رواية كبرياء انثى الفصل الثالث عشر
بسم الله ولا حول ولا قوه إلا بالله العلي العظيم
محمد .. ماما مالك فيه ايه
ناهد .. منهاره وبتبكي وهي حاضنه ريهام
ريهام .. اهدي يا طنط تعالي ننزل نتمشي في الجنينه شويه عشان تهدي وبينزله سوا والكل واقف
ناهد .. بتمسح دموعها
ريهام .. اتفضلي اقعدي مالك في ايه يا طنط
ناهد .. اسفه يا ريهام
ريهام .. علي ايه انا مشوفتش امي ومن اول ما شوفتك وانتي عوضتيني عن كل السنين الي عشتها وحيده ده انا المفروض اشكرك وبتمسك ايد ناهد وبتبوسها
احمد .. واقف في البلكونه وبيبص عليهم
محمد .. بيدخل البلكونه ومعاه سمر في ايه يا بابا
احمد .. انا خايف علي ناهد من انها تتعلق بريهام هي شايفه اختك في ريهام ودي مصيبه وانا خايف عليها
سمر .. مش فاهمه يا عمي ايه الي يخوف في كده
محمد .. يا بنتي مرات عمك مش متقبله موت بنتنا والسبب الاساسي في سفرنا لامريكا عشان نبعد عن اي حاجه تفكرها بريهام
سمر .. دلوقت فهمت عشان كده هي اتعصبت وضربت زينب وسالي
احمد .. هي عملت كده
محمد .. ايوه يا بابا ريهام حكتلنا كل حاجه
احمد .. ولسا هي عندها استعداد تعمل اي حاجه عشان ريهام وهو ده الي انا خايف منه
ريهام .. ايوه كده وشك بينور لما بتضحكي
ناهد .. تسلميلي يا ريهام
ريهام .. يلا الكل قلقان عليكي يا طنط يلا ندخل الفيلآ
ناهد .. ماشي
محمد .. بيجري ناحية مامته
ناهد .. اهدا يا حبيبي انا بخير
محمد .. الحمد لله يارب علي طول تكوني بخير
ريهام .. يلا استاذن انا بقا
سمر .. هوصل ريهام وهرجع علي طول
محمد .. خليكي وانا هوصلها
سمر .. لا يا برنس انت في مصر مش امريكا والقمر ده يخصني انا بس
الكل ضحك وبتطلع سمر وريهام وبيركبه العربيه وسمر بتوصلها البيت وبترجع علي الفيلآ وبتدخل اوضتها وباب الاوضه بيخبط
سمر .. ادخل
مصطفي .. بيفتح الباب وبيدخل ممكن نتكلم
سمر .. مفيش داعي للكلام يا مصطفي خلاص مفيش حاجه نتكلم فيه خليك ماشي في طريقك اللى انت ماشى فيه
مصطفي .. معقول هتقدري تكملي طريقك من غيري
سمر .. زي ما قدرت تفكر انك تاذي بنت لمجرد انك ترضي غرورك انت مش اخويا اللي كنت أعرفه
مصطفي .. انا غلطت وبطلب منك تسامحيني
سمر .. اطلب السماح من ربنا اما انا خلاص من النهارده كل وحد فينا هيكمل طريقه لوحده
مصطفي .. بقيتي قاسيه اووى يا سمر
سمر .. انت السبب في كل ده انا حاولت معاك كتير لكن للاسف من غير فايده
مصطفي .. بس
سمر .. بتقاطعه لو سمحت عايزه انام اتفضل
مصطفي .. بيطلع وبيقفل الباب وراه
سمر .. تجري ناحيت الباب وبتسند ظهرها عليه وبتبكي سامحني يا اخويا لازم اعمل كده يمكن تفوق لنفسك
ادهم .. تعرف الي واقف قدامك يا رمزي
رمزي .. يا حضرت الضابط انا اول مره اشوفه
بانجو .. كداب يا بيه هو الي طلب مني اخبط ريهام بنت حتتي بالعربيه مقابل تذكرة هيروين ما انا مش هشيل الشيله لوحدي
رمزي .. انا قولت لحضرتك اني اول مره اشوفه هنا
ادهم .. بيمسك تليفون بانجو ده رقمك يا رمزي
رمزي .. لا معاليك رقمي اهو الي في التليفون ومش معايا غيره
بانجو .. والله بيكدب يا باشا
ادهم .. يا عسكري خدهم علي الحجز لحد ما فضلهم
العسكري .. تمام يا فندم وبياخدهم وبيرميهم في الحجز
بانجو .. فاكر نفسك هتطلع منها
رمزي .. ما تبقاش حمار لما احنا الاتنين نبقا هنا مين يطلعنا
بانجو .. ازاي
رمزي .. يعني انا مش هسيبك وهجبلك اكبر محامي عشان تطلع منها وهتاخد الفلوس الي انت عايزها لكن لو فضلت مقفل دماغك هتفضل طول عمرك هنا وانا كده كده هطلع مفيش اي دليل عليا فكر وراجع نفسك
بانجو .. سكت شويه يعني مطلوب مني ايه
رمزي .. انك تغير اقولك واطلع انا ووعدك في اول جلسه تاخد براءه
بانجو .. موافق بس عايز خمس الاف
رمزي .. اعتبرهم في جيبك اول ما تطلع هوصلهم لحد البيت عندك بنفسي
بانجو .. اذا كان كده موافق
رمزي .. انا كنت عارفك ذكي وهتحسبها صح
بانجو .. بس لو غدرت بيه ههد المعبد علي الكل
رمزي .. عيب عليك انا كلمتي وحده وانت عارف
ادهم .. يوصل الصبح قسم الشرطه عشان يأخذهم و يعرضهم علي النيابه يا عسكري هات بانجو ورمزي
العسكري .. حاضر يا فندم وبيجيبهم وبيدخلهم المكتب عند ادهم بيه
ادهم .. هتعترف يا رمزي ولا لا
رمزي .. انا قولت الي عندي انا اول مره اشوف الشخص ده كانت امبارح
ادهم .. خلاص هاخدكم علي النيابه وهناك نشوف يلا يا عسكري ركبهم البوكس و بيروحه علي النيابه ويدخله عند وكيل النيابه
وكيل النيابه .. بعد الاسئله المعتاده رمزي حسب الاوراق حماده وشهرته بانجو معترف انك انت الي حرضته
رمزي .. انا معرفهوش وهو قدامك اساله
وكيل النيابه .. ايه يا حماده تعرفه
بانجو .. لا يا فندم الكدب خيبه انا بس كنت عايز اقلبه في قرشين مش اكتر من كده
وكيل النيابه .. يعني انتي معترف انك كنت مخطط لقتل ريهام عادل
بانجو .. لا دي بنت حتتي ازاي اعمل كده فيها ده ابوها بالنسبالي مكان ابويا الله يرحمه
وكيل النيابه .. يخلى سبيل رمزي .... من سرايا النيابه ويحبس حماده .... وشهرته بانجو اربع ايام علي ذمة القضيه
ادهم .. لما عرف قرار النيابه عملتها يا رمزي بس انا وراك ومسيرك توقع
زينب .. معلش اتاخرت عليك يا رمزي
رمزي .. احنا خلصنا والحمد لله الحقيقه ظهرت تؤمرني باي حاجه يا ادهم بيه
ادهم .. لا يا رمزي امشي يا عسكري خد بانجو علي البوكس
العسكري تمام يا فندم
زينب .. عملت ايه يا رمزي
رمزي .. الفلوس بتشق في البحر طريق
زينب .. بس اصبر عليا شويه عشان اعرف ادبرلك الفلوس انت عارف الحال الايام دي رافت منشفها ومديون لطوب الارض
رمزي .. اخوكي سداد بس هاتي الغوشتين دول اكيد متقلين ايدك
زينب .. بتبصله وهي قرفانه وبتقلعهم وبتدهمله طاب هنعمل ايه في حوار البنت دي
رمزي .. ما تقلقيش انا مش هعتمد علي حد انا هخطفها وناخذ منها السلسله و كام يوم ونشوف اللي هيحصل ووقتها نقرر اذا كنا هنخلص عليها ولا نسيبها
زينب .. ياريت يا رمزي ده انا عايشه في كابوس ونفسي اخلص منه
رمزي جهز الخطه وفضل اسبوع يراقب ريهام لحد ما عرف كل تحركاتها وطلب من واحد صاحبه يسرق عربيه ويجيبها عشان يخطفو ريهام من قدام بيتها وهي طالعه ورايحه الجامعه الصبح
سمر .. بترن علي ريهام
ريهام .. ايوه انا طالعه اهو
سمر .. وانا مستنياكى بره
ريهام .. بتطلع من باب العماره
رمزي .. يلا اتحرك
السواق بيتحرك بسرعه وبيفرمل قدام باب العماره سمر بتبص وبتشوف واحد ملتم بيكتم نفس ريهام بمنديل وبيشدها في العربيه والعربيه بتتحرك بسرعه
