رواية اسود توب الفرح الفصل العشرون بقلم خالد أسامه
ها منتصر شلونك
هله بخالد استغربت الصوت مابي رد واستقبال مثل كل مره من اخابره
خالد انت وين
ابيتي موجود تعال منتصر عليه
صدك تحجي انت يعني بالعراق
اي تعال انتظرك
جايلك مسافه الطريق
دكيت الباب .طلعلي خالد سلمت عليه ودخلنه جوه
شلونك اخبارك
اشوكت رجعت ليش ما انطيت خبر شو سكته راجع
لا والله بس تعبان حيل نفسيتي تعبانه وماردت اكلف احد
هاي شنو راجع من تركيا وتكلي نفسيتك تعبانه
لعد اني شكول من اشوف اختي اكبال عيني تمرد روحي مرد
صدك بان شلونها
شلونها مشلوله وخرسه متكدر اسوي شي وصافنه بوجهك طول الوقت
خالد . لا صدك تحجي .يعني هي هسه متحجي
اي بس تسمع
وهم متكدر تمشي الدكتور يكور صدمتها اثرت عليها وع اعصابها
خالد .احجي ويه نفسي هاي كلها ابسببي اني جلب اني حقير خربت حياه حبيبتي
والله ما تمنيتلج هالشي ياعشك كلبي
خالد وين اصفنت
لا وياك منتصر
يا وياي كلي شكتلك عالمعمل
هاااا مادري عيد
اكلك المعمل فشل مجاي نكدر نطلع انتاج
الناس كامت متنطي دهن محروك بالدين وانت ماعرف شبيك مغلس عالوضع
منتصر صدك تعبان راسي الف حسبه بي ياريت تغلق المعمل هسه لان مصافيله والله
منتصر .والديانه خالد الناس تريد فلوسها
لتخاف توصل فلوسهم يمهم
منتصر اني كايم اريد ارتاح حاس شايل الدنيا ع راسي
اخذ راحتك اني طالع
لا ابقه عالغده
دايم حبيبي اطلع هم اكمل كم شغله احسن من الكعده والصفنه
خالد .من حجالي منتصر ع وضع بان تمنيت اروح وحضنها ولمها بين ذراعي وغطيها برموشي
من حجه عنها عبالك جبل وطاح ع راسي
ماتمنيتلج هالوضع يا بنو
.........
مر اكثر من ٣ اسابيع ع وفاه الشاب واني ما واصل بيت عمي ولا شايف احد بيهم حتى منتصر صرت اتهرب منه
بس اليوم صحيت واني حلمان ابان حلم مو زين ظل بالي يمها كلت خل اروح اشوفها وريح نفسيتي بشوفتها
وصلت دكيت الباب طلعلي حسين
هله بخالد شعجب مريت بينه
هله بحسين والله مخنوك وكلت امر عليكم حتى ارتاح
خوما ضايقتكم
لا يابوي كل الهلا بيك
انت شعجب مطالع الشغلك
والله مو اخذت بان للعلاج وتونه رجعنه منه
اي وشلونها هسه
والله احسن من قبل بدت رجلها تستجيب ولو قليل بس نكول الله كريم
زين حسين اكدر اشوفها
والللللله شكلك
بس هالخدمه حسين ما انساها الك طول عمري
تعال تفضل
شلونج عمه
هله يمه شلونك انت شلون الاهل امك خواتك بنتك
كلهم زينين يبوسون راسج
تسلم وليدي
يمه خالد يريد يشوف بان
اي تعال شوفها والله حالها يصعب عالكافر
وصلت غرفتها اول الداخلين امها وبعدها حسين وبعدها اني
اول ما ادخلت الغرفتها حركت نفسها تريد تكوم او تعيط وفتحت عيونها ع وسعهن 👁👁
صراحه خفت من انفعالها
تأشر بيدها وجان تعيط وتوكف ع رجليها
امها كامت عليها وحضنتها وتبجي
حاولت تسندها
جتي عيني ع عمتي شفتها حيل فرحانه لان بتها نطقت وكامت ع حيلها
اني هم فرحت رغم الالم الي بداخلي لان فعلا حاس بتأنيب الضمير
صعبه حيل صعبه عليها اووووف ماكول غير السبب منج يابان
بان .اطلع برررررررررره اطلع جبان خسيس
اطللللللللع طلعوه
وكامت كوه تمشي وتريد تجي عليه وجان توكع
ركضت الزمت يدها
جان تنفض يدي قوي
وكالت بصوت مهزوز
لتلزمني يا قاتل يانكس
بان هاي شبيج احترمي ابن عمج جاي يشوفج ويسلم عليج
كله خل يطلع بره ماريد اشوفه او اسمع صوته حسين خلي تطلع بره
تأشر عليه وتكلي
انت قاتل انت قاتل
حسستني فعلا قاتل وهي شافتني علمود تثبت هاي الكلمه عليه
خليت وطلعت من غرفتها
بس شكلها ولا هو بان ضعفانه وجسمها صاير نحيل
وجوه عينها اسود لليل فعلا متغيره صايره تخوف
حسين .يابه امسحها بيه تره بان متهستره مو قليل بيوم عرسها ينكتل زوجها
خالد .معذور حبيبي اكيد معذوره صعبه وحده بيوم عرسها تكون ارمله
رغد .خابرتني امي وكالتلي بان رجعت تحجي ومشت خطوتين بس مو حيل
يعني يراد متابعه الها
اجيت اني ومهيمن ع بيت اهلي
دخلت ع بان بستها وحضنتها
شفتها مطلعه تلفونها وتباوع عالصور
وبصوت يرجف
رغد باوعي حبيبي بكل وكت وجهه يضوي نوره ماينطفي رغد اريده محتاجته اريده رغد 😭😭😭😭
حبيبتي ميصير هيج اضلين تأذين نفسج
رغد المن اظل عايشه اذا عمري كدامي انكتل والحقير عايش ومتهني
المن تقصدين عايش ومتهني
خالد اكو غيره
لا بان خالد شله علاقه بموت اسامه الله يرحمه
هذا قضاء وقدر
لا رغد وعيونج اسامه مات مقتول اني كلبي ميكذبني
حتى احلمت بأسامه جاي عليه وراه خالد واكف وشفت اسامه وكع واني حسيت واحد لزم ظهري وكسره
بان هذا حلم
رغد حلم بس حقيقه ولازم اخلي خالد يعترف بأن هو الكتله
ميخالف حبيبتي لتتعصبين .اذا صدك خالد اله يد بالموضوع لازم يجي عليه يوم وينفضح وينكشف
بس صدكي ما اصور موته قتل لان عرس وصار رمي من عمامه واصدقاءا كلهم
اني اكول هاي طلقه تايهه بسبب الرمي
رغد شوفي شكاتبلي اقري وتكليلي انسي وكافي الم وحزن وترديني انزع الاسود
ياثوب بعد
الالبسه ما يحله بعيون ابد
صارت حياتي سوده مثل سواد الليل الخالي من الدفه
روحي صارت شته مليانه بروده وخاليه عاطفه
اقري رغد وسمعيني شكاتب عفيه اريد احسه هو الديقره الي ويسمعني كلامه
اي راح اقره
دخيلك ياترف ماظل عــقل عـــندي
حاير شحجي منين الك ابــــــــدي
بعيونك اوصف لو بالرمـــــــــــوش
هواي اوصاف عندي خاف متكفي
بحر هنة العيون ويغرك من شــــاف
وسر العشك بيهن ربك مـــخــــــلي
ويل وجهك ينور ظلمة اللــــــــــــــيل
اظــــــــــــن حتى الكمر منك مضــوي
ومن تهمس الشفة وتلاعب الكلمات
شعر احــــــــــلى من العسل تنطي
دخيلك مرجحنا الهوى يجيب ويودي
تفاح الخدود ومرمر الوجــــــــــــنــات
ولون الشفة احمر ينطي على الوردي
مجــــــــــنون بجمـــالك اعترف والله
لان كل ما اشوفك ميظل عقل عندي
اوووف اسامه اشتاقيتلك حبيبي
رغد اباوع عليها مغمضه عيونها وتحجي وياه دمرت كلبي حتى دموعي نزلت بس سكته ماريد ادهر اعصابها اكثر وسمعها تكول اله
ااااااااااااااااخ ...يا اسامه
يانسمة شبابي ...الغربت ...
ياهو اليردها ..؟
اورسمت اجروحي الچـثيره ...
و حاير...ابيا صوره اخليها و اشدها ...
عاد ...يالچـتفت روحي ...
ابسلسله حسرات ...فدوه هدها
ونجان الك عنوان.... الي روحي ردها
بفراكك يامحبوب....صرت للموت روحي اودها
لا تذوبها ابلهيب موتتك
من كونك تودها
كون ابلحظه الي روحك تردها 😭😭😭😭😭
بنو حبيبتي كافي والله كطعتي كلبي فدوه
المات مايرجع هاي اخذ نصيبه من الدنيا
صدكي الله يحبه واخذه من عذاب الدنيا
هاج مو دشوفين بعينج شباب مثل الورود يوميه يموتون بنفجار واكو الما تلكين الهم اثر حتى مالهم كبر حتى اهلهم يجون ويزوروهم
لازم تنسين وتعيشين تره خطيه والله دا يتعذب بكبره
اقريله فاتحه ختميله قرأن احسن من لبسج للاسود
وياعمري الحزن بالكلب مو بالشكل ياعمري انتي
رغد اعرف هذا كلامج واعرف الحزن بس بالكلب
بس اني ما اكدر اتصنع وابين للناس اني مابيه شي
رغد تعرفين شنو من تفقدين حياتج وانتي ع قيد الحياة
والله اعرف وفاهمتج
هسه ماعلينه انتي هسه لازم تشدين حيلج حتى ترجعين تمشين وصوتج يرجع مثل الاول
اي ميخالف
اني يوميه راح اجي عليج حتى نتمرن ونتحسن
عفيه رغد اكدر اطلب منج طلب
اي حبيبتي طلبي
اريد اكعد وحدي عفيه محتاجه اختلي مع نفسي
اوك بس لترجعين تبجين وتتاذين فدوه
اي ميخالف
😭😭😭😭😭😭تكلي لتبجين هو اني اكدر ما انزل دمعه
وينك ياعمري بس تعال وشوف حالي من بعدك
.........
رغد بعد مرور اربع شهور ع وفاه اسامه وحاله بان
تحسنت وكامت تمشي بس بعكاسه حتى تستند عليها
ورجع صوتها .وبدت تطلع من غرفتها وتلتقي بينه وتكعد ويانه .ورغم هذا كله بس اتحس في ملامح وجها الحزن والالم
منتصر .خالد تره ميصير هالحجي انت كل مره توعدني ومسوي شي
شبيك منتصر بس تشكه
شنو اشكه .اكلك الديانه كامت تجي للبيت تريد فلوسها
منتصر بس كلي شكد ديانتك
مو ديانتي خالد هاي ديانه المعمل الفتحته انت بس المشكله مجنت انت التشتري الدهن اني الي اشتري واسجل ع اسمي
منتصر يصير خير انسدده كلها بس اصبرلي
ميخالف خالد اصبرلك
بان .ماما عفيه اريد اروح لنجف الله يخليج
شعدنه بالنجف بنتي والجو بارد
ماما اريد اروح ازور حبيبي
بان بنتي انسي لازم تشوفين حياتج
لازم تزوجين وتعيشين
كااااااافي سكتي سدي الموضوع ما ازوج ما اكون مره لحد
اني زوجه حبيبي وبس .ما اسمح الاحد يملكني غيره
بنتي
كااافي ماما .ماريد ماروح لتلحين عليه
ميخالف اشوف ابوج واخوج واذا قبلوا نروح
ماما خلي باجر عفيه حيل مخنوكه والله
الام .سويت جاي وصبيته ورحت لابو منتصر
طلبت منه نروح لنجف خطيه الزلمه ما اعترض
بقه بس منتصر والله كريم
انتهاء .اكلك عمتي تريد تحجي وياك
اي وينها امي
هسه اشوفها وين
منتصر كاعده بغرفه بان اصيحها
لا اني رايح يمهم
السلام عليكم
وعليكم السلام تعال ماما ادخل
شلونج بنو
الحمدلله احسن
ان شالله دوم حبيبتي
اي يوم انتهاء كالتلي انتي محتاجتني
لا منتصر مو امي اني الي محتاجتك
عفيه فدوه اروحلك عندي طلب ولا تردني
اي كولي بنو
اريد اروح لنجف باجر
شنو
فدوه كتلك لا ترفض
زين اله باجر خليها الاسبوع الجاي
لا منتصر والله روحي مخنوكه حيل محتاجه اروح
بس منو يوديكم
الام .من الكراج نصعد
لا يمه شلون
هسه اخابر خالد وكله باجر ما افتح المعمل واني اخذكم
يله اني اترخص
منتصر باجر نروح
ان شالله
كمت حضنته وبسته لان فرح كلبي وراح اشوف حبيبي
الووو شلونك خالد
هله منتصر
اكلك الباجر مافتح المعمل
ليش خيرك
عندي روحه لنجف اخذ الاهل
المن تاخذ
امي وبان
ليش خير
والله بان تريد تزور تحس نفسها مختنكه
اوك اني هم جاي وياكم اريد ازور وعندي موضوع اريد احجي بي وياك والوحدنه
هله بيك
بس لتكول كدام الاهل اني جاي
ليش متريدني اكول وشنو موضوعك
لا تستعجل باجر تعرفه
الجزء ...٢٠
طلعنه لنجف ساعه ٩ الصبح خابرت خالد
صباح الخير .تجي ويانه لو بسيارتك
يسعد صباحك .اي اجي وياك تعال مرلي للبيت خوما كتلهم اني جاي وياك
لا ماحجيت
اي زين
اي جايلك هسه اني بالطريق
بان .هاي وين ماخذنه منتصر عبالك طريق بيت عمي
اي صح بس دقايق ونطلع لنجف
وصلت البيت خالد دكيت هورن
طلع خالد وصل السياره فتح الباب وصعد سلم ع امي وبان
بان .هذا شعنده ويانه صاعد
منتصر .بان عيب شنو هاي عدلي اسلوبج
ما اعدل شي وكف السياره خلي انزل
اكعدي وبدون تهور
منتصر نزلني
الام .يمه اسكتي وخلي الله يسهل طريقنه خوما خالد كاعد ع كلبج هم الزلمه حاب يزور اهل البيت
وما يزورهم اله من اني اطلب اروح لنجف
يمه متكليلي اشديتي ويه الزلمه اسكتي عاد وخلي نوصل
امي حجت ويايه بسكوت حتى مايسمعون الكدامنه
يمه اني ما اطيقه شلون راح اتحمله الطريق كله
كافي عاد بان حيل طوختيها
اسكتت وطلعت القران وكمت اقره ويه نفسي الطريق كله
خالد .عمه هاي وصلنه مطعم تنزلون تاكلون تشربون شي
اني مارديت بحرف لان ماريد احجي وياه ابد
وكفت السياره نزلنه اني رحت للمغاسل ورجعت
شفتهم طالبين اكل لان احنه من طلعنه ما اكلنه شي ولا حتى شربنه جاي
كعدت يم امي بس ما اكلت ولا لكمه
خالد .شو متاكلين بان
مارديت عليه
وراها جابو جاي هم مشربت
خالد .عالاقل شربي جاي تره ادوخين بالطريق
منتصر عفيه اريد السويج حتى اكعد بالسياره لان بردت
هاج بس دوسي هاي الدكمه
اي ميخالف
كمت وعفتهم طلعت كبال المطعم اكو حديقه حيل حلوه امشي وذكر من جنت اطلع ويه اسامه شلون جان يكطعلي ورده ونكعد بالخضار دمعت عيوني وبكلبي حجيت
جايتلك حبيبي
خالد .انت شلون تنطيها السويج بله سوت شي بحالها شغلت السياره وضربت نفسها ما فكرت
لا مسويها بان
شمدريك شنو كاعد بفكرها انت
يله كوموا
اشويه وجوي صعدو وهم نطلقت السياره
صارت الساعه ١٢ ونص الظهر وصلنه
منتصر فدوه اول شي ودينه للكبور وبعدها نزور
اخذني والف حصره في كلبي اختنكت بس اريد انزل احس روحي تنسحب مني كمت كوه اتنفس وجر النفس غمضت عيوني وسرحت بالخيال
منتصر .بان
الام .بان يمه بان
هااااا شبيكم
انتي شبيج
لا بس يمكن غفيت اشويه
الام .وصلنه هذاك كبره
ماصدكت نزلت مثل المخبله بس اركض وجبح الطريق كله
اريد بس الزمه صار الطريق ابعد من المستحيل
من وصلت ماعرف شلون حضنت كبره وعيط وابجي
اطلع اسامه ..اطلع حبيبي ..اطلع يانظرعيني
اسامه اني جيت اشوفك وشم ترابك وحضن طيوفك
.وحك ذاكه حلمنه الماتحقق يوم
وحك دمعي الذرفته بيوم فركاكم
بعدني بذاك حبي ولا زلت اشتاك
واموت من القهر لو مرني طرواكم
يمر الليل بيه وخنكه بيه تصير
جنت يمهم يربي اليوم مو وياكم
كلت باجر يجوني وعيني صوب الباب
والف باجر اجه ومامرني ملكاكم
اريدن بس اكلكم ولو ماتسمعون
التراب الحضنكم مابعدني عنكم يوم
وظل دوم اني بطرواكم
وحك روحي الحزينه تأذي ذكراكم.
جيتك حبيبي اريد اتوسد بحضنك وشكيلك همي وجروحي
مخنوكه عليك ودموعي مابطلت 😭😭😭😭😭😭😭
منتصر ..بان يله صارلج ساعه كاعده يم كبره تره حرام عليج هذا السوي هو جاي يتعذب
اوكف منتصر فدوه ما اشبعت منه والله
لا كافي يله كومي
ماريد اكوم منتصر .روحوا انتوا كملوا شغلكم واني عوفوني يمه
كومي بان .يله بابا كومي
منتصر فدوه عوفني
كومي حبيبتي اجيبج والله غير مره
لزم يدي منتصر وكومني كوه ماريد اكوم اتمنى اموت وندفن بصفه والله حرام اظل عايشه وهو ميت
اريد اموت ....اريد اموت
بس دقيقه خلي اعلك بخور
مشيت بس عفت كلبي يمه ما اخذته امشي ورجلي ما تساعدني عالمشي عبالك راح ارجع انشل
بس كملت طريقي وصعدت ما اسمع غير كلبي لان اسامه جاي يحاجيني
خالد .البقيه بحياتج كون اخر الاحزان
امي .يمه حاسه بشي
ما ارد ع احد بس اهز براسي ويدباوع عليهم
بعدها طلعنه المرقد الامام علي (عليه السلام) هم كعدنه صلينه وقرينه الزياره
خالد .خلي نطلع الكربله
ها تطلعون
امي .اي ودينه احنه بعد جاين خل نزورهم كلهم
رحنه الكربله دخلنه الحضره وزرنه العتبتين المقدسه (سلام الله عليهم )
يمه عود اهنا نلتقي انتن زورن وكملن واحنه هم داخلين بس لاتنسون هاي اهنا نلتقي
اي يمه روحوا اني اخذ بان دخلنه ودموعي مابطلت بواجي
ابجي واحجي ويه ربي بان يكشفي حقيقه قتل اسامه ويوكع خالد بيدي
منتصر زرنه وصلينه وندعينه طلعنه رحنه للمكان بعدهن ماطالعات
خالد .خل نكعد ننتظرهم اهنا
اي ياخالد احجي شنو موضوعك
والله يامنتصر صدك خجلان وماعرف شلون ابدي وياك
لاليش احجي اخذ راحتك
منتصر اني رايد اختك ع سنه الله ورسوله
منتصر ٠😲😲😲😲 شلون
اي منتصر اني من زمان رايد بان من قبل لا تنخطب وتزوج بس جنت اصبر حالي وكول بعدها صغيره ومن سافرت نصدمت برجعتي هي مخطوبه
وانه مكدرت اسوي شي
بس هسه هي ارمله ومجتاجه رجال يعينها ويساعدها خوما تظل هالمسكينه بدون زواج وظل تاكل بروحها وعايشه ع ذكرى
انسان ميت
والله ياخالد انت صدمتني
وطلبك مو وكته هسه حتى البنيه ما مكمله عدتها
لا شلون من شهر التاسع واحنه هسه الواحد
بس بان مااصور ترضه تزوج هالشوفهه انت
خالد .اكلك منتصر احنه اظل نكول اصور وما اصور
انت اخوها الجبير وتعرف مصلحتها وين
البنيه ابوها او اخوها اليقودها ما تقود نفسها هي
وان تجي للحك انه اوله من الغريب هي بنت عمي وانه سندها والعمر كله
بس انت ياخالد مزوج وعندك طفله
منتصر شبيك الدين والشرع والقانون حلل اربعه صح لو انه غلطان
بس يخالد وسن ماتنحمل لا تزل مني
لا ما ازعل وكلامك صح واني مخصص الطابق الفوك البان حتى درج خارجي ابنيلها
والله ما ادري شكلك
لاتكلي ولا شي روح كبل كللها خالد خطبج مني واني وافقت
الله كريم خل نرجع ويصير خير .
هايمه كملتوا
اي يابعد امك
عمه زياره مقبوله
تسلم وانت ايضا زيارتك مقبوله
منتصر .ها بان نرجع
اتمنيت اكله لا عوفوني يم حبيبي بس ما اكدر اكول
اي نرجع
حبيبتي ما جعتي
لا موجوعانه
يله امشونه
رجعت البغداد والدنيا غربت وبدت تمطر ويه كل زخه مطر اذكرك ياعمري
منتصر .الطريق كله امشي بالسياره وعيوني ع بان اشوفها غركانه بالدموع وفكر بطلب خالد وكلامه
صح بان مالازم تظل هيج هاي راح تبقه عايشه ع ذكرى زوجها لازم تزوج حتى تنسه المرحوم
خل نرجع والله كريم
وصلنه للبيت ساعه ٨ بالليل فتت غسلت وبدلت ثوبي وضميته حتى مراح اغسله لان بي ريحه ترابه
خليته بالكنتور
وحق الحسين يا اسامه مثل ما اليوم اجيت وتعنيت الك اله اخذ حقك من الكتلك هذا وعد مني
ما اخلي يوم واحد يرتاح
طلعت اكلت اشويه ورجعت الغرفتي
حسن .يمه شلون اني اريد ازوج ومحتاج غرفه بان قبل جنت متأمل هي راح تزوج وتفرغ الغرفه هسه شلون فهميني
يايمه اصبر يلكي يجي نصيب الها وتزوج
وبله ما اجه النصيب ابقه اني خاطب ومتعلك
لا عود من استلم السلفه انطيك الفلوس وبني غرفه الك فوك
انتي اشوكت سلفتج
يمكن الشهر الجاي او البعده مو بعيد حيل
زين شكد السلفه
٣ ملايين
اي زين اصبر وامري لله
صبحنه الصبح الكل طلع الشغله
انتهاء راحت الاهلها
بديت اشويه انظف فتت للاستقبال شفت بابا كاعد
صاحلي تعاي بنتي
كعدت بصفه ..ها بابا
بنتي كلشي بالدنيا هو ملك الله عزه وجل
والانسان هو زرع ربج يزرعه وشوكت ما يريد ياخذه
صحيح بابا
يعني يابنتي مايصير اظلين لابسه الاسود
ما اكدر بابا انزعه
لا بنتي اذا فعلا تحبيني روحي غسلي وصلي ونوي تنزعي لا تلبسن الوان عود لبسي غوامق مثل جوزي اخضر نيلي
صار بابا هاي بس الخاطرك
عفيه ابنتي ربي يكملج بعقلج
كمت بس كلبي محصور من طلب ابويه ماريد انزع الاسود لان بعد ما تحله الالوان بعيوني صارت كلها الدنيا لون رماد مو حلوه بعيوني
رحت ساعدت امي بالمطبخ وبعدها دخلت غسلت وطلعت دشداشه قديفه لونها زيتوني غامق جان بيها خرز وشغلات لغيتهن كلهن شلت كل الخرز صارت صافيه والبستها
صليت وكاعدت اقره قرأن ودخلت رغد
هلو بنو بوستني اي عالخير كون خاتمه الاحزان وماترجعين للاسود
شكرا رغوده والله لو بيدي ابقه كل العمر بي شلي بالالوان وحبيبي وعمري وحياتي راح مني
الله يعوضج ياعمري
لا لتكوليها مايصير رجال الي غير اسامه
بان الدنيا ماوكفت ع احد
بس اني عندي وكفت ونتهت
منتصر .رجعت للبيت من وكت اريد احجي ويه امي بلكي تحاول تحجي ويه بان
فتت ماكو احد بالمطبخ دخلت الغرفتها شفتها تصلي انتظرتها
تقبل الله
النه والكم صالح الاعمال
هايمه بيك شي محتاج شي
اي والله يايم بيه شي ومحتار بزماني
كول يمه الله لا يحيرك
يمه خالد طلب بان مني
شتكول خالد طلب بان .هو مومزوج ومرته مقاصره
يكول الله حلل اربعه
اعرف يمه بس هو يعرف بان هسه ماتقبل لو يتقدمولها زينه الشباب بعدها ما نست زوجها
يمه اعرف مانسته بس انتي حاولي وياها فهميها هي هسه صارت ارمله يعني فريسه سهله للعالم تره الناس ماترحم يمه لا تظلين ساكته احجي وياها انتي ورغد حتى انتهاء راح اخليها تحجي وياها
يمه راح احجي واشوف شنو ردها
اي يمه قنعيها حاولي وياها
شلونك مهيمن من اشوكت انت اهنا
صار ساعه تقريبا
ها يعني رغد موجوده يمنه
اي جبتها وجيت
كل الهلا بيكم
بالمهلي ابو جود
يله وينكم خلوا الغده
رغد .اي جايين
اكلج لعد وين انتهاء
راحت لهلها
يااا عبالي اسئلها
ع شنو تسئليها
عالحمل اشو عندي اعراض مأذيتني معقوله كل حامل اتحس بيها
والله ماعرف خابريها
لامو مال اتصال لازم اشوفها وحجي وياها
وينكم
اي جايين .يله خل نكوم نصب الولد جاعوا
صبينه ودخلت للهول
الاب .اي عفيه باباتي ان شالله ماترجعين تلبسي
شكرا بابا
مهيمن والولد ايضا تمنولي خاتمه الاحزان وتشكرتهم
وتغدينه للعصر راحت رغد كالت تروح لدكتوره ومناك ترجع البيتها
هجزت العشه تعشينه صبيت جاي للكل وبعدها الولد طلعوا ومنتصر راح يجيب زوجتها بقينه بس اني وامي وابويه
كمت غسلت الماعين ورتبت المطبخ رحت الغرفتي اريد اتمدد لان تعبت حيل
كعدت عالجربايه وتسطحت
كتابه قصص:
فاتت امي
تعاي يوم تفضلي
حبيبتي اني جايتج بموضوع بس اسمعيني للاخير ولا تكاطعيني
اي يوم احجي
يمه الموت حق علينه كلنه وحرام نعترض ع حكم رب العالمين .ومن يموت عدنه شخص مو معناها وكفت الدنيا .لا يمه الدنيا تستمر وهالتشوفيني اني كدامج ملتت امي وابوي وقبل سنتين مات اخوي صح تأذيت وبجيت وحزنت بس ماوكفت الدنيا عندي هاي اكل واشرب واخدمكم
اي يوم دخلي بالمفيد
يمه حبيبتي جتلج قسمه وخوش قسمه
يمع كافي سدي الموضوع زواج ما ازوج كليلهم ماعدنه بنيه لزواج
حبيبتي غير تعرفين منو
يمه فدوه رحتلج ماريد اعرف همه منو
كافي سدي الموضوع كتلكم زواج ما ازوج (بعياط)
انتهاء ..هاي شكو
انتهاء اخذي امي وياج وسدي الباب
بان اخوج جوه تره وانتي صوتج عالي
اي خليهم يسمعون ماريد ازووووووووج
منتصر .لج هاي ليش تعيطين
طلعووووووو بررررررره
الام .نو كتلك مترضه
ليش هي عرفت منو طالبها
هذا ياحيوان الجاي طالبني
انجبي كديشه ابن عمج رايدج تاج راسج
بان ..منوووووووو😱.......؟
