رواية قيود العوف الفصل الرابع عشر بقلم ريتا
شبابات صوتوا دوسوا علىٰ النجمَة 🤏🏻
______________________________
اخذت نفس عمييييييق بتعَب فتحَت عيَوني ورجعَت لواقعَي الكئيَب فتحَت الكتَاب داراجَع المَادة شو صعَبة يا الله شلون راح ادبرها منين ماا اجيبها صعبة وثولة بيَها اني
- شنو هلعذاب شنوووووو هلدرررراسسة
- البنية مالها غير بيت رجلهاااااا ارييييد أبطل يلااااااااا
واني داسَولف ويَ روحي وجزعانة من الوضع ماا احَس اله صَار گدامي ظل غطانَي رفعت عيَني واشَوف واحَد طوَيل مكتف أيدي وعاقد حاجبَة ويبَاوعلي بنَظرة مال واحد مستغرب مثَل الي يگول
هاي صاحيَة ؟ مخبلة اكو احد يسَولف وي روحة ... اي من ضيمي اسولف وي روحي .. هزيت راسَي ونفضت سوالفي الماتفيد باوعتلة وگلتلة
-منَار:سلامًا قولاً من رب رحيَم خير خوية متيه انتَ ؟
- ماا احَس اله گعَد يمَي ورجَع ظهرة ليَورا وحَط رجل علىٰ رجل
- فتحت عيوني علىٰ وسَعهن واني رفعت ايدي وگلت
-منَار: هيووو هيوووو خااااالي شنو هلميانة طب اجيت وگعدت يمي
قلة اماكن لو شني عَرف ولَف خااالييي
-قاسم: ادري شنو لسان دلالة فلك طرج
-منَار: فلك الطرك انتَ بيَش طالبني وانتَ ياهو گوم منَا لا اللم الجامعة عليك رجاءاً گوم منَا واحترم نفسك ولتعبر الحدود
بوز شفَتة وحچة بنبَرة هادئة وگال
-قاسم: ياحدود شو انه ولد عاقل وگاعد بمكانَة بعد شمسوي ؟
قلص عيَونة وگال
حتىٰ ماتحارشَت بيَچ وكلتلَج الله شنو هذا الاسود اللابستَة يشگ عليچ
فتحت عيَوني علىٰ وسعهن
-منَار: گوم منَا والله عيب عليك اني سمعتي نظيفة بالجامعة لتلوثها ارجوك وتطلَع عليَة سمَعة موحلوة بسببك وبعدين ياا اخي شنو قلة اماكن اوووع صدگ ناس بدون ذوووق اعرفك تعرفني اجيَت وگعدت يَمي
مسَح علىٰ گصتة وگال
-قاسم: الله ينتقم منك ياعَوف بيمَن ورطتني
انطي روحچ مجال اخذتيَنا حاصل فاصل ماتفصلين أنتِ ؟
-منَار: اهووو ماكو فايدة صُدگ ناس بلا ذوق اووع
ردت اگوم ولزمَني من أيدي وجرني حيَل فتحَت عيوني وگلتلة
-منَار: عفواً عفواً بلا شنو تريد منَي والله العظيم راح اعيط
- واللم الناس كُلها عليك ليش تجرنييي من ايدي
- اني مو گلتلك لتعبر الحدود ؟؟
-قاسم: انطينا فنتگ خ** خل اسَولف ام الحدود تَره أنه جاي احچي ويَاچ بموضوع ممكن تفصلين شَوية وتسمعيني راديو انتِ !!
گلبت وجهَي ورفعَت ايدي وگلَتلة
-منَار: اهوو رجاءاً لتگلي اني معجب بيَج وهاي السوالف اوووع تره لعبااانة نفسي منهن واصلاً انتوا الولد امراض نفَسية وعقد ومشاكل وتمشون علىٰ الگاع والله اني دافكر ليش الدينصورات انقرضت وانتوا بعدكم ؟
عقد حاجبة وعقچ وجهَة مثل المعاجبَة ورفع ايدة وگال
-قاسم: انتِ شبيچ عبالك سمچة مكتولة راشديات ؟
-منَار: مراح اجاوبَك أخلاقي اعلىٰ مِن هيچ
ضحك ضحكة جانبيَة وگال
-قاسم: هو أنتِ شبقيتي بعد!
گلبَت عيوني بملل وگلتلة
-منَار: يلا سولف العندك رجاءاً وروح منا
-قاسم: انتِ منار ؟
-منَار: طبعاً اني منار متشَوف المكان الي يمي كُله منَور
-قاسم: ههههههههههههههههه چنج حبوبتي جميلة ههههههههههههه شنو المكان منور غير الدنيا ظهر هم تسربتين انتِ
نفخت بملل وردت اگوم وگلتلة
-منَار: اوع انتَ ماعندَك سالفة الظاهر وتريد تسَولف اني رايحة
-قاسم: لا علىٰ بختج اخذتينا بلسانج خليني اسَولف
باوعتلة عاقد حاجبَة ويباوعلي هزيت راسِي وگلتلة
-منَار: شكو !
-قاسم: تعرفين جُمان ؟
-منَار: رخت ملامح وجهي رمشَت بعيَوني ممستَوعبة الكلمَة الي نطقها جُمان ! ايي والله گال جُمان باوعت بوجهَة واني مصدومة گلتلة
-منَار: ها شنو .. جُمان .. وين تعرف جُمان أنتَ !!
-قاسم: والاعرفة انتِ صديقتها ؟
-منَار: وين تعرف جُمان انتت جاووووبنيييي !!
باوع منَا ومنَا وفرگ گصتة وگال
-قاسم: بس اهدأي تره جاي اسولف وياچ طبيعي لتخليني اگوم سألي بهدوء وانه اجاوبج بهدوء ومنا الطلاب لتعلين صَوتج ماجاي اتعارك وياچ انه !
غمضت عيوني اخذت نفس وزفرتة فركت وجَهي بيَدية وگلتلة
-منَار: صديقتي صارلها مدة طوويلة منعرف عنَها اي خبر وانتَ جاي تگُلي صيري هادئة عقل مابقىٰ براسي انييييييييي جاوبنييييييي جُمان وين انتَ منو وشعرفك بيهاااااا !!
-قاسم: لگينَاها بنَص شغلنا
-منَار: شداتسَولف شنو بنص شغلَكم ؟
فرك وجَهة وگال
-قاسم: انه ضابط وو
قاطعتة وگلتلة
-منَار: اووو ويييييع منكم توة تذكرتوا !!
عقد حاجبة وگال
-قاسم: شنو ؟
- توة تذكرتوا ! صارلنا فوگ ال٣ اشهر من رحنة الكم للمركز
وبلغنا توة يلا اتذكرتوااا جُمان !!
-قاسم: شبيچ بابا يامركز ياتبليغ ؟
گلبَت وجَهي ورفعت ايدي وگلتلَة
-منَار: بسك بسك
-قاسم: انتِ شايفتني ؟
-منَار: لا مشايفتك
-قاسم: چا بعد شنو هذا الموضوع ؟
-منَار: انتَ مو من هذول الي بالمركز الي رحنة وبلغنة علىٰ خطف جُمان يمهم وماا اهتمو النا ومرجعوا النه اي خبر وهسَة جاي دتنطينا خبر ؟
زم شفَتة ورفع حاجبة وگال
-قاسم: انتوا مبلغين علىٰ القضية وين صاير هذا المركز ؟
بلعت ريگ وگلتلة
-منَار: يعني انتَ مو منهم لعد انتَ منو وين تعرف جُمان شعرفك بيهاا !
زفر نفس وقدم ظهر ليگدام شبَك أيديه بين بعضهن وثبت عيَونة علىٰ الگاع وگال الي
-قاسم: الي صار هو چانت عندنة مهمة بنفَس المكان الچنة رايحين اله لگينَة صديقتج جُمان متعرضة للخطف من نفس الاشخاص الي رايحَين عليهم چانَ حالها مايسر العدو مأذينها كلش
واخذناها والي عرفنا البنية من بغداد بس همة السرسرية مغيرين مكانهم وجايين بيها للبصرة وبدينا نبحث وندورعلىٰ مكانها هنا وحسب الي عرفتة انتِ صديقتها الوحيدة
رديت عليه من بين دموعي التجري مثَل الشلال
-منَار: هَي بخيرررر بس گلي مابيها شي طمني عليها الله يخليييييك!!
حك گصتة وگال
-قاسم: زينة
عقدت حاجبي وجاوبتة
-منَار: شنو زينة بيهااا شيبيييييي !!!
گلي عليك الله راح امووتتتتتتت
-قاسم: زينة بخير هيَة لا تخافين عليها ماكو شيء
-منَار: هاااااااااااي صديقتي هاي اختي وروحي بين ليَلة ويوم اختفَت ومعَرفنا اخبارررهاااا .... اخذنيبيي الها اريد اشوفها عليك الله اخذني الهاااا
-قاسم: تشوفينها صار بس اريد رقم امها حتى تتواصل وياها علىٰ الاقل لحد ما نكمل شغلنا وتكون بأمان ونگدر نرجعها لبيتها واحنة مرتاحين
قلصت عيوني وگلتلة بشك وخوف مخبوطات سوَة
-منَار: وشنو اليثبتلي كلامك صح ليش ماتكون انتَ منهم وجايين تخطفوني اني هم ولكم انتوا متخافون الله متخلون الله بين عيونكم
رفعت اصبعي خليتة بوجهة وگلتلة
-منَار: شوف مو عبالك عندك عضلات وشكبرك چنك بغل يعني تگدرلي لا والف لااا افتهمت احطك واكتلك هنااااا اييي موو عبااااالك
حطيت ايدي علىٰ وجهي وشهگت وبچيت
-منَار: والله حرام عليكم ليش دتاخذونة وتحرمون اهلنة منه الله ليوفقكم ولينطيكم الله يقرضكم اووووووووف سووودة علية ياجمُان ياعمري اااااانتِ
سمعتة زفر وگال
-قاسم: هسة هَاي شلون بلوة وطاحت علىٰ راسي هسة انه بيها عليها شگول عليَك ياعوف ورطتني وطيحتني بهاي العلة
-قاسم: ولچ عمي وداعة حبوبتي جميلة العيونهاا زرگ چنهن خرزة بعين العدو انه جاي احچي الصدگ بعدين وين اكو واحد يخطف بنص الجامعة دخيل الله انتِ فد تسربتين
-منَار: واني شنو اليثبتلي كلامك صح بلا دتچذب عليَه
-قاسم: دخيلج يالزهرة راح ارتكب بيها جريمة
مد أيده طلع هوية عسكرية خلاها بوجهي لثواني رجع ضمها ..
-شنو هاي تريدني اقتنع واصدگ يعني ؟
-قاسم: لا مو شرط أعرف ناس اغبياء هواي بس ماكو مشكلة نكمل
فتح جهازة وطلعلي صَورة وهَو لابَس الزي العسَكري ورتبتة علىٰ كتفة واسلحتة تارسة جسمة..
باوعت لشكلة بالملابَس الي لابسها وشَكلة بالصور بلعت ريگ يمَة جيَش هَواية ولازم السلاح بأيدة وعاقد وجهَة كله وحواجبَة مطبوگات .. الله يذكرني بشكلي من اخوي ياكل عشاي ويخلينَي جوعانة واجي دانتقم منَه
هزيت راسِي وگلت بداخلي سِكتي يامنَار السَالفة مبَيها شقَة السلاح الي بأيدة اكبر منيي عزززا اخاف اگلة كلمَة زايدة ويحطني ويكتلني يمة !!
انطيَتة الجهَاز واني ارمَش وزامة شفتي وهو گال
-قاسم: والله المفروض من تشوفين شواربي تقتنعين بدون اثبات
-منَار: يجوز دتچذب عليه هَم لابس وبأيدك سلاح چذابي هيچ
علمود تقنعني بهلحچي وانوب تخطفني
رد وگال بإستهزاء
-قاسم: اي هذا ابو الصچم بس ابو الالف مو ابو الخمسمية
من خ** بالسَاعة الاجيت بيَها بعد شلون اقنَعج اخذج وياي !!
راد يگوم واني گلتلة
-منَار: لالا صدگتك اگعد
-قاسم: راح تكفرنيييييييي ياعليييي
-منَار: اخذني لجُمان
-قاسم: اخذج للبصرة مثلاً ؟
-منَار: بصرة ليش
-قاسم: وداعة حبوبتي جميلة اذا عقلج براسج اطلع گ*** صارلي ساعة احچي الج باعي يلا ميخالف مجبور انه اليوم مطولها وياچ اريد اشوف وين توصلين
سكتت واني افكر شلوون راح اگله اني ؟ وهَي شلووون راح تعرررف !!! ياروحي ياجُمان ياعمري انتِ شلون تقاومين الخبر هذا شنو راح يصير بيَج
قاسم: اريد رقم امها منَار
بلعت ريگ رجفت شفتي من گال هيچ غطيت عيوني بأيدية وصرت اناشغ شگلة شحچي اووووووفففف ياااربي دخيييييلك
-قاسم: لاتبچين والله تشوفينها اساسًا بقىٰ القليل شيء بسيط واحنة بأيدنة نرجعها لبيتها ولأمها والج بس حالياً البنَية تعبانة ومسَافة طريَق مُتعبة وبعدنا ما مخلصين شغلنا ماا نگدر نخاطر بيَها وبأمها
وخرت ايدية من علىٰ وجهي مسحت دموعي وگلتلة
-منَار: ماكو رقم مااااااكوووو
-قاسم: يمعودة اريد الرقم علمود البنية چا اريد اتعرف عليهااا !
-منَار: مو هذاااااا القصد مو هذا بس خالة امل ...
*****
شبكت أيدية وگلتلة وهذا كُل الي صار
اخذ نفس قوووي وزفرة گام وحط أيدة علىٰ گصتة وفركها اتوتر وصار يروح منَا ويجي منَا ماچان متوقع هذا الخبر صدمة الي واله بس هو چان هادئ مانطق وماا حچة ولا كلمَة بس يفتر ويفرگ وجهَة كلساع ويَذب اله نفسس
-قاسم: عَوف انه اگول لا تگلهَا هسة البنية تنتهي بعلي
چان يبَاوع بنظَرات كُلها حيَرة والحَزن بيَن علىٰ ملامَحة
-عَوف: صدمتني
-قاسم: انه هم والله ماچنت متوقع هيج خبر
گعد وقَدم ظهرة ليگدام شبَك ايديَه وگال
-عَوف: شلون اگلها بهيچ خبر
ثَبت عيَونَة علىٰ الارض وعقد حاجبَة بغضَب وگال
-عَوف: غيير صعبة !
-قاسم: انتَ گول وين راح تروح البنية ؟
سكت صافن ورجع گال
-عَوف: وضعها تعبان البنية كلشش
-قاسم: چا مثَل ماگلتلك لا تگلهَا هسة
اتنهد بحيَرة وگال
-عَوف: مو من حقي اضم عنَها شلون احط عيني بعينها قاسم
-قاسم: والله ماا ادري !
غمَض عيونه واتنهد وگال
-عَوف: زين .. خلي تصَير زينَة شَوية صحَتها تعبانة لازم جسَمها
يتغذىٰ ويصير بيَها حيل وقوَة ويطيَب جرحَها
اخذ نفسسسس عمييييق وگال
- مو سهلة خايف عليَها انه
-قاسم: انتَ دشَوف بكل الضيم المرت بيَه بعدهَي تخبل
باوعلي بتَك عين وگال
-عَوف: انه وين اسولف وأنتَ وين تسولف
-قاسم: اي چا الواحد يچذب غير صدگ
-عَوف: اكل خرة رحمة لوالديك
باوعتلة وانه محتار بالموضوع الثاني وگلتلة
-قاسم: وأكو شيء ثاني وأصعب هم
شبك أصابع ايديه بين بعضهن وگال
-عَوف: وهو ؟
-قاسم: تَره البنية مگطوعة من شجرة بحت يعني ماا الهاا احد غير امها ابد لا عم لا خال لا جد شلع عندها عم واحد ومسَافر صار اله سنوات ومايعرف عنهم اي شيء
دار وجهَة ليگدام وگال
-عَوف: أعرف بهذا الموضوع من اول ما اتحريت عنَها
موضوعها مسدود منين مَا تجيبة
-قاسم: والله يااخي عيشَتها عبارة عن تضحية وعن معاناة
حياتها صعبة هاي البنية
عقدت حاجبي من شَفتة صافن وجاي يفكر بَشيء مو يمَي ابد
واسَولف وهو ما يسَمع سارح بخَيالة
ربتت علىٰ ظهرة وبَاوعلي بتعَب گلتلة
-قاسم: تهون ابو العوف تره نشَوفلها بيَت ونشوف وضعها
باوعلي بنَظرة عابرة وگال
-عَوف: هَي لو علىٰ البيَت سهلة انه اطلع من البيَت واخليها تصَير ام البيت بس شيعوضها الخسَرتة !
-قاسم: ميخالف هذا حال الدنيا
-عَوف: الله يطيح حظك قاسم ولا مرة جبتلي شيء بيه حظ
وين ماا اوديك تجيب شيء اسود وياك بشر خ**
-قاسم: هو مو صوچك صوچي انه متحمل صاحبتها وفهاوتها ساعَتين اشرح وارجع اعيد الگلتة ولك بلعومي يبَس وهي ترجع تگلي شنو وانه اعيد غير رادت تكفرنيييييي
-عَوف: شمَسوي هسة ما تگلي هو بكل الحالات انتَ تسَولف هواي
-قاسم: رحم الله والديك .. ماا ادري بعد يقبلها لولا
زفرت وسكتت باوعتلة يعض بشَفتة وگام وحَط سلاحة بخصرة وگال
-عَوف: تعال ويَاي قاسم اريَد اطلع الهم جلَد ثاني اليَوم
-قاسم: ها وين ؟
باوعلي صفح وگال
-عَوف: تجي لولا لا تمض*** عليَه !
گمَت وشَلت سلاحي ويَاي
-قاسم: شو صاير قاسي وياي حبي
-عَوف: ولك اكل خرة واتحرك
*****
لمَيت سجادتِي وصفطتَها وخليَتها علىٰ الچربايَة اتنفست براحَة
الله شگد عظيَمة الصلاة شنو هلراحَة الي الله وأضعها بيهَا
قبل شَوية چان مثَل الجبل علىٰ صدري من الثگل وهسَة احس
اخف منَي ماكو !
ابتسمَت وهمسَت الحمدلله الي خلقني مُسلمة وجعل الصلاة من فروضي
-يارب الرحمة انتَ تعرف الإنسان ضعيف بمواجَهة ظروف الحيَاة ويتَعب رحمتَة وسَويت أله الف شغلة بالدنيا حتىٰ ترتاح روحَة وتهدأ بيَهن
- الصلاة ، الدُعاء ، فعَل الخير للنَاس ، العمل الصالح ، بر الوالدين
- دخيَلك ودخيل رحمَتك
- رب عظيم أنتَ !
- شگد احبك ياربي دائماً تلطف بحالي
- وتخلينَي أعرف انوا أنتَ ماناسَيني وأمري يمَك
- لذلك اني مطمئنة ورغم كُل الي مريَت بيه وجودك هَونهَا .
- رحمتَك حاطتَني من كُل الجوانَب احتضنتني بكرمَك
ومسحت علىٰ صدري من الوجَع والضيق
خففت عنَي العذاب من أتذكر الضرب يبين علىٰ ملامحَي العجب
- اني شلون قاومت ؟
- شلون صبرت واتحملت الأذية !
- والضرب والعنف ...؟
شلون اتحملت الحرب النفسيَة بالظلمة شلون قاومَت الجوع شلون كابرت عظَامي وتحمَلت قوة الضرب ! چان الحزام ينَطبع عليَه طبَع ومن قَوة الضرب چانت الضربة تصير جرح وتتخشَن ايَدي ماا اگدر اخليَها علىٰ المكان
- كُله في سبيَل أبقىٰ محافظة علىٰ نفسِي
- وما انجَرف لطريق غلط نهايَتة مترضَيك ولا ترضِيني .
- ' يا الله ... رجعني لحضن امي
- وخلي يخلص عذابَي تخلص شهَور البعد
- وجَع البعد عن أمي يأذيني أكثر من وجع ضربَهم
- أفرج عنَي ويسَر الي امري وأكرمني بلقائهَا خلي ينتَهي حزني
- اتنهدت وطلعت من الغرفة وشَفت صَار گبالي الَدرج
انتَابني الفضول وصَعدت لا اراديًا .
صعَدتة ووصلت للبايَة الأخيرة عقَدت حاجبي بأستغَراب مَن شفت الاثاث يختلف عكِس الأثاث الجَوة چان كُله رصاصِي والمكان مضَوي بشكل بحَيث اللون واضح لدرجة رصاصِي طووووخ
مشَيت واني اباوع شَفت لوحَة غريبَة عقدت حاجبَي وباوعت علىٰ الجهَة الثانيَة چان شباك بطَول الباب يطل علىٰ البيَوت كًلهة چان منظر اكثر من الي يجنن وشكل الحديقة والورد من فوگ خلاني ابتسَم لا ارادياً
افتريَت بالصالة وشفت باب اخذني الفضول وحبيَت افتحة اول ما فتحتة عقَدت حاجبِي وزفرت
-جُمان: شنو الموضوع كُله رصاصِي
- وچان بَاب لخ ثَاني مقَفول ابَتعدت فوراً اول مَشفتة مقفول
- رجعت بخطواتي وگلت اني شداسوي هنا !
درت وجهي ونزلت رحت يم الحجية اول مشافتَني ابتسَمت وگالت
-جميلة: شلون صرتِي حبيبَة يمة ؟
ابتسَمت الهة بحُب وگلت الهة
-جُمان: اني بَخير حجيَة بفضل الله وفضَلكم عليَه
مداعرف شلون اوفيَكم حقكم
-جميلة: مثَل بنيتي انتِ يمة لا تحچين هيچ حَالج من حال رغد
- ابتسَمت الهَا وبَقت تسَولف ويَاي سَوالف عاديَة
شَوي ودخلت علينَا رغد تعيَط باوعت الها دتخابر وتگول
-رغد: الله اكبر علىٰ روسكم حتىٰ من نطلع من البيت منرتاح
چان المقابل ديَسولف وهَي تهز راسَها بغَضب وعيونَها براسَها
-رغد: يووووووووو خاااب دروحي طگاك الي يطگكم كلكم
سدت الموبايل وشمرتة اجت گعدت يمنَا وگالت بعصبية
-وغد: غراب يگول لغراب وجهَك اسود
ضحكت الحجية وگالت الها
-جميلة: ها بعدهي مشاكلهم ؟
باوعت الها رغد اتنهدت وگالت
-رغد: بعدهي وحتىٰ من نطلع من البيت منرتاح من وراهم
ديسَولفون واني صافنَة ماا اعرف الموضوع شنو مثل الاطرش بالزفة باوعتلي رغد وضحكت
-رغد: هههههههههههه مكافخ عوائل متشتتة هاي
ابتسمَت الها ورديت
-جُمان: لابد
-رغد: مكافخنة يختلف احنة من نوع الثگيل هههههههههههه
چانت تحچي وتضحك بس مدمَعة ابتسمَت بقهر وهزيت راسي
باوعت الها الحجية وگالت
-جميلة: ميخالف يمه ميخالف تصير
ضحكت رغد وردت عليَها
-رغد: تصير حجية طبعاً اذا هاي العقول موجودة تصير
باوعت الها بغضب وگالت
-جميلة: لا تحچين هيج !
-رغد: ليش بكل مرة تدافعين عنهم !
-جميلة: انه ماا ادافع يمة انه اريد اهدي النفوس الگلوب كلها خشنت علىٰ بعضها مابقى امل وخيط لواحد يحن ويلين بعد
-رغد: النفوس تهدىٰ حجية من يحطون عقلهم براسهم ويتصرفون عدل ويسكتون ويبعدون عنه من يشوفون الي گدامهم بشر مو حجر ملينااااا ملينا من نفس الووضع نفسياتنا تدمرت فوگ ماهي متدمرة وخلصانه منهم
-جميلة: انه هم مليت يايمة بس شنسوي الهم
-رغد: كل هلسنين عيشتهن تسد النفس بعد ماا ارجع لهذاك البيت انه !!
-جميلة: چا وين تروحين
-رغد: ابقىٰ عايشَة يم اخوي !
اني صفنت منو اخوها علىٰ منو داتحجي باوعت للحجية
عقدت حاجبها وباوعت لرغد بعدم رضا وگالت
-جميلة: جديدة هاي ؟
-رغد: ماااا اتحمل بعد والله ماااا اتحملهم
وخلت وگامَت ظليت اباوع للحجية بقت تتنهد وتزفر بتعب ولازمة السبحة السبحة متنزل من أيدها ابداً حتىٰ وهي تسولف تفر بيَها
انقهرت علىٰ رغد واني ماا اعرف شنو الصار بس ماگدرت ابقىٰ گاعدة بمكاني طلعت ورحت الهَا لگيتها گاعدة بالغرفة ولامة رجليَها لصدرها وتبچي بصمَت بدون صَوت بس دموعها تنزل
گعدت يمَها اول مشافتني مسَحت دموعها وگالت
-رغد: تره ماجاي ابچي دخل بعيَوني تراب نظفت الميز
وطار علىٰ عيوني التراب .
ابتسمَت تك خد وگلت الها
-جُمان: هاي سوالفي عاد لتچذبين چنت من ضغط الدراسة والتعب الي اتعبة ابچي بس اني ماا اريد ماما تشوفني ابچي واخجل ماا احب احد يشوف دموعي وماا احب ابچي گدام احد
عاد چانت ماما علىٰ غفلة تفوت للغرفة وتشوفني ابچي واني امسح دموعي واگلها تره مچنت دابچي ماما بس منايمة هَواي وعيَوني صارت تدمَع وحدها ههههههههههه
ابتسَمت تك خد وگالت
-رغد: وچانت تصدگج ؟
هزيت راسَي بنفي وگلت الها
جُمان: لااا مچانت تصدگني بس شتسوي تعبر الي الچذبة وتگعد يمِي
وتسولف ويَاي چانت امي تضخ الي طاقة بمجرد متگعد يمِي
ارتاح واضحك وارجع اقرة واني مرتاحة واقرة بحب هم
فَ لتچذبين عليَه وتگولين تراب مو تراب انتِ بيچ شيء ؟
دمعت عيونها وبسَرعة مسحَتهن قبل لتوگع دمعة منهَن
وباوعتلي وگالت
-رغد: لا ماكو شيء صدگي مو گلتلج تراب !
-جُمان: مراح اضغط عليج اني بس تأكدي يمتىٰ متحبين تسولفين اني موجودة اگدر اشاركج ولو جزء بسيَط من الي ديبچيج
ابتسمَت الي وگالت
-رغد: بنص الي انتِ بيه تردين تسمعيني وتشاركيني !
-جُمان: ولأن اني هيج اريد اسمعج لأن اعرف الكتمان شگد يتعب وشگد يتعب الشخص من يعيش حزنة وحدة بدون حتىٰ ربتة علىٰ الظهر وضحكة من المقابل وطبطبة وكلمة تهون ..
ابتسَمت وگالت
-رغد: شيء بسيط بس يخفف ويهون ويأثر هواي !
-جُمان: طبعاً الكلمة ممكن تكون عابرة من المقابل بس احنة توگف يمَنة لأن بحاجتها بحاجة نسمَعها محتاجين هيچ شيء يخفف !
ابتسَمت وگالت بحزن
-رغد: حلوة الام جُمان
-جُمان: ليش اكو احلىٰ من الام بالدنيا ! الام وطن والانسان بدون وطنة يتطشر هنا وهنا ميستقر بمكان مثلة
-رغد: تطشرنة من زمان تدمر وطنة وانتهىٰ .
-جُمان: علاقتج بأمج مو تمام ؟
ابتسَمت بقهر ونَزلت عينَها للگاع وتعصر بأصابع ايديها وگالت
-رغد: قصة طويلة اسولفها الج بيَوم من الايام
ابتسمَت وگلت الها بحمَاس
-جُمان: بس اني ممطولة يمچ كُلها كم يوم وارجع لأمي ولبغداد
اتنهدت واخذت نفسسس عميييييق وزفرتة
-جُمان: الله يااا رغد اريد اشمر نفَسي بحضن امي واشم عطرها مااا اريد افارقها لحظة وحدة واناام يمَها اريد بس اشوفها واشوف وجَهة الحلو والله انسىٰ كُل شيء مريت بيه
- كُل شيء اعدي لو شفتَها
ربتت علىٰ ظهري وگالت
-رغد: ان شاء الله تشوفينها جُمان وتلتمَون من جديَد
- يااريت رغد يااريت طولت هواي .
ابتسَمت وگالت
-رغد: بيَها صالح ميخالف لخاطر سلامتج انتِ وامج وصحتكم وحتىٰ متتعرضون لشيء ثاني اصبري
ضحكت وگلت الها
-جُمان: هَو اني والصبر صرنَا اصدقاء تقريبًا بس بدت تنزف طاقتِي داصبر نفسِي بالگوة مداگدر صعبة رغد اني بنص ناس غربة عايشة
هزت راسها بنفَي وگالت بعصبية
-رغد: اذا گلتي هيچ بعد ماا احچي وياج والله
- گامَت وگالت تعَالي نسَوي كيَكة ونباوع علىٰ فلم علىٰ مسلسل
- مچان الي واهس اشوف هيَچ شيء بس مگدرت اكسَر بخاطرها وهَي وضعها هيچ لازم اسَوي اي شيء حتىٰ اطلعها من المود الي هيَ بيه
صفنت علىٰ روحي وگلت اني بيَا ضيَم وافكر بالناس بَس كُل شيء ولا الخواطَر كسَرها عظيم وجبَرها اعظم
- بس اني اعرفها اعرف هاي الضحكة
- من تضحك وتضم حزنَك بداخلك حتىٰ ميعرفونة الناس
- تخجل تراويَهم حزنَك وضعفك لأن يستهزئون بيَه
- ويگلولك اوه انتَ شگد بطران مايسوىٰ ترىٰ !
- ومحد يقدر الموقف الي يأذيك كُلها تاخذه علىٰ حسَب وضعه
- بس محد يعرف هذا الموقف شگد يأذي من الداخل
- شگد يلچم ؟
مواقف عادية وبسيَطة عند الناس بس عندنا ابد مو عادية
ولا نگدر نتخطاها تبقىٰ محفورة بداخلنَة الها تأثير مختلف علينا
- تحفر گلوبنَا حفر تاخذ تفكيرنا وتكلفنا دموع هَواي وقلق وامراض
- ومحد يسوىٰ هلقلق والتفكير والاثر القوي بس
- هَو الحزن صار عندنَا هم عادة ..
اتنهَدت ونفَضت افكاري وطلعَت امشَي وراها دخلنا للمطبَخ البيت هادئ قطرة المَي من تنزل تنسَمع بصدىٰ طلعَنا مواد الكيكة
- ابتسَمت وگلت لرغد انطينَي اني اسَويَها
ضحكت وگالت
- نريد ناكلها منريد نذبها تره !
شديَت علىٰ وجهَي وگلت الها بتحَدي
- اليَوم تاكلين اصابيَعج وراها هلگد ما طيبة
- يلا سَوي شعندنا
سويتَها وكمَلتها وداشَيل بالمواعَين ووگع ماعَون گزاز علىٰ اصبَعي المورم واني روحي شااااغت عصرت عيَوني من الوجع صَار الي فترة اعقم بيَج واشرب علاج حتىٰ يطيَب وماا اضغط عليَه بالمَشي
انظقة اعقمَة واخلي الَه علاج والفة بَس اذاني كُلش من وگع عليَه غمضت عيَوني وشَلت الماعون ومشَيت واهَمس بيني وبيَن نفسي ميخالف ... اتعودتي علىٰ الوجَع ياروحي !
كملَتها وطلعت يَم رغد لگيَتها محضرة نمانَم ومشغلة التلفزيون
گعدت يمَها وهَي صافنة ومحتارة شتختار علمَود تباوع
- دگ موبايلهَا اخذتَة وگالت هذا قاسم
- جَاوبتَه وانرسَم علىٰ وجهَة ملامح مُختلطة
بيَن ، الصدمة ، والخوف ....
سَدتة وگالَت
- يگول احنة نتأخر يلا نجي اليوم
عقدت حاجبي وهزيت الها راسَي بقبول بس چانت متوترة وتفرك بأصابع ايديها شَوية ورن جَرس الباب بقينا وحدة تباوع للخ
ارتبَكت وتلبَكت كُلش وجهَة صَار اصفر من الخَوف
واني من شفتهة مرتبَكة حسَيت اكو شيء صرت ارمَش ومفاهمَة شنو ديصيَر ...... طفَرت گعدت يمَي كُلش دحسَت نفسَها وهَي ترجف صَرت ارمَش بـسَرعة مستحيييل مااكو شيء وضعهاا مو طبيعيي .
رجع اندگ الباب بس بقَوة هلمرة غمضت عيونها عصرتههن
ورجعت فتحتهن وگالت بهمَس وشادة علىٰ كلامهاااا
- هذااااا البااااااااب لوووو يندگ للصبح مراح ينفتح
- مراح يننننننفتتتح اااااابببببببببدددد !!!!
