رواية الإرهابي وذات النقاب الجزء الثاني الفصل الواحد والعشرون 21 بقلم ام غايب

خضر.. عطت بي شگاعد تگول انت، انت مخبل لك 

باوعت لشاهين عطت بي أااااحجي شاهين احجي فهمني 

اعرف انصدم هم شاهين بس من گال تحضن وراد يسكته شاهين معناها اكو شي مضموم 

احجي شاهين لتسكت 

شاهين.. شحجي بابا كلشي ماكو سالفه عاديه بنيه جانت بحالة بس الله يعلم بيها گلولها ابنج مات وحمصه جان واعدهه يرجعه دخلنا من هيا منهاره... گامت تصيح تخربطت وحمصه لزمها هذا كل ما بالموضوع وهذا الارعن مجلب بيها 

درت على عزوز ورجعت ال شاهين ليش تجذب مو تخاف الله انت احجيلي الحقيقه لتخبلني 

شاهين.. هو هذا الي صار وگلته تريد تصدك صدگ متريد طبك مرض اني طالع احسن من هذا لعبان النفس 

خضر.. درت على عزوز والبارحه مو گلت شفتها ببيت ويا حمصه شنو يعني اصلاً حمصه شنو بالموضوع هسة وبعدين وقبل شنو موقعه من الإعراب لو حمصه مخلي عينه على عرضي لك هاي اخت ميمونه تعرف يعني شنو يعني خالة أطفالنا اني وميمونه امنتها يمكم 

شاهين.. محد خان الامانه لتلغي زايد وعوفك من كلام هذا الارعن الي متصيرله جاره 

شعندك ويا حمصه عزوز وبعدين على اي اساس متگللنه من أخذوا 

لك حمصه اخونه حاله حالكم تفهم هذا الشي 

خضر هذا الكلام ينقفل هنا 

خضر.. مو بكيفك اذا ماافهم سالفتهم حمصه وفلك البارحه راح اوصل مرحله ارتكب جريمه 

شاهين.. اذا مانسدت السيره هاي 

خضر.. مااسدهه واني اعرف هسة شسوي 

طلعت فاير رگضوا ورايه شاهين وعزوز جرني ووگعني 

هيووو وين مولي 

خضر.. ال فلك افتهم افتهم شجابهه على حمصه 

اني أعلمه اله اموته بيدي شلون اني أأمن بي 

ميفكر بيه لك حمصه اخويه اعتبره حاله حالكم حتى ميمونه اخليها تطلع يمنه من يجي ابد محسبته غير اخ شلون يطعني هيج 

شاهين.. انت مخبل والله ابد مو صاحي يعني تشك بحمصه افهم منه يالله يعني البارحه تحجي على مرتك لان مفهمتك وهسة تتهم وتطعن بأخلاق اخوك وتشكك بي

خضر.. مااشكك بس هم احاسبه شلون يشوفهه شلون من ورايه اذا انت عندك عادي اني لاااا 

اني مااقبل واحد أأمنه على عرضي ويسوي شغلات من ورايه 

شاهين.. يعني اني برئيك عادي عندي 

خضر.. اي عادي لان على اي اساس مخليها ببيتك وتدخل حمصه عليهه بالبيت 

شاهين.. لا انت عقلك خرب هيوو انلصم انلصم لا الطمك على حلگك يعني اني مصنت الامانه 

موقف عادي بنيه منهاره احنا مندري توفه ابنها ركضنه على صياحهه 

خضر.. دار على عزوز وضربه بالسبحه وطلع لسانه حركته من يضرب واحد بالسبحه 

شاهين.. حيوان كله من وراك ارتاحيت

عزوز.. لا تعليق 

خضر.. بالسبحه استلمه ويه كل ضربة سبحه يگول لا تعليق لاتعليق النوب گال امشوا اطلعوا برا بيتي

عزوز.. هو اني بعد ماادخل لبيتك كل شويا مرزلني 

شاهين.. اگعد اگعد لا اكسرك مخبل انت 

خبال الخبلكم، وانت لك خضر ارجع انطمر 

والله اذا انفتح هذا الموضوع حتى ويا ميمونه انسى شاهين للأبد 

ردت اطلع... عاط بيه وين 

للحمام، للحمام 

شاهين.. لتصيح لك تره ادوسك برجلي حيوان 

الظاهر حتى احترام بطلتو تحترموني

بس صوجي اني المفروض ماانزل لمستوى عقلكم وتخلفكم ومشاكلكم

خضر.. ردت اطلع رجع صاح وووين

گتله للحمام اروح وهسة اجي لتخاف مااطلع منا اذا ماتگلولي شنو الموضوع

طلعت للحمام الخارجي بقيت الباب مفتوح جنت محتاج اسمع واعرف شيصير حتى أواجه حمصه شيصبرني مااعرف الحقيقه 

شاهين.. هنا جان اكبر صدمه الي بحمصه وفلك بأخويه الي افدي بروحي يعرف مستحيل ميعرف مشاعري تجاه فلك مثل باقي الشله بدون مااحجي عرفوا اني احبها 

صفنت احاول استوعب رغم الإشارات الي صارت تثبت اللعب بينهم بس جنت اجذبها صوجي اني مو صوج احد 

عزوز رغم كلشي مااريد اشوف بعيونك حقد على حمصه، حمصه اخونا لتنسه هذا الشي 

غلط منك اليوم من جيت عنهم بهاي الطريقه انت كلش زين تعرف حمصه خوش حمصه ومينتهك عرض

عزوز.. وبت فواز شاهين مو عرض شصاير لكم فهمني انت بالذات ياشاهين صاير تمدح الغلط مو انت جنت تمنعه هسه تحمد بحمصه ليش اجذب عليك بس عن نفسي بعد ماعندي ثقه بحمصه 

شاهين.. تعرف مشكلتي شنو أكثر شخص اعرفكم... مثلاً انت هسة حاقد على حمصه لان اخذ الحبهه گلبي 

عزوز.. اي گلبي يوجعني من احسك تتوجع 

خضر.. جنت بالحمام رغم ماجنت فاير بس قبل لا ادخل للاستقبال من الباب الي يطل على الطرمه سمعتهم يحجون جنت محتاج اسمع مناقشتهم حتى اعرف المضموم عني الي لوما اتسنط مستحيل اعرفه دمعت عيني من گال عزوز هيج لشاهين سحبه عليه بدخلتي من راسه وخلا على صدره وگله

شاهين.. ولك بچاني كلامك ياسافل 

خضر.. شاهين انت مو ابن عم والله وحق الله وحق من انزل القرآن انت اب النا 

شاهين.. كلكم طيح الله صبغكم اي والله تهي بهي شنوا السالفه شوا راح تبجوني على نفسي حسيت نفسي مريض من طيح الله صبغكم مجرد انعجبت بالبنيه نيتي شريفه مصارت خلصت السالفه 

عزوز.. حمصه اذا فعلاً اخ النه يثبت هسة ويعوفها 

خضر.. يعوف منو شلون هذا اليوم يريدني ارتكب جريمه اشو انت گاعد توزع بعرضي شوا گوم لا اطشر راسك هسة 

شاهين.. عزوز مخبل 

خضر.. شباب راح احجي بدون متزعلون مني مااقبل بعد تحجون بفلك الي يريد يزعلني يحجي بيها فلك غير ماانتو تشوفوها بالذات انت عزوز ماأخذ نظره عنها مو زينه بس هيا گفر وله گلبهه وروحها يخبلن الدنيا لطشت بيها هيا مخبله بس اتحملها لان الظروف الي عاشتها صعبه 

عزوز.. منو بينا معاش ظروف صعبه 

شاهين.. هاا خيه انتي مره واني ماادري خايب شوا گوم هذا الولد شو صاير كيكي يحجي مدري شلون 

خضر.. اني أگول هم يالله تأخرت على هذا السافل كلش اريد اروحلهه وانعل امه 

عزوز.. اگلك انت مو توك تتحلف لحمصه تموته 

خضر.. هو غير لو الوحه 

خضر.. دائماً احتاج بعد اي صدمه اگعد وحدي ادخن جگاره واصفن قبل لا اخطي خطوه اتندم عليهه 

گلبي نار بس انطي مبررات واحاول اصدگ مجرد شكوك بعقلي خلاهه كلام عزوز اخر شي 

قررت وفهمت لازم ابرر فلك يمهم حالياً وماانطي بيها لذلك برأتهه بس اكو شكوك بعقلي صارت لازم اشوفهه وافهمهه منهه لان هيا اخت ميمونه سمعتها اذا راحت معناهه ميمونه تنشمل وياهه ويصعب الموضوع هليه خاصه هسه ميمونه حامل 

طلعت وعفتهم بعد ما هدأت الوضع وبينت اني طبيعي وبينت ال شاهين بالذات نهيت الموضوع بس هو يمشي وياكل بكلبي اكل اول مطلعت اتصلت على فلك 

———————-

فلك .. جنت كاعده اني وميمونه وخاله نتريك دك موبايلي باوعت خضر باوعتلي ميمونه ودنكت عينهه على السينيه 

ام قاسم .. متجاوبين 

فلك .. رقم غريب وشغلته 

ام قاسم .. خاف قاسم 

فلك .. عندي رقم قاسم 

ميمونه .. كل شويه يدك موبايلهه و متجاوب اخر شي اجتهه رساله كبل عقجت حواجبهه ومثل الي ترد بحواجبهه على الي كاعد تقرا كتلهه شكو خو ماكو شي 

فلك .. لا ماكو شي 

ضوجتني رسالته رجعت قريتهه 

ليش متجاوبين فلك باعي عرفت انتي وحمصه ملتقين شلون تسون هذا الشي ومن شوكت ولتنكرين عزوز شايفكم باعي مادام انتي اخت ميمونه الي هيه زوجتي بعدهه وحتى اذا مو زوجتي الحد هسه مااسمحلج تشوهين سمعتهه او سمعت ابني مراح اتهمج بس طبيعي وجهلج هذا الكلام لان انتي مجاوبتي لتخليني اضطر اظلم ميمونه بالمستقبل بسببج ولازم اشوفج واحجي وياج العصر اجي البيتكم بس حاولي تطلعين لان مااريد اشوف ميمونه 

فلك .. دزيتله انت بس اطلع من حياتنا كلشي يصير زين 

خضر .. اتصلت هم مردت استفزتني بكلامهه رجعت دزيتلهه انتِ انسانه تافهه وانانيه ومتحبين الخير الاحد متشوفين الله شمسوي بيج واعرف انتِ تحشين بعقل ميمونه بابا ركدي وكعدي ربي ابنج وعوفي الناس بحالهه 

شكد جانت استفزازيه بكلامهه جنت اتمنى اكدر اجيب ميمونه بعنادهه بس الشخص الاحبه مااحب غير بس المشاعر الصادقه ويا ابرزهن بس امثل مااكدر 

اجرت تكسي طلعت جكاره شربتهه يالله ارتاحيت شويه رحت البيت فواز دكتيته حيل مااعرف موجود مموجود كل الي اعرفه اليوم جمعه بلكت ما عنده دوام لان خالد مرات يكعد الجمعه ميروح 

فتحتلي الباب مرته مبينه لان اعرف رزان بس هيه وياهه حسب مكال حمصه 

شتريدون من عدنه 

خضر .. تفاجئت عرفتني واني اول مره اشوفهه 

ام رزان .. كافي مشاكل زوجي مو هنا روح ساعه السوده عليكم دمرتوا حياتنا 

خضر .. فواز شوكت يرجع 

ام رزان .. كتلك بل الدوام 

رزان .. جنت اتريك امي جبرتني شفت خضر بالكامرات امي كالت منو هذا بقيت ساكته بالبدايه بعدين كلتلهه ابن عم احمد كامت فايره وحجت عليه وكامت تردد هو هذا الناقصنه ابن عمه انوب ساعة السوده ارتاحيتي هسه رزان وبعد وبعد الله اليستر يوميه شي يطلع لست شالهه وطلعت اني بقيت اباوع بالكامرات اخاف من امي اطلع اسمع شيحجون الحد ما بين عليهه تعصبت طبكت الباب بوجهه و دخلت 

ام رزان .. ناس ماعدهه اخلاق اكلهه بالدوام وهو يسأل يوميه خلقه جديده امداج امداج وغمتني سكتت اني اصلاً بأي عين احجي

 بقيت منتظره يجي الحد ما طبكو بسرعه كبالي سيارة مكافحه محركت ساكن عبالي فواز ما احس اله نزلو بدون مقدمات كبالي ب الخمسه لزموني 

خضر .. شكو هي ايدك دفرني برجلي حذائه قوي بسطال مال جيش بعد 

كاموا يغلطون ويسبون وكل ما اشر عليهم كلما يزيدون حيونه الحد موصلت للمكافحه جنت بس اريد اتواصل ويه واحد من الشباب واتمنى خالد ميعرف لان عرفت من وصلت مشتكين عليه علمود الفلوس 

للعصر اني رابطيني يم الحمامات الريحه و الرطوبه المي الي جوه رجلي لان حذائي نزعوا الي ما عدى الحيونه الي يسووهه كل ميفوتون من يمي المشكله تحجي تنهان اكثر يصير رجال على واحد مكلبش ومتربطه رجله وايده 

سمعت صوت خالد يصيح جان منفعل الى درجه بحيث صوته واضح ويحجي بوضوح بنص المكافحه 

خالد-على اي اساس ،على اي اساااااااااااس انت منووووو حتى تتحداني 

اش لتعلي صووووتك فواز انطيتك مجال هواي 

 كمت تلعب بالنار اليخصوني الي يلزم شعره منهم اسكطه بيدي

جان هو وفواز واحد واحد يهدد بالثاني وكدام الجنود وواحد يهدد بالثاني راح يوفع قضيه عل ثاني 

فواز .. كاعد تتجاوز هواي خالد ماعندي شي وياك وتبقى صديق انتَ صديقي لتغلط كدام الجنود بعد لان مااقبل 

كلمه منه كلمه من فواز كل شويه كابه الكبابه بس نزلوني وفتحو الكلبشات من رجلي اخذوني اله جنت اريد واتمنى ابقى هنا وحدي ولا جية خالد بالذات 

اول مدخلوني كام يخزر بيه يمكن لومو بالمكافحه جان كام ضربني رفعت راسي 

خضر .. شنو الاعداء مجموعين عليه اليوم 

خالد .. وين جنت بيوم الصخام بعينك مكانك فارغ مال حراسه والكامرات تبين مموجود انت 

خضر .. كاعد..... اقصد واكف يعني موجود 

فواز .. الكامرات تدل انت مموجود والي واضح بالكامرات الي داخل المكتب نفس هيئة جسمك 

خالد .. وين جنت خضر

فواز .. بالمكتب معناهه هو الي يبوك اذا دينكر عدم طلعته وتواجده هناك 

خالد .. فواز مااسمحلك خضر مو حرامي.انت مو تكول بحكم الصداقه عوفني ويه اخويه اريد اعرف وين جان 

فواز .. الخاطرك ممدخله للتحقيق بس لازم نعرف وين جان بهذا الوقت واذا معرفنا معناهه هو الي تتلبس على القضيه 

خالد .. الله ، الله علمودي سلم موودك فواز ، فواز اذا انت 

بابتسامه جاوب فواز حتى قبل ليكمل خالد كلامه ....وكله لا والله مو اني قبل لتكمل كلامك 

خالد .. شمعنا انت تلزم قضية خضر 

خضر .. واسطه حتى يداريني 

خالد .. اسكت انت 

فواز .. خضر اني هنا مو صديق خالد اني لازم قضيه فلتتشاقه الافضل الك 

خضر .. شتريد من حمصه 

فواز .. تره اني الضابط الي مسؤول عن القضية شو طلعت اني المجرم وطلع جكاره وخله رجل على رجل 

دار عليه خالد لان استفزه فواز 

خضر وين جنت بيا منطقه تحديداً بسرعه كلي مجهز كشف 

فواز .. اني ضابط القضيه يعني اني اجهز الكشف 

خالد .. واني قدمت دعوه اطالب تغيير الضابط الي معاديني يعني عدوي على اي اساس يلزم قضيه اخويه وطلع جكاره 

خضر .. اسأل راشد وعزوز رجع خالد انتجه وخله رجل على رجل 

خالد .. حقق براحتك بعد فواز بما ان اني صديقك مشتهي كهوه 

فواز .. ولا يهمك جنك على كهوه بس لازم يكول وين وله تعرف التحقيق شنو وانت صديقي 

خالد .. شاب بليل بالكراده وين يعني اكيد يسوي الحرام ويستحي يكول يلله اتوكل اني غير مره اشربهه للكهوه صح شكراً لان احترمت صداقتنا وتنازلت على قضية سلمان 

ان شاء الله بعد ميطلع سلمان اني استضيفك 

طلع خالد واستضافني فواز للتحقيق بس جان راقي عكس توقعي 

فواز .. راح اصير واضح وياك اعرف وين جنت بذاك اليوم 

خضر .. شتريد من عائلتي مشكلتك ويه منو بالضبط انتَ 

فواز .. جنت رايح ال حذيفه الي هو زوج مرتك وسكت وكال بالمتعه 

خضر .. لتجيب سيرتهه 

فواز .. لتتجاوز حتى ما اتجاوز 

خضر .. ليش تراقبني انتَ شتريد مني شتريد من كل اشخاص قريبه علينه بينك وبين خالد شنو فلك انتَ الي كاعد تلحكهه لان انتَ جنت مسؤل على قضيتهه شنو مشكلتك انتَ وانت الي حاولت تاخذ شرفهه موتك على ايدي فواز ، فلك عرضي وانت الي كاعد تلعب بعرضي 

فواز .. لكينه موبايل يخص فلك عد احمد المعرف بحمصه 

خضر .. لو مكايل عزوز اكو شي بين حمصه وفلك ولو مكايل شايفهم بذاك اليوم جان شكيت او دخل الشك العقلي مثل ميريد فواز يشككني بحمصه هو يلعب ويشهر ب عرضي 

سويت روحي صدكته فواز ديلعب هدفه يشتت عقلنه مااعرف الشنو يريد يوصل دخلوني سجن بقيت هناك يومهه الحد ثاني يوم دخل حمصه للسجن وجعه حسيت ضايج منه هو انصدم من شافني وابتسم 

خضر لا شنو هاي 

تقرب عليه جنت ضايج منه الابعد الحدود كبل كتله اعتبرك اخ الي وانت تغدر بيه 

حمصه .. شتحجي انتَ شنو اغدر بيك 

خضر .. معتبرك حالك حال الولد وانت تتواعد ويه عرضي بظهري هيج صارت حمصه 

حمصه .. انصدمت وعرفت فواز كله وحتى خجلت شلون اباوعله واني خنت الامانه 

وروح امي نيتي شريفه 

خضر .. شلون نيتك شريفه انت مو لاعب بعرض فواز 

حمصه .. مو قصدي اخونك والله ردت اساعده وابرئهه لان اعرف بيك مشترك بسالفتهه خل نصير واضحين فواز ضحك عليك وسلمته فلك اقصد صورهه الي بالموبايل 

خضر .. صدمني تفكيره ملكيت روحي غير افقد واضرب بي واضح حيوان شلون تكولهه لك اني ابيع عرضي لك هاي عرضي 

فجأه الكه نفسي متهم بين الكل بين اعز ناسي ميمونه اولهم جانت انطت بيه بسهوله والي اعتبره اخ وأأمنه على عرضي فوك ما يغدر يتهمني فرت وصرت اعصاب 

الموجودين بالسجن حاولوا يوخرونه تكاتلنه بين قوسين وهذا الي جان يريده فواز بقينه يومين واحد بعيد على الثاني بنفس الغرفه واباوعله بحقد وخذلان منه عن اتهامه لو عن غدره الي ويتواعد ويه فلك 

...............................

حمصه .. جنت مقهور من مواجهة خضر خجلت من نفسي من كال مأمنك صدك شلون طعنته وتواصلت ويه فلك حسيت هنا خسرت اخويه وثقته بيه والثانيه من انهار صح هو بس انهياره أذاني لان اعرف خضر راح يموت بس يريد يوصل لكتال اهله بحيث صاير اعمى كل شويه تجيني نظره اله مقهور من وجودنا سوه بمكان مو مثل الغربه بس ، لا اعدائهم 

..........................

ميمونه .. ثلاث ايام مرن وخضر محاول حتى يتصل صح اني غلطانه ويا بس اول مره هيج يتخلى عني يعني صدك بعد ما اهمه اكثر وقتي ابجي واباوع بصورنا وصوره مشتاقتله وخايفه اعرف من ادزله راح يصدني خلص طلعني من كلبه 

يموميه اكعد العصر بالطرمه واباوع على السما وارجع بليل اباوع على النجوم واسال وين خضر مشتاقتله وبأيدي لازمه الجداحه احبهه تذكرني بذيج الايام رغم المرض بس جانت احلى ايام جنت مثل الاميره بيد مو حبيبهه بيد ابوهه 

دزيتله رساله كلت يرفضني او ميرفضني خل ادزهه كتبتله احبك خضر والله احبك واعرف مستحيل تسويهه بس الغموض دمرني موصلت بس خط بقيت كل شويه اباوع ماكو الي ان نعست وكمت وقت مغربيه خاله اعترضت على نومتي بهذا الوقت بس نعست وعلي جان هم نايم والبزونه اول مدخلت ورايه اخاف اطلهه خاف تروح وماالكاهه بعد اجتي يمي واني حضنت علي 

فزيت على صوت يمه ابني ولك يمه بعيطه بحيث كمت مخروعه باوعت خاله 

..................