رواية اسود توب الفرح الفصل الخامس عشر بقلم خالد أسامه
خالد..شلون موضوع راح استغل بي رغد وشوف شلون يابان راح تكدرين ترفضيني
شلون العمام
هله منتصر تفضل
اسمعت اليوم اسافر
خالد .اي اروح التركيا اشوف المعمل وضبط نقله وجيب مهندس منهم يشده النه
اكلك خالد هذا مو كلها تكلفه
حبيبي منتصر كله انسجله دين من نشتغل نرد الدين
وترهم هيج يعني
حبيبي كلشي يرهم
ان شالله .لعد اشوكت طيارتك
اليوم بالليل ساعه ٨
سفره سعيده وبالتوفيق ابن العم
منتصر .تفضل يمي تغده
لا حبيبي مشكور لازم الحك احظر حالي للسفر
يله انه اترخص
غالي منتصر
فوتي عوبه ادبسزز
يمه شبيج
انجبي ومشي الغرفتج ولج
فوتي 😠😠
سدت امي باب غرفتي باوعت عليها عيونها اطشر شرار صدك خفت منها
تعاي منو هذا الجنتي واكفه اكبال سيارته
منو يوم
وجابتني براشدي 😤 شوفي تحجين لو تنضربين احسن
يمه شكو
اني شفتج ولا تكذبين .شفتج واكفه بصف سيارته وحجيتي وياه يالصلفه ماخفتي واحد من اخوتج يمر ويشوفج
بس ما اعتب عليج حالج من حال عمتج مو نهزمت وياه وسافرت ومحد يندل مكانها انتي صلفه مثلها وشايله عرامه محد شايلها بكدج
ونزلت بيه دك كتل واني اعيط واتوسل بيها تهدني
يمه فدوه سمعيني نزلت بست يدها
بس اسمعيني فدوه رحتلج
احجي يالصلفه اسمعج
يمه والنبي ما سويت شي غلط وداعي ابويه
هذا الوحد انسان جدا محترم واخلاقه عاليه شكد ما تتصورين ويعرف اخوتي وهمه هم يعرفونه لليوم ما طلب مني شغله
ولج حيوانه .ليش من شوكت تعرفي وجرتني من شعري
يمه بس خل احجي فدوه
اني واسامه متفقين عالزواج ويوم الخميس يجي يتقدملي والله يمه
شمدريج ما يلعب عليج يالثوله لا والنوب يعرف اخوتج شمدريج ما يفضحج يمهم
لا يمه والنبي اسامه يحبني وشاريني مو دا اكلج يوم الخميس يجي يتقدم واني مسولفه الرغد عنه
اي يابنات بطني طبخنها دسترنها سوه واني اخر من يعلم
لا والنبي يمه بس شجي اكلج والله استحي
ما استحيتي من سويتي علاقه بس تستحين من تجين وتحجيلي عن الولد
عالاقل جان نصحتج فهمتج بس انتن ادبسززيات
كمت حضنت امي وبوستها والله حقج عليه اني اعتذر منج ماما سامحيني
لا اني زعلانه وخري
لا ماما فدوه كلشي ولا زعلج
طلعت وركضت وراها يمه عفيه سامحيني ابوس يدج ماما
هاي شكو شبيكم
بان .يمه عزه
الام .مابينه اني وبان
اي شبيها وياج
منتصر اني اريد منها تشتريلي فستان وهي رافضه
ليش رافضه .
تكلي مو وكتج
اي مو وكتج هي اعرف عوفيها ولا تلحين عليها
اي صار بس يمه امانه من ترتاحين عود كليلي حتى ادز بيدج الفستان
يمه شلون انتهاء والطفله
تمام الحمدلله
اكلج يمكن اليوم يجون بيت عمي ابو خالد يمنه كلهم العصريه
بان .كلهم يعني حتى وسن وخالد
ماعرف وسن تجي لا بس خالد ميجي اليوم يسافر التركيا
الام .عالخير عليه وكل الهلا بيهم
بان .طرت من الفرح لان اسمعت خالد سافر راح افتك منه وما اشوفه الله لو يبقه وميرجع بعد
هسه انت عندك املاك روح ولي سافر شمجلب بالعراق
بان عود خابري ع رغد خل تجي وتساعدكم
اي اخابرها هسه من تلفون امي
راح منتصر
يوم مو تحجين المنتصر شي عفيه
لا ما احجي امشي ولي منا
بست امي احبج يوم كومااااات
رحت اخذت تلفونها وخابرت ع رغد وكتلها تجي يمنه
دخلت غرفتي تمددت عالجربايه وراسلت اسامه وحجيتله عن اليوم وشلون امي شافتني ورزلتني
واني احجي وياه وجتي يدي ع ركبتي وتحسست بالكلاده
فدوه الكلبه شكد نازك ظليت ابوس بالكلاده الحد ما غفيت
حسيت ع يد تهز بيه
ولج كومي شكد تحبين النوم
فتحت عيوني كوه باوعت هاي يارا بنت عمي
كمت بوستها
هلو اشوكت جيتوا
صار ربع ساعه
صدك .ولج خل انزل اقدم شي الهم .اكلج منو اجه
كلنه
حتى وسن وخالد جوي وياكم
لا لا بس وسن خالد اليوم يسافر
هااا يرجع بالسلامه
الله يسلمج
يله خل انزل
حضرت شربت وكيك وفتت سلمت عالكل وقدمت الشربت
مرت عمي .بان كبرانه ماشالله ام منتصر
اي كبرت محد يبقه صغير ام خالد هاي بناتج مو كبرانات ما اشالله كبرا وكبرنه وياهم
اي والله ما افتهمنه شي من عمرنه جبناها كلها تعب وضيم ابساع ركضت بينه الايام
اكلج شنو ماكو قسم ع بناتج
والله يجون بس خالد ما يقنع يكول بعدهن اصغار
والله ام خالد زوجيها صغيره تربه عنده احسن ما تكبر وتكوم تشرط وتعب تره هم البنات ثكيل وانتي اعتمادكم بس ع خالد ماعندج معيل غيره
الله كريم تجي قسمتهن .
اي اني رايده بنتج عبير الاخويه الصغير هشام تعرفين تخرج العام من كليته وشتغل كون حاله وهسه يدوروله مره
واني جتي في بالي عبير خوش بنيه ومتزنه وفقيره والله هي تنفع اله مره
الله كريم ام منتصر والله انتوا ناس ونعمه الناس ما شفنه منكم غير بس الطيبه يشهد الله واني الي الشرف بنتي تكون الكم هم سمعه وهم كرم
تسلمين ام خالد
احجي ويه اخوها وردلج خبر ان شالله
اي والله ام خالد بس لا تتاخرين علينه
ان شالله بس يرجع خالد ورجعلج خبر
منتصر. انتهاء رايح للمطار محتاجه شي اجيبه ويايه بالطريق
اي جيب كرزات للبنات
صار
بان .شلونج عبير
زينه
خوما بعدج ضايجه ع حسن
لا قابل هو اخر رجل بالعالم الي ميريدني ربح ماريده خساره
اي عفيه عليج لتتعلقين بحد حتى لتنصدمين
😏 شكرا لنصيحه
رغد .بنات تشربون نسكافي
اي نشرب
منتصر .ها خالد جهزت
اي اي خليت الجنطه بالسياره
اكول خالد شكد تبقه بتركيا
فد عشر تيام ورجع ما اوصيك ع اهلي
لا توصي حريص
بان وينج
بالغرفه حسن
تعالي
منو يمج
بس بنات عمك فوت سلم عليهم
شلونكم بنات
هلووو حسن
عبير .شلونك حسن اخبارك واخبار خطيبتك
زينين الحمدلله
تعاي بان بس اكويلي هذا القميص
اي ميخالف اكوي
بس لتتاخرين عليه عندي طلعه
عبير .حسن متغير احسه ضعفان
لا نفس ما هوه مامتغير منه شي
كمت اريد اكوي قميصه
عبير .انطيني بان اكوي اني
مو خاف زحمه عليج
لا رحمه اني عاجبني اكوي
هاج بس انتبهي عليه
عبير .اخذت القميص عطره مالي القميص ملي شميته حسيت نفسي اني بحضن حسن
لو بيدي اخذ قميصك وضمه يمي
ظليت اكوي وافكر بحسن شلون راح يكون الغيري
ليش ما خطبني اني
ليش فضل عليه الغريبه
شكد تمنيتك الي ياحسن لو تعرف شكد كلبي يحبك جان عشكتني
ها بان انتهيتي ..بان وينج
اي اي هاك
شكرا
عفوا
صارت ساعه ٩ بالليل ورادت مره عمي ترجع للبيت بس امي واخوتي جلبوا بيهم وباتوا يمنه
كمت سويت شاميه ومنتصر جابلنه كرزات وحلويات
خليتها كلها بماعون .وياها فاكهه وقدمته للبنات وكعدنه كلنه سوه ضحك وذكريات وشقه
غدير .اكللكم تذكرون من جنه اصغار ونلعب حبل وجان حسن وحسين يخربون لعبنه
اي لو من جنه نرسم توكي بالكاع ويجون يرشون مي علينه لان منلعبهم ويانه
بان .والله ذكريات ريتها تعود
تذكرون بنات من جنتوا تجون علينه نفرش الفراش بالكاع ونلعب انام ناس ع ناس وصير هوسه بالفراش
ياربي شكد احن ليام زمان
يارا .بان امتحنتي لو بعدج
اي امتحنت وان شالله انجح
بنات اني نعست حيل راح انام
تصبحون ع خير
وانتي من اهله
فزيت ع مسج وصلي باوعت عالبنلت شفتهم نايمين
دزيت مسج الاسامه كتله ما اكدر احجي لان يمي خطار نايمين خليها ع باجر وغلقت تلفوني ورجعت نمت
عبير حسيت ساعه ٤ الفجر عطشانه دورت مي ماكو بالغرفه طلعت للمطبخ اشرب مي وبطريقي للمطبخ اسمعت حسن يسولف ويه خطيبته ويضحك
نعصر كلبي ونقهرت في داخلي ظليت واكفه بصف الباب ماعرف ليش وتمنيت افوت يمه وكعد احجي وياه
بس مكدرت خليت ورجعت للغرفه حتى من غير ما اشرب مي ونزلت دمعتي ع خدي
ونمت بحصرتي
صحينه ع صوت امي اصحي بالجميع يله كومن خل نتريك جميع الكعده حلوه الصبح اصير
كمنه وتريكنه جان نهار حلو حضرنه مواد الدولمه وبدينه نلف وحده تعيب ع لف الثانيه
انتهاء .خلينه عليها الزلاطه
اجه منتصر يمه شتكولين لو نروح لزوراء نتغده
بان .صدك تحجي منتصر
اي حضروا حالكم وغداكم وخلونه ناكل بالزوراء
حضرنه ورتبنه وجهزنه كلشي دخلنه بدنه
وطلعنه من وصلنه اجواء اجنن وناس كتل كومه مالين الجزيره ملي
حسن جاب خطيبته وكعد نصبنه السفره والاكل جانت طلعه ولا بالاحلام كلش حلوه والكل اتونس بيها
رجعنه ويه الغروب
مره عمي طلبت من منتصر يرجعها للبيت
اخذهم وراحوا
البيت فرغ صار ضوجه
دخلت غرفتي وكعدت اراسل اسامه
حبيبي الباجر راح ادز امي تجي بس اشوفج وتاخذ من امج اححايه
لازم امك تجي يعني
اي علمود وراعا تجي الزلم
اوك حنطي خبر الامي
اني منطيت خبر الامي لان هسه تكلي شمدريج وافتح عليه جبها من الاسئله
خليها تجي والله كريم
الصبح حدود ساعه ١١ ندكت الباب رحت افتحتها
شفت نسوان تلاثه مره جبيره وياها اثنين شابات
مرحبه
اهلا وسهلا
تفضلوا
ام منتصر موجوده
اي تفضلي
دخلتهم للاستقبال .دقايق انتظروني
ماما اكو نسوان جني عليج
منو هالنسوان
ماعرف بس يمكن اهل الولد الكتلج عليه لان شكلهم غريب
اوكفي خل اشوف
دخلت امي وسلمت عليهم
عيوني ام بان اني ام علي وجيت عليكم اليوم حتى نشوف المحروسه وبعدها تجي الزلم اذا صار نصيب ورضه
اي بس اني لازم اخذ راي ابوها وخوتها قبل كلشي
اي اكيد اخذي رايهم وسئلوا بعدها ردوا النه خبر
بان يمه تعاي
اي ماما
فتت سلمت وكعدت يمهم
اتفقن النسوان وبقه بس ع الرد مالنه
اشويه وكامن طلعن
رجعت ماما حجت ويايه وكالت مبينين خوش ناس الله يهنيج بيهم
اشكرج ماما حضنتها وبستها لان ممصدكه الدا اشوفه والاسمعه
معقوله راح اكون زوجه اسامه لا ما اصدك يارب ديم فرحتي للاخير يارب
منتصر تعال يم ابوك عندي موضوع
اي يوم سولفي
يمه اختك جتها مشيه وخوش ناس بيت ابو علي ابو الكيك المحلهم عالشارع العام
المن رايدين بان
لبنهم يمكن الوسطاني
يمه انتي شمدريج
حبيبي اليوم اجتي ام الولد وطلبت بان لبنها
وكتلها اخذ راي ابوها واخوتها وردلج خبر
يعني بان تعرف جايه عليها مشيه
اي عرفت
زين ام الولد شمدريها عدنه بنيه مامزوجه وين شافت بان
ماعرف يمه ما سئلتها بس يمكن شايفيها بالمدرسه او سامعين بينه وجاين ع سمعتنه الزينه
منتصر .والله اني ابو علي يعجبني خوش رجال والنعم منه و
من اصله خوش ناس وسمعتهم طيبه بالمنطقه
بس ابنه ما اعرفه لازم نسئل عالولد والله كريم
طلعت امي من الهول وراحت للمطبخ اركضت عليها
هااا يوم بشري
كال اخوج نسئل عالولد يله انرد خبر
بان .ظليت ادعي بكلبي الله يتممها ع خير ومنتصر يقتنع
ومر يومين عالجيه المره النه واني كلبي مثل النار بس اريد انفجر كل اشويه اسئل امي ع منتصر
اخر شي طكت روحي
يوم عفيه اليوم سئلي منتصر وكليله المره تريد جواب
اي راح اكله بس انتي اشويه ركدي وستحي
يمه منتصر مارديتلي جواب شكول للعالم
والله يايمه همه خوش ناس ومحترمين وسئلت عالولد طلع ابن اصول والبي خير الله يقدمه
كولي للناس اهلا وسهلا بيكم اشوكت ما يحبون
جتلي امي للغرفه وكالتلي موافقين اخوتج وابوج من تخابر المره عود نحدد مشيه الزلم
من اسمعت الخبر طار عقلي من راسي وصار كلبي يدك مثل اطبول الحرب وجسمي كله يرجف مثل سعفه
حضنت امي موتتها بوس من كل مكان لان ممصدكه منتصر وافق وجنت متخوفه منه حيل بس الحمدلله
الله سهلها عليه
طلعت امي غلقت الباب وراسلت اسامه كتله خلي امك ادك ع امي وتاخذ منها موعد حتى يجون
وفعلا اتصلت ع امي وماما كالتلها تفضلوا يمنه يوم الجمعه الكل موجود
واني خابرت رغد وكتلها تجي حتى تساعدني وتصلت ع شهلاء ايضا
رغد .يله مهيمن صار الظهر وما رحنه البيت اهلي خطيه اريد اساعدهم بالبيت
دخلت وشفت انتهاء وبان ينظفن ويغسلن البيت كله ساعدتهم وحضرنه كلشي بالمطلوب تغدينه
صارت ساعه ٥ العصر جوي الناس دخلهم حسين للاستقبال والنسوان للهول
راحت انتهاء ع بان تشوفها شلونها
شهلاء .صدكي بان طالعه كيكه
انتهاء .وينج بان يله جوي العالم لازم تنزلين حتى النسوان تشوفج
اي جايه .نزلت وكلبي يريد يوكف من الخجل والتوتر احس دكاته صعدت للمليون بالدقيقه
دخلت وسلمت عليهم كلهم كعدت يم ام اسامه وظلت تسولف ويايه واني اجاوب كلمه وساكته كلمه
ابو علي .بويه ماطول اتفقنه ع كلشي اني اكول خل يعقدون محكمه وسيد يوم الاحد حتى يكون زواجهم قريب
ابو بان .الي تشوفه حجي
يا الله احنه نترخص وشايفين كل الخير
كامن النسوان وطلعن
جني عليه البنات شو كامن يكرصني
ولكم اكعدووو عابت
كرصينه بان خلي نمشي وراج
شهلاء .ولج كرصيني كرصه قويه حتى امشي وراج شو كلجن ازوجتن اله اني
تعاي عبير خلي اكرصج
لا حبيبتي ماريد
تعاي غدير
اي هاج يدي بس ع كيفج
جتلي رغد باستني وحضنتني وكامت تبجي
ليش تبجين ياعمري
لان اختي الصغيره حتكون مره ومسوله من بيت وعيال ورجال شبساع كبرتي والله افرحتلج
اشكرج ياعمري
انتهاء .كافي تبجن خلينه فرحانين
وبالليل راسلني اسامه
🗨مبروك حبيبتي عليج اني
🗨مبروك عليك اني
🗨ممصدك صرتي الي
🗨اني هم ممصدكه اني الك
🗨اني فرحان بانو
🗨ربي يديم فرحتنه
🗨حبي يوم الاحد عود من وكت نطلع للمحكمه حتى ماكو ازدحام
🗨اي ميخالف
وظلينه نتغزل ابعض وغفينه واحدنه ع حس الثاني
يوم الاحد اجالي اسامه ساعه ٩ الصبح هو وامه وخواته الثنين وخالته
واني راحت ويايه امي ورغد
والحمدلله كانت كل امورنه سهله وبسيطه ومشت ابساع عقدنه وطلعنه من يم القاضي وصارت الهلاهل والجكليت
فرحه جبيره فعلا من تاخذ الانسان الي تحبه ويكون ساكن كلبك طول عمرك
عزمنه اسامه ابمطعم تغدينه وبعدها رجعنه للبيت
اخوتي باركولي وابويه ايضا
واني طايره من الفرح احس الدنيا كلها مسايعتني من الفرح اريد اطير طيران
يمه فدوه كولي الحسن خلي يروح للمطار الصبح حتى يرجع خالد لان يوم الثنين يرجع للعراق
اني هسه راح اطلع لربيل عندي بضاعه اروح اجيبها وخاف اتاخر عليكم
يمه تروح وترجع بالسلامه يمه ع كيفك سوق لا تستعجل فدوه رحتلك
صار يمه ادللي
انتهاء ديري بالج ع حالج وع الطفله
اي حبيبي تروح وارجع بالسلامه
بستها وسلمت عالجميع وصعدت سيارتي ونطلقت
حسن يمه الباجر خاف تاخذني نومه عود صحيني ساعه ٧ حتى اروح للمطار اجيب خالد
حسن كوم يمه حسن ساعه ٧ وخمسه
اي يوم صاحي
ولك كوم صارت ٧ ونص وانت نايم
حسن .فزيت مرعوب لا يالله صدك اخذني الوكت
كمت بدلت ابساع وطلعت اركض حتى ما غسلت بس اريد الزم الستيرن
وصلت للمطار ادور ع خالد ماكو رحت افتريت ماكو
طلعت عالكافتريا شفته جاي يشرب جاي
رحت يمه الحمدلله ع سلامتك خالد
الله يسلمك هاي وينك ليش هيج تاخرت عليه
والله اخذتني النومه صدك
يله خل نمشي
وصلته للبيت نزل ونزلت غراضه كعدت اشويه يمهم اشربت جاي وستأذنت وطلعت جلبوا عليه عالغده بس ما بقيت لان تعبان حاس بروحي خليت ورجعت للبيت
خالد ادخلت للبيت بست راس امي وخواتي انطيت هداياهم كلهم وطلبت جاي اشرب
جتي يمي امي ظلت تبوسني وتشمشم بيه وسن جابتلي الطفله وخلتها بحضني
بنتي الحلوه شكد مشتاقلج ياروحي انتي شوفي بابا شجابلج
جبتلها تراجي وشباحيه ذهب
يمه لبسي الطفله التراجي
ما مزروفه اذن الطفله
ليش يوم .اخذوها اليوم ولبسوها التراجي
ملتمات اهلي يمي كلهم
اي احجولي منو راح منو اجه اصار ما صار
كتابه قصص:
بغيابي
عبير .هاك خالد استكان الجاي
اي انطيني
غدير .منتصر يوميه يمر علينه ويسوك النه وعمي يسئل
وبان انخطبت
خالد .وكفت ع حيلي وكع استكان الجاي من يدي
شنو شكلتي عيدي غدير بان اشبيها
انخطبت
المن (بعيطه) قويه وكمزت من مكاني اخذت السويج
عفت البيت وركضت ع سيارتي
