رواية عشكني ابن شيوخ الفصل السادس عشر بقلم مجهول
عزاااااا مشتاقه ونبييي محمدد اسفه كولش كولش لو شكد ما اكول متفيد لان انتو ونبي احبكم ومشتاقتلكم ومفتقدتكم بس مدري شبيه عبالك مضروبه براسي مالي واهس ونبي اسفه احبكمم احس فاقده شييي يعني انتو مو نفر ونفرين انتو عائلههه كاملههه الافففف ونبييي احبكم ومفتدقتكم اسفه عل وعد الي ما نفذته الكممم اتمنى ما تزعلون مني اعرف حقكم اني لو منكم اكتلني😂 لا شسمه احبكممم وواتمنى من روحي ما اتماطل هلكد لان شهرين مو قليله
اسفه واحبكممم ويلا نبدي هااا شسمه كومه شغلات صارت خلال هل شهرين نشالله كلكم بخير وصحه وسلامه من چورونا😂 يمه سمالله عليكم الله يحفظكم الي يبعد كلبي وچلاوي💗😂☹️ يلا يا كتاكيتي.....
كعدت صبح حسيت ماكو سلطان لان مكانه فارغ كمت بسرعه باوعت ع ساعه بفزع شفتها ساعه ٦ ونص عزا خاف كعدو شون كمزت كبل من مكاني وداريد افتح لباب شفت سلطان ديطلع من حمام وبس منشقه بخصره لافها مدري شصار بيه رتبكت حيل ونوب شعره مي وصدره مرطب لا بيه احجي لا بيه ادير وجهي واطلع هوه كبل كال
.. وين راده يبعد سلطان ؟
.. صصباح الخير سلطان اني حنزل ، حجيتها بسرعه وكبل لا اسمع رده فتحت لباب ونزلت من دراج خففت نزلتي شفت هدوء طبيت لغرفه الحجيه بيبية سلطان جانت نايمه بعدها كبل رحت بفراشي الفرشته بليل وتمددت بي وغطيت روحي كلت بس اسمع حركه من البيت اكوم عود هستوني كعدت لان استحيت اكعد بس اني وحدي ونوب سلطان كاعد اكيد هم رح يلكي فرصه ويصيحني واني استحي لا اهله لو اهلي يشوفونه حتى وان چنت باعتبار زوجته شرعاً بس مصار شي رسمي حتى محكمه بعدنه ف استحي ضليت حوالي نص ساعه كمت احس بحركه باوعت ع ساعه ب سبعه الا خمسه جانت كمت رحت للحمام غسلت وفرشت اسناني لان اخذت جنطتي مال مكياج وسوالف حمام غسلت وخلصت طلعت شفت ام سلطان صبحت عليها وشفت امي وابويه بل مطبخ كاعدين ولمنضفات وحده جانت دتطلع الريوك حتى تحضره ولخ تحضر الاكواب والاستكاين صبحت عليهم ورحت كعدت يمهم اجه فراس صبح علينا وكعد كبالنا على ميز الطعام سولف ويا ابويه بعدين اشاقه ويايه كال
.. يابه ليوم محكمه منو يحاجيكم بعد سلطان يسويلج حجز بلبيت اي تحركات تطيحين بيها ، قصده على لبس وتشدد سلطان من هل ناحيه ابويه وامي مضاجو او شي لان عرفو طبع سلطان بس بتسمو لضرافة فراس لان هواي مرح ولبكلبه على لسانه ماعنده لطلطه 😂
ف ضحكت اني ويا فراس لان صدك ليوم محكمه يعني بعد سلطان اي تحركات يلقي القبض عليه ههههههه
واحنا نشاقه ونضحك دخل سلطان بهيبته يمه لابس قميص ابيض ومخطط كحلي وكاف الردان من بدايه شويه وساعه وايده ضخمه وجتافه الي لازكه بي القميص احس قميص شويه ويطك من عرض اجتافه وصلابتهن وشويه من بدايه صدره مفتوح دكمه وبنطرون اسود وعطره اخ يا عطره ملحكت اتامل بجماله جان يخزرني فززني من صفنتي كبل درت وجهي وضجت من تصرفه لان امي وابويه بصفي وامه بصفه دخلت ويا دخلته ف كلش ضجت من خزرته كلبت وجهي وسويت روحي ما منتبهه عاد صبح واجه كعد بصف فراس وامه صبحت همين هوه يسولف ويباوع عليه بضوجه ويخزر ويكمل سالفته محد ينتبهه لان يسولفون وهيج اني عاد كمت كتلهم
.. حروح اجهز نفسي
.. وين يمه على لحم بطنج تردين تجهزين كعدي واكليلج كم لكمه وروحي تجهزي ، ام سلطان
.. الف عافيه عمه اكلو انتو ماشتهي اني صبح هم يلا الحك اكمل ، شفته يباوع بمعنى انو اكعد درت وجهي ورحت لغرفه بيبته لان غراضي بغرفتها ف شفتها كاعده عل جربايه وتعدل بشيلتها بسة راسها وصبحت عليها لان كلش احبها صح قليل معرفتي بيها بس تدخل كلب بطيبتها وسوالفها حلوه
.. هلا بمرت الشيخ صبحج الله بالخير يبعد روحي
.. حياتي حبوبه وصبحج بالف خير وعافيه تردين اساعدج بشي ؟
.. اي والله حبيبه اريدن اتحرك اروح للحمام اغسل
.. اي حبوبه دللي
لزمتها من ضهرها وجف ايدها ومشيتها على كيف للحمام دخلت كالت هذا هوه وبتسمت بوجهي بتسمتلها وسدت باب نداريت دارجع لغرفتها شفت سلطان جاي باتجاهي عفته ومشيت للغرفه طبيت جان يجر ايدي بعته
.. شني ذني تصرفاتج تر اني ساكتلج خيرججججج تصدين بوجهي !؟ سلاررر شبيج
.. حسك نصي لا تعيط لا يسمعون عيب شبيك من صبح تخوزر ولوجهه اعصاب بسم الله عود لا محكمه و ولا زوجنا رسمي ليش هيج تتعامل سلطان داضوج من هل تصرفات اني مو فصليه وولا سجينه حتى تريد كلشي بامرك وتضوج مني بسرعه وتعصب يعني ما مسويه شي ليش هل عصبيه منك؟
.. سلاررر لا تعصبيني اكثر ما انه متعصب شني ضحكج ويا فراس اخوي ولضحكه من طول لطول
ضاهر حلتلج النكات ولتمضحك وسالفه صبح تصدين بوجهي وتنزلين هيج هلمره سكتت مره ثانيه ما حلوه تطلع مني لا تلوميني اذا جانت رده فعلي قويه وهذا تلوص بل كلام ما احبه لا تحجين هيج فصليه وسجينه ! سلار تراني مو طفل عدلي كلامج وامشي يلا وياي تريكي
.. ماريد ، درت وجهي منه ودمعه بطرف عيني رحت دنكت على جنطتي حتى الهي روحي ومايشوف دموعي اجه قريب عليه وحسيت نفسه مثل واحد من يصير اعصاب ويلهث جان نفسه باعصاب يطلعه لزم ايدي الي لازمه سحابه جنطه ودارني اله
.. شون وياج المن هل دموع !
مسح عيوني وباس خدي
.. اوف يا جمال ترافتج انه راد للمطبخ خلصي وتعالي وراي حتى تاكلين
.. ماشي
عافني وراح ابتسمت لعصبيته وشون يضوج من اضوج ماعرف شحسيت بذيج لحظه حسيت شعور كولش جبير اتجاهه ماعرف احدد شنو بس متاكده انو بده كلبي يميل تجاهه مو شرط كبل حب وانما شعور راحه
بديت ابدل خلصت وره نص ساعه لبست بنطرون اسود وقميص ابيض منقط شويه طويل وحزام شويه عريض عل خصر بي علامه شانيل اسود وحجابي شيله الي هسه موديلها ماعرف اذا شيله اسمها " تره صدك ماعرف اسمها لان اني نو محجبه بس اعتقد شيله مهم غلسو حبايب😂 "
لونها اوفوايت شو حلو طلع وحطيت شي بسيط مكياج لان مالي خلك عركه لخ وسلطان فيوزه طك بسرعه خخخ
خلصت طلعت يمهم جانو كلهم كاعدين يتريكون وسلطان عينه بلفون جانت ف طبيت بيبته كبل صلت عل نبي اني خجلت هوه كبل رفع راسه باوعلي بنضره معرفت افسرها بس جانت بتمعن واعجاب ف كعدت وهوه عينه ما وخرها مني صبولي جاي شربت شويه وبلكوه تواسيل من ام سلطان وامي اكلت جبنايه وجاي عاد سلطان كال
.. نص ساعه ونطلع للمحكمه
الكله كال ماشي
اني بقيت كاعده بمكاني لان مجهزه اهلي كامو يبدلون وامه هم بس ابو شيخ عنده كعده بل ديوان ميكدر يجي ف بقى وفراس راح ويا والده يبدل حتى يكعد ويا بديوان سلمو وراحو للديوان بقت بس بيبيته لسلطان وسلطان كاعدين ويايه بمطبخ ف سلطان كام وكعد بصفي اني بلعت ريكي لان هسه متاكده رح يحجي شي ونوب بيبيته كاعده ماريد يصير شي محرج استحي
قرب يمي وشاورني
.. وتالي بجمالج وين اضمج ومنسقه وياي
باوعت على ملابسي وباوعت علي ياهههه متاشبهيين بلبس
.. ما منتبهه
.. اممم
باوع بوجهه وبدت عيونه تدور عليه من وجهي لملابسي لكلشي يريد يتاكد اذا اكو شي غلط حتى يحجي بي
.. القميص قصير لو غلطان!، كالها وضيك عيونه شكله ضحكني ضحكت هوه عكد حاجبه
.. كلت نكته ؟
.. هههههه لا
.. ليش تضحكين لعد
.. عجبني اضحك ، كلتها وباوعت بعينه
.. لا ربحنا خلني اكوم اشغل سياره اذا بقيت شويه لخ ما اضمنلج شنو اسوي
ضحكت ع تصرفه وضليت اباوع على طوله ومشيته شكد هيبه ياربي وين عقلي جان من جنت اتنرفز منه باول بدايه رجعني من صفنتي صوت بيبيته
.. اللهم صل على محمد وال محمد ربي يبعد عنكم العين ويسهل امركم ويفرحكم واشوف اولاد اولادكم مرت الغالي انتي
بتسمت لحجيها ورحت بستها
.. شكراً حبوبه الله يطول بعمرج
.. اروحن فدوه لهل حجيات سلطان صبر هواي بزواجه الاول يحبوبه ما جانت مقسومه لا اله ولا الها ثنينهم ما مقسومين للاخ لا عبالج اكلج هل حجيات حتى افاول عليج بل شين او ازعلج لا الله شاهد عليه هذا حفيدي وهيه حفيدتي احبهم وخاصتاً سلطان حبه بكلبي جبير ابن لغالي الله صبره هل سنين يارب يتم زواجكم على احسن وجهه ويرزقكم الرزق الحلال وذريه صالحه يمه سلار لا تعبين سلطان سايري تراهه يحبج عيونه فاضحتو لا تضوجين وتزعلين من يعصب شفتي طيبه كلبه يا سلار منا يعصب منا يهده بسرعه ويراضيج يمه سلطان كلبه ذهب صافي والي تملكه كلبه ما تخسر هوه هواج وحبج من اول لحظه شافج بيها
بتسمت وفرحت من كلامها ومضجت من زواجه الاوله لان جانت زواجه مو برضات الطرفين زواج تقليدي من الاهل صح حاولو يتاقلمون بس ما مقسموين لبعض سنين وبل نهايه للاسف ما تكدر تنجب اطفال وحاولو وعلاجات وهم ما صار فا قدرت الي هيه بي وانطت فرصه لسلطان انو ما رح تضوج او تنكسر اذا زوج عليها واصلاً طلبت طلاك وانو يشوف حياته بس ما راد يكسر بيها وخاصتاً انو ماعدها اخ او اب ف بقى هوه سندها حتى وان جانت حياتهم مو كاي زوجين لان همه راضيين بهل شي هيه كاعده ويه امها بيت قريب على بيت ابو سلطان وهوه موفر كل شي الها وهيه راضيه بهذا شي ماعدها مانع او كرهه او قهر تجاهه وايام جايه رح تبين شنو يصير من هل ناحيه ،،
رحنا للمحكمه عقدنا وهسه صرت باسم سلطان قانوناً وشرعاً ذبو علينا جوكليت وهلهلت امه
ضحكت بخجل هوه كلل تقرب باس راسي ولزم ايدي بايده وطلعنا كلنا ركبنا بسياره سلطان ورجعنا للبيت.....
