رواية الإرهابي وذات النقاب الجزء الثاني الفصل الثاني والعشرون بقلم ام غايب
ياغريب أذكر هَلك
والگالها بحچيه أيتنَكت
هيج جروح الگلب
والعين كت مهظوم كتَت
ذكروها وعادة اليذكر يحن
والروح لاهل الروح حَنت
اخ؛ ياروحي الگبل چانت عزيزة
شلون ذلت!
_عريان السيد خلف ّ
ميمونه .. فزيت مخترعه فلك لمحتهه تركض وخاله لازمه كلبهه وكاعده بنص الهول وتكول مابيه رجلي متشيلني
شكو خاله
وج روحي لحكيلي راح يوكعني بمصيبه راح
وين
اخذ توثيه وراح ساعة السوده على توته وام توته وعلى اليوم الحب توته بي
سمعت فلك تصحج ركضت طلعت
فلك .. لتتخبل لك امك راح تموت
قاسم .. لج حنتهه اليوم لج اليوم اموتهم
فلك .. لك فدوه ادخل الناس منا والله امك يصير بيهه شي
ميمونه .. دفع فلك وراح حتى قبل لا احجي شي ويا اني كبل رحت الموبايلي اتصلت على خضر مغلق رجعت دكيت على خالد ماكو غيره الي يساعدنه
ام قاسم .. وج يمه كوميني رجلي مدري شصار بيهه ابني راح يضيع مني يمه كلبي
فلك .. وهيه تحجي واسكت بيهه دكيت على شاهين جاوبني بالوقت الي ردت انهي المكالمه لان مجاوب عبالي ماكو
- الو شاهين الحكنه ما عندي غيرك اطلب منه
شاهين .. خيرج فلك
قاسم ، قاسم اخذ توثيه وراح هداد على بيت عمته وامه متخربطه هسه كبل اخذته مني خاله كالتلي انطيني انطيني
- الو يمه اعتبره اخوك الصغير ماعندي احد وماعندي غيره مخبل هذا
شاهين .. خاله تدللين هسه اني اروحله قبل ليوصل حتى
ميمونه .. بعدهم يسولفون دك عليه خالد طلعت بالطرمه وكتله هم كال اني يم شاهين فهمت من كلامه يندل هسه رايحين
فلك .. اول مسد الخط شاهين وشفت وضع خاله تعبان ومقبلت تكعد كالت بس كوميني اريد اروح مااتحمل ابقه كومتهه واني هم لبست عباتي ونقابي ورحت وياهه الحمدلله لكينه تكسي
الطريق كله خاله تبجي وتدعي وابو التكسي عرف القصه كلهه منهه ويسولف وياهه وصلنه لمحت شاهين يتعارك وخالد وعلي هم وياهم بالباب
نزلت خاله بسرعه وانوب الجزدان عدهه كتله بس اصبر بلا زحمه
ورحت اركض انصدمت بلي سمعته وخطيه خاله مثل المتجمده
يريد يشتكي على قاسم خاطف بنته وخالد يمنعه خليت ايدي على حلكي من وره البوشيه ممصدكه قاسم هيج سوه
ساعه وحده اذا شمر خبر اهل الولد اموته بيدي مو بس اشتكي علي
فلك .. خوب بتك ضبهه اكو وحده تنهزم ويه واحد بيوم حنتهه دار عليه خالد خزرني واني مااحس اله خاله بدون متطلع اي صوت وكعت عطت خاله ودنكت عليهه خاله ، خاله جاوبي خاله فدوه دنكو عليهه الولد شاهين وعلي
خالد .. ليش جبتيهه الخالتج هنا
شالهه شاهين هو وعلي وتكابلوا عليهه واني ابجي خاله فدوه لتروحين فدوه اروحلج كعدهه فدوه كعدهه لتخليهه تنام خاله يمعوده كومي
كعدوهه بالكرسي الامامي مال سياره وتجه راسهه شاهين بسرعه مي لو عصير اركض علي مبين ضغطها عينها نكلبت لزمت ايدهه افرج بيهه وابجي واتوسل بيهه تصير قويه خاله فدوه اروحلج صيري قويه خاله ماعدنه غيرج بالدنيا من شافهه شاهين هيج كبل صعد بالسياره وكلي صعدي بسرعه وديناهه المضمد لان شاهين وكف وسأل ودلوا على مضمد طلع ضغطهه كلش مرتفع هو شويه وهدأت ورجعت الوضعهه الطبيعي وبس تبجي واني ابجي وياهه كسرت خاطري خاصه من شاهين حجه وياهه
شاهين .. حجيه كولي يا الله صيري قويه تره ماكو شي محلوله ان شاء الله
ام قاسم .. تعبني يمه تعبني والله وشحططني حتى ذلني هواي من وره حبه ساعة السوده على هذا الحب كلبي خلص ياريت اموت واخلص
شاهين .. اسم الله عليج حجيه عمرج طويل ان شاء الله والله من الزمه اله اشويلج على اذاناته بصل اكو واحد عنده هيج ام وينزل دموعهه والله اليوم ولا اعوفه
ام قاسم .. راح يسويلي مصيبه ويكتلو
شاهين .. وداعتج انتي حجيه ماعوفه الخاطر دمعاتج ذني مستعد اموت اني وماخلي يصيبه شي
ام قاسم .. فدوه اروحلك يمه هنيالهه امك بيك
فلك .. جنت ابتسم من يحجي وياهه وابجي بنفس الوقت دار وجهه صارت عينه بعيني حسيته باوعلي بنظره ما اعرف تفسيرهه مبينه بيهه كلام او مثل المطايقني هيج حسيت نظرته الي
..............................
قاسم .. طلعت فاير الشرار يطلع مو بس من عيني من اذني اتصلت عليهه قبل مااوصل مجاوبت رجعت
دزيتلهه رساله رقمه عندي اذا متجاوبين هسه ادزله كل رسائلنه واتصالاتنا والصور والله
رجعت اتصلت عليهه جاوبت
حنوج خله ايده على ايدج ها توته باسج من راسج ضحكتيله مو علساس تموتين جاوبي وسمعيني صوتج فرحان لو بي خنكه
ايه .. عوفتي فدوه عوفني والله مابيدي شي
قاسم .. كتيلي اموت شو تحجين وحتى مابي صوتج خنكه
لج توته مين لعد شو اني مختنك حيل احس بروحي ميت بس ماادري شلون كاعد امشي كولي متحبك لو تحبك مجان تخلت عنك
شهكت وصوت بجيتهه كافي فدوه كافي متوهم هيه كوه الله يوفقك
قاسم .. الله لا يوفقني الله ياخذني تعالي نزليلي خل اشوفج مااتحمل بعد
ايه .. مااكدر
قاسم .. مووو بكيفج مو بكيفج تنزلين وتخليني اشوفج
ايه .. شتريد تسوي قاسم
قاسم .. بصوت بي انكسار اشوفج شنو تريدين السنين كلهه حتى بدون وداع تنتهي بيا قانون هذا فهميني تنزلين هسه ومحمد هسه تنزلين
ايه .. مااكدر مااكدر قاسم كافي لتأذيني تعبتني ارحمني
قاسم .. كتلج اشوفج اشوفج يعني اشوفج وهسه لو ادمرج مثل مااني متدمر ميت اكلج اني
ايه .. والله مو بكدي
قاسم .. ليش مكلتي لعد ليش موكفتي بوجهم مو كلتيلي لو شيصير مااتزوج غيرك
ايه .. امي والله وبابا شسوي بهالحاله فهمني
قاسم .. خليني اشوفج الاخر مره على الاقل
ايه .. اخاف منك احسك مو بوعيك
قاسم .. هو ياوعي بقالي شتحجين انتِ عقلي كله راح يوم الدريت بيج انخطبتي
ايه .. قاسم
قاسم .. عليج الله اذا مأجيتي هسه ادخل اموتج واموت روحي اذا مطلعتي هسه وخليتيني اشوفج توقعي اروح الخطيبج واشوفه كلشي لو اكلج تخيلي باجر بزفتج واجي اوكف كباله واكلج تحبيني ايه واذا متجاوبين اكول لعد هذا منو كاتبلي منه دازلي صوتيه منو تكول قاسم مااكدر اتنفس بدونك بجيت متحملت
راح افتح باب الممر ادخل من باب المطبخ خمس دقايق من بعيد افتحلك الباب وروح فدوه كتلك امي خيرتني وابويه كلي اموتج واموته باجر العرس قاسم ارحمني
دخلت من شفت ماكو احد لان جانت منتهيه الحنه تقريباً وبس نسوان دخلت بسرعه عدهم ممر طويل يودي الباب المطبخ هيه دكت عليه قبل لا ادخل
ايه .. ما اكدر كومه بالمطبخ قاسم كافي فدوه
قاسم .. رايح البيت خطيبج هسه
ايه .. شتريد هسه شسوي وكلهه بالمطبخ
قاسم .. طلعيلي بسرعه
ايه .. بسرعه تروح
قاسم .. بس اشوفج واروح بعدني احجي انفتحت الباب هيه جانت نازعه البدله بس مكياجهه وتسريحتهه جفلت بمكاني واختنكت جنت انتظر هاي اللحظه الي اشوفهه متزينه الي وهيه هم تبجي مدري خوف مدري وجع كمت اشك بكلبهه وحبهه الي تقربت عليهه لزمتهه من ايدهه جريتهه وهي تحاول توخرني وتخاف تطلع صوت
شكاعد تسوي قاسم كافي قاسم اهلي مااروح راح اصيح والله والمهم قاسم لتصير مخبل
جريتهه وطلعت محسبت حساب الشي ولا الكلامهه جنت متفق ويه صديقي يوكف مسافه عن البيت بعد موصلت ورمشلي من وصل تتوسل بيه مااسمعهه ما اتحمل من هيه طفله كبرت وصرت رجال وياهه كبرت انثى كبال عيني كلشي عنهه اعرفه شلون تصير الغيري
كامت تغلط عليه الحد معطت بيهه ودخلتهه للسياره وكعدت يمهه نزعت قمصلتي وغطيت شعرهه وهيه تبجي
ايه .. قاسم فدوه لتسوي هيج ابويه يموت والله
وكف السياره ارشد صديقي ونزل منهه
قاسم .. مااسويلج شي بس اريد اشوفج
ايه .. شتشوفني بس يدرون اهلي يذبحوني ويذبحوك
قاسم .. اريد اصدك باجر راح تنامين بحضنه مكاعد استوعب
ايه .. استوعب قاسم من كد ما تعبت استسلمت تعبت من امي تعبت من كلشي بس ما اكدر اطعنهم ابد لتتوقع اني فرحانه اني ميته والله انت تعرفني
قاسم .. مااعرفج مااعرفج كل الي اعرفه تخليتي عني
ايه .. قبل شويه وانت تهددني صدمتني
قاسم .. باسج لتسكتين جاوبي كم مره باسج وحضنج عليج الله كولي
ايه .. تريد اموت روحي ترتاح
قاسم .. اي ارتاح عل اقل محد بحضنه تنامين واني هم اموت روحي
ايه .. كافي كافي قاسم كافي وكامت تلطم سحبة ايدهه وجريتهه حضنتهه ماريد اصدك عقلي ابقه على كلبي الي يكول تحبني جيتى وهي هم ضمت راسهه بصدري وتبجي بجيتهه خلتني ارتاح واكول اي تحبني مو مثل ميكولون مجبوره اي مجبوره صرت منهه لان تتوسل بيه اقتنع تحلفني اقتنع هيه تتزوج
....................
رجعتهه انصدمت حتى امي موجوده بالباب وخالد وولد عم خضر رجل ميمونه ركض عليه ابن عمتي وسحبني البيتهم كل الي اذاني امي مبقيهه بالشارع وممخليهه تدخل من سحبني ابن عمتي وابوهه اجه اخذهه للبيت اول مشافته والله اخذني غصباً ماعليه والله بابا هددني
واخوهه راد يضربني اني ضربته طلعت حركة كلبي وشاهين ابن عم خضر هو وعلي يبعدونه
اخر شي جرني شاهين حتى ضربني ودفرني اش امك راح تموت حيوان امي جانت حتى تلطم واني مااسمعلهه
شاهين .. لك امك راح تموت ودفعني للسياره تكعد هنا متتحرك بقه علي واكف يمي الحدما اجوي خالد كلي انزل
باوعت علي وعلى امي تباوعلي وتبجي خاله ايدهه على خدهه بهاللحظه كرهت روحي كتله وين اروح
خالد .. انزل من السياره بدون كلام
قاسم .. على اي اساس تحجي وياي هيج
خالد .. تنجب وتسكت الي ميفكر بأمه ادوسه بحذائي امك راح تموت علمود شنو
ام قاسم .. اي والله راح اموت وميحس بيه ولا اهمه هيه هاي تربيتي الك
.......................
بعد ماخلصت السالفه شاهين رجعنه للبيت اني وخاله طول الطريق يهدأ بيهه ويسكتهه ويأمنهه ميعوفهه
ام قاسم.. رحم الله والديك يمه ماقصرت لا انت ولا ابو محمد الله ينطيكم الصحه والعافيه
علي.. واني خالة خراعه خضره
ام قاسم.. فدوة اروحلك يمه الله يحفظك لأميمتك كلكم ماقصرتوا
فلك.. كل شويا احس شاهين يباوع علية بس نظراته توحي لشي ثاني مامفهوم الى ان وصلنا نزلت خاله وهو هم نزل گاللهه تصيح ميمونه يسلم عليها علي هم نزل گال همزين لان لگيتها داگه عليه وماعندي جان رصيد اخابرهه
نزلت اني من السياره مشيت بخطواتي تجاه الباب ودرت عليه گتله مشكور ماقصرت
شاهين.. بحديه وبصوت اشبه بنبرة العتاب.... واجبي هذا العفو
فلك.. مااعرف بس طول الوقت اني احسه اليوم يباوعلي بنظرات معقوله هو هم مصدك كلشي ينحجي عليه
دخلت لگيت ميمونه تلف حجابهه تريد تطلعلهم
ام قاسم.. لبسيلج شي يمه الجو بارد لتستبردين
ميمونه.. جنت گاعده بقلق على قاسم وعلى خاله النوب مااخذو موبايلات
علي موتني بس يبجي يريد فلك واني بطني توجعني تقلصات يمكن او بيهه شي +القلق +خضر الي ميعبرني حتى مفتح رسائلي
الحدما اخر شي الله هدى علي ونام شويه هدوء صار فوگاهه الدنيا ليل جان واني وحدي
الحدما اندگت الباب خاله
ميمونه.. هاا خاله بشري
ام قاسم.. شبشر هو وينه الخير من ورى قاسم وتوته... دخلي لبسيلج شي شاهين يريد يشوفج
ميمونه.. صدگ.. بس گليلي قاسم وين
ام قاسم.. أخذه خالد ويا
ميمونه.. يااا صدگ ودخلت بسرعه لبست حجاب ولبست جاكيت واني اطلع دخلت فلك گتلهه وينه
فلك.. واگفلج بالباب
ميمونه.. طلعت وادري يريد يحجي بموضوعي اول مافتحت الباب تقرب هو و وراه علي
شاهين.. شلونج خويه
ميمونه.. الحمدلله
علي.. شلونج ميمونه داگه عليه
ميمونه.. اي بالي يم خضر مغلق ودزيتله رسائل وماكو
شاهين.. اني زعلان منج وهسة ردتج علمود اكلج اني كلش زعلان منج ولان اعتبرج اختي نزلت هسة احجي وياج
ميمونه.. خجلت نزلت عيني
شاهين.. كسرتي خضر ميمد ايده ميمونه وميشهر بشرف بنيه غريبه النوب يشهر بأختج
علي.. اني هم ضجت منج بس احبج واعزج واعتبرج اختي حالج حال ابتهال
ميمونه.. بهل أثناء طلعت خاله
ام قاسم.. يمه تفضلو جوه ليش واگفين
شاهين.. لا حجيه عندي شغل والله بس ردت اسولف ويا ميمونه
ام قاسم.. يا يمه دخلو بارده الدنيا
شاهين.. غير مره وعندي كم كلمه ويا ميمونه بيناتنا
ام قاسم.. دخلو بالحوش على الاقل
شاهين.. دخلي يمه بارده عليج وهسة رايح والله بس متواعد ويا ولد بعد نص ساعه يعني مستعجل
ميمونه اول ماراحت خاله باوعت لشاهين وگتله
اني هم اعتبركم اخوتي والله بس شاهين انت بس سمعت من خضر لتحكم
شاهين.. اني ماحكمت لان سمعت من خضر اني گاعد احجي بصوره عامه الي سويتي غلط حتى إذا عندج اسباب لو شنو الأسباب ميصير هيج تسوين ويا كسرتي كلش
ميمونه.. خضر بأخر فتره مو طبيعي وتعرف ليش بسالفه الفلوس لان هوه كل همه يثبت الخالد هو مامحتاجه
شاهين.. خضر مايمد ايدة هاي وحدا... اثنين قبل ليحبج وقبل لتتزوجون راح برجليه للخطر بس علمود ينقذ وحدا ميعرفهه حتى
ميمونه.. دزيتله هواي رسائل
علي.. خضر بالسجن
ميمونه.. من گالي هيج گبل نزلت دموعي وگلبي وجعني.. شنو گول والله شاهين صدگ يعني شلون هسة
ميمونه.. انصدمت وماستوعب عقلي خضر انسجن گلت يريدون يقهروني
شاهين.. الشركه مديرها اشتكه على خضر بس ان شاء الله يطلع اكيد نلگه حل
حاول يطمني ويعتب عليه اني حسيت بالضياع والانهيار احس الدنيا سودت بعيني دخلت ابجي
فلك .. شبيج
ام قاسم .. خيرج توني عفتج طبيعيه
ميمونه .. محجيت ولا حرف لزمت البزونه وحضنتهه وابجي الدنيا دارت بيه خضر انسجن يعني هسه هوه بالسجن كمت اشهك من وره البجي نفسي ضاق
فلك .. غير تحجي شبيج ميمونه شكلولج
ام قاسم .. شنو كلج راح يطلكج
ميمونه .. عوفوني، عوفوني لحد يحجي وياي طلعت وعفتهم ابجي بحركة كلب مثل الطفله الي تضيع لعبتهه وتبجي عليهه بجيت صوت بجيتي واضح عالي جان
فلك .. من شفت حالتهه توقعت خضر طلكهه وتبجي علمود هذا السبب وخاصه من باوعت عليه حسيت تكلي انتِ السبب بقيت كل شويه اروحلهه اكلهه دخلي بارده ولا جنهه تسمعني بقيت اباوع عليهه من الشباك
ام قاسم .. هاي راح تستبرد الدنيا بارده طلعيلهه شي تدفي روحهه بي
منين الكاهه اني من قاسم من ميمونه الي مينردون لعد هيه ليش طلعت
فلك .. لان سوت الصحيح
ام قاسم .. شنو الصحيح تتطلك انتي ليش متعوفيهه فلك يمه عبالج الطلاك سهل بعدهي طفله وحامل وبعدين شلون تعيش هو انتن ممتطلكه وحدتجن والف كلمه طلعوهه عليجن شحال هسه وحده ارمله والثانيه تريد تتطلك
فلك .. خاله دتشوفين حياتهم ورجلهه الي فضح شرفي
ام قاسم .. مو همه الي طلعوج من هاي الشغله مو انتِ كلتي بساعتهه
فلك .. والموبايل هو يمه
ام قاسم .. ميخالف يمه عوفي هو والله
فلك .. وشرفي خاله وشرفي
ام قاسم .. يمه ماعدنه سند بهالدنيا هاج شفتي قاسم اليوم لا عمام ولا خوال الي انتجي عليهم عبالج الدنيا سهله وبعدين هم انتي ممتأكده وواحد يحجيهه غير اختج وصلت للموت وهو الولد باع العنده والماعنده ولو مأذيهه جان بجت علي هذا البجي كله يمه فلك
............................
الف سؤال بعقلي مازال شلون انباكت الشركه وهو موجود ويكلي ليش تشكين وممسموحلي حتى الناس توجهلي اتهام مفروض مااتهمه ومفروض اوكف ويا والموبايل يمه والرمز عنده وهم عقلي يكلي هو بس كلبي يخاف ينطي بي واسئلتي الي اريدلهن جواب مالكالهن اجابه
حسيت نفسي بردت حيل وضعت ،ضعت لان مااعرف شي ضعت واني بدونه كل الي اعرفه احبه باغلاطه بسلبياته محتاجته احس روحي ضايعه بدونه
لان حبه وخوفه عليه يحسسني ملكه
-------
فلك-اتصلت بشاهين اعرف منه الجواب شبيهه ميمونه
جاوبني بثكل وجان يتهرب من الكلام ويايه
كبل كال مشغول ام علي هسه
فلك-اختي منهاره اريد اعرف الي صار
شاهين-انتي السبب بهجمان بيت اختج
فلك-هاي انت هيج تگول واني معتبرتك اخ
شاهين-اخ ....اخ على اي اساااااااااااس
فلك-تفاجئت من عاط بيه وحجه بهيج نبره
شاهين-مشغول هسه وميمونه كتلهه زعلان منهه وعرفت بخضر بالسجن
فلك-خضر بالسجن
شاهين-الولد وصل الي تواعد ويا
فلك-صدكت الي ينحجي عليه وكلت تعرفني علساس
شاهين-مشغول هسه اني
فلك-ماشي شكرا وجعني كلبي حسيت بروحي مخربطه
مكاعد افهم شكاعد يصير بيه
واي سكة قطار اني صاعده بيهه
احس مكمت اعرف نفسي شريد شاهين اليوم من عاملني هيج حسيت احساس غريب مااعرف اوصفه
كمت مااعرف اعتبره اخ مثل ماانطقهه لو شنو
واحمد الي من اشوفه گلبي يدك سريع واحس بأحساس غريب
اني شنو بالضبط اني قذره لو ضايعه لو احاول اثبت انوثتي الي شتتهه خالد اكثر من مره وشبهه بالرخص صرتاحاول الزم بطرف خيط يطلعني من الضياع الي اني بي
اني شريد صرت ماافهم نفسي وكمت اخاف من روحي على نفسي
غمضت عيني واستذكر طمع فواز بجسمي
ومااعرف السبب وخالد الي يشوفني رخيصه رغم اني ممحتكه بي كاعده مثل السجينه بغرفه
ام قاسم-عاجبج وضع اختج هيج
فلك-ليش اااني شعليه
ام قاسم-خالد هم حجه وياي
فلك-كلهه تخاااف الله وتفكر ببيت ميموووونه كمت مثل المخبله
اله فلك المدمره التهجم بيت اختهه
الكل يكلي انتي سبب هجمان بيت اختج
ليش الكل يشوفني غلط وماعندي حق شنو السبب
شنو السبب الي يخليني احب خضر وهو موت امي وحرمني من سندي بهاي الدنيا وخلاااااني ملطشه
وهو سبب طلعة ميمونه وهروبهه
وهو الي باعهه ال عمي وهيه مهزومه ويا وخلا يصير رجال عليهه كلشي اني غلط كلشي سنو الي يخليني احبه
ميمونه-جنت اسمعهه تحجي وعصبيه وبحركه وعلي يبجي دخلت عليهه .....ااااااابنج راح يتخبل
فلك-انتي ليش اجيتي اني خابرررررت لو انتِ
ميمونه-اني الغلط كلي من ساسي عااااتبتجً
حجيت وياااج شي حتى هسه كاعده تحجين بكل سوالف خضر زين اني وحده حقيره وبلا احساس وحبيت الانسان الغلط شعليكم بي حجيت وياكم عاتبتج شعليج بيه عسى مااكعد بجهنم
فلك-معاتبتي بس كافي الكل يحملني مسؤؤليه
تعبت تعبت من الاتهامات الي عليه تعبت من التبرير تعبت من كلشي والله
كل الي اريده نرجع مثل قبل
اني يحترك كلبي عليج من تهينج ام خالد
يحترك كلبي من يأذيج خضر
ميمونه-ممأذيني منو كلج مأذيني كتلج الف مره تعرفين شي عنه انتِ تنكرين والحد هاللحظه راح اسألج شنو الشي الي تعرفي علي
فلك-اكثرمن الي ذكرتهن قبل شويه شتريددددددين بعد ، بعد شيسوي اكثر من الي سوا
اني حرررررره ممضطره اجاملكم تعرفين مااكدر اتصنع مااكدر واحد موبايلي يمه ونلعب بيه لعب تريدين اجاملج
ميمونه-لتجامليني ولا اني متهمتج ولا حاجيه وياج بس كافي تحجين على رجلي بطول الوقت يم الكل
اني تعبت انقهررررر واكلج وانتي ولا يمج خلص فلك كافي فدوه
بقيت بيومهه مكدرت انام وگلبي يوجعني اتصلت ب علي يحاول يخليني اروح ال خضر ضحك عليه ويكلي انتِ مخبله ماعولت الصبح يجي
احس لازم اشوفه مااتحمل توني طلعت من الباب ....
