رواية اسود توب الفرح الفصل الواحد والعشرون بقلم خالد أسامه
منتصر اني زواج ما ازوج قطنه وطلعوها من اذانكم
منتصر .عفتهم وطلعت لان ماريد الح وياها اعرف نفسيتها تعبانه
خلي غير وكت اكعد وحجي وياها
بان .الكل طلع من غرفتي غلقت الباب وظليت بس ابجي وادعي ع خالد فوك ما كتل زوجي جاي يتقدملي
صدك لو كالوا يقتل القتيل ويمشي بجنازته
غفيته بس كلبي مقبوض مجرد اسم خالد ينذكر اكبالي اني اتهستر شلون يردوني اكون زوجه اله
بعد مرور اسبوع
اجالي خالد للمعمل ..ها منتصر حجيت ويه بان
اي والله البنيه ما تفكر بالزواج هسه تكول تراب زوجي مانشف وماريد ازوج
بس ترضه انت يامنتصر اختك تبقه ع هالوضع وتعرف الناس ماترحم
لا اكيد ما ارضه بس هم ما اكدر اجبرها هسه لان مكسوره خاطر
ع راحتك حبيبي انت اعرف بختك
زين شنو الوضع عندك
والله ما يبشر بخير
هسه بقل خمس دقايق طلع واحد من المعمل يطلبنه فلوس
شكد يطلبك
والله مليون
منتصر كلي مجموع الطلب كله شكد عليك
٦ ملايين
مو عليه عالمعمل هذا الطلب
بس هو مسجل بسمك الطلب
اي صح بس اني ما نزلت فلوسهم بجيبي
حبيبي هذا شغل ماكتلك روح اخذ دهن بالدين .جان اصبرت الحدما ندبر فلوسه
خالد مو انت جنت اتكلي اخذ واني اسدد بعدين
منتصر مليون مليونين مو ست ملايين
وهسه شلون خالد .اذا ما اسدد للناس يحبسوني لان مسجل عدهم بالسجلات واكو كمبيالات بسمي
شوف منتصر اني راح اريحك وسدد عنك الدين كله ماخليك مطلوب ربع دينار
بس بالمقابل انت هم تريحني وتنفذ طلبي
وشنو طلبك
٦ ملايين اعتبرها هديه البان بشرط تكون زوجتي وانت حر القرار قرارك
بس فكر عدل سجن لو حريه وركبتك معلكه بيد اختك الك يومين وتردلي خبر
هذا العندي منتصر
خليت وطلعت
بسيطه بان اني الج اول مره رفضتيني وكلت سهله الثانيه اطلع بيها روحج والحمزه بيدي اذا ماصرتي الي
دكيت ع ام منتصر
شلونج عمه
هله يمه انت شلونك وشلون بنتك والاهل
زينين ويسلمون
ربي يسلمهم
عمه محتاج رقم رغد اذا ماكو زحمه عليج
رحمه يمه بس ليش محتاجه
والله مو اني وسن رايدته
هااا هسه اكول البان او انتهاء يدزوه الك برساله
لا عمه ردي الي اني اكتبه
واللهم يمه ما اعرف شلون اني محافظته
اني اعلمج
لاتسدين الخط بس دخلي ع قائمه الاسماء او........
اي يمه سجل
٠٧٧٠.........
شكرا ما انسه فضلج هذا
يمه قابل اسويت
مع السلامه
هااا بس نسيت اكلج عمه لتبلغين احد اني اخذت رقمها منج .لان وسن كالت شغله متريد احد يعرف بيها
صار اوليدي
خزنت الرقم ودكيت ع رغد مرتين ثلاث مجاوب
دزيت رساله اني عبير
رغد .جنت انظف البيت وجتلي حماتي شايله تلفوني
رغد هذا رقم غريب يدك عليج
اخذته ما اعرف الرقم منو هذا .عفته يدك
بعدين وصلي مسج مكتوب اني عبير
ورجع دك شلته
الوووو
اني خالد لسدين الخط عندي موضوع وياج ولازم تتلاحكين النفسج قبل لا تخسرين كلشي
انت شتحجي بله متستحي شنو اتلاحك النفسي
رغد موضوعج بيدي
اي موضوع
موضوع عقيل
رغد .😱😱😱😱😱 شنو
اي عرفت موضوعج واريد اشوفج حتى احجي وياج
خالد اني ما اطلع تدري كلش زين شنو تريد احجي اهنا وهسه
لا حبيبتي ميرهم اله اشوفج
واذا ما رضيتي عادي يوصل الخبر الزوجج وعيالج
شنو انت تهددتي
شلون ما تفهميها افهميها 😏😏
زين وين اشوفك
تعالي لصيدليه الكبال الفرع
بس هاي بعيده خالد محد يقبل اروحلها
مشكلتج وسديت الخط
رغد .عزه بعيني هذا الجلب شرايد مني ليش رجع فتح موضوع عقيل معقوله الحيوان عقيل رجع كله يريدني وحجاله
شلون ياربي منرتاح احنه
مهيمن اذا سمع والله كبل يطلكني عباله اني خاينته
وعيالي من يسمعون ما يرضون والله يطردوني
شلون ادبرها ياربي
عمتي .رغد عيوني طالعه اني ورونق الدكتور الاسنان خطيه عاط عليها ويمكن وكعت الحشوه
اي عمه ترحون وترجعون بالسلامه
ديري بالج ع نفسه بين ما نرجع
صار عمه
اي الحمدلله هاي اول عقبه راحت بس مهيمن شلون اقنعه وطلع
فكرت اهواي وبكل الطرق مابقه حل براسي
اخر شي حرت للمطبخ اسوي جاي لان دمرني التفكير
واني واكفه يم الطباخ وخطرت ع بالي فكره
خابرت مهيمن
هلو حبيبتي شلونج وشلون البيبي
لك الحكلي مهيمن
شبيج ياعمري
دا سوي جاي وكع المي الحار ع بطني وهسه نصلخت
امي وين
اخذت رونق وراحت الدكتور اسنان صارلها ساعه
مهيمن دا موت من الحرك شلون
حبيبي دوري دهن شي خلي عالحرك
مخلصين
مهيمن فدوه الطفل خاف يتأذه اكلك خلي اروح لصيدليه اجيب دهن حروق
شلون ترحين وحدج رغد وانتي حالتج حاله
شلون لعد مهيمن اموت احسن خاف اسمم
لا لا هسه اجي
ليش انت وين
والله بعيد عليج حيل
مهيمن بس هالمره خليني اروح راح اموت من شده الالم
يله حبيبتي روحي وديري بالج ع حالج ومن ترجعين خابريني
اي حبيبي باي
سديته من مهيمن وبكلبي رجفه ماعرف شلون تمالكت نفسي يمكن الخوف يخليك تتحول انسان ثاني
رجعت دكيت ع خالد
تعال هسه للصيدليه لتتاخر
اي اني قريب عالمنطقه
طلعت وكلبي يرجف مثل سعفه
وصلت واترقب
وصول خالد
اشويه وصل فتح باب السياره
مقبلت اصعد
شبيج رغد شلون نحجي بالشارع يعني
لا انزل انت ونحجي
اي شلون العالم رايحه جايه
لعد اظل واكفه السياره منروح المكان
اي ميخالف
اصعدت .وتمنيت اضربه والله اباوع بعيونه
شايل عيون ذيب
اي شرايد مني انت وشجاب عقيل عليك شيريد مني مكافي تركضون ورانه شنو بس احنه الله خالقنه بنات
رغد .لتاكليني بلسانج
شوفي اني اريد بان وهي مجاي تقنع مالكيت غيرج اليقنعها
بس انت تعرف بان مترضه بيك اصلا مطيقك
هاي قبل من جانت مخطوبه بس هسه صارت ارمله ومحتاجه رجال وماكو غيري ينفعها
اريدها منج رغد
الباجر اسمع منج خبر يفرحني
وع موضوع عقيل وسالفته النكسه صدكي محد راح يعرف بيها اذا صارت بان الي بس اذا عكس هذا الطلب لا عذريني
يله نزلي ورجعي ابساع للبيت ونتظر منج جواب يفرحني
رغد. خالد ليش تلح بان متريدك ليش تجبرها حتى اذا صارت اجبار مراح اسامحك
ماعليج انتي نفذي وبس يله نزلي
نزلت واني اعصاب .الله ياخذك ويخلصنه منك
بله هسه شكللها وشلون اقنعها البان
وهذا الجلب عقيل الله لا يوفقك ياكلب
رجعت وكل دمعه بعيني هالكبر دخلت للبيت
هااااا اسويتي كولي
ع شنو
مو كلتي احتركتي
هااااااا اي اي زين ماكو شي يخوف
ليش لعد تبجين
ماكو شي مهيمن لتلح ويايه عفيه
تعاي شنو لتلح غير اريد اعرف اشبيج
اكلك والله بس غير وكت
الطفل بي شي
لا والنبي مابي شي بس اني مخنوكه
تردين تروحين لهلج
لا لا ماروح خليني بس افوت انام عفيه
اوك نامي بس من تكعدين تحجيلي
ميخالف
فتت غطيت حالي وحاولت انام بس التفكير دمر راسي اني بين نارين حياتي وحياه اختي
لو اطلك اني ونذبح من اهلي لو هي تزوج هالحقير
ربي ساعدني فدوه رحتلك يسر ولا تعسر اللهي مولاي
منتصر فتت للبيت مخنوك ما متحمل نفسي الطفله تبجي عطت بنتهاء سكتيهااااااااااااااا حيوانه يله اخذيها وطلعي من الغرفه
انتهاء .هاي شبيك منتصر
ماريد اسمع صوتج .اسكتي طلعي وسدي الباب
ظليت امدد عالجربايه افكر وجكاره ورا جكاره خلصت باكيت ابغضون ربع ساعه
طلعت ورحت البان
دكيت بابها
منو
اني منتصر
تفضل
شلونج بنو
زينه بشوفتك
دوم يارب تكونين زينه ومرتاحه
اشكرك منتصر
ظليت ساكت لان شحجي وشلون ابدي واني اعرف جوابها قبل لا تسمع الخبر مني
اي شبيك منتصر شوساكت محتاج شي
والله يابان مستقبلي وحياتي كله بيدج انتي
شلون بيدي خير شكو
بان اني واكع بشده وبس الله وانتي التخلصوني منها
شلون اخلصك اني شنو امتلك حتى ادفع عنك البلاء
تمتلكين كلمه نعم .هي الوحيده التخلصني من السجن
سجن.😳😳....؟
اي يابان سجن .ترضين انتي اخوج يفوت سجن وبنته تتربه بعيده عنه ومن تكبر يعيروها ببوها لو زوجتي تطلك مني ابسبب السجون
سترك يارب .كول منتصر ركبتي الك سداده
بان سجل الديون مسجل بيها اني مطلوب ١٠ ملايين الناس واني هالتشوفيني شغلي مو ذك الشغل القوي حتى اكدر اسدد هالديون
اكو شخص راح يدفعها عني هالفلوس بس مقابل ترضين انتي ..................
شو اسكتت كمل
مو اعرف ردج يا خيتي
لا كول
شرايد هو
رايدج مرته تكونين
منوه هذا ..؟.....خالد
اي خالد .صدكي يابان هو يحبج ورايدج بالحلال
يعني لان رفضته اول مره يريد يكسر خشمي بيك
بان لتكولين يكسر خشمج واحنه موجودين
اي موجودين لعد دفعوا العشره ليش اروح اني ضحيه
بان المبلغ مو بسيط حتى نكدر ندبره
زين انتي ترضيها اخوتج بخسرون ويدفعون كل هالفلوس وهم اشد الحاجه الها وانتي بأمكانج اسديها ابمكانه بكلمه نعم
منتصر خالد مزوج وعنده طفله
حبيبتي بيتج وحدج مالج شغل بزوجته
ما اكدر صدك اسامه اخذ كل عمري وياه
يابنو ياحبيبتي المات مات والحياه متوكف ع احد
منتصر .......بان فكري عدل ورجعيلي جواب
لو موافقتج لو سجني
رغد ..سوده عليه شلون اكدر اطلب هالشي من بان شلون ابني سعادتي ع تعاستها
خالد انسان اناني يحب بفسه وبس ما فكر بيها
يحب بس يشبع غريزته وياها ك انثى ميهتم المشاعرها والكلبها
الله ينتقم منك
حسبي الله ونعم الوكيل عليك ياظالم
ثاني يوم هم رجع خالد اتصل عليه وما شلته ابد كله انطي رفض
دزلي مسج
راح احجي الاعرفه المهيمن وعيالج وانتي حره
كمت ابجي لابيه احجي ولا بيه اسكت اذا دره زوجي يطلكني واذا درو اهلي يكتلوني خلاص
شلون ورطه صرت بيها هسه اني
ظليت الليل كله ادعي من الله الفرج
منتصر .مر يوم ونص ع بان وما ردتلي خبر .اني هم ما ضغطت عليها لعرف ردها هي مطيق خالد .وهاي غلتي ولازم ادفع ثمن غبائي شلون ورطت حالي بهالديون كلها شنو ذنبها بان تتحمل غلتي
اسكتت وبلعتها
ثالث يوم هم دك وراها راسلني وكلي اني يم مهيمن وذا مصدكين ادزلج صوره
راح احجي الاعرفه
رجعت رسالته
لا لتحجي شي من يرجع مهيمن اروح يمها وحجي وياها
اي عفيه هيج اريدج منتظر جواب حلو مثلج ياحلوه
رغد .طبكت التلفون الله ياخذك
صار العصر واخذني مهيمن الاهلي
دخلت وسلمت عالموجودين اشرت البان
صعدنه فوك
ها رغد شبيج
ولج بان
كتابه قصص:
الحكيلي فدوه رحتلج
يمه شكو شبيج رغوده الطفل بي شي
لا بان اني راح ينهجم بيتي وطلك
عزه العزاج اسويتي
ماسويت بس خالد عرف بسالفه عقيل الجلب وهسه خالد يهددني لو اقنعج بالزواج منه لو يكول المهيمن وعيالي ع سالفه عقيل
هو شمدري هالجلب خالد بسالفتج
ولج عيني دك عليه من رقمه ماعرف منين جايب رقمي وكلي عقيل مسولفله
فدوه رحتلج بان وافقي وستري عليه ولا تخلين بيتي يخرب اعرف مو من حقي اطلب هالطلب وضغط عليج بس تعرفين انتي من يسمعون اولا اطلك وثانيا اخوتج يكتلوني صدكي
اعرف رغوده اعرف
لتهتمين عندج رصيد
اي عندي
انطيني تلفونج
شراح اسوي
حدك ع خالد
بان شتكليله الخالد
راح تسمعين بذنج شراح اكله
