رواية الطالبة والعصبي الفصل السادس عشر 16 بقلم مجهول

تذكير 

ابو نارين : هاج تليفونج ومن باجر سيف ررح يا خدجن ويرجعجن 

نارين وايه بصدمة : شنو 

ابو نارين وهوة يسوق : اي اشبيجن انصدمتن 

ايه بفرحة داخلية : لا منصدمنة بس شوية اتفاجئنة وهم احسن هوة يوصلنة علة مود لا تتعب وهم لا تتأخر علة دوامك مو نارين 

نارين بضيق حاولت تخفي : اي صح 

وصلو للبيت ودخلت نارين سلمت علة امهة وصعدت غسلت وصلت ولبست دشداشة قصير لون وردي فاتح وسوت شعرهة كعكة ونزلت صبت غدة وية امهة وايه وصاحت الكل وبدو يتغدون الحد ما كالت ايه بحقد : تدرين مامة اليوم اشصار 

ام نارين بتسائل : اصار

ايه وهية تباوع علة نارين وكالت : اليوم الدكتور سيف طرد نارين كدام كول الطلاب من المحاضرة وعيط عليهة هماتين 

ام نارين : يا ليش اسويتي 

اجت تحجي نارين بس سبقتهة ايه وكالت : جانت تحجي هية واحد بل محاضرة وتبتسملة لهيج طرداهة 

ابو نارين بعصبية مكتومة : صدك هذة الكلام نارين 

نارين : لا بابة قاطعتهة ام نارين وهية دكول بعصبية : قابل ايو اتجذب وانتي صدوك ما تستحين تحجين وية واحد كدام خطيبج وتبتسميلة هسة شيكول عليج ما مترباية وما عندج اخلاق 

نارين وكعت دمعتهة من كلام امهة ومسحتهة بساع وكالت: اسفة انشأ الله متتكرر وراحت صعدت فوك ودار ابو نارين علة ام نارين وكلهة بعتب : ليش هيج حجيتي وية نارين وانتي تعرفين نارين لا يمكن اسوي علاقة وية وية ولد غير علاقة الصداقة وانتي تعرفين تربيتهة بعد شهل كلام المالة فايدة 

ام نارين بعصبية : احسن علة مود تتأدب وتعرف وين مصلحتهة 

ايه بمكر : تدرين مامة مرات احس الدكتور سيف يكرهة نارين حتة ما كايل بل جامعة انو نارين اصير خطيبتة ونارين نفس اشي احسهة مطيقة وتكرهة

ام نارين : طبعن يكرهة اذا هية تحجي بمحاضرتة وية الولد وتتبسم وياهم 

ابو نارين : شهل حجي مو عيب تحجين علة بنتج هيج وكام من الطاولة وهوة عصبي وكام وراة علي وضلت ام نارين وايه كاعدات اما بغرفة نارين فجانت كاعدة علة الجرباية وتبجي وهية تذكر كلام امهة الحد ما غفت ..........

__________________

سيف

وصلت للبيت ودخلت السيارة للكراج وسديت الباب ودخلت سلمت علة امي وابوي واختي رانية جانت جايتنة ازيارة وترخصت وصعدت الغرفتي غسلت وصليت ولبست اتراك منزلي 

ونزلت تغديت وسولفت وياهم وشاقيت وية جهال اختي الحد ما صارت بل تلاثة صعدت بدلت لبست قاط رسمي لون نيلي ورتبت شعري ولبست ساعتي وخذت السويج والتليفون ونزلت كعدت شوية شربت جاي وراهة طلعت وركبت السيارة ورحت للشركة وصلت وصفيت السيارة ودخلت للشركة ومريت علة لقسام مال شركة وشفت الشغل وراهة صعدت المكتبي وكعدت علة كرسي وبديت الشغل الحد ما رفعت راسي للساعة وشفهة صارت بل تسعة ونص فا كمت وخذت شكم ملف وياي وطلعت من الشركة وركبت سيارتي وتوجهت للبيت وصلت ودخلت السيارة وسديت الباب وسلمت علة اختي الي جانت كاعدة تخابر بزوجهة وصعدت الغرفتي وغسلت وصليت ولبست برمودة سودة وتشيرت ابيض وكعدت علة الجرباية وحطيت راسي علة التاج مال الجرباية وذكرت نارين وخذت تليفوني وتصلت بيهة دك مرة ومرتي المرة الثالثة يلة جاوبت 

سيف : الو 

نارين وهية مغمضة عيونهة وحاطة التليفون علة اذنهة وكالت : الو منو 

سيف : والله اني معجب بحضرتج 

نارين بنعاس : اي وبعد 

سيف : فأ حبيت اتصل بيج واني نيتي زواج وصادق بكلامي وما احب اجذب او العب علة بنات الناس فشكلتي 

نارين وهية تثاوب : اي عادي وهم اني ما احب اخدع ولد الناس وجذب عليهم فا راح اكولك كلوش عني من البداية 

سيف : اي كولي 

نارين وهية مغضة عيونهة : اني مزوجة قبل ومطلكة وراهة زوجت وزوجي استشهد بنفجار وعندي من طليقي تلث جهال ومن زوجي الأستشهد اثنين وكلهم اصغار فأذا تقبل تزوجني عادي انطيك عنوان بيت اهلي وتعال اخطبني 

سيف وهوة يكتم ضحكتة : اي عادي ما بيهة شي انطيني العنوان ونشأ الله باجر العصر اني واهل نجيكم 

نارين بصدمة : صدك تحجي يعني ترضة بوحدة مطلكة ورملة 

سيف وهوة يبتسم علة غباء نارين وكال : اي ليش لا شكو بيهة عادي بس انطيني العنوان وباجر انشأ الله نمرلكم كتلج اني ما اجذب ولعب علة بنات الناس 

نارين بجدية : لا خوية جنت اشاقة وياك وبعدين اني مخطوبة بس ما كلتلي انتة منو وشعرفك برقمي 

سيف بجدية : اني خطيبج 

نارين بغباء: خطيبي منو 

سيف بحدة : ليش اشكم خطيب عندج 

نارين بعد ما فهمت نو العلة الخط سيف بلعت ريكهة وكالت : ها لا بس واحد بس منين جبت رقمي 

سيف وهوة يرجع راسهة علة تاج الجرباية وكال : اخذتة

نارين : ادري اخذتة بس منين 

سيف : من تليفونج 

نارين وهية تفتح اعيونهة علة وسعهن وكالت بعصبية : شون تفتح تليفوني ودكلب بي مو عيب عليك لا وفوكاهة ماخذ رقمي منة 

سيف برود : لا مو عيب شكو بيهة اذا اكلب بتليفون خطيبتي خوب الخلفية لمن لابسة فستان لون احمر طالعة اتموتين اوف 

نارين متحملت كلامة اكثر فسدت تليفون بوجهة وسيف بتسم علة تصرفهة وحط راسة علة المخدة ونام ...........

_____________________

نارين

جنت نايمة وكعداني صوت التليفون وجاوبتة وحجيت اويا الحد ما طلع سيف وسديتة بوجهة لأن ما يستحي وحقير وحطيت التليفون علة الميز وشفت الساعة طلعت بل عشرة ونص اوف نايمة كل هل وقت فكمت غسلت وتوضيت وصليت قضاء ونزلت جوة دخلت للمطبخ وأكلتلي لفة وشربت مي وصعدت للغرفة طلعت الكتب وبديت ادرس الحد الوحدة ونص يلة كملت دراسة نوب حضرت ملابسي مال كلية وكلبت اشوية بتليفون ونمت .........

_________________

سيف 

كعدت بل ستة مصحصح ونشيط وكمت سبحت وصليت ولبست قاط رسمي لون رصاصي وقميصة اسود وخذاء اسود ومشطت شعري ورشيت عطر ونزلت صبحت علة امي وابوية وبست راسهم وصبحت علة اختي رانية وبست جهالهة وكعدت اتريك وياهم واجيت اطلع بس سئلني ابوية وكلي شو طالع من وكت كتلة علة مود اخذ نارين واختهة وياي وكتلة نو هنة وياي بنفس الجامعة واني دكتورهن استغربو لمن عرفو نو نارين وياي بفس الكلية نوب بتسمولي وكالي ابوي انو ادير بالي علة نارين كتلة بعيني وترخصت منهم وطلعت ركبت سيارتي وسقت البيت نارين الحد ما وصلت البابهم ودكيت هورن علة مود ايعرفن اني وصلت ويطلعن ........

_______________________

نارين 

كعدت الساعة بل ستة ونص علة صوت المنبه وكمت سبحت وصليت ولبست 

هذة البس وحطيت شوية محمر وخذت كتابي ونزلت صبحت علة الكل وكعدت اتريك ورة خمس دقايق نزلت ايه وجانت لابسة 

هذة البس وية مكياج ابرونزي وصبحت وكعدت يم مامة ونتبهت علة علي بس ينافخ ويباوع علة ايه بضيق عرفت علة ملابسهة لأن قصيرة ورة خمس دقايق سمعت صوت هورن يم بابنة كال بابة هذة اكيد سيف اول ما كال بابة هيج كامت ايه بسرعة من الطاولة وكالت راح اسبقج وطلعت ابسرعة استغربت علة تصرفهة بس ما اهتميت وكمت ودعت مامة وعتذرت منهة علة الصار البارحة وكتلهة بعد ما تكرر وشف علي ضايج فا رحت سحبت شعرة بقوة وطلعتلة الساني وفلتت طلعت من باب البيت وشفت سيف راكب سيارتة وايه كاعدة بصفة صعدت ليورة وكلت صباح الخير وفتحت الملزمة وبديت اراجع مرفعت راسي الة لمة حسيت بصوت ضربة قوية علة راسي وصوت طفل يصرخ ..........

___________________

سيف 

بعد ما وصلت البيت نارين ودكيت هورن انتظرت اشوية وطلعت ايه وهية تبتسم واجت ركبت السيارة وكعدت يمي بل صدر وكالت 

ايه ببتسامة : صباح الخير دكتور 

سيف : صباح النور بس وين نارين  

ايه بنزعاج مخفي : هسة راح تجي هية دايمن تتأخر 

سيف : عادي ننتظر ما ورانة شي ورة خمس دقايق طلعت نارين ابتسمت لمن شفتهة وراحت صعدت ورة وكالت ببتسامة صباح الخير رديت عليهة وكلت صباح النور وسقت السيارة وشفت نارين من المراية فتحت كتابهة وبدت اتراجع نوب رجعت نظري علة الطريق بس ايه ما بطلت حجي ولغوة الحد ما رادت هاي السماعة التوصل التليفون بل مسجل ( للصراحة نسيت اسمهة ) كتلهة اتلاكيهة بل جكمجة فتحتهة ودورت وكالتلي ماكو كلتلهة اشون ما كو اني حاطهة كلتلي والله ماكو تعال وشوف شفت الطريق فارغ فا دنكت ودورت بل جكمجة الحد ما سمعت صوت طفل ايصرخ رفعت راسي شفت طفل اكبال السيارة دست ابريك بسرعة ونضرب راسي بل استيرن ...........

الفصل السابع عشر من هنا