رواية أحببت من لايبالي الفصل الخامس عشر بقلم مجهول
براء : انصدمت بالصوت الي سمعته
دارين : اوي زين على كيفك حباب دتاذيني
براء : احس شي بداخلي انكسر معقوله زين يكدر يسوي هيج شي قذر ... باوعت على الباب انفتح على كبره ... طلعت دارين شعرها مكفش .... انتبهت ... خدها احمر
باوعتلي بحقد وراحت تركض ... طلع وراها زين بدون شي بس بالجامه
زين : جنت كاعد بالمرسم ارسم وظهري علباب ... حسيت الباب انفتح عرفتها براء .... وتالي وياج براء مو كتلج لدخلين بدون مدكين الباب... شنو تردين تتعاقبين ... ما سمعت رد ... درت وجهي شفت دارين واكفه ورايه .... كمت .. بحده .. هاي شعندج هنا منو سمحلج ادخلين
دارين : بمياعه شفت الباب مفتوح ودخلت شصار يعني
زين : ببرود ... اعتقد انتي ضيفه هنا ... بس مو احسج ماخذه راحتج اكثر من اللازم
دارين : اووي شبيك زين حبيت اشوف المرسم مالتك ... وانطيك رائيي برسماتك
زين : محد طلب رائيج ... تفضلي طلعي بره وجودج هنا مو صحيح
دارين : تقربت منه ... يعني بس براء وجودها صحيح هنا
زين : براء مرتي تدخل تطلع بكيفها هذا بيت رجلها ... اما انتي مجرد ضيفه هنا لا اكثر
دارين : ادنت يمه ... خلت اصبعها على وشم البوسه ... تحجي بصوت خافت ... تدري مرتك محظوظه لان هذا كله الها ... بس للاسف هي متستحقك ... انت تستحق وحده مثلي تقدرك ... وبهمس .... وتريحك ... لان مااعتقد هالطفله تكدر تسعدك
زين : دفعت ايدها ... احترمي نفسج وطلعي بره ... لتخليني اتصرف وياج غير تصرف خليني محترمج
دارين : حاولت تذب نفسها عليه
زين : ضربتها راشدي عدلت وجها وجريتها من شعرها ... سمعي ولج خاف عبالج اخواني ما مسولفيلي على سوالفج وياهم لو محاولاتج ... حتى تستدرجيهم ... بلكي والله هااه واحد يقبل يتلبس بيج وياخذج ... سمعيني كلش زين اني اختلف عنهم ... هاي الحركات متمشي عليه ... ماره عليه هيج نماذج بكد شعر راسي ... و مو اني الاسوي حرام واغضب ربي على مود هيج خلقه متسوه دولار واحد .... اما بالنسبه المرتي ... فاني مستحيل اخونها ويه وحده مثلج ... وشديت على شعرها حيل ... فهمتي
دارين : اووي زين حباب على كيفك دتاذيني
زين : يطبج مرض... وهسه بوجهج اطلعين منا لا انسه انتي مره واتصرف وياج غير تصرف.. وهاا مرتي ما اقبل تحتكين بيها ... يله ولي .. دفعتها ... ينعل ابو شكلج وحده ساقطه طلعت تركض ... طلعت وراها ... شفت براء كبالي ... براء لتفهمين الموضوع غلط تره هي اجتي للمرسم واني ضربتها وطردتها
براء : بهدوء ... هاي حياتك الخاصه ... اني ماالي حق ادخل بيها فماكو داعي تبررلي
زين : ببرود... بس اني ما جاي ابررلج ... وانما اوضح سوء التفاهم الي صار مااحب انفهم غلط ... وهسه يله تعالي نامي وراج دوام
براء : صحيح دارين طلعت وجها احمر وعليه طبع اصابع ... اصلا اني ليش ضايجه ... لاهو يحبني ولا اني احبه ... عليمن مسويه هالدراما .... رحت ورى لكيته كاعد بالغرفه يقره كتاب ... فتحت كنتوري طلعت تراك ستن بيجي ... رحت لبسته واجيت تمددت ... اباوعله لابس نظارات ويقره بتركيز
زين : نزعت نظارتي ... هاا هم متكدرين تنامين مثل البارحه
براء : اي
زين : بعد لتنامين الظهر حتى تنامين بالليل
براء : احاول ... هاي شدتقره
زين : روايه
براء : شنو اسمها
زين : البحث عن الزمن المفقود
براء : ما توقعتك تهتم بالكتب
زين : كومي فتحي هذا الدولاب الخشب
براء : كمت فتحته لكيت مجموعه كولش جبيره مال كتب ... الله هاي كولهن الك
زين : اي
براء : عادي .. احم اقصد تقبل اخذ كم كتاب
زين : عادي ... اخذي الي يعجبج بس من تكملين رجعي لمكانه لان ... مرتبات بالتسلسل
براء : اوك ... طلعت اقره قران بلكي اكدر انام ... ضليت فتره اقره وبعدها رجعت نمت
_____________________
غرفه لؤي
شمس : كاعده وكالبه وجها
لؤي : شبيج حبيبتي ليش ضايجه
شمس : بدموع ... يعني ميصير هيج وقتك كله بالشغل وتجي تتغده وتنام والعصر تطلع ... انت هم عندك عائله ... كول اطلعهم اونسهم اكعد وياهم ... هذا ايفان سوده عليه من اجينه لليوم ما طلع من باب البيت ... حرام عليك ... شوف حسن مريم متوكع من ايده ... ويكلب الدنيا اذا حتى جميله حاجتها ... ليش انت تختلف ... من رجعنه من لندن ولليوم ما شفتك اخذته لمكان ولا لعبته ولا حتى تذكره بلعبه بشي ... مااعرف ليش احسك متغير علينه مو لؤي القديم
لؤي : حضنت وجهه ... شموسه حبيبي والله الشغل لفوك راسي ... وارجع اذب روحي ونيده ... والله ما ناسيكم ... بس احاول اتفرغ الكم ... وبالنسبه لايفان فانتي متوهمه اني روحي من الدنيا انتي وايفان الي يمسكم ولو بورده انهي ... لتخلين هالافكار تاثر عليج وعلى علاقتنه .... بستها براسها ... وهسه شتامرين اني حاضر بس لتضوجين شمستي ميلوكلها البجي
شمس : حضنته ... كلشي ما اريد بس خليك يمي
لؤي : تتوقعين اكدر اعوفج ولو لحضه وحده ... لج انتي روحي
شمس : باسته بركبته احبك
لؤي : ما دام الشغله صار بيها بوس جاا تعاي
شمس : ههههه
___________________
براء : نايمه وشفت نفسي امشي وحدي بغابه ضلمه مينشاف منها شي من السواد ...وكفت اسمع صوت حيوانات بس اخاف اتحرك لياكلوني ... اجاني صوت .... ركضي لتخافين .... كمت اركض بكل قوتي كلما امشي اسمع اصوات حيوانات تتعالى ... ماهتميت بقيت اركض اريد اطلع ... كل شويه اوكع وانجرح بس ما اهتم اكوم واكمل .. لمن شفت نور خافت توجهت اله ... دخلت بي جان الكه حديقه كلها ورود نفس اللون بيضه ... شد انتباهي ورده حمره متناقضه ويه البقيه... طويله وبارزه عن باقي الورود ... رجليه اخذتني الها كطفتها دنيتها يم خشمي شميت ريحتها تجنن بحياتي مشامه هيج عطر ... اباوع لنفسي من شميت ريحه هالورده اختفن كل جروحي ... اجيت اريد اخذها وياي واروح ... جان اشوف حسين كدامي بملابس وصخه ... اجه جر الورده مني وهو يضحك ... واني ما اقبل انطيها اله .... اخر شي اخذها وجرحني بشوكها ... كمت ابجي لان شوكها اذاني حيل مو كبالك شوك احس صيخ داخل بايدي ... سمعته كال ... لو يبقه اخر نفس بعمري ما اعوفج بحالج اله ادمرج .... كعدت مخروعه وابجي
زين : كعدت على صوت تبجي عالي ... باوعت براء كاعده وضامه راسها برجليها وتبجي ... براء شبيج ليش تبجين ياذيج شي ... احجي
براء : ببجي زين يريد ياذيني يكول اله ادمرج
زين : باستغراب منوه
يكول اله ادمرج
زين : باستغراب منوه
براء : بشهكة بجي .. ح حسين .. شفته بالحلم يخوف يكول اله ادمرج ... يعني حتى بالحلم ما خلصت منه ... شيريد مني
زين : طبطت على ايدها هذا كابوس لان ما نايمه عدل حلمتي حلم يضوج لاتخافين اني يمج ... يله تعالي رجعي نامي
براء : هزت راسها باجيه .... والله اخاف ارجع انام لا ارجع اشوفه
زين : فتحتلها اديه ... تعاي
براء : ادنت منه متردده ... بس الخوف ب هاللحضه غلب الخجل عدها ... خلت راسها على صدره العاري
زين : حضنتها ... لا تخافين اني يمج محد يكدر يدنالج ... هذا حلم بالواقع ابن امه وابو اذا يدنه يمج ... كافي لتبجين ادري دموعج خزان كل ساعه فاتحته
براء : حضنت خصره باديها الصغار ... ودفنت راسها بركبته
زين : قشعر جسمه من خلت راسها بركبته ... تجاهل هالشعور وعافها براحتها ... تبجي ودموعها بللت جسمه ... ضليت اقره قران بصوت عالي حتى ترتاح نفسيها وتكدر تنام
براء : حاضنته واسمع يقره قران ويمشي ايده على شعري ... هديت وبعدها ما حسيت بشي
زين : انفاسها صارت على ركبتي ... احس نفسي حتريت وعركت وخرت الغطه عني ... ونمت اباوعلها شعرها لازك على خدودها لان منكعات من البجي وخرته وره اذنها غطيتها عدل ونمت
____________________
صباحا الساعه:7:15 دقيقه
نايمين واحد حاضن الثاني ... ماحاسين بالوقت ... ولا على الدوام الي راح يروح وقته
مريم : خليت الريوك ورحت اجيب الخبر ... اكلكم محد شاف زين وبراء
جهاد : يجوز طلعو من وكت
سجاد : لا اني كاعد من السبعه ماشفتهم اصلا محد طلع
مريم : خاف بعدهم نايمين ... خلي اصعد اشوفهم .... صعدت دكيت الباب محد يفتح ... فتحتها ودخلت للصاله ... ماكو اي صوت خنسه وباب غرفتهم مسدوده ... دكيت الباب هم محد يفتح ... انجبرت افتح باب الغرفه ... لكيت واحد حاضن الثاني ونايمين ... ابتسمت على منظرهم معقوله هذا ابني ما اصدك ... رجعت دكيت الباب بكل قوتي حتى يكعدون
براء : نايمه واحس اكو شي دافي حاضني ... اسمع صوت الباب بس ما اريد افتح عيوني واكوم ... اكو عطر طيب محاوطني يجبرني ابقه نايمه ... صار صوت دك الباب عالي ... فتحت عيوني مخروعه اني نايمه بحضن زين هاي شجابني يمه .. تذكرت الي صار البارحه ياربي شلون اقبل انام بحضنه شجنت افكر بذيج اللحضه ... اباوع للساعه بالسبعه وثلث عزززه زين اكعد راح علينه الوقت زييين
زين : همممم عوفينه نايمين
براء : زين عندك دوام كوم راح يروح الوقت
زين : فتحت عيوني ليش بيش الساعه
براء : بالسبعه وثلث
زين : خرب كمت ركض ... طلعت لكيت امي واكفه بالباب
مريم : شسالفه ادري ميتين صار ساعه ادك الباب
زين : راحت علينه نومه شويه يمه ... دخلت للحمام ركض سبحت وطلعت
براء : بسرعه لبست قميصي وحتى دكمته بالاعوج ولبست الصدريه شعري مشطته شلون ماكان حتى وجهي كوه غسلته وزين شدهني يركض يطلع ملابسه ويلبس بسرعه يكول راح عليه الوكت عندي عمليه بثمانيه ونص
زين : يله براء استعجلي
براء : اي اي اجيت لبست عباتي واخذت جنطتي
زين : نزلنا بسرعه صباح الخير ... يله مع السلامه
جهاد : على كيفك زين
زين : ماعندي وقت بعد اقل الساعه عندي عمليه
براء : طلعنا وهو يسوق ويحجي عليه
زين : بحده كل من وراج تاخرنه
براء : بتفاجأ ... اني شعليه
زين : مسح وجهه صح صح انتي ما عليج
براء : وصلني انطاني مصرف وراح بسرعه .... شفت الساعه بثمانيه دك الجرس رحت اركض دخلت للصف ... همزين المدرسه بعدها ما داخله ... نزعت عباتي وشالي ... طلعت مرايه عدلت شعري وشلته لفوك عود من يدك الجرس اعدل ملابسي اووف احس كلبي راد يوكف من وره زين ... دخلت المدرسه وبدينه نشرح الدرس
_____________________
زين : وصلت للمستشفى بثمانيه وعشره ... دخلت للغرفه شفت اسراء بوجهي اشتغفر الله لاهله صبحت بهالوجه ... ولو هو اليوم مبين من اوله
اسراء : دكتور زين ليش متاخر اليوم
زين : ببرود راحت عليه نومه
اسراء : بضحكه الواضح البارحه سهران فاخذك النوم
زين : لا رد
اسراء : تفشلت
علاء : زين وينك يا اخي ادك عليك من ثمانيه مترد عبالي صاير وياك شي
زين : لا مابيه شي بس اخذني النوم
علاء : اي والله نومه الصبح عزيزه كوه الواحد يكوم منها
زين : اي والله
اسراء : سمعتو الخبر راح نروح سفره للبساتين احنه الاطباء كلنه الاسبوع الجاي وره الدوام تروحون لو لا حتى اسجل اسمائكم
علاء : ليش لا اني اروح
زين : اني ما اروح
اسراء : بخيبه امل ليش
زين : ما احب اطلع
علاء : هو يا يوم تصادف السفره
اسراء : الخميس
علاء : اي خوش حتى ثاني يوم عدنه عطله
زين : كمت لبست ملابس العمليات ورحت لغرفه العمليات ... هاا شلونك يا بطل
المريض : دكتور خايف
زين : لا تخاف ... انشالله تنجح العمليه وتكوم بالسلامه بس انت شد حيلك ... وخليك متفائل ... كلشي يمر على خير اذا الله راد ... اشرت للمخدر يخدره بده يفقد الوعي لبست الكمامه وبديت العمليه
___________________
براء : كاعدين نشرح بالدرس ... تذكرت ليله البارحه ... والي صار ... حسيت كلبي كام يدك بسرعه يا ألهي ليش هيج ديصير ويايه ... اجتي على بالي شغله لا براء ديربالج تنجرفين وره مشاعرج ... زين ديساعدج من باب الانسانيه والشفقه لترسمين امال على لا شيئ ... ركزي على دراستج مستقبلج اهم من كولشي ... اما بالنسبه لمشاعري المخربطه يجوز لان زين هالفتره ديهتم بيه ويساعدني احس بشعور ممتن اتجاهه لا اكثر
المدرسه : براء كومي
براء : كمت نعم ست
المدرسه : انتي ويايه
براء : بارتباك اي ست
المدرسه : اذا ويايه كليلي ششرحت هسه
براء : باحراج اسفه ست شردت شويه
المدرسه : كعدي هالمره راح امشيها المره الثانيه ما اخليج بالدرس
براء : اووف شيخلص اليوم وارجع اشبع نوم ... باجر عندي عطله ... رجعت ركزت بالدرس لتروح صدوك تطردني دك الجرس طلعت للحانوت اريد اشتري شي جعت ... عفيه انطيني كيكه وعصير ... انطيتها الفلوس ورحت كعدت على وحده من المساطب اكل واراجع دروسي
مها : هلوو براء
براء : باوعتلهن .. اشرتلهن شكو
فاطمه : اريد نسولف وياج شويه
براء : خير
فاطمه : اريد نسولف وياج شويه
براء : خير
مها : اكول براء رجلج شيشتغل
براء : ليش تسالين
مها : هيج مجرد فضول
براء : اذا مجرد فضول فاسفه ما اكدر ارضي فضولج واحجي عن حياتي الشخصيه
فاطمه : زين وين بيتكم
مها : انتي كاعده ابيت وحدج لو ويه عيالج
براء : كمت اخذت كتابي واكلي ... وعفتهن ورحت ... اخاف احجي كدامهن اي شي
مها : هاي عافتنه وراحت بدون مجاوب
فاطمه : لبستنه المتستحي
مها : بسيطه اني اعلمها
___________________
زين : خلصت العمليه وطلعت بشرت اهل المريض بنجاح العمليه ورحت اكمل شغلي ....
اسراء : علاء حباب اقنع زين يروح ويانه الله يخليك
علاء : انتي ليش مصره عوفي الرجال بحاله
اسراء : هسه شمسويتله اني اريد يتعرف على كل كروبنه المن عازل نفسه
علاء : الرجال ميحب يختلط باحد بكيفه انتي شعليج ... كافي سكتي اجه
زين : بس دخلت سكتو ... رحت كعدت على مكتبي وبيدي كوب كهوه
اسراء : اووه دكتور تدري شهيتني بالكهوه
زين : وعينه على التقرير الي كدامه ... اخذ رشفه من الكهوه ... متروحين تشربين منو لازمج
علاء : ضحك
اسراء : خزرته ... شنو هاي دكتور متوقعتك بخيل لهدرجه ... عبالي تنطيني كوبك لو تعزمني على كوب كهوه
زين : ببرود ... ليش شنو المناسبه حتى اعزمج ... وبعدين اني اقرف من واحد يشرب بكوبي
اسراء : عافتهم وطلعت
علاء : شجاك وياها زين
زين : ليش شسويتلها
علاء : حرجتها
زين : ببرود ما اعتقد كلت شي بي احراج
علاء : الله يساعد كلب مرتك عليك
زين : خزره ... لتجيب طاري مرتي
علاء : اسفه خويه تره ما قصدي شي
زين : ما صار شي
_____________________
براء : خلص الدوام ... طلعت انتظر زين بره
مها : شوفيها واكفه بره يمكن تنتظر رجلها
فاطمه : احنه شعلينه
مها : ولج اريد اشوفه وجهه مثل سياره لو لا
فاطمه : والله عدج سوالف
مها : لج اجه اجه ... خرب سيارته مضلله ما مبين منها شي ... بلكت ينزل
براء : شفت زين اجه ... رحت صعدت سلام عليكم
زين : وعليكم شلونج
براء : الحمدلله انت شلونك
زين : تمام
براء : كلت اليوم عندك عمليه مهمه بشر نجحت
زين : اي اليوم جانت لولد عنده فتحه بالقلب بس بفضل الله نجحت العمليه
براء : الحمدلله
زين : عندي الج خبر
براء : خير
زين : باجر اخابر امج اعزمها يمنه بحجه بيبي خوله تريد تشوفها حتى تشوفيها لان ابوج يجوز ميقبل ترحين الهم
براء : بفرحه صدوك تحجي
زين : جا اجذب عليج
براء : لحضه حجيه خوله شعرفها بامي
زين : خوله وحميده جانن صديقات من زمان ولحد الان فاكيد تعرف امج
براء : هااا
زين : اي .... يله وصلنا ...
براء : دخلنه للبيت لكينه الكل كاعدين بالصاله ... سلمنه عليهم
خوله : هله بالمسعده المدلله وين جنتي
براء : بالدوام
خوله : نسوان اخر وكت شي يطلعن وشي نايمات للظهاري و العمه تطبخ وتحط بحلوكهن
زين : بنفاذ صبر ... هسه شله داعي هالكلام
خوله : اني ما حاجيه وياك خاف عبالك اذا دكتور اعاملك معامله خاصه ... وانتي روحي نزعي وتعالي ساعدي عمتج انتي وهذني المسمومات مو خدامه عدجن هي
مريم : شنو هالحجي يمه
خوله : انتي سكتي كضيتي عمرج فاهيه
جميله : ما اتحملت ... حجيه تره ميصير هالحجي اولا استلمتي البنيه من الباب اكلتها بكشورها ... وثانيا احنه من شوكت كاعدين الظهر مو بالتسعه احنه بالمطبخ
خوله : امشي لج ... كاعده بالتسعه وتكول الصبح
جميله : جاا بيش ساعه تردينه نكعد
خوله : والله احنه من جنه جناين ويه الاذان نكعد بس عمي نسوان هالوكت مدللات
مريم : اشرت لجميله بمعنى سكتي لتجاوبين ... زين يمه روحو بدلو وتعالو تغدو
زين : صعدنه ... والله هاي المره كارثه
براء : ابتسمت بهدوء
زين : باوعتلها تبتسم ... ابتسمت ... عليمن تبتسمين تره ستوج ترزلتي
براء : بهدوء ... ميخالف مره جبيره خل تحجي شسويلها ... دخلت للغرفه طلعتله ملابس ورحت صليت .... واخذت تراك لبسته وفوكه صايه ... نزلت قبله ... هو بقه بالغرفه
شمس : حبي بروئه فدوه تعالي كلبي التمن
براء : اجيت ... وكفت كلبته وهاي دارين واكفه تباوعلي ... كملنه وصبينه الغده وكعدنه نتغده
خوله : باجر عندج عطله مو
براء : رفعت راسي ... اني
خوله : لا امي
زين : اي عدها عطله
خوله : اريدج انتي اطبخين باجر
براء : انشالله
خوله : نوم للظهر ماكو باجر
براء : انشالله
سجاد : مادام باجر تطبخ براء راح اضل افكر بباجر من هسه
خوله : انت عليمن طالع جوعي شو ماعدنه واحد هيج بالعائله
سجاد : علساس هسه انتو عايشين عالحنطه مثل الحمام ... اشو كل واحد بيكم ميكدر يمشي من الوزن على الاقل اني اكل وما اسمن
دارين : على طاري الوزن ... براء شكد وزنج
براء : 62
دارين : اووو هاي شسمنج اني وزني 55 واريد اضعف انصحج لتاكلين دسومات حتى تضعفين
زين : ببرود انتي ماعندج شي كاعده وساكته بالبيت لا شغله ولاعمله اما هي طالبه لازمها تغذيه حتى تكدر تدرس وبعدين البي خير يحافظ على اخلاقه مو بس وزنه
خوله : على كيفك كبيت على البنيه على مود مرتك هسه شكلتلها
نجمه : بيبي زين ما كال شي
خوله : انتي محد حاجي وياج سدي حلكج
براء : كملنا غده وكعدو همه يشربون جاي رحت كعدت يم زين
خوله : انتي حبوبه ما تفكين ياخه عن الرجال وين ميروح ورى تره ماراح يطير
براء : استهضمت من كلامها ليش تعاملني بهالاسلوب شمسويتلها اني
زين : انتبهتلها برطمت ... لا يا الله بس لا راح تبجي ... حاولت اسد السالفه .... مريومه تعالي كعدي يمنه ... اجتي كعدت بستها شلونها الحلوه
مريومه : باسته ... ذينه
براء : برطمت لعد واني ... اجتي شبكتني يمه فدووه بستها ... تشربين جاي
مريومه : اي
براء : كعدتها بحضن زين واشربها جاي
دارين : تحبين الجهال
براء : بابتسامه اموت عليهم
خوله : جاا متسوين شتانيه
براء : منين اسوي
زين : كرصتها ... لجفصين
خوله : من ابويه جاا مو هذا شطوله كاعد يمج ... والله نسوان اخر وكت ... بكلشي فاهيات بس بالفراش ندارتهن تطلع
براء : تصبغن خدودها ... متعرف شتجاوب
زين : بعصبيه حجيه شنو هالحجي مو عيب ولد وبنات كاعدات شنو هالالفاظ
. متعرف شتجاوب
زين : بعصبيه حجيه شنو هالحجي مو عيب ولد وبنات كاعدات شنو هالالفاظ
خوله : واني شنو استحي منكم ... ذاك اليوم طهروكم واليوم جايين تصيرون زلم براسي
زين : مسح وجهه استغفر الله
خوله : باوعتله ... بانزعاج انتفض حضرته يخاف من مرته خاف تكطع الماي والكهرباء عليه ... والله زلم متستحون اهل النفوس الدنيه متشبعون
حسن : تره بيبي اذا هاي الشغله ينشبع منها تنتهي الكائنات
قصي : اي والله
خوله : هو انتو بس بهاي فالحين ادبسززيه
زين : ضحك ... بكلبه والله يا الله ياماي يا كهرباء ... كومي كومي يله من رخصتكم
براء : صعدنه فوك ... حتنام
زين : لا ... ليش تردين شي
براء : لا هيج بس اسال ... راح للغرفه .... اني رحت جبت الملابس من المنشر وكعدت بالكاع اصفطهن ... شفت سلسله بيها علامه غريبه بين الملابس هاي المن ... زين هاي الك
زين : هاي شجابها هنا
براء : ما اعرف
زين: خليها على ميز التواليت
براء : شنو هالعلامه البيها
زين : الينغ واليانغ
براء : شنو يعني
زين : رفعت ايدي ... اشرت عليها هاي ... تعالي شوفيها
براء : اجيت شفتها ... موشمها بايده ... حلوه بس شنو معناها
زين : هاي العلامه تحجي عن ملك صيني ظالم ومغرور .... ميرحم اي احد والشعب كله يكرها ... يصدف يحب وحده مسالمه ومتواضعه والناس تحبها تختلف عنه تماما ... ف تكوم هي هم تحبه ... ويتزوجون ... فالناس تكول انو هو انسان سيئ بس عنده حسنه وحده وهي زواجه من هالملكه ... فيرمزوله بسواد بي نقطه بيضه والي هي هالحسنه ... وهي انسانه جدا صالحه بس ارتكبت خطأ من حبت هالملك الظالم ... فيرمزولها ببياض بي نقطه سوده والي هي هالخطيئه
براء : الله شكد حلوو ... زين انت كل وشومك الها قصه مثل هالوشم
زين : اي ... بس مو اليوم اسولفلج عليهن ... يله اني نعست راح انام
براء : اوك
___________________
مها : هلووو فاطمه شلونج
فاطمه : هلوو
مها : مو كتلج اليوم راح اسوي شغله اأدب بيها هالساقطه براء لان اجاهلتني
فاطمه : بحماس اي سمعيني شراح تسوين
مها : سمعي ............
****
