لازم اسمع رأي اريانا اول.
جنت مدنكه واعصر بصابعي حيل خايفه ومتوتره.
مسلم : احجي اريانا موافقه تزوجين تيمور؟
رفعت راسي اباوعله خايفه حيل ومتوتره ماعرف شنوو اجاوبه.
حازم : احجي بابا موافقه حته نرد الهم خبر
