رواية الإرهابي وذات النقاب الجزء الثاني الفصل الثالث عشر بقلم ام غايب
گبل نزل الجامه خالد
خالد.. شنو وين رايحه ان شاء الله
فلك..تقربت على السيارة وگتله اريد اشتري غراض
خالد.. وحدج، نزل من السياره ابتعدت عن الباب ارتبكت وگمت اجهز كلام اگوله بين مينزل واردد بيني وبين نفسي
حگله انت شعليك لو خاف يغلط اي خل يغلط اوكفه عد حده
وانت منو حتى تغلط... گمت اجاوب روحي واتخايل هيج حيگول قاطع افكاري صوته الي جان بي حديه
خالد.. وحدج تروحين الولد وين لعد
فلك.. علي موجود بس اني اريد اروح
خالد.. شعندج تردين تروحين ويامن متواعده
فلك.. باوعتله بصدمه انت ليش هيج تحجي وياي
خالد.. شلون حجيت وشنو الخلل بكلامي وسؤالي
فلك.. تتهم
خالد.. بس اني متهمت لو انتي عندج شي وعبالج اتهم.... وبعدين ماعدنا نسوان وحدهن يتمشورن عبالي ماموجوده احد مدام علي موجود فهو يجيبلج الأغراض
فلك.. اني مااسمح الأحد....بعدني مامكمله گبل گال وبنبره حاده
خالد.. واني مااسمح وحدا منجن تطلع برا هذا البيت ،مدام ببيتي گاعده
فلك.. انت على شنو تتهم وبعدين اني اريد اروح وراح اروح اليوم من بيتك
خالد.. الله وياج المهم رجعي هسة وشتردين أغراض اني اجيبهن
فلك.. شكراً كلشي مااريد منك
خالد.. براحتج دخلي جوه يالله
فلك.. ماادخل واروح اشتري الي أريده ومن ارجع اخذ ابني واطلع... بيتك على عيني وراسي بس مو من حقك تحجي وتتهمني
فلك.. انقهرت كلش هو منو حتى يفرض عليه حسيت لازم اروح كرامتي متسمحلي ارجع يعني يمشي كلامه عليه وموًبس يمشي نبرته وكلامه عفته ورحت
وهو منو حتى يمشي رحت وعفته
اشتريت من المحل ورجعت وتذكرت ميمونه بنص الطريق وصتني على كاشف الحمل بس مااندل الصيدليه والمحل گوه اندليته
رجعت طبعاً الشباب ولا عبالك شي اسود يمشي بالشارع كلشي ممبين مني
و واحد نرفزني من قبل شويه رجعت من يمه هم رد ذب حجايه
العسل ليش رجع اكيد لان حس بيه متت وانتهيت من شفته
فلك.. عساك تموت وتندفن بالگبور ان شاء الله ادردم بيني وبين نفسي بصوت ناصي
.. فديت الصوت
فلك.. و وجعه امداك اي والله غلطت عليه وريحت گلبي يالله ارتاحيت بس مشيت سريع حسيت لحگني همزين شفته من بعيد شاهين گتله بصوت حتى يسمعه هوه ويولي
وصلت لابن عمي تاج راسك راح يعلمك شلون تتحارش بعرضه ومشيت بأتجاه شاهين
وهو شاهين هم اجه يباوع علية مثل الي شاك اني لو غيري
درت وجهي لگيته ماكو الجبان واني تقربت لشاهين جان واگف يم ولد بس عينه عليه من شافني اتقرب تأكد اني هو هم اجه عليه
شاهين.. ام علي... عرفتج من رچلج، اقصد من هذا الي لابسته برچلج
فلك.. همزين شفتك مشكرتك على رجعت علي لومو انتو مااعرف جان هسة بعدني اتحسر عليه وعدتوني انت واحمد
شاهين.. احمد؟... ييوو قصدج حمصه مامتعودين هيج نصيحله بس ليش طالعه وحدج
فلك.. يبوو والله متت ترى متعوده احتياجاتي اني اجيبهن
شاهين.. من جنتي وحدج مضطره هسة احنا خير من الله موجودين بس گولي وأشري شتريدين يوصلج... العالم مترحم وشباب هالوكت مشايفين عبالك
فلك.. راح اروح اليوم
شاهين.. وين تروحين صدگ تحجين بعده الوضع واخاف عليج باوعت عليه گبل گال نخاف عليكم اقصد بعده الوضع بي خطوره
المهم وين رايحه انتي هسة وباوع على أيدي لو راجعه لو خاف تيهتي
ووگعت سبحته من ايده ودنگ عليهه سحبهه من الگاع حسيته متوتر
فلك.. اريد صيدلية ومااندل
شاهين.. هاي قريبه منا خلي اوصلج للبيت واني اجيبلج الي تردي
فلك.. مو اني ميمونه وصتني
شاهين.. ام تك وتك توصيج وتعرف متندلين دتعاي صعدي بالسياره
صعدت بالمقعد الورا گال لو گاعده ليگدام احسن يعرفوني مااشتغل بالسياره تكسي
فلك.. لا عيني مااگدر
شاهين.. ذمه برگبتج من تحتاجين شي گليلي اني اجيبلج ولتطلعين بعد مااحب احد يجيب سيرتج
فلك..تره اني مامسويه شي غلط ليش تحسسوني مسويه جريمه اني مجرد طلعت اشتري احتياچاتي
شاهين.. حشاج من الغلط اعرفج اني شنوا انتي بس ماأحب ينحجي عليج باوعت عليه وگف يم الصيدليه ودار عليه شتريدين من الصيدليه
فلك.. شغله
شاهين.. شنيه
فلك.. شغله
شاهين.. ليش عيب يعني مهمه بس هاي يعني اقصد مهمه
ماادري شگول بس هم بالأسواق اكو
فلك.. لالا... النوب اني جاوبته وخجلت اكثر شگد عيب يربي گمت أگول بگلبي اصلاً مو الي والله
شاهين.. بس بالصيدلية هم شباب
فلك.. مو ألي هاي ميمونه
شاهين.. لو مخليه خضر يجيبلهه احسن
فلك.. صح، صح بس والله مو الي ببالك يمكن شسمه.. النوب بالزايد لصتها.
گتله كشف الحمل
شاهين.. صدگ يعني عليج الله واني وين راح عقلي وضحك.. استغفرالله باع العقل وين شطح شطحة
اني راح انزل يابه
نزل هو يضحك واني فشلت وعرگت امدايه شگد غبيه شسويت لغمطت الدنيا
رجع صعد انطاني علاكه بيها 4 جايب گال كافيات
فلك.. درت وجهي على الجامه ميته خجل
_____________________
ميمونه.. جنت بين المغمضه وبين الگاعده احس روحي رايحه اندگت باب الغرفه گمت واني اسحل بروحي فتحت الباب... خالد عصبي حيل گبل هجم بالكلام
خالد.. اختج كم مره گايلج تحجين وياهه لسانهه طويل ومتحترم ومتحسب حساب احد شنو معنى تصرفاتها
ميمونه.. ليش شصار هوه
خالد.. شنو معنى تفرفر وحدهه
ميمونه.. اختي اول مره تطلع ومحتشمه ماكو شي بارز من ملامح جسمها وحتى وجهه كافي كل مره تسمعونه كلام لا اني ولا هيا رادت تبقى هنا عدها بيت وبيت خالتي هم موجود تروح بي بس انتو مقبلتو
خالد.. طبعاً منقبل لان كل الي صار بأخوتي بسببهه واني من احجي على طلعتها لان بعد منعرف الي يصير
ميمونه.. بس انت گلت تفرفر هالكلمه حسيته...
خالد.. ميمونه عوفي احساسج لتدققين بكل كلمه فهمي اختج متطلع ليش هالجدل
ميمونه.. اني مامجادله بس لان گلت
خالد.. كافي ميمونه انخصمت المسأله هنا
عافني وراح جانت رسل واگفه بس ساكته ومحجت ابد
واول ماراح راحت ورا اني انقهرت احس ماعندي حل لاأكدر اگوللها روحي اخاف عليهه ولا أگدر اضغط على خضر
سمعت صوت صياح خالد ورسل عله صوته وهيا هم عله صوتهه دخلت الغرفتي توني داسد الباب طلع علي هو وابن فلك ويباوع عليه وگال شكو شصاير وتقرب للباب
علي..شكو شوكت اجه خالد وشبيهم
ميمونه.. والله ماادري بس هو اجه هاجم لان فلك طالعه
علي.. هاا يعني رسل غارت هنا الحجي
ميمونه.. ابتسمت الردة فعله گتله الي يشوفك يگول مكتشف اكتشاف
علي.. شبي وجهج شو مو طبيعي... سالمين لك صارت رگع كناتير
ودار وجهه على الباب ورجع دار وجهه عود ليش هيج تغارن انتن النسوان تدرين صار اسبوع غدير متحجي وياي من ورى رچلج
ميمونه.. خضر؟
علي.. لا صلاح
ميمونه.. باوعت عليهه رجع گال كم واحد عندج ميمونه الي يسمعج يگول متزوجه اربعه
ميمونه.. باع سوالفك... طلع خالد عصبي ورگع الباب... سلم علي عليه رد سريع وسألني عن خضر
خالد.. خضر وينه مختفي
ميمونه.. طلع لللشغل اليوم الشفت نهاري عنده هو وصديقه بدل
خالد.. شفت والليل كله ماكو الوضع عاجبج
ميمونه.. اني شعليه هو مطلوب ومتوازي
خالد.. متوازي لان گتله فلوسك ضيعتهن يعوف الشغل ويا شاهين زعطوط... احجي ويا وگليله كبر راسك
علي.. خالد ميصير
خالد.. انت لتحجي وماحاجي وياك اتفهه بعد انت
علي.. رحم الله والديك
ميمونه.. انطاني علي وراح وخالد هم نزل عبالي وره علي يتعارك ويا بس محسبت يطلع لان مسمعت صوت
__________________
فلك.. وصلت ونزلت من السياره باوعت على شاهين الأول مره يباوع علية هيج بحيث مينزل عينه دنگت گبل عيني
شاهين.. علي شلونه محبوب كلش تدرين من اشوفه عبالك شايف ميمونه
فلك.. ابتسمت بس هو ميشوفني گبل تذكرت مدري ليش من گلي حلوه ابتسامتج من عينج
گتله احمد راح يبقى بالسجن باوعلي واختلفت النظره حسيته بي ضاج وبعد عينه عني انقهرت لان بسببي دخل للسجن وحقه يضوج واني ذكرته اني السبب
شاهين.. الله اليعلم بعدنا ممفتهمين
يالله عيني دخلي لتوگفين هيج بالشارع
دخلت صار بوجهي خالد يريد يطلع عصبي وباوعلي بحديه
شاهين.. شخبارك
خالد.. بخير مرتاح كلش
شاهين.. صاير شي
مااحس اله رسل طلعت لابسة جبتهه وگالت همزين اجيت شاهين... خالد گبل دار عليهه
شاهين.. شصاير
رسل.. ماابقى بعد والله لهنا وبس
خالد.. دخلي جوه رسل
رسل.. اريد اروح
شاهين.. شصاير يمعودين
رسل..اخذني شاهين
خالد.. الشارع منا دخلي جوه لاهسه الدنيا احرگهه
رسل.. والله ماابقى بعد
فلك.. اني واگفة بقيت صافنه ورسل من گالت ماابقى بعد صوتهه مثل الخنگه بس صوتهه منسمع
خالد.. رسل تعاي نحجي جوه
فلك.. اني وشاهين واحد يباوع على الثاني بس لفت نظري خالد من حدي ال هادئ من سمع صوتهه بي خنگه
رسل.. مااريد... اريد اروح
خالد.. روحي بس حسبي حساب اذا طلعتي اطلگج ومترجعين بعد
فلك.. انصدمنا وشاهين گال تفاهموا جوه رسل ميصير گدامنا
رسل.. خل يطلگني هوه يريد هالشي اصلاً
خالد.. اريد تشوف اختك... لا تعليق بعد ما احجي تروحين تحسبين حساب كلشي ينتهي وطلع
فلك.. دارت عليه گبل وبحديه
رسل..ارتاحيتي هسة شگد شفت صلفات وموزينات بس مثلج مشفت
شاهين.. رسل
رسل.. اخذني شاهين والله ماابقى بعد
شاهين.. غير افهم
رسل.. اخذني اگلك....هاا شاهين لازم ثگيله اختك
شاهين.. انتي مخبله امشي احسن لان اذا تبقين يسوء الوضع
فلك.. اباوع علية طلع موبايله واتصل گال خالد وطلع واضح حجه ويا بقيت تباوع عليه بحديه وحقد گالتلي
رسل.. أسقط وحدا شافتها عيني
فلك.. عيب عليج
رسل.. تعرفين العيب خطية الله يسلمج همزين تفرفرين بالبيت وحاصره جسمج حصر
فلك.. اذا راح تطلعين بسببي فأكلج ماكو داعي لان اني رايحه اليوم وبخصوص الفره بالبيت اني منازله جوه وحابسه روحي عفتهه ودخلت صعدت فوگ
ميمونه.. حنت اطلع ملابس من الكنتور اريد ابدل ابدل وانزل
فتحت الباب فلك گبل جنت مخليه علي على الجربايه لان مگدرت انزل جنت لابسة الروب من فتحت الباب هو يضم كل الملابس الجوه بس خضر ميقبل انزل بي وخفت يسوي مشكله
فزيت من فتحت فلك للباب گبل هجمت بالكلام
فلك.. لهنا وبس ميمونه بعد وصلت حدها
ميمونه.. شكو وسدي الباب، طبگته حيل وگالتلي وهيا تمشي بأتجاهي
فلك.. راح اروح لبيتي اعيش معززه مكرمه
ميمونه.. يابيت التحجين عنه
فلك.. رجلي بيت رجلي وين اروح ياست قابل منو عدنه
ميمونه.. ماشي بس اهدئي
فلك.. ياهو اليجي يهين بينه تعبت گتلج تعاي وياي نروح
ميمونه.. ورجلي شلون اعوفه
فلك.. رجلج... رجلج اهم من الكل عندج الي باعج وماسئل عنج الي شمرج بحضن حذيفه
ميمونه.. هشش ولج راح تفضحيني
فلك.. وفوگاها تگول ساقطه عليه وابن عمها ال.....
ميمونه.. فلك كافي مااسمحلج بعد...
سحبت علي من الجربايه وهيا عصبيه ورادت تطلع ركضت وراهه جريتها من عبايته وايدها وين رايحه
فلك.. وخري ايدج مالج دخل بيه ابقي يم رجلج انتي اني أدبر اموري
ميمونه.. اذا متخافين على ابنج خافي على امورج
فلك.. مالج دخل بيه انتي
ميمونه.. وابنج اذا صار بي شي وخطفوا فلك متعرفين شديصير بره
فلك.. لعد شلون تعبت من الذل والله شوكت اعيش بدون مااضطر اتحمل احد يهين بيه
ميمونه.. تحملي بس هالفتره وبس مو الخاطر احد الخاطر علي ابنج أأمن شي الكم
فلك.. سحبت ايدي منهه وصعدت فوگ علي گام يبجي غص من البجي يريد ينزل رجعت باوعت على الرسالة لان جان الموبايل مسدود عليهه اول مفتحتها طلعت وبسرعه وخرتها طلعت كارتون لعلي حتى يسكت هو هم سكت سويتله ممه گام يباوع ويغفي واني اتذكر كلام خالد المزعج بقيت لليل منزلت حتى ميمونه كل شويا تصعد ومن تصعد اغطي وجهي واسوي روحي نايمه اخر شي تذكرت الاختبار مال الحمل شطلع لان جبته ألهه حسيت روحي جعت واعرف رجلهه ماكو نزلت
سمعت صوت خضر بالغرفه يصيح وحدي ويه ميمونه بس هيه مالها حس
_____________
ميمونه.. شگد جنت تعبانه وفرحت من سويت اختبار الحمل بحيث حتى الضغط والوجع نسيته جنت منتظره جيته بفارغ الصبر لان ال اثنين حامل طلعت بيهن واصلاً جنت حاسه نزلت سبحت ومكيجت انتظر خضر لان اليوم دوامه عكسي بسبب الولد وفرحانه الهذا الشي لان افتقد حضنه بليل
جنت كاعده امشط شعري جنه فلك من فتحت الباب فزيت وفوكاهه كبل يخزر بيه اني هم كبل كمت كتله اكو شي
خضر .. ميمونه ويخزر
ميمونه .. شكو
خضر .. شكوكت طالعه انتي ......
