رواية سيرة القدر الفصل العشرون بقلم فجر المساري
عزززه… واحنه نبجي وجهال يبجون كلت هاهيه
انتهينه…
لمياء… اتصوب عمي حسن ورحنه اني وخاله سراب
للمستشفى عليه وطبعا شفت مازن وياه 😍
وانطانه رقمه وكال اني يمه 😂 وهو انطاني رقمه
من زمان… .
طبعا اخذته وسكتت حته خاله سراب متنتبه 😁
ورجعنه للبيت وبقه عمي يومين بالمستشفى ويوم
ثالث طلع واجه للبيت هو ومازن وجان عمي
متحلفنه اني وسراب علمود روحتنه للمستشفى
بس الحمد لله عدت علئ خير بيومها دزلي مازن
مسج وكال خوما صار شي كتله لا…
الحمد لله عدت علئ خير…
ومرت الايام وتحسنت صحة عمي حسن ومازن
بحجه عمي رايح جاي علينه واشوفه 😊
ويتصل يوميا…
وبقينه نحجي وبعدها كال عنده شغل وراح نمت
وكعدت على صوت قوي خفت ورحت علئ خاله
سراب ولكيتها كاعده كتلها شكووو كالت مادري
بيومها جان عمي بدوام…
سراب…
وبلليل جنه نايمين وسمعنا صوت رمي كلش قوي
وصـياح ..يارب سترك واجوي البنات يركضون عليه
خايفات وسمعنا جيران وصياح زاد طلعنا
نشوف شكووو شصاير ..
وكالوا داعش دخلوا لرمادي…
اني متت بدمي وحسن مموجود وبس اني والحجيه
والبنات وجهال وين نرووح وين انطي وجهي
عزززه… واحنه نبجي وجهال يبجون كلت هاهيه
انتهينه…
كلت للبنات صعدوا لمو كل الذهب والفلوس
والمستمسكات بجنطه وخلينا ملابسنا بجنط
المدارس بس الي نحتاجهن وجان بوقتها الجو بارد
شتاء ولفينا الجهال بالبطانيات وعمتي ام حسن
متقبل تطلع من البيت تكول المن اخلي بيتي
لدواعش ياخذوا…
وبهالاثناء زاد الرمـي والجهال والبنات يبجون
ويعيطون وفات حـسن علينا وكال يله صعدوا
بالسيارة … كتله شكوو حسن خوفتني
عاط بصوت عالي… وكال داعش طابين لانبار
كلت للبنات صعدوا لبسوا حجاباتكم والجبب
واخذو الملابس الي محتاجيها وخاينا ملابسنا
بجنط المدارس وفوك القهر عمتي ام حسن متقبل
تطلع من البيت تكول هذا بيتي المن اعوفه لدواعش
بلكوه جرها حسن وصعدها ويصيح صعدوا صعدنه بالسياره
والجهال يبجون وصعدنا ويه مازن بالسياره
وهو يصعد بامه متقبل واني اشوف الناس يركضون
وسيارات وهوسه صعد امه بالقوه
صعدها وكال مازن راح ياخذكم وياه لبغداد هناك
امن لكم ..
وصاح ب مازن اطلع بيهم واني اتخبلت ياربي
وين عفتنا ليش هيج وضل يمشي بينا بالليل الى ان
وصلنا جـسر بزيبز… اووويلي شحجيلكم قليل
ع الي شفته ذاك اليوم ع الجـسر يمكن المئات
العوائل واكفين وضلينا يوم كامل وجهال ساعه
يبجون وساعه ينامون وعمتي ام حسن ترزل
وتحجي عليه وعلى لمياء واحنه ساكتين
وخطيه مازن يسكت بيها ويكوللها خاله ع كيفج
ويه البنات وبوسط الهوسه والاعصاب اتصل
حسن ع مازن حتى يفهم منه احنه وين ..
وجنت اني اتمنى اتصل بي واسمع صوته حبيبي
بس جنت اخاف لا يرزلني ويفشلني…
ومر اليوم واحنه بعدنه واكفين ع الجسر ويانه
مئات العوائل مازنكال انطوني الجناسي اني كلت
هذا شيسوي بيهن كتلها لمياء طلعي الجناسي
لان جنطه يم لمياء واني بحضني جهال طلعتهن
وانطتهيا شفته اخذهن ونزل وراح للضابظ جان
واكف وانطاهيا بعدها اجه وتحرك السير ومشينه
ودخلنا لبغداد حلوووه باهلها وناسها…
وكال راح اخذكم لبيتنا لا تخافون اني من كال هيج
ارتاحيت شويه بس ضل بالي ع حـسن…
وجان بيتهم بالعامريه وصلنا ودخلنا جوه بيت
حلووو دخلنه واستقبلتنه امه واخنه وزوجته
مجنت اعرف بي متزوج ولا حسن حجه بالموضوع
وفتنه غسلنا وبدلنا وجابولنا اكل وضيفونه احسن
ضيافه وحاروا شيخلون النه…
كعدنه اني ولمياء والجهال بغرفه وام حسن عمتي
والبنات رباب وجمانه بغرفه…
ولليل اتصل عليه حـسن يمه حبيبي فدوووه😍
وسال علينه وكتله الحمد لله الكل بخير
انت شلونك كلي الحمد لله … واني كلبي مثل النار عليه ..
كملت وياه وسديته ورحت كلت للحجيه حسن خابر
وبخير…
شفت لمياء مو ع بعضها اليوم وكلت مقهوره بسبب
الوضع صعبه الواحد يطلع من بيته ويتبهذل
وابد مااكلت لليل فرشنه فراشنه بالكاع ونمنه
وكعدت بنص الليل وسمعت صوت وشفت لمياء
تبجي كتلها شبيج كالت انعل ابو الحب
كتلها ياحب…
احجي شبيج… كالت طلع نذل متزوج
سراب ..ولج احجي شكووو على منوو تحجين انتي
لمياء… استاذ مازن ..😔
سراب… شنووو ومن شوكت هالحجي من اليوم
الي اجه وسال عن عمي للبيت وبعدها صرنه نحجي
كل يوم وحبيته وتعلقت بي… ولج عزززه
هذا مزوج مشفتي زوجته.… كالت لا ماعرف مكلي
هووو متزوج… واليوم من شفت زوجته انصدمت
جان محبيته ولا تعلقت بي…
هو محجالي عن حياته هاج شوفي طلعت بالتلفون
مسجات وكالت شوفي شيكتبلي … وقريت عزززه
هذا صدك ميستحي ..مسجات حب وغرام وهو
متزوج وهي تبجي كومتها واخذتها غسلت وجهه
وكتلها خلي يولي هووو الخسران وان. شاء الله
الله يرزقج بالاحسن منه… حضنتني خطيه شكد
انقهرت عليها…
بقينه يومين وثاني يوم شغت لدموع بعيون لمياء
ومازن يريد يحجي وياهه بس هي تصده ..
خابر حسن وكال البيت احترك شهكت كتله شلون احترك كال هذوله الانذال داعش… فجروا ..💣
حركوا لان اني ضابظ… كتله طز بالبيت المهم انت
سالم .وكلي لا تكولين للحجية… كتله اي
كلي سراب… نعم
وكلذ باجر راح تجيكم سيارة للبيت وتطلعون للمطار
ومناك ترحون لاربيل وبمطار اربيل راح يجيكم
ضابظ اسمه عمر صديقي راح يوصلكم لبيت اخذته
الكم واجرته وبس تخلص هالازمه اجيكم ..
وسكت… سراب امانه حسن بيك شي ..لا تخوفني
كال اذا صار عليه شي لاسامح الله الحجية والجهال
والبنات امانه بركبتج ديري بالج عليهم…
اني متحمات وكمت ابجي وكتله الله يحفظك
انت والجنود الي وياك… كملت وسديته وياه
فاتت لمياء شافتني ابجي كتلها البيت احترك
خطيه من سمعت كامت تبجي تذكرت بيت امهه وابوهه وكالت حتى ذكرياتهم راحت وياهم
بقينه نسولف للفجر صلينا ونمنا كعدت لساعه
7 ونص رحت كتلهم وتريكنه وبدلت لجهال
وخابرني حسن وكال اتحضروا راح تجيكم السياره
بعد 10 دقايق
