رواية من الذي احبه الفصل الرابع عشر 14 بقلم لولو وائل

=مبروك يا عريس

=ازيك يا ابو اسر ليك وحشه والله دانا قولت انك نسيتني 

=لا وانا انساك ازاي ودى تيجي برضو بتعمل اللي في دماغك وبتعارضني يا اسر وبتحب بنت تانيه وكمان هتتجوزها 

=انا حر احب اتجوز ده شيء يخصني مايخصكش في حاجه 

=ومش خايف اعمل فيها حاجه زي ما عملت في رحمه وابنك

=لا ما هو ده كان زمان ايام رحمه وابني دلوقتي الموضوع اختلف شويتين لان دلوقتي بقى في ايديا دليل يثبت ان انت اللي قتلت ابنى واجهضت مراتي غصب عني يعني لو قربت من سلمى متزعلش من اللي هيحصل 

=ده انت بقيت بتعرف تهدد كمان ومعاك ايه كمان بقى 

=حاجات تانيه كده حلوه برضو لزوم الشغل ابعد عني ومالكش دعوه بيا تاني انا ليا حياتي وانت ليك حياتك انت بتكره البنات انا مش زيك روح عيش حياتك براحتك وسيبني في حالي

=وان مسبتكش هتعمل ايه 

=هنسى ان انت ابويا وهسلمك للبوليس بايدي 

=عادي كده بالنسبالك مش فارقه معاك اللي انا عملته عشانك 

=اه طبعا طبعا انت جمايلك كثير قتلت جدي وقتلت امي وقتلت ابني وطلقتني من مراتي وكمان بتهددني بالبنت اللي  بحبها دلوقتي يسلاااااام على جمايلك كتير اوى 

=انت بتتريق صح 

=هو انت فاكر ان انا هعمل ايه هسمع كلامك وافضل زيك كده انا مش عايزه ابقى لوحدي انا عايز.احب واتحب والاقي حياتي الخاصه انا مش زيك ولا عمري هبقى زيك 

=والنهايه ياسر لو مسبتش البنت دي هتزعل عليها اوي 

=هات اخرك مبقاش يهمني اي حاجه ولو مسيت شعره.من سلمى هتشوف اسر تاني خالص قدامك ومتزعلش من اللي جاي يا ابو اسر 

نظره والد اسر الى ابنه بغضب ثم ترك البيت وذهب فرحه اسر لاول مره بانه استطاع ان يوقف والده وسوف يحاول ان يبعد والده عن حبيبته

رجع مراد الى المنزل وجد خالته ووالدته واخته ومرام يجلسان معا ويتحدثون مره من امامهم ولكن اوقفته والدته 

=ما تيجي يا مراد تقعد معانا 

=كلكم بنات مع بعض هاجي اعمل ايه 

=تيجي تديني رايك انا كنت بقترح على خالتك ان احنا نعمل فرحك انت والبنت اللي انت بتحبها صح انت ما قولتليش ان انت بتحبها اسمها ايه 

=اسمها روح 

ردت مى =ويترى روح دى بني ادمه طبيعيه ولا عفريته 

=اى يا بنت الاستظراف ده 

=هو انت مشفتش المسلسل ولا ايه كان في مسلسل رعب كانت بنت صغيره اسمها روح وطلعت عفريته ايش ضمنك مش يمكن تطلع عفريته 

=مش من قدامي يا مي بدل ما اوديكي فرحك بعكاز 

=لا وعلى ايه الطيب احسن 

وذهب مراد الى الاعلى لكي يرتاح بغرفته ولكن ذهبت وراه مرام لكي تتحدث معه

=ممكن اتكلم معاك شويه 

=خير يا مرام في ايه 

=انا عارفه ان الى هقولو ممكن يكون مش هيعجبك بس ممكن تديني فرصه فرصه واحده بس مش يمكن تحبني زي ما حبيتها 

=حتى لو اديتك فرصه انا كده كده حبيت بنت تانيه يعني مش هتستفادي حاجه بالفرصه دى  

=لا ما انت سيبها وخليك معايا شويه 

=مرام الله يهديكي انا فيا اللي مكفيني وجاي من الشغل تعبان وقرفان مش وقته الكلام في الموضوع ده دلوقتي لما ابقى رايق ابقى اشوف الموضوع ده ماشي 

=يعني انت موافق 

=انا مقولتش موافق انا بقولك سيبيني شويه ارتاح بعد كده نبقى نتكلم انا مش قادر اتكلم في مواضيع دي ممكن 

=ماشي على راحتك 

ذهبت مرام وهي حزينه من مراد ولكن لم تفقد الامل وسوف تحاول مره اخرى ومرت الايام وجاء خطبه مراد وروح ومي ويوسف واسر وسلمى 

في منزل سلمى كانت تجلس مع الفتيات ويتجهزون وهم يصرخون من الفرحه 

=مش مصدقه يا روح ان احنا هنتخطب انا وانتى في يوم واحد والله العظيم مش مصدقه 

=لا صدقي بس انا خايفه مش عارفه ليه 

=خايفه من ايه 

=مش عارفه خايفه من ابو اسر ممكن عشان الى عمله في رحمه وخايفه يعمل حاجه فيكي وقلقانه برضو من مرام لانها اصلا مش حابه العلاقه دي من ساعه ماجه مراد يتقدملي انت شوفتى نظرتها كانت عامله ازاي رايك هتسيب الخطوبة تعدي 

=بلاش نقلق نفسنا وخلينا نفرح شويه 

=عندك حق تعالي نجهز بقى نفسنا عشان خلاص شويه وهتلاقيهم جم بس صحيح هي مامتك باباكي مش هيجوا 

=بابا مسافر بلد تانيه غير البلد اللي ماما فيها عشان عنده شغل و ماما عند تيتا عشان تيته تعبانه فقالوا ان هم هيجولي على الفرح مش هيجو خطوبتي 

=اكيد انتى زعلانه دلوقتي 

=يلا الحمد لله كله خير 

=متقلقيش انتى معاكي اميره اميره هتظبطك اخر تظبيط صح ولا ايه يا اميره 

=طبعا طبعا ده انا النهارده هغنيلكم بنفسي في الخطوبه 

=شوفى اختك عشان متخانقش معاها

=لو شفتك يا اميره واقفه على الاستدج وماسكه الميكروفون وبتغني هطلع اجيبك من قفاكى

=انا الحق عليا كنت عايزه اشهيصلك الخطوبه واخليكوا تبقوا مبسوطين واهو توفروا كمان فلوس المطرب 

ردت سلمى=هعمل خطوبه اسلامى يا اميره اتكلى على الله الله يهديكى

=انتم مش وش خير انا غلطانه 

بدا البنات بتجهيز انفسهم الى ان اتى الشباب ليأخذوهم الى منزل مراد وعندما ذهبوا الى الداخل صدموا من جمالهم كانت كل فتاه لها سحرها الخاص في الجمال والرقه

=ما شاء الله احنا كده نتجوز على طول بقى 

=بفكر في كده يا صاحبي برضو 

ردت اميرة=لسه يا حبيبي مش لما يتعرفوا عليكم الاول وانا هجوز بناتي كده لاي حد وخلاص 

=بناتك 

=اه طبعا بناتي ميغركش فرق السن اللي مابينا بس انا بناتي ميروحوش غير لاحسن ناس وانتم الاتنين لسه متعرفناش عليكم كويس ست سبع عشر سنين كده ونعمل الفرح

رد مراد بصدمه=كام ياما 

=سمعك تقيل لسمح الله بقولك ست سبع عشر سنين 

=طب مش ملاحظه انهم كتير حبتين 

=ده انا حساهم قليلين تحب ازود تانى 

=اسكت يا مراد الله يكرمك لحسن مش هنتجوز خالص بسببك اسكت

=اللي بعمله في يوسف بيطلع فيه ماشي يا اميره يا بنت ام اميره 

اخذ الفتيان الفتيات وذهبوا بهم الى فيلا مراد المحمدي وكانت تم تجهيزها على اعلى مستوى وعندما دخلوا وجدوا كثيرا من الناس بالداخل قلقت روح قليلا لانها تخاف من الازدحام ولكن حاولت ان تمنع خوفها حتى تتمكن من ان تكمل اليوم على خير وذهبوا الى الداخل وجلسوا بجانب بعضهم على الكراسي المراد الجلوس بها العروسين وكانت مرام تنظر لروح بحقد وذهبت اليها وعلى وجهها ابتسامه سخريه 

=اهلا بالعروسه الف مبروك 

=الله يبارك فيك عقبالك 

=عقبالى ازاي بقى مانت اخذتي عريسى 

= على اساس لما قولتلو خليك معايا وسيب مرام عمل كدا قلبه إلى اختارنى

=تعرفي يا روحي مرات بيضحك عليكى بيستغلك هو ولا بيحبك ولا نيله لو فاكره انه بيحبك تبقي غلطانه 

=انا بحب اخد واحد مبيحبنيش حاجه ثانيه 

=مراد ماشي مع بنت تانيه كل اللي في البيت هنا عارفين وانا عشان شايفاكى زي اختي مش عايزاكى تنخدعي فيه قدامك فرصه انك تسيبيه 

=انا بحب اخد الرجاله الخاينه حاجه تانيه 

=يعني انت تقبلي واحد مبيحبكيش وكمان خاين 

=على قلبي زي العسل وبعدين ما انا لو سبته هتاخدى انتى الخاين وانا ميرضنيش يحصل فيكى كدا ولا هو ساعتها هيتوب على ايديكي يا شيخه مرام 

=انا حذرتك وانتى مع نفسك اللهم بلغت اللهم فاشهد 

=اللهم قوي ايمانك 

ذهبت مرام وهي غاضبه بشده من روح لانها كانت تسخر منها ولم تهتم لحديثها ولكن كانت تفكر كيف سوف تجعل روح تترك مراد او العكس 

ذهبت اميره الى جانب اختها واحتضنتها والدموع في عيناها بفرحه =كان نفسي ماما تكون هنا معانا 

=الله يرحمها بطلى عياط بقى مش ناقص حزن

=خلاص مش هعمل حاجه اهو انتى فرحانه معاه 

=لو مش فرحانه مكنتش قعدت معاه دلوقتى ولا حتى فكرت انه يجي يتقدمني ولا كنت وافقت انه يخطبني انا حسيته مختلف عن ادهم بكثير وعن اي حد عرفته عشان كده وافقت 

اتى ادهم من الخارج برفقه دعاء ونظرت سلمى الى روح وابتسمت ففهمت روح نظره سلمى وعلمت ان هناك شيء بين ادهم ودعاء ولكن سوف يعرفون بعد نهايه الخطبه 

كانت اميره تبحث عن الرجل الذي يشغل الموسيقى الى ان صدمت باحد 

=لا حول ولا قوه الا بالله يا عميه يا اميره 

=الحمد لله انك اعترفتى بنفسك 

=انا على طول بقول كلمه حق انا اللي غلطانه معلش 

=لا ولا يهمك تحبى اساعدك في حاجه 

=متعرفش هنا مين الدي جي يغيرلنا الاغاني دي بدل الاغاني الكئيبه اللي احنا بنسمعها دي 

=ومن سمعك انا كمان كنت بدور عليه 

=طب حلو تعالى ندور بقى ونشوفه راح فين ده اللي اقولى انت تبع مين 

=يعني ايه تبع مين 

=يعني تبع اسر ولا تبع مراد 

=انا يا ستي ابقى ابن خاله مراد  واخو يوسف فريد

=اهلا وسهلا وانا اميره اخت روح عروسة مراد 

=اهلا بيكى ومخلصه دراسه ولا لسه بتدرسي 

=في سنه التخرج 

=كليه ايه يا اميره 

=السن 

=ما شاء الله كليه جميله ربنا يوفقك 

=شكرا تعالى بقى نشوف فين الدي جي نخليه يشغل اي حاجه انا زهقت 

=يلا بينا 

وكان يبحثو الى ان وجدوه وذهبوا اليه وطلبوا منه تغيير موسيقى 

=عايزين نشغل ايه طيب 

رد فريد واميره فى نفس واحد=شغل شعبى

نظر فريد إلى أميره وابتسم

=عايزين نشغل في فيلا مراد المحمدي اغاني شعبي انتو عايزينهم يرفدوني 

=يا عم ولا هيرفدوك ولا حاجه انا ابن خاله مراد المحمدي شغل انت بس وعلى ضمنتي لو حد كلمك قولهم فريد 

=ماشي 

=وبدا بتشغيل الموسيقى وعلمة روح عندما استمعت للموسيقى ان اختها من اقترحت هذه الاغاني وعلم يوسف ايضا ان اخيه من اقترح هذه الاغاني واتى فريد واميره في هذا الوقت ونظرا روح ويوسف الى اخواتهم  بغضب 

قال يوسف وهو غاضب=ايه القرف اللي انت مشغله ده 

ردت اميرة=قرف اى يا كابتن انت مكنتش سامع اللي كان شغال من شويه ده احنا قاعدين في عزاء احنا كنا عايزين نشغل اغاني تفرفشنا بذمتك مش حاسس انك فرفوش دلوقتي 

=انتى مين 

=انا اميره ابقى اخت روح وانت مين 

=انا يوسف ابن خاله مراد واخو زفت ده 

=زفت ليه ده حتى ذوقه حلو في الاغاني 

=قوليلو يا بنتي مبيفهمش في الذوق ده 

=انا مبفهمش في الذوق يا فريد حسابك معايا بعدين بعد الخطوبة بس

وتحدثت اميرة لفريد بصوت منخفض=اوعي تقول ان هو هيضربك 

=لا متقلقيش ده بيطلع يطلع يطلع وينزل على ما فيش 

=زي روح يعني حلو ده كده اطمنت ان انا مش هشيل ذنبك 

ابتسم فريد على مرح اميرة وبدأ وقت ارتداء الخواتم 

واتى شخص مجهول من الخارج وقال

=الخطوبه دي مش هتم