رواية الإرهابي وذات النقاب الجزء الثاني الفصل السابع عشر بقلم ام غايب
خضر-احنه شلون عايشين سوه
ميمونه-دك موبايله طلعه شغله رجع دك صاح فهممممممت شكو وشال الموبايل
ها شاهين
كبل تبدلت ملامحه وكال لا بربك وشرجعهم شعجب
هااااا فهمت جاي جاي هسه خوما حالته خطره
كبل خطر ببالي علي توه طلع واخذ ابن فلك كتله منووو
خضر-شغله مو يمج ...وسحب تشيرت من الكنتور
ميمونه-خضرررر احجي خوما علي وابن فلك
خضر-لا يابه
ميمونه-لعد منو
خضر-موووو يمج كتلج الشغله شلحيتي مسحيلي حذائي الاسود بسرعه
ميمونه-باوعت علي مو طبيعي صاير وياي ....كلامه وتصرفاته جوابه الي الحاد .....ولا عبالك خضر ابد الي حبيته
جبتله حذائه وطلع ....بدون ميكلي شي شكد انكسر خاطري وشكد اختنكت ....صرت كلياً ماافهمه
طلعت من الباب تفاجئت بخالد جاي ديدخل غرفته وركع الباب حيل ودخل منسد
خالد-رررررررسل كتلج اذا تطلعين تنسيني وطلعتي
لتتتحجججججججججين اليوم .....اليوم يا رسل اذا متجين والله تحرمين عليه
-شلون طلعتي ترجعين مااحجي بعد بالسالفه عندي طلعه بعد شويه ارجع الكاج بالبيت اذا ماكو اطلكج
-برررراحتج ابقي خلي كرامتج تفيدج ابقي دوري كرامه اني الي عندي كلته
جان الباب مفتوح وخالد عصبي نار نزلت البيت كله عباره عن بركان همه جانو هيج لو شنو الموضوع كل الي اعرفه من يوم الي دخلت حياة خضر ودخل حياتي كلشي تغير صارت حياتنا عباره عن مشاكل بمشاكل
نزلت كعدت بالحديقه هيه صغيره بس حلوه ودموعي تنزل وامسحهن مختنكه
رفعت راسي واخذت نفس ااااخ مختنكه
ياربي والله مختنكه اريد ارتاح احجي ويه رب العالمين ودموعي تنزل هم اكو يوم ارتاح وتنتهي كل الكوابيس
ساعات افكر بخضر وثاره اكول عافه لو هو هذا الغموض الي كاعد اشوفه بي لو يحب غيري لو الحاحج يا فلك على خضر مو زين
........................
فلك.. بعد مااخذ علي علوكي ابني ......جنت جوعانه ومليت من الحبسه ساعات اسرقلي وقت اتجول بالبيت بعدم وجود ام خالد .....توني ردت انزل دگ موبايلي باوعت احمد جاوبته بس جنت ضايجه ليش مجاوب ولمت روحي على اتصالي
حمصه.. ألتهيت صارت شغله ومگدرت اتصل فلك راح اگلج شغله مااعرف لازم اگولها الج بعد مااتحمل
فلك.. شنو
حمصه.. حبيتج من اول مره درتي عليه بباب بيت خالتج وروح امي مااعرف بس من يومها وكل كياني متخربط راقبتج لحدما انصدمت متزوجه عبالي خالج گرايبج حسين طلع زوجج حبيتج ومن يومهه تربعتي بگلبي مو وكت كلامي اعرف بس مااريد يبقى بگلبي خاف اموت
فلك.. اسم الله عليك
حمصه.. بأبتسامه.. ليش تگولين اسم الله
فلك.. لان بعدك شاب
حمصه.. بس؟
فلك.. طبعاً بس شبيك احمد راح اعتبر روحي ماسمعت هالكلام منك لان اني احب رجلي وبعدني بحزني عليه
حمصه.. اعرف اعرف انصدمتي مني بأعترافي ومااريد منج شي بس ردت احجي الي بگلبي مو طبعي بس مااعرف حاس ايامي الاخيره
فلك.. ليش تحجي هيج لتخوفني عليج
حمصه.. ليش تخافين عليه إذا انتي متحبيني
فلك.. لان انت وسكتت... مااعرف بس بيناتنا صار وعد وانت وفيت بي لذلك اتذكرك هواي
حمصه.. يعني تتذكريني زين يعني هم اكو واحد يفكر بيه او أخطر باله شويا
فلك.. هم يجي يوم وتلگه وحدا تفكر بيك بكل وقت
حمصه.. امنيتي انتي هيه الي تحبيني وتفكر بيه
فلك.. عليك الله لتحجي وياي هيج مااريد اسده بوجهك... صدگ اكو كلام بگلبي لازم احجي الك
حمصه.. اخ من هسة گلبي گام يرجف للكلام
فلك.. راح اسده بوجهك
حمصه.. گاعد احجي صدگ
فلك.. واني هم احجي صدگ راح اسده بوجهك
حمصه.. لا وروح ابوج لأول مره ابتسم واصير هيج جريء... احجي خليني اسمع الي بگلبج
فلك.. ماكو شي بگلبي الك غير بس الشكر هذا الي ردت اگوله ردت اگلك انت رجال عظيم لان وعدت ومخلفت
حمصه.. اريد اگلج شي بس مرتبك حيل مااعرف شلون اطلبه
فلك.. اذا يضوجني لتطلب
حمصه.. اريد اشوفج اريد أملي عيوني بعيونج
فلك.. راح اسده بس اريد أگول شغلة وحدا انتو كلكم قذرين اني مو قذره فهمت لولا شعبالكم اني شنو حسبي الله عليكم اني مو هيج وسديته تعصبت حيل وانقهرت كل شويه واحد ذاب حجي عليه يحسسوني اني مو زينه
گعدت لازمه گلادة حسين الجابهه الي وضغطت عليها الوحيد الي محسسني اني وحدا مو زينه رغم ماجان يعرف بفيديو عذراء
بقه احمد يتصل عليه مجاوبته عفت موبايلي ونزلت جوه استصعب اطلب من خالد اطلع بس شسوي لازم اگوله تعبت من الكلام والمشاكل نزلت دگيت باب غرفته لان شفت سيارته بره من الشباك معناها موجود دگيته طلع هو باوع عليه ورفع حاجبه
خالد.. خيرج
فلك.. اريد اطلع
خالد.. زوج اختج ذاك روحيله مادام موجود خلي يوديج المشوارج
فلك.. باوعت عليه ردت احجي بس لزمت نفسي گوه باوعت عليه بحديه وردت اروح
خالد.. لو تخافين تعرف اختج.
فلك-بشنو تعرف ماعندي شي ضامته عليهه
خالد-يعني ميمونه تعرف بيج
فلك-تعرفني مستحيل اكون الانسانه الي انتو متصوريهه
راح يجي اليوم الي اوكف بوجهك انت بالذات
خالد-اتمنى ....اتمنى بالفعل توكفين بوجهي وبساعتهه الي تريدي اسوي الج ....تعرفين اذا انت بالصوره الي بعقلي معناهه تجنين حتى على اختج ميمونه لان صدكي مااتقبل وجودكم او وجودهه بيناتنا
سمعتنا اهم من كلشي
فلك-ليش متخليني اروح
خالد-روحي بس يطلع اخويه من السجن الله ومحمد وعلي وياج
فلك-ماشي وهزيت راسي اكدر اطلع هسه بدون خضر
خالد-وين
فلك-اريد اطلع قسم من صور ابني وزوجي باوعت علي ابتسم باستهزاء
خالد-دزيلي الصور واني اطلعهن الك
فلك-ماريد اتسبب بمشاكل الزوجتك وياك
خالد-اطمئني رسل مابدلهه بالدنيا كلهه وهي تعرف هذا الشي بس غيرة نسوان بسيطه نتحملهه
فلك-ابتسمت الله يحفظكم البعض
خالد-امين
نزلت مااعرف غرت من الكلام او مااعرف اوصف الاحساس نبرته كلامه خلاني اغار حلو هيج شي
حلو من زوج يرفع قدر زوجته بس استهزائه بيه أذاني حيل
نزلت لاكتني حبوبه يم الدرج
صباح الخير حبوبه
حبوبه-ياهووو هاي فلك
فلك-اي حبوبه اني فلك
حبوبه-هله يمه شلونج شلون وليدج من سكن حضنج تتذكرين من جنت اكلج تصير سوالف
فلك-لزمت ايدهه وبستهه ...يا حبوبه حتى السوالف اكره ذكرهن
الحمدلله من صار بحضني امشي اوديج الغرفتج
حبوبه-رحم الله والديج ييمه الله يريح بالج انتي وهالميمونه
افيش يا كلبهه الطيب احبهه
فلك-هيه هم تحبج واني هم احسج بيبيتي
حبوبه-چا انه حبوبتج الله يشهد احبجن حالجن حال احفادي
وادعيلجن هم بالصحه وراحة البال وبالستر
فلك-اي ...اخذت نفس اي يحبوبه الستر هذا احلى دعاء وبستهه
مشيتهه الحد غرفتهه وعفتهن فتحت الطباخ وخليت قوري الجاي واني افكر بكلامه ذيج المره من يكلي انتي منو حتى اخسر رسل علمودج
استرخاصه الي ياكل ويشرب وياي اخذت نفس وطلعت راسي من شباك المطبخ اشوف ميمونه وين
صحت ميمونه ...ميمونه ....نزل خالد مباوعت علي بس عدلت دشداشتي جسمي محير كلش تفاصيله بارزه بحيث الدشداشه زينه عليه بس من يم وركي اعاني منهه
دخل لغرفة الحجيه وطلع رأسا اني رحت للطباخ
خالد-شنو شو ماكو احد
فلك-شمدريني
خالد-ميمونه وين
فلك-ماادري هو جنت ادور عليهه
خالد-دزي الصور الي تريديهه ال ميمونه وخليهه تدزهه الي هيه
فلك-شكراً ماريد
خالد-ليش لان مخليتج تدزين برقمج
فلك-باوعت علي هذا شبي هسه من اركعه بالقوري احد يكلي ليش كلت والله يا الله وجريت القوري من النار
طلع هو درت وجهي علي امداااكك شايف روحه وهزيت ايدي والله ياربي صبيت جاي توني ردت اصعد دخلت ميمونه باوعت عليهه حزينه كتلهه شكوووو
ميمونه-مابيه شي اكلج وضعي تعبان تجين وياي للعياده
فلك-طبعاً اجي
ميمونه-ماشي بس اسأل خضر
فلك-بابتسامه اني فوك اذا عود خلاج
ميمونه-حسيت بوجع ببطني وروحي رايحه ضغطي يمكن
دكيت علي مجاوبني اكثر من مره اتصلت ماكو عفت السالفه بس وجع زاد مثل المغص دكيت هم مجاوب دزيتله رساله اخر شي كتبتله
وضعي تعبان راح اروح للعياده وكمت ابدل كبل اتصل عليه
خضر-شبيج توني عفتج طبيعيه
ميمونه-ليش متجاوبني
خضر-هوسه مااسمع مكلتي شبي وضعج
ميمونه-هوسه ليش انت وين المهم مااعرف وضعي تعبان بطني بيهه وجع
خضر-صدك
ميمونه-طبعاً صدك
خضر-شتحسين شلون الوجع
ميمونه-موجوعه خضر
خضر-جايج هسه بدلي بين مااجيج
ميمونه-سد الخط ورجع بنفس اللحظه اتصل جاوبته
خضر-شراح تلبسين
ميمونه-نفنوف
خضر-النقاب فوكاهن فهمتي
ميمونه-ماعندي
خضر-اخذي نقاب اختج
ميمونه-طويله العبايه مالتهه
خضر-النقاب لبسي هو والعبايه ووياهه استعجلي وسد الخط
غسلت ولبست بنطرون وبدي وصعدت ال فلك
لكيتهه تبجي استغربت كتلهه شكو
فلك-مابيه ها رجلج قبل
ميمونه-هو حياخذني
فلك-ماشي حدزلج صور عفيه طلعيهن الي لحسين وعلي
ميمونه-ماشي انطيهن ال خضر بس اريد نقابج
فلك-بالكنتور بس العبايه اني وبيهه طول شويه عليه
ميمونه-ههسه بين مااشتري
فلك-بالكنتور والصور دزيتهن عل فايبر مو تنسيهن
ميمونه-ماشي .....نزلت بعد مااخذت النقاب انتظر بالساعه يالله اجه خضر نزلت تمددت يم حبوبه اجه هو بيده علاكه
خضر-ها مكمله
ميمونه-كمت كعدت على حيلي
اي كملت
حبوبه-وين رايحين
ميمونه-للعياده وكمت ردت اللبس النقاب مال فلك كلي هاي جبتلج بالعلاكه لبسي وقدم العلاكه الي
كمت اخذتهه منه وطلعتهن جايب قطعه اضافيه خفيفه
مفهمتهه عفتهه
وهو واكف وعينه بموبايله كتله كملت باوعلي اكو بعد قطعه خفيفه
ميمونه-اي مال شنو هاي
خضر-وينهه
ميمونه-رجعت للعلاكه طلعتهه وكتله هاي
اخذهه مني وخله موبايله بجيبه عدل نقابي باوعت علي
خضر-هذا نقاب يسمووو استهتار بارز عيونج هاي لاستيكه كتله خليلي بيهه حتى متضوجج نزعني العبايه ورتب الوصله الشفافه
ميمونه-شلون اشوف
خضر-تشوفين كلش واضح خليتهه كبال عيني اشوف واضح اصلاً
ورجع خله العبايه على راسي خوما طويله العبايه
ميمونه-منيلك فلوس رفعهه للبوشيه من عيني وكال هاي من تريدين ترفعيهه متأثر عليج ممنوع بالشارع والعبايه كلش زينه عليج
لزمت ايده
اسفه خضر والله احبك اني لتتعبني
باوع عليه ميمونه مو وكته الموضوع ابد يلله حجزتلج يم الدكتوره
ميمونه-ماريد دكتوره كتلك عياده
خضر-حجزت يم الدكتوره
ميمونه-مااروح
خضر-عندي فلوس بابا شبيج
ميمونه-ماريد دكتوره كتلك للعياده اروح مابيه شي
خضر-شنو قصدج ماعندي فلوس عندي وادبر انتي مالج علاقه
ميمونه-مااروح ونزعت البوشيه والعبايه والنقاب
خضر-وضعج مو علساس تعبان
ميمونه-كلت للعياده هنا اشوف وضعي وارجع فدوه اروحلك بطلت مااريد
خضر-حجزتلج يم دكتوره شنو المشكله ليش تسويهه قصه ليش كاعد تحسسيني بنقص مااتحمل هذا الشي ابد ميمونه
ميمونه-والله لا ابد مو لان ماعندك لو اريد اصير زينه بس وضعي طبيعي لان حامل
ميمونه تره اني عندي شغل مهم وعفته واجيت استعجلي
وغطه وجهي كله وكلي يلله
اخذني دكتوره مقبل وتندمت لان كلتله بس همزين رحت كالت الدكتوره الحمل ضعيف وانطتني مثبت وهو منتظر بره الى ان جابلي العلاج
شو مثبت شنو شكالتلج الدكتوره
ميمونه-مو زين عليه القهر والزعل باوعلي صفح كتله والله
خضر-ر-دمشي صعدي
ميمونه-صعدت جان جايب سيارة شاهين
ميمونه-موزين عليه القهر
خضر-دار وجهه لتنقهرين
ميمونه-شلونن ماانقهر وانت هيج وياي
خضر-اني ضايج منج ميمونه
ميمونه-حقك والله متندمه بس اني هم أذيتني من جبت سيرة
خضر-ديرررررر بالج تنطقين اسمه كبالي شلون عايشه وياي انتي راجعي روحج ميمونه
ميمونه-درت وجهي وسكتت دست على نفسي هواي سمعته يتصل بشاهين ويكله وقاسم لعد كبل درت وجهي علي
الى ان نهه حديثه
شبي قاسم خضر
خضر-مابي شي بس خالتج شاهين اخذهه للبيت مكتلج ليوم حتى متقلقين بالخالي بلاش
ميمونه-عزه بعيني شبيهه خالتي وقاسم شبي
خضر-هاجم على بيت عمه
ميمونه-عزه بس لا علمود توته
خضر-اي مدري شسمهه لان يريدون يزوجوهه ومتضاربين وخالتج متندلنه رايحه الشاهين للمحل
ميمونه-عزززه عزه بعيني سوده عليه خاله وقاسم شلونه هسه عليك الله
خضر-زين بس قهرني اني لو منه اكتلهه هيه والي تريد تتزوجه
ميمونه-درت علي خضررررر كافي كتل كتل كتل انت مجرم لو شنو
خضر-عاط بيه لتصيييييييحين من تلغين وياي الف مره كايلهه
ميمونه-فزيت وغمضت عيني كتله وديني ال خاله
خضر-مااشتغل عندج
ميمونه-درت علي انهضمت حيل منه وسكتت خضر يعاندني هو هذا الي اعرفه لذلك اتجنبه دائماً كتله براحتك
خضر-طبعاً براحتي
ميمونه-بگلبي ماشي يا خضر ماشي قررت خلص اروح وكلت همزين اجتي خالتي
خضر-الهاي الدرجه متحبيني بحيث اليوم مرتين اشوفج ولا يمج السالفه تعرفين شكد انقهرت منج لو العالم كله ميصدكني جان مهم عندي انتي تصدكيني بس انتي مو بس مصدكتيني حتى اتهام اتهمتيني الهاي الدرجه اني بعينج
بقينه ساكتين الحد ما وصلني للبيت نزلت مقهوره حيل لكيت ام خالد وزهراء ورسل هم راجعه سلمت عليهم وصعدت كبل
شمرت روحي عل جربايه بخنكه ابجي
————-
فلك-بعد ما صعدت لكيت احمد كومه متصل عليه مجاوبته الى ان صعدت ميمونه اخذت النقاب لكيته دازلي رساله
مااستغرب تعودت عادي اصلاً استغرب اذا صرت مهم يم احد الله يشهد عليه جنت رايد اشوف بس عيونج وبس وابد ماابالي انتي مو زينه اصلاً كل همي بالدنيا متنظلمين اعرف معنى الظلم لذلك ردت اطلع حقج
بجيت واتصلت عليه جاوبني بصوت بي حزن هيج تشوفيني ام حجل
فلك.. بعد ماتعرف الي صار هم راح تحجي عليه ومتصدگني ابد وتشوفني مثلهم
حمصه.. وحق الله لو اشوفج بعيوني اعرفج بس اللسان طويل وهالنذل فواز كلشي اتوقع منه
فلك.. يعني تصدگني
حمصه..گليلي هالكلب شطلع عنج بعد كل الي اعرفه والي فهمته متقصدكم
فلك.. فواز؟
حمصه.. اي الساقط اني اله بس احجيلي فلك كلشي مو تجذبين عليه مثل ذيج المره
گعدت احجيله وابجي وگتله ردت انتحر
حمصه.. ديربالج فلك بروح ابوج لتسويها فكري بأبنج انتي مضلومه لولا
فلك.. وروح ابويه مضلومه وعافية ابني ابد مايوم كشفت ستري وستر اهلي يم احد اجنبي
حمصه.. وحق الله لطلعلج حقج
فلك.. مره ثانيه
حمصه.. وثالثه ورابعه لحدما تغفه عيني
فلك.. ليش
حمصه.. لان احسج هيه بحيرتهه وغربتهه وهمهه الممسموع ودموعها العزيزه عليها وضياعها
فلك.. امك
حمصه.. اخذ حسره اخ اخ اخ يايمه اخ
فلك.. انظلمت
حمصه.. مو شلون ماجان على الاقل انتي عندج لسان تدافعين بي عن نفسج هيا كلشي ماعدها
فلك.. ليش انهزمت احمد
حمصه.. مو اني طلع القذر الله اعلم شنوا الخطه
فلك.. فواز
حمصه.. اكو غيره النذل اريد اشوفج فلك عليج بروح ابوج خليني اشوفج حتى إذا من بعيد
فلك.. ليش تلح تشوفني
حمصه.. مااعرف احس اريد اشوفج وبس
فلك.. مااگدر والله
حمصه.. براحتج مالح عليج زين على الاقل شغله وحدا اريدهه
فلك شنو
حمصه .. الحجل الي تلبسيه دائماً اريده
فلك .. يا انت مو طبيعي راح اسد الخط احسن شي
حمصه ..راح اعبي رصيد واخابرج
فلك ..لتخابر لان مراح اجاوب
حمصه .. راح تجاوبين و راح تنطيني الحجل
فلك .. لو تموت
حمصه .. نشوف
فلك ..كطعه للخط ابتسمت مااعرف ليش كلت مخبل والله
..............................
ميمونه .. بعد ما وصلني خضر وراح بقيت بغرفتي شويه وانزلت لكيت علي جاي وجايب بزونتي انصدمت بحيث شهكت عززه هاي منو
علي .. ها هم طرگاعه عليج وعلى رجلج اذاني ماعت من ورا اخذتهه منه وكمت ابوس بيهه
ام خالد جانت جايه ورسل هم طلعت زهراء جان تكول يووو عزه هاي شنو تجنن ياربي وكامت تلعب بالبزونه
زهراء .. مثلج هاي
علي .. اي غير ام تك وتك ساعه السوده على التك وتك
ميمونه .. خضر جابهه الي جنت متقصده اكولهه واني ابتسم
ام خالد .. هو بس ناقصنا بعد بزونه ويكلك ليش تفتح حلكك
اخذتهه الغرفتي وعلي شايل علوكي صعده هم وميقبل يبجي يريد يطلع
ميمونه .. ولك علوكي تعال تعال نلعب ميمونه خضر
علي .. اكول انتن النسوان لشوكت تبقن عقولجن صغار
ميمونه .. باوعت عليه ليش يعني
علي .. هاهاها تره كلش مبين مضغوطه من زهراء اخ بطني شكد ما عدجن عقل انتي ورسل
كبل طلعت رسل من غرفتهه ووجعه
علي .. اسم الله هاي جني رسل منين اجتي هاي البنيه انتي مو جنتي زعلانه
ميمونه ..شلونج رسل الحمدلله على سلامتج
رسل .. الله يسلمج ميمونه بس اني جايه اخذ اغراضي واروح
علي .. يابه انتي متعرفين خالد شنو قصتج رسل
رسل .. الظاهر جنت مااعرفه خل اروح اكمل لم ملابسي احسن الي
عافتنه وراحت الغرفتهه
علي .. والله مخابيل شوكت تجي غدورتي والله اله نصير مثالين ولا اخونهه ريلاكس ريلاكس كله شو تضحكين ممصدكه
ميمونه .. غرفتنه على الاستقبال تره يوميه اسمع صياحك
علي .. هذا الصياح صياح حب لازم الحبيبين يتعاركون
فنج ليش
ليش بلله
حتى نتعارك والصلح يجدد الحب
ميمونه-ابتسمت واخذت علي وميمونه البزونه ودخلت رجع تذكرت لازم اگول ال علي يتدخل سديت الباب على علي والبزونه ورحتله جان بالغرفه مال سلمان لان هو ويا بيهه بس هو ميحب ينام بالغرفه
فأكثر وقته جوه بس يبدل دكيت الباب ودخلت
علي-ها ام تك وتك شتريدين
ميمونه-رسل راح تروح
علي-مخبله هاي
ميمونه-خابر خالد وكله
علي-مخبل يمعوده شلي بيهم مخابيل
ميمونه-انت العاقل ... لا صدك عليك الله كله حرامات
علي.. والله ولا اكول
ميمونه-مو حياتهم تتفلش
علي-شعلي بيهم وفلشتهم كل واحد اللسانه شطوله شلي بهاي الدوخه
ميمونه-اطلب منك طلب
علي-لا
ميمونه-ضحكت لا صدك ماعندي غيرك
علي-هم لا لتحاولين
ميمونه-ماشي
علي-قهرتيني يلله طلبي
ميمونه-ابتسمت صور فلك رادت يطلعهن خضر وخضر عصبي متجرأت اكله
علي-اني كلت احجاية التنكال بس انتي جلبتي بيهه المهم يلله دزيهن الي اهم شي صور فلك اتغزل بيهه ام خشم
والله لو مو رغودتي جان كسرت خشمهه وكصيت اللسانهه
ميمونه-انت شو تحجي على اختي
كام يقلد عليه اخجي اخجي
ميمونه-علي انت فضيع
علي-اكيد جمالي فضيع
ميمونه-ضحكت ياربي والله عليك سوالف ردت اطلع اول مفتحت الباب صار بوجهي خالد ورسل كلت عززززه وسديت الباب
علي-شكو شكو
ميمونه-خالد ورسل
علي-شبيهم
ميمونه-ديتصالحون
علي-شسوووو شو وخري خل اشوف
ميمونه-لا لا
علي-لا يالله سوالف كبار
ميمونه-لا يالله
علي-وعله من الله خضر شلون متحملج شو وخري خل اشوف
ميمونه-فتحت الباب شويه باوعت عليهم كتله همه ميسوون شي بس واكفين بس احس نظرات خالد من يباوعلهه ويبتسم كلت بلكت يتصالحون
خالد-بيتج مشتاقلج
علي-هجم بيتك يالجذاب والله جذاب
ميمونه-هسه تسمعك
علي-اي خل تسمع ليش يجذب هيه غرفه مفروض يكلهه غرفتج مشتاقتلج
علي-هواي تحجين اول مره اشوف اخويه رقيقي ورومانسي
ابو النسوان
ميمونه رفعت راسي ودرت علي
خالد يخون رسل
علي-عيونج صدك حلوه تره
ميمونه-باوعت علي
علي-بس عيونج الباقي اشيلج واشمرج بالزباله جنج كتكوت مهلس
ميمونه-ضحكت وطلعت لان دخلو الغرفتهم
لكيت علي كالب الغرفه ممبقي شي ممطلعه من المجرات توني دخلت نزلت فلك
فلك-يا يمه ولك علوكي هاي شمسوي
ميمونه-هاجم الغرفه على راسي
فلك-ورجلج هم حيهجمها على راسج ديتصل عليج ومتجاوبين
ميمونه-خضرررر
فلك-لا الجيران دك عليه وكام يحجي عليج المهم خاله يم بيت شاهين ووضعهه تعبان واح يجي ياخذنه
ميمونه-خاله شبيهه يالله اوف يا قاسم اله يموتهه وووويبووو شيخلصني هسه من خضر
فلك-حبدل استعجلي
ميمونه-يلله اني هم حلبس عباتي وانزل
واني الملم بالاغراض لكيت موبايل فلك القديم شغلته
ورجعت دخلت فلك باوعت
عااااا هذا موبايلي وجرته مني
فلك-فتحته ممصدكه احبه وهذا خضر باكه مني بوقتهه من راح من جان حابسنه فتحته نفس الرمز رحت عل صور شفت المقطع الي جنت اركص بي
ميمووووًًونه هذا رجلج الحيووووان هو الي ........
