رواية الحب المفاجئ الفصل العشرون بقلم امل بكر
شيرين فضلت مستنيا معايا بصيت جمبي صدفه من الازاز الشفاف لقيت سُلميان دخل الكافيه. !!!!!
كان بيلف بعيونه وانا مستنيه يلاقيني قرب مني
-اي دة بتعمل اي هنا ؟!!!
-جاي اخدك
-نعم!!!!!
-يزن مشغول وقالي اخدك يلا
هزيت راسي بتفهم وشيرين قامت معانا كانت عايزة تركب تاكسي ولكني رفض واصريت نوصلها مش بعد لما قعدت معانا هنروح لوحدها بليل كده !!!
وصلناها وبعد لما نزلت اتكلم. وهو عينه علي الطريق ،
-هو مش دي الي قولت عليها متكلمهاش تاني ؟!!
-لاخر مره هقولك متتكلمش عليها كده تاني شيرين اتغيرت وحتي لو هي وحشه فابرده متتكلمش عليها تمام ؟؟
-سبحان الله اتغيرت فجأة !!!
-ايوة وبعدين متستهبلش كده لان ربنا بيعدي الانسان في غمضه عين
-ماشي طبعاً عارف كده ب
قاطعته ،
-لو سمحت انا مش عايزة احرجك اكتر من كده بس كفايه ادخل بقي انا واعيه وعارفه اي الصح من الغلط تمام
غمض عينه بعصبيه من طريقتها ،
-ماشي لو لقيتك بتولعي مش هدخل
-اه ياريت مش هقولك الحقني حتي
بصلها بقرف وكمل سواقه وقف قدام العمارة وهي نزلت وطلعت علطول
<<<<<<<<<<<<<<<<<<<<<<<<<<<<<
بعد اسبوع خلصت امتحاناتي واخيراً بقي
واجي وقت الشغل بجد انا متحمسه لاول مره اشتغل جهزت الاوتفيت من بليل كأني راحه المدرسه بكرة الصبح نمت بعد ماحفظت الحفظ الي عليا وقرأت سورة الملك قبل النوم
صحيت تاني يوم بنشاط شكله حماس اول يوم وبس لبست الفستان الي جهزته لونه بينج وطرحه رمادي واخد شنطتي وطلعت الصاله كان بابا ويزن خلاص جهزو كمان ونازلين
يزن بصلي بتردد،
-بينك!!!! ماتمنيت تاجري فستان احسن
ضحكت ،
-اول يوم وكده
-والله انا شايف اقعد ي في البيت احسن
-بس بقي خليه يابابا يسكت هيقفل حماسي
ماما ،
-شكلك قمر ياحبيبتي بالتوفيق
-حبيبتي ياماما
نزلنا مع بعض ودخلنا الشركه مع بعض مشيت جمب يزن بارتباك واحمد وسُليمان كمان كانو موجودين
احمد قرب علينا وهو عاقد حواجبه ،
-ابرار؟!! بتعملي اي هنا
بضحكه انبساط ،
-هشتغل معاكو
رفع حاجبه بدهشه ،
-هتشتغلي هنا؟!!
هزيت راسي باة
ضحك ،
-ماشي ياستي بالتوفيق بس متبعديش عن عنينا
-متخافيش مش هتوة
بخوف عليها زي اخته ،
-زي مانتي شايفه المكان كله رجاله
يزن،
-محدش يقدر يضايقها
شُليمان دخل الشركه وهو ماسك الموبايل ومش واخد باله ،
-جماعه هو في اجتماع مع..
رفع راسه واستغرب لما شافني
-اي ده !!! دي بتعمل اي هنا
-هشتغل هنا والله تعبت الكل عمال يسأل
يزن ،
-طب يلا تعالي اوريكي هتشتغلي فين
سُليمان بص لاحمد بدهشه بعد لما مشو ،
-دي ازاي هتشتغل هنا ؟!!!
-عادي وسطنا
-وهي ايش فهمها
-هتتعلم عادي يعني
-دي هتبوظلنا الشغل وبكره تشوف
مشيت جمبه وانا بهمسله،
-في حد هيفهمني الشغل ولا اي الحكايه ؟!!
-اكيد ياختي هو انتي تعرفي حاجه في حياتك
-بكره تشوف هعمل اي
-هتعيطي وهتقولي مشوني من هنا
-بذمتك ده كلام تقوله لواحدة مبددئه
-مش بعرفك الحقيقه
قعد علي الحسابات ويزن فضل شويه قاعد معايا بيفهمني وانا كله تمام لغيت لما قام علشان يشوف شغله الي سايبه
-امشي زي مافهمتك تمام ؟!
هزيت راسي وانا باصه علي الشاشه والاوراق ،
-طيب طيب
-متقلقيش ده مش علي تقيل انتي تحت التدريب لسه هجيلك تاني
-ماشي روح انت شغلك
راح فعلاً وانا فضلت ادرب زي ماقالي فات ساعه ومكنتش فاهمه حاجه كنت هقوم علشان اسأله بس لفيت علي صوت واحد
-استاذه أبرار ؟!!
بصتله وانا برد،
-ايوة
اتكلم بابتسامة ،
-استاذ يزن بعتلي ليكي علشان افهمك شويه حاجات في الشغل
-اه تمام انا فعلا في حاجه مش فاهمها
قعد جمبي بمسافة،
-متقلقيش هفهمك انا عمر
-اتشرفت بمعرفتك
وفعلاً عرفني حاجات كتير بعد ساعتين كنت خلاص فصلت
قال بهزار ،
-اظن كفايه كدة انهارده علشان متكرهيش الشغل
-تمام شكراً لحضرتك
-العفو نكمل بكرة
-ان شاء الله
قام وقف وطلع من المكتب قومت علشان اطلع شوفت سُليمان علشان المكتب ازاز سُليمان واقف وكأنه بيراقبنا!!!!
قرب عليا لما طلعت وهو بيبص علي عمر الي بيطلب قهوة ،
-اي شايفكو مش بتشغلو ضحك وبس
-نعم!! انت برقبنا
-ده الي اخد بالك منه وبعدين اراقب مين انا كنت معدي
-امم واضح ممكن بقي تقولي فين مكتب يزن
-لاء
-بلاش رخامه
-شكل الشغل مش عاجبك
قولت لاغاظته،
-لا خالص ده حلو جداً عجبني اوي
"رفع حاجبه بسخريه علي كلامي "
-في الاول بس لكن بعدين متعرفيش اي الي هيحصل الشغل هيبقي قد الجبل وهتبقي تحت ضغط وو
قاطعته وانا بصاله ببرود شكله عايز يخليني امشي ،
-متقلقش انا بعرف اتصرف
-براحتك قولت انصحك
-خلصت ؟!
-اي !!!
-خلصت نصحتك؟؟
-اة
-طيب فين بقي مكتب يزن
-امشي ورايا
وداني ليه ودخلت قعد معاه لغيت لما خلص شغله وروحنا مع بعض واااه قعد علي السرير بتعب لا لا الشغل وحش اوي انا مش قد كلامي عايزة اقعد علي سريري احسن
بصيت علي الي فتح الباب بعنف
حطيت ايدي علي قلبي ،
-اي يابنتي مش كده
همس قعدت قدامي وهي بتستربع ،
-اي الاخبار وحشتيني الحبه دول
اتعدلت في قعدتي وانا بقعد نفس قعدتها ،
-هو الشغل حلو بس اقول بصراحه؟!
-قولي بصراحه
-البيت احسن هو ينفع ارجع في كلامي ؟!!
-لا بنتنا قد كلامها
-همس ماهو يمكن حلاوة البدايات وكدة
-اخلص امتحاناتي وهجيلك
-اي ده بجد طب ده حلو اوي
كانت هتنطقً بصينا احنا الاتينين علي الي بيداهم الاوضه وكانه المفتش كونن
يزن بص علي همس وضحك بعبط،
-هو القمر بقي عند اختي ولا اي !!!
همس نزلت عنيها وهي بتضحك بكسوف وانا بصتلهم هما الاتنين بقرف
ورفعت حاجبي بعدم رضا لكلامه ،
-نعم يااخويا تقصد اني مش قمر ولا اي ؟!!!
بصلي وهو مش عارف ينقذ الي قاله بلع ريقه
-لا اتكلم دلوقتي حالاً انت لسه هتفكر اخلص ده انت بتتتنفس!!!!
-اهدي يازفته مش مدياني فرصه ماتعملي ثواب وتروحي تعملنا لمون
خلص كلامه وهو بيغمزلي ضحكت عليه
-طيب هقوم انا
همس مسكتني بسرعه ،
-اقعدي بدل مااعجنك
-لا احم انا عايزه انام اصلاً اطلعو انتو الاتنين
-طيب انا نازله بكلمك بكره ارتاحي انتي من الشغل
يزن قال،
-شغل اي ام شغل دي هي لسه شافت حاجه
-خف عليها يايزن وساعدها بيري غلبانه
ضحكه بخفه وهو بيرد عليها،
-علشان خاطرك بس
فتحت بوقي بدهشه ،
-اي اي انت وهي !!! وانتي كمان اي غلبانه هتشحتي عليا ؟!!!!
-انا غلطانه يعني بوصي عليكي
-فعلاً دي قلبها عليكي يلا ياحبيبتي نطلع من هنا
-يلا ياحبيبي
طلعو ورزعو الباب وراهم ،
-اتنين اهبل من بعض
شديت الغطا وانا بضحك عليهم تاني يوم صحيت بنشاط يكاد وروحت الشركه مع يزن وعمر كان بيعرفني اكتر علي الشغل ابتسمت وانا بسقف
-اي ده انا عملتها لوحدي طب والله انا شاطرة
ضحك عمر بخفه وهو بيبص علي الشاشه ،
-هو فعلاً شاطرة اتعلمتي بسرعه
-كده خلاص ؟!
-لا طبعاً في حاجات تانيه ركزي معايا بس بصي هنا بنعمل كده ووو
بصينا علي الي بيدخل المكتب وهو بيبص علينا احنا الاتنين
باستغراب قولت،
-سُليمان !!! في حاجه ؟!
-هو لسه كتير ولا اي ؟!
عمر رد ،
-يعني نص ساعه بس هي شاطرة واتعلمت بسرعه
ضحكت بفرحه ورديت عليه ،
-شكراً ليكي استاذ عمر انت شرحك سهل
اتكلم وهو بيتنفس بصوت اعلا ،
-طب اي تحبو اجبلكو قهوة تفوقو !!!!
عمر ،
-لا طبعاً شكراً لحضرتك هجيب لو احتاجنا
طلع وقفل الباب جامد وانا استغربت وضعه هو مريض ولا اي ؟!!!
بعد نص ساعه فعلاً خلصنا ،
-بصي كده معتش غير حاجه صغيرة هتفهميها وهتشتغلي لوحدك عادي
بخوف وحماس في نفس الوقت ،
-طب الحمدلله
-همشي انا محتاجه حاجه تاني ؟!
-لا لا شكراً اتفضل لشغلك
روحت اشرب قهوة وقولت هروح اقعد مع يزن الي نبه عليا متكلمش مع حد معرفهوش واروحله اول لما اخلص اخد القهوة وانا راحه ليزن شهقت بخضه من الي اتكلم من ورايا
-استني
-سُليمان في حد يخض حد كده ؟!!
رد وهو بيقف جمبي ،
-اي فهمتي يااستاذ شاطرة ؟!
ضحكت باستغراب هو بيألس علي كلام عمر ليا!!!
-اه فهمت جداً هو شرحه بسيط
رفع حاجبه ،
-شرحه بسيط اه !!
قولت بعد لما شربت بوق قهوة من الي في ايدي ،
-هو في حاجه ؟!!
-لا مفي …لاء فيه
-في اي ؟!
-عايز اقولك ان الشغل صعب هااا مش سهل ولو عايزة تقعدي في البيت هيبقي افضل
رفعت حاجبي ،
-واي كمان ؟!
-وهيبقي في ضغط متفكريش هتقعدي تخشي الدبان
-انت اي الي مضايقتك. !
-مضايقني ؟؟
-ايوا انا مجال شغلي غيرك يعني انت حاجه وانا حاجه واظن مش مضايقاك في حاجه
-ومين قال ان مضايق منك؟!
-امال من مين
-من .. مش من حد بس بنصحك يعني
-مع إن مش واضح انها نصيحه بس تمام انا هعرف اتحمل المسؤليه وهقدر اشتغل تحت ضغط
-انتي مصرة يعني
بابتسامه سمجه ،
-جداً ممكن بقي امشي
بضيق مني،
-غوري
بصتله بقرف وانا ماشيه وروحت ليزن فضلت اقرء الحفظ الي عليا من الموبايل وانا مستنيا يخلص
فات يومين وكنت خلاص بدأت اشتغل لوحدي بس برده كان عمر معايا للتأكيد اني بقيت بعرف اشتغل لوحدي علشان مايحصلش مشكله او غلط مني
وانا نازله مع بابا ويزن الصبح بابا قال ،
-يزن حفله بكره مش عايز غلط ظبط الدنيا انت وولاد عمك
-ماشي ياحج متقلقش كله هيبقي تمام
-حفله اي دي يابابا ؟!!
-دي بمناسبه التعاقد بينا وبين الشركه الجديدة
-الله ده حلو اوي هو انا ممكن اجي ؟!
يزن ،
-لاء
-لي كده بالله عليك يابابا عايزة اجي مش انا بشتغل معاكو يعني احضر عادي
بابًا انتهد وقال ،
-طيب تعالي
سقفت بفرحه يزن اتكلم ،
-تيجي فين يابابا خليها قاعده في البيت
بصيت ليزن بغيظ بس بابا سبقني واتكلم ،
-خليها تيجي كل واحد هيجيب مراته وعياله
بصيت ليزن وانا يطلعله لساني قرصني في دراعي وانا ضربته في كتفه لغيت لما بابا اتكلم
-يلا انت وهي هنتأخر
وصلنا الشركه وانا متحمسه لبكرة جداً ويووة بقي انا مش عارفه البس اي لازم انزل واجيب حاجه جديدة
اشتغلت اول نص ساعه لوحدي وبصيت جمبي علي عمراني بيقعد ،
-محتاجه حاجه؟!
بصيت علي الشاشه من تاني ،
-لا ابداً لغيت دلوقتي كله تمام
-طيب كويس انتي هتيجي الحفله بكرة
-اه
-طب كويس اني هشوفك
استغربت كلامه شويه ورديت ،
-امم
-هتشوفي بكرة ناس تقيله وهيبقي معاهم مراتتهم وبناتهم
-فعلاً كويس ان هيبقي فيه ستات
-طب هسيبك بقي علشان معطلكيش هشوفك بكرة
رديت باختصار ،
-ان شاء الله
طلع وانا كملت شغلي ومشوفتش سُليمان خالص احسن اصلاً بيغلز عليا بس هو فين ياتري ؟!!!
كلمت همس ،
-اي بيري
-هموسه فيه حفله بكرة تبع الشركه وانا مش عارفه البس اي
-خلاص ننزل بليل نشوفلك فستان
-طب حلو اوي ماتيجي معايا
-بكرة صعب ورايا مذاكرة الامتحانات بقي
-كنت عايزاكي معايا بس خلاص ربنا معاكي
-بكلمك وكأني معاكي ولا تقلقي
ضحكت ،
-ماشي هروح دلوقتي وننزل مع بعض
-ماشي هجهز اهو
قفلت معاها وشوفت بابا هيروح وروحت معاك وبعدين نزلت انا وهمس ندور علي فستان
-اللون مطرقع اوي ياهمس
-طب والله لذيذ
-عايزاني البس اصفر فاتح اوي كده ؟!
-طب خلاص بصي ده
بصيت علي الفستان لونه اسود ،
-تحفه اوي هجربه
-ماشي ادخلي قيسي وهشوفلك واحد تاني
دخلت البروفة لبسته وطلعت وانا ببص علي نفسي في المرايا
-ياخرابي يابيري علي التحفه
ضحكت وانا ببص علي نفسي في المرايا الطويله من تاني ،
-حاسا يجنن فعلاً
-حلو اوي هاتي مفيش كلام
كان شيفون ونازل بنفشه تهبل وايده منفوشه شويه من عند الايد وعليه حته بيضه نازله من علي الكتف وطويله من ورا خلته احلا لا لا خطير بجد
جبنا وروحنا وصحيت تاني يوم بحماس يقتل فطرت واخد شاور وعملت ماسكات وحفظت الي عليا وفضلت مستنيه الليل بفارغ الصبر
واخيراً اجي الوقت ولبست طرحه السودا برده ويزن فتح عليا الباب ،
-اخلصي هنمش..
وقف كلام وهو باصصلي وفاتح بوقه ،
-اي ده فين ابرار
حطيت ايدي علي الفستان وانا ببتسم ،
-شكلي حلو ؟!!
-يخربيت جمالك لا مش هينفع تيجي كده البسي حاجه اعفن
ضحكت عليه ،
-وانت كمان شكلك بيرفكت يايزونه
-الله يخليكي بس بقول تقعدي في البيت احسن ده فيه فيلم تركي هيجي الساعه ١٢
بسماجه وانا فهما،
-هتفرج عليه في الاعاده
-مفيش اعادة ماهو من حلاوته مش هيتعاد
طلعت بره الاوضه وانا بدقه ،
-هاجي برده يلا مش بتقول هنمشي
يرن كان لابس بدله كلاسيك اسود في اسود وبابا بدله وقميص ابيض وكرافته سودا
نزلنا ووصلنا المكان كان عادي بشكل يخطف الانوار موجوده في كل مكان اي ده انا حاسه اني في باريس اول مره ادخل مكان كده وقفنا علي تربيزه مدوره سُليمان واحمد وبابا وعمو واقفين حواليها وبيتكلمو مع اشخاص باين عليهم الوقار كده
مسكت كتف يزن وانا بقوله مني ،
-هو مفيش كراسي ولا اي هتفضل واقفين كده كتير
-كراسي اي !!! عايزة تقعدي اقعدي علي الارض
-انت بتهزر
-بت بت اسكتي متفضحناش
-في اي ياعم هو الكرسي عيب ولا اي
-ابرار حبيبتي انا مش عايز اسمع نفسك ماشي
-طب هو اي المشروب ده ؟!
-اوعك تشوبي
-فيه سم ولا اي ؟!
-دي خمـ.را
-يلهوي خـ.مرا !!!!!
-ياخربيتك وطي صوتك في عصاير تانيه بشربي منها بس ده لاء
-طب وانت هتشرب اي ؟!
-هشوف مايه ماتسمعي الكلام وخلاص
-طيب طيب بس مين بيشربها ليكون ابوك بيشربها
-يابنتي اتلمي الناس التانيه هي الي بتشربها واحنا مالنا
حد اجي وسلم علي يزن واتلهي معاه ومعرفش راحو يسلمو علي ناس تانيه وانا فضلت ادور بعيوني علي المكان باعجاب لغيت لما شخص مسك الميكرفون وبدء يتكلم وكل واحد يقول كلمه
ووببص صدفه علي سُليمان لقيت واحدة واقفه قدامه وهي مبتسمه علي الاخر وبتقول حاجه اخد نفسي بهدوء مميت
معرفش انا ازاي مشيت لغيت عندهم ووقفت جمب سُليمان بمسافه وانا ببص علي البنت وو لفيت علي صوت واحد
-أبرار !!!
