رواية أحببت من لايبالي الفصل الثامن عشر بقلم مجهول
نجمه : شفت براء وكعت .... بررراء
خوله : ولجن طاحت البنيه ... ركضن جيبن مااي بسرعه
جميله : كمت ركض جبت ماي غسلت وجهه ونزعتها حجابها
خوله : وخرن عنها وخرن خلي تتنفس ... ضربت على خدها براء ... حبوبه تسمعيني
براء : همممم
شمس : حبيبتي باوعيلي تسمعيني
براء : بدموع ... زييـ يـن وينه زين ... خاله مريم ليش تبجين شبي زين
جميله : اباوع لخاله مريم مبنده بجي وموبايلها مانزل من ايدها كل شويه تخابر ومحد من الولد يرد عليها ... وهاي المسكينه براء تكسر الخاطر تسأل ومحد يجاوبها
مريم : ببجي ... كتله الف مره لتفتح عياده انت ما محتاج فلوس ... ابقه بس داوم بالمستشفى لا تضغط على روحك ... لا شلون لازم يمشي حجايته ... ربي دخيلك كلشي ولا ويلادي وبنتي اخذ من عمري واطيهم والله اموت اذا صار بيهم شي
جميله : خاله على كيفج انشالله مابي غير العافيه ... هسه الشباب راحو وانشالله يرجعون وهو وياهم
مريم : انشالله يمه انشالله
براء : خاله حبابه خابريهم شوفي بلكي لكو
مريم : ولج يمه جاي اخابرهم محد يرد
خوله : صلن على محمد ... انشالله مابي شي هسه تلكي طالع من زمان .... لا تضلن تولفن على الرجال
براء : صارت الوحده والولد ماهمه ... واحنه كاعدين على اعصابنه وخاله مريم تخبلت تخابرهم ولا واحد يرد ... وره شويه دخل سجاد عيونه حمر ... كمنه ركض عليه
مريم : بعصبيه ودموع ... صار ساعه ادك عليكم ولا واحد يرد ... كولو اكو ام كلبها راح يطك على ابنها ... ليش متردون هاا
سجاد : يمه الدنيا مكلوبه كومه ناس ميته وجرحى بعد اكثر ... بيا حال احنه
خوله : دعوفي الحجي ... بشر بيبي لكيتو اخوكم
سجاد : بتعب ... لكينا
براء : بلهفه ... لعد وينه
سجاد : بالمستشفى
نجمه : بدموع يعني جان هناك من صار الانفجار
سجاد : للاسف جان كاعد بالعياده من صار الانفجار صحيح ما جان الانفجار بالضبط يم العياده بس كد ما قوي متفلشه العياده عليهم وحتى السكرتير خطيه عفنا هناك حالته كلش خطيره
براء : متحجي بس تبجي
سجاد : خويه لا تبجين وتولفين عليه انشالله مابي شي رجلج قوي وانشالله منا لباجر يكوم على حيله هسه اريدج تجيبله ملابس لان الي لابسهن كلهن دم
براء : صعدت ... فتحت كنتوره اطلعله ملابس ... دنيت تشيرته يمي ... بدموع ياربي احلفك باعز شي عندك تحفظه ... وحق اسمك اذا صار بي شي اموت والله ... اليوم اكتشفت زين مو شخص عادي بحياتي مااعرف شنو مكانته بالضبط ... بس الاعرفه هو شي حييل جبيره بحياتي مستحيل اكدر بدونه ... طلعت الملابس خليتهن بجنطه صغيره ورحت لبست عباتي اريد اروح اشوفه مااتحمل اضل بلبيت ... اخذت الملابس ونزلت
سجاد : هاي وين رايحه ؟
براء : اجي وياك
سجاد : ماكو حتى امي متروح
مريم : طلعت ليش هو بكيفك رجلي رجلك ... متقبل تاخذني هسه اخذ تكسي والله
سجاد : يا تكسي يمه الساعه بالوحده ونص يا كلب ابن كلب طالع هسه ... محد تروح .... اصلا هو بالعنايه المركزه محد يخليكم ادخلون
براء : بدموع سجاد الله يخليك اخذني وياك والله كلشي ما اسوي بس اشوفه
سجاد : والله ميخلوج ادخلين شتشوفين منه
خوله : اخذها هذا رجلها لازم تبقه وياا وانتي يمه لا ترحين خليج هنا ادعيله ... وجنتج هسه رايحه مالها داعي روحتج ابقي يم البنيات ماكو رجال بالبيت كلشي يصير
مريم : تبجي ... بس يمه هذا ابني شلون تردين اعوفه
خوله : يمه روحتج مابيها فائده خلي يكعد واني اخليهم ياخذوج خلي مرته تروح هسه والصباح رباح انشالله
سجاد : يله امشي براء
براء : طلعت وياا ... وصلنا للمستشفى دخلت ملهوفه اريد اشوفه ... رحنا للغرفه مالته ... لكينه الولد واكفين هناك
جهاد : هاا بنتي شعدج هنا ليش اجيتي
براء : خالو اجيت اشوف زين وينه
جهاد : ميخلون احد يدخله ... اذا تردين باوعيله من هاي الجامه
براء : وكفت على الجامه ... اول ما صارت عيني عليه دموعي نزلت .... دنيت اكثر .... وجهه كله جروح اباوع ايده ورجله مجبريهن وراسه لافي حتى كتفه مخيطي ... بجيت بقهر هاي شصاير بي مباقي مكان بجسمه صاحي ... ياربي هالمنظر ما اتمنى لعدوي مو نوب اشوفه باعز الناس على كلبي ... زيني حباب اكعد والله اسويلك كلشي تريده بس لتعوفني الله يخليك .... اني ماعندي احد غيرك لتعوفني حباب
لؤي : لاتبجين براء مابي شي مثل الحصان
براء : بدموع ... لعد اذا ... مابي شي ليش ميخلونه ندخل
لؤي : حاول يجذب عليها .... مجرد اجراءات لاتخافين انشالله باجر يكعد ... تعاي كعدي وكفتج مالها داعي
براء : بهدوء ... ما اريد خليني هنا روح انت
حسن : خطيه براء تكسر الخاطر
قصي : والله هاي ماعدها حظ تطلع من سالفه تدخل بسالفه اكبر من الي قبلها
حسن : بقهر بس اريد اعرف منو الي فجرو المكان وموتو كل هالناس بكلب بارد
لؤي : كعد ... ارهابيين منو يعني الله لايوفقهم دمرو الناس كل يوم مفجريلهم مكان وماخذين الدين قناع حتى يغطون على اعمالهم ... ماجذب ابويه من كال العراق بلد العجائب كل يوم صاير بي شي شكل
قصي : زين الشرطه ما كدرت تلزمهم
لؤي : همه واحد ثنين حتى يلزموهم مسوين دوله كامله الله ياخذهن
قصي : كتلكم لانرجع للعراق خلينه هناك مرتاحين وراسنه بارد بس اله ترجعون ... ولو هو كله من وره ابوكم ... عاف الجنه الي هناك ورجعنه لهل لعبان نفس هذا
جهاد : سمعه ... بعصبيه لك حيوان ... انت انتفضت على موقف واحد صار باخوك جاا الناس العايشين هنا سنين شيكولون هاا ... شيكولون الي اطو واحد وثنين وتلاثه من ولدهم تالي ... خذاهم التراب وكالو فدوه للبلد تعال ويايه شوف هاي الردهه شلون مكلوبه كلاب تعال شوف الاهالي شلون يدكون ويطلمون على ولدهم واحنه هنا بدال ما نشكر الله من طلع ابنه طلع عايش ... جاي انت تتبطر والله دنعل ابوكم لابو الساعه السوده الفكرت بيها اجيبكم تريد تولي ترجع روح روحه بلا رده انعل والدي الي يكلك ابقه بعد ... عافهم
قصي : هسه شحجيت اني شبي كب عليه
حسن : لان عدك طلعات مال زمايل هسه وكت هذا الحجي
سجاد : شباب مو وكت نكره هسه تره اني كاعد على اعصابي كوه كدرت اقنع امي زين مابي شي
قصي : ما بي شي انشالله يكوم بالسلامه
قصي : ما بي شي انشالله يكوم بالسلامه
سجاد : حجه بانكسار ... حاول تقنع نفسك ما سمعت الدكتور شكال .... حالته كلش صعبه
لؤي : لا تولفون عليه انشالله مابي غير العافيه
الشباب : انشالله
براء : ما تحركت من مكاني منتظرته يكعد ... دموعي ما وكفن هسه عرفت كلام اهلي صدوك اني فكر وين ما اروح اسبب للناس اذيه وهسه ... اكيد زين صار بي هيج من وره وجودي بحياته ... بس والله مااعرف وين اروح ابقه بالشارع مثلا .... حتى اخلص الناس من شري سندت راسي على الجامه ... شفت الدكتور دخل للغرفه من كد ما مركزه ويه زين ما احس بالي حواليه ... انتظرته يطلع ... عفوا دكتور
الدكتور : تفضلي
براء : بهدوء ممكن ادخل يمه شويه
الدكتور : ميصير الدكتور زين لسه جسمه حيل تعبان وموزينه عليه الهوسه والفوضى
براء : رجاءا دكتور والله ما اسوي هوسه بس خليني اشوفه حتى لو عشر دقايق ما اريد اكثر
الدكتور : ماشي روحي دخلي بس لاتطولين
براء : اي اي ... دخلت للغرفه .... وصلت يمه كعدت .... اباوعله الاجهزه محاوطته ... لزمت ايده ... ابتسمت تدري زين طلعت عزيز عليه هواي متوقعت نفسي متعلقه بيك لهدرجه مع انو دائما ترزلني وتعاقبني وتضوجني هم بس مع هذا اني ما اكرهك تدري مرات احسك ابويه كد ما اخاف منك واخاف اسوي شي يضوجك عمري متخيلت نفسي ممكن اكون خاضعه لاحد لهدرجه ... لتعوفني زين والله اني اح .... اختنك صوتها بجت الله يخليك كوم والله حنموت من الخوف عليك والله مستعده اسوي اي شي بس اكعد حتى اذا تضربني وتعاقبني وتبطلني من الدوام قابله بس اكعد .... الله يخليك زين اكعد ماعندي غيرك كلهم تخلو عندي بس انت بقيت وياي حباب لتعوفني ... خليت راسي على ايده وبجيت من كل كلبي ليش دائما كل شي اتعلق بي لو ينوخذ مني لو يبعدوني عنه .... ااااه يالظروف الي خلتني اتعلق باي شي كدامي حتى لو جانت قشه ... شلت راسي اباوع على وجهه ... والله حرام انت نايم هالنومه ... وحسين السافل عايش مرتاح بحياته ... ياربي اذا هذا اختبار فاختبارك صعب ... ياربي كومه بالسلامه اذا مو لخاطري فلخاطر كلب امه الي راح تموت من الخوف عليه .... سمعت صوت وحده ... درت وجهي
الممرضه : خلص الوقت رجاءا طلعي
براء : مسحت دموعي ... اوك ... بست ايده ومسحت عليها ... كمت طلعت ... شفت قصي كبالي
قصي : منو دخلج مو كالو ما يصير واحد يدخل
براء : اني حاجيت الدكتور .... كال دخلي عشر دقايق وطلعي
قصي : وليش يدخلج وميدخلنه شنو انتي وحد
براء : بهدوء ... شبيك قصي ليش تصيح
قصي : اسف عذريني والله اسف بس والله اعصابنه تلفت وهذا ميقبل ندخل نشوفه
براء : رحت كعدت اباوع الساعه بالخمسه الفجر ... اااوف شيجيب الصبح .... ضليت كاعده والشباب اجوي كعدو ... ضلينه فتره طويله كاعدين وخالو جهاد بقه يم اهل الولد الي يشتغل ويه زين ... صار الصبح واني عيني ما غمضت كل ساعتين يدخل الدكتور ويرجع يطلع ... اريد يطلع يكول كعد ماكوو
سجاد : هاا مليتي
براء : هزيتله راسي ... لا
سجاد : جوعانه اجيبلج شي
براء : ما اشتهي شي
سجاد : وانتو شباب
الشباب : احنه هم
سجاد : براحتكم
قصي : ... طبعا لاحظت شغله على براء ... هي تحب زين هواي .... بحيث دموعها ما نشفن من الليل ولحد الان ... ما اعرف ليش بلحضه تمنيت نفسي بمكان زين واكو وحده تحبني لهدرجه ... هالبنيه فضيعه بحياتي ماشفت مثلها رغم ما صارلها هواي وياا ... بس حيل متعلقه بي ... عود ليش اني ما الكه هيج وحده .... خجوله .. مؤدبه .. رقيقه .. حلوه .. محبوبه .. ام بيت ..وغيرها .... دائما اسال نفسي هالسؤال ليش كل الي تدخل بحياتي ابقه وياها فتره متجاوز الشهر ... واعوفها بدون اي سبب مجرد ما اشبع منها انسحب بدون سابق انذار ... اباوعلها غاديه طماطه ... كد ما باجيه ... شوكت الكه وحده تصير طماطه على مودي .... اااه الف هنيالك يا زين دومك شكو شي مميز يصير الك
لؤي : قصي لك قصي احجي وياك
قصي : هاا
لؤي : كوم اخذ ابويه وارجع خطيه من البارحه هو على فرد وكفه روحو هم طمهم وهم ارتاحو بلكت والله يكعد زين
قصي : ماكو مااطلع لحد ما ... يكعد زين
لؤي : براحتك
براء : كمت وكفت يم شباك غرفه زين ... هاي صار الصبح وهو ما كعد ... اااوف شوكت تكعد
لؤي : بروئه خلي ارجعج للبيت والله ماله داعي وجودج
براء : بهدوء ... ما ارجع
لؤي : يعني هو عناد
براء : لا بس ما ارجع
لؤي : صفك بايده مايس منها
_____________________
صباحا الساعه 10:00 ... بيت غيث ... كاعدين .... يتريكون
غيث : محمد خلص اكل بسرعه حتى اروح للمستشفى
محمد : ليش شعندك هناك
غيث : خابرني ماجد هسه ابن جهاد خطيه البارحه جان بالانفجار الصار هسه بالمستشفى وضعه تعبان
ناديه : يمه سوده عليه منو منهم
غيث : زين
ناديه : يااا ... وشلون وضعه هسه
غيث : والله ماجد يكول موزين ... مكسر تكسر
ناديه : سوده عليه يابنتي دومها منغصه فرحتج
غيث : باوعلها صفح ... محمد من تكمل كوم نروح
محمد : ماعندي شي يله
ناديه : خل اروح وياكم
غيث : وين ترحين هي الدنيا مكلوبه وكلها زلم هناك ... يله محمد ... طلعو ووصلو للمستشفى لكو الكل هناك
غيث ومحمد : سلام عليكم
الكل : وعليكم السلام
غيث : بشر ابو لؤي شلون صار زين
جهاد : والله ما اعرف شكلك محد يعرف بس الحمدلله على كل حال
محمد : واكف ويه الولد لكيت وحده كاعده بعيد عن الهوسه ... هاي براء ... رحت كعدت يمها ... شلونج اخيتي
براء : شفت اجوي خوالي وخوال زين واصدقاء خالو صارت هوسه ... كمت كعدت على جهه .. وره فتره سمعت صوت محمد شلت راسي شفته ... نزلت دموعها ... بصوت خافت مو زينه
محمد : لزمت ايدها ... لا تخافين باذن الله يكوم بالسلامه
براء : حضنته ... بدموع محمد مشتاقتلك هواي
محمد : حبيبتي والله اني اكثر ... شو مسحي دموعج ... تره رجلج محتاج الدعاء اكثر من البجي هذا
براء : والله دادعيله بس ماكعد لسه
محمد : انشالله يكعد ... حاول يلطف الجو ... بس تره ما عبالي تحبي لهدرجه يا ملعونه
براء : بسؤال ... احبه ؟
محمد : اكيد ... ليش عندج رأي ثاني
براء : بكلبها ... معقوله اني احب زين .. لالا ...اني ما احبه ... محمد يحجي وحده وحتى اذا اني احبه فهو مستحيل يحبني ... نكرت مع انو هي متاكده كلام محمد صحيح وهي تحبه لزين اله مشاعرها تجاهه اكثر من حب بس متقبل تعترف ... فزيت اباوع الدكتور والممرضين ... اجوي يركضون ... خير كمنه كلنه ... شفناهم دخلو لغرفه زين ... بدموع يارب كون مابي شي .... ليش دخلو مخبوصين
. بدموع يارب كون مابي شي .... ليش دخلو مخبوصين
قصي : ما نعرف المشكله محد يقبل يحجي
براء : ضلينه واكفين كبال غرفته ... بلكي يطلع واحد يطمنه ... وره فتره طلعت الممرضه ... عفيه كوليلنه شنو وضع المريض
الممرضه : انتظرو هسه يطلع الدكتور ويبلغكم
حسن : بعصبيه وشيصير اذا بلغتينه انتي شنو راح تنكلب الدنيا لو اله تسون فلم
جهاد : شجاك ... كلتلك انتظر هسه يطلع الدكتور ويطمنه عنه
حسن : يعني يحجون الواحد كوه انتي جنتي وياهم اطلع اطمن اهل المريض لا شلون خاف ينقص من وزن حضرت جنابها
براء : واكفه اباوع من الشباك ... اريد المح شي ماكو الدكتور والممرضين صايرين داير مدايره كولشي مااشوف
غسان : شلونج براء
براء : عينها على الغرفه .... الحمدلله
غسان : شعدج هنا ... تعاي ارجعج للبيت
براء : بهدوء ... لا شكرا مااريد باقيه هنا
غسان : زين جوعانه عطشانه انزل اجيبلج اي شي لو تحبين ننزل نتريك اني وياج
براء : شوف هذا وين واني وين ... لا شكرا مو جوعانه
غسان : على الاقل اجيبلج شي تشربي
براء : بنفاذ صبر ... لا ما اريد شي
غسان : براحتج اذا تحتاجين شي كليلي
براء : مارديت عليه مال خلك اجادل ... شفنه الدكتور طلع
جهاد : بشر دكتور شلون صار ابني
الدكتور : الحمدلله تعده مرحله الخطر ... هسه راح انقله لغير غرفه
لؤي : زين دكتور شوكت يكعد
الدكتور : انشالله بس ينتهي تاثير البنج يكعد
براء : بدموع .... الف الحمدلله والشكر ماقصرت إلهي ... شويه وطلعو للغرفه الثانيه رحنه يمه ... دخلت وياهم ... لكيت بابا واكف يم خالو جهاد ... جنت متردده اروح اسلم عليه بس ميصير لازم اسلم ... سلمت عليه ... شلونك بابا
غيث : هله ... انتي شلونج
براء : الحمدلله ... ماما شلونها
غيث : ببرود مرتاحه بالف خير
براء : فهمت قصده ...عفته ورحت وكفت يم زين ... اباوعله
جهاد : تعاي بابا كعدي
براء : رحت كعدت .. صارت الدنيا ظهر ... احس روحي نعست كوه فاتحه عيوني حيصيرلي يوم كامل كاعده جره وحده بدون نوم
جهاد : بنتي رجعي للبيت ويه الولد نامي وارتاحي واني اخليهم يجيبوج انتي ومريم بعدين
براء : بهدوء ... خالو حباب ما اريد اروح من يكعد زين والله ارجع
غسان : واذا ما كعد شلون
لؤي : انت ليش تولفله
سجاد : وليش مايكعد بيش طالبه انت
قصي : بدال ماتدعي يكعد كاعد تتوقع توقعات سخيفه
غسان : شبيكم هسه اني شحجيت وكلكم كبيتو عليه مجرد حجي حتى البنيه ترجع مشوفون شلون تبهذلت
حسن : النايم رجلها اذا متبقه وياا هي منو يبقه وياا
جهاد : كافي شبيكم ... يله كومو رجعو ارتاحو وجيبو امكم وتعالو بعدين ... و اني ولؤي وبراء باقين هنا
سجاد : بس يابه ما ....
جهاد : كلت لحد يعاند الكل تقريبا راح ... انتو هم روحو ارتاحو ورجعو بعدين
براء : راحو الولد بقو خوالي كاعدين بره واني بقيت بالغرفه ... رحت كعدت يمه لزمت ايده ... مشيت اصابعي على عروك ايده ... دنكت بستها بعمق ... حتى وهو مريض من الزم ايده احسها كد مادافيه تدفي جسمي كله ... خليت راسي على ايده ونمت
______________
شمس : كمت سويت غده للكل ... يله تعالو تغدو
مريم : لازمه القران ... اني ما اريد انتو اكلو
نجمه : حتى اني ما اريد
شمس : خاله من البارحه انتو بدون اكل وريوك ما تريكتي ما يصير هيج حرام عليكم لا يروح يصير بيكم شي .. كافي خاله من البارحه القران ما نزل من ايدج كافي رحمي نفسج ... حتى كلاص ماي ماشربتي
دارين : تره انتو مبالغين .... هاي على حادث هيج مسوين لعد لو ميت بالانفجار شتسون
نجمه : فال الله ولا فالج ... ليش ولج تحجين هيج ... ولو حقج متتاثرين لان النايم بالمستشفى ... لا ابوج ولا اخوج ولا شخص مهم بالنسبه الج حتى تهتمين فياريت تسدين حلكج لان وداعه ابويه اذا تحجين حجايه وحده بعد اكوم اكتلج كتله تسوه حياتج فتهمتييي حيوانه
دارين : اجتي تجاوب
خوله : بيبي كومي روحي لغرفتج
دارين : بيبي
خوله : كلت كومي روحي لغرفتج مالنه خلك المشاكل لا تخليني اصير عصبيه عليج
دارين : كايمه هو مو صوجكم صوج الي يكعد يمكم
مريم : صدق الله العظيم ... شبيج نجمه تخبلتي وكت مناكر هسه ... كعدي وسكتي تره اني كاعده على اعصابي خليني هادئه احسن الكم
خوله : يمه كومي اكل شربي شي ... ما يصير تبقين بلا اكل تره روحج تحاسبج حرام ما يجوز
مريم : يمه والله حلكي مر كلشي ما اشتهي
خوله : لو كل الامهات سوت مثلج جان خلصت الدنيا ... حمدي ربج وشكري ابنج عايش وانشالله يكوم بالسلامه .. جا شتكول الي تكبر وتربي وتتعب وتاليتها تجي تلكى ميت ياماا ناس خطيه ميعرفون ابنهم من كد ما مشوهه اذا ناسيه اذكرج شجان يصير بينه من نسمع بانفجار نكوم نتراجف حتى اذا بعيد عنه .. الله يساعد الي جانو هناك البارحه .. ودائما تذكري هالحديث .... اذا احب الله عبدا ابتلاه ... والمؤمن مبتلى يا يمه ... الله جاي يختبر صبرنه خليج صبوره وحموله وانشالله مابي غير العافيه
مريم : ونعم بالله
جميله : بهمس ... بشرفج هاي مو اول مره حجيه خوله تكول جمله بيها حظ
شمس : خزرتها ... لتسمعج وتصير مشكله ثانيه سدي حلكج
جميله : الجرس اندك لبست حجابي وطلعت فتحتها ... دخلو الولد ...
جميله : الجرس اندك لبست حجابي وطلعت فتحتها ... دخلو الولد ... الله يساعدكم
الشباب : ويساعدج
مريم : هاا شلونه اخوكم
قصي : لا الحمدلله وضعه تمام انشالله عن قريب يكعد
مريم : بدموع الف الحمدلله ربي دخيل اسمك الهي ماقصرت ... يله نروح نشوفه
سجاد : يمه تعبانين والله من البارحه ما نايمين بس نرتاح ساعه وحده وناخذج ونروح والله
مريم : يعني هم كون انتظر ولكم حسو بيه كلبي راح يطك خلو واحد من الحرس ياخذني ابقو انتو
حسن : يمه وداعه بتي بس اناملي ساعه واخذج اني وداعتج عيونج
مريم : خوش بعد ساعه اكعدك تاخذني
حسن : من عيوني الاثنين ... جميله لحكيني حبابه
جميله : صعدت ورى جاا براء ليش ما رجعت
حسن : براء فاصله عن العالم .... خطيه من البارحه مكابله زين وكاعده ما تحركت ودموعها مانشفت
جميله : سوده عليه تكسر الخاطر هالبراء بعدها صغيره وشافت اشكال
حسن : اي والله خطيه ... يله تعالي جيبلي ملابس اريد اسبح واناملي ساعه ... ما اريد صوت ومريم اخذيها بعيد عني اريد انام
جميله : صار
_____________
براء : نايمه واسمع صوت يون ... فتحت عيوني ... زين كعد بس يون ... زين زين تسمعوني ... ميجاوب بس يون متوجع ... طلعت ركض ... خالو زين كعد بس مبين متاذي عفيه صيح للدكتور
جهاد : اي اي رايح
براء : رجعت دخلت يمه ... سوده عليه شلون معقوج وجهه من الالم ... لزمت ايده ... زين تسمعني ... حباب بس كلي اي
زين : فتحت عيوني ماشوف شي ضباب اريد اشيل ايدي افرك عيوني ما اكدر توجعني ... حركت ايدي كامت توجعني بالزايد كمت اون من الالم ... اسمع صوت بنيه بس ما اكدر اركز بي كد ما متوجع ... راح الصوت ورجع وره فتره ... حسيت بايد لزمت ايدي واسمعها تحاجيني ... هاي براء ... اي هاي ايد براء ... رجعت غمضت عيوني وفتحتهن شفت الصوره اوضح ... اباوع لبراء واكفه فوك راسي ... بتعب براء
براء : بلا وعي بدموع ... ياا روح براء كلي تريد شي
زين : اني شجابني هنا
براء : صار انفجار يم العياده مالتك وانت جنت هناك
زين : تذكرت ... كاعد احجي ويه المراجع واسجل كلامه بالتقرير ما احس غير صوت دويه كلش قويه .... بحيث الجام تفلش علينه ... وكعت وبعدها ماحسيت على شي ... صارت عيني عليها لازمه ايدي وتبجي ... لا لَلَ كحيت مااكدر احجي ... حلكي يابس
براء : كمت ركض جبتله ماي ... مااكدر اكعده ... حتى يشرب خليت بالكلاص شويه وقطرت على شفايفه حتى يترطب حلكه
زين : بعد
براء : رجعت انطيته شويه .... رجعت لزمت ايده بستها ... حسيت بجسمه يقشعر
زين : اباوعلها شلون متبهذله معقوله كل هذا على مودي .. اااخ يا براء كل ما احاول ابعد عنج خطوه ... تقربيني الف خطوه
براء : دخل الدكتور وياا دكتوره مشفتها البارحه ... فحص زين
الدكتور : تسمعني زين
زين : اي
الدكتور : فحصت عيونه ... جاي تشوف بصوره طبيعيه
زين : بتعب اي
الدكتور : حاول تحرك رجلك
زين : حركتها صحت اااخ
الدكتور : رجلك مكسوره لهسبب تاذيك اكيد تعرف حاول متتحرك لان عندك خياطات هواي لتفتح بحركه غلط ... على العموم الحمدلله على سلامتك دكتور وضعك تمام التمام مثل ما توقعتك سبع وراح تطلع منها و مابيك غير العافيه
زين : بتعب الله يسلمك
اسراء : عندك العافيه دكتور والله وكف كلبي من سمعت بيك هنا
زين : الله يعافيج
الدكتور : يله عن اذنكم ... تعالي دكتوره
جهاد : رحت بسته الحمدلله على سلامتك وليدي متشوف شر انشالله
لؤي : عندك العافيه حبيبي ابو الزون
زين : الله يعافيكم
جهاد : هاا بروئه مو كلتي من يكعد ارجع للبيت يله كومي خلي لؤي يرجعج
زين : بألم ... باوعتلها ليش انتي من شوكت هنا
براء : من البارحه
زين : خزرها وبتي هنا
براء : اي
زين : بألم .... شلون تجين لهنا وانتو شلون تخلوها تجي
لؤي : والله من البارحه نتوسل بيها نكلها رجعي مايصير تبقين هنا ماكو فائده لوجودج .. بس غير بندت من البجي متقبل ترجع تالي عفناها براحتها ... يله بابا تعال ننزل نتريك هاي بعد ابنك صار زين ومرته يمه ... طلعو
زين : حسابج بعدين
براء :بدموع حتى اذا تعاقبني ميخالف وهم ماعوفك وحدك وانت بهالحاله والله متت من الخوف عليك حتى خاله مريم رادت تموت من سمعت بيك جنت هناك
زين : شفتها بجت ... رفعت ايدي السليمه مسحت دموعها ... صوتي كوه يطلع ... كافي بجي هاي اني كدامج كلشي مابيه
براء : شلون كولشي مابيك ايدك مكسوره ورجلك هم شوف وجهك وجسمك كولهن خدوش وخياطات
زين : مشيت ايدي على خدها ... خفتي عليه ... مالت على ايدي مغمضه ودموعها ينزلن
براء : هزت راسها .... اي
زين : ليش خفتي
براء : بحسره ... خفت تعوفني بعد ما الكل عافني وبقيت وحدي
زين : اخذت ايدها ... صعدتها لشفايفي ... بستها ... لا تخافين اني وعدتج ما اعوفج وما دام وعدتج مستحيل بيوم من الايام اعوفج
براء : حسيت بفراشات بمعدتي من باسني ... بخجل ااا لعد اذا مراح تعوفني ليش تعاملني هيج
زين : تقصدين على اول البارحه
براء : بهدوء ... اي تغيرت فجأ بدون سبب
زين : غمضت عيوني اكو اشياء انتي متعرفيها فلتسألين عنها لان ما اكدر اجاوبج
براء : براحتك ... نفتحت الباب دخلو دكتورين ... جريت ايدي من زين
علاء : الحمدلله على سلامتك زين خوفتنه عليك
زين : الله يسلمك
اسراء : هاي مرتك
زين : ببرود .. اي
اسراء : شلونج حبي ... زين هاي ليش هيج صغيرونه مرتك
زين : لا رد
براء : شكد دمها ثكيل
علاء : شلونج خويه
براء : بهدوء ... الحمدلله
علاء : يله من رخصتكم ... طلع
اسراء : بيا صف انتي
براء : خامس اعدادي
اسراء : ييو وراج طريق طويل ياله تصيرين ... بس احلى شي زين يعجز وانتي تبقين شباب
براء : ابتسمت اكبر ابتسامه مصطنعه بحياتي
زين : من رخصتج دكتوره اريد ابدل ملابسي ممكن تطلعين
اسراء : باحراج ... اي اكيد براحتكم
براء : اجيت اطلع
زين : وين
براء : مو تريد تبدل
زين : لا ردت اصرفها تعاي كعدي ... بس قبلها اطيني ماي
براء : كمت جبتله كلاص ماي تفضل
زين : اخذته منها
براء : بعد
زين : لا شكرا
براء : بابتسامه عفوا ... انفتحت الباب ... دخلو الولد وياهم خاله مريم الي ركضت على زين تبوس بي وتبجي
مريم : يمه وليدي الحمدلله على سلامتك حبيبي عساها بيه ولا بيك يمه ... خو ميوجعك شي
زين : حبيبتي الله يسلمج .. والله مابيه شي
الشباب : حبيبي الحمدلله على سلامتك
زين : بابتسامه الله يسلمكم
سجاد : تدري كد ما خايف عليك ما اشتهي اكل
زين : باستغراب ... انت متشتهي تاكل
سجاد : اي والله تخيل كدامي المطعم ومارحت اكلت شفت شلون احبك
زين : باستهزاء .... رحم الله والديك لو ما انت منقطع عن الاكل ما جان طبت
سجاد : تستهزء حضرتك مو
زين : ببرود اي طبعا
سجاد : مو صوجك صوج الي يضوج على مودك اني رايح اكل
قصي : تدري اكو ناس دموعها ما نشفت من البجي عليك بحيث مكابله شباك الغرفه وتباوعلك
زين : باوعت لبراء شفتها منزله راسها منحرجه .. حاولت اغير الموضوع ... شوكت اطلع
جهاد : مو هسه يجوز باجر
زين : اريد اطلع هسه وضعي الصحي تمام مابيه شي اريد ارجع
جهاد : الدكتور ميخليك
زين : اني هنا دكتور مثله واكدر اشخص حالتي بنفسي وجاي اكول مابيه شي اريد ارجع
مريم : يمه ابقه هنا بس اليوم وباجر اطلع متكدر تصبر يوم
زين : ببرود اووف ميخالف ... بس براء ترجع وياكم
براء : ما ارجع ابقه وياك
زين : بحده ... كلت ترجعين وياهم لاتناقشين شعندج هنا اني باجر راجع
براء : منو يبقه وياك
زين : واحد من الولد يبقون انتي رجعي
براء : بضوجه ميخالف
ضلو فتره وراها كامو يرجعون وجهاد وقصي ولؤي بقو
براء : بهدوء ... يعني ماغيرت رائيك
زين : لا ورجعي اقري باجر عدج دوام ... وسجاد يوديج ... لاتروح عليج السنه لازم تشدين حيلج
براء : شلون اروح وانت باجر تطلع
زين : يعني اذا طلعت وانتي موجوده شراح تسويلي مثلا ... تسبحيني لو تبدليلي
براء : هااا لا
زين : جاا روحي وبعدين اني .... ما اعرف باجر شوكت اطلع يجوز انتي تجين قبلي
براء : اوك ... يله اني رايحه الولد واكفيلي بره دير بالك على نفسك ولتتحرك هواي مو زين عليك
زين : ابتسمت ... كارص خدودها ... صار ... يله بنيتي الحبابه روحي
براء : كمت ... ابتسمت بهدوء .... باي
زين : باي
___________
ثاني يوم
براء : كعدت بدلت ورحت ويه سجاد ... وصلني شفت المدرسه حلوه من بره وقريبه على المستشفى مال زين اكدر اتمشاله هناك ... دخلت للاداره دلوني على صفي .... دخلت للصف دكيت الباب ممكن ادخل
المدرسه : منو انتي
براء : طالبه جديده .... اجيت نقل
المدرسه : اهلا وسهلا تفضلي دخلي
براء : رحت كعدت يم وحده
المدرسه : وين واصلين بالمواد
براء : كتلها
المدرسه : خوش يعني ويانه واصلين ... بدت تشرح الدرس ... خلصت الحصه .. تجمعن عليها الطالبات
رقيه : هلوو شلونج نورتي صفنه
رقيه : هلوو شلونج نورتي صفنه
الطالبات : اي نورتي
براء : مبينات حبابات ... بابتسامه شكرا نوركم هذا
رقيه : احنه هنا بالشعبه كلنه صديقات اي شي تحتاجي تعالي كليلنه واحنه بخدمتج
براء : بهدوء شكرا متقصرن ... تقريبا ارتاحت نفسيتي من شفت الطالبات حبابات وودودات مو مثل الي هناك والمدرسات حبابات هم واسلوبهن حلوو .. مااعرف شلون حجازيك يا زين .... مرت حصه وره حصه على خير ... دك جرس الدرس الاخير طلعت لكيت سجاد .. هلوو ... طبعا ويه سجاد احجي براحتي لان ميعقب مثل زين ... بس مع هذا زين احسن واحد بيهم بالنسبه الي
سجاد : هلووو شلونج
براء : زين طلع
سجاد : اي بس ديربالج تحجين وياا صاير بارود
براء : ليش
سجاد : ههه هسه نوصل وتعرفين
براء : وصلنه للبيت ... نزلت فتحولنه الباب ... دخلت وجان انصدم بالي شفته
