رواية سيرة القدر الفصل الثالث عشر بقلم فجر المساري
فات للحمام غسل واني بقيت مصدومة من كلامه
وكمت ومسحت دموعي وعزلت الغرفة وشلت صورنا
وغراضنا كلها جمعتها بصندوق صغير وخليته بالمخزن ونزلت وشفت بناته وزوجـته ندى ورحت
يم ام ياسر وسلمت عليها و كتلها عمـه اترخص
عندي باجر دوووام بروضة واهلية وميقبلون بعـد
اغضيب اكثر… ورحت على خالتي وصحتها وكتلها
خالة راح ارجع للبيت مااتحمل بعد ابقى هنا دقيقه وحده
خالتي يمه شبيج…
ياسر صخمني وعزاني واخذت مفاتيح البيت منها
وكتلها ابقى انتي هنا واني راجعه وصعدت اخذت
الصندوق من المخزن ونزلت… من داطلع سمعت
صوت سراب التفتت شفته يـاسر… كلي اوكفي،
لحظة اني اوصلج لبيتكم اني عفته وطلعت مدرت
بال صاح عليه كتله ماريدك توصلني اني اروح
وحدي وكلي…
لعد وين زوجج واطفالج ياست سراب…
اني سكتت مجاوبته عرفته شنو جان يقصد انو اني
بعدني متزوجت كل هالسنين بلا زواج واطفال
وهو ازوج واسـتقر وصـار عنده بنات اثنين عبالك
يتحداني وهو يجرحني بكلامه ومصعدت وياه
مقبلت جرني من ايدي ياسر ماريدك توصلني
اني اروح صاح بيه امششششي… وصعدني بسيارتة
ليكدام وقفل الباب واندار وصعد وطبعا هي سيارة
عمووو الله يرحمه وكال اوصلج قبل لاروح للفاتحة
لان سووها بالقاعة للزلم وبالبيت لنسوان وحرك
السيارة ومشينه مسافة وكلي ..وين عنوانج
خزرته وكتله بعدني بيت عمتي كاعده تعررفة وين.
على مااعتقد…
باوعلي وكلي صـدك بـعدج لـوهم تطلكتي،…
سراب… يـاسر انت شتريد مني شنو هالكلام الجارح
معقوله انت اجيت توصلني،لو حتى ترزلني،..وتسمعني كلام جارح ويغث وتحجي عليه
سكتت واني درت وجهي على الجامه وصلنا للبيت
مديت ايدي دافتح الباب مقفول هو نزل يفتحه
وجان يلزم ايدي وبقى صافن عليه والباب انفتحت
كتله اييي انفتحت الباب ونزلت ركض دافوت للبيت
كلي سراب متضيفين ابن عمج استكان جاي راسي
يوجعني فتنه جوه واني فتت للمطبخ وخليت
القوري ع الطباخ وطلعت استكانات وكعدت على
ميز الطعام وهو فات للمطبخ واجه كعد يمي
خدر الجاي وصبيتله الجاي وقدمته اله ومحجه
ولا كلمه لا هو ولا اني وهو دايخوط بالاستكان
كلي سراب ..انــي اسسسسسف…
وكام يبجي وكتله على شنووو اسسف،واني متحملت
كمت وكفت يم السنك واني كمت ابجي واشهك
وكتله على شنووو اسسف… تدري شلون عايشه
تدري شنوو عانيت من مجتمعنا لان مطلقه يحتقروها
اقرب الناس وزدت بجي ولطمت ع وجهي واني
احجي عليه انهاريت هو اجه وحضني وكلي سراب
شتريدين اسوي، مستعد اعرضج اني،هوااي،اذيتج
وظلمتج والله اتمنى لـو يرجع بيه الزمن وبعد ماعوفج ولا لحظه بقينا تقريبا ساعه واحد
يشكي همومه لثاني حسيت نفسي ارتاحيت وهو
حسيته هم ارتاح وشلون جانت حياتنا والي صار
بينه وهو يحجي وجان يدك تلفونه طلعه شفته
مخلي خلفيه تلفون صوره زوجته وبناته…
هو ابتسم ويحجي ويه زوجته وكلها جاي سده
كتله ياسر… نعم تحبها لزوجتك ندى مثل الخجل
وجهه احمر وكلي اني رايح وطلع ومجاوبني
على سؤالي اتهرب كالعاده وشفته شغل سيارته وراح
واني قفلت الباب ورا وصعدت لغرفتي، ونمت
بفراشي ومااعرف شكد نمت من الوقت وكعدت
وقت متاخر صايره الدنيا لليل … يـاررربي…
شراح يصير بيه اذا لا سامح الله خالتي ماتت شلون
راح اعيش وحدي شلون اتحمل هالحياه والناس،
بتت وحدي بالبيت خالتي بقت بيت عمي نزلت
شويت عشا معكرونه جنت جوعانه وشربت جاي
وتاكدت كل الابواب مقفوله وصعدت لغرفتي قفلتها
ونمت وكعدت من الصبح اتريكت وسويت حملة
تنظيف على البيت شسوي كاعده وحدي اشغل نفسي
بالشغل كملت وسويت كليجه ومعجنات وجان النهار
كلش طويل وبقيت الهي نفسي بالشغل كملت
غسلت وبدلت وكعدت بالحديقة الى ان صار وقت
المغرب واني كاعده وحدي بالحديقة على المرجوحة
وحاطه الشال يمي اذا اندكت الباب ..
وجنت سارحه بافكاري شلون تعرف عليها ياسر
واتزوجها بهالاثناء انفتحت الباب وفاتت خالتي
وياهه ياسر واني فزيت وخليت الشال على راسي
وكفت وسلمت عليهم وكتلهم اكعدوا كعدوا
واني رحت للمطبخ جنت مسويه جاي صبيتلهم
وخليت من الكليجة السويتها بالماعون وقدمتلهم
وخالتي شافت البيت نظيف كالت فدوووه
شنووو هالنظافة ليش هيج متعبة نفسج حبيبتي
كتلها خالة اقضى وقت فراغي احسن من الكعده
وماعندي شي…
ياسر ياكل ويكول الله شكد، مشتهيهه ومماكلها
ياكل ويضحك ويسولف واني بداخلي اكول خطية
انحرم من هواي اشياء وبعدها كمت حضرت عشا
جنت مسويه كبة طلعت منها كليت وسويت زلاطة
كعدنه نتعشا بالحديقة وياسر كعد يحجينا عن
سفره ودراسته ونحجذ مواضيع عاديه…
بهالاثناء اتصلت زوجه ياسر ندى ومن كلامه فهمت
هي معصبه وهو شلون يحاول يراضيها وشلون
يتعامل وياهه وبس يريدها تهدا وجان يترخص
وطلع واني كمت غسلت المواعين وخالتي راحت
لغرفتها واني كملت وصعدت انام بغرفتي،..
ثاني يوم واني بالمطبخ داحضر الغده دك تلفوني
باوعت هاي صديقتي معلمة وداد متصله عليه فتحت
خط سلمت ورديت السلام سئلت شوكت ارجع لدووام
كتلها باجر ان شاء الله اداوووم…
هي متزوجة وعدها ولد واثنين بنات ..وطلبت مني
عنوان بيت خالتي علمود تجي تاخذ من خاطري
على وفاه عمي وانطيتها العنوان والعصر اجتي هي
وامها واختها وبت اخوها واستقبلناهم اني وخالتي
كعدوا يحجون وفتحوا موضوع الزواج اني عبالي
جايه تعزيني على وفاه عمي طلعت جايه تخطبني
لاخوها لان اخوها قبل شهرين زوجته متوفيه
بحادث حريق مالت طباخ خطية وماتت وعدها
3بنات ولد 1 بعده نونو عمره 6اشهر واني انصدمت
بالخطوبة وعرفت البنية الجبيره لمياء الي اجت
وياهم صف سادس علمي والثانية رباب صف رابع
ادبي والثالثة جمانه صف سادس ابتدائي، وياعيني
فهودي نونو 6 اشهر وشفتهم خطية متبهذلين
بالطفل لان اختهم الجبيره لمياء السنة بكلوريا
وتريد تطلع معدل وحسب ماعرفت منهم انو ابوهم
حامد عمره 44 سنة يعني اكبر مني 23 سنة
خالتي بقت ساكته وتباوعلي واني ضليت مصدومه
هما طلعوا…
هاي تاليها اتزوج واحد اكبر مني وعلمود اصير
خدامه عدهم يعني ليش هيج كسرني ياسر وفقدت
اخر امل مع ياسر من شفته متزوج ويعشق زوجته
عايش حياته واني مثل مااني متغيير شي بحياتي
ولا مهتم بيه ولا يمه وخالتي سالتني شنو رايي
كتلها افكر صعدت لغرفتي، واني افكر وكلت ماعندي
احد بهالدنيا اذا عمتي ماتت وين اروح وين انطي
وجهي ومنووو الي والزمن والناس مترحم بقيت
يومين افكر واخذت قراري وانزلت وكلت لخالتي
مووافقه… .
الـحياه ..عبارة عن قـدر ونصـيب،تعيشة سواء
بارادتنه او لا… .
