رواية حرم الاسود الفصل السادس عشر بقلم بتول ابو الليل
فتحت عيوني بصدمة جان تيمور وشذر حاضنين بعض هيه محاوطه اديها علئ ركبته وتبجي.
شافني تيمور دخلت دفعها عنه بسرعه عمري ماشفت انسان واصخ منه يعني ليوم ابوك ميت وجاي تحضن بيها وتسوي وياها هيج اشياء
واني شنوو دوري بحياته موو ع اساس صرت مرته وعلئ اسمه
بقيت بس صافنه بوجهم مانطقت بحرف شذر دارت وجهه شافتني ابتسمت بحقد.
تيمور : اريانا
_عمري ماشفت انسان واصخ منك ولك شتحسسسس فهمني شلووون الك نفسس تسوووي هيج اشياء وابوك ليووووم دفنته جوه التراب انتَ حررررام يحسبونك من الزلم والله حرام تكون انسان حالك حالنه .
اجاني بسرعه سحبني من ايدي عليه وسد الباب خله ايده علئ حلكي يسكت بيه
تيمور : اششش نصي صوتج ماكوو شيء والله وعيونج مامسوي شي هيه لزكتلي
شذر : هاي شنوو تيمور ليش تجذب علئ مرتك ليش متحجيلها الحقيقه
خليها تعرف الي بينه خليها تعرف انو جان بينه علاقه وكلشي مسوين سويه ليش خجلان من الموضوع .
دار وجهه عليها ضربها راجدي كلابها علئ السرير فتحت عيوني بصدمه رجعت خطوات خايفه
تيمور : لاتخليني اطلع حرگت ابوي بيج بالعباس ابو فاضل اشنقج بالبنكه بنت ال*** لنعل ابوج لابو الجابج بربوك منوو تشمر بروحها ع زلم اعرف شلوون اخليج تتندمين علئ هل كلام.
عفتهم وطلعت اركض من الغرفه لحكني تيمور دخلت لغرفة اليان اريد اسد الباب لزمه قبل لاقفله صرت ادفع بالباب ماريد احجي وياه ماريد اشوف وجهه هل انسان قذر وكل الي يقربوله مثله.
دفع الباب بقوه وكعت علئ الارض بجيت اجاني بسرعه سحبني لحضنه يبوس براسي ويهمس يم اذني
تيمور : بس خليني افهمج الموضوع هاي جذابه لاتخلينها تضحك عليج والله ماكو شيء بينه
_وخرر عنيي تيمور اختك نايمه ماريد اصرخ واكعدها بس تخلص الفاتحه طلكني سمعت مراح اكمل وياك مستحيل اتقبلك بحياتي انتَ متعود علئ هل امور طلكني والعب بكيفك ميهمني ويه منوو تلتقي ومنوو تحب أخر همي سمعت اكرهك لعبانه نفسي شلوون ارتبطت بواحد نكس مثلك.
تيمور : اشش كومي وياي بغرفتي نحجي
_ماروح تحرم عليه
خله ايده علئ حلكي يسكتني مايريد اكمل كلامي ركز بعيوني وهوه عيونه حمررر صايرات
شالني من الارض صرت ادفع بيه اريد انزل لزمني بقوه واخذني علئ غرفته دخلني وسد الباب
اول مانزني ركضت علئ الباب اريد افتحه سحبني من ايدي عليه ضربته علئ صدره بقوه ودفعته
_وخرررر عنيييي دير بالك تلمسني وخر
تيمور ; مالمسج ماسويلج شيء بس خليني احجيلج الموضوع
_شتحجي فهمني شتكووول شفتكم بعيني وانتم حاضنين بعض شتريد اكثر من هذا لاا والحلوو بالموضوع باول يوم وفاة الابوك جان احترمت ابوك ولك انتَ احلف عليك حته مشاعر ماعندك ضميرر مااااكووو ماعندك گلب لووو شنووو شووف حالة اختك تريد تمووت وانتَ جاي هنا تحضن بشذر.
مسح وجهه بتوتر وتقدم نحوي رجعت ليورا واني اتنفس بغضب سحب نفس وكال
تيمور : اول شيء من تحجين تعرفين حدج وتخلين احترام بينه مثل ما اني هسه متحملج وساكت تسكتين غصباً عليج وتسمعين كلامي هاي الكح** اجت عود ع اساس تواسيني اجيت للخرا حته ابدل ملابسي كلهن تراب ودم من ابوي واول ماطلعت لكيتها بوجهي صيحت عليها وكتلها تطلع بس هيه لزكه ومن رادت تطلع حضنتني وانتِ دخلتي وافتهمتي كلشي بعقليتج
لٱ عبالج اني مامكسور علئ ابوي اني اكثرر واحد ادمر برحيله راح اتحمل مسؤلية الكل راح اكون مسؤل عن العائله كلهاا
الحمل الثكيل عليه راح يصير اريانا لاتصيرين انتِ والزمن عليه يوم واحد خليج عاقله وافهمي تفكيري حاولي تثقين بيه ليوم واحد ثقي بيه.
_ماثق بيك عمري ماثقيت بيك ولا راح اثق لأن انتَ كرهتني بيك خلصتها وياي تهديد وتحكم بحياتي اني من الاول اعرفك واعرف علاقاتك يعني ممصدومه بهل شيء ابد بس شغله وحده صدمتني ليوم هوه يوم عزائكم ناس مكسوره علئ هاي المصيبه وانتَ تسوي اجواء رومانسيه مجاي استوعب .
تيمور : استغفرالله يالله الهي صبرني انتِ ليش متفهميني فكري بعقلج لاتخلينها تضحك عليج هاي اكبر **** ع وجهه الارض
_انشالله ربي ينطيك عقل ويخليك تستوعب التصرفات الي تسويها لأن اني هسه مكسور خاطري عليك ماتفهم أي شيء من الحياة مخلص حياتك بامور تافهه كلش
بقه واكف وصافن بوجهي ركزت بعيونه بثقه ابتسم بحزن وهز راسه
عفته ورحت فتحت الباب اريد اطلع لزم ايدي درت وجهي عليه
تيمور : هم يجي يوم وتفهمين تيمور؟
_ماتوقع ابد يجي هل يوم
ابتسم بهدوء سحبت ايدي عنه وطلعت من الغرفه كلبي يوجعني مختنكه اريد ابجي حياتي صارت مخربطه كلش
شورطني ويه هل انسان شكدد جانت عندي احلام هسه ادمر كلشي.
رجعت لغرفة اليان تمددت يمها علئ السرير غمضت عيوني احس بيهن رمل يوجعني حيل
نمت بسرعه لأن تعبانه كلش صارت ساعه بـ 5 تقريباً يلا نمت
ماكوو ساعتين وكعدت علئ صوت البجي والصراخ
فزيت خايفه شفت اليان ماكوو موو بالغرفه اباوع للساعه بـ 7 الصبح
غسلت وجهي ونزلت جانت اليان كاعده بغرفة ابوها مطلعه ملابسه تشم بيهن وتصرخ وتبجي.
اليان : بابااااا والله موتتني بروحتك هااااي ليشش عفتني ليشش كسرتني بيك ليشش يتمتني
امي جانت يمها تبجي وياها عماتها وبنات عمها بختصار الكل كاعد ويبجي علئ بچيها
حالتها تكطع الگلب كعدت يم الباب واني اباوعلها ودموعي تنزل بصمت
اليان : شلوون تعوفني وتروووح بعدنه ماتراضينه بعدني ماشبعت منك شوووووف بابا جنت موو يمك والله ماشبعت منك شوووف شلوون تعوفني ليش ماخذتني وياك انيي ليش عايشه شلوون راح اعيش وانتَ موو يميي.
حاضنه ملابس ابوها وتبچي وتشهك كامت امي اخذت الملابس من ايدها ورجعتهن للكنتور كومتها بالكوه وطلعتها من الغرفه
تبجي بصوت مسموع كوه تمشي علئ الارض روحهاا ذبلانه
مسحت دموعي ورحت للمطبخ اساعدهن بالشغل شويه واجت امي وراي
جميله : جيبيلها جاي اريد اشربها علاج وهيه كلشي ماخليه بطنها
هزيت راسي باي عافتني وراحت صبيت جاي واخذته الهاا جانت مخليه راسها بحضن عمتها ودموعها تنزل.
كعدت يمهاا امي تحاجيها وتحاول وياها ماقبلت تخلي شي بحلكها بالكوه بالتوسيل خلوها تشرب شويه جاي وانطوها علاج لأن وضعها موو تمام كل شويه تتخربط
التمت علينه العالم ماضل شخص ماجه بدت الفاتحه ناس تروح وتجي
الزلم بالديوان جبير مالهم والطباخين بالمشتمل الموجود ويه البيت مالهم
نسوان تجي تواسي باليان اكثرر من مرته جنان لأن حالتها موو مثل اليان
اكثرر وحده متأذيه هيه اليان موت ابوها حيل مدمرها.
التهيت اني اشتغل ويه البنات اضيف جاي وماي نركض هيج وهيج.
كعدت بالمطبخ واني لعبانه نفسي حيل معدتي صارت تتگلب ممخليه شي بطني من البارحه وبس ابجي
كمت بسرعه علئ المغسله وتقيئت بطني فارغ اتقيئ بس مي.
احس عيوني طلعت اجتي امي بسرعه من شافت حالتي.
جميله : شبيج ماما
_اااخ يمه بطني.
جميله : تعاي وياي اكعدي اكلي شيء لأن تفترين وماماكله لعبت نفسج
رحت وياها كعدنه بالمطبخ جابو 3 مساعدات يشتغلن داخل المطبخ بنات اعمامهم ميغسلن أي شيء مجرد ياخذن ويضيفن
جميله : يمه انطوني شيء تاكله
سوولي لفه وجاي اكلت لكمه وشربت جاي لعبت روحي اكثرر كمت بسررعه وبقيت اتقيئ.
امي خايفه عليه لازمه راسي وتغسل بوجهي فجأه واحنه واكفين اجه تيمور
تيمور : شبيهاا شكوو
جميله : بطنها توجعها ولعبانه نفسها
اجه بسرعه دار وجهي عليه لزم وجهي يمسحه من المي
تيمور : اخذج لدكتور
هزيت راسي بـ لأ دفعت ايده عن وجهي وكعدت علئ الكرسي احس روحي تريد تطلع.
تيمور : اسينا سويلها شيء خليها تاكل
جميله : هستوني وكلتها وستفرغت كلشي بطنها
تيمور : كومي رتاحي فوك لاتشتغلين أي شيء هذني المساعدات يسون كل الشغل معليج بشي انتِ
درت وجهي عنه ومجاوبته عافتنه امي وراحت طلع جكاره دخنها وكف يمي صار مثل الحاجز كدامي مدنك راسه ويسوالف عليه اني كاعده ع كرسي
تيمور : وبعدين وياج تبقين هيج مكبره راس
_وين راحت حبيبتك شذوره شو ليوم ماكو ماشفتها
تيمور : شتردين منها ختولي
_لأ ليش غير نسأل عليها نطمأن
تيمور : تغارين منها
_هههه تدري ضحكتني واني طالعه روحي من شنوو اغار اصلاً افرح من ترتبطون سويه تدري ليش لان ترهملك كلش هيه وصخه وانتَ واصخ منها
تيمور : احس الوقت موو مناسب نتناقش بهيج امور كومي رتاحي فوك ولاتنزلين منا لحد ماتصرين زينه.
_معليك بيه لاتسوي نفسك مهتم وخلي شغله بالك اول ماتخلص الفاتحه نطلك سمعت مستحيل ابقه مرتك بعد
تيمور : لو تطلع براسج نخله ماطلك
_ميهمني رأيك ابد ارفع دعوك عليك واوقع علئ الاوراق اخليك غصباً عليك توقع
تيمور : اي خوش
عافني وطلع برا غمضت عيوني بقهر يالله هل انسان راح يخبلني كمت ممتحمله تصرفاته هاي يحجي وياك برود يخلي اعصابك تتلف
سحبت نفس قوي وكمت رحت كعدت يمهن ماريد اصعد فوك حته لوو تعبانه ماكدر اعوف اليان
رحت كعدت يمها خلت راسها علئ متني وهيه تبجي بقيت امسح علئ كتفها.
شويه واجت شذر كعدت مقابيلنه تباوعلي بحقد هل انسانه ماشفت اوقح منهاا بكل عين صلفه تباوعلي وممهتمه لأي شيء
لا والحلوو حجه عنهاا تيمور وضربها وهيه ولا كانو مشايفه هيج بعمري بنيه ماعدها كرامه واحساس
شهل عقيله العدها بس صوج موو بيها صوج باهلها الي ماعرفو شلون يربوها انطوها دلال وفلوس
بس مانطوها تربيه واخلاق خلوها حالها حال بنت الشوارع والملاهي
صار الظهر بدت الناس تروح امي تريد تروح اجت يمي وكالت
جميله : اني لازم اروح باجر هم اجي انتِ ابقي ويه اليان هل فترا لاتعوفينها وحدها وصار هل بيت بيتج بعد لاتتقيدين ولاتخلين أي وحده من هذني تحجي عليج كلمه خوش
_ومسلم يقبل؟
جميله : ماما بعد هذا بيتج وانتِ علئ ذمة رجال واليان مكسوره مراح يكدر يحجي شيء وحته اذا حجه ابوج يسكته ابقي وياها
_تمام
جميله : يلا روحي اكعدي وياها وخليها تااكل شيء خليها تشد حيلها لاتخلصها بس بجي ترا مايطلع شيء بجيها.
هزيت راسي بـ أي عافتني وراحت رجعت كعدت ويه اليان صبو الغده كعد الكل ياكل اني كاعده ويه اليان لازمه ايدها واسوالف وياها
_اليان حبيبتي والله الي تسوينه بروحج غلط مراح يتغير شيء اذا كطعتي الاكل والشرب ابوج لوو عايش اكيد مراح يقبل بهل تصرف
اذا تردين ابوج يكون راضي عنج ومرتاح تكومين تاكلين شيء وتصعدين تصلين وتقريله قرآن هيج راح ترتاح روحه والله يغفرله كل ذنوبه.
اليان : مات وهوه زعلان مني شلون اراضي بعد شلون اتحمل هل ذنب السويته بحياتي ياريت ويه انسان غيره ويه اغلئ شيء بحياتي بابا اريانا بابا حته ماشبعت شوف منه اول مارجعت انخطفت بعدين خطبتو واحنه متزاعلين مخلاني حته اراضي.
_لاتلومين نفسج ابوج يحبج والله وميزعل منج جان يريدج تستوعبين غلط الي تصرفتي لاكثر ولأ هوه ميتحمل زعلكم الصار قضاء وقدر وانتِ مابيدج شيء تسوينه
اليان : لا الغلط مني اني جان المفروض حته لوو يطردني ابقه واحجيله وافهمه السالفه اخلي بس يرضه عني بس اني شلوون كرامه وكذا مكبره راسي علئ كلشي منا لحد مانتهت حياتي ودمرت.
_الله يرحمه ويجعل مثواه الجنه شتسوين بعد الصار صار
نزلت راسها وهيه تبجي بقيت كاعده وياها واواسي بيها
مرت 7 ايام علئ الفاتحه خلصت السبعه طول هل ايام اني بقيت عدهم ويه اليان
هيه حالتها يوم عن يوم تسيء وتدمر اكثرر علئ والدها
مخلصتها كله بجي ليل نهار تبجي واكل متاكل بالتوسل والجبر نخليها تاكل لكمه تكعد ويانه بس صافنه وساكته متفتح حلكها بحرف واحد
اني ابتعدت كل البعد عن تيمور حته مرات يريد يحجي شي وياي اعوفه واصعد او اتجاهله واسوي نفسي ماسمعه.
الناس خفت عنهم وصار قليل يجون عماتهم باليوم السابع راحن لبيوتهن
بقو بس اهل البيت واني وياهم بليل كاعدين بالصاله اني واليان وجنان الولد مايدخلون للبيت بس وقت النومه .
فجأه دخل تيمور وهوه مضمد ايده وجهه تعبان بقيت اباوعله شبيه هذا وين جان.
صعد لغرفته وهوه كوه يمشي عبالك واحد ضاربه او دايخ
بقيت صافنه عليه منا لحد ماختفه وصار ميبين صعد لغرفته.
اليان : صاعده انام راسي يوجعني
هزيت راسي بأي عافتنه وصعدت جنان هم راحت علئ غرفتها بقيت كاعده وحدي اعصر باصابعي لازم باجر ارجع لبيتنه احس نفسي ممتعوده ع وضع اعرف اليان محتاجتني بس اخاف من مسلم ميقبل بهل كعده
كمت وصعدت فوك جان باب غرفة تيمور مفتوح شويه والاضويه مشتغله رجليه اخذني لغرفته اريد اشوفه شبيه ليش هيج حالته
فتحت الباب ودخلت جان مخلي يمه بطل كحول ويشرب فتحت عيوني علئ وسعهن هذا شبيه يالله راح اتخبل باوعلي بنظرات تخوف عيونه حمرر دم
شرب الكاسه وكام وهوه يبتسم ويضحك رجعت خطوات ليورا واني احس اطرافي جمدت
تيمور : هههه لاتخافين ماشرب هواي هاي ثاني مره بس من اتعب حيل والله
بقيت اتنفس بقوه واني خايفه واباوع لشكله داخ وكع علئ الارض رحتله اركض واني ارجف من الخوف
_شبيك شنوو هل حااااله النتَ بيهااا تخبببلت
ابتسم ومجاوبني كومته واخذته كعدته علئ السرير سحبت كلنس وجنت اريد الزم البطل مال الكحول سحبه مني بقوه وكال
تيمور : لاا لاا عوفي خلي يطيفي النار الي بگلبي خلي يعالج جروحي.
_تيمور والله اذا متعوفه هسه اروح احجي الاهلك كلشي عوووفه حراام الي تسوي
تيمور : ههههه لمنو تحجين ابوي و مات وعافني والمشكله مفكر بالكل لأ انيي مافكر بيه اني التعبت والشتغلت هيج جازاني
بقيت صافنه هذا شنوو يحجي مجاي استوعب أي شيء من كلامه
سحبني من ايدي كعدني بحضنه لعبت نفسي كلش منه صرت ادفع بيه واريد اكوم مخلاني.
تيمور : اششش اكعدي اكعدي هسه انتِ موو مرتي موو اني وانتِ تزوجنه صرنه سويه اخذتج منهم ههههه والله كلت لخوج اخذج غصباً علئ شواربه وسويتها خليته ياكل ** وينجب.
_تيموور عووفني وخر عفيه
دنك راسه علئ ركبتي يبوسها بجيت خليت اديه علئ صدره ادفع بيه لزم اديه وضغط عليهن اخذ بوسه قويه من ركبتي وجعني كلش
_اااه وخررر
تيمور : اوووف اريانا اووووف روحي تعبانه وبس يمج ترتاح
ابتعد عني شويه يباوع داخل عيوني اني عيوني مليانه دموع وخوف ورعب مسح دمعتي حرك خشمه علئ خشمي غمضت عيوني بتوتر وخوف
شمر البطل علئ الميز وسحبني اكثر علئ حضنه مكعدني علئ رجليه هوه سحبني من خصري اكثرر
باس شفتي بقوه لزم ايدي قيدهن بين اديه حته ماسوي حركه بجيت صرت اريد اجر نفس ماكدر مثل الحديد انوب ماواعي علئ نفسه.
شمرني علئ السرير رفع اديه فوك راسي وبقه يبوس بشفتي بكل قوته احس تجرحت شفتي صار ياخذ دم منهاا يبلعه
اختنكت كلش واحس روحي راح تطلع مني دفرته برجلي بقوه ابتعد عني
خليت ايدي علئ كلبي واني ابجي وارجف احس گلبي وكف
_الله يااااخذك شكددد نذل حقيير.
ضحك مسح شفته من الدم باوع لاصبعه ورجع باوعلي نظراته تخوف كمت بسرعه اريد انهزم منه هل انسان مختل عقلياً
رجع سحبني من ايدي كعدني علئ رجليه صرت ادفع بيه واني ابجي
_عوووفني الله يخليك كااافي وخر عنييي وخر
تيمور : لاا وين رايحه وعايفتني وحدي غير تشربين ويه زوجج اشاركج بكلشي اني.
فتح البطل وجابه يريد يشربني منه صرت ادفع بايده واني ابجي بصوت مسموع
_لااااا لااا ماااريد وخررر عنييي الياااان وخرر عوووفني .
لزم حلكي بقوه وشربني اجباري عنيي خنكني بيه خنك صرت ادفع البطل ويرجع يشربني منه انشحطت وصرت اكح ولازمه بلعومي اختنكت من الشراب حيييل حيييل قوووي.
وكعت علئ الارض واني اكح بصوت عالي معدتي تتكلب اريد اتقئ سامحني ياربي علئ هل عمله هل انسان الوصخ وصلني لهل مرحله خلاني صرت نكسه مثله.
دخت كلش وراسي احسه افتر بدقايق صرت ماشوف زين وكلشي يدور كدامي.
اباوعله واني دايخه راح سد الباب وطفه الاضويه شغل ضوه احمر خفيف داخل الغرفه.
اجه يمي لزمني من ايدي وكومني ورجعني كعدني بحضنه
دايخه ممستوعبه أي شيء من الي اسوي ابد صار يصب بكلاص ويشربني ويشرب وياي
صب بكلاص صارر يصب بحلكي وينزل من شفتي يشرب بيه ويبوس بشفايفي اريد ابعده ماكدر دايخه وممستوعبه أي شيء احس انسطرت سطر
شربني هواي خلاني ماعرف الله وين حاطني كلشي صاار مثل الحلم عندي ممستوعبه شيء عيوني صرت كوه افتحهن.
نزلني علئ السرير ونزع القميص مالتي خلاني بس بالست/يان
بقه يوزع بوستات علئ كل جسمي ينزل علئ بطني ويصعد علئ جسمي بهدوء
اني بس مغمضه عيوني واون بين اديه لزمته من راسه وسحبته عليه بسته من شفته تفاعلت وياه اني
حسيت روحي صارت تريده هوه ماصدك صار يتقرب مني اكثرر واكثر واني ولافاهمه شيء من تصرفاتي.
اتفاعل وياه بكل تصرف يسوي وياي صارر يجردني من ملابسي نزعني احس مثل الي وعيت خليت ايدي كدامه امنعه
_تيمورر لاا لاا
تيمور : اششش غمضي عيونج
خله ايده علئ عيوني غمضت عيوني صار يتمس بجسمي ويتقربلي فتحت عيوني علئ وسعهن من حسيته امتلكني.
اخذني وصرت ملكه فقدت وماحسيت بأي شيء بعدد مافتهمت أي شيء من الي صاار كلشي مثل الحلم عندي عيوني احسهن ثكااال كلش.
ڪعدت الصبح واني احس راسي صاير نصين من الوجع
خليت ايدي علئ راسي واني متوجعه كلش اريد افتح عيوني من الصداع ماكدر.
حسيت نفسي بردت اباوع علئ نفسي مصلخه؟
وين اني شصاار وياي اباوع حواليه واني مصدومه وعقلي احسه راح يوكف بغرفة تيمور ومصلخه
ملابسي مشمره علئ الارض وبطل الكحول علئ الطاوله
بقيت فاتحه حلكي وجسمي يرررجف اسمع الدوش يُشَتغلً داخل الحمام
شصارر وياي معقوله هيج بكل هل بساطه انطيت نفسي لهل انسان القذر خليته اخذني خليته اخذ شرفي مني اني شلوون اغلط هيج غلطه.
طلع من الحمام هوه لابس روب الحمام شافني ابتسم بهدوء اني جسمي يرجف وبس افر براسي يمين ويسار ممستوعبه أي شي اريد افهم شلوون صارر كل هذآ بينه انيي وياه تعاركنه اخر شيء
_ءءء شـ شصـ شصار
تيمور : لبارحه مجنه واعين علئ تصرفاتنه او اخذتج يعني
_انتَ شتحجيييييي شنوووو اخذتني لاااااا لاااااااا مستحييييل انييي موووهيج لاااا تجذب انتَ واحددد جذاااااااب ييييمه لاااا لااا ماسويت شي اني مووهيج موو هيج اني
صرت ابجي واضرب بنفسي احس تخبلت اجه بسرعه لزم اديه ضربته راجدي علئ وجهه وصرت اضرب بيه بكل قوتي واني اصرخ بوجهه
_حقيييير نذل شلووون تسوووي هيييج بيه شلوون تاخذ شرفي وانييي مواعيه علئ نفسي ليش فهمني شسويتلك انييي حته هيييج تعاقبني ليشش هيج ليششش
تيمور : اششش فضحتينه لايدخل شخص علينه الصار شي عادي ومابي حرام ابداً انتَ هسه مرتي وبينه عقد قرآن يعني يحقلي اخذج شوكت ماريد وكتلج جنت موو واعي علئ تصرفاتنه
_موو مرررتك انييي مااااريدك ماريدك بحياااتي شلوون تاخذني انيي اريد اطلك شلوون تسوووي هيج شلووون
تيمور : صرتي مرتي شرعاً متكدرين تنكدرين هل شيء بعد لوو شما سويتي تبقين ملكي انيي ومحد ياخذج غيري.
خليت ايدي علئ راسي يالله راح امووت راح اتخبل انيي شسويت بروحي شسووويت
دفعته بقوه ولفيت علئ نفسي الحاف وكمت بسرعه اخذت ملابسي ودخلت للحمام
كعدت جوه الدوش واني ابجييي بصوت مسموع واشهك
اباوع علئ شكلي بالمرايه ركبتي صايره خريطه وشفتي مورمه شمسوي بيه هل حيووان النذل
يالله شهل خطيئه السويتها اني موو هيج شلوون خليته يتقربلي شسوالي مجاي استوعب شيء
كعدت جوه الدوش واني ابجي ورجف ختلطت دموعي ويه الماي احس روحي طلعت مني
استغلني هواي ودمر كلشي حلوو بحياتي شيريد وين يريد يوصل شنوو يدور براسه راح اتخبل من وراه.
بقيت ساعه كامله بالحمام ابجي وافرك بجسمي احس بالقرف شلوون خليت هيج انسان يلمسني فجأه اندك الباب
تيمور : اريانا انتِ بخيرر ليش طولتي جووه
سديت اذاني بثنين اديه ماريد اسمع أي شيء منه بقه يدك بالباب بقوه ويصيح عليه
تيمور : اريااانا شبيييج افتحي الباب لاتتخبلييين افتحتيييي
كمت لبست ملابسي صار يدفر بالباب منا لحد ماكسره ودخل عليه عيوني صارت مثل الدم م̷ـــِْن البجي منفخات.
اجاني بسرعه لزم وجهي بثنين اديه يباوع داخل عيوني دنك بس عيوني ثنينهم.
تيمور : لـيش هيج مسويه بروحج لهل درجه كارهتني اني زوجج هسه لاتخافين مني.
رفعت عيوني اباوعله مستحيل اكدر اوصف شعوري الحسيته هذا ابدد ماعنده ضمير ومشاعر عنده كلشي عادي صاار ماهمه أي شي ميكول خطيه دمرتها اخذت شرفها حته ماخله هل امر البسيط ليوم العرس سلب مني كلشي.
تيمور : لاتباوعيلي هل شكل جنتي راضيه ماخذتج جبر اني
مجاوبته عفته وطلعت من الحمام لحكني هوه لزم ايدي ودار وجهي عليه
تيمور : احجي اريانا اضربي بردي گلبج بس لاتسكتين
باوعتله من فوك الجوه ماعندي أي كلمه احجيها بحقه كلشي قليل بحقه ينحجي ابشع انسان واقذر بشر اشوفه
دفعت ايده عني عفته وطلعت من الغرفه احس الارض دور بيه راسي عبالك واحد ضاربه بالحايط.
جانت الساعه بـ 9 الصبح نزلت جوه مجان كاعد أي شخص كبل طلعت من البيت اخذت تكسي ورجعت لبيتنه ..
اخذت الطريق كله ابجي وعيوني مورمه شسوي بروحي هسه الصار بينه موو حرام لأن زوجي ينحسب بس اني جان عندي أمل انو يطلكني مجنت اريد يصير شيء بينه ماريده بحياتي ابد.
وكفت السياره كدام بيتنه حته ماعندي كروه انطي.
_عموو بس ابقه منتظرني هسه اجيبلك فلوس واجي.
هز راسه بأي نزلت من السياره واني دايخه مخليه شال علئ راسي بعدني مداخله صاحلي شخص درت وجهي جانـ ..
____________________________
يتبع البارت
.➛ ✿✿ ✿✿ ✿✿ ✿✿ ➛.
همّ يا كلب باليجي
وحنّ يا كلب عالراح
واسبح ابشطّ الحزن ظهر ومسه ومصباح
هيم ابصحاري التعب
واجويك من ترتاح
ما دام ضاع القفل شنسوي بالمفتاح
ملّيت وك يا كلب دكّاتك امسودنه
وجنهن ابضلعي ارماح
جم موت اجّه وما متت
يلبيك سبع ارواح
وياك آني حرب وكلمن يشيل اسلاح
تكتلني لو أكتلك
بالحالتين ارتاح
