رواية الطالبة والعصبي الفصل السابع عشر بقلم مجهول
مو كلمن سكت معناها مرتاح 🤐
ولا كلمن ضحك معناها متعافي😃
مرات الضحك من كثر ضيم الروح 🥺
والساكت ابكلبة الجرح ضل غافي 💔
سيف
فتحت اعيوني واني احس اكو وجع قوي ابراسي ونقاط دم تنزل علة عيوني من راسي رفعت راسي وشفت ايه مغمة عليهة ونارين صاحية بس تون من الوجع وشفت الناس ملتمة كدام السيارة فتحت باب السيارة وبعدت الناس وشفت طفل مدد بل كاع ولازم رجلة ويصرخ من الوجع وينزف دم من راسه رحتلة وشلتة بسرعة وفتحت باب السيارة من ورة وحطيتة بحظن نارين يلي شهكت اول ما شافتة وركبت السيارة وسقت السيارة بسرعة القرب مستشفة ونارين كالتلي بخوف : سيف فدوة سوق بسرعة الطفل داينزف دم اهواي
سيف وهوة يسوق اسرع وكال : اي بس اضغطي علة مكان الجرح ولتخلي ينزف
ضغطت نارين علة مكان الجرح يلي براس الطفل وهوة يصرخ وكالتلة : حبيبي اهدة هسة راح نوصل للمستشفة ورة عشر دقايق وصلوللمستشفة ونزل سيف وصاح بصوت عالي جيبو نقالتين وفتح الباب وشال الطفل من حظن نارين وحطة بل نقالة وحطو ايه بل نقالة الثانية ودخلو للمستشفة وسيف ونارين وراهم الحد ما دخلو ايه والطفل بغرفة معزولة وبقو سيف ونارين وكافين برة ورة ربع ساعة طلع الدكتور من الغرفة واكالتلة نارين بسرعة وهية تبجي : فدوة دكتور طمنة عليهم
الدكتور ببتسامة : اهدي ابنيتي ما كو شي لا تخافين بس البنية (يقصد ايه ) صار عدهة اغماء من الخوف وحطينالهة مغذي ومهدأ ورة نص ساعة تصحة والطفل الصغير خيطنا خياطين براسة وجبسنة رجلة
سيف براحة : شكراً دكتور تعبناك ويانة
الدكتور : لا واجبي انشأ الله ما عدهم غير العافية وراح وسيف دار علة نارين وكال وهوة يمسح ادموعهة ويبوس راسهة : كاف بجي اعيونج راحن مسمعتي الدكتور كال ما بيهم شي
هزتلة براسهة وكالت : بس لازم انكول الهل الطفل
سيف : اي بس منين انجيب رقمهم
نارين : جنطتة مال مدرسة ضلت بل سيارة روح شوفهة بلكي بيهة بطاقة شي
سيف : ماشي رايح انتي اكعدي اهنا بين ما اجي
نارين : ماشي
وراح سيف ورجع ورة عشر دقايق وهوة شايل بطل مي ونطى النارين وكال : شربي
اخذت نارين البطل وشربت مي وكالت : بشر لكيت شي بل جنطة
سيف : اي لكيت بطاقة المدرسة مالتة ومكتوب عليهة رقم ابو فا تصلت بي وكتلة علة اليصار وهسة هوة بل طريق
نارين : الله يستر نوب كالتلة شوف راسك بعدة ينزف لا يتلوث يضمدو
سيف : لا ما بية شي
نارين بعصبية : اشون مبيك شي وانتة دا تنزف يلة تعال خل اروح ايضمدون جرحك وراحو الغرفة مشتركة وبيهة مرضة اهواي وجت وحدة من الممرضات وبدت اتضمد الجرح وهية تحجي وتتموع كدام سيف الي يشوف عصبية نارين علة الممرضة وغيرتهة علي ويبتسم وراحت الممرضة بعد ما اتعاركت وياهة نارين وطردتهة ودارت علة سيف الي ما كدر يكتم ضحكتة وكالتلة بعصبية : ليش تضحك لازم عجبتك هاي المايعة
سيف بستفزاز : للصراح اي كلش عجبتني
نارين بعصبية: ويع هاي الزركة الجنهة صخلة منتولة عجبتك صدوك ذوقك كولش يخرع ورجعت كعدت كدام غرفة ايه والطفل وجة وراهة سيف وهوة يبتسم وكعدو اشوية
وراهة طلعت الممرضة وكالت : دكدرون ادخلون الهم
نارين بفرح:شكراً ودخلت هية وسيف للغرفة وراحت ابسرعة حظنت ايه وباستهة وطمئنت عليهة وراحت للطفل وشبكتة وكالتلة نارين ببتسامة : شنو اسمك يحلو
الطفل : اسمي جود
نارين وهية تكرصة من خدة : جود اسمك حلو نفس خدودك وجة سيف يلي جان يبتسم علة نارين هية والطفل وباس الطفل وكال : يخبل مو بس حلو
نارين : اي اكيد نوب كالت دا يوجعك شي حبيبي
جود : شوية راسي
نارين باست راس وكالت : وهسة
جود برائة : لاح الودع ( راح الوجع )
بتسمت نارين علة كلامة وكالت الأيه : ايه شوفي جودي اشكد حلو
ايه بمجاملة لأن تكره الجهال : اي حلو ودارت علة سيف وكالت : دكتور سيف ما كالو شوكت اطلع لأن كولش اكره المستشفيات وريحتهن
سيف وهوة يباوع علة نارين شون تلعب وية الطفل وكال بلامبالا : كالو نص ساعة ويطلعوج ورة خمس دقايق دخلو مرة ورجال المرة اول ما شافت الطفل راحت بسرعة شىبكتة وظلت اتبوس بي ورجال سلم علة سيف وراح حظن ابنة وباس راسة وكعدو شوية وياهم سولفو وسيف اتعذر منهم وكال ايشي تردو اني بل خدمة ارجال ما كال شي وتقبل اعتذارة وكالة هوة قدر وقضاء الله وترخص وشال ابنة يلي حظن نارين قبل ليروح وطلعو هوة وزوجتة ودارت نارين علة سيف وكالت : الحمد لله عدت علة خير
ابتسملهة سيف وكال : اي والله حتة ابوالطفل طلع زين وحتة كلشي ما طلب
نارين : اي حتة ام الطفل خطية مبينة حبابة هسة يلة خل نطلع
سيف : ماشي رايح اكمل معاملة الخروج وراح سيف كمل معاملة الخروج ونارين ساعدت ايه علة مود اتكوم وسندتهة واجة سيف وكال : يلة تعالن
ايه وهية تمثل التعب وكالت : ما اكدر امشي كل ما امشي خطوة ادوخ
سيف فكر اشوية انوب كال: ماشي هسة اجي وراح وجاب كرسي متحرك واجة لمن شافت ايه الكرسي انصدمت وكالت : مستحيل اركب بي
سيف : ليش مو ما تكدرين تمشين اركبي بي لو اتضلين بل مستشفة الحد ما ترتاحين وتكدرين تمشين
نارين : يلة ايو اكعدي بي فدوة
كعدت ايه بل كرسي وكام يدفعهة سيف ونارين بصفة الحد ما وصلو للسيارة وفتح الباب الورة وكل الأيه : يلة اصعدي
ايه : ما احب اكعد اليورة اختنك
سيف : لا مو ما تكدرين تمشين لازم اكعدين ليورة حتة اتمددين رجلج وترتاحين
ايه بنزعاج : ماشي وصعدت ليورة
وكال سيف النارين : يلة شمنتظرة مصعدين وفتحلهة الباب مال الصدر
نارين بحراج : شكراً وركبت وراح سيف رجع الكرسي للمستشفة وركب السيارة وساقهة وصار السكوت سيد المكان الحد ما كالت نارين : راح اروح للكلية لو للبيت
سيف : انوصل ايه للبيت لأن ما تكدر تمشي نوب نروح اني وياج للكلية
ايه بسرعة : لا لا ما بية شي اكدر امشي
سيف بستفزاز : مو كلتي ما اكدر امشي
ايه بحراج : لا صرت زينة وراحت الدوخة
سيف : ماشي لعد راح نتوجه للكلية وصلو للكلية وصف سيف السيارة بل كراج وكالت ايه قبل لا ينزلون : دكتور عادي تجي ويانة للقاعة ادخلنة لأن هسة اكيد عدنة محاضرة والدكتور ميقبل ايدخلنة لأن متأخرات
سيف : اي عادي
ونزلو من السيارة وتوجهو للقاعة وقبل لا يتخل سيف للقاعة لزم ايد نارين وقربهة علي يلي تفاجئت من حركتة وبنفس الوقت خجلت ودك الباب ودخل كامو كل الطلاب لمن شافو بس انصدمو لمن شافون لأزم ايد نارين وبدو يتهامسون سيف ما اهتملهم وكال لمحمد الي واكف عليهم
سيف بجدية : دكتور بس من رخصتك فوت الطالبتين هذني
محمد ببتسامة : ماشي بس ليش متأخرات
سيف : صار حادث بسيط لهيج اتأخرن
محمد بمكر : ها الحمد لله علة سلامتكم ومبرك الخطوبة دكتورنة بس ما كتلنة منو سعيدت الحظ
سيف : الله يباوك بيك وقدملك خطيبتي نارين
الكل انصدم لمن سمع الخبر وصديقات ايه وايه باوعو علة نارين بحقد وغيرة
محمد بتسامة : الف مبروك نارين ونشأ الله نفرح بطفالكم
نارين بخجل : الله يبارك بيك استاذ وراحت المقعدهة
سيف وهوة يبتسم علة خجل نارين وكال : يلة اني اترخص
محمد : مرخوص دكتور
وراح سيف ودخلت ايه وكعدت يم شلتهة وهية مبين عليهة العصبية ورجع محمد للمحاضرة وبدة يشرح وكملت محاضرتة وسلمت نارين علة سرى وراحن للسنتر وحجتلهة علة الحادث وراهة صارت محاضرت فيزية ورجعن للقاعة ودخل الدكتور وسلم علة الطلاب وبدة ايوزع الوراق الشهرية واذع اسم سرى وطلعت ماخذة درجة ١٥ من اتلاثين يعني علة الحافة وكلهة شدي حيلج وذاع اسم نارين وطلعت ما خذة ٢٩ من تلاثين كلهة احسنتي وراهة ذاع اسم ايه وكلهة انتي ونارين اخوات كلتلة اي وطلعت ماخذة ١٩ وكلهة زينة ورجعت المكانهة وبدة يشرح ويكوم الطلاب يسئلهم الحد ما انتهت المحاضرة وجت تطلع نارين وسرى للحديقة بس اجة واحد وكلهن : منو بيجن اسمهة نارين علاء
نارين بستغراب : اني ليش
الولد : الدكتورة سارة طالبتج امكتبهة وعافهن وراح
دارت سرى علة نارين وكالت : منو هاي الدكتورة سارة
نارين : والله ما ادري يمكن طلبت غير ابنية بس نفس الأسم اني وياهة
سرى : يمكن روحي شوفيهة واني رايحة اشوف هدى وبنين خلصن محاضرتهن
نارين : اوكي وراحت سئلت علة مكتبهة ولكتة ودكت الباب ............
_________________
سيف
بعد ما ترخصت وطلعت من القاعة رحت للدارة وشفت عندي محاضرة بقاعة ثنين
رحت القاعة اثنين وعتذرت من الطلاب علة التأخير وبديت ادرسهم وشرحتلهم موضوع جديد وكملت المحاضرة ورحت للدارة حتة اشوف المحاضرة الوراهة ابي قاعة وصلت وشفت الجدول وجيت اطلع بس شفت سارة بوجهي وكالت : هلاً دكتور شلونك
سيف : هلا زين الحمد لله
سارة : سمعت خبر طاش بل كلية عنك
سيف : شنو الخبر
سارة : يكولن خطيبتك دا تدرس با اول مرحلة وهية طالبة عندك واسمهة نارين كذب مو
سيف : لا بلعكس صحيح ونشأ الله بعد فترة قريبة ونزوج وعافهة وراح
سارة بحقد : لعد خل انشوف الي كدرت توكع الدكتور سيف اكيد مو قليلة ودزت واحد ايصيح نارين ودخلت المكتبهة وكعدت
علة كرسيهة ورة خمس دقايق
سمعت صوت الباب يندك
ابتسمت بمكر وكالت : ادخول...........
