رواية سيرة القدر الفصل الثاني عشر بقلم فجر المساري
مرت الايام ومرات اكول اني حبيت محمد لو بس
جنت محتاجه شخص اسند نفسي عليه …
كلت لازم احجي ويه محمد خطية ليش هيج
يتصرف ويه زوجته… .ومره جنت داغسل بالكراج
سمعت صوت جرس الباب وجنت رافعه شالي
والدشداشه نزلتها وعدلت شالي وطلعت اشوف منوو.
فتحته وجان اشوف محمد
بيده شايل علاليك
مسواك هواي سلم عليه رديت السلام… شلونج
سراب ..الحمد لله… وانت عايشين الحمد لله …
محمد هاج اخذي… سراب هاي شنوو وخلاها بالكاع
شنووو هالتصرف…
محمد صاح بيه وكال فوتي الغراض جوه لو اطشرها
بالشارع اخذت المسواك منه فوته جوه وهو واكول
الله يساعدها لزوجتك على هالاعصاب هو سمعني
وضحك… وكال شنوووو قصدج سراب…
اني مخبل… لا مو قصدي هيج يمعود اشكرك
وبارك الله بيك… من ديطلع كتله محمد ممكن
احجي وياك سويه بالحديقة…
محمد… اييي ..كعدنه بالحديقه ع المرجوحه هو
ساكت شفته كتله محمد التفت عليه كتله راح احجي وياك بموضوع بس امانه الله مااريدك
تنفعل او تفهمني غلط… .كلي كووولي…
سراب… محمد ليش هيج تصرف ويه زوجتك
خطية هي حامل وتحبك…
شفته اخذ نفس وكال نـار بـقلبي… ومحد يحس بيه
شنووو اريد بس شسوي للقسمة والنصيب…
كتله انت هسه متزوج انساني وعيش حياتك…
كال اني داحاول انقل شغلي بشركة بفروع محافظات بلكت ابتعد واكدر انسى واحتمال من
اروح اني وياها هـناك اكـدر احـبهاا واكدر اتـفاهم
وياها لان هـنا تعـبت ومحد يحس بيه ..
سراب… اييي بيها الخير ان شاء الله الله يوفقكم
ونسمع منك اخبار حلوووه ويجيكم النونو ويقربكم
من بعض…
كام سلم وطلع…
جان لازم احجي هيج… حتى ينساني واني هم
انساه هو فتره بحياتي ومرت وجنت محتاجه لشخص يسندني مو شخص يتخله عني من اول
مشكله…
فتت للمطبخ وعزلت المسواك جان جايب خضروات
وفواكه وكلت لازم نعتمد اني وخالتي على نفسنا
بهالاثناء فاتت خالتي للمطبخ وكالت هاي منو جايبها
كتلها محمد…
وحجيتلها كل شي وشنوو حجيت وياه حضنتني
وباستني من راسي وكالتلي طووول عمررج
تضحين بسعادتج علموود الناس…
سراب خالة ممكن سؤال… ضحكت وكالت ادري
عن شنووو راح تسئليني عن يـاسر…
ياسر من راح للاردن درس سادس خارجي ونجح
وطلع معدل وسمعت من اهله هسه يشتغل بشركة
اهلية وراح يقدم ع كلية اهلية…
حضنتها وكتلها هاي الاخبار الحلووه…
جنت اتصور اتندم ع الي سواه بيه وكلت راح
انتظره لاخر يووم بحياتي وراح يجي يوم ويرجعلي
حبيبي هو وسهادته بس جنت غلطانه…
ومشت الايام وبديت اداووم بروضة اهلية قريبه
ع البيت وجانت عاديه بين البيت وشغله ودوام
الروضه ماكو اي تغيير وجنت كل يوم اكوول راح
يرجع ياسر وماعرف سبب تمسكي بي حبي اله
رغم الي سواه جنت مستعده اذا يجي ويعتذر
اسامحه وابدي وياه صفحه جديده…
ومرت السنوات واني على نفس وضعي متغيير شي
بحياتي اني وخالتي عايشين وحدنه…
ومرت اربع سنوات ..من عمري واني نفس الروتين
من البيت لروضه ومن الروضه للبيت…
نرجع لمحمد…
بعد اخر مره شفته بيها باشهر طلع نقله للبصرة
وانتقلوا وسمعت صار عدهم ولد وبنيه والولد اسمه
مهند والبنيه اسمها تقئ…
طبعا هالشي سمعته من اهله … .
اني انقطع اي اتصال وياه وغيرت رقمي…
وماكووو ايي اتصال من ياسر بس مرات يجونه
بيت عمي ام ياسر ويكعدون ويسولفون وسمعت
اخواته الاثنين متزوجات فضه وعبير وحده منهم
منتقله لاربيل واخوانه اتزوجوا…
سراب بيوم واني راجعه من الدووام شفت خالتي
كاعده بالباب قلبي انقبض ياستار شكووو خالتي
مو من عوايدهاا تكعد تنتطرني برا ابد…
واني جنت امشي وصلت يمها كتلها شكووو خاله
خير ليش كاعده باب البيت كالت امشي وياي
سراب وين خاله… للبيت عمج ابو ياسر… شصايررر
خالتي… كالت خابروا ويكولون عمج متخربط
ضغطه صاعد دخلت غسلت حتى مبدلت ملابسي
رحت بملابس الدووام خبصتني خالتي يله ويله
وتصيح سراب وينصرتي يله ..اي خاله جايه…
وطلعنه واخذنه تكسي ورحنه عليهم من وصلنه
نزلنه قريب ع بيتهم شفت سيارات وناس وهوسه
خالتي…كالت ياستار …
وصلنه للبيت ونسمع صوت صياح وعياط فتنا جوه
للبيت نركض عليهم…
وكالوا عمي ماااات بلحظه ضغطة صاعد عليه
وماخذي للمستشفى ومتوفى مملحكين عليه الدكتور
متوفى ضغطه عالي ومسيطروا عليه…
وصار التشييع والدفن والفاتحة وملتهين…
وطبعا اني وخالتي متركناهم بقينه يمهم واني
اتصلت بمديره الروضة ست رحاب واخذت اجازه
3 ايام… وثاني يوم الفاتحة جنت بالمطبخ اساعد
البنات وسمعت صوت يكولون ياسر اجـه…
واني احس دكـات قـلبي صارت دك سـريع ومن
سمعت صوته وفات للبيت وهو يصيح يمه ليش
عافني ابويه وراح حتى محضرت جنازته
ولا التشييع مالته ولا الدفن …
اني طلعت شفته وذكرت كل ايامي وياه وفاتت
وحده وبنات اثنين صغار وحده 4 سنوات وحده
3سنوات تقريبا… واني انصدمت هذوله منووو
ويه ياسرررر بس لالالا…… 😲
ومن سمعته كال هاي زوجتي وبناتي… .اني
انصدمت صدمه العمرررر… ويباوع عليه اني
دمعت عيوني … .
معقوله كل هاي السنين واني كاعده انتظر وهم وسراب وحلم جذاب…
وفات وحضن امه وعماته ونسوان عمامه واخواته
.خوانه…
شفته خلال هالسنين متغيير كلش وصايره عنده
لحية وسـمنان وجسـمه صاير يخبل ولبس قاط
اسود وقميص اسود وضل يسـلم عليـهم وهو يبجي
الى ان وصـل يـمي شـافني وبـكل برود سلم عليه
وباوعلي صفح…
شلونج ست سراب… الحمدلله وراح واني فتت
للمطبخ والـوم بنفسي ضيعت سنين عمري بوهم
وسمعت البنات يسولفون ويكولون زوجته اسمها
ندئ واصلها عراقيه بس ساكنه بالاردن قويت نفسي
وحاولت ابين اني مو ضعيفه طلعت وكعدت وياهم
شفته كام وصعد فوك ياسر للغرفة الي جانت غرفتنه
قويت نفسي وصعدت ورا وكلت لازم اليوم احسمها
وياه ولازم افهم منه شلون اتزوج وليش هيج
بلحظه اختفى وبلحظه سافر صعدت وصلت لغرفه
وشفت باب الغرفة مفتوح وهو كاعد ع الجربايه
ومدنك ويبجي ومخلي ايديه ع وجهه واسمع يبجي
بشهكه قويت نفسي ودخلت للغرفه وبلحظه حسيت
رجعت بيه السنين قبل 6 سنوات من جنه متزوجين
وبعدها الغرفة مثل ماهيه ممتغيير بيها شي…
بعدها صـورنا اني وياه معلكه بالغرفه عبالك
ولا يوم عفت هالغرفه ولا بعدنا عن بعض اني وياه
تقربت يمه وكفت وهو اسمعه يبجي واني دموعي
نزلت… .
سراب… ياسر هو رفع راسه مااتحملت كعدت
بالكاع ابجي وكتله ليش هيج سويت بيه انهاريت
حسيت انعاد عليه شريط حياتي طفلي الي فقدته
خيانه ياسر اليه وطلاكي وهواي امووورر…
ليش لنحبهم يرحون بلحظه واني احجي وابجي
هو جان يلزم ايدي وكلي شعندج جايه هـنــا…
جايه تشفين بيه لو جايه حتى تفرحين بفشلي
عبالج ابقى انـسـان فـاشــل طووول عمري… .
ماعندي طمووح غلطانه ست سراب…
سراب اني بقيت صافنه على كلامه وساكته
ولا عندي حياه خلال هالسنين تدمرت من الغربة
وتعبت واشتغلت كل شي…
وعشت وحيد وبجيت على فراك اهـلي ابويه
الي ماات وهو مراضي عليه… ومشفته
درست خارجي وطلعت معدل وقدمت لكلية هندسة
وحدي اعتمدت على نفـسي مـحـد ساعدني
ياست سراب… وكونت شركة باسمي وحدي
وصارت عندي فلوس بعدما احتاج اخذ من ابوية
فلوس حتى تعييريني بيها…
وصارت عندي حياتي الخاصة زوجتي وبناتي الاثنين سارة وسمر ومرتاح بحياتي…
مو كلتي راح تبقى فـاشل شششوفي سسويت وهسه
اريد منـج تطلعين من بيت اهلي وجهج بعد مااريد
اشوفه ولا اسمع اخبارج لان اكــرهج…
بسببج انتي ابويه غضب عليه وعفت اهلي وانحرمت
منهم كـل هالسنين وانحرمت من شوفه ابوية
وابسط شي احظر تشييعه وجنازته والدفن…
سراب اني بقيت فاتحه عيوني ومصددومة وساكته
وهو يحجي واجه عليه وجرني وكومني واشر
بايده على راسي وكلي افتهمتي،…
راح افـوت للحمام اغسل واطلع اشوفج منظفة
الغرفه مااريد اي صورة او اي شي، يخصج
او يذكرني بيج افتهمتي… واني دموعي بس
تنزل … لان راح تصعد زوحتي ندئ وبناتي هـنا
مفهوم… واني بس مصدومه وجان كل كلمه يكولها
مثل الحجر الجبير او السجينه تكطع بقلبي…
وراح فتح الكنتور وطلع خاولي وملابس وفات
للحمام واني مصدومة كعدت بالكاع ابجي مسحت
دموعي وكمت شلت كل صـورنا وغراضنا وجمعتها
بصندوق صغير واخذته وخليته بالمخزن فوك
عدهم غرفه فارغه مسويها مخزن خليتها بي
ونزلت جوه…
واني الوم بنفسي عيشت نفسي بسراب وهم هو
طلكني وموعدني نرجع ليش اني بنيت امالي عليه
المفروض مني بعد مافكر بي بس جنت متصوره
هو تندم ويجي يوم ويصلح كلشي ونرجع بس
جنت متوهمه…
