رواية الحب المفاجئ الفصل التاسع عشر بقلم امل بكر
-يابني البت مش بتصحي اشيلها انا
-طب اتلم حاسب من قدامي اما اشيلها
-انجز هروح افتحلك باب العربيه
-ده الي فالح فيه
-خلاص اشيلها انا
"يزن شالها علي ضهره راسها تحت وايديها عماله تتطوح وكأنه خطفها مش اخته ابداً ".
حطها في الكرسي الي ورا وسُليمان ساق ويزن قعد جمبه بيتنفس بسرعه
-اي ياعم بتموت ولا اي
-البت دي تقيله اوي
بهزار قال،
-بجد بجرب واحنا طالعين بقي
-ماتحترم نفسك بقي
-ياعم بهزر بقي
وصلو تحت البيت ويزن عمال يصحي في أبرار ولكنها نايمه خالص قرب منها وقبل لما يشيلها اخد نفس واحد بيجاهد في الحرب
-يارب يلا بسم الله
طالعها ودخل حاطها علي سريرها كان بيحاول يشد جاكت سُليمان علشان يدهولو ولكنها اتكلمت بضيق
-يووة بقي عايزة انام
-هاتي الجاكت مش بتاعنا !!
مردتش عليه لانها دخلت في نوم عميق وهو اتنهد باستسلام وغطها ورفع رجلها علي السرير كويس وطفي النوم وقفل الباب عليها
افتكر حاجه طلع من باب الشارع وهو بينزل بيقف عند بيت عمه ورن علي سُليمان يطلعله
سُليمان فتح الباب باستغراب ،
-في اي ؟!
-هاتلي رقم همس
-نعم يااخويا مقومني من علي السرير علشان رقم !!
-يعني قومتك من علي العرش !! انجز بقي هاته
-مفيش ارقام بكره بقي
كان هيقفل الباب ولكن يزن منعه بسرعه ،
-ياعم والله مايحصل مش هنام غير لما اخد الرقم
-ياسلام لي هتتأمله وانت نايم وبعدين انت مالك باختي
يزن رد عليه وهو مبتسم وكانه كسب الدوري ،
-خطيبتي وحبيبتي وو
-اي اي ماتظبط هتعبـ.ط بقي
-انت اي الي مضايقك وهتبقي مراتي كمان هااا
بغيظ منه وغيره علي اخته ،
-طب ابعد بقي خلينا ننام
-الرقم الاول
"سُليمان بصله بقرف وبعتهولو علي الواتس "
يزن وهو بيرفع حواجبه بمناكشه ،
-اما اروح اكلمها
-ولاااا ولاااا مفيش مكالمات بعد الساعه اتناشر
يزن ولا رد عليه ضحك عليه وطلع وهو بيسجل اسمها وبعدين غير هدومه
<<<<<<<<<<<<<<<<<<<<<<<<<<<<<<
تاني يوم فتحت عنيا وانا بستوعب بصيت علي نفسي لقتني لسه بهدومي فضلت افتكر امبارح والقسم بس مفتكرتش غير سُليمان وهو بيحاول يخليني صاحيه ووو بس كده
اي ده !!! ده الجاكت بتاعه الي اصر البسه قلعته داهمتني ريحه البرفيرم الي موجود فيه بعده عني بسرعه وانا بتنهد وباخد نفسي غيرت هدومي ودخلت اخد شاور ودخلت الاوضه من تاني
بصيت علي الچاكت الي علي السرير لقتني تلقائي ببتسم بصيت في المرايا وانا بسرح شعري اي ده هو انا بضحك لي !!!
روحت لاوضه يزن لقيته صاحي وماسك الموبايل
-اي ده !!! انت مش رايح الشغل ؟!
رد علي وبيكتب حاجه في الفون ،
-هروح خمسه بس
رفعت حاجبي وانا بقرب منه وببص في الموبايل الي بعده ،
-اي ده بتكلم همس ؟!
-وانت مالك ياحشريه
-لا والله؟!!! دلوقتي بقيت حشريه ماشي يايزن كلامك اتحط في دماغي خلاص انا هوريك
-روحي نايم
بتهديد ،
-واتقفل عليه كمان بالترباس
بسخريه وهو مازال بيتكلم ،
-متنسيش تقفلي عليه كويس
-رخمتك دي ولا جايبه منين
قفل الموبايل ووقف قدام الدولاب ،
-تعرفي لو فاضيلك مكنتش سيبتك حظك بقي
-اه صح هو انا نمت علي السرير ازاي وانا الي فاكرا كنا في القسم
-شيلتك ياختي اي بتاكلي اكل البيت كلو !!
-بس ياحبيبي ده انا سمباتيك
-كذب
-وطالما تعبت وشيلتني مش عارف تفكلي الطرحه ياشيخ كان ممكن اموت
بصلي وهو بيبص عليا من فوق لتحت ،
-مموتيش يعني زي القرده ماشاء الله
بسخريه علي كلامه ،
-واي لازمتها ماشاء الله !!!
مسكني من دراعي وهو بيطلعني بره الاوضه ،
-بره عايز البس
روحت فطرت وبابا كان نزل الشغل قعد جمب ماما الي بتقرء في كتاب علم النفس اصل ماما بتموت فيه ومثقفه جداً كمان
-ماميتي بقولك اي
رفعت عينها من الكتاب ،
-خير ؟!
ابتسمت وانا بحمس نفسي بنفسي ،
-كل خير بما إن كام يوم واخلص امتحاناتي فا عايزه اشتغل
بصت في الكتاب من تاني بمعني ان كلامي مرفوض ،
-ولا ابوكي ولا اخوكي هيرضو انتي عارفه
-وانتي متعرفيش هشتغل اي ؟!
-اي رقاصه ؟!!
بهيام سند ايدي علي ضهر الركنه ،
-اه والله ده انا حتي شاطره فيها
-طب اتلمي بدل اخوكي ولا ابوكي يسمعو
يزن اجي من ورانا بعد لمًا لبس ،
-بتقول اي ياماما البت دي مصره تتعجن
ماما ضحكت ،
-لا مفيش ماشاء الله عليك احلويت شوف وشك منور ازاي
"يزن وقف قدامها ونزل لمستواها وباس ايديها "
قولت بسخريه ،
-هو عمل عمره ولا اي ؟!!
ماما وهي بتبوسه من خده هو في اي ياجماعه اي المحن ده!!!!!!!
-لا علشان خطب طب والله احلو مش كده ياأبرار ؟!!!
نفيت براسي بسرعه،
-محصلش
يزن ،
-سيبك منها ياماما علشان مش من عيلتنا فاهتلاقيها حقوده
-اه اه علشان بقول الحقيقه
يزن بصلي بقرف ،
-يلا ياماما انا ماشي محتاجه حاجه
-اه هات لب وانت جاي
-هات لب ابيض كمان
-لا ماما مش بتحبه
-كل مره بتأكدلي انك رخم والله
شاورلي بايديه وهو بيقفل الباب وراه،
-حسابك بيتقل خدي بالك
خرج وانا بصيت علي ماما من تاني ،
-المهم ندخل في موضوعنا من تاني انا عايزة اشتغل مع بابا ويزن في الشركه
-مش هيرضو وبعدين الشركه كلها رجاله ازاي يعني هيوافقو
-ياماما بالله عليكي اقنعي بابا واول لما تفتحي الموضوع شاورليلي بس وانا هدخل معاكي وازن عليه
-لاء ماهو من ناحيه الزن فانتي ماشاء الله عليكي هتوجعي دماغ جوزي اقعدي واطبخي انفعينا بحاجه
-ماشي حاضر بساعدك
بنرفزه مني قالت،
-انتي بتعملي حاجه انتي ولا بستفاد منك بجنيه
-الله يسترك ياماما بكلمي بابا هاا
-معرفش بشوف
-ياماما بقي !! ولما بتعصب تقولو البت قلد الادب
-كمان يامحترمه كمان قلي ادبك
بصتلها بدهشه،
-الكلام المعتاد هيبدء
-اتكلمي اتكلمي علشان مش هقول لابوكي حاجه خليكي كده
-اه ماهو لو كان يزن ولاسيف كنت دلوقتي بتبوسي فيهم
-لا ياحبيبتي بعملكم كلكم زي بعض
-اه فعلاً ماهو واضح اول امبارح شوفتك وانتي داخله علي سيف بكوبايه عصير فريش وانا جيبالي العصير البايت
-ماشاء الله عليكي متابعه مشوفتيش الساعه كام ؟؟!
قولت وانا بقوم من قدامها ،
-علشان تعرفي بس العنصريه انا عيالي هدايهم كلهم عصير في نفسي الوقت هااا
ضحكت عليا بغلب ،
-مخلفه بنت هبله والله
قولت قبل ماادخلي اوضي ،
-وفريش كمااان
بعد ساعتين طلعت فوق السطح بملل وافتكرت تغير شيرين معايا وطريقتها المختلفه للاحسن تماماً بصيت علي الفون جمبي علشان اكلمها ونتقابل بس ملقتهوش وشكلي نسيته تحت قومت علشان انزل لقيت همس الي طالعه
-اي يابنتي طالعه وسايبه موبايلك قلقانين عليكي
ضحكت ،-
-همس انا هنا اي الاوفر ده
-بقالي ساعه برن عليكي وطلعنا امك قالتلي فوق
-عايزة اي
-لا مفيش سُليمان عايز جاكت البدله علشان يرجعها
بغباء ،
-يرجعها !!!
-ايوة كان مأجرها يعني
-اه اه طب تعالي ننزل اجبهولك
مسكتني من ايد وهي بتغمزلي بشقاوة،
-امال الجاكت ازاي وصل لعندك يابيري ياقادره
ضحكت عليها غصب عني ،
-قتلتيني ضحك.. اخوكي اصر البس الچاكت علشان روحنا القسم امبارح زي ماانتي عارفه وشكله عنده عقدة ولا اي الحكايه من اللون الاحمر بس كده وانا نمت علي نفسي واخويا الشبح شالني
سابت كل الكلام وركزت بس علي ،
-اي ده يزن شالك!!!! طب حلو يبقي هيقدر يشلني
رفعتلها حاجبي بغيظ ،
-لي ان شاء الله شايفاني كام كيلو ؟!!!!!
-خلاص ماتكونيش قفوشه بهزر
-طب انزلي ياختي
"دخلت جبتلها الچاكت من اوضي وادتهولها
ضحكت وهي بتاخذه مني "
-خليني الراجل يديكي الچاكت قادرة وربي
بصتلها بدهشه ،
-طب امشي من قدامي بدل مااموتك يازفته
ضحكت ورفعت حواجبها بمناكشه
وانا قفلت الباب في وشها
دخلت اوضي واخد بالي من موبايلي الي بيرن وكانت شيرين رديت
-بيري عامله اي
-زي الفل انتي تمام
-الحمدلله فاضيه ننزل دلوقتي
-فاضيه
-طب كويس ساعه كده وهلبس واقابلك
-ماشي لما هخلص هكلمك
-ماشي باي
"قومت طلعت ولقيت بابا اجه قولت ازق ماما عليه وبعدين هدخل في الموضوع بتاع الشغل قعد جمب بابا بعد لما اكل وكله تمام ويزن كان تحت الحمدلله علشان هو واحد شور وهيسخن بابا وهيقوله لاء "
عماله ابرق لماما الي قاعده في وشي وبابا ضهره ليا وهي ولا هنا في عالم الفرسكا
بصتلي وقالت بزهق ،
-في اي !!!! عماله تبرقي وتشاوري ماتتكلمي
خبط علي وشي من صوتها الي ماشاء الله عليه شاورلتها بايدي بمعني اتكلمي واخيراً فهمت وياريتها مافهمت
-حسن بنتك عايزة تشتغل
الله علي مساعده امي ولااروع منها بتسلمني تسليم مفيش اجمد منه والله العظيم
ببابا بصلي ،
-صح الكلام ده انتي عارفه انه مرفوض
اخد نفس علشان اجهز لنفسي لنقاش شيق،
-بابا حبيبي انا عايزة اشتغل معاك انت ويزن وو
قاطعني بدهشه،
-كمان عايزه تشتغلي في مكان كله رجاله ؟!!!
-يابابا سيبني اكمل دلوقتي انا هبقي معاكم وهنروح مع بعض يعني الموضوع تمام مش احسن برده مااروح مكان تاني ابقي معاكم واهم تكونو مطمئنين
-مينفعش ياأبرار مفيش حاجه تشتغليها
-هشتغل معاكم اي حاجه وبعدين يابابا انا هخلص كليه وهفضل قاعده عارفه انكو بتخافو عليا ومقدره والله بس برده لازم اتعامل مع الناس واجرب الشغل واتعلم مش كده ولا اي ؟!
-هتشتغلي اي يعني. !!
ابتسمت ان فيه امل يرضي ،
-ممكن حسابات اي حاجه
اتنفس بغلب مني ،
-ماشي هتشتغلي في الحسابات تحت التدريب قريب من اخوكي وابن عمك
ابتسمت بفرحه وانا مش مصدقه امه رضي ،
-بابًا بتهزر انت موافق
رفع حاجبه بتمثيل الصدمه د
-بهزر!!! ماشي
ضحكت عليه وقولت منه وانا بحضنه ،
-حبيبي يابني انت مش شبه ماما الي قفوش
مكملتش كلامي لما لقيت ماما بتبصلي ومسته اكمل ،
-اعرف يابابا ماما دي حبيبت قلبي
بابا ضحك وهو بيبصلي علي ضهري ،
-عارف ياحبيبتي طبعاً هتقوليلي
-شوفتي ياماما حتي بابا واخد باله
اتكلمت بغيره ،
-ماشي ياحبيبه ابوكي خليكي كده عمالين تحصنو وتهيضو مع بعض
ضحكنا عليها وقولت منها وانا ببؤسها من خدها ،
-ده انتي نور البيت ياحبيبتي
ابتمسمت وانا عرفت بابا اني نازله مع شيرين دخلت جهزت وبصيت علي نفسي في المرايا البصه الاخيرة وشديت شنطتي ونزلت لقيت يزن وسُليمان الي واقفين قدام العمارة
سُليمان اتكلم بعد خلص المكالمه ،
-ده مروان بيفكرني بخطوبه سيف انهارده
يزن رد ،
-عزمني برده انا نسيت خالص
-طب اطلع اجهز ونروح مع بعض
-ماشي
"كان يزن طالع وسُليمان برده بس الاتنين وقفو اما شافوني يزن اتكلم "
-راحه فين ؟!!
-راحه اقابل صحبتي
"بصيت علي سُليمان الي واقف مكانه "
-طب تعالي اوصلك
"هزيت راسي بماشي يزن قال لسُليمان هيوصلني ويروح يجهز كان لسه واقف مكانه مطلعش العماره وهو مراقبنا واحنا بنتحرك بالعربيه "
وصلني كان كافيه وسط البلد هادي قبل لما انزل قال،
-متتتأخريش لما تخلصي كلميني
-طيب حاضر
نزلت ولقيت شيرين موجوده ومستنياني قعدنا بعد لما سلمنا علي بعض
بصتلها وسألتها بقلق ،
-هو انتي معيطه ؟!
اتنفست بهدوء ،
-بيري انا متأسفه علي طريقتي السخيفه بتاعت اخر فتره انا مش عارفه ازاي كنت بكلمك كده بس بجد كان معمي علي عيني كنت حاسه ان طريقتك بتخنقني مع إنك كنتي بتنصحيني
"قالت اخر كلامها وهي بتحاول تمسك دموعها مسكت ايديها الي عماله تفرك فيها "
-انا فعلاً كنت زعلانه ومستغربه طريقتك بس قولت اكيد علشان معاكي ووسط الصحاب دول بس كنت زعلانه عليكي اكتر وكونك مقدره زعلي دلوقتي فاتنا مبقتش زعلانه منك
رفعت عنيها ليا وابتسمت بهدوء ،
-انتي نضيفه اوي يابيري وعمري ماهلتقي صاحبه زيك انا معرفش ازاي كنت مصاحبهم بس الشيطان فعلاً كان عامي علي عيني خلاني احبهم فعلاً واحبهم طريقتهم والمواقف الي كنت مفكرها جميله واديني بعيش حياتي بس في الاخر حسيت بخنقه رهيبه اكتشفت ان مصاحبه الولاد والبنات حرام منكرش اني كنت بتحجج لما بقول لنفسي فيه بنات اهي يعني مش لوحدي وكلنا مع بعض فامفيش مشكله عادي يعني بس كل ده طلع غلط
كنت مركزه معها وفي كلامها وانبسط جوايا بشكل رهيب من تغيرها
"اخدت نفس وكملت وهي بتحاول متعيطش "
-بيري انا غضبت ربنا كتير اوي تفتكري هيسامحني ؟!!!انا خايفه من العقاب اوي يابيري خايفه اوي اني هتحاسب علي الي عملته ورغم اني كنت عارفه انه حرام كنت مكمله وده الي واجع قلبي اوي
"مسحت دمعه نزلت من عينيلاني حاسه بيها "
-اكيد هيسامحك ربنا غفور رحيم لو توبتي توبه صادقه هيتقبل منك وكلنا بشر وبنغلط بس المهم منكررش الغلط تاني علشان قلبنا ميبعدش عن ربنا اكتر من كده صلي وادعي ربنا بالمغفرة والقرب وربنا عمره مابيرد حد ابداً
-انا زعلانه من نفسي اوي اني قدرت اعمل كده انا شوفت نفسي وحشه اوي وبعيدة عن ربنا اوي كمان
-لا انتي مش وحشه احمدي ربنا ان فوقتي بدل ماكنتي هتفضلي ماشيه في الطريق ده طول حياتك يمكن دخلتي في المواقف دي علشان تتعلمي يمكن دي تكون موعظه وتتغيري وتكوني احسن مني كمان الانسان بيتغير في لحظه ياشيرين في لحظه
-شكراً يابيري علي كلامك انتي مش عارفه قد اي كنت محتاجه كلامك و محتاجه وقفتك جمبي
-اهم حاجه اشوفك بخير ياحبيبتي انا مبسوطه بوفقتك لنفسك
ابتسمت بهدوء وطلبنا ايس كريم وفضلنا نتكلم حبه ومختش بالي من الوقت فتحت موبايلي علشان ارن علي يزن يجيلي ولسه هدوس لقيت الشاشه قفلت
-اوف بقي مش وقته ابداً والله تفصل
<<<<<<<<<<<<<<<<<<<<<<<<<<<<
||في القاعه||
"يزن اتكلم بصوت عالي علشان سُليمان يسمعه "
-انا همشي عصام كلمني من الشغل لازم اروح
-طيب تمام اجي معاك ؟!
-لاء لاء هظبط الدنيا
-ماشي هطلع معاك صدعت
"طلعو وواحد وقف سُليمان وهو بيسلم عليه ويزن اضر يمشي لانه مستعجل ونسي انه هيروح ابرار "
<<<<<<<<<<<<<<<<<<<<<<<<<<<<
-طب انتي مش فاكره رقم اخوكي
-اه صح عارفا هاتي اكلمه من عندك
-شغلي عقلك شويه يااستاذه
ضحكت وانا بكتب الرقم ،
-لما بتوتر مبعرفش افكر
رفعت الموبايل علي ودني يزن رد
-ايوا مين
-يزن انا أختك
ضحك،
-لا انا معنديش اخت
-ياظريف بلاش غتاته
-بتتكلمي من رقم غريب لي؟!!!
-يزن انت نسيت مش هتيجي تاخدني !!!!
ضرب علي جبهته بنسيان ،
-اوف نسيت اجالي مكالمه شغل وخلاص قربت علي الشركه
-طب خلاص هروح انا
-هتركبي اي ؟!
-تاكسي او هطلب اوبر
-لا طبعاً احنا بالليل دي الساعه داخله علي ١١
-امال اعمل اي افضل واقفه في الشارع
-لا برده مش قدامك كافيه اي حاجه تقعدي فيها
-فيه الكافيه الي كنت قاعده فيه
-طب حلو ادخلي تاني وانا هتصرف تبعتيلي العنوان في رساله
-طيب يايزن
-موبايل مين ده ؟!
-صاحبتي
-خليها معاكي لغيت لما حد يجيليك
باستغراب ،
-حد يجيلي !!!!؟
باستعجال،
-اة هقفل دلوقتي دخلت الشركه
-طيب ماشي
قفل معاها واتصل علي سُليمان بسرعه قبل لما يروح
-سُليمان معلش روحت؟!!
-اة في الطريق اجيلك؟!!
-لاء لاء معلش المفروض كنت اوصل ابرار البيت بس نسيت وهي دلوقتي واقفه في الشارع هبعتلك العنوان تروحها
-طيب
-ماشي هبعتلك اهو
قفل معاه وبعتلهوله ودخل لعصام يشوف اي الي حصل في الشغل
<<<<<<<<<<<<<<<<<<<<<<<<<
