رواية الإرهابي وذات النقاب الجزء الثاني الفصل الثاني عشر بقلم ام غايب
هلي آنه الهذآك ..
المآ اجآكم مره عآتبكم !
تجرحونه ، ويكول اعزآز
خاف بـ يوم يخسركم ..
هلي آنه الوجع متروس
وآضحك بـ الجذب لآزم !!
هلي آنه اللون مريت
يبدي منآدس الوآدم !!
خضر-بعدني ممكمل كلتي كلي فجأه
حمصه-اطلع وعوفني خضر نعلت ام السالفه عود عبالك سهله
——————————-
حمصه-اصعب لحظات يمر بيهه الانسان من الي من لحمه ودمه ميسألون علي ولا يعبروا
رغم ممقصرين الولد بس حسره بگلبي صارت التمن عليه السوالف رزان مااعرف شراح يصير بيهه وراح ينفذ فواز لو لا
عزوز-تعرف اني كاعد انصدم بيك
حمصه-انت اسكت احسن لتتوقع انساهه الك
عزوز-زعلت من كلامي
حمصه-ليش هيج شتشوفني لك هيج اني برأيك ابد ماانسى كلامك
عزوز-ومراح اتراجع عن كلامي انت كل هذا لان تحب فلك خانم لك النسوان مكوووومات مطي
حمصه-روح عزوز روح
عزوز-ابعد عنهه تخسر خضر
حمصه-لان شاهين وسكتت
عزوز-انت صاير مخبل رسمي والله خل اروح لا اركع راسي بالحائط من وراك
خضر .. تحاجينه اني وحمصه لطش اكله مو قصدي قبل حتى كام يغلط طلعت وعفته من اجوي عزوز وراشد عفتهم وطلعت او مطلعت اتصل راشد
راشد .. شكو خضر شبيكم انت وحمصه
خضر .. دخليولي ميعرف يحجي بس بغلط مخبل والله ، عوفني هسه مالي خلك احجي
راشد .. ماشي من ارجع امرلك راجع للبيت انت
خضر .. اي توكل يلله
رجعت للبيت توني اريد اوصل اتصل عليه عزوز عبالي علمود موضوع حمصه انطيته رفض رجع دك
جاوبته جنت كلش ضايج كتله ها عزوز اذا علمود موضوع حمصه و .... بعدني ممكمل جاوب
عزوز .. لا يمعود يا حمصه مو البارحه كتلك اريدك بشغله وانت اختفيت
خضر .. اي والله رحت علمود الشغل للمدرسه
عزوز .. اي
خضر .. معينين واحد حارس مبيت هو وعائلته
عزوز .. ممتعود على خالد انتَ هيه كلمة ليش تخرزت منهه
خضر .. المحل ما اشتغل بي لو شيصير سد الموضوع هذا باجر اشوف مطعم
عزوز .. تطبخ
خضر .. لا حارس بالكراج مال مطعم
عزوز .. والله ماادري شكلك .. مطاعم ومدارس والمحل موجود
خضر ..انت وشاهين هسه شراكه ماريدكم تخسرون مكتلي شتريد
عزوز .. والله هم ماادري شكلك وروح ابويه لو ما متوازي ما اكول الفلوس مالتي مااريدهن ولا حاسب احسابهن ابد بس هالشهر وضعه تعبان جان اني انطيته بس وروح ابويه شلت الي جمعتهن هذا الشهر بقن ورقتين لازم يدبرن لان اني من انتَ احتاجيت بالهند اداينت من ابن خالتي وهذا الشهر صدمني يريدهن كلهن دفعه وحده وشاهين اطلبه ورقه كال ماعندي لان الي عنده كلهن اشتره بيهن بضاعة
خضر .. ليش تشرح هواي باجر ادبرهن
عزوز .. منيلك
خضر ..عندي خير من الله
سديت الخط منه اختنكت حرت شلون ادبرهن وكل ملكيتي الي بالمحفظه ٤٥ الف بسبب سفرنا ومرضي ومرض ميمونه خلصن ودين وياهن وانسدت بوجهي وراشد قبل اسبوع متداين منه ورقه وكال بعده مقابض رجعت للبيت دخلت لكيت هدوء دخلت الحبوبه تصلي وهمزين جانت نهايه صلاتهه بوستهه وشلت ايدهه ونمت على حضنهه ورجعت ايدهه على شعري
حبوبه .. شبيهه خضيرة
خضر ..سويلي شعري حبوبه ونوميني مخنوك من الدنيا كلهه
حبوبه-شمالك يمه شجرالك
خضر-غمضت عيني وسحبت ايدهه بستهه جنت ضايج من ميمونه واعصابي تلفانه بسبب الدين كلت اذا اصعد هسه واني نار بعدني يصير شي موزين فدائما احب من اضوج ابتعد
بقيت بحضن حبوبه مغمض الحد ما هيه اتصلت عليه
شغلتهه ورجعت غمضت
دزتلي مسج
ميمونه-سمعتك من دخلت للبيت ويم حبوبه انت
اني لان احبك انت كاعد تضيع بروحك وسوالفك مموزونه متحسب حسابي ابد بحياتك اخاف عليك والله اخاف عليك لذلك كتله صدك لو مو علمودك مستحيل احجي
خضر- باوعت
رساله نزلت البرده بدون ماافتحهه بس استفزتني فتحت كل الرساله وكمت من حضن حبوبتي
حبوبه-ها يمه وين كما مخروع
خضر-نسيت شغله حبوبه
صعدت بسرعه مااعرف ماادري شصار بيه فرت فتحت الباب هيه فزت
ميمونه-دزيتله الرساله وجنت لازمه العلبه مال بكرات وكعن دنكت اشيلهن وبكره انفتحت ضوجتني جنت اسويهه انفتحت الباب قوي اني فزيت
خضر-شنو قصدج بلله ست ميمونه انتي شنو قصدج لو متحترميني انتي وركع الباب
ميمونه-اني
خضررر-ايييييييي لعد منوووو
ميمونه-خضر حبيبي بس صوتك
خضر-لج بابا طفل كدامج واجه عليه اني باوعت علي بتعب وملل
ميمونه ليش خابرتي خالد
لان اخاف عليك اخاف عليك خضر والله لو مو خوفي عليك مااحجي اي شي يخصك ماريد اخسرك ماعندي غيرك بهاي الدنيا كلهه
خضر-والرساله
ميمونه-اوضحلك ليش اتصلت بخالد
متحسب حسابي انتي امي ابويه حتى احسب حسابج
ميمونه-اقصد بوجودي وياك متحسب حسابي اذا يصير بيك شي شيصير بيه
خضر-انتي لوتيه عود
ميمونه-والله هذا قصدي خضر يا يوم لتجاوزت عليك بالكلام وتقربت علي
خضر-مااعرف ضجت ميمونه كلش ضجت
تقربت
ميمونه-وابتسمت والله اخاف عليك بقه يباوع عليه ورافع حاجبه بسته بخده جنت خايفه وافكر شحيخلصهه من يجي انوب يووو بقه شايل خشمه ويحجي بنتره حتى من تمدد دار وجهه عني تمددت وبقيت اباوع عل سكف ومجتفه ايدي وابتسمت ياربي شحيخلصهه ويه زعلة خضر
تذكرت من زعل عليه من جنه بالهند يا يابه كرهني بحياتي
خضر
خضر
مو احجي وياك
خضر-شكووو متكولين بشر انطمر
ميمونه-خضر مو اعتذرت
دار شوكت اعتذرتي
عزه لعد قبل شويه منو اعتذر
وين اعتذارج هذا وينه
بستك بخدك
لا والله طفل كدامج
شسوي لعد
ماادري
اسفه
دار وجهه صفح واستغفر بابا شبيج طفل اني بستك بخدك واسفه مقتنعه انتي
لعدددد شكول
دار عليه اعلمج يعني
اي كلي شكول وشسوي
تقربي اكثر
ابتسمت
قربي وجهج من وجهي وخلي ايدج على خدي وكولي حبيبي اني اتنفسك قاطعته
وانت الدنيا وانت كلشي بحياتي انت احلى شي صار اليه
خضر-جذابه كلتي ذيج المره ساعة السوده
ميمونه-وانت كلت هم
خضر-احلى ساعه واحلى يوم الي مستحيل انسى هو من شفت عينج عود ليش هيج عيونج
ابتسمت
وابتسامتج خوب اخرب عليهه ودموعج تحرك بگلبي عبالك تيزاب
ميمونه-ليش لعد تبجيني
خضر-هاااا مبجيج اني المو ادمي
ميمونه -اووف خضر مو هو تتحجج
خضر-سحبني علي اكثر اتصل علي شاهين لان جان يمه الموبايل ابتسم
ميمونه-شبيك
خضر-مدري الناس متوصيه عليه من اريدج جاوبه وكله هسه انزل مقبل ينزل اله تقربلي ونزل سبح وطلع بسرعه
ميمونه- واني هم نزلت سبحت وغسلت الملابس طلعت جنت لابسه دشداشه وروب تفاجئت
شفت حذاء خضر ب باب غرفة حبوبه رحت ردت ادخل يم حبوبه عبالي من قبل شويه الحذاء سمعتهه موجود تفاجئت بسرعه رجع وسمعت حبوبه تكله
حبوبه ..خوب حضن ام تك وتك لو ممدفيتك ميمونه اليوم كل شويه تجي الحضني
خصر .. لا طبعاً
ميمونه .. دخلت كبل عيوني صارت نار
خضر .. هاي ميمونتي حضنهه يخبل بس حضنج هم يخبل مااكدر استغني عنه .. هاي ها اجت
ميمونه .. باوعت علي مقهورة كتله شوكت اجيت
حبوبه .. جا ام تك وتك هيج اليتلكه كليله الله يساعدك حبيبي
خضر .. كليلهه حبوبه علميهه
ميمونه ..ليش كل مره منو يكلك الله يساعدك حبيبي
خضر .. انه اخوك هاي رزلتني جنهه حبوبه شبيج ام تك وتك اليوم
ميمونه .. مابيه بس كتلك منو يكلك مو اني كل متجي اكلك الله يساعدك حبيبي
خضر .. يعني مسويه فضل عليه مو
ميمونه .. انت تتحجج
خضر .. تعالي انطيني ايدج خل اكوم
ميمونه .. تقربت علي انطيته ايدي وكام .. عصرهه حيل
وهمس .. مشتاق ام تك وتك حيل ومحتاج حضنهه لام تك وتك
ميمونه ..بزونتي وين
خضر .. اكلج مشتاق
ميمونه .. سكتت ومشيت قبله صعدت كلي وين كتله توني طالعه من الحمام اريد امشط اذا ممشطته هسه يضوجني
خضر ..امشطلج
ميمونه .. درت علي تذكرت الايام الي يمشطلي بيهه كتله متغير هواي وصلت مرحله اتمنى ارجع اتمرض
خضر .. اسم الله مخبله انتي
ميمونه .. لان جنت تهتم بيه هسه لا
خضر .. لتحجيهه بعد تتمنى تتمرض الخبله وتعالي خل نسولف واكلج ليش تحسيني متغير
ميمونه ..صعدت كدامه اول مدخلت هو ورايه طبك الباب وسحبني فزيت شبيك
خضر ..لج شنو تحجين هيج صرفه الله يبعدنه شكد اكره ذيج الايام ، وحضني حيل ورجع كال
ميمونتي والله احبج وتقصيري وياج بسبب اللود الي عليه
ميمونه .. مو هذا خالد خوب ضابط واكثر الوقت ويه عائلته اني مختنكه من جهه ام خالد وحقهه وفلك تلح عليه تكول اريد اطلع منا
خضر .. وين نروح ميمونه
ميمونه .. بيتنا غير
خضر .. ميمونه حبي افهمي الوضع
ميمونه .. الوضع طبيعي ابن فلك ورجع وخلصنه
خضر .. ايجار ذاك وهذا بلاش فهمي
ميمونه .. باوعت علي يعني راح نبقه هنا ، حتى ملحكت اتمتع ببيتي انت علمود الايجار جبتنه لو علمود موضوع فلك مكاعد افهم
خضر .. الاثنين ميمونه
ميمونه ..انت كاعد تتأخر يوميه وبيتنا تكول ماكو خاف انوب تطلع متزوج خضر .. ضحك رأساً
خضر .. انتِ مخبله والله وباسني بركبتي
ميمونه .. وخر خضر وجاوب والله متغير انت
خضر .. وج هو اني مكضيهه ادور شغل
ميمونه ..شوف .. شوف مو علساس تشتغل بالمحل تجذب عليه مو
وعفته ووخرت والله يا خضر اذا اكتشفت تخوني غير لو تلعب منا ومنا
سحبني وحضني
خضر .. اي شتسوين
ميمونه .. اموتك والله شنو والله كلبي يوجعني بس اتخايل جنت مااشك بيك بس صدك كلام وسكتت
خضر .. مو اكول ام تك وتك مكلوبه عليه منو كملي كلام منو
ميمونه .. كلامي
خضر .. كلامج ، جذابه .. احجي من الاخير احس وره هالسوالف ام المشاكل اختج قابل مااعرفهه
ميمونه .. لا .. دنك عليه وعضني من خشمي خفيف
خضر .. لج احبج والله واعشقج واتنفسج وماافكر بس بيج انتِ ،انتي اهم شي الي بهاي الدنيا سحبني ومشاني وهو حاضني ونومني على الجربايه
ميمونه .. اني هم احبك والله اريد تهتم بيه و
خضر .. هو اني شعندي غيرج بالدنيا كلهه بس عذريني باجر بلكي الكه شغل واعوضج عن كلشي تحتاجي
ميمونه .. احتاجك الك وبس كلشي مو مهم عندي انت المهم ،كام يباوع عليه وابتسم
خضر .. ميمونتي تعرفين انتي احلى شي صار الي بهاي الدنيا من انولدت او بالاحرى من ماتوا اهلي لحدما التقيت بيج انتي احلى شي شي صار الي والله
مرت عشر ايام خضر بلش شغل بشركه اهليه حارس ليليي كام بالنهار يتواجد وبليل يروح من الساعه السته العصر الحد الساعه السته الصبح يجي هلكان وعيونه حمر
ام خالد يوميه تسمعني كلام مراغبين بوجودنا ومرتين صار جدال بينهه وبين فلك من تنزل طبيعي تنزل فلك لان مرات تجوع او تختنك فوك بس ام خالد كبل تهجم عليهه
خاله ام قاسم مكاعد نكدر نوصل الهه منعرف السبب وكل مااكول ال خضر يكلي من اكعد من النوم او شوف شنو واني التهي وهو هم ميتصل ولا يحاول ، الدوره الشهريه اختفت واني هم احس وضعي مو تمام لعبان نفس ودوخه واكثر الوقت طلبت من خضر ياخذني للدكتوره كلي باجر بس وضعي تعب ادوخ واحس الدنيا تفتر بيه والمي مااشتهي كالت حبوبه حامل بس اني كلت خاف الفايروس رجع الي ومنعت خضر يتقرب الي بس هو كال مادام ماخذين لقاح ماكو عدوه وماكو فايروس رزلني يكلي ماكو هيج شي وديربالج حتى تفكرين بهذا الشي
من اجه خضر وشاف وضعي كلش تعبان شبكني وكام يعتذر مني بوقتهه كلي طالع اول ماأجه اني طلعت ورا سمعته اول مطلع اتصل مااعرف بمنو وكله لازم تدبرلي ١٠٠٠ ألف عرفت ماعنده فلوس لذلك حاير واتأخر عليه انقهرت حيل علموده ورحت للغرفه تمددت لان ماعندي قابليه شويه ودخلت فلك عليه
فلك .. شلون صرتي
ميمونه .. زينه
فلك .. مبين حامل انتِ طبعاً
ميمونه .. فلك شكد عندج فلوس
فلك .. ماعندي والله اصلاً خلصت اريد اروح البيتي مو وضعيه هاي
ميمونه .. انوب فلك خلصت فلوس لازم خضر يجيب اغراض علي وخضر كال فلك متكدر تبيع اي شي او اي فلس تلزمه اله يطلعون شهادة وفاة الزوجهه وزوجهه ماله اي اثر لا جثه ولا شي يثبت وفاته
بدت تسوء الاوضاع كله بسبب مرضي
فلك .. عندي اخر ١٠ حروح اشتري حليب وحفاظات ال علوش
ميمونه .. وحدج
فلك .. العده خلصتهه واني جبيره تره ميمونه مليت من تحكم رجلج فهمي ماله دخل بيه ممسويه شي غلط
ميمونه .. جيبيلي وياج كشف حمل
فلك .. ماشي وفهمي رجلج
ميمونه .. اي بس مو تطلعين هواي
فلك .. وين قابل اولي
......................
فلك .. جنت كاعده فوك ابدل العلوكي دك موبايلي رساله باوعت عليهه رقم فتحتهه وقريتهه
................................ وكاتب بالنهايه حمصه ابتسمت
مجان عندي رصيد اجاوبه نزلت كلت اروح اجيب الرصيد ومحتاجه حليب ال علوكي شفت وضع ميمونه تعبان كل ما اتأمل تعوف خضر اخيب مبينه حامل واذا حامل مصيبه معناهه راح ترتبط بي ونهايتهه الهاويه الغيبه
طلعت من يم ميمونه صار بوجهي علي ابتسم من شافني
علي .. هلو ياب
فلك .. اهلاً
علي .. علوشتي وين
فلك .. فوك
علي .. دجيبي لعد اريد اخذه وياي
فلك .. علي شقاوجي غصب عني تعودت على شقا اول ميشوفني يذب حجايه بالبدايه تجنبته بس من عرفت طبعه هيج ويه الكل ويحب وحده اسمهه غدير عادي كمت اتشاقه ويا ودوم ياخذ علي نزلتله علي وجنت لابسه عباتي ورافعه النقاب
علي .. سالمين وين رايحه
فلك .. للاسواق
علي .. وحدج
فلك .. اي
علي .. منو سمحلج ماعندنا نسوان يطلعن اني اجيبلج
فلك .. شعليك بيه قانونكم على نسوانكم
علي .. مادام انتي
فلك .. مخليته يكمل كلامه كتله رجاءً ما اريد احجي شي يضوجك اني اعزك واعتبرك اخويه بس مااقبل تتحكم بيه تحكم بنسوانكم اني لا وحجيتهه بحديه ونزلت حتى قبله
طلعت من الباب توني مااحس اله اشوف كبالي سياره تطبك
