رواية عشكني ابن شيوخ الفصل السابع عشر بقلم مجهول
يلا نبدي بارت
.. عل ما دنرجعه للبيت ابويه كال نرجع بس سلطان وام سلطان مرضو وكالو وكت غدا تتغدون وترجعون ابويه عاد محب يفشلهم وقبل وصلنا لباب لبيت سلطان استأذن من ابويه احتراماً
.. عمي استأذن انه منك بس حبيت اخذ سلار رايح اجيبن غدا
.. تفضل ابني بعد مرتك هيه بس دربالك عليها ، وضحك
اني خجلت سلطان ابتسم وسلم وصعدت لكدام حيل مستحيه اني مال بارحه لحد هسه خجلانه منه حرك باوع بعيني وابتسم حرك ومشت سياره شغل اغنيه ربي رزقني .... (شغلوها وكملو قصه 😃♥️)
ماحجيلكم كلبي يدك دك ووجهي نار من خجل صار وهوه علاها ودخل اصابيعه بايدي وحضنها بايده لجبيره وايده لخ تسوق ماحجيلكم شعورر الحلو صفنت على وجهه شون مندمج ويغني وصل مقطع
" محد مثل حبنا ابد هنيالي حبيتج صرت انه ابو بيتج وبكلبيي خليتج وعدنا ورود من سما كل وكت يمهم فدوه رحت الهمممم يشبهوججج غيرر امهممم "
باوعلي وغناها يمههه حلكي حسيت رح ينشك من ضحكه وعيوني تلمع وحسيتها بيها دمعات ماحجيلكم الشعوررر ياربي تمنيت الله ميحرمني منه عاد ندار مره لخ وضحك ونصى كال
.. المن هل دموع يبعد سلطان واهله
.. ههههه تاثرت هههه
.. اويليي يسلطانن وتاليي ويا الترفه مالك
كالها بصوت عالي بحيث حطيت ايدي على حلكه
.. سلطاننن ههههههه العالم صوتك يربي
.. ول اروحن فدوه للخجلان ، باس ايدي ورجع حضنها بايده وصلنا بعد رومنسيات
( اوففف كلبي تكطع من جمال الصار ونوب داسمع هل اغنيه شويه وابجي😂😂😂😭 ابجو ويايه حبايب )
نزل كال اجيب الغدا واجي
ضليت كاعده ابتسم واباوع لطوله ومن يمشي شون عيونهم علي سبحان الله خلال يومين كلبي صار يدك اله تصرفاته تجبر انو واحد يميل اله صح عصبي نارر بس كلبه اذا حب اوف شبيه جنت معذبته الله يزيد هلشعور بكلبي ويهدي كلبي علي ههههه
كطع صفنتي من طبكه الباب
..سلارر وين صافنههه!
.. ها لا هيج
.. عينج بويه لا تصفنين ليغاد تراه حسبالهم عليهم ذول لوادم منا
رجعنا للغيره ولعصبيه مو هستوني كلت الله يهدي كلبي عليك ههههه ، كلتها بكلبيي
.. مدري منتبهت
سكت محجه حركنا شويه ووكف يم محل عصاير
.. شتشربين سلار
.. كيفك
.. خوش
نزل وره دقايق اجه جان جايب عصير فروله وشكله شون مرتب ويشهي وبارد يمهه سحتت وفرولايه علي من طرف انطاني يا بيدي وهوه عصير بطيخ ماخذ كال
.. شبيج بويه فهيتي عل عصير ههههههههه
.. ها لا ههه، من فشله معرفت شحجي بتسمت
وعجبني اخذ صوره النا عاد كتله
.. سلطان ناخذ صوره لو هم الوادم سويلي
.. ههههه بويه من لسانج اخذي يبعد سلطان
جريت فوني وهوه عدل حركته عليه وتقرب رتبكت ههه بلكوه اخذت صور وجانت جنن عاد حطيته بلجنطه وبديت اشرب ضيقت عيني ووجهي بده يستمتع بلطعم ولبروده جنت صدك محتاجه اشرب شي بارد بعد ما شربت وجبه منه كلت
.. الله عفيه يجنن باردد
رفعت عيني شفته صافن عليه بنضره معرفت افسرها ووجهه صار بي حمار كتله
.. سلطان بيك شي؟
حمحم وكال
.. احمم لا بس لا سوين هيج بوجهج منا لوادم
وشرب من عصيره وحرك معرفت شبي سكتت وكملت شرب حطيته بيدي اخذت الفروله جانت جبيره عضيت منها عجبني اوكل البقى منها لسلطان ستحيت بس كلت يلا هيه شنو قابل عاد قربتها من حلكه باوعلي بطرف عينه وعضها وعض اصبعي وياها على كيف اني جريت ايدي وعقجت وجهي
.. ايي سلطان انتبهه اصبعي عضيته
ضحك .. بويه شكد طيبه اطيب فروله
بتسمت لحركته هههههه
وصلنا للبيت جانت ساعه صايره ب١ ونص
طبينا للكراج نزلت وهوه نزل فتح باب سياره وبده يشيل العلاليك واجه رجال يمهم يشتغل مثل حارس عينه عل شارع وحديقه وهل امور ابو مريم جان اسمه يطلع بنهايه الاربعينات جان مبين علي الطيبه والاخلاق عاد بده يشيل ويا سلطان الباقي طبيت جوه وهمه ورايه حطو العلاليك عل كاونتر واجوي لمنضفات بدو يطلعون مواعين عاد جتي ام سلطان
.. هلا يمه
.. هلا خاله اني رح اغسل ايدي حتى دنرتب السفره
.. لا يمه هسه نرتبهن احنا
.. لا خاله عادي قابل شكو
غسلت ايدي وسلطان هم اجه حشك روحه بصفي وغسل ايده
.. ها يعني ماكو مكان ثاني تغسل
باوعتله واضحك
.. لا ماكو بس هذا ، حجاها بهمس ويبستم
ابتسمت ونشفت ايدي وبديت ارتب ويا ام سلطان واجت امي هم سلمت وبدينا نصفط عاد فرشو السفره وبديت اودي اكل خلصنا سفره واجوي كلنا لتمينا شافونه اني وسلطان وباركلونه ولحجيه باستني عاد بست راسها وبتسمتلها و كعدنه بلكاع وسلطان اشر اكعد يمه عاد بلكوه كمت استحي من اهلي واهله
كعده وهوه يجي ويخلي كدامي واني استحي اكل جان جايب خير من الله دجاجتين شوي عل فحم وسمجه مسگوفه وطرشي وتمن ومركه
عاد خلصنا وتحمدنا كمنا نلمت صفره وسوو جاي مخلوني اقدم او الم شي رحت كعدت يم امي وخليت راسي على جتفها وسلطان يباوع بخنزره انو كعدي عدل افففف عدلت كعدتي ومباوعت علي عاد خلصو جاي ابويه كال
.. نرفع زحمه احنا ابو سلطان
.. وين بعد وكت يبو سيف
.. لا والله كعده وياكم حلوه ولحمدالله فرحنا بولدنه بل خير عليهم بس والله شغلي عايفه ماكدر اكثر التزامات وانته تعرف ابو سلطان بيتك عامر نشالله
.. تسلم الغالي تنورنه بكل وكت بعد انتو اهلنا ومنا وبينا
.. ونعم والله اهل والف حمدالله ، تباوسو وسالمو وسالم سلطان وفراس ويا والدي مهم بعد سلام جميع اخذت جنطتي وامي هم اخذت جنطتها وطلعنا راد يوصلنا سلطان وابويه حلف ايمان انو احنا نرجع عاد سلطان وابو سلطان كلفو ابو مريم هوه يوصلنا سلمت على سلطان وعل كل وصعدنا بسياره .....
طبينا للبيت تعبانين من طريق جانت مرام تسوي عشى شافتني كمزت جتي حضنتني وبوستني وباركت وفرحانه بس تضحك هههه عاد بوستها بعدين باست امي وبابا واجه سيف من فوك سلم وباركلي واني خدودي طماطه صايره ونرب كملها خبالو يوسف
.. لككك هلااا مبروكككك خبلهه مالتنا يايمه يابويه راحت لبت من ايدنا راحت لزوجها يابويه هيييي
يحجيها واني فطست ضحك على شكله شون عود هوه ديبجي بلجذب ويشاقه ويداهر بوسته وصعدت فوك ذبيت جنطتي وطبيت سبحت طلعت بدلت وعطرت مشطت ورحت على فراش نتبهت ساعه ب٨ كلت خل نام تعبانه لان كولش
ردت انام سمعت
.. سللاروو تعاي تعشي ، مرام
.. ماريددد مروو حناممم نعسانههه،
.........
عاد نمت كمت ماعرف بروحي وين وشون وشداسوي وغرفه ضلمه ورا دقايق ستوعبت انو نمت لمغرب جريت موبايلي بعد ما دورت علي ثواني
فتحته جانت ب٥ وعشره اباوع ٦ مكالمات و١٠ مسج من سلطان ياههه شكوو يستار فتحتهن
.. هلا سلار شونج بويه
.. وينج يابه مو جاي ادك
.. سلار بويهه مجاوبين شبيج خما بيج شي
.. وتاليييي انه اعلمج ليش ما تخلين الموبايل يمج
مكالمههه مكالمه مكالمهه
.. وعلي الا امرعدججج بس كومييي وشوفي
.. بسيطه خوشش ول سلاررر ان ما علمتججج
.. من تردين تنهمديننن غير تحجينننن ما تكولين وراي زلمههههه خوششش سلاررر خوش
..... وووو وكومه مسجات ولقران كلبي كام يدك سريع متت هذا شبي ؟ صدك يحجي يعني نسيت ونمت شون كفرت كتبت وايدي ترجف
.. ها هلاو سلطان اعذرني نمت ومحسيت وجان سايلنت الفون ونسيت من تعب ليش هل مكالمات ولقلق ماكو شي عيوني بخير اني
كتبتها ودزيتها وفتحت الصوت عام وسديت فون شغلت تيبلام خافت وكمت ميته جوععع رحت للحمام غسلت وجهي وسنوني نشفت واخذت فوني شفته بعده ما داز يمكن نايم كعدت تصفحت تواصل وشفت بنات بلكروب حاجيين وصار يوميين ومفاتحه عاد جاوبتهم ومجاوبو نامو يمكن لان عطله فايت وكت ينامون ضليت لحد مصارت ب٦ كلت انزل اسوي جاي لان فدشويه حيكعدون بابا واخواني يرحون للشغل ف ماطول جوعانه حتى نتريك سويه اخذت فون ونزلت جوه شغلت التلفزيون على قران ونصيته وفتحت بردة المطبخ جان جو يخبل شمس وبي هوى نص تاسع جو حلو يصير عاد ترست قوري مي وحطيته عل نار وطلعت اجبان وزيتون وخيار وطماطه حضرتهم وحميت صمون فار مي حطيت جاي وهيلته تهدر طفيته صبيت جاي وسويت جاي حليب داشرب جان يدك موبايلي شون فززني باوعت سلطان كلبي دك بسرعه جاوبته
.. صباح الخيرر
.. صباح الخير مووو ما تحسبينن وراجج زلمههه طافيه صامت ونايمهه ول شبيججج ما تحسبيننن
.. سلطان شبيك من صبح يعني ما نتبهت كفرت قابل
.. عدلي اسلوبجججج لا وعلي انه اعرف اعدله هذا اخر تحذير ان شفتج مره ثانيه ما راده خبر وكايلتلي اعرف انه شون اتصرف وياج
.. المن هل عياط ولعصبيه من صبح ؟ نسيت وخلص ومتتكرر شكو كل هذا
.. سلارررر لا تختبرين صبري خلصص
.. اوكي خلصت؟ اريد اتريك
.. انه شكلت عل اوكي اوكي ماريدددن كله ماشي تمام
.. اللهم طولج ياروح ماشي فهمت
.. ماشي سلار ماشي روحي اكلي لكمه ويصير خير
.. ماشي مع سلامه
.. الله وياج
سديته واني ضايجهه منهه من صبح هيج يتعامل ويايه شنوهايي خلصت جاي حليب كعدو اهلي صبحت عليهم تريكنا راحو للشغل امي راحت صلي مرام بعدها نايمه لان بعد وكت جانت ب٨
لميت الريوك وعدلت مطبخ رحت كلبت تلفزيون على برامج صباحيه وامي كعدت تكلب بل فيس لان بعد وكت عل غدا عاد والله لل٩ متحملت ضوجه كلت اكوم اكعد مرام علقل نلتهي اني وياها نسولف نشتغل شي
صعدت فتحت باب لكيتها نايمه رحت كمزت ع جربايه
.. صباححح لخيرررررر
.. يستارررر شكووو يمعوده خرعتيني ولي
.. هههههعه كومي شتاقيتلج حقيره
.. نجبي اكو واحد هيج يشتاق امداجج
.. خههههه ادبسزز فوكاها كوميي يلاا ضجت
.. هسه مفتهمت مشتاقتلي لو ضوجه وحدج كاعده
.. الاثنين ههههههه
.. ثول هههههه كايمه وخري
دفعتني ع كيف بل شقه وكامت تغسل
خلصت نزلنا جوه صبحت على امي
.. تريكي احنا تريكنا
.. لاا جان نتضرتوني ، وبرطمت حلكها بشقه
.. لج جوعانهه جنت دروحي غير ما متعشيه وماما تعرفيها تضوج تتريك وره ٩
.. غير انتي مطي نمتي ب٨ اصيح ومقبلتي
.. نجبي ولج تعبانه والله تعاي تريكي انتي واسولفلج عل بارحه ولو زعلانه من سلطان
.. ياههه عزاا ذكرتيني بارحه سلطان حارك لموبايل عليج ودزلي يحجي ويعيط زرفها لاذني ًوينها وليش ما ترد وليش ما تكلي من تنام واني اسكت بي عاد اخير شي كال انه اتصرف وياها عابتلج اكلت رزاله منه لان مجيت كعدتج راد يحجي وياج وكتله نايمه تعبانه كال خوش وزفر وسلم وسده
.. لجج شون ما نام وتعبانه والله جنت شسالفه رجع على خباله
.. نجبي لج اخويه هذا ، وضربت بشقه ايدي خفيف
.. اخويه هذا نننن، عيبت عليها مهم حجينا وهم حجه ورزل جاوبته وسديت مكالمه مهم تعاي اشوفج
كعدت تتريك وسولفتلها عل بارحه وشوفتها صور
تخبلت عليهن وضلت تقره معوذات وتصلي ع نبي وطايره من الفرح عاد خلصت وكمنا لمينا البيت وماما شوت غدى دجاج بلفرن وبرغل اجوي اخواني وابويه تغدينا وخلصنا لمت مرام المواعين وصبيتلهم جاي شربو وخلصو بعد سوالف وكلمن راح يرتاح بغرفته طبيت للغرفه تمددت وجان سلطان يدز مسج
.. مشتاقلج يبعد اهل سلطان
.. واني ما مشتاقتلك بعد كلهذا وتدز مشتاقلج اممم
.. بويه والله نرفزتيني علقل رديلي خبر انو حترتاحين وتنامين
.. يعني تعبانه مدري شون سبحت وبس ردت انام حتى مرام عل عشى صاحتني منزلت
.. خوش بويه مصار شي شخبارج
.. تمام زينه
.. ول بعدج ضايجه ؟
.. يي
.. كولي اي بعدج على يي
.. ها سلطان بدينا؟
.. هههههههه يبعد سلطان واهله
.. هههه اي قشمرني بحجايتيين
.. اروحنن فدوه لهل كلماتت
.. ههههه شونك؟
.. بخير مادامج بخير
.. اني حمدالله زينه
.. جعل يوميه زينه يبعد ابوج
.. ههههه شكراً
.. بويه سلاار
.. نعم
.. نعم الله عليج سلار نشالله هل سبوع تجهزي حتى اجي انه ولوالده نشتري الذهب
.. تمام تدري نسيت انو لحد هسه ملابسيين حلقات
.. هههههه ول دوخني عيونج نشالله من نجي لبغداد تدللي اي شي عاجبج يجرالج يبعد سلطان
.. شكراً سلطان نشالله ....
