رواية ضلم ابي الفصل الثالث عشر بقلم جمانه السعيدي
كملنا البلاغ بلمركز وطلعنا بعد بس يحضرون ابوي ومصطفى
يستدعينا الضابط حتى يثبت اقوالنا
وياخذ عليهم تعهد
من رجعنا للبيت نسولف طول الطريق
وفرحانين لان هاي اول الخطوات الصحيحه حتى تنحل هاي المشكله ونخلص منها
اني اعتبر هاي الضربه القاضيه الي راح تسكت ابوي
وبعد مايكدر يقرب عليه
ابوي بعد ما طلع من الشيخ جان ضايج ومقهور مني
ما متوقع مني اكعد كبال الشيخ واحجي علي
واطلع مصايبه كلها
ولا متوقع ساره البنيه الذليله الي عاشت طول عمرها
خدامه جوه رجله يضربها ويغلط عليها ويجوعها
ممكن بيوم توكف بوجها وتكول كافي
ابوي يحس نفسه يملكني شلون اطلع من سيطرته
حتى موافقته على زواجي
جانت بيها مصلحه اله ياخذ المهر وبنفس الوقت
اني راح ابقى اخدمه يعني مثل مايكول المثل عصفورين بحجر
يحصل من وراي فلوس وابقى اخدمه
مصمم يبقى يستنزفني الاخر لحظه
جمانه السعيدي
وكفت سيارتنا كبال الباب اني نزلت وسلمان اجا تليفون
جاي يرد علي
نزلت اني من السياره نزلتي صارت على الشارع
مو على باب بيتنا يعني سلمان صار من جهة باب بيتنا
نزلت من السياره وسلمان كاعد يحجي بلتليفون داخل السيارة
بس فتحت الباب ونزلت رجليه وكفت على حيلي
بس خليت رجلي بلكاع
مااسمع غير الطلق اجاني منيين مااعرف
رشقه مال طلق سريعه
شفته ابوي حاولت احمي نفسي رما عليه ست طلقات
ونهزم بعد مااعرف شصار وياي
سلمان...بس سمع الطلق تحرك للمقعد الي جنت كاعده علي يحاول يسحبني داخل السياره حتى يحميتي
بس اني وكعت والدم ترس الكاع
اثاري ابوي بعد ما طلع من الشيخ راح جاب مسدس
من بيتنا واجا حتى يقتلني
بس وصل مالكه سيارة سلمان بلباب لان بعدنا ما راجعين
قرر يدك الباب بس اطلع علي يقتلني
بس جان متردد شويه وكف بعيد على الباب
ويفكر شلون يخلص مني
راسا سيارتنا دخلت من رأس الفرع
لان جنا اني وسلمان نسولف ماانتبهت علي وهو هم جان بعيد كلش بنهاية الشارع
من شافنا اجينا اعتبر هاي فرصه ثمينه
يمكن ما يحصل مثلها بعد
قرر ينفذ الشي اله اباله
جمانه السعيدي
ووكف مسافه عن بيتنا ودار وجها حتى لا اشوفه
واني فعلا ما شفته ولا جنت متوقعه يكون واكف يتربصلي
يريد يقتلني
لان ابوي جان خايف ومامركز وهو يصوب المسدس عليه
ابوي صح عنده مسدس بس بعمره مارامي بي طلقه وحده
صار سنيين ضامه
من وكفت سيارتنا بدا يمشي با اتجاهنا
بس نزلت بدا يرمي
بدا يرمي من مسافه عشرين متر او اااكثرتقريبا
لان يريد يقتلني وينهزم خاف يقرب عليه
لايكون سلمان شايل سلاح ويقتله
خلص الطلقات الي بالمسدس ونهزم
سلمان نزل لكاني مغمى عليه وملابسي كلهن دم
بس ااكو نبض
شالني ورجعني للسياره وطلع للمستشفى
سلمان....ساره ساره تسمعيني ساره ردي عليه
انعل الساعه السوده الي طاوعتج بيها
ورحت اشتكيت علي ولج ساره ردي عليه لا تموتين
ساره ردي عليه بعد مااكدر اتحمل
ساره لا تعوفيني ساره جاي اسمعيني
ساره يااحلى شي صار بحياتي ردي عليه مااكدر بدونج
وصل للمستشفى نزل وكام يعيط الحكو عليه
ساره اصوبت الحكو الله يخليكم بيها نبض
الحكو عليها بيها نبض بعدها عايشه
من شافو هذا وضعه يعيط وخايف اجو الممرضين عليه
قبل لا ينزلوني اتأكدو ااكو نبض
دخلوني للمستشفى
الدكتور حولني للعمليات بس باقي التقرير من مركز
الشرطه بلاعتداء حتى تكون الإجراءات قانونيه
سلمان كاللهم باشرو بلعمليه واني راح أقدم بلاغ
واني مستعد اتكفل بكلشي
ااصر سلمان تكون العمليه بالجناح الخاص
حتى يهتمون بيه ااكثر
خطيه يكول من شفتج غركانه بلدم كمت ارجف كلني كلت خلاص ماتت
طلقتين الي مخترقات جسمي من أصل ست طلقات
الله ستر لو لسته مخترقات جسمي يمكن مااطلع عايشه
وحده بطني بس لان جايه صفح
داخله وطالعه من مسافة اربع اصابع
والثانيه بايدي كاسره العظم بلنص
ساعتين ونص عمليتي
طول وقت العمليه سالمان واكف حتى ماكعد ودشداشته كلها دم تخبل يروح منا ويرجع منا
قلق عليه كل هذا والحجيه بلبيت وحدها
وهيا حتى للصحياة ما تكدر تطلع
اتصل سلمان على اخووو وشرحله الوضع
خاف يصير شي جديد على الاقل اهل سلمان يعرفون
كلشي
اجو اخوان سلمان ثنيينهم هما وولدهم
حتى جايبين وياهم سلاح داخل سياراتهم
خاف ابوي يعرف اني بعدني عايشه
ويرجع ينتقم مني اني وسلمان
رجع اتصل على بت اخت الحجيه حتى تروح البيتهم
تهتم بيها لمن يرجع الحجي للبيت
جمانه السعيدي
ورجع اتصل على الحجيه وحجالها كلشي صار ويانا
الحجيه...مو كتلك طلكها ما يجي من وراها غير المصايب
همزين ما قتلك ابوها
عوفها بلمستشفى وتعال عوفها لا اجيبلنا مصيبه بعد
سلمان...شلون اعوفها وهيه بين الحياة والموت
شلون اتخلى عنها وهيه ماعدها احد يوكف وياها
هاي ما مقبوله منج حجيه
الحجيه....عوفها انت شلك دخل مشكله بينها وبين ابوها
مادام وصلت للقتل عوفها
تعال ارتاح خليها هيه واهلها تحل مشاكلها
انت لا تدخل بينهم
سلمان....مااعوفها مستحيل اتخلى عنها ساره زوجتي
ومسؤله مني
راح ادزلج واحد من الولد اريد دشداشه نظيفه
دشداشتي كلها دم
الحجيه....ولله تحب التعب والمشاكل
سلمان... الله وياج حجيه احتمال ماارجع اليله اتصلت على زينب تجي تبقى يمج
اجت الشرطه حتى تحقق بهاي الدعوه
سلمان....ساره بعدها بلعمليات وابوها هو الي اطلق عليها النار
احنا اليوم سجلنا علي دعوه لان يهددنا
الضابط....راح اصدر علي إلقاء قبض من تتحسن حالة ساره
نرجع تحقق وياها مره ثانيه
ساره...بعد ساعتين ونص طلعت من العمليات
طلعت ماكو على الساني غير سلمان
سلمان لا تعوفني
سلمان سلمان
سلمان....بس سمعتها تنطق اسمي كلت الحمد لله
مادام تحجي يعني زينه
ساره....اريد سلمان لاتعوفني سلمان
سلمان... ياعيون سلمان هاي اني وياج مااعوفج
دخلوني غرفه بالجناح الخاص سلمان بقى وياي منا لمن فتحت عيوني
الممرضه...هااا صحيتي خبصتينا سلمان سلمان
كل هذا حب
ساره...حركت عيوني شفته واكف بصفي ويباوع عليه
ردت ارفع ايدي مااكدر
ووحده مجبسيها والثانيه بيها كانونه
قرب عليه دنك هااا حبيبتي سلامتج
ساره...اسمعه واشوفه بس مااكدر احجي
سلمان....عدت على خير انشاء الله طلعتي قويه
حتى الطلقات يخافن منج دخلن جسمج وطلعن كبل
ساره...حركت عيوني اريد اذكر شنو الي صار وياي
دنك عليه سلمان وباسني من راسي
سلمان....يوجعج شي
ساره....ايدي ايدي مااكدر احركها
وبطني توجعني
جمانه السعيدي
سلمان....لان توج طلعتي من العمليات
ساره...عمليه اني سويت عمليه
سلمان...اي عمليتين
ساره....ثنيين اااي احس بوجع خاف ااكثر من ثنيين
لان احس جسمي كله يوجعني
(طبعا اجر بلحجي جر بسبب المخدر ووالوجع)
سلمان...لا هنا بس ثنيبن
ساره....لاتعوفني
سلمان...منو كال راح اعوفج اصلا اجيت اموت اليوم
من شفتج سابحه بدمج
ساره...الحجيه منو وياها ماتكدر تبقى وحدها
سلمان...زينب بت اختها وياها
ساره...اريد مي حلكي يابس وريكي مر
سلمان...من أثر التخدير
اسئل الممرضه وارجع
اخوان سلمان بس طلعت من العمليه اطمنو عليه رجعو للببت
وولد اخوان سلمان بقو كاعدين بلسياره
برا يخافون على عمهم
للصبح وهما كاعدين بسيارتهم برا محضرين سلاحهم الاي شي يصير
الصبح من رجع الضابط حتى يحقق وياي
لكاني كاعده وصايره احسن
الضابط.. منو الي ضرب عليج بلمسدس
ساره.. ابوي
الضابط...انتي متاكده شفتي بعينج
ساره.. اي متاكده شفته وهو يضرب عليه النار
الضابط...تحبين اضيفين شي للدعوه
ساره...لا بس مااتنازل عن حقي
الضابط...راح اعوف شرطي هنا بلمرر حتى يحميكم
لان بعدنا ما القينا القبض على ابوج
طلع الضابط واجت الممرضه انطتني علاجي
ساره.... حجي تعبتك وياي من البارحه مانمت روح ارتاح بلبيت والعصر ارجع عليه
سلمان....لا ما تعبان اذا مااطمن عليج مااتحرك من مكاني
ساره....وجهك اصفر مبين عليك التعب
سلمان...يا تعب البارحه اجيت اتخبل كلت خلاص ماتت
ساره...خفت عليه
سلمان.... بعد اشويه وكلبي يوكف
ساره...سلامتك
سلمان....ماجنت اعرف اني متعلق بيج هلكد
اتهسترت من شفتج واكعه بلكاع
ساره...من يوم دخلت بيتك ماشفت مني غير المصايب
سلمان...من يوم دخلتي بيتي
وحياتي كلها تغيرت كمت احس نفسي شاب
قوي توه جاي للحياة
كمت احب الوكت الي نبوكه بوكه حتى نحجي بي
قرب عليه دنك لزم ايدي باسها
سلمان...ابد لا تفكرين تعوفيني بيوم من الايام
لان مااتخيل حياتي من دونج
ساره...ممكن اطلع من المستشفى
سلمان.. ليش
ساره...لان هذا الحجي الحلو ردلي عافيتي
انت عافيتي ونضر عيني اني الي مااكدر اعيش من دونك
لحظه وحده
سلمان...من طلعتي من غرفة العمليات وانتي اصيحين باسمي عرفت اني هاي ثاني مره اختار صح
اني محظوظ بيج
بقا سلمان وياي طول النهار لا رجع للبيت
ولا راح للشغل
ثاني يوم اجت بت عمي تشوفني وتطمن عليه
حتى الحجيه اتصلت عليها بلتليفون اطمنت عليها
ولو بس سمعت صوتي كامت تحجي عليه
تكول جان راح الرجال بسببج
بس اصيرين زينه بعد لا تبقين بلبيت شوفيلج مكان وروحي علي
خلي الرجال ساتر عليه مره مريضه مااكدر امشي
اذا صار بي شي ووين اروح
ساره...حقها ولله حقها الي مزوجه سلمان وشايفه حنيته
شلون تقبل يزوج عليها
حقها تخاف علي
بس اني مااكدر اعوفه ماعندي احد غيره بهاي الدنيا
اتحمل الحجيه بس حتى ابقى ويااا
بمكان وواحد
