رواية انت البارود وانا النار الفصل الرابع عشر بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
جـا هيه بـدية حتـى اعوفـك
لـو بيـد عيـني تـحب تشـوفك
سـوده بوجـه الفـراك
چـي خلانـه نشتـاك
هـذا الينـام الليـل خـالي
مـو مثلـي رايـح منـه غالـي
يابـويه وشـگد نـاس عـندي
جـا ليـش اكـضي اللـيل وحـدي
نشكرك على دعمك!
أضف تعليقًا
بـعد ماكـالو وضلو يصيحون تصاوبو تصاوب
وانـا انتضر ضـرغام يحاجيني يكلي سدي الخط انـا رايح ماكو ضـرغام مالة أي صوت ضل الخط مفتوح وانـا اسمع واحد يصيح ويحچي.
الولد: تصاووبب تصاوب الشيخ ضـرغام وكفو الطلق سمعت اسعد يصيح بعلو صوته
ضـرغاااااااامممممم
وضلو ناس تصيح وتحجي وقفوو الرمي ابن الشيخ إيهاب انصاب.
گالـو هيچ وانـا طاح تلفون من أيـدي وكتمت شهكاتي حته ابچي واصرخ محد يسمعني سديت الخط وكعدت ابجي وانـا كاتمه ايدي لا مامستعده اخسر ضـرغام مامستعده انـا اموت بدونـه خليني عايشه ع امل اسمع صوته واعرف طاريه كلشي ماريد بـعد والله ماريد شييي فجاه طبت علية رنـا وكل ضنها الي تصاوب أسعد شافتني ابجي حسبالها صار شي بـ اسعد
1 ت
يمامه: ضـرغام رنـا ضـرغام
رنـا: شبي ضـرغام؟
يمامه: ضـرغام تصاوببب رنـا جنت احجي ويا اكله رجع اخواني وارجع لايصير بيكم شي نوب نوب سمعتهم يكولون تصاوب ألشيخ وضرغام ماله اي صوت بعد ولج راح اموووت
رنـا: اهدي يمامه لحد يحس بيچ ويشك خيـة فدوه اروحلج سكتي ضـرغام قوي لاتخافين علية هسه راح اتصل ع اسعد شي اكيد يجاوبني
يمامه: ڪلشي ماريد رنـا بس سلامه ضـرغام اموت اذا صار بي شي والله أمـوت
رنـا: انتي تحبينه يمام
ماجاوبتها بس دموعي وخوفي علي بهذيچ لحظه جان الجواب يكفي.
شبكتي وحاولت طمني. او تبرد كلبي وكامت تتصل ع اسعد وانـا كمت امسح دموعي واطلع يمهم لحد يشك بشي وانـا عرفت بالي صار.
طلعت بالهول وكعدت يمهم وانـا اهز برجلي والكاع ماشايلتني ضليت انتضر وانتضر رنـا اتصلت على اسعد بس مارد عليها ضلينا ننتضر لحد مـا اجة سالم وابـوي دخلو ركضنا عليهم وحاجتهم امي
خديـجه: وينكم ولكم تردون تموتوني شصار بيكم وينننن اسعد ولك سالم وين اخوك رديت وماجبته وياك وليدي بي شيييي
سـالم: اسعد يم ضـرغام لان الشيخ أنصـاب
شهكت امي وانـا بسرعه دموعي نزلت ع خدي وضليت ابچي وماعرف شسوي وامسح بدموعي لحد يشوفني ردت علية امي
خديـجه: شنهي ولك تصاوب سوده عليه شبي وينه هوه هسه ولك
سـالم: انصـاب بطـنه وهسه هوه بالعمليات اخذنه اچيت اخذ شكم شغله وارجع
ماسمعت حجيهم بـعد واحس راح اطيح ع طولي وافضح روحـي وماكدرت أتنفـس وصدري يذبحني عفتهم ورجعت للغرفه ابچي واعض بالمخده واملخ بشعري ماجاي اصدك شي سمعته ماچاي اصدك
اجتني رنـا تركض
رنـا: يمـامه ولج يمامه ع كيفج وي روحچ ولج بالعمليات والله مابي شي لاتخافين
يمامه: شلون رنـا شلونن مابي شي ضـرغام راح يموت والله راح يموت ولچ اذا مات شسوي عايشه انـا ماتحمل هيج عقوبه والله
نومتني رنـا بحضنها وتمسح بشعري وانـا ابجي واناشغ ورنا تبجي وياي وتحاول تقويني
رنـا: اذا تحبين ضـرغام صيري قويه علموده
يمـامه: بس هوه مايدري بحبي اله
رنـا: مثل ماضميتي حبچ الة ضمي خوفج يمـامه لحد ينتبه عليچ فـدوه صدكي زين ضـرغام مايطيح بسهوله هسه اخابر ع اسعد ونشوف الوضع
ذكرت ايـه هسه شنو وضعها بحال ضـرغام وامه الي تخاف علية من ألهوى ومن نفسها حته خطار جانو يجونه امه جانت تخاف منهم تكول اخاف اخسر وليدي وحيـدي بعد ماطلعت رنـا من الغرفة تتصل ع اسعـد كمت انـا تصلت ع ايـه وبسرعة جاوبتني
ايـه: ولچ يممممـام اخوي راح ولج يـمامهههه
اريد اكض دموعي ماسگت هيه تبجي وانـا ابجي وياها احسيت هيه وحيده اكدر ابجي يمها وافرغ كل حزني وخوفي ع ضرغام
يمـامه: أهدي ايـه فدوه الله يخليج لخاطر امج
احاجيها واسمع امها تصرخ وتبجي وتلطم
ايـه: ولچ كتله لاتروححححح كتله لاتروح امي ماخلته قفل ألباب علينهه وراح ولچ اخووييييي راح اموتتتت
ايـه: اخـوي ماأذه بشر يمام وانتي تعرفينه غريبه حته انتي جاي تبجين عليه شحـالني انـا تريدني ماكطع روحي عمت عيني عليك يابعد اختكككك
حجيت وياها هواي بس ايـه تبجي وحقها واخر كلام
عرفت خطيبها بالمستشفى هم يم ضـرغام ويجي الهم يشوفها
صعدت يم رنـا نمـت رنـا تعبانه باخر اشهره نامت
وانـا ماغمضتلي عيـن لليل كله ابجي واصلي واقره الـه قـران صار الصبح وكعدت رنـا
رنـا: لسه مانايمه
يمـامه: شـلون اغفة وتغمضلي عين وضرغام هناك بين حياه والموت ومانعرف عنه إي شي
رنـا: لاتخافين صار الصبح شي اكيد هسه نعرف وضعه لو صاير فد شي چـان سمعنه قوي روحج يمام اوكفي ع حيلچ
نزلنا انـا وياها ولگيت اسعد بالبيت
ركضت اله وهوه هستوه طـاب
يمـامه: ااسسسعددد يمه خوية وين جنت خوفتنا عليك من البارحه لو صاير بيك شي وين انطي وجهييي
اسعد: ياروحي بعد اخوج مابيه إي شي انـا كدامج
صدكي تمنيت انـا نايم بالمستشفى ولا صاحبي
خديـجه: أسم الله عليك وليدي نشالله ضـرغام صحته زينه شنو صار
اسعد: الطلقه عبرت مادخلت بـطنه وب اعضاء جسمه الحمدلله هذا شي خفف الضرر هواي بس هسه لازم يبقة بالمستشفى يومين هيچ ونطلـعه
رنـا حضريلي ملابس انـا مارجع اضل هناك بس اريد اسبح وارچـع وهم امر ع ام ضـرغام اخذها تشوفة
صعدت رنـا تحضر ملابس لـ اسعد ويروح يم ضـرغام
صار نقاش بين ابوي واسعد ع الي راح يصير
اسعد: طبعاً كلها تعرف لان ضـرغام مو انسان عادي ضـرغام شيـخ وناس كلها تعرفه واذا ضرغام وكف الدنيا كلها ترجف بـوية ومحد يوكف بوجهه ومحدد يكله لا وكلمته ماطيح بـالكاع
همه يحچـون ع ضـرغام وشنو راح يصير بين عشايـر
وشلون تنحل بعد ماتصاوب ضـرغام وشلون كلها حاسبه حساب ضـرغام من هسه وهوه نـايم ومريض بس الكل شايلته اهميه ومحد يوكف بوجهه
اسعد: صدكني بويـة يوكف بوجه ضـرغام مارايد روحه
ابوي مارضه طبعاً بهذا الكلام ودائما يحاول يقلل من قيمت ضـرغام بس اله هيبة يبقـة اله هيبـه لو كل ناس حاولت تسقطه يبـقه عـالي يكفي اسمه راعبـهم
مـر عليـنه العيد وضـرغام بالمستشفى والعيد الكشر مر علينه بكل بيت اكو حزن ونايبه وفقدان شخص من وره ثار العشاير ياريت ماصبح علينه العيد
ضـرغام طلع من مستشفى وصحته شوية احسن
سـالم واسـعد اثنيهن يم ضـرغام ماعافو حته سـالم جان مايطيق ضـرغام هسه هوه يمه الناس والعشاير كلها اجت لـ ضـرغام اكو يـجون لديـوان الي استغل محسن الوضـع وناس تچـي واكو نـاس تروح لبيت ضـرغام وتحمد اله على سلامه
اتصلت ع ايـه اطـمن عليـهم
يـمامه: شلونج أيـه اخوج شلون صار
ايـه: الحمدلله زين شويه احسن بس ملتهيه والله عالم هواي تجينه وماحجيت وياج
يمـامه: مهم انتو بخـير ياگلبي الحمدلله ع سلامته مره ثانيه محتاجين شي تردون شي
ايـه: ماتقصرون والله اخوانچ ماعافو ضـرغام دقيقة
سـالم واسـعد يمـه حته اسمع الشيوخ تكلهم
انـتو ونعم الخـوان صدك لو كالو اخوك بالمواقف واخـوك ماجابته امـك
يمامه: ياروحي انتي بالخـدمه اي شي تردين تحتاج شي بس كليلي مايردچ بس لسانچ
حجيت وياها واسـعد وسـالم ماشفناهم بهاي ايام
لان يم الشيخ وعالم والشيوخ أجت من كل مكـان
وكل منطقه وكل عشيره اجت واهـلي هم امي ومرت ابـوي راحن.وتحمدن سلامه ع اهل ضـرغام
منـا لليل كلت لازم اريح كلبي واسلم ع ضـرغام لان من تمرضت انـا ماعافني وكف ويـاي وتحمد ألي على سـلامه فتحت تـلفون صافنه ماعرف شكتب وشنو اكله
يمامه: الحمدلله ع سلامه خويـة
تعمدت اكوله هيچ رد علية
ضـرغام: كالو باجيه عـلية
عرفت ايـه هيه كايلته لان من اتصلنا انـا ابجي خرب يومج ايـه جفصين بكلشي حلوه بس فاهية لدرجه لسانهااا ماينكض لازم يفلت شلون تورطت هسة.
يمامه: لا تبـالغ خوية انـا خايفة ع اخواني لان تاذو من انته بالمستشفى ويخافون عليك
ضـرغام:يـعني مابجيتي عليـة وي ايـه
يـمامه: لا طبعا خويه مابچيت بس خابرت ايـة لان تصاوبت انته واول مره يصير هيچ موقف وسمعت الاصوات بتلفـون ونرعبت
ضـرغام: أي لان تصلتي علي وصار الي صـار بس عبالي خفتي عليـة
يمامه: لا والله خـوية ماخفت ردت اسلم عليك لان انت وكفاتك حلوه ويـانا ومن تاذيت بسيارتك توديني
يـمامه: وين رايحيـن وهيج لابسيـن يعني مو اكو مشكلة وعرك يااسـعد تريد تخوفنا مره ثانيه بينه مكفينه خويه الله عليك
رد علية سالم
سـالم: بعد اخوج لاتخافين علينه رايحين لان اليـوم راح تصير كعده عشاير ونحلهـا لان احنه مالنه علاقه صابو شخص من عدنـه وضـرغام بالعمليات جان يعني احـنه صاحبين الحـك نشوف شصير بهاي الكعده
كاضم: شنهي ولكم وين رايحيـن
اسعد: الله جابك بويه ننتضرك اليوم الكعده
كاضم: ياكعده ولكم شنهي تردوني اروح
سالم: اي بويه اليوم العشيره كلها هناك ماتصير ماتروح بويه غير ويانه ورفعه راسنه وندخل وراك احنه
كاضم: ماروح انه متوازي تردون ترحون روحو واذا سئلو عليه كلولهم ابوي مريض
اسعد: شنهي بويه خايف تروح وتحجج مو من عوايدك انته تكيف على هيج شغلات
كاظم: اكلكم مابيه مريض سدو مكاني
سالم: براحتك بويه
طلعت امي وشافتهم
خديجه: اللهم صلي على محمد وآل محمد
يمه عين بارده عليكم ترجعون بسلامه
هيج راحو اسعد وسـالم ومانعرف شنو بعد وضلينه ننتضر على نار اهم شي تنحل ونخلص لان ماشايفين راحه ابوي عرفته من ماقبل خايف يروح او يفضح نفسه واضح عليه الخوف لحد العصر اجو اسعد وسـالم
كاضم: ها ولكم تأخرتو شنو صار
اسعد: نطينه مجال بويه خلي نكعد نرتاح
كاضم: شنهي تكعد ترتاح جنت تحش حشيش هوه كاعـدين
سالم: اكعـد بويه هسه انا اسولفلك
كعدنه كل احنه وننتضـر سالـم يسولـف
سعاد: شنهي يبن خديجه نجر كلام منك كوه احجي يبست گلوبـنه
سالـم: اجـو العشايـر من كل المحافظات وعشيـره المقتول هم وضـل يسولفون كلمن يحـجي شكل
كاضم: اي شنهي صارلكم ساعات بس هيج
سالم: نطيني مجال بويه اكمل
سالـم: بقـو يتناقشون وعشيره المقتول كالو احنه حكنه مانسكت عليه
حجه الشيخ ضـرغام
ضـرغام: ياحك الي تحجون عليه انتم واحنه راحت من عدنه زلم ادري شنهي بويه انا الي عندي دجاجة مكتوله وجاي تحاجيني هيج
هسه ماجاي مستطرق بلطريق وكتلني شنهي اعبره اله تايها عشايرنه اكو قتل واضح بس هذا تمرجح واحنه التمرجح ناخذ بكيفنـا عليه زلمه مستهتر ومتعافي اجه كتل ابنه بشارع هوه وحرمته وفوكها يستهتر علينه
شنهي ماله رداد انا اخذ حكي مربع
كاضم: والله خوش حجه شنهي منو جاوبه
رد عليه شيخ عشيره ثانيه
الشيخ: خلينه نسولف شيخنه جا هوه الحك مو بس الك شنهي تخلينه نحجي لو نطلع
محسن: احجي شيخنه براحتك
ضـرغام: احجي شيخ هذا ديوان عكلكم على راسي اسمع الكل بس الحك ينكال
اليشخ: شوف شيخ هاي الشيوخ العبره كلها اجت انا ماجيب واحد سايح كلها شيخ عام وصاحب حموله وشيوخ حظ وبخت
محسن: كام وبعصبيه شنو احنه مو بعينك مابينه حظ وبخت
رد عليه شيخ ثاني وصارت هوسه وكلمن يكول الحك الي
محسن: سدو الموضوع وكافي وياهو الزمه بلشارع اجتله وفضت شنهي مكتول منه جلب كفيلكم العباس اجتلكم كلكم هنا اكو زلمه يلاكيني همه غير بلسطوح لابدين ويرمون كلهم مخانثه
كاضم: والله ونعم منه زلمه معدل محسن
سالم: رادو يطلعون ماوصلو الحل شيخ ضرغام وكام على حيله وكلهم محد يطلع منا اليوم انا صاحب الحك والشور كله بيدي أمر بكيفي
الشيخ: الي تأمر بي بس احنه هم عدنه شرط
ضـرغام: شنهي نوب تشرطون عليه
الشيـخ: تسلمونه قاتل ابني
ضرغام: انا راح احجي ولحد يزعل عليه من رخصت الاجاويد راح احجي كلام حتى لحد يكول ماترهم بديوان ذكرته بس انا اجلالـاً واحتراماً لهذا الاسـم وبيناتـنه ثوابـت
اكو احد كلكم احنه لعبه دش ديرتنا وتكلت ولدنا ونسكت الك شنهي ماعدنه زلم تردكم شوف بويه ابنه ماننطـي الحك النـه ناخـذه منكـم فصل ديـت ميـت
ماخـذ فصل على صوابـي عبنه طاب بس ولدنا تختلـف
محسن: انتـه شجاي تكـول ضرغام شنهي فصل احنـه نريد يسلمـون النـه القاتـل
الشيخ: اذا نسـلم الكـم القاتـل تسلمون النه قاتـل ابنه عبن دمـه بعده مابرد
محسن: شنهي مابـرد هذا كله وتكـول مابـرد
الشيخ: ابـنه نكتـل ضـلم لان هوه مسودن مو بعقـلـه ويخاف من دجاجة يكتـل بشر
كاضم: شنهـي مسودن معقولـه
سالم: اي بويه وجابو تقريـر ابنهـم مو بعقلـه مسودن ويطلع من البيت يدورن عليـه
كاضم: شنهي شلون صفت شنو موقف محسن من كلوله هيج
سالم: مادري بويه اباوعله تخربطت كل اوضعـه
وكلمن يكول شكـل وقسم ختاضـو ورادو يطلعون
من كلام محسـن لان
ضـرغام: خالي انته هذا حوارك تطمس بي جنانه وتخلينه نقفـل بعد حتـى اذا النـه نيه نسوي تراضـي نبطل
الشيـخ: جا شيخ انته ماتشوف كلام عمك اكله مسودن يكلـي تقرير مزور
ضرغام: خالي انته لو تسولـف شي ينتفع من عنده الديوان وطيب خاطر بني....... حتى تنشد الرايـه
انتـه كاعد حجيك ويانه استفزازي تكـول همه ماجايين تكتلونه زين انتـه خالي بس فد سؤال
تدري الي رايحـين يكتلونه منو تدرون الكتلو هوه وجهاله وحرمته
الشيخ: لامادري
ضرغام: انت ماعندك علم وانـا هم ماعندي علم تسلم رحمه الله والديك
لان جان بيناتنا ابو فاضـل طلع ولدنـا وهوه وحرمته بيا وكت الحرمه تنكتل شيخ وياهم ابنهم صغير وثاري همه وراه بسيـارة ومتعبينه لـحد مانزلو عليه وكتلو صايره هاي تصير
الشيخ: هذا الشـي السوه احنـه مانـدري بي مارضينـه وطلعنـاهم من العشـيره لان هاي السـالفه احنـه مانرضـى بيـها تبريـنه منهم لان كسرو الرايـه واحنـه اليوم جايين نحلـه بتراضـي وهاي الاجاويد جايبينـها ويانـه ناس خيـره طبابـه خيـر وفلضكـم علينـه جبيـر ماننسـاه وكفاتكـم. ويانه حلوه ورايديـن الصلـح
ضـرغام: بدايه اهلا وسهلا ومرحبا بيكم وبكل الناس الخيره كل الهلا بيكم ساده واجاويـد بكل
خطوه ميه مرحبا شيـخ محمد طلب توضيح
لابأس بتوضيح احنا مطين عطوه ذنب بس ماكو شكال الخير مرات من يجي يريـد يسـمع لان الخير
من ينتگـل اكو اجاويد تنتكل كبل ساعه من التحويله واكو ناس عايشـه بلقضيـه من بدت
لحد مايوصلوها للفصل واكو ناس يبلغوها كبل
يوم يصير عدها علـم تجـي وتحكـم بس هيـه
ماتعرف بلقضيه شنهي مجرد يسمـع من غيره
ماينقل اله الشي الصدك مو صح اجاويدنه لو غلطان
الكل جاوبه كلامك ذهب شيخنه على راس
الشيخ: هسه احنه نريد تنازل
ضـرغام: ابد لحد يسولف على تنازل ولااحد يراجع عليه عمامي كلكم تسمعون ممنوع تنازل الرايه محلوله بس يكلفله واحد محامي حل الرايه الصبح
لحد يسولف سكتو استريحو كافي وفصل ماتننازل
عنه حك الحرمه والولد الماتو
كاضم: شدعوه عليه ضرغام يتنازل ويسد السالفه
اسعد: شنهي بويه انته تحجي صدك احسك عدونه
انته شسالفتك انته
كاضم: جا شنهي يريد الزلم تتكتل ضرغام
سالم: بويه ضرغام يريد حك موش زلم تتكتل وكل احنه وراه
كاضم: غمان مو بيدكم تمشون وره جهال
اسعد: بويه شنهي جهال سكت عشاير وساده وزلم معكله تكلي جهال لو واحد غيرك جان عرفت شلون ارده
سعاد: خاب شنهي صار نفضت لا
سالم اي فضها بفصل
كاضم: وشكد الفصل والمن يروح
سالم: بويه فصل يروح لاهل سيف وعايلته لابنـه الجبير حط ضرغام ديت ميت كلهم ضرغام
ضرغام: بويه مشايخنـه شيوخ عامه كلكم على راسي
لااطلـع عن القوانيـن ولاعن السناين كلها بلنسبه
كل الاجاويد الموجودة وكل الناس المنكولـه
تعتنـي بهذا الاعتبـار انـا اخذ فصل بحكم القانون
وديه ميت على الواحد شكد لاانقص ولا ازود
واليـوم فصلنـه عن اربع نفرات يصير 800مليون
السيد: شيخنه هاي عماتي كدامك وانا نزعتـها
ضرغام: البسها سيد لاتسوي هيج
السيـد: خليني اكمل انا منكول خير عليكم وهمه
تدري بيهم ماعدهم. وهواي الي طلبت لخاطر هاي العمامه شكد طيح الها واحنه بخدمتك
ضرغام: مارد كلامك سيد وعمامتك تلبسها وانا خادم الك بلي طلبه
السيد: بمكان 800مليون خليهن 500 مليون
ضرغام: الك ولهلك هاي هيه والرايه تنشد حتى وتنعكد على هذا الاتفاق
السيد: خالي هذا اليوم بحضنه وبختنه وكل خيـر
موجود اليـوم بهذا الديوان ديوان الشيخ ضـرغام
الي يمجـد بهاي الشـخصيه المحترمـه الله شاهد
عليـه بيني وما بين الله انا سيد محمد الموسوي
والسـاده الي ويـاي والناس الخيره اهل العگـل
منكوليـن راضيـن علـيك وعلـى كلامـك وعلـى
معروفك وفضلك بس ضلت وحيـده من عنـدك
ضـرغام: كول سيد وانا بخدمتك
السيد: هاي الفلوس اريدها دفعه بله عنـك وعن اهلك بمولاتي فاطمة الزهراء اسأل الله بفاطمه الزهراء عليها السلام ان تشافيـك وتبعد عنك كل بلاه وهاي فلوسك
ضـرغام: ونعم بالساده الطيبين،ماقصرتوا ويانه وكلمتكم بقت عاليه مثل عادتكم
اليوم ثبتتوا إن الكبار مواقف وإن الحق مايضيع بوجود رجال تعرف للصلح قدره
هذا الفصل ماكان بس حل نزاع بين العشائر كان حفظ للوجه والدم والمحبه بين الناس واحنه ماننسه وقفتكم ويانه طول العمر وعمايمكم على راسي
بعد صـار انتهت مشكله وفضت بين عشاير
وضرغام ألي محد كله لا ومحد وكف بوجهه انسان خير ويعـرف شيحجي وشيكول.
بعد الي صار كله وهبطتنه ع اخوي احس حيلي انهد صح اخوي رجع بحيله بس انـا خايفه عليه بعد اكثر وماريد اي شي اريد بس اضل كدام عيونه كدام
طول هاي فترة انـا وهاشم نحجي قليل لان خلصناها عرك بعرك يريد يسوي العرس وانـا ضيم حالي وضرغام تعبان وامي ماتكدر توكف ع حيلها وانـا بالبيت اسوي كلشي وارفضه موضوع العرس بعد الي صار بَ ضـرغام مستحيل افتح ويا هيچ موضوع.
خلصت شغلي صعدت فوك غرفتي لكيت هاشم متصل وحارك تلفون علية
ايـه: أسفه حبيبي بس تعرف شغل وناس وخطار وحدي ماجاي الحك
هاشـم: وانااااا شنيييي زعطوط ابقة انتضرج وتنطيني اعذاررر خبصتيني ترا بـ ضـرغام وصلت حدها وياج ايه مره ثانيه اذا تصلت وجاوبتي تلفون ينكسر براسج
نصدمت شني انـا هاشم هيج يحجي وياي وانـا اخوي مافد يوم كلي ع عينج حاجب
ايـه: لاصيح هاشم احترم نفسك واعرف ويامن جاي تحجي شنو خبصتك بضرغام اخووووي هذا اخوي شني اجيت شفته سلمت عليةةة درت وجهك ورحت مافكرت وكلت انـا نسيبهم غرب توكف وانته لا
هـاشم:ايـه لسانج لايطول والله بعد ماصبر صبرت قبل وياي من اخوچ هسه انتهت تحجين وي اخوج والعرس الاسبوع يجي فاهمه
ايـه: مستحيل اقبل اخوي مايكدررر هسة بياحال اعوفهم محتاجيني عنده علاج ولازم اداري
هاشم: اااااايه ضاهر ماتحترمين شني اخوج ميت عدل ومابي شي
ايـه: هاااشم لاتحجي ع اخوي دير بالك
هاشم: اوصل لحل يلاااا لو انـا لو اخوچ اختاري
ايـه: رجل اذا راح يجي بس الاخ اذا راح مايتبدل واذا توصل وياك مرحله تخيرني بينك وبين اخوي فـ انـا اختار اخوي لان ماوكفت ويانا ولاوياي وانـا هسه بصعب ضرفي
هاشم: تمام اذا هيچ راح افصخ خطوبه وماريدچ تنعوصتي هواي وساكت راح افصخ خطوبتي بيج وخلي عالم كلها تحجي عنچ ولج هوه انـا خاطبج وساترج انتي تردين تفضحين روحج بايدج وتصيرين علج بحلوك نـاس
ايـه: طلگي والهوه بضهرك وانـا اخت الشيخ ضـرغام ويريد يحچـي خلي يوكف بوجه اخوي ويجيب طاريه يٕا هاشم بعد الي سمعته انـا ماريدك وهسه نازله وننهي خطوبه
سديت الخط بوجه درت لكيت امي موجوده وسامعه الحجي كله شبكتني وبجيت عبن انـا صدك حسيت هاشم مناسب ألي بس هاشم ماوكفلي باي شي من جان ضـرغام بالسجن اتصل عليه ابجي يسد تلفون ويكلي نعسان
سكينه: يايمه ماعاب لسانج ع كلتي يروحلج فدوه ياهو يجره يحجي عنج بشي مو زين هسه انزل واحجي ل ضـرغام وترحيننن تطلكين منه راديته انتي لو لا
ايـه: لا يمه ماريده بعد ضحكت ع روحي هواي هاشم مو شخص مناسب الي
نزلت امي وحجت كلشي ضـرغام وصاحني وانا ابجي
صعدت لغرفتي وانا مقهوره نزعت الحلقه وشمرتها
ضـرغام تعارك وي هاشم وهاشم ضل يغلـط عليه وعلينه ويگله انـا مااشرف بيكم بعد واذا انته شيخ ف شيخ ع روحك انصدمت انـا شلون ختاريت هيج شخص ينقص من قيمتنه
ضرغام: ولك وحق علي ماعليك بعد مره يمنه وين ماشوفك اجتلك وباجر اجيب شيخ وتفصخ خطوبه
اجه ضـرغام باسني من راسي
ضـرغام: لاتنقهرين حبييتي
ايـه: مايقهرني رخيص خويه انـا بس خايفه تعارك اخاف واحد يحجي
ضـرغام: اريد اشوف زلمه يوكف بوجهي ويحجي يابويه
ثاني يوم جاب الشيخ ضـرغام واجه هاشم
وبسرعه بسرعة فصخنه خطوبة وراح سمعت صوت ضـرغام يكله
يمـامه
بعد ماحجيت وي ايـه وعرفت فصخت خطوبتها سديت تلفون وكمت كعدت يم اهلي بالهول
فجاه سمعت صوت اسعد يصرخ من غرفه
اسعد: رنـا ولججج رنـا سالممممممم شغل سياره مرتي وابني راح يموتونننن
كل طفر عليه اريد اوصل لدرج ماكدر اصعد
ونزل اسعد وهوه شايل رنـا وكلها دم تنزف
اسعد: الحككك سااااااالم شغل سيارههههه راح تموتت
رنـا تحجي وتبجي
رنـا: اسعد ابنييييي اسعدددد بطنيييي راح يموتتتت طفل اسعددد
