رواية كبرياء انثى الفصل الرابع عشر
بسم الله ولا إله إلا الله وحده لا شريك له له الحمد وله الملك وهو علي كل شئ قدير
سمر .. بتنزل من العربيه وتجري ناحيتهم
رمزي .. بيشدها بعد ما بيحط المنديل الي حاطط فيه المخدر علي وشها وبيدخلها جوه العربيه وبيقفل الباب اطلع بسرعه
السواق .. بيطلع بسرعه
سمر .. اقف مكانك ولما تلاقيهم طلعوا بسرعه ترجع علي العربيه جري وبتطلع وراهم بأقصى سرعه
السواق .. في عربيه ورانا
رمزي .. سوق بسرعه مش لازم توصلنا
السواق .. ما تقلقش انا طول عمري في المطاردات ويسوق بسرعه ويتخطى السيارات الي علي الطريق
سمر .. بتفضل وراه
محمد .. اخيرا نزلت تقعد معانا يا درش
مصطفي .. خلاص انا كل يوم معاكم الحمد لله الجرح لم وبقيت زي الحصان
ناهد .. الحمد لله يا حبيبي وربنا يمتعك بالصحه والعافيه
مصطفي .. اللهم امين يارب العالمين وربنا ما يحرمني منكم يارب
احمد .. ولا منك يا حبيبي المهم عايزين نقعد عشان نرتب كل حاجه في الشركه وكمان اشوف ايه الي وصلك للحاله الي كنت فيها
مصطفي .. انا تحت امرك يا عمي وقت ما تحب انا جاهز
رمزي .. وبعدين العربيه لسا ورانا
السواق .. اتفرج انا هدخل الداخله الجايه من غير ما اهدي السرعه والي ورانا قدامه احتمالين الاول يكمل والتاني يدخل ورانا ومليون في الميه هيتقلب
سمر .. تطلع التليفون وبترن علي محمد
محمد .. السلام عليكم يا سمر
سمر .. الحقني يا محمد
محمد .. بيوقف فيه ايه مالك يا سمر
سمر .. فيه حد خطف ريهام وانا وراهم كلم خالك امجد وانا هبعتلك الموقع
السواق .. مسك فرامل يد ولف العربيه كلها ودخل الطريق العكسي
محمد .. انتي فين
سمر .. بتتفاجئ وتدخل وراء العربيه وبتتقلب العربيه وسمر بتصرح والتليفون بيوقع منها وبيغمي عليها
محمد .. سمر مالك حصل ايه يا سمر ردي عليه
مصطفي .. فيه ايه يا محمد
سمر .. بتقول في عربيه خطفت ريهام وهي وارها ومره وحده صرخت والخط فصل
ناهد .. رن عليها تاني وانا هرن علي خالك
محمد .. بيرن الخط مقفول
مصطفي .. بيطلع جري لبره
محمد .. هتروح فين يا مصطفي
مصطفي .. العربيه فيها جي بي اس
محمد .. انا جاي معاك
ناهد .. وانا هكلم خالك ونحصلكم
محمد .. ماشي يا ماما وبيجري وبيركب جنب مصطفي
رمزي .. الله ينور ده انت طلعت مصيبه
السواق .. عيب عليك يا صاحبي ده انا عفريت في السواقه
رمزي .. العربيه قدام اركن العربيه دي وهنركب في عربيتي
السواق .. تمام يا ملك التكتيك وبيركن علي جنب وبتكون في عربيه تانيه واقفه ينزلوا وبيسيبوا العربيه وبياخده ريهام وبيركبه في العربيه التانيه وبيطلعه علي بيت مهجور وسط الارضي الزراعيه وبيركنه العربيه
رمزي .. بيشيل ريهام وبيدخلها جوه البيت وبياخد تليفونها وبيقفله
ريهام .. تبدأ تفوق واول ما بتفتح عينيها بتشوف راجل قدامها لابس قناع وبتلاقي نفسها مربوطه انت مين وعايز مني ايه
رمزي .. بيغير في صوته كلها كام يوم وتمشي بس لو سمعتي الكلام وفضلتي هاديه لكن لو تعبتيني وبيطلع مسدس هقتلك انتي فاهمه
ريهام .. انت فاكر اني هخاف منك انت الي جبان عشان كده مخبي وشك
رمزي .. طالعه عنيده زي امك
ريهام .. انت تعرف امي
رمزي .. بيضحك وبيقرب منها
ريهام .. انت عايز ايه خليك بعيد عني يا كلب وبتضربه بدماغها في انفه
رمزي .. انفه بتنزف دم وبيحط ايده علي راسها وبيمسك طرف السلسله وبيشدها وبيقطعها وبيبعد عنها
ريهام .. لا السلسله لا يا حيوان وبتحاول توقف لكن ما بتقدرش
رمزي .. فعلآ نسخه منها بس علي صغير وبيطلع وبيقفل عليها الاوضه وبيرن علي زينب
زينب .. بتكون قاعده مع سالي ورافت واول ما بتشوف اسم رمزي بتقوم بسرعه الو طمني
رمزي .. عيب عليكي كل حاجه تمام
زينب .. انا مش هرتاح غير لما اشوف السلسله
رمزي .. مسافة الطريق ساعه وكون عندك
زينب .. وانا مستنياك في جنينة الفيلا
سالي .. انتي رايحه فين يا ماما
زينب .. مخنوقه هنزل اتمشي في الجنينه وشم شويه هواء
سالي .. وانا هعمل ايه في مصطفي ده والبت الي طلعتلي في البخت دي
زينب .. كل حاجه وليها حل بس سبيني دلوقت
رافت .. سالي ما تستعجليش يعني معقول مصطفي بيه هيتجوز بنت عامل بوفيه اكيد هيتسلا بيها زي غيرها ويزهق منها ويسيبها
سالي .. يعني انت شايف كده يا بابا
رافت .. ايوه يا قلب بابا بس انتي اصبري وهتشوفي ان كلام ابوكي صح
سالي .. يارب يا بابا
زينب .. بتتمشي وهي مش علي بعضها اخيرا هخلص من الكابوس ده من غير السلسله مستحيل السر يتكشف وبكده هتفضل ناهد تتعذب طول عمرها وبنتها قدام عينها ومش عارفها القلم الي ضربتهولي هخليكي تتعذبي بيه طول عمرك
...الناس بتوقف بعربياتها جنب عربية سمر والكل بينزل وبيحاوله يعدلوا العربيه ووحد منهم بيرن علي الاسعاف وربع ساعه الاسعاف بتيجي وبتاخد سمر علي المستشفي ومصطفي بيوصل لموقع العربيه وبيلاقي الناس لسا بتحاول تعدل العربيه بينزل وبيجري زي المجنون وهو بيزق في الناس و يوصل للعربيه ومش بيلاقي سمر هي فين
محمد .. لو سمحتو الي كانت سايقه العربيه فين
واحد من الي وقفين لسا الاسعاف وخدها
مصطفي .. بيجري علي العربيه
محمد .. بيركب جنبه ويتحرك علي المستشفي
رمزي .. بيدخل الفيلا
زينب .. تقرب منه
رمزي .. مالك كده اهدي خلاص الكابوس انتهي
زينب .. حد شافك
رمزي .. افتكر العربيه الي كانت وراه ورد بسرعه لا يا زينب ما تقلقيش ويطلع السلسله من جيبه
زينب .. بتاخد السلسله منه اخيرا كده انا اطمنت
رمزي .. هنعمل ايه في البت دي
زينب .. اصبر يومين بس لما نشوف هيحصل ايه
رمزي .. هاتي بقا السلسله هبيعها عشان انا صرفت فلوس كتير عشان خطف ريهام دي
زينب .. لا يا رمزي السلسله دي هتفضل في الخزنه عندي عشان اقفل عليهم اي باب انهم يوصلولها
رمزي .. والفلوس اللي صرفتها
زينب .. هتاخد كل قرش دفعته بس اصبر علي اختك
رمزي .. ومين يصبر عليا يا زينب طاب هاني اي حاجه
زينب .. انت ما بتشبعش وبتقلع خاتم خد يا رمزي
رمزي .. ايوه كده انا بقول ما ليش غيرك
امجد .. بيرن علي ناهد
ناهد .. طمني يا امجد وصلت لريهام
امجد .. العربيه الي خطفوها بيها لقنها علي الطريق الصحراوي وطلعت مسروقه و متبلغ عنها واضح انهم مخططين لكل حاجه
ناهد .. وسمر فين
امجد .. للاسف سمر اتقلبت بيها العربيه وهي بتحاول تلحقهم
ناهد .. بتقول ايه
احمد .. فيه ايه يا ناهد
ناهد .. سمر العربيه اتقلبت بيها
احمد .. بيوقف وبيرن علي محمد
محمد .. ايوه يا بابا
احمد .. انتو فين
محمد .. سمر العربيه اتقلبت بيها والاسعاف اخذتها علي المستشفي وانا و مصطفي في الطريق رايحين
احمد .. واحنا جاين علي طول اول ما توصل طمني عليها
محمد .. حاضر يا بابا
مصطفي .. سايق بسرعه جنونيه
محمد .. بيحط ايده علي كتف مصطفي ان شاء الله سمر هتكون بخير يا مصطفي
مصطفي .. دي مش اختي دي بنتي وامي احنا طلعنا في الدنيا مالقناش غير بعض هي كل حياتي يا محمد
محمد .. عارف يا مصطفي واملي في الله كبير
مصطفي .. انا هتجنن مين الي ليه مصلحه يخطف بنت بريئه زي ريهام
محمد .. كل حاجه هتظهر والي عمل كده اقسم بالله ما هرحمه
مصطفي .. بس اعرف هو مين وانا هخليه يتمنا الموت
و بيوصلو المستشفي و بينزلو جري ويدخله ويسألوا في الاستقبال
الممرضه .. اتفضلوا معايا وبتاخدهم للدكتور الي كشف علي سمر
مصطفي .. طمني يا دكتور
الدكتور ........................
