رواية أحببت من لايبالي الفصل الرابع عشر بقلم مجهول
براء : اليوم كعدت نشيطه ومتحمسه لان حداوم ... كمت بدلت وكعدت امشط شعري ضفرته ... وطلعت شالي ... كعد زين ... بهدوء ... صباح الخير
زين : صباح النور .. شهل النشاط من الصبح
براء : بابتسامه صغيره ... فرحانه لان حداوم اليوم
زين : همهم هاز راسه ... كام دخل للحمام
براء : حضرتله ملابسه لان صرت اعرف روتينه بدون ميحجي ... رحت كعدت بالصاله اقره قران حتى الله يوفقني باول يوم الي بالدوام ... كملت ونزلت جوه اسوي ريوك لكيت خاله مريم ... صباح الخير
مريم : صباح النور
براء : تكدرين ترجعين تنامين اني حسوي ريوك
مريم : لا بنتي بعد كعدت مااكدر ارجع انام
براء : بكيفج بعد ... حضرنه الريوك ... ونزلو الشباب ... كعدت بمكاني ... همه يسولفون ويتناقشون واني بالي يم الدوام
زين : كمت ... من رخصتكم ... يله براء ... طلعنا
براء : عيني على الجامه واباوع على الناس هذا الطالع متفائل وهذا الطألع ضايج وهذا الطالع يدور لكمه لعائلته اااه كلمن عنده هم شكل ....انتبهت على زين وهو يسوق ... مر على بيتنه ... احس ذكريات هذاك اليوم الدمر حياتي كلها رجعت عبالك صارت البارحه ... دموعي كامت تتسابق منو تنزل اول ... شيصير يعني لو كل هذا ما صاير ...شيصير لو اطلع مثل كل يوم من بيتنه واتمشى لمدرستي ... شيصير لو ارجع اكعد بغرفتي ... واقره بحديقتي ... شيصير لو ما مزوجه انسان يكرهني وكوه طايقني ... فزيت على صوت زين ... مسحت دموعي ...همم هاا ..
زين : وصلنا
براء : هاا .. عفوا جنت شارده منتبهت
زين : هاج
براء : انطاني فلوس ... شسوي بيهن
زين : مصرف غير
براء : بهدوء : مااحتاجهن اني ما اصرف بالدوام
زين : حتى اذا خليهن عندج
براء : شكرا ... يله باي
زين : باي ... من تحلون انتضريني بره لترحين منا منا مفهوم
براء : اي ... دخلت للمدرسه ورحت للاداره ابلغ المديره عن دوامي وحتى استلم كتب ... طلعت منها ودخلت لشعبتي شفت شله البنات نفسها
مها : لا هلا ولا مرحبا عبالنا بطلتي وخلصنه منج
براء : باوعتلها صفح ورحت كعدت برحله فارغه نزعت عباتي وحجابي وطلعت الجدول عدنه اول درس عربي ... سالت بنيه ... وين واصلين بالعربي
ساره : لهنا ...
براء : شكرا
ساره : عفوا ... شنو اسمج اني ساره
براء : بابتسامه صغيره ... براء
ساره : عاشت الاسامي
براء : شكرا .... دك الجرس ودخلت المدرسه
مدرسه العربي : صباح الخير
الكل : صباح النور
المدرسه : وين الطالبه الجديده
براء : كمت اني
المدرسه : هاي انتي براء ... ليش لسه ما داومتي ... عبالي انقلتي لغير مدرسه
براء : صارت عندي ظروف ومكدرت اداوم
المدرسه : شدي حيلج تره ما شين بالمواد هواي
براء : انشالله ست ... بدت المدرسه تشرح واني مركزه عليها ما اريد اضيع من حياتي بعد لحظه بدون ما استفاد منها لازم اخلي مستقبلي ونجاحي دافع حتى ارد على كل الي ضلموني
المدرسه : يله بنات منو فهمت تنطيني مثال على هالموضوع
براء : رفعت ايدي ...
المدرسه : تفضلي براء
براء : كمت شرحت
المدرسه : عفيه عليج استريحي
براء : مشه الدرس ودرس وره درس لحد ما دك الجرس للفرصه بقيت بالصف و اخذت كتاب الاحياء اقره بلكي اللحك اقره كم كلمه واكدر احضر
مها : لج هاي شنو براء سمعنا اليوم سياره لكزز جايبتج للمدرسه مو جنتي تجين مشي شغير احوالج وكامو يوصلوج بسيارات حديثه
براء : لا رد
فاطمه : دشوفيها حافه و وجها بي اثر مكياج اكيد شو وين جانت
مها : هههه هاا براء وين جنتي بايته البارحه
براء : متحملت كلامها ... كافي احترمي نفسج ... شنو شايفتني مثلج ... لزمي حدج لا اشتكي عليج بالاداره والله
مها : دمشي لج ... عود طالعلها لسان وصايره تعرف تحجي ... ام نص لسان
فاطمه : عوفيها يمعوده جانت مسويه روحها شريفه براسنه ... وهي سيارات توديها وتجيبها ... صدك لا كالو .. ما تحت السواهي دواهي
براء : كوه لزمت نفسي ماابجي... حجيت ببرود .. قررت اتبع اسلوب زين بالكلام حتى استفزهن .... اولا .. الي وصلني هذا زوجي ... ثانيا .. اكو مثل يكول ... كلمن يرى الناس بعين طبعه ... فانتن تحجن هيج لان هاي تربيتجن فعبالجن كل الناس مثلجن ... وثالثا والاهم ... باجر اخلي زوجي يقدم شكوه لاهلجن وللتربيه هم ... بتهمه تلفيق وتشويه سمعه طالبه ... ويمكن تصير كعده عشاير بسببجن لان طعنتن بتربيتي وشرفي ... وكعدت بكل هدوء بس كوه لازمه نفسي ... رجعت اقره احياء ... اباوعلهن وجهن صار اصفر حيلل يستاهلن ....هالمعامله.... اني لازم اتغير الى متى ابقه ساكتتلهن .... دخلت المدرسه شرحت الدرس ... واني كمت بالحافضته والحمدلله مشه الدرس بسلام
اني لازم اتغير الى متى ابقه ساكتتلهن .... دخلت المدرسه شرحت الدرس ... واني كمت بالحافضته والحمدلله مشه الدرس بسلام
ساره : براء
براء : هاا
ساره : انتي صدك مزوجه
براء : اي
ساره : ولا مبين عليج
براء : ليش المزوجه يبين عليها
ساره : اكيد
براء : ما اعرف بعد ... سديت الموضوع ما اريد اختلط باحد اني جايه ادرس مو اكون صداقات ... خلص الدرس الاخير لبست حجابي وعباتي اخذت جنطتي وطلعت انتظر زين باوعت على نهايه الشارع شيصير لو يطلع هذا حلم واخذ جنطتي واتمشى لبيتنه ... اااه ... ضليت واكفه اجتني وحده
زهراء : هلوو براء
براء : هلوو منو انتي
زهراء : اني زهراء اخت زينب صديقه روان
براء : هاا اهلا وسهلا
زهراء : اهلا بيج حبيبتي ... الف مبروك زواجج .. سمعنه بيج تزوجتي ... بس والله انقرهنه
براء : ليش تنقهرن
زهراء : مو سمعنا بالي صار وياج ... روان وصفا مسولفات لزينب ... على سبب زواجج ... وزينب اجتي سولفتلي ... انقهرت عليج ... خاصه ابن عمج نكت بيج بعدين ... وابوج زوجج لابن خالج ... الله يساعد كلبج
براء : احس واحد جاب سجينه وغرسها بكلبي وحط فوكاها ملح ... شلت راسي شفت زين اجه ... عفتها ورحت بدون مااجاوبها ... سلام
زين : وعليكم السلام ... شلونج ويه الدوام اليوم
براء : لا الحمدلله ما ماشين بالمواد كولش هواي انشالله اكدر اقراهن واللحك وياهم
زين : اريدج تشدين حيلج
براء : بهدوء انشالله
زين : مااعرف براء شبيها ... مو على بعضها ... الصبح كعدت نشيطه وفرحانه ... بس شو هسه ساكته حتى متحجي ... براء صاير وياج شي
براء : لا ماكو شي
زين : باوعلها ما مصدك كلامها بس ما حب يضغط عليها .... طول الطريق ساكتين محد يحجي لحد ما وصلو للبيت ...
زين وبراء : سلام عليكم
الكل : وعليكم السلام
نجمه : شلونج بروئه والله اليوم ضوجه بدونج
براء : الحمدلله حبيبتي ... يله من رخصتكم بس ابدل واجي اساعدكم ... صعدت للغرفه
زين : صعدت وراها .. لازم اعرف شبيها ... براء تعالي
براء : هسه بس ابدل واجي
زين : لا تعالي احجي وياج وبعدين عود بدلي
براء : بنفاذ صبر .. اجيت ... رحت وكفت كباله
زين : شبيج ؟
براء : ما بيه شي بس تعبانه شويه
زين : براء اني مو طفل حتى تضحكين عليه ... اليوم الصبح انتي مابيج شي وكعدتي فرحانه ومتحمسه ... بس هسه كالبه وجهج وحتى ماتحجين عكس كل يوم ماتسكتين ... سولفيلي شصاير ... احد مسمعج حجايه
براء : متحملت اذا ما احجي انفجر ...بدموع ... زين اني تعبت بعد مااكدر اتحمل كل ما اكول هاي هي حياتي حتتغير ... يطلع شي يرجعني لنقطه الصفر ... كلما اكول براء القديمه ماتت ... اكتشف انو براء هي نفسها ماتغيرت... حاولت هواي اتنسى واعيش حياتي بعتباري اتزوجت ... بس اليوم من مرينه من بيتنه حسيت هنا مو مكاني هذا مو بيتي ... حياتكم مو حياتي ... براء القديمه مو هذا مكانها اني مكاني يم امي ... تعرف شنو شعورك من بيتك الي تربيت وعشت بي طول حياتك على بعد شارع بس متكدر تروح ... تعرف شنو يعني من انت متعود متفارك امك لحضه وبيوم وليله تنحرم من شوفتها بسبب شي انت ما مسوي ... تعرف شنو احساس تزوج واحد يكرهك ... تعرف شنو احساس من يتهموك ظلم ... وما تكدر تثبت برائتك ...والاهم من هذا كله تعرف شنو احساسي اليوم من اجتني طالبه تكلي اختج وبت عمج مسولفات لاختي على كولشي واني مقهوره عليج لان ابن عمج نكت بيج ... لك زين اختي تشهر بيه مشمته
زين : لزمت ايدها براء كافي اهدي لا تبجين
براء : ما اكدر زين مااكدر الي صار بيه مو قليل ... اثمن واغلى شي عند المره شرفها وسمعتها ... واني ادمرت سمعتي يازين
زين : ببرود .. لتضوجين مني بس هذا من ايدج انتي انجرفتي وره مشاعرج ونسيتي الحرام والعيب ... وامنتي بالشخص الغلط وسلمتي نفسج يا براء ... مو جريمه الانسان يغلط بس الجريمه انو ينكر ... اذا تكليلي انتي صح جانت عندج علاقه بحسين بس متندمه هسه اني مستعد اساعدج وافرك حلكه الي يجيب طاريج ... بس لتنكرين رجاءا
براء : انصدمت بكلامه ... رحت ركض للغرفه ... طلعت القران من كنتوري ... خليته كدامه ... وخليت ايدي عليه ... بدموع وحق هذا كلام الله يازين ... يلا عندي علاقه بحسين ولا الموبايل الي ولاحتى الصور البي ملاتي ... اقسم بكتاب الله بحياتي ما سويت علاقه ويه اي رجال ومحد شايف حتى شعري غيرك وعساني اعدم شرفي الماعندي اغله منه اذا جذبت عليك بكلمه
زين : بدون ما اجاوبها ... طلعت موبايلي دخلت على الرسائل طلعت الرساله الي اجتني بيوم عرسنه وانطيته الها ... هاي الرساله حسب اعتقادي حسين دزها الي بليله عرسنه
براء : اخذت الموبايل منه ... قريت الرساله ... الواصفتني بطريقه قذره ... كمت الطم على وجهي ... لك شمسويتلك حتى تسوي بيه هيج حيوان عساها بجهالك يا كلب بشهكه ... زين والله جذاب اني محد لامسني والله محد لامسني
زين : دخلت بحاله هستريه كامت تصرخ ... ركضت حضنتها حيل ... كافي كافي والله مصدكج عوفي الرساله ختولي كافي براء ... راح تموتين ... وخرتها ولزمت وجهه ... مسحت دموعها ... خلص كافي بجي كتلج اني مصدكج وراح اساعدج وحتى ابوج اني اروح احاجي حتى تشوفين امج بس اهدي ... رجعت حضنتها
براء : دافنه راسها بصدره تنشغ من البجي ... والله جذاب محد لامسني
زين : بقيت كاعد بالكاع وخالها بحضني ... وامسح على شعرها وهي تنشغ وتردد مامسويه شي قهرتني... طبعا بحياتي ما متعرض لهيج موقف ... بس خلص راح احاول اساعدها واصدكها واسد هالموضوع الزفت هذا ... ضليت فتره العب بشعرها ... حسيت بنفسها انتظم عرفتها نامت شلتها ... خفيفه ما مبين عليها ... دخلت للغرفه نيمتها على الجربايه ... وغطيتها ... اخذت ملابس ... وطلعت بهدوء.. مااريد اكعدها ... سبحت وبدلت ... رحت صليت .. ونزلت لكيت امي وابويه كاعدين
مريم : زين ليش ما نزلتو تغديتو .. حتى براء كالت بس ابدل وانزل بس ما نزلت خو مابيها شي
جهاد : اني انتبهتلها .. صار عشر تيام شحلاتها تضحك وتسولف ... بس شو اليوم مدري شبيها
زين : لا مابيها شي بس تعبانه من الدوام
مريم : خاف متعاركين
زين : لا يمه شنو السالفه على شنو نتعارك
مريم : تريد اصبلك غده يمه
زين : لا حبيبتي مو جوعان بس اريد جاي
مريم : جاا خلي اكوم اصبلك
زين : لا يمه خليج اني اصب لروحي
براحتك يمه
زين : صبيت لروحي جاي ... وصعدت ... كعدت بالصاله اكلب بالتلفزيون ... ماعندي شغل ومااعرف وين اروح ... حتى رسم مالي واهس ارسم ... طفيته ودخلت انام شويه ... تمددت يمها ... اباوعلها وجهها احمر والدموع معلكه برموشها ... غطيتها عدل ... ونمت
_
.. غطيتها عدل ... ونمت
______________
روان : كاعده بغرفتي اصبغ اظافري دك موبايلي ... هاي زينب .. هلوو زوزو
زينب : هلوو روان .. شلونج
روان : زينه ... خير شعجب داكه عليه
زينب : اكلج ... تدرين اختج اليوم مداومه
روان : يا اخت؟
زينب : لج ثوله جم اخت عندج انتي ..هي بس براء
روان : اي وانتي شمدريج
زينب : براء ويه زهراء بنفس الشعبه ... هي كلتلي
روان : اكلج خو ما فلتي بلسانج وسولفتي على سالفه براء كدام احد
زينب : هااا ... لا لا قابل كدامن احجي
روان : خوش .... و ديربالج... تحجين لاحد تره اطيح حضج
زينب : لا لتخافين مااحجي ... بس اريد اسالج سؤال
روان : وهي تنفخ اظافرها ..... سالي
زينب : انتو ... ليش تكرهون براء ... يعني قصدي اغلب عائلتج ميحبوها رغم هي بتهم ... وانتي من ضمنهم
روان : سمعي ... حسب الفاهمته ... ماما من حبلت ببراء ... جان وضعها كولش خطر ... وكلتلها الدكتور ... اذا متنزلين الطفل تموتين ... وهي رفضت تنزلها وضلت متمسكه بيها ... وبابا كولش يحب ماما ... كللها اكثر من مره نزلي والله ينطينه غيره ... بس هي جانت متمسكه بيها متقبل تنزلها .... المهم بابا خضع للامر الواقع وخله ماما براحتها ... بعدها ماما حالتها كولش سائت كامت كلما تتقدم شهر بالحمل تتاذه اكثر ... ولازمت الفراش ... ووره فتره اجت براء للدنيا ... بعد معاناه لان ماما ماتت يله كدرت تجيبها ... ومنها بابا كام يضوج منها و
زينب : معقوله على مود هيج سبب تكرهوها
روان : دسمعي جاييتج بالحجي ... هي ماشاء الله عليها من اجتي للدنيا فكرت اهلي وره شهر من ولادتها توفت بيبتي ام ابويه وماما سنتين ضلت تعاني كلما تحبل يوكع الطفل ... وبعد علاجات وهوسه كدرت ماما تحبل واجيت اني للدنيا .... لهسبب ميحبوها اهلنا لان يعتبروها وجه فكر وتشائم على العائله
زينب : خطيه جاا هي شلها علاقه قابل هو بايدها
روان : مااعرف بعد هذا تفكيرهم
زينب : زين انتي ليش تكرهيها
روان : بحقد ... لان ماما تحبها تموت عليها ودائما تفضلها علينا كولنه ... وحتى امير ومحمد يحبوها اكثر مني ... وهم لان دائما مسويه روحها المؤدبه والعاقله واني اسمع حجي بسببها ... فاكرهها
زينب : والله ما اعرف شكلج ... كرهج ماله سبب وحتى اذا كان هذا سببج ... فهو سبب تافه
روان : كلبت عيونها ... هسه شتردين انتي
زينب : ما اريد شي ... يله باي
روان : باي ... غلقته ورجعت اكمل اظافري
____________
براء : كعدت عيوني يحركني ... شفت الغرفه ضلمه ...هاي صارلي شكد نايمه ... كمت طلعت للصاله شفت الساعه بالسته واني بعدني بملابس المدرسه ... ياا هاي شكد نايمه اني ... رحت ركض بدلت وتوضيت وصليت... خرب راحت عليه الصلاه ... كملت صلاه ...بقيت بالجادر ... كعدت اقره قران صار هواي ما مسويه ختمه ... بديت اقره ودموعي تنزل احس بكل كلمه اقرها رساله الي ... صدك القران يشرح الصدر ... احس نفسي ارتاحيت ... كملت الجزء الاول ... كمت اقره واجبتي ... طلعت الجدول .. وبديت احضر الدروس ... قريت كم ماده باوعت صارت بالسبعه ونص ... بقالي بس اكتب التمارين واحلها واكمل... بس خلي انزل اشوف البنات شنو يحتاجن وارجع اكمل ... عيب من الظهر اني بغرفتي وكولشي ماسويت ... اخذت حجاب ولبست صايه فوك التراك ونزلت ... هلوو بنات .. اسفه والله راحت عليه نومه وماكدرت اساعدجن
شمس : لا حبيبتي شنو السالفه قابل شعدنه احنه هو بس غسل مواعين وطبخ
جميله : لتشيلين هم حبي اهتمي بدارستج
براء : ابتسمتلهن ممتنه ... بشنو تحبن اساعدجن
جميله : كلشي ماعدنه ... روحي كعدي هسه جايين وراج
براء : طلعت للصاله
قصي : صح النوم اليوم ماشفناج
براء : بهدوء والله جنت تعبانه محسيت على روحي من نمت
مريم : نوم العوافي بنتي
براء : الله يعافيج خاله ... شفت مريومه ... تباوعلي ودور وجهه ... رحت كعدت يمها ... شلونج مريومه
مريومه : سحلانه منج لتحاجيني .. مساحلتج ( مزاعلتج)
براء : ليش؟
مريومه : ادد الباب ومتفتهيها ( ادك الباب ومتفتحيها )
براء : يا عمري والله جنت نايمه وماسمعتج ... معقوله مريومه الحلوه تجي يمي وما افتحلها الباب ... يله اسفه لتزاعليني حبابه
مريومه : ضحكت يله نساحب .... مدت اصبعها الخنصر تشابكه ويه اصبع براء ... كعلامه للصحاب
براء : اروحلج فدوه ... دنكت بستها ... سمعت صوت سجاد
سجاد : يمه وينج .. هاا براء شلونج ليش عيونج هيج حمر
نجمه : من النوم يعيني
سجاد : اني سالتج
نجمه : لا بس اني المتحدث الرسمي عنها
سجاد : دنجبي ... اكول يمه ... سم..
زين : سلام عليكم
الكل : وعليكم السلام
زين : باوعت براء كاعده يم مريم ... وعيونها حمر ... رحت كعدت يمها ... همستلها ...
شلون صرتي
براء : اباوع بعيونه ... الحمدلله احسن
زين : درستي لو بعدج
براء : كملت بقه بس احل الواجبات
زين : ببرود .. نصيحه دائما اقري محد يفيدج غير شهادتج
براء : هزيت راسي ... اعرف
سجاد : رجاءا عندي اعلان ... ارجو انتباه الجميع
: الكل صوب اهتمامه على سجاد
سجاد : عندي خبر ممكن يفرح البعض وممكن يضوج البعض الاخر
الكل : خير
سجاد : بيبي خوله خابرتني راح تجي باجر
لؤي ، قصي ، نجمه ، جميله : صدك تحجي
سجاد : والله
مريم : بفرح ... ميت هله ومرحبا بيها
براء : اشوف قصي ولؤي ونجمه وجميله .. كلبو وجوهم .. وزين كشول ... منو هاي
مريم : امي راح تجي من اربيل باجر ... وتبقه عدنه
براء : بكلبها ... اكو واحد يضوج من تجي بيبيته ... كمت ويه البنات جبنه العشه ... كعد الكل حتى خالو جهاد
قصي : اكول جوجو شنو رائيج نطلع لفاملي مول جايبين شغلات رهيبه
نجمه : لخاطر الله لذكرني
قصي : اووووي شبيج
سجاد : هههه والقران لو تلكفك بيبي خوله تحجي على عزيزتها تطيح حضك
جميله : بالنسبه الي مااتحمل يجوز اخذ بنتي واروح لبيت اهلي
مريومه : مامي لوح لبيت ددو
سجاد : خو انتي تكيفين بس تردين تسفين
حسن : ما عليك بيها لتخليني اشحنها عليك
قصي : شالها ودناها يم سجاد ... مريومه تفلي على عمو
مريومه : تضحك عبالها لعبه ... تفلت عليه
سجاد : مسح وجهه طاحظ تربيتج
جميله : ولج مو عيب منيلج هالسالفه انوب
حسن : ما عليج انتي ... عفيه عليج باباتي ... تعاي انطيني بوسه
جهاد : والله راح تهيلكون الطفله
. عفيه عليج باباتي ... تعاي انطيني بوسه
جهاد : والله راح تهيلكون الطفله
براء : كملنا عشه ... الكل راح لغرفته ...واني اخذت كوب جاي لزين وصعدت ... دخلت لكيته لابس نظارات .. وكاعد يتابع برنامج ... انطيته الجاي ... ورحت نزعت الصايه والحجاب و جبت كتبي وكعدت احل واجباتي
زين : اباوعلها تكتب وشعرها نازل على وجها ومضوجها .. توخره ويرجع ينزل ... شيلي
براء : شنو ؟
زين : شعرج قلقني شيلي
براء : اوك ... كلبت شعري حتى اشيله
زين : كلبت شعرها ودنكت عيني صارت على زيك التراك المطلع صدرها
براء : شلت شعري كبايه ورجعت احل ... بس اجه على بالي سؤال ... زين
زين : همهم
براء : ليش ضجتو من كال سجاد حتجي بيبيتكم
زين : شوفي اني ما ملتقي بيها ... بس على حسب كلام الشباب حجيه خوله من جانو باربيل مدخلتهم انذار ... كلشي عدها ميصير ... تحاسب وتعلق على كلشي .... لازم تعرف الطالع وين رايح وليش رايح ... حتى الضحكه لازم تعرف شنو سببها ... فيضوجون منها ... وحقيقتا اني هم ضجت منها مع انو لسه ما شايفها
براء : هااا زين منو هاي الي قلد عليها قصي
زين : هاي دارين بت خالي ... عايشه عد بيبتي من جانت صغيره ولحد الان هي وياها وبيبتي مدللتها وتحبها كلش
براء : بكلبها ... الله يستر
زين : رجعت ... اتابع البرنامج ... وبراء كملت وكعدت ويايه ... ضلينه فتره طويله كاعدين بدون منحجي اي شي ... باوعت للساعه بال11 .... براء يله كومي نامي وراج دوام
براء : بهدوء منعسانه
زين : ميخالف حاولي تنامين حتى تكعدين مصحصحه
براء : كمت ... اوك تصبح على خير
زين : اجمعين
براء : لبست دشداشه خفيفه وتمددت ... افكر شراح اسوي ويه مها وشلتها اذا تعرضلي مره ثانيه ... اخاف اكل لزين وميخليني اداوم بعد ... اجه على بالي كلام هاي البنيه زهراء ... بس اريد اعرف هاله وخواتها شستفادن من سون كل هذا ... والسؤال الي حيخبلني ... روان ليش وكفت وياهن وشهدت ضدي جذب ... معقوله هنه لازمات عليها شي وانجبرت تجذب .. ياربي راسي حينفجر من التفكير ... ضليت اتكلب ما اكدر انام ... كمت
زين : طلعت براء ... هاا شو لسه ما نمتي
براء : عيني متاخذ نوم
زين : نزلي شربي حليب دافي هسه تنامين
براء : اي هسه ... اجيت انزل
زين : بصياح وييين رايحه
براء : مو كتلي انزل اشرب حليب
زين : بحده ... انتي منتبها لنفسج شلابسه وجايه تردين تنزلين
براء : باوعت لنفسي ... عززه ... بقيت انزل بالدشداشه لان قصيره ... الله لا يفوقكم يلي ابالي شدهتوني وضيعتو عقلي ... باحراج ... اسفه والله ما انتبهت
زين : كمت ... ببرود خليج انتي هنا ... اني نازل ... انزل كوب الجاي واجيبلج كوب حليب واجي
براء : بهدوء ماكو داعي اني انزل
زين : ببرود كلت متنزلين
براء : نزل واني رحت توضيت اريد اصلي صلاه الليل ... مادام صارت 12 ... لبست الجادر وكفت اصلي
زين : نزلت و دخلت للمطبخ شفت سجاد واكف يم الثلاجه ومدنك مدري شيطلع ... خليت ايدي على متنه ... بحده ... شجاي تسوي
سجاد : كمز من مكانه .... بسم الله الرحمن الرحيم ... صدك تحجي ... وكفت كلبي
زين : ابتسمت ... شعندك تبحوش تالي الليل جنك عتوي
سجاد : جوعان
زين : دوخر ... اخذت الحليب من الثلاجه ... خليته بالدله حتى احمي
سجاد : هاي من شوكت تشرب حليب انت مو متحبه
زين : مو الي
سجاد : جاا المن
زين : لبراء
سجاد : يمه الحب يمه ... هاي من شوكت زين يهتم باحد لا وينزل يسويله حليب
زين : ببرود ... انجب .. نزلت كوب الجاي مالتي وكلت اخذلها حليب احسن ما يضل واحد صاعد واحد نازل
سجاد : اخذت عضه من التفاحه ... اي صدكتك ... كول مرتي احبها وادللها ... تره منحسد
زين : طفيت الطباخ ... خليت الحليب بكوب ... احبها او ما احبها هذا شي ميخصك ... لتصير حشري مثل قصي ... عفته وطلعت ... صعدت لغرفتي ... ما لكيتها بالصاله ... دخلت للغرفه لكيتها لابسه جادر وجاي تصلي ... شنو ستوها تذكرت الصلاه ... خليت كوب الحليب يم راسها ... نزعت التشيرت وتمددت اباوعلها شلون تصلي ... ما اعتقد رايحه عليها الصلاه يمكن جاي تصلي صلاه الليل ... الله يهديها ويعقلها .. وره تقريبا ربع ساعه نمت
___________________
قصي : كاعد بغرفتي احاجي وحده من المعجبات ... هههه خرب يومهن شكد مضحكه ... بسرعه يصدكن ... دخل سجاد .... خير شعدك جاي يمي ماعدك غرفه
سجاد : اكلك ضايج ما اعرف وين اروح اجيت اكعد يمك ندردش شويه
قصي : ما فارغلك عندي شغل ... روح اكل وفك ياخه عني
سجاد : ولك خلصت كل الاكل البثلاجه ... حتى قوطيه المعجون كلتها ... ما اعرف باجر بيمن يطبخن .... وهاي نجمه المطيه اكلها كومي سويلي اكل تسوي روحها نايمه
قصي : يباوع بالموبايل ... ويضحك باله ولا يم سجاد
سجاد : اني ويامن احجي ... جريت الموبايل ... لكيته جاي يتراسل ويه بنات مو بنيه ... فتح عيونه .... لك هاي شنو
قصي : حيوان ... ليش تجر الموبايل ... متستحي ... تجاوز على خصوصيه الاخرين
سجاد : كطفت الموبايل عليه ... والله انت الي متستحي ... دثبتلك على وحده كل ساعه مصادقلك وحده جديده ... اصلا حرام عليك تضحك عليهن وتلعب بمشاعرهن
قصي : كلب عيونه ... هنه مضحك ... شسويلهن يعني
سجاد : يجي يوم وتتندم والله
قصي : عود الله كريم
سجاد : صدك مدري شردت اكلك بس نسيت ... هاا تذكرت .. لك زين صاير رومنسي وحركات وكذا
قصي : عاف الموبايل ... شلون
سجاد : شفته من جنت جوه نزل يسوي حليب لبراء
قصي : اي غير مرته لازم يدللها ... يخاف لا تكطع عليه الامدادات ههه
سجاد : بتفكير ... تدري احس زين جاي ينجذب لبراء ...اذا منتبهله .. سابقا جان ميتقبل الحجي ويه اي بنيه ... بس اليوم ما شفته شلون يحاجيها وعيونه تلمع
قصي : تثاوب ... شكلك متاثر هواي بالافلام ... زين مستحيل يتقبل اي مره بحياته ... اما تصرفاته ويه براء اعتقد نابعه من شهوه لا اكثر
سجاد : اذا ما صار زين يموت على تراب رجليها لبراء اطلع كلشي ما افتهم وكول سجاد كال
قصي : تغطه ... عود نشوف يابو العريف ... يله اطلع بره اريد انام
سجاد : طالع الله لا يعوزني الك
_________________
زين : دك المنبه كعدت ... طبعا نعسان كوه كمت ... براء يله كومي
براء : هممم كعدت ... صباح الخير
زين : صباح النور
براء : كمت غسلت وجهي وبدلت... دخلت للغرفه شفت زين ديلبس القميص باوعلي
زين : مو جنها الصدريه ضيكه عليج
براء : وكفت كدام المرايه ... لا مو ضيكه
زين : دخلصي بسرعه ولتنزلين بلا عبايه
براء : بهدوء صار
... نزلو .... تريكو ..... وطلعو
زين : وصلتها ... هاج مصروفج ... ديربالج على نفسج وركزي بدروسج
براء : ما صرفت ملات البارحه
زين : خليتهن بايدها ... ميخالف خليهن عندج
براء : بابتسامه صغيره ... شكرا
زين : عفوا يله باي
براء : باي ... دخلت للصف... نزعت عباتي وحجابي وكعدت اراجع دروسي
مها : والله عمي حظوظ ... الفكريات من تالي وكت .. تصعد سيارات اخر موديل
فاطمه : هذا حظ الكحاب
براء : ولا رديت مااريد انزل لمستواهن ... دخلت المدرسه وبدينه نشرح الدرس ... والحمدلله كمت وشرحت مثل كل مره واحسن ... توالت حصه وره حصه لحد ما اجه الدرس الاخير
المدرسه : عفيه براء مستواج هالكورس احسن من الكورس الاول اذا بقى هذا مستواج للسادس انشالله تاخذين معدل عالي
براء : بهدوء ... انشالله ست ... خلص الدرس الاخير ودك الجرس طلعت انتظر زين
__________________
بيت جهاد كاعدين وندك الجرس
لؤي : طلعت افتح الباب ... دخلت بيبيتي خوله ودارين
حجيه خوله : شلونك ولك
لؤي : هله بيج بيبي تفضلي اهلا وسهلا نورتي
دارين : بتنعوص شلونك لولو
لؤي : بكلبه ... يلعن ابو شكلج ... هله زين انتي شلونج
دارين : من شفتكم صرت زينه
لؤي : تفضلو تفضلو ... يمه اجت بيبيتي
مريم : طلعت ركض ... بوستها ... شلونج يمه مشتاقتلج بعد عمري
خوله : هله يمه هله شلونج
مريم : الحمدلله ... تعالي دخلي اكيد تعبانه
خوله : ولدج السياب وين
مريم : ههه موجودين هسه ينزلون
خوله : والطنطل وينه اريد اشوفه ما كدرت اجي اشوفه من اجه من السفر ولو اني زعلانه لان ما خابرني عزمني على عرسه
مريم : والله بعده مااجه راح يجيب مرته ويجي
خوله : ليش وينها مرته
ما خابرني عزمني على عرسه
مريم : والله بعده مااجه راح يجيب مرته ويجي
خوله : ليش وينها مرته
مريم : بالدوام
خوله : هااا خوش جاا اني رايحه اصلي وانام
مريم : اوكفي خلي اصبلج غده
خوله : اكلت بالطياره ... اريد اروح انام
مريم : براحتج يمه
___________
زين : طلعت من المستشفى ... ورحت اخذ براء ... وصلت اباوع كل البنات طالعات بس هي ماكو ... باوعت لكيتها طلعت من نص البنات جنها فاره ... صعدت
براء : هلوو
زين : وعليكم السلام
براء : يعني لازم يعلق
زين : شلونه يومج
براء : سولفتله شكلتلي المدرسه
زين : بابتسامه ... عفيه هيج اريدج ... وحسبي حسابج كل ما تاخذين درجه كامله ... الج هديه
براء : بامتنان ... شكرا كولشي ما اريد
زين : بحده مو بكيفج
براء : يعني لازم يفرض رائيه ... وصلنه ... دخل زين السياره بالكراج ... ودخلنه
زين وبراء : سلام
الكل : وعليكم السلام
دارين : ياااي انت زين
زين : هاي منو ؟
دارين : كامت حضنته وباسته بخده
زين : دفعتها حييل ... مسحت خدي .. منو انتي
مريم : دارين بت خالك
دارين : معقوله زين معرفتني
زين : ببرود ... وشمعرفني بيج اني
دارين : هاا اي صحيح مو انت مجنت جاي وياهم من اجوي لاربيل ... منو هاي ام خدود الحلوه ... اجتي تبوسها
نجمه : مرته ... ورجاءا لتبوسيها بشرتها حساسه
براء : صافنه عليهم بدون كلام
دارين : باوعت لبراء ... هي هاي مرتك
زين : ببرود اي
دارين : انتي كولش صغيره شلون تزوجين بهالعمر
قصي : احسن من بعض الناس المعنسه
دارين : شنو قصدك
قصي : بعدم مبالاه ما قصدي شي
.....كعدو تغدو
زين : عن اذنكم ... يله براء
براء : كمت وياا صعدنه لغرفتنه ... اول ما دخلنا
زين : براء هاي الاسمها دارين لتختلطين بيها وحاولي يكون كلامج قليل وياها
براء : بهدوء ماشي
زين : يله اني راح انام ... لتكعديني ما افتح العياده اليوم
براء : اوك ... رحنه بدلنه ونمنه
_____________________
الساعه 5:00 عصرا
كاعده حجيه خوله وملتمين عليها الكل
خوله : شلونج مريم
مريومه : لا رد
خوله : اني مو احاجيج ... شنو طرمه
حسن : حجيه هي متعلمه على مريومه محد يصيحلها مريم
خوله : شلونج مريومه
مريومه : ذينه
خوله : وانت ايفان شلونك حبوبه
ايفان : الحمدلله بيبي انتي شلونج
خوله : بعد كلبي هذا الحجي ... مو مثل هاي المسمومه طالعه على امها
جميله : فتحت عيونها رادت ترد .. لزم ايدها حسن واشرلها متحجي
خوله : جاا وين ابنج مريم شنو لسه ما اجه
مريم : لا اجه بس نايم هسه اصيحله ... نجمه يمه روحي صيحيلهم
نجمه : ماكو غير نجمه بالهلبيت اووف ... كمت .. استغفر الله غرفتهم ابعد مكان بالبيت ... دكيت الباب محد يفتج
براء : نايمه واسمع الباب يندك... بس مابيه حيل اكوم .. حسيت على زين كام
نجمه : طلع زين يفرك بعيونه
زين : بنعاس خير شكو
نجمه : بيبي خوله تريدكم انت وبراء تعالو نزلو
زين : اي هسه شويه وننزل ... دخلت كعدتها ... براء كومي بيبتي كاعده وتريدنه ننزل
براء : اي ... كمت كوه نعسانه مو شلون ماكان ... طلعت ثوب بيتي لونه ماروني وبيجي وطلعت شال ماروني ... زين طلع ملابس لروحه شفته اخذ بجامه سوده .. وتشيرت زيتي .. دخلت قبله سبحت بسرعه وطلعت ... كعدت خليت مكياج خفيف ... ولفيت شالي ... طلع هو شعره منكع وينزل على وجهه راح يركض اخذ ملابسه وطلع يبدل بالصاله ... كمل واجه وكف ورايه اخذ العطر .. وباوعلي ... سحب كلينسه ودنك لزم وجهي ومسح شفتي ... هاي ليش
زين : حمرتج صارخه
براء : بهدوء ... زين بيبتك هاي اول مره تشوفني ما اريد اطلعها ووجهي تعبان حباب مالي خلك الحجي والتعليق
زين : دورت بعلبه الحمر ... اخذت وحده انطيته الها.. خلي هاي
براء : زين هذا مرطب
زين: مااعرف بسوالف المكياج ... لو تخلين هاي لو اصلا تنزلين بدون شي ... واني افضل الخيار الثاني
براء : اوك ... خليت مرطب ... نزلنا
زين : سلام عليكم ... شلونج بيبي
خوله : وعليكم ... دكتور شو حضرتك تسلم من بعيد شنو تستنكف تبوس بيبيتك
زين : رحت بستها ... عفوا منج حجيه
خوله : جاا وين مرتك ... شنو لسه نايمه
براء : طلعت من وره زين ...تقربت منها شلونج بيبي
خوله : اسمي حجيه خوله اني مو بيبيتج
براء : باحراج ... شلونج حجيه
خوله : زينه ... تعاي كعدي يمي ... شو رفعت وجهه براء .... يبيبي ما استحيت على كبرتك تاخذ طفله شنو خلصن النسوان
مريم : لا يمه مرته جبيره بس ناعمه
خوله : هاا ... شلونها زينه لو شالعه كلبج
مريم : لا ورده بروئه
خوله : شسمها
مريم : براء
خوله : شهل الاسم المخربط
زين : زفر الهوى مستغفر
خوله : ليش تتأفأف بس لا متقبل احاجيها
زين : لا براحتج حجيه
خوله : شلونها وياك
زين : كوه لازم اعصابه ... الحمدلله
دارين : بس انتو كولش متناقضين .. يعني انت طويل وهي قصيره ... انت اسمر هي بيضه ... انت ملامحك حاده .. وهي جنها طفله
قصي : الله يساعد براء .... اصلا من تزوجو كلنا شلون راح يتراهمون
خوله : لتخاف نسوان هالوكت يموتن علاحجام الخاصه
قصي :ههههه
براء : هاي ستقصد
مريم : شاورتها ... يمه شنو هالحجي بنات كاعدات
خوله : وعلساس البنات ميعرفن
شمس : كومي براء ويانه نحضر العشه
براء : اي كايمه ... رحت وراها بس اريد اخلص هاي شبيها الحجيه .. ما جذب زين صدك على كولشي تعلق ... بدينه نسوي العشه ...
خوله : اكلك مرتك ما حبلت
زين : يعني هي هاي هم اسئله للاسف هالمره نازعه الخجل ... حجيه بعد وكت ماصارلنه حتى شهر مزوجين
خوله : والله يبيبي ... الي يشوف طولك يكول راح تحبلها من اول ليله
نجمه : اللهم صل على محمد وال محمد
خوله : ولج شنو قصدج اني احسد
نجمه : لا حشاج بيبي
________________
كملن البنات العشه ... وجابنه كعدو يتعشون ويتناقشون
دارين : تدري زين صورك بالحقيقه احلى بهواي من الصور
زين : هز راسه
دارين : براء تعرفين تطبخين
براء : بهدوء ... اي
دارين : اني ما اطبخ اخاف على اظافي يتكسرن لان طوال وحلوات
زين : وهو يصب لبراء ماي ... الاظافر الطوال مقززه لان تجمع بيها جراثيم واوساخ زائد منظرهن مو مريح
دارين : ضاجت لان عبالها زين راح يحب ستايلها واظافرها
سجاد : الواضح زين ما طايقها
قصي : اوافقك الرائي
براء : كملنا عشه ... وصبينه جاي الكل ضل كاعد حوالي ساعتين وبعدين كلمن راح لغرفته واني وجميله بقينه نغسل مواعين ... رحت صليت وجبت كتبي وكعدت اقره بالحديقه باوعت صارت الساعه بالعشره ... كمت اريد اصعد فوك ... مريت من المرسم لكيت الباب مفتوح اكيد زين جوه اجيت اريد ادك الباب وجان انصدم بالصوت الي سمعته
دارين : اوووي زين على كيفيك حباب دتاذيني
