رواية قيود العوف الفصل الخامس عشر بقلم ريتا
"قاسم"
- وگف باوعلهم بنَظرة مطولة عاگد حواجبة ويزم بشفَتة عيَونة تتنقَل بيَن وجوَهم نظرة لهذا ونظرة لهذاك مشىٰ خطوات اخذ الكرسي عكسَة وگعَد عليَه طلع جگارتة ورثها اخذ نفس زفرة وگال..
- گواهم الله مرتاحيَن مو ؟
بَاوعت الهَم چان مَطلع الدم منَهم ساحَلهم سحَل
ووجوهَم كلهَا اثار الضرب چاان مدمَرهم
حتىٰ حچي ما يگدرون يحچَون ويردَون عليَه بعد
بَاوعت الَه يبَاوعلَهم وشَبه ابتسَامة جانبيَة علىٰ وجهة ضحكت احجي بداخلي والله يالعوف محد يگدر يفسرك الله يستر .
طفر واحَد بيَهم وگال وهَو يجر بالكلمَة جر
- سيَدي والله عنَدنا عوائَل مَالها غيَرنا شلون ديَاكلون شلون ديشربون واحنَة هنا
ضحك وگال
-عَوف: سودة عليَه حبيبي الله يسَاعدهم چا اذا باقيَن بدونكم داحو
رد عليَه وهو يبچي
- اي والله سيَدي عوائلنا واطفالنَا شنو ذنبَهم ؟
رفع حواجبَة بدهشَة اخذ دَقَايق يبَاوع الَهم بعدها حك خشمة وگال
-عَوف: كلنا نغلط لأن هَي هَاي الدنيا
- والله صحيح سيَدي كلنا نغلط
-عَوف: اي صحيَح وانتوا شَباب
وهَم لا والله مو شَباب بعدكم زعاطيط وكُل زعطوط طايَش بعد ؟
رد عليَه واحد وگال
- اي والله سيَدي احنة زعاطيط
حصَرتني الضحَكة بس قاومَت عَرفت عَوف بَراسة شيء وجاي يطبَقة وينفَذة .... چنت ابَاوعله يبَاوعلَهم بنظَرة استهزاء وزام شفَتة بس سَرعان ما غيَر نظَرتة من واحد اتمسَكن اله وگال
- سيدي ساعدنا لخاطر اطفالنا شنو ذنبهم ؟
-عَوف: لا شلون اساعدكم صعبة قضيتكم
- سَيدي ارجوك ساعدنا والله احنة متندمين كُلش
-عَوف: صعبة كلشششش صعبة
- سيدي ارجوك حاول
زم شفتة ونزل راسَة وحَول ملامَح وجهة لشَخص حزين وجاي يفكر بعدها نطق وگال الهم
-عَوف: راح اساعَدكم بس بشَرط انتوا هَم تساعدوني
- سيدي احنة حاضَرين بكُل شيء
بَاوعلهم وهز راسَة دَفع الكُرسي وگام رجع أيديه ليَورا
وشبَكهم بيَن بعضهم وگال
-عَوف: انتوا صغار وتستاهَلون تعيَشون وتكفرَون عن ذنوبَكم
تره انه مقهور حرامات يَروح شبَابكم بالسجن حرامات
كُلهم طفرو وگالوا
- سيدي والله راح انتوب لله وانبطل نمشَي بهذا الطريق
-عَوف: اي الله يحَب التوابيَن مو قاسم
-قاسم: طبعاً سيَدي والشبَاب عندَهم خط توبَة واضح
-عَوف: اي انه هم اشوفَهم يردون يتوبون ومايمشَون بهيچ طريق بعد
رد واحد وهو يبچي ويناشَغ وگال
- سيدي والله منمشَي بهيچ طريق بعد ابد راح انتوب وانكفر عن ذنوبنا
-عَوف: يعني تعرفون الي چنتوا تسوونه ذنب ؟
- س ... سيدي والله مجبورين عيشَتنا هاي
دار عليَه قبَض علىٰ أيدَه وبَاوع الي هزيَت اله راسِي ورخه ملامحَة وقبضَتة وابتسَم ودار عليَهم وگال
-عَوف: ميخالف هسَة الفات فات بعد عليَنا بالجاي انه راح اساعدكم
- بس انتوا قضيَتكم صعبَة وانه
راح احاول اساعدكم لحد ماا تطلعون
بسس ؟
بالمقابل تعترفون بكل شيء وتگولولي منو الچان يسَندكم
ويمَشي هاي الامور بيَا ظَهر چنتوا شاديَن روحكم ؟
باوعت الهَم اتلبَكوا وبقىٰ واحد يبَاوع للثانِي ونزلوا روسَهم
ميَل راسَة وزم شفَتة عقَد حاجبَة وگال الهم
-عَوف: لا لا وانه گلت يَردون يعيشَون ويَرجعون
لأهلهم وعوائَلهم بس الظاهر انتوا مَا تردون
ظلوا ساكتيَن ومنزليَن روسَهم رجع گال الهَم
-عَوف: الي ساكتَين عنَه عايَش ومرتَاح ينَام بليَلة
وما تمَرون بَالة حتىٰ وانتوا هنَا
نصىٰ صوتَة وحچة بنبَرة تقهر المُقابل وگال
- وعوائلكم ماتدرون بيَها شصار ماصَار تؤ تؤ
ياكلون ماياكلون زين اذا انتوا هنا شلون يعيشَون صعبة هاي
بس يلا بكيَفكم بعد خلي عوائلكم تديح
رد واحد وگال
- سيدي محد ورانا احنة چنة نتفق بيَناتنة مجموعَات ونشتغل هيچي محد ورانة ولا نعرف احد صدگني سيَدي
-عَوف: صدگتَك حبيبي
- وجُمان ؟
اتلبَكوا وجَهم صار اصفر من الخوف حصَرهم بهَاي حچايتَة
- سيدي منو جُمان ؟
-عَوف: هههههههههههههه البزونة الي لگيَناها بمكانكم
شنو تستَلوت ولك ؟
محد منَهم فك حلگة ونَطق بَعد كُلهم سكتوا وبَقوا واحد يباوع للثانِي
خَاطهم خوط بقىٰ يحچي وياهم بنبَرة متروسة حزن وحسَرة اتحول لشَخص ثاني ويگلهم راح اسَويلكم هيچ واعيشَكم هيچ واطلعكم من السجن ومن هلحچي بحَيث انه ردت اصدگة أله شَوية
ماكو درب ما اجالهَم منَة لحد ما اقتنعوا كلششششششش وهَو علىٰ نفَس وگفتة يدخَن ويزفَر الدخَان ومَقلص عيَونه ومنتظَرهم يحچون
- سيَدي تساعدنا
-عَوف: طبعاً كلشش راح احاول اساعدكم حبيبي
- سيَدي والله احنة مجبورين اشتغلنة نريد نعيش عندنا عوائل واطفال
-عَوف: حقَك حبيبي تريد تعيَش
- يعني تساعدنا سيدي
كز علىٰ اسنانة وابتسَم بغموض وگلة
-عَوف: چا شلون ما اساعدكم وعوائلكم وين تروح ؟
چان كُل كلمة والثانَية يركز علىٰ كلمة عوائلكم ، اهلكم
وهمَة بس يسمَعون هيچ يرتَخون لزمَهم من أيدهم التوجَعهم
- سيدي انه احچي
ابتسَم ورجع الكُرسي وگعد عليَه وهز اله راسَة وگال
-عَوف: من الاصبع للراس
- بَدة يحچَي اله والثَاني ويَاه والثَالث يرجَع يَكمل
چنت اسَمعهم وأثر الدهشَة علىٰ وجَهي مبيَن يحچون بگلب بَارد كل الي سووه كل جرائمهم اشياء يوووووكف منَها الراااااس افعال عجيييببببة چنت مصبر روحي بالگوة وانه اسمَعهم بكل كلمة يحچونها اريد اكسر سنَونهم بحلگهم
- بَاوعت لعَوف چان صَافن ووجَهة ثابَت ماعندَة اي ردة فعل
او تأثير چان بيَن كلمة يحچونَها يسألهم سؤال
-عَوف: زيَن شنو چنتوا تاخذون بالمقابل ؟
- فلوس هووواية سيَدي
- وبعد ؟
- سيدي فلوس واي شيء نريدة ينطيَنة اياه
بس شرط نجَيب اله بنات حلوات للم***
-عَوف: وهَذن البنَات شچانوا يسوون بيَهن ؟
- سيَدي الي تعجبَة ياخَذها هَو وراهَا يشغلها بالم***
-عَوف: يشغلها ؟
- اي سيدي يشغلها وچان يجبرنة نجَيب الحلوات كلش
حتىٰ يربح الم*** مالتة ويجونة زبائن هوواي
عَقد حاجبَة وگلة
- اي كمل ؟
- لأن سيدي البنات الحلوة تربَحهم فلوس هوواي وتجي زبائن علمودهن بس اكو بيَهن ما اتحمَلن وانتحرن
- انتحرن ؟
- اي سيدي انتحرن
- وين مكانة هذا الم***
- سيَدي هذا مل*** سري ويجَونة بس الشخصَيات والطاگين لا بي كاميَرات تصورهَم ولا بيَه أحد يبَلغ عنهم علمود هيچ يرتاحون اله
- ليش ؟
- سيدي لأن كُل واحد بمنَصب وبمكانة يخاف علىٰ روحة
علمود هيچ يجون لهيج مكانات سَرية بس مرتبة
ويدفعون الفوگهم والي جواهم وما يهمهم
- اريد مكانة
بَاوعت الهم صَار واحد يبَاوع للثانَي اترددوا بين
الـ يحچون لولا نطَق واحد وگال
- سيَدي بس اوعدنا تحل قضيتنا وتسفرنا احنة وعوائلنا من العراق
-عَوف: وحق هو علي راح اسفركم
رفَعت حواجَبي اثر الصدمة وباوعت اله شنو براسة شراح يسوي
حتىٰ انه صرت ماا افتهم عَوف ولا اعرف شنو براسَة وبشنو يفكر
- ضحكوا وبَاوعوا اله وگالوا
- سيَدي والله كلنا ثقة بيَك
اخذ المَكان منَهم بالضبط وگال الهم
-عَوف: منو المسؤول عن المكان ؟
- سيدي هَـو نفسَة الي نشتغل عندة
-عَوف: اسَمة الكامل ؟
سيَدي *************
شَبه ابتَسامة صارت علىٰ وجه العَوف گام وگال الهم
-عَوف: عاشت أيديكم هسة ارتاحوا
- سيدي يمتى تطلعنة ؟
-عَوف: سَهلة هاي
- سيدي مو اخذت المكان والاسم والمعلومات لعد شوكت ؟
-عَوف: لازم أتأكد حبيبي لازم أتأكد من كل شيء حچيتوه
باوع الهم وگال
-عَوف: لا تخافون انه گلتلكم راح اسفركم من هذا المكان وهذا وعد
لبَس طاقيَتة وابتسَم وعافهَم وطلع طلعت وراه ضحكت وگلت اله
-قاسم: وحق علي داهيَة انتَ شنو براسك بشنو جاي تفكر؟
-عَوف: جاي افكرهم اسفرهم للشباب
قلصت عيَوني وگلت اله
-قاسم: اي وين ؟
-عَوف: هههههههههههه لمكان يخبل
باوعت اله توني جاي ارد ودگ الجهاز شفت اسم رغد جاوبتهااا واجااانيي صوووتههااا وهي تحچيي بصوت عااليي خبصتني..
****
بقيت متوتَرة ماا أعرف شنَو اسوي من شفت وضعهاا وهيچ خايفة حتىٰ اني خفت وقلقت أجت بالي الف حسَبة اتنهدت غمضت عيَوني وفتحتَهم گلت الها..
-جُمان: رغد شبيَج منو الي يدگ بالباب وهيج ارتبكتي ؟
چانت صافنَة ورايَحة بغير عاالم فتحت عيوني ودغيَتها بأصابعي اريدها تنتبه الي وين صافنة...
-جُمان: رغد ؟
فزت انتبهت الي هازة راسَها اردفت بصوت واهن..
-رغد: ها جُمان ها
-جُمان: شبيج رغد شنو دايصير
رجفت شفايفها وحچت بقهر..
-رغد: مااا اريد اشوووفة جُمان ماا اريد
لزمَت أيدها وبَاوعت الهَا ماگدرت اسألها اي سؤال بهذا وضعها كل الي حاولت اسوي اهدي بيها..
-جُمان: ميخالف ماراح تشَوفَي صدگيني بس أهدي لتخافين
-رغد: بس اشووووفة يرررررجع وضعييي وانه ماا اريييد
لزمت ايَدية وحچت بأرتباك وايديها ترجف...
-فدوة جُمان لتخليَنة يفَوت لتفتحَين الباب ماريد اشوف وجهة اكرهه .
فتَحت عيَوني بدهشَة وهزيَت الها راسَي
-جُمان: طبعاً ما راح افتَحة رغد بس أهدي كُل شيء تردينة يصير
لتخافين هياتني أيدي بأيدج ما راح اتحرك لفد مكان
-جُمان هذا .... تَوة دتسَولف وسَمعنا عيااااااط وهَوووسة برة وصَوت
عَوف وقااااسم عاااالييي كُلششش
ركضت رغد بسرعة ومشيت وراها صارت عيني علىٰ العوف الي لازم ولد من ياختة يعت بيه عت يروح يمين يسار بإيدة..
-عَوف: ااااااانه شنووووو گلتلك مو گتلك لااا تفتر وراهاااااا تريد تموووت انتَ مارايدددد روووووحككك اددددددفنننننك هناااااا وانعل والديك اسويها ولك اسويها تعرفني .
جاوبَة المقابل وهو يعتعت بيه..
-اريد احچي وياها لك بس انطيني فرصة انتَ شعليك خليها هي تحجي وياااي .
فتح عيَونة على وسَعهن عَوف وضَربة راشَدي فر اله وجهة فر وسعت عيَوني ورمشَت بسَرعة من صَوت الراشدي الي وصلني وگع بالگاع وگف فوگ راسَة رفع اصبعة وگال اله
-أنتَ كلب ابن سطعش كلب وماا ترتاح اله اخذ رووووحك بأيدي كفيييييلك العباااااس اذا ماا تتحرك وتگوم منَا منيَتك علىٰ أيدي ومايرف الي جفن عليك.
بقىٰ واگع بالگاع ماا اتحرك زمخ بيه العوف بعصبية..
-شوف لك حيوان واگف بعيني غير امك مالها غيرك چا وداحـي الباب من زمااان خيسَتك بالسجن وخليَت الجريَذية والفار يشاركنك الماعون ياحيوان .
يحجي بس ما اكدر اسمعة صوتة ناصي ماعرف شنو حچة حتى تقدم عليه قاسم بعصبية بَعد عنة العوف رفعة حط بوكسي بوجهة كش وجهي من قوتة وهذاك بعدة يلاسن...
-قاسم: ادفنك هنا والله ادفنك اذا تفكر توصلها اكسر راسك .
مشىٰ سريع يمسح علىٰ وجهة ويهَدد أله أشتكي عليَكم ضحك عَوف وگال ..
-ايبَاه يشتكي عليَنا الخايس ولك اذا اكضَك هسَة ماا اهدك اله وانه منومَك بالسجن ومخيسك بيه حتىٰ تهديدة الله گالبة الخنچة .
وگف لثواني العوف بَاوعلة واتحرك شَوية وهووو طگها بركضة لسيارتة ضحك بصوت عالي والتفت گال قاسم..
-قاسم: علىٰ يوم ادفنة وانعل ابو الجابة
انتبهوا علينا واگفيَن بالبَاب ورغد واگفَة وتبچي بصمت اجوها سريع ملهوفين حضنها العوف يطبَطب علىٰ ظَهرها ويگلها..
-عَوف: مايوصَل بعد لهنا اكسر رجلة لو وصل وشاف ظلج يابعد عيني .
رفع وجَهة بأيَدي وگال
-عَوف: بلا خل اشَوف وجهج الحلو الفصَمة تبچي يابعد روحي
ضحكت اله وباستة واخذَها قاسم يحضَن بيَها گعَدها علىٰ القنفَة يمسَح بدموعهَا ويتهامس وياها دمعت عيَوني مبتسمة وا هَذا الفرق من يَكون عنَدك سنَد .
اتنَهدت من شفت العوف اتقدَم بأتجَاهي وصَل يمي صارت عيَني بَعينة نظرتَة غريبة ليش يبَاوعلي هيچ ارتبكت صرت ارمَش سريع شَحيت نَظري عنَه بسَرعة..
وصَلني صَوتة وهَو يگول
-عَوف: جُمان ؟
رفَعت راسَي وجاوبَتة هَا ؟
رد عليَه بنبَرة هادئة اول مَرة اشَوفة يحچي ويَاي بصَوت هادئ بدون عياط !
-عَوف: انتِ زينة ؟
جاوبتة متحسرة..
-ماا اصيَر زينة لحد ماا يصَيرلي حَل وتنحل مشكلتي تعبَت اني تعَبت والله .
بَاوعت اله اتنهد بتعب مد أيدة طَلع جگارَتة ورثَها گبالي اخذ نفس وگال..
-عَوف: محتاجة شيء تردين شيء جُمان ؟
-جُمان: لا ماا اريد
-عَوف: اذا ترديَن تعاليَلي لا ترحَين لأحد
باوعت اله بَدون رد حك حاجبة باوعلي لثواني هز راسَة ومَشىٰ صَعد فوگ بَقت عيَني عليَه وهَو ديمَشي غَريب شبي ؟
بقيَت واگفة وافكر ...... فززني صَوت رغد اللتفَت وشَفتها يمَي واگفَة ابتَسمت الها خليَت أيدي علىٰ كتفَها وگلت الها
-جُمان: صرتي احسَن ؟
گعدت واشرتلي اگعد يمها..
-رغد: جُمان انه اسَفة
رديَت عليها بأبتسَامة ولزمَت أيدهَا بحنية
-جُمان: ماا اعرف شنو ظرَفج لذلك ماكو داعي تعتذرين
ابتّسمت من بيَن دموعهَا اترددت بعدهَا نطَقت وگالت
-رغد: حيَاتنا صَعبة جُمان من كُل الجوانَب
الي يشَوفنا يگول مرتاحيَن الله هنيَالهم كُل شيء متوفر الهم
بس احنة عانيَنا هَواي انخَذلنا هواي وفقَدنا هواي تعبَنا
لحد ما وصَلنا لهيچ مرحَلة من حيَاتنا
بقيت اباوعلها مستمعة غمضت عيونها اتنهدت وكمَلت كلامَها..
-رغد: هذا الي چان بَرة چان سَبب بأنوا اعَيش أسوأ فترة بحَياتي
ضحكت وگالت او ... فترررات مو فترة وحَدة بس
عضَيت شفتي وبَاوعت الها بتساؤل وگلت
-جُمان: ليش منو هذا ؟
جلت صوتها وحچت .
-رغد: خطيبَي السَابق انفصلنا ..
اعصَر بأصابَيعي واباع الهة تحچي وهَي مهمومَة ، مختنگة ، الحسَرة ذابحتَها صوتها بيه غصة ..
-رغد: اتعرفَت عليَه بالجامَعة من مرحلَة اولىٰ لحد مرحَلة رابَعة
هَو ويَاي ما چنت اباوعَلة حتىٰ ماچان يعجبَني ابداً .
لحَد ما صَار بكُل مرة يشَوفني وحَدي گاعدة يجَي يگعد يمَي
ويگُلي كُل الكلام الحلو واحبببچ صار الي سنَين وأريدچ
بس بكُل مرة چنت اقابلَة بالرفَض وما اقَبل اي شيء يحچي
ولا يهمنَي ولا يأثر بيَه حتىٰ لحد ما اخذ أيام طَويلة مايجي
ماا اشَوفة بالقاَعة ولا برة بالجامَعة كُلها مموجود
اول مرة احَس مكانة فَارغ يمكن لأن اتعودت علىٰ وجودة
ومضايقتَة الي بكُل مرة اخذت أيام ملاحظَة عدَم وجودة
ماا اعرف شَنو الصَابني بَس ماگدرت اصبَر بوقتها
فوراً رحت لصديقة وسألتة عنَة ...
جاوبَني وگال انوا هَو مرَيض وتعبان حالتة كُلش تعبانة
واني السبب هو يحبني واني ماا انطي فرصة
بيومها رجعت للبيَت ومنَمت بليلي بقيت بس افكر
فكرت هَواية وچنت خايَفة بس بيَومها قررت انطي فرصَة
داومت ثانيَ يوم وچان موجود بَيومها حطيت أيدي علىٰ گلبي واتنفسَت براحة واول مَشافني اجة حچة وَياي وعاد نَفس الموضوع بس بيَومها انه چنت مقررة أنُ انطيه فرصة ...
فرح كلش بيَومها من شفتة انه هيچ انصَدمت معقولة كُل هذا حب !
ماچان مصدگ ابداً وفررررحااااان طاييييير من فررررررحححححةةةةة
گلتلة اخطبَني انه ماا افوت ويَاك بعلاقة هيچ
جاوبني بدون ترردد وحتىٰ تفكييير وگال موووافق
وتقدم الَي ورة اسبَوع محد من اخواني قبَل ورفضوه
ماچانوا طايقيَنة ومايردَونة ماچنت اعرف السبب شنو !
وبكُل مرة اگلهم ليش چان الرد :- مايفيَدچ رغد مايناسبج
دگيَت رجلي إله هَو لو غيرة لو ماا أريد لو متروس عيوب اريدة
رغم اصراري هم بقوا علىٰ قرارهم رافضينَة ومايقبلون بيه..
انهضمت وانقهَرت بوقتها قراري وميحترمونة
انه اريدة أله هَو ماا اريد غيرة
-قطعت الاكل والشرب أعتزلت عنَهم چان يراسلني
-ويدزلي هَو بالمستشفىٰ والمغذي فوگة
امووتتت بووقتها من صدگ من اشَوفة هيچ
احمل نفَسي كُل المسؤولية كُل شيء انه اتحملة
وازيد علىٰ قراري كالولي مو زين كالولي ميفيدج كالولي سئلنا محد يمدح بيه حياتة الخاصة مخبوصة بس انا جنت غبية معمية العيب گبالي وماشوفة دگيت رجل اريدة واحبة وكل حجيهم عنة مو صحيح لحد ما اضطروا يوافقون علمود صحتي الي بدت تهبط واكل ماكو وحتىٰ ماا اقبل اروح للمستشفىٰ..
وافقوا وتمَت الخطبة وچانت مشاعري مختلفة
سعادة مو طبيعيَة من أشوفَة شگد فرحان بيَه عبالك مالك الدنيا
واستمَرت خطَوبتنا ٦ اشهر بهاي الاشهر عشَت بعالم ثانَي
عالم مختلف مو نفَس الچنت انه بيَه عالم كُله
حنان ، حُب ، سعادة ، مشاعر مختلفة
چنت طايرة ومحسسني انه وبَس بهاي الدنيَا !
لحد ما فد يوم انه گاعدَة وصلتني مسجات وصور
من رقم غريب عقدت حاجبي وفتت علىٰ المحادثة
ماچنت اگدر أبادر بأي ردة فعل صافنَة واگلب بالصور
صَورتة بزواجَة من زوجتَة وفرحان ويضحك
وصورة ثانيَة لأطفالة وهو گاعد يمَهم ويضحك
وصورة ثالثة هدمتني چانت بملابَس اجاني بيَها جُمان !!
وصَلتني رسالة مكتوب بيَها
- ابقي مضحكة عندة يجيج ويرَجع لمرتَة واطفالة
وأنتِ صايرة بأيدة لعبَة والمي يجري من جواج وما تدرين
- من القهررررر صررررختتتتتت كسسسسرتتتت لطمتتتت چذب كُل الي عشَتةةة وياااااه چذب كل شيء عندة چان عاااابر وعندي چانت توگف السااعة .
تحچي وياي الحجية بـس تلوم بيَه...
-هو هذا الي ردتي هذا الي كتلتي روحج عليه ؟ كم مرة گلولج مرة مرة نهوج ظليتي معاندة .
اتحملت مسؤولية قراري بنفَسي واتحملتت الي عشَتة لوحَدي اصعب أيام عشَتها انتهيَت بيَها بوقتها نزلوا اخواني من الدوام وشافوا وضعي اتخبلوا قاسم احتار شنو يسوي بيه كسروه تكسر ايدة العوف لواها وبقت ملوية لفترة يعالج بيها ودعوة بنص دعوة بس انه چنت كل الاريدة يطلگني مااا اريد ابقىٰ علىٰ ذمتة وهو كل ميوصل موعد الطلاق يسافر ويشرد لحد ما لزمة العوف وخلاه يطلكني غصبًا عليه.
بس چنت كُل مَا اخلي راسي علىٰ المخدة تسيَل دموعي
انقهر وانهضم ليش ؟ ليش ماا اتهنيت بالي عشَتة
ليش هيچ عيشَني
كُل شعوري تجاهة چان نابَع من القلب وبصَدق
وكُل شيء چان يجيَني منَة چذبة
انه چنت عايشَة بنَص چذبة !
كُل ما أتذكر انه چنت مستغفلة وعايشة بوهم أنتهي
كرامتي راحت عزة نفَسي شخصيتي كُلهن حسيتهن راحن بس بيدي روحتهن وانا الي جبتها لروحـي وردتة .
طلگوني منه وماعافني وين ما امشي اللگي وراي سودني وخبلني لحد ما فد يوم شافوه قاسم والعوف لزموه دمروه بالكتل الدم صار ينزل من كُل وجهة رادوا يسچنونة بس چانت امَة مرة كبيرة بالعمر كُلش علىٰ عكازة وهو الوحيد الي عندَها ومريضَة وهو الي يشتغل ويَجيب الها علاج وعنده اطفال وگفوا بعيني جهالة شنو ذنبهم بالاخير .
وعشت فترة أصعب صرت اشوف كُل شيء چذبة ، حتىٰ الكلام العادي من المقابل احسَة چذب مو حقيقة صرت اقتنع بهذي الافكار لحد ماتسودت بوجهي كلش .
اخواني لو حضنوني اشَوفهم چذابيَن مو صدگ حُبهم الي بديت اشكك واصدك شكي حصرت روحـي بين افكاري .
اتخرجت وكُلها فرحت بتخرجي الا انه ماحاسَة علىٰ شيء
لا شعور الفرح ولا شعور ثاني ماعندي اي شعور
مرت فترة بيها حاولت ارجع لنفسي اصحيها اوعيها اكلها كافي مايسوة مايسوة ،فد يوم طلعت اغير جو صار گدامي جُمان وماگدرت اباوع أله..
چنت اسمَعها وي كُل كلمة تحچيها تشهگ وكأنمَا دتعيد الموقف
وصَلت لنقطة وگالت بشهگة وحسَرة
-رغد: جُماااان ما گدرت ارفع عينَي بعيَنة مجرد شفَتة
رجع الي شعوري أنه إنسانة بلا كرامَة إنسانة انضحك عليَها
استغفلهَا وهمها وعلىٰ مزاجة
اجاني يحجي يريد يحجي وياي بنص العالم ، خبلني صوتي ترس المكان ورغم هذا كله ماعتقني ، قلت صحتي ومناعتي
تعبَت ، انهاريت ، اتمرضت ، وخسرت وقتي
ونفسي وكرامتَي بعلاقة سَامة بس چنت معميَة بيَها .
-جُمان: صار شگد علىٰ هلموضوع ؟
اتنهدت وگالت
-رغد: سنة ونص
-جُمان: وسنة ونص متگدرين تحطَين عينج بعيَنة ؟
-رغد: مرضني لدرجة صوتة اذا اسمعة كل حجاية حاجيها تنعاد عليه.
-جُمان: لازم تواجهَينة اذا متواجيَنة ما راح تتخلصين
وراح تبقين تخافين تباوعيَلة خاف ترجعين تعيشَين نفس الي عشتيَه
واجهيَه وواجهَي نفسَج قويَها انتِ عديتَي كُل هاي الأشياء لازم تتعدين هذا الشعور هم لازم تتخطين هذي المرحلة
- المواجهة حل لنفسَج ولحيَاتج
- واجهَي حتىٰ تگدرين تعيشَين طبيعي
بعدج كاتمَة نفسَة بنفس الموقف !
-رغد: اشمئز منَه ومن كُل ولد صَرت
ماا اطيييييقهم من اشَوف ولد كُلهم احسسهم هيچ
مثَلة حييييالييين چذابييين محد يحب صدگ محدد
عدلت گعدتي وحچيت..
-جُمان: أحيانًا كُل الي نتمناه الامان شخص نأمن علىٰ نفسَنة يمَه نأمن علىٰ مشاعرنا علىٰ قلوبنَا علىٰ حياتنا كلها وياه .
- الأمان المطلب الأبدي
- من يكون الشخص أمين عليَج لتخافيَن
- راح تكونيَن مطمئنَة ماراح تنهَان كرامتج
- وما ينكسر گلبج ولا تنسَرف مشاعرج علىٰ اللا شيء
- والأهم متخافين منَه هو بالذات
- الي نفتقدة الأمان
باوعَت الها واجت عينَي بعينَها دموعَها تارسَة وجهة
حضنتها وطبطبت علىٰ ظهرها
-جُمان: فترة وراحت بيها سلبيَات هَواي بس اخذي المُفيد
اتعلمتي دروس مو بس درس واحد ..
وهَو هذا قانَون الحياة
هزت راسها متنهدة ابتسمت متحسرة وگالت.
-رغد: ميخالف اتعودت انه مو شيء جديد عليَه
-انتِ بطلة الي اثر بيج الموقف انصدمتي بيه صعبة من تأمن بأنسان وتنطي كل ذرة بروحك بعدين يصدمك مثل الي ينشمر من سابع سما .
ابتسَمت الها ومسَحت دموَعها بأيدي وردت اغير الموضوع گلَت اله
-جُمان: هسة حتىٰ كيكتَي بردت حررامااااتتتت ماتسوة تعبي بيَها
حتىٰ الماعون وگع علىٰ أصبعي واذاني من وررراهااا
-رغد: هههههههههه حتىٰ نسيَتها انه ولا الي نفَس بعد
نزل قاسَم واجة گعد يمَها شَاف الكيَكة بَاوع الها بطَرف عيَنة وگال
-قاسم: هم حجارة مثَل كل مرة ؟
ضحكت وردت عليَه
-رغد: لا هاي سَوتهَا جُمان
-قاسم: بلا انطيَني قطَعة
اخذَت الكيَكة وحطَتها گدامة وانطتَة بطَل عصير
وخرة بأيدة وگال
-قاسم: العصير مو صاحبَي وخريه
-رغد: چا شنو صاحبك ؟
-قاسم: ريد بول تايگر
-رغد: بووووووول تشرب
كفخها علىٰ راسَها وگال
-قاسم: مشروب طااااااااااقة يااا مطييييييييي
فتحت عيووونهااا وگالت
-رغد: البووووول صاررر مشروب طااااقة
ضحكت بصَوت من شَفت شكلهة وهي تحچي هيچ
جاوبَها قاسم وگال
-قاسم: رغد هذاا بطل العصير راح ارگع راسَج بيَه
لو هو يكسر راسج لو راسج يكسرة
-رغد: بلا ضوگ الكيكة ما ضگتها انه
گص منَها قطَعة اخذها اكلهَا زم شفتة وگال
-قاسم: بلا خل اگص وحدة ثانيَة ماحسَيت بطعمها هاي
گص اله وحدة لخ وگالت اله رغد
-رغد: اي شلونَة طعمها ؟
جاوبَها وهو عيَنة علىٰ الكيكة وگال
-قاسم: بعد وحدة بلا خل أتأكد من طعمها
-رغد: شطلعتتت هاااااايييي مااا تگليييييي ثلث قطع
ومااا حسييييت بطعمهااااااا
-قاسم: القطعة الاولىٰ تروح بسَرعة تخلص أثر الجوع
الثانيَة هم مايبيَن بيَها الطعم واللگمة الثالثة يعني اها تحس بيَها
-رغد: اخذ الكيكة وگوم أصعد بعد شبقييييت بيَها !!
جاوبَها وهو يتمسَكن
-قاسم: داريني رغد داريني
راح اروح للشغل لبغداد واطول يلا انزل
فَتحت عيوني من گال بغداد نغزني گلبِي عنَدي قطَعة من روحي بيَها
نصي بَاقي هنَاك روحَي هناك اني هنَا بس جسَد امييي هناااااك
رجعت نظري الهم
-رغد: حتىٰ عَوف هم ؟
-قاسم: اي
-رغد: تطولون ؟
-قاسم: اي نطول بس ماا ادري شگد
بقوا يسولفون سحبت نفسي من يمهم وصعدت فوگ .. يروح لبغداد ويطول يعني راح ابقىٰ هنا زين لشوكت ابقىٰ هناااا لشوووووكت .
صعدت واحتَاريت وين اروح بيَا غرفة هَو ؟
سمَعت طگطگة جايَة من الجَهة اليسرىٰ عرفتة موجود بهاي الغرفة
طرقَت الباب طرَقات سريَعة قويَة اجانَي صَوتة وهو يگول
-عَوف: تعاااال
فتحت الباب ودخلَت عليَه باوعلي وفتَح عيَونة بصدمة
مثَل الي ماچان متوقع جيَتي أني بالذات ...
أنتبهت اله فاتح الكنتور وديطلع ملابس وعلىٰ الچرباية جنطة
وديحطهم بيَها
وجَهت نظري اله وگال
-عَوف: جُمان شنو جاي تسوين هنا ؟
-جُمان: ليش ماگلت راح تروح لبغداد ؟
طبگ حاجبة مستغرب أتقدم الي وگال
-عَوف: عفواً ؟
رجعت حچيت واني كازة علىٰ اسناني
-جُمان: ليش ماگلت راح تروح لبغداد !!!
-ليش اگوول انتِ شعليج حتى اگلج !
-جُمان: اي مادام شغلك هنَاك تاااخذنيييي وييياكك لبغداد
ورجَلي علىٰ رجلك خطوة برة هالباب بدوني متتحرك
لو اموت بنص بغداد اروح وياك وتاااخذني لأمي
وميهمنيييي شيريد يصير يصير بعد ماااا اتحمل خلص صبري خلص .
حچيتها ونزلت امشي بسرعة توني دافوت للمطبخ اشرب مي نشَف ريگي سمعت صَوت قاسم وهو يگول..
-وممنوع تحچين گدامها حرف واحد لو يزل لسانج يارغد ديري بالج ولا يبين عليج .
وگفت مستغربة بللت شفتي بحيرة لثواني بس وگـلبي راح احسة مـن ضربت علىٰ خدها وگالت
-يعني شنو ام جُمان شبيها ماتت ماتت ؟؟
