رواية من الذي احبه الفصل الثالث عشر 13 بقلم لولو وائل

= سلمى انا بحبك

سلمى بصدمه=ها

=مالك يا سلمى في ايه 

=لا ما ليش انا رايحه اشوف شغلي

اوقفها اسر ونظر في عينها وجد غضبا شديد وحزن=مالك يا سلمى في ايه هو انا قولت كلمه غلط مالك متعصبه كده ليه طب حتى مش هتردي 

=ارد على ايه ده لعب عيال هي كلمه زي دي بيبقى فيها تحديات كلمه دي بتتقل لما يكون شخص متاكد فعلا من مشاعره مش بتتقالي عشان يثبت لشخص تاني ان هو مش خايف انت حسستنى أنى لعبه بالنسبالك مش انك بتحبني بجد

=والله الفكره مش فكرة لعبه انا فعلا كنت هقولك كده بس كنت مستني الوقت المناسب 

=متكدبش على نفسك انت مكنتش هتقول كده اصلا لولا مراد اتحداك مكنتش هتقولها  انا رايحه اشوف شغلي احسن 

=يا سلمى استني بس 

ذهبت سلمى ولم تنتظر لسماعه وذهبت وراءها روح لكي تعرف ما سبب هذا الغضب والانزعاج دخلت سلمى الى غرفه الملابس لتبدل ثيابها وبدات الدموع تتساقط من عينها حزنا على نفسها وعندما راتها روح ذهبت اليها مسرعه لتعرف ما بها 

=مالك يا سلمى في ايه زعلانه من ايه 

=انا عمري ما تخيلت ان حبي يبقى لعبه ويوم ما يعترفلي بحبه يعترفلي عشان ما يبانش قدام الناس ضعيف وخايف وانا مقبلش ان انا حبي يبقى تحدي لحد وان حد يقلل من الكلمه دي 

=انا عارفه شعورك دلوقتي وعارفه يعني ايه واحد يلعب بمشاعرك بس انا عايزه اعرف هو انت ليه زعلتي لما هو اعترف ممكن يكون فعلا بيعترف بجد وان هو فعلا بيحبك بجد 

=لو كان بيحبني زي ما بتقولي كان عامل زي ما عمل معاكي مراد ما كانش استنى مراد  يتحداه عشان يقولهالي 

=انا حاسه ان في حاجه تانيه مش موضوع تحدي مراد واسر انتى زعلانه من ايه مخبيه اى عنى يا سلمى

=مش مخبيه حاجه انا خلصت وهروح اشوف شغلى

اوقفتها روح وكانت سلمى تذهب بنظرها بعيدا حتى لا تكتشف روح كذبها ولكن روح كانت تعلم ان سلمى تكذب عليها=هتفضلي تبصى يمين وشمال كده كتير ولا هتقوليلي في ايه مخبيه عني اى يا سلمى 

=مش عارفه هقولك ايه مش عارفه هحكيك الحاجه دي ازاي اصلا انا بدات احس ان الناس بتشوفني قليله ولعبه ليهم او حبي ليهم هزار وحبهم ليا برده بيكون هزار لكن ما فيش حد يحبني بجد اديكى شفتي اسر عامل ايه حتى الشخص اللي انا حبيته زمان برده عامل نفس اللي حصل عشان كده سبته قررت ان انا مش هفتح قلبي لحد تاني لاني مش مستنيه حد يعمل معايا كده تاني او يكسرني تاني ويقلل مني 

=حبك مين يا سلمى انت ما قولتليش حاجه زي كده ومين هو احكي لي طيب 

=قبل ما اجي هنا بشهر كنت انا وابن عمي بنحب بعض أو زى ما كنت فاكره وكنا بنحب بعض من بعيد ما اعترفناش بحاجه فضلنا ساكتين كثير اوي لحد ما جه يوم اللي انا كنت مستنياه اني اعرف هو فعلا بيحبني زي ما بحبه ولا لا ياريته ما جه اليوم ده لاني اكتشفت في الاخر ان كان تحدي بينه وبين صاحبه لو وقعت سلمى في حبك هتاخد مبلغ كبير وهو نجح في ده وقعنى في حبه وكسرني واخد من صاحبه الفلوس مقابل اللي هو عمله وانا عرفت ده ولما وجهته بده طلعت انا اللي وحشه وانا اللي هبله جه قالي بكل برود 

فلاش بالك

=انت هبله يا سلمى انت مفكره اني هحبك انتى شفتى نفسك في المرايه قبل كده شفتى انا فين وانت فين هحبك ازاي يا سلمى 

نظرات له والدموع بعينها=يعني انا بالنسبلك كنت لعبه طب غيرتك عليا دي كانت ايه قربك مني على طول ده كان ايه كان تحدي ولعبه مكنش حب طب عملت كل ده ليه اصلا من الاول ليه حسستيني بالاهتمام ده ليه عملت كده 

=انتى عارفه ان انا مش لاقي شغل ومعيش فلوس ولقيت فرصه اكسب بيها فلوس ارفضها 

=تكسب فلوس بكسرتي وانك تجرحني عادي كده انت راجل يعني 

=انا راجل غصب عنك وكلمه كمان يا سلمى وهنسى سيره القرابه اللي بينا امشي من قدامي ومشوفش وشك تاني 

=حسبي الله ونعم الوكيل فيك 

بالك

=ومن يومها وانا قفلت على قلبي وقلت اني مش هحب حد ثاني لحد ماجيت وشوفت اسر ما انكرش ان انا اعجبت بيه في البدايه بس كنت دايما في حالي وعمري ما حاولت ابين ده لاني كنت عارفه في البدايه ان دعاء معجبه بيه وبتحبه عشان كده انسحبت بس لما دلوقتي حسيت ان في اهتمام منه لقيته لعبه وانا ما بقتش قادره استحمل حد يلعب بمشاعري تاني انا مش لعبه يروح عشان كده انا بفكر امشي من المستشفى واروح مستشفى تانيه لاني مش هقدر اشوفو قدامي لانه بيفكرني بغلطتي في الماضي وغلطتي اني حبيته 

=سلمى ممكن تهدي اكيد الموضوع كان في حاجه ثانيه اكيد مش زي الموضوع بتاع عمك خالص انتى عارفه اسر مش كده هو صح الموضوع اتاخد في الاول بتحدي بس هو قالك ان هو فعلا بيحبك وكان هيقولك كده بس كان مستني الوقت المناسب 

=حتى لو كلامك صح انا ما بقتش واثقه بصراحه عشان كده انا همشي من المستشفى في اقرب وقت بفكر كمان اسافر 

لاهلي وهسيبلك الشقه متخافيش اقعدي فيها انت واميره براحتكم انا رايحه اشوف شغلي دلوقتى

ذهبت سلمى ونظرت اليها روح من بعيد وهي حزينه على صديقتها المقربه وعلى ما حدث لها في الماضي ما يحدث الان هل تتحدث مع اسر لتصلح ما حدث ام تظل صامته 

كانت دعاء تقف من بعيد واستمعت لما قالته سلمى وحزنت على ما حدث لها وقررت ان تساعدها و تمنعها ان تغادر وتترك مكانها في المستشفى وذهبت مسرعه الى اسر 

=دكتور اسر ممكن اتكلم معاك لحظه 

=قولى يا دعاء

=انا طبعا مش قصدي اتدخل في اي حاجه بس كل اللي عايز اقوله لحضرتك ان سلمى هتمشي من المستشفى وشكلها كمان هتسافر 

=انت بتقولي ايه سلمى هتسافر ليه 

=ما اقدرش اقولك اي حاجه تانيه تقدر تسالها وتعرف منها كل حاجه 

=ماشي يا دعاء روحي انتى شوفي شغلك 

غضب اسر بسبب ما استمع له من دعاء هل سلمى سوف تغادر بسبب حدث صغير وذهب لكي يتحدث معها على الفور 

=سلمى عايز اتكلم معاكي شويه 

بتجاهل=ورايا شغل مش فاضيه 

رد بغضب وصوت مرتفع نوعا ما=سلمى قولتلك عايز اتكلم معاكي شويه متعنديش 

نظرت له بغضب=عايز ايه عايز تتكلم في ايه 

=اكيد مش هنتكلم هنا تعالي في حته تانيه 

وذهبوا الى غرفه الاطباء وكانت فارغه وليس بها اي احد نزل اسر الى سلمى بغضب ممزوج بحزن لما تفعله سلمى معه 

=انت بتعملي كده ليه 

=هكون بعمل ايه بشوف شغلي غلطت في ايه 

=سلمى متوهيش انا شايف اسلوبك معايا بقى وحش كل ده عشان اعترفتلك بحبى هو انتى بتكرهيني اوي كده يا سلمى 

نظرت له بدموع=بكرهك ده اللي انت شفته بعد كل ده ان انا بكرهك انت ما شفتش اللي انت عملته انت خليتني تحدي لعبه تلعب بيها انت وصاحبك و تقولي اني بكرهك انا عمري ما كرهتك بس اللي انت عملته ده هو اللي ممكن يخليني اكرهك 

=سلمى ده كان هزار انت مكبره الموضوع اوي 

ابتسمت سلمى وهى تبكى=انا مكبره الموضوع صح عندك حق انا غلطانه انا اسفه ممكن اروح اشوف شغلي ولا عايز تقول حاجه ثانيه 

=في اى يا سلمى مالك ممكن تفهميني طيب انا غلطت في ايه مبحبش شغل الالغاز ده 

=عايز تعرف في ايه 

=اتمنى اعرف منك في ايه بدل ما انا مش فاهم حاجه كده وحاسس ان انا عملت حاجه كبيره بس مش فاهم ايه هي 

=ماشي اسمع بقى في انك لعبت بمشاعري حسستني ان انا لعبه تحدي لو ما كانش صاحبك اتحداك ما كنتش هتعترف بحبك ليا كنت هتفضل ساكت صح ولا انا غلطانه 

=ما حصلش انا كنت هعترف بس كنت مستني الوقت المناسب

=ايه هو الوقت المناسب ده امتى يعني 

=لما احس ان انا جاهز انا عارف ان انا غلطت باللي حصل النهارده بس انا والله ما كنتش بلعب بيكي انا فعلا بحبك 

=بصراحه مش قادره اصدق انا بفكر اروح عايزه ارتاح شويه وهاجي بكره بعد اذنك يا دكتور 

ذهبت سلمي من امامه وذهبت لتجهز اغراضها وتاخذ اذن من مراد وتذهب الى المنزل لكي ترتاح كان اسر طوال اليوم لم يفهم ما سبب ما تفعله سلمى ولما كل هذا الحزن واختار ان يذهب الى روح ويعرف منها ما سبب كل هذا 

كانت روح تقف مع مراد وهي غاضبه 

=انت ليه عملت كده ليه اتحديت صاحبك اديك شوفت المشاكل اللي حصلت دلوقتي هتحلها ازاي وسلمى عايزه تسيب المستشفى وتسافر 

=في ايه يا روح انا كنت بهزر عادي ما اعرفش ان الموضوع هيجي بجد كده وان صاحبتك هتقلب الموضوع جد انا  مكانش قصدي حاجه والله 

=ممكن يكون انت فعلا مكانش قصدك بس سلمى مرت بنفس الموقف ده قبل كده وانا مش قادره اشوف صاحبتي زعلانه و كمان هتمشي وتسيبني هنحلها ازاي دلوقتي بقى 

=مرت بنفس الموقف ده ازاي 

حكت له روح ما قالته سلمى واخبرته ان يوعدها ان لا يخبر احد واستمع اسر لكل ما قالته روح وصدم وحزن على ما فعله بسلمى وقرر ان يصلح الامر 

في منزل مراد اتت خالت مراد ووالدة مرام سوزان وكانت تجلس مع والدة مراد ويتحدثون في زواج مراد ويوسف 

=ايه رايك يا سوزان نعمل فرح مراد ويوسف ومي في بيت بابا القديم هو قصر كبير وحلو وعتيق واعتقد هتبقى حاجه مميزه اوي وجميله ليهم ايه رايك 

غضبت سوزان عندما استمعت ان اختها تريد ان تفتح قصر والدها القديم والتي كانت تحلم به طوال عمرها ان يكتبه لها ولكن قسمه على الجميع وهي لم يعجبها ذلك واجابت على اختها دون ان تظهر كرهها الشديد لها=فكره حلوه يا فيروز بس رايك هيعجب الاولاد 

=اعتقد مراد مش هيبقى عنده مشكله ومي برضو بس  معرفش يوسف هيبقى رايه ايه 

واتى يوسف في هذه اللحظه وعلى وجهه ابتسامه وهو يرحب بفكره خالته=انا موافق طبعا انا معنديش اي مشكله في اي حاجه المهم مي تبقى مبسوطه 

فرحه فيروز على موافقه يوسف وحبه الشديد لابنتها على عكس سوزان التي كانت تود ان تقتل مي واختها حتى لا ياخذوا شيء من مال يوسف واخيه وقررت سوزان ان تذهب الى غرفة ابنتها 

صعدت سوزان الى الاعلى ودخلت الى غرفه ابنتها دون حتى الطرق على الباب ووجدت مرام بالداخل واندهشت لانها كانت تعلم ان مرام الان في العمل كيف ان تكون بالمنزل 

=انت قاعده هنا ليه مروحتيش الشغل ليه مش كنتى هتموتي وتقدمي في الشغل ده ايه مروحتيش ليه ايه اللي حصل ولا طردك من الشغل كمان 

=ولا طردني ولا حاجه انا استاذنت ومشيت بدري انت ايه اللي جابك وازاي تدخلي عليا الاوضه حتى من غير ما تخبطي كنت جايه تاخدي حاجه من الاوضه ولا جايه تفتشي على حاجه في الاوضه 

=بنت احترمي نفسك انت بتتكلمي مع امك انا كنت طالعه علشان اشوفك جيتي ولا لا 

=تشوفيني جيت غريبه يعني ده انت اول ما شوفتيني استغربتي واتصدمتي ووشك جاب الوان ان انا في الاوضه كمان سالتيني مروحتش الشغل ليه وبتقوليلي كنت طالعه تشوفيني طب تيجي ازاي 

=مالك يا مرام بتتكلمي معايا كده ليه 

=كنت طالعه ليه اكيد طبعا ما عجبكيش كلام خالتي وانها عايزه تعمل فرح عيالها في قصر جدي الله يرحمه 

=انت عرفتى منين خالتك لسه قايله دلوقتي انتى بتتصنتي 

=مش محتاجه اتصنت اصلا صوتكم عالي اساسا و اي حد هيسمع ده انا حتى شمت ريحه الحريقه اللي كانت جواكي لما عرفتى ان اختك عايزه تفتح قصر ابوها القديم اللي كنتى عايزه تاخديه لوحدك صح ولا انا غلطانه 

=الظاهر ان انا ما عرفتش اربيكى يا مرام

=بجد والله مش حاسه ان دمك بقى خفيف شويه جايه لى يا امي عايزه مني ايه لو بتفكري انك تيجي تقنعيني بفريد يبقى متجيليش تاني لاني مش عايزه غير مراد 

=انا ولا جايه اقنعك ولا عايزه منك حاجه انا بس جاي اقولك واحذرك لو حد عرف بالماضي هتزعلي مني اوى ساعتها مش هفتكر انك بنتي 

=على اساس انك فاكره ان انا بنتك دلوقتي يعني 

=انا جيت احذرك وخلاص انا ماشيه 

غادرت سوزان ونظرت اليها مرام بضحك وألم على ما تفعله امها بها وباخواتها 

انتهى العمل وكان يفكر اسر كيف سوف يقابل سلمى وذهب ليطلب المساعده من روح حتى يتمكن من مقابله سلمى

=روح استني معلش عايزك في حاجه 

=نعم 

=انا عارف ان انا غلطت بصراحه سمعت كل اللي انت قولتيه لمراد وكنت عايز اصلح اللي حصل بيني وبين سلمى و محدش هيساعدني غيرك 

=ايوه انا هساعدك في ايه عايز تقابل سلمى ما اعتقدش انها هترضى تقابلك 

=جربي انا مش عايزها تمشي وتبعد عني انا مصدقت لقيتها 

=انت بتحبها بجد يا اسر 

=والله العظيم بحبها انا عارف ان انا غلطت لما مشيت ورا كلام مراد بس والله العظيم مكدبتش فى ولا كلمه انا فعلا بحبها ومبلعبش بيها 

=ماشي انا هساعدك بس عشان عارفه انك بتحبها شفت ده فى عينك دلوقتي بس لو زعلتها تاني محدش هيقف قدامك غيري 

=وانا موافق 

=تعالى ورايا واقف قدام البيت وانا هحاول اخرجهالك 

=ماشي يا روح شكرا بجد 

وذهبت روح الى المنزل وكان يتبعها اسر بسيارته الى ان وصلت امام منزل سلمى وذهبت الى الداخل ورات سلمى تجهز اغراضها للسفر صدمت مما راته وذهبت اليها مسرعا 

=سلمى انت بتعملي ايه انتى اتجننتي انت عايزه تمشي بجد وتسيبيني 

=انا مش عايزه اقعد هنا ولا دقيقه انا عايزه اسافر معلش يا روح اعذريني 

ردت اميرة = اعذريني يوم زفافك مقدرتش افرح زيهم

نظرت روح بغضب لأميره = اميرة مش وقتو بصى يا سلمى هسيبك تسافري بس هطلب منك اخر طلب واتمنى انك  مترفضيهوش 

=عايزه ايه 

=في حد بره عايز يقابلك واتمنى انك تسمعيه للاخر قبل ما تحكمي عليه بأى حاجه بعد كده اعملي اللي انت عايزاه 

=حاضر يا روح

وذهبت سلمى الى الخارج ووجدت اسر امامها توقعت ذلك عندما قالت لها روح ولكن هي ايضا كانت ترغب في مقابلته لعله يكون اخر لقاء لها به 

=سلمى ممكن تسمعيني للاخر وبعدها اعملي اللي انتى عايزاه 

=قولى اللي عندك

=انا اسف انا عارف ان انا غلطت وعارف انك افتكرتيني لعبت بيكي زي ما حصل فيكي زمان وروح محكتليش حاجه انا عرفت لوحدي والله انا مبلعبش بيكي ولا كان قصدي ان انا اكسرك واجرحك انا يمكن غلطت لما مشيت ورا كلام مراد بس حسيتها ان هي افضل فرصه ان انا اعترفلك فيها بحبي حتى قدام الكل انا كان غرضي ان انا اظهرلك حبي مش ان انا اتحدى حد زى ماانتى فاكره انا فعلا بحبك مش بلعب بيكي ولا عايز اي حاجه من الدنيا غيرك بالله عليك صدقيني انا مش زي ابن عمك انا بحب سلمى البنت الجدعه الطيبه اللي بتقف مع الكل و بتساعدهم اللي قلبها ابيض وضحكتها حلوه اللي بسبب طيبتها  وجمال قلبها حبيتها حسيتها هي البنت اللي انا محتاجها في حياتي وعايزها معايا على طول بالله عليكى مش عايز اخسرك متسيبينيش يا سلمى انا اسف 

نظرت له سلمى و الدموع بعينها لم تصدق ما قاله اسر للتو هل هو يحبها هل هي بالغت او ان الماضي اثر بها نزلت له بإبتسامه وهي تجفف دموعها=وانا كمان بحبك يا اسر

خرجت لهم اميرة واجابتهم بمرح=تعرفي يا بنت لو كنت سافرتي وسبتى الحليوه ده كنت هاخده منك بس يلا بقى طلع من حظك ونصيبك وانا اللي هعمل لكم الفرح بنفسي وقولك على حاجه كمان يا اسر شنطه سلمى كانت فاضيه  مكانتش فيها حاجه تقريبا كانت هتسافر من غير هدوم

=يا بنتي هو انت بتحبي الفضايح ما تسكتي شويه مش كفايا اتريقتى عليا جوا

=قولي بقى يا استاذ اسر هتيجي تطلبها مني امتى 

=اطلبها منك 

=ايوه ما هو مراد هيطلب روح مني يبقى انت كمان هتطلب سلمى مني 

=سلمى خدي البنت دي وادخلي جوه بدل ما اعلقها على باب البيت 

=يلا يا سلمى بسرعه ده شكل متهور 

ذهب اسر من امام منزل سلمى وهو مبتسم وذهب الى منزله وعندما دخل المنزل صدم مما راه

=مبروك يا عريس 

الفصل الرابع عشر من هنا