رواية هو لا يشبههم الفصل الثامن عشر بقلم تبارك الوائلي
ياانت
أيها الوافد
من سكون الليل
إلى أقاصي أوردتي
الممتد كـ الحزن
في شراييني ...
كما السيل انت
تأخذني اليك
عبثية الحنين
وفوضى الشوق ...🥀🥀
مهم 👇🏻
بنات الي حابه اطب بالكروب عفتلكم الرابط ويه اسمي بصفحه الواتباد تلكون رابط أحمر بكتابه طويله بس ضغطو عليه دخلون بالكروب ...
جمانه : طبيت مرعوبه لكيت طارق ونور ترجف صحت .
_ هاااا ماما شكو منو طب جوه .
جاوبتني بصوت يرجف وتبجي .
نور : ماما هذا صديق بابا اجه كلي اريد ابوج كتله نايم عمو كلي كعدي بسرعه اريد اشتري شرب منه كتله والله العظيم عمو نايم بابا كال اي اني اكعده وخري ودفعني وطب جوه لكا نايم و ماكعد بابا
نوب شويه وطلع .
جمانه : ها اكيد ولج نور ما حجه وياج اخاف سوه شي بنتي احجي لتخافين .
نور : لا .. لا ماما والله سوالي شي .
طارق : لا ماما اموتهم اذا يحجون ويه نور .
جمانه: اي ماما سبع انت دير بالك على اختك واني
راح اوكف بالباب .
_ أي ماما صار .
_ لعد عمتكم وين .
_ طلعت يم صديقاتها .
نقهرت على وضعهم وخفت اطب جوه بقيت بالباب وامي كاعده يمي فاتت طيبه سلمت وامي وكفته
وصاحت .
ام صالح : ليش هيج عمه هاي المرجيه منج ليش تعوفين ولد اخوج وحدهم .
طيبه : ليش شكو شصار .
ام صالح : جاي صديق بسام ودافع نور وطاب
جوه يكعد بسام ... بله طلع مو خوش ادمي وسوه بالطفله شي ربج ستر .
طيبه : ياا عمه واني اشلون احبس نفسي بالبيت علمود جهال بنتج شسوي هم اضوج واريد اطلع مو وكيله بيهم اني ابوهم موجود اني شكو .
جمانه : ليش هيج طيبه ليش كلبج مايوجعج عليهم.
طيبه : والله لو تخافين صدك جان كعدتي ولميتي جهالج .
جمانه : شكلج طيبه ماعليكم شترجه منكم الله موجود ياخذ حقي منكم .
طبيت ابجي اجه ابويه شافني كال .
أبو صالح: ها يا بنتي مابزعتي من البجي .
:- شسوي الي رب لان احتاريت وياكم ومحد نصفني بيكم .
:- لا بابا اني قررت بعد هاي هيه سمعت الي صار اليوم هذا هو انطينا الف فرصه البسام ومفاد روحي باجر انتِ وكواكب وارفعي دعوه طلاك واخذي نور وطارق منه واني لكيت مشتمل بصف بيتنه راح اشتري واخليج تكعدين بي انتِ وجهالج كافي الي شفتي ماراح اعوفج هيج متبهذله .
جمانه : فرحت من كلبي من سمعت كلام ابويه
رحت انام واني انتضر الليل دقيقه دقيقه علمود اروح للمحكمه اول مره اشوف وحده تفرح بطلاكها عفيه حياه كلشي بيها يمشي عكس
صبح الصبح ورحنه اني وكواكب للمحكمه وحجيت كل شي عن بسام للباحثه الاجتماعيه وانطتني موعد وبلاغ اله وبعد كم يوم وصله المبلغ بلغه ونصدم وقع واخذ الوصل واجتي عمتي مقهوره وكالت .
ام بسام : صدك جذب هاي المرجيه منكم تخلون جمانه ترفع دعوه طلاك ليش ليش .
ام صالح: شسوي لعد مو بزعنه من ابنج
:- لا مامرجيه منكم .
:- لعد الي سووا ابنج مرجي ذاك اليوم ربه ستر نور لو هذا صاحبه السكران مجلب بيها شجان سويت .
:- مصار شي ام صالح .
:- ها خيه وذاك اليوم من جمانه جابت الخبز الكم وابنج واكف بالباب هوه واصدقائه ويكوم صديقه ياخذ من ايد جمانه الخبز ويطببه جوه وابنج ساكت هيه هيج الاصول ابنج حتى غيره ماعنده .
ام بسام: ام صالح على بختج الجهال مافكرتو بيهم
ام صالح : بالعكس اصلن اخوج علمودهم قبل تطلك علمود اجيبهم يمها .
ام بسام : مو تعرفين بسام مينطيهم .
:- بالقانون ينطيهم غصب عنه شو هو حتى ما
سائل عنهم شوفت عينج هذوله الصغار حتى حليب وحفاضات على صالح عرفتو شمحتاجه شرايده .
:- والله محد كال الها ابقي هنا بنتج كاعده يمكم خلي تجي يمنه و احنه نصرف عليهم .
:- خيه دروحي مو انتِ الي جنتي ادزيها علمود ابنج يتوب روحي وعوفينه بحالنه .
:- والله اذا ماعجبكم تصرفون على امير هذيج الحاويه وشيلو وذبو بيها .
:- ياا صدك تحجين ام بسام ربي يحفظ جده وخاله مامخلي معتاز .
صار نقاشهن حاد امي وعمتي اخر شي زعلت وطلعت عمتي واجه موعد المحكمه و رحت وطلبو شهود مني تثبت بسام يشرب وطبعا ولا مرافعه حضر بيها بسام رجعت خايبه الامل وكاعده ومحتاره فاتت طيبه سلمت عليه وكالت .
طيبه : ها جمانه زعلانه مني .
:- لا خيه ليش ازعل حقج قابل احبسج علمود جهالي.
:- لا جمانه تعرفين بيه اشكد احبج واحب الجهال بس والله من وره بسام اخاف من يكعد يشرب يضربني .
:- اي خيه حقج .
:- المهم شسويتي بالمرافعه .
:- والله طلبو اشهود مني وماعندي شهود .
:- اني راح اروح وياج اشهد عليه بس امانه لتكولين الامي .
:- ياا صدك طيبه ؟
:- اي والله العظيم .
:- فدوه الكلبج طيبه صدكي همي اخذ نور وطارق منه والله اخاف عليهم منه .
:- اي واني هم اخاف عليهم لان راح يدمرهم اخويه شو اليوم ماكو الجهال بس الصبح شفتهم .
:- ياا مو سوده عليه صخر نور وتخرت عليه وضربها بجمجه بخشمها وخلاها فاحطه المكروده وتلوب من الوجع باجر اخذها للدكتور اشوفها .
:- يااا يمه سوده عليه بنيتي ليش هيج اخوج ضالم وميخاف الله .
صرت احجي بحركه على بسام طيبه تهديني شويه و راحت طيبه واني ماسكتت احس كلبي معصور عصر على نور وكل شويه اطلع اكول بلكي يدزوهم واشوفهم
صارت روحي بالباب كلساع اطلع اشوف طلعت باوعت بابهم مسدود كلت هسه اكيد طيبه ماخذه نور للدكتور بقيت واكفه رجلي راحت من الانتضار اخر شي فاتت نور وطارق وطيبه بس وصلو يمي اجتي نور حضنتني وكامت تبجي بوستها هيه و طارق وكلت الطيبه .
:- ها طيبه شكلج الدكتور عليج .
طيبه : كالت عدها نحراف بخشمها بسبب الضربه وهذا العلاج الكتبو الها .
احس روحي اريد شي اشفي غليلي بي كلتلها.
:- يمه دربالج من يصخرج اصخريله وستعجلي عليه علمود ليضربج والله كريم الله يفرجها علينه طيبه باجر الموعد بعدج عله حجايتج تروحين ويايه .
طيبه : ايي اروح وياج اشلون لعد .
جمانه: يي عفيه بعد اخيتج انتضرج الصبح بـ9
نروح .
:- أن شاء الله
ثاني يوم جتي طيبه عليه ورحنه اني وياها للمحكمه وكعدنه وقدمت طيبه شهادة وتفاجاء القاضي من شاف جنسيه طيبه لان اخته وسالها
على شهادتها ليش وهيه اخته كالت .
طيبه : والله ستاذ هيه زوجه خويه بس الي كالته كله صح واني اريدها تطلك منه علمود تاخذ جهالها منه لان حيل ضالم جهاله اقلها اامن يم امهم وهيه هم تستاهل ترتاح منه لان طيبه وخلوقه ويانه وما عدها اذيه على احد .
سمعها القاضي وامر بعد موعد مرافعه ورجعنه اشكد فرحت من كلام طيبه ويايه صار عندي امل انجمع اني وجهالي ابيت واحد .
طيبه : جمانه بس تحلفين امي متعرف بجيتي وياج ابد تدرين اذا عرفت شسوي .
جمانه : لا ماكول طيبه والله العضيم .
طيبه : ابد عفيه وحتى عمتي وصيها لتروح تكول الامي وشيخلصني منها لو تروح تكول البسام والله من الصبح يكتلني ولا يرفله جفن .
ضحكت عليها وكلتلها
:- لا ما اكول والله بس اشعجب اجيتي ويايه وشهدتي ضد اخوج .
:- لان انتِ تستاهلين كل خير والله جمانه خلوقه وحنينه ومانسه من اجاج مره صالح وكلج امشي ويايه واني كتلج اخاف لتعوفيني يمه وحدي ماعفتيني وبقيتي ويايه وحملتي من اخويه الي مينحمل ابد بس شبدينه عليج امي جانت تصور بسام من تزوجه يعقل ويتوب .
جمانه : تشكرت منها رجعت كالت .
:- وصراحه اني هم كلبي يعصرني على نور وطارق يبجون عليج وهو ميخليهم يجون ومبهذلهم ويا اقلها انتِ هسه تكدرين تطلكين وتاخذين حضانتهم يمج واسوين راتب مطلقات وتصرفين على جهالج ومحد اله دخل بيج بعد .
:- والله يا طيبه ما انسه وكفتج وياي ابد
ردت عليه و كالت
:- سمعت خالي مشتري المشتمل الي بصفكم الج تكعدين بي انتِ وجهالج .
:- اي صح كال بس خلي اكمل واطلك وروح اكعد بي.
:- ان شاءلله ربي يوفقج انتِ وجهالج تستاهلين كل خير هم تعبناج احنه هواي واولهم اني هم بريني الذمه .
:- لا يمعوده انتِ بت خالي ومثل اختي لتحجين هيج فضلج اليوم ماينسي ابد .
:- يله خلي اروح هسه الكا كاعد يشرب راح اروح وكللهم جنت بالسوك .
جاي تطلع وصحت عليها .
:- اكلج طيبه فدوه اريد شغله منج عندي تبليغ لازم اوصله للمركز تجين ويايه استحي اطب للمركز وحدي .
:- اي ادللي دزي عليه واجيج .
:- أن شاء الله.
راحت طيبه و طبيت البيت اهلي واني الفرحه ماسعتني تلكتني كواكب .
كواكب : ها بشري .
:- كملنه حتى القاضي اتفاجئ من تصرف طيبه من شهدت.
كواكب : لا حبيبتي هنا القاضي اتاكد انتِ صادقه وكلامج كله صحيح .
:- والله مادري كواكب الله كريم اموري بعده نايم
:- اي كعد رضعته ورجع ونام .
:- تسلمين كواكب تعبتج ويايه .
:- لايمعوده شمسويه قابل .
اجت امي شافتني كالت .
ام صالح: اكلج جمانه دكي على ايهم وكليله بسالفت طلاقج وهم بلكي هو يودي التبليغ الج للمركز .
جمانه: والله مادري يمه هسه ادك عليه واشوف .
وفعلا طبيت طلعت رقمه واتصلت بيه رن شويه ورد حجيتله كل المشكله من بدايتها وهو يسمع سديته منه وامي كالت .
ام صالح: ها خابرتي ايهم .
:- اي يمه كتله وكال اني امر العصر عليكم وافتهم منج .
:- ها خوش ان شاءلله خير .
كاعدين العصر واجه ايهم سلم وكعد شويه وكال
أيهم : عمه شنو هل خبر جمانه انتِ مقتنعه بالطلاق.
جمانه : ليش عندك غير حل ويا اخوك كلهن سويتهن وماتغير وصلنه للنهايه بعد واني كل هدفي جهالي ايهم الله يخليك اريد نور وطارق وهو ميقبل ينطيهم اليه .
أيهم : اي اعرف اني بس مو توصليها الطلاق يعني اخر حل عندج هذا .
جمانه : شحجي ويا هذا ليش ميحسون بسام مريض ومينعاش ويا كتله .
:- ايهم اني اكلك علمود جهالي ليش متحسون بمعانات جهالي والي ديسوي اخوك بيهم مو ضلم اني طلعت بالدنيا بيهم وتحملت كل ضيمه الخاطرهم .
أيهم : اي حقج يا بت الناس مالومج اني ابد بس
انتو نفس المكان نازلين وعبالج اذا طلقتي منه راح ترتاحين لا والله ابد مدام باب مقابل باب اله بحاله وحده اذا رجعو البيتهم القديم ترتاحين .
جمانه : ومنو يرجعهم البيتهم القديم كلي انت تعرف اخوك قبل ليشيلون طابين عليه جها امنيه اموتي كتل 3 شباب ملثمين موتي من الضرب وطالعين وكايليله ممنوع تبيع شرب بيتك تعرف لحد هسه معارف منو همه الي ضربو بسام مشوفهم استعجلو باليشله واجوي هنا بعد ميرجع لهناك لو يموت اهنا اامن اله ويبيع براحته و محد يدري بي
باوعلي بحيرة وذب حسره وهز رأسه باسف كتله .
:- الله يخليك بس اريد منك تودي الورقه للمركز واذا متكدر عوفها .
أيهم : اني اوديها كافي جمانه انفتحتي بالبجي
شنو انتو النسوان عدكم شلال ميخلص .
هو يحجي واني دموعي تصب رجع كال .
:- كافي يااختي الي يريحج سوي واني راح اروح هسه عليه واحجي ويا واكله بعد الكم مرافعتين بس
وراها تنفصلون .
ام صالح : اي عفيه عمه كله انت وفهمه .
أيهم : اي عمه رايح شويه واردلكم خبر .
راح أيهم و احنه كاعدين ننتضر مرت اكثر من ساعه صار المغرب ياله اجه ايهم كال .
:- هذا هو ام نور سوي الي تردي وتشوفي صح سوي محد يلومج واني اولهم وياج .
:- ها عمه شفته .
:- أي والله خلصان من المرض والسكر وكاتل نفسه بالشرب .
:- شفته اشلون صاير ضيع شبابه والله العظيم هل ولد وضيع نفسه .
:- مادري شكول عمه الله يهدي ياله عيني مع
السلامه .
:- الله وياك وليدي .
جاي يطلع وامي صاحت ورا .
:- بس كلي فدوه عمه شكال هوه .
أيهم : عمه اخويه عادي عنده كل شي بحياته خليني ساكت احسن .
طلع ايهم ضايج كلت الامي .
جمانه : اكيد تلكي كعد يغلط ويسب بيه ويكله عادي خلي تطلك مشوفي اشلون ضايج اني حافضه سوالف بسام كلهن .
ثاني يوم العصر كاعدين بالطرمه وندكت الباب طلع بسام سلم وكعد واني تفاجات من جيته كعد يسال امي على معامله الطلاك صاح عليه بدون خجل وعنده شغله عاديه كال .
بسام : جمانه وينج تعالي .
جمانه : ياربي ماريد اروح عليه نعصر كلبي منه
بس مجبوره اروح اشوف شيريد .
:- ها بسام كول شتريد .
بسام : شنو جمانه سمعت رافعه دعوه طلاك وتردين تطلكين مني ليش هسه سمعت اني .
جمانه : صار شهر الدعوه رافعتها وجاك كم تبليغ يمكن صار 3تبليغ هسه اذكرت .
:- لا والله بس مامصدك هيج تسوين وترحين للمحكمه وترفعين دعوه عليه .
:- ليش اني كم مره كتلك اذا ماتغيرت ارفع دعوه والي خلاني ارفع هل دعوه نور وطارق الي حارمني منهم ومحاربني بيهم .
:- ليش جمانه مو يمج همه وين رايحين .
:- وين يمي بسام كل نهاري بالباب انتضر طلعتهم اني جنت ابنيه والباب ماطلع منه لحد يوم عرسي من عزمت فرح النسوان يكللها انتو منيلكم ابنيه ومحد عرفني وهسه وره مازوجتك وصار عمري 25سنه سكنت الباب علمود اشوف جهالي الي حارمني منهم .
احجي وكلبي محروك وهو يباوعلي بكل برود كتله .
:- شوف بسام لهنا وخلصت حياتنه يا ابن خالي اني اطلك واربي جهالي وانت شوف حياتك .
بسام : انتِ صدك تحجين اني اطلكج جمانه ابد ماطلكج انتِ ام اطفال وعشره عمر .
جمانه : بسام يا عشره الي تحجي عليها انت خليت عشره .
اباوع عليه صافن بوجهي واني ابجي ومحترك كلبي
ولاول مره نزلن دموعه ودنك بالكاع امي هم بجت على بجيته وكالتله.
ام صالح: ليش تبجي عمه انت هيج ردت واختاريت .
بسام : اي عمه صح شتحجون حقكم والله بس جمانه عزيزه حيل عليه بس والله مو بيدي الشرب دمرني .
جمانه : الشرب بسام لو انت دمرت نفسك بعدك شاب بعز شبابك كله عمرك 26 سنه ليش هيج تسوي بينه ليش ماحتويتنه ولميتنه وكعدت ماطلبت منك اي شي بس نعيش براحه حتى شرب تشرب يوميه وسكتتت بس شوف روحك وين وصلتنه .
بسام : زين خالي اشلون قبل تطلك جمانه عمه وانتِ
هم ليش قبلتي بقرارها .
ام صالح : شسوي اشوف بنتي ضايعه واحنه قبلك ضلمناها من انطيناها الك .
نقهر من كلام امي وكال .
:- يله عمه مع السلامه .
راح بسام وكعدت ابجي مادري ليش كسر كلبي رغم كلشي سووا بيه بس مااعرف الومه الوم عمتي الي دللته وماعرفت تربي
ماكول غير الله يسامحك بسام وره يومين اجتي
نور تركض وجها اصفر كالت .
:- يمه ابويه اتخربط ومدري شبي .
لبست عبايتي وركضت ولحكني صالح وكواكب
لكينا جايته نوبه الصرع وجسمه كله متشنج
كعدنه يمه اشويه وصحه على نفسه واني
ابجي على حالته صحه شافني كال .
بسام : ها جمانه انتِ هنا ليش تبجين اني مابيه
شي لتخافين .
عفته وطلعت البيتنه بدون ولا كلمه وره اسبوع
هم اجتي عمتي بنص الليل كالت .
:- لحكوو بسام تخربط .
دكيت على صالح واجه بسيارته واخذه ويا عمتي للمستشفى ورجع ضايج صالح كال .
صالح : ليش دكيتي عليه جمانه بس كليلي تكدر امه تاخذ وتروح اني شنو بي وشعلينه بي مخزينه كدام
العالم سمعته طشت بالمنطقة .
جمانه : مادري والله صالح من شفته متخربط وعمتي وطيبه يبجون مادري انكسر كلبي عليهم .
:- وانتِ شعندج رايحه عليهم بس كليلي انتِ مو زعلانه مو رافعه قضيه طلاك شكو تروحين عليهم جمانه فهمينييييي .
هو يحجي واني ماعندي غير البجي جوابي صار عصبي وكال .
صالح : بعد متروحين تره ذاك اليوم هم سمعت بيج رايحه وجايبتله علاج اسمعي كلام وكعدي جمانه .
جمانه : ميخالف صالح بس مهما يكون بسام ابو جهالي وماكدر اشوفه هيج وشوف جهالي يبجون عليه وما اسوي شي .
صالح : لج بابا ميصير تروحين فهمتي ودير بالج دكين عليه بعد علموده والله خجلت من وديته للمستشفى الدكتور يكول بابا هذا شارب هواي وشارب حبوب كبسله ولج متت بدمي من سمعت كلام الدكتور .
مرت الايام
وبسام كام يجي كل يوم العصر يم امي يكعد بالطرمه من يشوف ابويه وصالح يطلعون يجي
يكعد قبل المغرب يروح واني ابقه جوه ماطلع ابد يحجون هو وامي سوالف عاديه ويدز على امير يكعده بحضنه يلعبه ويروح بقه هيج بلـ اسبوعين يجي علينه مستمر واني رحت للمحكمه وترافعت
هم وحدي لان هو ميجي وكال القاضي هاي
اخر جلسه يوم الاحد يصادف يوم /26/ 4/
/ 2013تجين انتِ واذا ماحضر يتم طلاقج غيابي خلع ورجعت فرحانه لان تعبت من روحه والجيه هم راح يجي
يوم وارتاح وجيب نور وطارق يمي يعيشون ياربي رحمتك بس ماصدك والله
ومرت الايام
واجه العصر بسام كل عاده سلم على امي بس جان شكله تعبان حيل وكال الامي .
بسام : عمه هاي جارتنه جابت مسواك الامي وامي
فرحت بي .
:- منيه عمه جارتكم وليش جابت مسواك الكم .
:- ام علي جارتنه اشبيج .
:- ها والله مادري عمه اني .
سكت وماحجه بعد اخر شي كال .
:- ها راح اروح وكف باوع على امير وضحكله وكله
بسام : ها ولك اموري ...
بتسم الامير وكال .
:- عمه راح اروح شوفي امير اشلون يباوع عليه .
:- اي صح يباوع عليك .
:- يله رايح اني باي اموري حبيبي ديري بالج عليه عمه .
طلع بسام وره المغرب فاتت طيبه سلمت جانت بالصيدليه جايبه شرايح لجهاز السكر مالت بسام وامي حجتلها وكالت الها .
ام صالح : صدك ام علي جارتنه جايبه مسواك الكم وامج مكيفه بي بسام حجه .
طيبه : لا عمه وين اكو هيج شي لا والله العظيم هذا ابن اخوج مطوخ ويسولف بكيفه من البارحه المغرب شرب وطلع وماجه غير بل 2بالليل بالكوه يمشي وكع بالحمام على بوري الماي ونجرح بكصته ونام.
ام صالح : لعد شبي اخوج هيج يحجي .
طيبه : مادري والله اليوم العصر كعد مو طبيعي ابد وحيل تعبان يكول يمكن صديقي خالي حبوب زياده ويا الشرب ومادري شو اليوم كلامه مخربط وهوه ماشارب اليوم مادري شبي .
راحت طيبه لبيتهم وبالليل بل 3بالليل دكت عمتي تبجي كالت
بسام كاعد يحجي ويا نفسه و يسلم على ناس ويرحب بيهم ويسوي حركات ومخابره رحو
كواكب وصالح عليه وبالكوه منومي بفراشه
اني هم نيمت امير وتريكت اخذت مليكه ورحت عليهم لكيت بس طيبه ونور بالبيت وعمتي رايحه ويا بسام للمستشفى بقيت ارتب البيت الهم للضهر اجه طب هوه وعمتي ونام بفراشه بس وجها حيل تعبان شويه و طبت امي و كالت .
:- اشبي بسام اليوم والله .
ام بسام: خيه هسه طبينه جنه بالمستشفى وضربو ابره ورجعنه .
ام صالح: اي شكالو عليه .
ام بسام: مادري يكولون ودي لدكتوره احسن .
جمانه : اي عمه ودي لدكتوره خطيه .
ام بسام: اي جمانه اشلون اودي وحدي محد يروح ويا من وره سوالفه .
جمانه : اني عمه اروح وياج ونودي قابل نعوفه خطيه منعوفه .
ام صالح : يا جمانه ومنو يكول ابوج يقبل ترحين .
جمانه : لا يمه عفيه لازم اروح ويا ماعوفه خطيه متشوفين حاله .
ام صالح : بكيفج يمه .
:- أي هسه احضر واروح .
ام صالح: اكلك عمه اشبيك شنو يوجعك انت .
بسام : ها عمه مابيه شي بس جسمي احسه نحلان سمعت تردون شيلون من بيتكم صدك .
ام صالح: لا عمه منين سمعت لا وين اروح صار عمر بهل بيت .
بسام : ها مادري والله سمعت .
ام صالح: اكلك انت اشبيك زين تعرف هاي منو الي توكلك .
بسام : اي اشلون ماعرفها هاي هاي ام امير جمانه
ام صالح: ها وشمعنه ام امير مو ام طارق .
بسام : نفس الشي اثنينهم ولدي .
امي صارت تسأل بس حسيت بسام راح يفقد الذاكره من كثر اساله امي
سكت وصرت اوكله صمون ولبن باوع عليه وصفن
بحيرة وندم جر حسره وكال.
بسام : كافي جمانه ماريد شبعت اريد انام تعبان .
جريته من اكتوفه ونيمته وكتله .
:- لحيتك عاليه زين قبل لا تروح لدكتور .
:- لا مابيه حيل .
:- اني ازينها الك
رحت جبت مكينه حلاقه جاهزه وزينت لحيته وغسلت وجها وهو بس يباوع عليه ميحجي من كملت تمدد اخذت المقراضه كلت عيب طوال اضافره قرضتهن اله وغسلت رجله واخذت من عمتي لبسته الاتراك مالته كملت وكتله .
:- راح اروح اني ، كالت عمتي .
ام بسام : تسلمين بنيتي تعبناج .
جمانه : لا عمه ماسويت شي هذا أبو طارق راح ابدل الامير لان اخذه ويايه لدكتور .
:- مو ينمرد الطفل وياج .
:- لعد وين اودي عمه ميصبر بدوني .
:- يله روحي واني راح اكعده اغدي بلكي ياكل لكمه .
:- ان شاءلله يله يمه ترحين .
ام صالح : اي يمه جايه وراج .
جلب بيه طارق يريد يجي كوه قنعته ميجي
رحت لكيت كواكب تصلي كملت وكالت .
كواكب : ها خيه اشلونه بسام ولو اني شفته منتهي
المسكين .
جمانه : والله تعبان كواكب راح اروح ويا لدكتور .
كواكب : خاف ميقبلون جمانه .
جمانه : لا ليش ميقبلون لعد عمتي مدبرها وحدها لازم اروح وياها خطيه .
:- بكيفج خيه .
:- راح ابدل الامير .
تغديت ولبست عباتي واخذت مبايله هوه لان جان بي رصيد اخاف احتاج شي هناك ونتصل على احد
لكيت طيبه مخابره على زوج شهد اختي يسوق سيارت بسام اجه زوج شهد اسلم عليه وكله
:- يله نتوكل
هوه مارد. السلام. ابد بس من كام مشيته مامسيطر عليها بالكوه يمشي طب للحمام راد يكوده زوج شهد دفعه من ايده وكله .
:- لا اني اطب ماريد احد يطب ويايه .
شويه وطلع وركبنه بالسياره وكام طارق يبجي ورانه وبلكوه سكتته طيبه رحنه براس الشارع واجه ابويه بسياره صالح نزل ابويه سلم وكال .
أبو صالح: ها وين رايحين .
حجتله عمتي وكلتله عليه كال .
:- روحي يابه براحتج .
ام بسام : تسلم خويه متقصر .
أبو صالح : اخ يا بسام يا خالي سويت بروحك روحي الله وياكم بنتي .
رحنه وطول الطريق بسام نايم بس اني ويا ليوره
كاعدين عمتي كاعده بالصدر شويه وحسيته جاب راسه وخلا على جتفي ونام ماعرف شلون طلعت مني و كتله بكلبي محالل وماهوب دنيا واخره على السويته بيه الله يسامحك ويشفيك تبقه ابن خالي وابو جهالي وصدك بجيت عليه وعلى وضعه هذا بسام من زوجته طول والصدر شعرضه ومحد يكدر يحجي ويا وماخذ الدنيا بحيل صدر
وصلنه للدكتور كالو شايل من مكانه اخذنه عنوانه الجديد وطلعنه بالطريق عطلت السياره اشكد حاول زوج شهد يشغلها ماشتغلت ابد اخر شي عمتي كالت
ام بسام: يمه عوفها هنا واني اوكف يم السياره
واخذ بسام انت وجمانه بتكسي و روحو لدكتور.
:- شلون اعوفج خاله .
:- ماعليه شي بعد خالتك بس روحو .
جمانه : خليت امير يم عمتي ورحنه سندته ويا ماكدرت اله رغم هو ضعيف ، نزل ابو التكسي كله اساعدك مقبل شاله بحضنه زوج شهد بس بسام جان مغمض ميريد ينزل لازم باب سيارته ويجر بيها بالكوه سحبت اديه ورحنه لدكتور جان مسافه مو بعيد حيل وصلنه نريده ينزل هم ماقبل ينزل اخر شي جره حيل من ايده محمد زوج شهد وشاله
مثل الطفل وراح صعد درج اباوع عليه خطيه انكطع نفسه وصلنه لكينه ازدحام يم الدكتور بس كعده محمد على الكرسي وكع كبل جسمه ماثبت على الكرسي الكل انقهر على حالته وكالو دخلو دخلنا
اذكرت عمتي مانطتني افلوس الفحص متت من الخجل كوه كلت الزوج شهد
:- عفيه محمد نسيت اخذ الفلوس من عمتي عندك تدفع انت .
:- لا والله ام نور ما شايل وياي .
واني احجي سمعتني مره جبيره بالعمر وجها نوراني
" كالت تعالي خاله هاج كصي الوصل .
" لا خاله تسلمين بس والله انخبصنه بوضعه ونسيت الفلوس يم عمتي .
" لا ماما اخذي ميخالف مثل ابني هاج لتستحين .
اخذت منها مجبوره على وضع بسام وتمنيت تنشك الكاع وتبلعني على فشلتي كوه نطقت وكلتلها.
:- تسلمين خاله هسه تجي عمتي وانطيج .
:- روحي ماما تقاطعت الدنيا قابل .
طبينه خله للدكتور عاف عليه هواي اجهزه على راسه وصدره ورجلي واني اباوع عليه ومكسور كلبي عليه حاول يصحي ماكعد ابد اخر شي ضربه كف على وجه كل قوته حتى اني كمزت من الضربه كتله
:- بدموع ليش هيج ضربته خطيه .
:- اختي اسكتي لازم اصحي هذا ميستجاب على الاجهزه دماغه واكف لازم احاول اشغل دماغه حتى افحصه بس ماكو فايده ميشتغل .
وكفت امسح دموعي وهو يحاول ويا كتله .
:- هاا دكتور يعني شنو ميستغل اشبي .
:- انتِ منو وياج .
:- هاا بس اني و زوج اختي راح يجيب عمتي امه تصير عفناها لان عطلت السياره .
:- زين عوفي نايم هنا وروحي لدكتور الاستشاري هو يفهمج .
اباوع عليه طلع كدامي يحجي ويا دكتور كلام اجنبي مافهمت عليهم شي كال .
:- بابا هذا ميشتغل دماغه واكف انتو ليش هيج عايفي .
:- والله دكتور ماعايفي بس اليوم هيج صار .
:- بنتي اشلون ماشفتو حجيه صار بي اختلاف .
:- اي صح دكتور البارحه حجه حجي ماله وجود مخربط واليوم هم .
:- بنتي هاي جلطه دماغيه ضاربته قويه حيل وكفت دماغيه اني عرفته هذا مو بسام مراجعني علمود الصرع .
جمانه : أي صح هوه .
الدكتور : بس كطع من 3سنوات ماراجعني بعد واكيد مابطل شرب لان كتله اذا متبطل لتجي بعد .
اباوع الدكتور يحجي ويكتب كمل وكال .
:- هاج هذا الورقه اخذي المستشفى الكاضميه يدخلو هسه ينيمو عدهم عدهم انعاش لان حالته خطره
رجعلي الكشفيه وطلعت انطيتها للمره جه محمد وعمتي كالت .
ام بسام: ها شكال .
:- انطاني ورقه دخول مستشفى لان تعبان ومحتاج انعاش .
راح محمد جاب كرسي ونزل بي بالمصعد هو
وعمتي اني اخاف من المصعد رحت انزل الدرج رحت نزلت لكيتهم صاعدين تكسي .
:- ها جمانه تاخرتي .
:- ها عمه أي من الدرج .
ام بسام : اشكال الدكتور بشري .
جمانه : يكول جلطه مضروب بالدماغ .
:- يمه وليدي يمه وحيدي.
صارت تبجي عمتي ومنو الي يسكته باوع عليه ابو التكسي كال
:- حجيه اني اكول هذا ابنج يمكن مشرب امشي وديكم السيد اذا مسكي هسه يكوم .
ام بسام : ياا يمه صدك تحجي معقوله ها يمه محمد انودي .
محمد : والله خاله اني ماثق بهيج شغلات بكيفج انتِ اذا يريحج سوي براحتج .
ام بسام : اي يمه ودينه اذا تندله .
جمانه : محمد وين خليت السياره .
:- خليته بالكراج .
:- اي زين اسوي .
وكف السايق يم باب طلع شاب ساله على السيد موجود كله .
كل سبت يروح يزور كربلاء ماموجود اذا تريد
تعال باجر .
رجعنه وطلعنه بوجهنه للمستشفى ودخلنه شافو الدكاتره تعجبو عليه وكالو معقوله هيج حالته واصله وعايفي هيج .
دخلو بسرعه وخلو على راسه وصدره اجهزه وخلو على الوكسجين الصناعي واني وعمتي ومحمد واحد يباوع بوجه الثاني وساكتين ودموعي ودموع عمتي مانشفن ابد اخر شي تخربطت عمتي وكامت تتقياء فحصه الدكتور وكال .
:- يابه سكره صاعد وكلوه هسه اي شي وضربوه ابره سكر .
خطيه محمد كال راح اروح اجيب لفات العمتج والج
مقبلت بس هو اصر كاعده اني وعمتي والردهه بيه 3مرضه الي بصفنه والي مقابينه واني اباوع على
بسام اشلون بس النفس يصعد وينزل عمتي خطيه كامت تتقياء وضعها تازم من شافت بسام
كلتله .
:- عمه روحي غسلي وطلعي بره بالباب تنفسي
غير هوه المستشفى .
:- اي عمه رايحه لان حيل ختنكت وكلبي معصور .
راحت خطيه بالكوه تمشي ومستنده على الحايط واني حضنت امير وخايفه وارجف من منضر بسام عيونه طبن بنكره الي جوه وجها شحب حيل واحس حتى نفس ماكو بصدره شويه و اجه الدكتور شافه
و كال
.
