رواية هو لا يشبههم الفصل العشرون بقلم تبارك الوائلي
أجلسُ مع الليل كأنّي آخر الناجين من الضجيج...
أراقب القمر،
وأخبّئ داخلي ألف شعورٍ لا يُقال. 🖤🌙
فبعضُ الليالي
لا تحتاجُ حديثًا...
يكفيها قلبٌ مُتعب وسماءٌ تُنصت...
🫰✍🏻
اخخخ هواي هنه شذكر منهن 10سنوات ماتنحجي ولا تنذكر .
نايمه وفزيت حلمانه بي يكلي اني ضلمتج هواي ويايه هوايه جمانه سامحيني واني هم سامحته
على الي سواه بيه بس ماسامحه من حرم جهالي
من حنيت الاب شكد جان قاسي عليهم وشفت بعيون جهالي غيره من ولد خالهم من يشيلهم صالح ويلعبهم لو يوديهم للمدرسه جنت اشوف الغيره والحصره بعيونهم و انقهر عليهم بس مابيدي شي الهم
حاولت اني اعوضهم و ماخليت شي بنفسهم ابد ملابس واكل والعاب وكلشي ماحرمتهم منه عوضتهن عن الحرمان الي جانو عايشي وصرت الهم اب وام وصديقه واقرب الناس الهم اني وخوفي عليهم ماله حدود واعدت نفسي اربيهم احسن تربيه وكلمن يشوفهم يكول عنهم معقوله ولد بسام هذوله لازم
ومرت الايام ___
وحياتي مرتاحه بيها بس طيبه بدت ضايقني بتصالاتها ويا الشباب وكم مره انبه ميفيد بيه ابد وحتى مره عصبت عليها وكلتلها تره راح احجي العمتي وضاجت مني وسوت مشكله ومافاد وياها
صرت اخاف منها على نور لان نور دخلت بعمر
واعي وخفت تتأثر بسوالف عماها
اجت عمتي خطيه تسولف من رايحه للمحل طبت برجله كزازه وبقت توجعه اخذتها ورحت لدكتور وكالو مابي شي بس خليله ديتول وعلاج ورحنه الغير دكتور وهم نفس الكلام كاله ورحنه الثالث دكتور لان صارت زركه رجلها على يولد
وكال نبترها لان صاير بيه كنكري وخطيه عمتي انهارت بالبجي بس هيه مجبوره لان اذا مكصتها يصعد الكنكري وتموت
عرفن بناتها بالاخير واجني علينه اباوع عمتي خطيه
تفرفح ومتعرف شتسوي اخر شي راحت للزياره وطلبت من الايمه ( ع ) وزارت كربلاء و شريفه بنت الحسن ( عليهم السلام ) وتوكلت واخذتها اني وطيبه سحبت افلوسها بالمصرف جانن 7مليون خليته بكرسي واخذناها لان لازم توقيعها كملنه
كلشي وراحت وسوتها والحمدالله صارت احسن
وتلاحكت النفسها بس نفسيته تعبت حيل عمتي متعلمه تكعد بالمحل وتطلع وطب بقن بناتها وره عمليتها اسبوع وراحن لبيوتهم ..
وصرت اهتم بيها اغسللها شفتها كامت تستحي مني
كاتلها .
:- عمه ليش تستحين اني بنتج واذا اغسلج تره عادي.
ام بسام : لا عمه اني تعبتج ويايه وانوب تغسليلي رجعتي خلفتي من جديد يا جمانه فوك ضيمج اني عليج .
جمانه : لا عيب هل حجي اني ماتعاجز منج ابد ولا تفكرين هيج انتِ امي .
كمت كل وقت اضربها ابره السكر واكله اسوي الها خاص وعلاجها ملتزمه بي ومن تراجع علمود عمليتها تروح وياها طيبه وياخذن صالح بسياره ويرحن واني ابقه يم جهالي .
بعد فتره طيبه قررت اسوي عمليه الرجلها لان بيها قصر وكالو اكو امل تمشي عدل ونطوها موعد وسوت العمليه ولازم احد يبات يمها واني ماكدر اعوف عمتي ولا الجهال خابرت هدى بت عمي
كتله .
:- والله العظيم جمانه علمودج انتِ ابات مو علمودهم لان تذكرين من ردت اسكن يمكم بالقاط الثاني ماقبلت عمتي ولا طيبه وتعرفين اني ماعندي اذيه ولا جهال بس اني وحسان بدوام .
:- يله هدى صير انتِ احسن منهن وكلبج جبير .
:- اوف جمانه مو عبالج كل الناس مثل طيبه كلبج .
:- ميخالف هم يصيبج اجر وحسان بدوام فدوه بعد اخيتج .
قبلت هدى واخذتها اني وصالح اخويه وديناها يم طيبه وثاني يوم رحنه الصبح طلعتها من المستشفى والحمدالله زينه عمليته وجبت جربايه الطيبه بصف عمتي خليتها واجني
البنات هم اهتمن بيها اسبوع وراحن لان الدكتور كال تبقه شهرين مجبسه رجلها وكل الي يطب علينه يكول هاي شنو جمانه مفتحه ردهه يمج اشلون تكدرين تقومين بيهن وداريهن اثنينهن وجهالج اجاوبهم ، الي الله .
مرت الايام
وحتى طيبه كمت اجيب الها كرسي عمتي لان متكدر تروح للحمام وتقضي حاجتها وهيه تغسل واني اشيلها من جواه خطيه عمتي من كد ماتتحسس مني تعلمت هيه تغسل نفسه بنفسه بس اني اصبلها الماء وشيله من جواها وعلمت نور هم اشيل وساعدني لان صار كل البيت عليه السوك اني اسوك والمواد اني اجيبها وعلاج عمتي او طيبه اني اجيبه ومن غير مسوليه جهالي كله عليه صرت ماكدر احك راسي اشكد اتعب بالبيت و اروح اذب نفسي انام من التعب خطيه عمتي اسمعها تكللهم .
:- صوتكم بيبي امكم خطيه نامت الله يعينه علينه وينطيه القوه .
:- ابتسمت بداخلي رغم كل هذا بس حبيت عيشتي وياهم اهم شي جهالي يمي وسالمين نمت ساعه وكعدت طيبه تريد تقضي حاجتها رحت جبتلها
القاعده وعفتها ورحت اشوف الاكل على النار
كملت طيبه حاجتها ورايده هيه تسحب السطل من الكرسي وفلت من ايدها ونكلب كله بالصاله وعمتي حيل ضاجت وصاحت عليها .
ام بسام : اشبيج ثوله وكعتي منو راح ينضفه .
طيبه صارت تبجي ونقهرت كتلها .
:- لا لا عمه ليش هيج تحجين مامتقصده خطيه شصار قابل واذا وكع من ايدها صدك تحجين اني انضفه ماتنكس تره ..
حجت طيبه بشهكه .
طيبه :- جمانه والله مو قصدي .
جمانه : طيبه لتبجين حبيبتي معليج بي اني هسه انضفه .
تقربت حضنتها وهي حضنتني وبجت وكالت .
طيبه : والله اني مادري وكع من ايدي فوك تعبج ويانه انوب اوكعه و ادمر الصاله الج .
:- ميخالف خيه لتقهرين نفسج ولا تهتمين اني انضفه نور اخذي اخوتج طببيهم بالغرفه الجوه بسرعه خلي يكعدون بين ما اكمل .
طبو الجهال ورحت كله نضفته ولميته ومسحت المكان وذبيت ديتول ومسحت وعلكت عود بخور وصحت الجهال يمهم .
:- ها هم بعدج تبجين يمعوده نضفت وكملت .
طيبه : ربي يوفقج جمانه مادري شكلج وفضلج ماينسي .
:- لا عيب احنه اخوات يله هاج الريموند طلعي كارتون للجهال راح اروح اكمل العشه .
ام بسام: روحي عمه ربي يعينج ويوفقج أن شاء الله.
رحت سويت الهم العشه كملنه لميت كلشي وفرشت ونمنه وبعد فتره ردت اودي عمتي للدكتور بس صارت النزله صعبه عليه من الشقه وقررنه ندور بيت ارضي علمود عمتي ، طيبه فتحت الجبس من رجلها وتحسنت بس هم الدكتور كال بعد وراها عمليه ثانيه
اهلي لكونه بيت مقابيلهم بالفرع و نقلنه كل غراضنه ونزلنه بي حيل جبير وبي حديقه خلفيه ونضيف حيل رتبت كل غراضي واستقريت بي وعلمت نور اشلون تهتم ابيبيتها من اروح المكان ومشت امورنه عاديه قصص ماي هوبس
عمهم يجينه على طول وره مانفطم امير كام يجيب حلويات للجهال ويجيب ويا بناته يلعبن ويا جهالي ويروح وعلى طول يخابر طيبه يسأل خاف محتاجين شي ، وبعد فتره سمعنه متعارك هوه وزوجته واصله بينهم لطلاك ورافعين دعوه طلاك استغربنه لان جنه انشوفهم من يجون علينه واحد يحب الثاني بس اشلون هيج وصلو للطلاك بسرعه مادري وره فتره كاعده وعمتي فاجاتني بقرارها حجت اليه والطيبه وكالت .
ام بسام : جمانه عمه اني بعد المحل عفته وبقه بس راتبي بعد اني من راتبي اكل واشرب اني وبنتي وانتِ هم عندج راتب اكلي واشربي منه يعني كلمن يطبخ وحده ومن افلوسه اعزلي اكلنه عن اكلكم .
جمانه : لا طيبه حقها عمتي وخلفله عليها ماقصرت ويانه براحتج عمه الي تردي يصير .
ام بسام: اي بنتي لزعلين مني .
جمانه : لا ليش ازعل حقج .
ام بسام: اني انطيج افلوس اسوكي اليه واطبخي اليه والطيبه وانتِ اسوكي واطبخي الج والجهالج .
1 تع
جمانه : اي صار عمه هذا هو مثل متردين .
مشت الايام
وكل يوم تكثر مسولياتي اذا جنت اروح لسوك اسوك واطبخ هسه كمت اسوك مسواكين واطبخ طبخين اطبخ اول العمتي وطيبه واشيله على صفحه واطبخ اليه والجهالي
ومرت الايام رحت علمود الراتب ماستلمت كالو جرد سنوي هذا الشهر رجعت حايره ماعندي اسوك
النه سويت ريوك عمتي وطيبه ورحت طلعت طماطمه سويت ريوك الجهالي اندكت الباب وطبت فرح شافت عمتي وطيبه ياكلن بيض واني وجهالي طماطمه تخبلت وكالت .
فرح : ليش توكلين طماطه للجهال ليش ماجايبه ريوك الهم .
جمانه : هاي نعمه فرح ليش تحجين .
فرح : جمانه ماعندج تجيبيلهم مسواك مو .
:- لا والله مو ماعندي بس هذا الشهر مانطوني راتب اريد امشيه اشلون ماجان قابل نموت اذا اكلنه طماطه .
فرح : لا جهال ميعرفون ماعندج جمانه .
عمتي وطيبه من فشلتهن سكتن لان عمتي عدها طبقه بيض بالثلاجه بس ماكالت سوي منه رحت للمطبخ ولحكتني وهيه تحجي .
1 تعليق
فرح : اشلون ياكلن وجهال كدامهن ميفكرن باليتامه ميستحن من ربهن.
جمانه : كافي فرح فدوه سكتي .
فرح : ليش مو ولد ابنها جان هيه دزت الكم شصار عليها .
جمانه : ليسمعن عيب عليج الله .
فرح : وليش هنه يعرفن العيب .
راحت فرح معصبه
حياتي عاديه مهتمه بالبيت وجهالي وعمتي و من يخلص علاج عمتي اروح اجيبه الدكتور انطها أبر
بالكانونه ورحت اجيبلها المضمد يحطلها كانونه
اني وطارق صرت وين ما اطلع اخذه ويايه حاسبته رجال وماريد العالم تحجي شي عليه ورحت للمضمد جان قصص ماي هوبس عمره بلـ خمسينات واحنه نعرفه دائماً نجيبه العمتي يحطلها كانوه بدايت ماسوت العمليه رحت علي كتله .
:- عمو اريدك تجي للحجيه اتحطلها كانونه .
هوى ضاج من كلمت عمو وكلي .
:- ترى اني مو ذاك الكبر ليش تكلليلي عمو .
:- العفو دكتور لعد شكلك .
سكتني وكال .
:- اريد احجي وياج بموضع بس لتعصبين وسمعيني للاخير .
عقجت حاجبي وكتله .
:- كول اتفضل اسمعك .
:- صراحة اني من زمان كل ماشوفج تجين للصيدله اني نعجبت بيج واريد اخطبج ترى مابيها شي صح اني عندي مره بس هيا بيت وانتِ بيت وانتِ مبينه خوش بنيه ومودبه وحيل عجبتيني .
:- لا يابه عذرني اني مافكر بزواج وعدي جهال ومستحيل اقبل اخرب بيت وحده على حساب نفسي هل مرى وكفتني وحجيت هذا الحجي مرت الثانيه لتعيدها فتهمت .
1 تع
:- ميخالف حتى اذا تريدين زاوج بالسر ماعندي مانع المهم تصيرين الي باي طريقه .
تعصبت ولو مو شارع جان ضربته وعميت عيونه كتله .
:- ما راح ارد لان محترمه شيباتك يا قليل ادب .
عفته ورحت رجعت للبيت ضايجه وروحي طالعه سالتني طيبه وحجيتلها السالفه وطيبه من كل عقلها كاالت .
طيبه :- جمانه ترى مابيها شي احنه هم حرام علينه اذا انتِ عاجبج تزوجين ازوجي وانتِ هم بعدج شابه وصغيره وماشفتي شي ويا اخويه .
:- شلج بهل سالفه طيبه صدكي اني بعد ماعندي كل مشاعر لهاي الشغلات عوفيني هيج مرتاحه و اربي ذوله الايتام اشلون فكرتي اجيب رجل ام النور ليش هوى رجل الام يتأمن دنسمع اهواي قصص على رجل الام شيسوي وبعدين صدكي اني انغسل كلبي وكرهت كل جنس ادم .
سكتت طيبه ومرت حياتنه عاديه بين طبخ وتنضفي واقري نور وطارق واهلي اكثر شي اروح من تروح
كواكب الاهلها اروح اني اطبخلهم ونضفلهم بس ما ابات يمهم اسويلهم العشه وارجع للبيت ،
نجح طارق وراح الصف الثاني ونور نجحت وراحت الصف الخامس
عطلت مبردتنه و رحت اشتري مبرده اني وطارق
وصلنه ابو المحل نعرفه وابويه يشتري من عنده شغلات كهربائيه للبيت عاملت عله المبرده كلي .
:- انتِ مو بنت ابو صالح الـ ارمله .
رديت بحده
:- لا ما اقبل .
:- ليش ترى مابيها شي انتِ بعدج شابه صغيره واني اريد ازوج على زوجتي ومالكه احسن من اخلاقج .
1 تع
ابتسمت على عقليته يريدني اقبل برجل متزوج كتله .
:- ان شاء الله تلكه احسن مني اخويه .
عفته ومشيت حتى المبرده ماشتريتها من عنده وصار موعد جمعيه العين ورحت استلم الراتب وكل معتاد اني و ام علي وام رقيه و ام عبدالله وام علي كلتلي .
ام علي : جمانه تدرين ذاك اليوم منو سالني عليج .
جمانه : خير منو .
ام علي : ولج ذوله الناس المعروفين الي يبيعون اجهزه كهربائيه كال اذا تقبل اخطبها .
جمانه : أي اني ذاك اليوم من رحت اشتري مبرده هم كلي هيج وكتله ما ازوج اني .
ام علي : لا هاي قبل كم يوم كلي من فتت من يمه لان هوى شايفنه كم مرى ننزل من سياره سويه ويدري اني اعرفج .
سكتت مرديت عليها كالت
:- ليش ولج جُمانه ماقبلتي اشناقصه اشو بعده
شاب 35 سنه حالته زينه ومتمكن وكل الناس تعرفهم شتريدين بعد قابل قابل اني ماعرف حياتج قبل ترى جنت جيران عيالج قبل واعرف سوالف بسام من صغره .
ضوجتني بملحتها وحجيت بعصبيه .
جمانه : بله مسكتين ام علي فدوه اروحلج اني ماكدر اجيب زوج ام البناتي أخاف عليهن .
جمانه : رحم الله والديج انتِ كلتيه بالسانج ما مفتهمه شي من البدايه هسه عود من تالي راح افتهم عوفيني خيه بحالي .
ام علي : ليش جمانه فكري حرامات .
جمانه : اني مقتنعه بوضعي عوفيني .
ام عبدالله جانت تسمع حجينه وكالت .
ام عبدالله : جُمانه تره مو كل ارمله وكفت حياتها اهوايه اني اعرف ارامل ازوجن وستقرن وضعهن احسن من الاول فكري بروحج .
جمانه : ماريد اخاف ام عبدالله اني اريد اربي ايتامي.
ام عبدالله: ولج والله حرمات يضيع جمالج وشبابج هيج من غير الناس الي تحوم وراج .
جمانه : لا خيه الي يحوم اني اعرف شلون ارده
و مانطي الاحد مجال وانتِ شفتيني كل نهاري
ابيتي حتى الكرايبنه كمت ما اطلع لان مسؤلياتي اهويه وما الحك .
سديت السالفه وياهن و رجعنه لبيوتنه وكل معتاد الكه جهال منتضريني بالباب و عندي فرحتهم تسوه الدنيا وهمه ايشوفني اجيبلهم شغلات ويايه مرات ينطوني الجمعيه ملابس الهم يفرحون بيها
ومرت الايام بين اهلي وبين بيتي وسمعت امي
ذوله الاثنين متقدميلي واني رافضه ضاجت وكالت
ام صالح : ليش يمه مابيها شي ليش ترفضين ليش مافكرتي بروحج .
جمانه : يمه فدوه اروحلج هسه اتريدين افكر بروحي وين جانت روحي من اجي واشكيلج من بسام وانتِ دكليلي اتحملي وصبري مافكرت بروحي قبل ولا شحس يمه بسام غسل كل احساس عندي عوفوني هيج مرتاحه وما مضايقه احد بحياتي .
ام صالح : اني علمودج بنتي .
جمانه : ماريد ، ومو عبالكم ذيج جمانه الصغيره وامشي بكلامكم وكل واحد يوديني يمنه ويسره اني صرت بعد مسوله عن نفسي وجهالي لزعلين من كلامي .
ندك الباب فتحه طارق وكال عمو ايهم ،
كتله طببه بلاستقبال طب جوه يم عمتي رحت وديت ماي وجاي شكله مبين حيل ضايج سالته طيبه.
طيبه : اشبيك أيهم شو مو طبيعي.
أيهم : ليش ما تدرين اليوم الصبح اني طلكت زوجتي .
طيبه : يااا عزه ليش هيج احجي ليش .
جر حسره وكال.
أيهم : هذا هو خلصت عشرتنه وبعد ماكدر اتحملها خلصت طاقتي وياها جنت متحملها الخاطر البنات بس وصلنه حد كرامتي اعز من بناتي .
ام بسام : زين شلون يمعود ايهم بت خالتك هيه وام بناتك .
أيهم : ادري والله يمه بس شسوي اذا ماكعدت هيه وما صانت العشره.
طيبه : هسه غير نفهم منك شي يا اخويه تحجي كله باللغاز .
أيهم : شوفي يمه هيه من الاول جانت مو اختياري والله العظيم امي رادتها واني ماردتها جنت معجب بابنيه ويايه بالكليه بس لان اني شيعي وهيه سنيه رفض ابوها ينطيها اليه وامي الله يرحمها فرحت لان متريد غريبه ابيتها وراحت خطبت بت خالتي وكتلها يمه والله ماريدها وما عجبتني بس امي بسلامتها اصرت .
ام بسام : جان نطيتها فرصه .
أيهم : ميفيد يمه اكو نسوان من يشوفن دلال يطغن وميمشن عدل شنسوي مالنه نصيب .
طيبه : هسه غير اكو سبب .
أيهم : طيبه كتلج اسباب مو سبب وصراحه ما احب اذكر هل شي لان هيه راحت بحال سبيلها واني هم اشوف حياتي .
أيهم : امين يارب .
طيبه : زين ايهم بس اريد اعرف شلون تنازلت الك على الغايب والحاضر اذا انت الي مطلك .
أيهم : طيبه انتِ هواي اسالين ودققين اختي فدوه اروحلج سدي السالفه الله يسعدها ويا غيري ماعندي شي وياها تبقه بت خالتي وأم بناتي .
1 تع
اجه صالح وكواكب علينه سلمو وكعدو بقو يحجون باامور عاديه وعرف صالح بطلاق ايهم وكله .
صالح : أيهم اذا تريد اروح وياك نرجعها .
أيهم : تسلم متقصر خليها للوكت .
صالح : الله كريم براحتك بس اذا تريد تروح عليها
اني موجود .
رحت انيم اموري ومليكه افتح الها التلفزيون تبقه تباوع وتنام اني انام بالغرفه الجوه وعمتي وطيبه ونور وطارق ينامون بالصاله لان الصاله اصغيره وجربايه عمتي وطيبه ماخذات مكان
بدت طيبه تتماده اهواي بالمبايل واذا رحت لسوك
و ارجع من السوك الكاها تحجي بابمبايل كدام نور
اشكال وتشاقه اني صرت عصبيه وضجت ورحت كلتلها .
جمانه : طيبه صدك تحجين انتِ شلون تحجين كدام نور هذا الحجي البنيه راح تتعلم او تفتحيها على
شغلات مو بعمرها .
هيه هم صارت عصبيه وضاجت مني وكالت .
:- عمه طيبه تحجي ويا صديقاتها اهوايه وتحجي كلام عيب ينحجي كدام نور وكم مرى منعتها ومتمنع احجي وياها انتِ عفيه .
ام بسام : جُمانه هيه اشحاجيه قابل هنا بنات مثلها .
جمانه : ميخالف عمه مرات تحجي كلام عيب ينحجي بالشقه و هاي البنيه راح تتعلم من هسه وعبالها الديصير كدامها شي عادي ويمكن هيا اتفكر اسوي مثلها بعد كم سنه .
ام بسام: كافي جُمانه لتصيرين معقده اهواي وتعقدين البنيه وياج .
:- عمه غير اخاف عليها بنيه وتتلعم على الغلط شلون تقبليها .
عفتها ورحت اسوي عشه ماكدرت احجي العمتي الصدك وطيبه ويامن تحجي لان عمتي مره جبيره ومريضه وعدها سكر واني ماريد اصير سبب بمشكله كملت العشه وفاتت طيبه من يمي كالبه وجها فوكها هيا الزعلانه صبيت العشاء وطيبه ماقبلت تتعشه لان زعلانه من عندي هسه شحجي وياها اني كلبي خلصان مابيه حيل اجاما و اسايس بس كلت خطيه وكتلها .
اني بكلبي اكول صدك لو كال ابو المثل فوك شينه كوات عينه عفتها وتعشيت اني وجهالي لان عمتي عشها على الجربايه اخلي الها كملنه العشه ولملمت البيت وفرشت للجهال ونقهرت عليها ومانطاني كلبي اروح انام وهيا بله عشه رحت سويتلها عشه ورحت عليه وبسته من خده وكتلها .
:- لزعلين من عندي طيبه انتِ مو تعرفين بيه اني اخاف على جهال اتعشي حبيبتي والله موقصدي .
1 تع
طيبه : لا جمانه انتِ صايره تتدخلين هواي بيه .
جمانه : بعد ما ادخل ابد معليه بيج تعشي هسه واحب اكولج والله مو صح الي سوي .
1 تع
طيبه : جمانه اني شابه حالي حال البنات هم اتمنى واحلم اتعرف على شخص يحبني واحبه وازوج مثل البنات شتريدين مني بلكي صدك ويجي يخطبني وازوج واعيش مثل بقيه البنات واخذ امي تعيش يمي لان ماكدر اعوفها ابد ولا هيه تعوفني وحدي متعلمات وحده على الثانيه بس ادعيلي كون يطلع كلامه صحيح ويجي يخطبني وانتِ .
جمانه : بعد ما ادخل ابد معليه بيج تعشي هسه واحب اكولج والله مو صح الي سوي .
طيبه : جمانه اني شابه حالي حال البنات هم اتمنى واحلم اتعرف على شخص يحبني واحبه وازوج مثل البنات شتريدين مني بلكي صدك ويجي يخطبني وازوج واعيش مثل بقيه البنات واخذ امي تعيش يمي لان ماكدر اعوفها ابد ولا هيه تعوفني وحدي متعلمات وحده على الثانيه بس ادعيلي كون يطلع كلامه صحيح ويجي يخطبني وانتِ .
جمانه : والله حجيت لان خايفه عليج .
طيبه : ماعليج انتِ لتخافين واذا صارت روحي عيشي يم اهلج واستقري واعرف خالي اشكد يحبج من دون اخواتج واكيد مراح يعوفوج اهلج بس اني محتاجه رجال بحياتي .
صارت تحجي وتبجي حسيت بالذنب لان حجيت عليها كالت .
كملت و رحت انام واني افكر معقوله هذا الشخص الي تحجي ويا طيبه صادق وياها معقوله يزوجها زين اذا صدك يزوجه واخذت عمتي وياها اني وجهالي وين نروح والله اخاف ابقه وحدي بالبيت ا زين شلون اروح يم اهلي واهلي بيتهم صغير حيل غرفه الصالح وكواكب وغرفه امي واطفال صالح
ال 3 وصاله الابويه وابويه يحب يكعد وينام وحده ميحب الهوسه زين اشلون ينجمعون جهالي ويا جهال اخويه هوه اروح ساعه خطار يتعاركون
اشلون راح اكمل حياتي هيج ما اعرف اشوكت استقر مادري ياربي انصفني مثل بقيت البنات وصبرني مثل ما صبرت ايوب ومادري شلون نمت من التفكير وكعدت الصبح نفس الروتين اطبخ وانضف والعصر اروح اشويه يم اهلي ورجع
سمعنه اكو مستشفى اتسوي رجل صناعيه العمتي وراحت عمتي وطيبه وصالح وسوولها رجل صناعيه ورجعو وره الضهر تعبانين خطيه حيل وحضرت الغده الهم ونامو ورتاحو وكمت كل يوم اعلم عمتي عليها واحاول امشيها وهيه متعرف خطيه تتعب ومسيطر وبعدين اضوج حيل وتكول .
ام بسام : عوفيه ماريدها جمانه صعبه حيل .
جمانه : عمه حبيبتي على كيفج وانتِ قويه حتى اذا متكدرين حاولي كل يوم لو نص ساعه تتعلمين والله بس اصبري .
ام بسام: ومنين اجيب الصبر جمانه .
:- هاا عمه هااا مو جنتي تعلميني الصبر وتكليلي ربج يفرجها عليج انتِ هسه هم اصبري والله تتعلمين .
كمت كل يوم اجبرها تمشي شويه وابقه اضحكها واسايسها لحد ماتعلمت تمشي لحالها اني اعرف عمتي قويه بس موت بسام تعبها وخلاها ضعيفه والحمدالله تعلمت وكامت تلبسها بالبيت كل يوم وتفتر بيها بس بعدها متكدر تطلع تمشي عليها بره بس بالبيت جيت كلتلها .
:- ها مو كتلج بطله وتتعلمين .
:- اي والله عمه ربي يوفقج لوما انتِ جان ماعرفت .
:- وبعد وبعد تكدرين تتعلمين تطلعين بيها لسوك ولبيت اهلي وترجعين مثل قبل عمه والله بس صيري قويه .
ابتسمت وكالت .
:- أن شاء الله.
:- يله اليوم احطلج الكرسي بالباب وتلبسين عباتج وتكعدين مثل قبل .
:- يااا جمانه كل عقلج اطلع هيج .
:- ليش لا عمه مابيها شي والله هذا امر ربج مابي خجل تكعدين اشويه تغيرين جو والجهال يمج يله كومي وصيري سبعه .
:- يا ولج والله استحي .
:- لا مابيها عيب ابد .
اخذت الكرسي وصحت .
:- طارق تعال عوفه بالباب .
طارق : هاا راح تكعد بيبي بالباب مثل قبل ونكعد يمها .
:- اي حبيبي يله روح .
راح يركض طارق وكعدت عمتي خطيه خجلانه وتغطي رجلها بالعبايه وكامن يفوتن نسوان الطرف ويسلمن عليها ويوكفن يحجن وياها وهيه كيفت خطيه حتى حالتها النفسيه رتاحت والجهال يمها بالباب يلعبون واني طبيت بين التنضيف واحضر العشه وكل هل وقت طيبه جوه بالحديقه تحجي
بابمبايل اوف ياربي بلكي صدك يطلع صادق وياها كملت وطببتهم وقفلت الباب وهيج صارت عمتي كل يوم تطلع تكعد بالباب هيه والجهال وتبقه تفتر بالبيت وتعلمت حيل عليها وطيبه نفس وضعها
واني هم نفس وضعي مخلصتها اطبخ وانضف وادرس الجهال وموفره كل حتياجاتهم وسوك ومواد وكل شي اني مهتمه بي والحمدالله ربي ينطيني قوه
وصبر ومن غير المضايقات الي اشوفها بحياتي اكو ناس عبالها الارمله فريسه سهله الهم او تبقه محتاجه رجل بحياتها بس اني الي حسيته مامحتاجه اي رجل بحياتي وبقيت اصد اي احد.ط يحاول يباوع عليه بغير نضره واكتفيت بجهالي وبيتي والحمدالله
مرت الايام
وعمتي كدرت تطلع وتعبر الشارع بس احنه وياها مرات تروح تزور اهلي ومكيفه بحالها خطيه عبالك رجعت رجلها الحقيقيه الها وتعايشت ويا وضعها الحمدالله الفضل كله الرب العالمين .
طيبه زودتها حيل بعد ماصار النت وفتح الكاميرا وكامت تفتح كاميره وتحجي عادي كدامي كلتلها .
:- كافي طيبه لطوخيها عاد ، وينه يله خلي يجي يخطبج هذا واحد جذاب يخلص وكته براسج .
عصبت حيل وراحت حجت كدام عمتي بعصبيه وكالت .
طيبه : يمه تره جمانه حيل مضوجتني شوفي الها حل انتِ متكيفين ازوج واستقر مثل البنات هذا الولد واعدني يخطبني .
ام بسام: يااا ... والج طيبه انتِ صدك متستحين ولج مو عيب .
:- لا موعيب يمه مابيها شي .
جمانه : يله وينه خنشوف خلي يجي يخطبج اذا هو صادق .
ام بسام: عوفيها جمانه خلي انطيها مهله يومين واشوف علمود اذا ما اجه اكسر المبايل على راسها هاي العوبه .
طيبه : هيج احسن ارتاحيتي اشكد صايره فضوليه جمانه مالج علاقه بيه زين لتدخلين بعد .
صدك انقهرت وستهضمت واني والله اخاف عليها لتروح تغلط واني متاكده يضحك عليها رحت واني واني دموعي على خدي نيمت الجهال وخلصن اليومين العمتي كالت عليهن وماجه ولا خطب ولا حتى بعد اتصل بطيبه بعدين عرفت حضرها من الاساس و طيبه كلبت الدنيا وحقدت عليه حيل
لان بسببي بعد مادك عليها ونقطع التواصل وياه كامت تصيح .
طيبه : كله بسببج انتِ وحده حقوده وغيرانه مني لان احجي ويا بالمبايل وهو يحبني ويريدني .
عصبت وماخلت كلام جارح ماحجته اخر شي كتلها
:- كملتي كلام رحم الله والديج يا بنت خالي
و عمتي بس الي سويته كله صح ، وهو لو صدك يريدج جان مانهزم منج وحضرج هذا جان يخلص وكته براسج وانتِ متردين صدكين بالحقيقة .
طيبه : كافي لتدخلين بعد بيه مالج دخل ان شاءلله ازوج وطلع اني وامي ونخلص منج .
جمانه : ليش ليش هيج تحجين طيبه هاي فوك تعبي وياكم ليش بشنو قصرت اني كليلي منو منكم ماحتاجني ولكاني يمه منو كولي كلشو ردتو سويته ليش مو صايره خدامه اني للكل ولكل طلباتكم وحتياجاتكم .
ام بسام : بس بنتي مو قصدها هيه .
جمانه : لا عمه اني حياتي كلها صارت الكم ،روحي جمانه وتعالي جمانه ليش ولج طيبه ليش اهلي مافكرت ابات ليله يمهم اكول خطيه اعوفهم وحدهم يبقون داريتكم وهتميت بيكم بدون مقابل ابد والله ليش هسه طلعت اني مو زينه وياكم .
ام بسام : كافي جمانه عمه خلي تولي هاي رعنه متعرف تحجي عوفيها خل تولي .
:- ليش عمه كولي اني قصرت وياكم بشي والله حبيتكم واعتبرتكم اهلي ومرات احس نفسي اني ولي امركم ومسوله منكم حتى نفسي نسيتها ولامفكره بروحي .
عفتهم ورحت طبيت انام بالغرفه ولحكوني جهالي نور وطارق يبجون ويتوسلون بيه .
:- كافي ماما والله انتِ احسن ام بالدنيا واحنه انحبج هواي لتبجين فدوه .
باوعت عليهم وحضنتهم وبجيت من كل كلبي .
:- لا بعد مابجي ماما اسكتو لتبجون الحمدلله انتو عندي احسن نعمه بالدنيا .
:- اخنه نبقه نبات يمج بعد بالغرفه .
:- لا ماما نور بيبي تكعد بالليل تريد الكرسي منو يجيبه الها .
:- لعد وانتِ شلون .
:- اني مابيه شي لا حبيبتي اخذي طارق وروحي نامي يم بيبي .
:- بس احنه ضجنه من عمه طيبه ليش هيج تحجي عليج .
:- لا حبايبي مالكم دخل انتو هاي عمتكم ميخالف روحي وجيبيلي بطل ماي الامير اخاف يكعد نسيت اجيب .
:- اي ماما صار .
:- روح طارق حبيبي نام يم بيبي .
راحو شويه و اجتي نور ضايجه .
:- ها اشبيج ماما .
نور : لا ماما تدرين من رحت بيبي تكلي ها صاحتكم يمها علمود متصخرون اليه مو .
سكتت ونقهرت من تفكير عمتي كملت نور وكالت .
نور : كتله لا بيبي هيه دزتنه انام يمكم بس احنه جنه انسكته لان تبجي .
:- هااا ، ميخالف بيبي مريضه خل تحجي .
نور : شفتي ماما شلون بيبي تفكر وتححي .
جمانه : ميخالف ماما بيبيتكم ومره جبيره تحجي بكيفها الاكبار يحجون بكيفهم واني مازعل وانتِ هم لزعلين ابد من بيبي لان اعرفها تحبنه روحي نامي يمه .
:- اي ماما رايحه .
:- طبكي الباب وراج .
كعدت الصبح طيبه زعلانه مني وعمتي هم ضايجه طيبه فهمناها على علمود زواج عمتي اشبيها عفتهن براحتهن وكملت شغلي رجعت تحجي طيبه بالمبايل مادري هل مره تكول ديكون نفسه علمود يجي يخطب وعمتي هم مصدكه بيها واني تركت السالفه لان ماوراها غير المشاكل سبحان الله بزرت عمتي كلهم نفس العناد بس رجعن يحجن ويايه واني هم عفتهن براحتهن مدخلت
كاعده وبايدي كوب الجاي اشرب ودماغي يودي ويجيب بكيفه وحايره بعيشتي وزماني لحد ما
اجتني مكالمه خلتني اتفاجأ وابد ممتخيله هل
شي يصير بيوم من الايام ......
1 تع
إلى هنا ونختم بارت اليوم عذروني على التأخر لضروف بنات صوتو وعلقو وكتبولي شنو هل مكالمه
الي غيرت حياة جمانه وخلتها حايره..
