رواية في ذمة الغريب الفصل الواحد والعشرون 21 بقلم كنوز

مرسومة بجلدنه ذيج الانياب

الجرح لو طاب هم يترك نياشين.

━━━━━━━━━ ⚖ ━━━━━━━━━

اصالة :: واگفة بالمطبخ اعاين ع جدر الشوربة يفور سويته لانعام بلاعيمها توجعها وعگلي بغير مجان افكر انخمش گلبي من سمعت صوت 

تعيد بنفس الكلمات بلا وعي فاقدة و الوادم كلها واكفة تعاين الها ركضت الها من شافتني ضحكت ادگ ع صدرها باعتراف 

سجدة :: گتلته عمة انا گتلته بـ أيدي هاي ماخليته يجيسني 

ضحكت تقهق بجنون وانا خرمشت وجهي من فهمت عليها.. بهل لحظة اجه فطرس نزل من السيارة يركض النه نزع قميصه ذباه ع شعرها وهي دگتله صدرها 

سجدة :: انا گتلته فطرس هي ماعليها انا كتلته بهاي أيدي والله 

بساع جر ايدها يريد ياخذ السجينة وهي كاضتها بقوة غريبة طگاها راشدي حيل و عتها من ايدها أخذها 

فطرس :: أخذيها لبيتنه عمة بساع لا تخلينها تطلع ابد 

اجر بيها وهي صارت ثگيلة ثبتت رجليها بالگاع عبالك جذور نخلة و نغرست بتربة كضتيها حبيتها من جبينها و بطرف عباتي امسح نگاط الدم عن وجهه 

رجفت شفتها زاحت أيدي عنها و راحت تمشي للوادم الواگفة واحد واحد تكضه من ايده و تدك صدرها اله 

سجدة :: انا گتلته بهاي أيدي نيمت السجينة بگلبه 

انا موش ماعندي قوة اجرنها بس انهد حيلي عليها أيدي بعد ما اگدر ارفعها طلعت علياء تركض النه جرتها وياي هي و حجية سلوى دخلناها لبيت فطرس 

گعدتها زجبت ماي غسلت وجهه و اديها من الدم انفتح الباب فطرس جاب رحمة مگبعها بخاجية ابوي البت مثل دمية بيده هو گايدها و يمشي بيها 

فطرس :: لا تخليهن يطلعن عمة 

بقيت بينهن حايرة المن اصد ويا ياهي منهن احجي ما ادري... گامت سجدة بساع جرت ايد رحمة تمسح عنها الدم بثوبها و تحجي وياها 

سجدة :: لا تخافين ما يخذونج گتلهم انا گتلته وهو صدك انا گتلته 

هزت رحمة راسها اي گامت سجدة تتصرف بلا وعي جابت ماي و غسلت وجهة رحمة 

سجدة :: لا تشيلين نفسج ذنب هو حيوان مسخ خنزير لطخ برائتي بسواد أفعاله وانا من زمان ناوية اگتلنه 

جريتها من ايدها گعدتها جدامي الم بشعرها الگصير ورا اذنها كضيت اديها ترتجف و جمر صايرات 

إصالة :: التحجين عنه ياهو سجدة.. مصطفى مو... شراد منج سوالج شي.. تگرب منج.. احجي لا تظلين ساكتة احجي عمة فدوة اغديلج خل افتهم راسي من رجليّه 

نفضت ايدها من ايدي حيل و راحت تمشي بالحوش وكفت جدام مراية المغسلة جرت ياخة بثوبها تكشف اثر احمر ع رگبتها بعده جديد... غسلته بالماي و عگرت ملامحها جي ما يروح رافعت ايدها وگامت تزلغ بيه بـ اظافرها و تردد

ما تحجي وياي بينها وبين نفسها بس وكلما اكضنها تدفعني راحت للمطبخ اخت سجينة و كامت تحك بيه جلد رگبتها دمتها كلها ركضت الها اخذت السجينة منها 

إصالة :: شجاي تسوين سجدة يمه كافي راح تموتين نفسج كاااافي فدوة اروحن الج رحمي نفسج 

سجدة :: هذا الأثر هنا أحسنه ايد تخنك بيه هيج جن شي ثگيل جاثم ع روحي شلون اروح احركنه شتكولين 

فاضت دموعي قهر عليها درت وجهي عنها عضيت أيدي اطلع حرگت گلبي عليها بجسمي و رديت انداريت الها 

:: تعاي وياي انا هسه اوخرنه الج 

مشت وياي بطاعة جن طفلة وامها وافقت تشتري الها لعبة كسرت صف من ضلوعي حالتها 

مسحت الدم بالكلينس و دهنت المجان كله متزلغ و لفيته بربطة حتى لا تشوفه 

:: هسه لبعد شوي كله يروح ما يظل أثر بس انتِ لا تفكينه خوش 

هل الأثر صار الها چن وحش و يخوف طفلة بالظلمة .... هزت راسي اي و رافعت ايدها تتحسس الربطة تجبر نفسها ما تفلها نزلت ايدها اعدلها ع رگبتها و نشدتها بخوف 

إصالة :: عاينلي عمة... تگرب الج 

ضحكت بس عيونها جانت طافية چن لوحة و ايد مجهولة ذبت عليها الماي و خربت كل الوانها 

سجدة :: عليمن خايفة عمة ع نگطة الدم....ابتسمت بوجع تصفگ ايد بالاخرة بحسرة تعلن خسارتها بنفسها ....

سجدة :: راحت من زمان موش شريفة انا هسه مو؟ .. 

تمشي و تهز براسها اللي يشوفها بهذا حالها يقسم فگدت عگلها 

سجدة :: اي اي امي تگول تصخمتي وبس يعرفون يگتلونج جبران و كزار.. حتى قسيم راح يگتلني هي گالت 

سالت دموعها تنفض بطرف ثوبها بعشوائية عبالك تنفض لمسات قذرة و آثار بروحها موش بجسدها 

سجدة :: اي قذرة صرت انا من ورا جنت طفلة.. ورقة بيضة وهو لطخها بسواد أفعاله 

كضت خصلات شعرها تجرهن حيل تملش شعرها من حلاة روحها 

شالت ردانها ادينها مجواية اذكر من جانت صغيرة ردت من خوالها اديها محرگات و حاكم اخوي الله يرحمه من شافها تعصب و راد يطگها لفضيلة بس گالتله متعلمة من فطرس تفشر ردت اخوفها بس 

سجدة :: كلما اريدن احجي اطگني ع حلگي تسكتني بسببها صرت اشوفن نفسي الاثمة موش هو 

رحمة دموعها تصب عليها... فهمت السالفة كلها من كلام سجدة اخذت عباية و گبل لا اطلع وصيت علياء 

إصالة :: علياء هل ثنين بـ امانتج لا تخليهن يطلعن ولا تخلين احد يتگرب الهن 

علياء :: بعيوني والله روحي ولا يظل بالج 

طلعت و اتمنى هل يوم رب العالمين يحلل الگتل لابن آدم والله لنحر فضيلة من الوريد للوريد... مشيت صوب البيت لجحت فطرس جار مصطفى لشارع و جان بيه نفس بعده ونحره جدام العالم بنفس السجينة 

وكعد ع تلة يدخن منتظر الشرطة تجي و فضيلة تجيب تراب و تذب ع روحها 

سحلتها من عبايتها دخلتها الحوش خنگتها بثنين اديه 

إصالة :: شنهي من ام انتِ گليلي من يا طينة خلقج الله شرف بنتج نوخذ جدام عينج و تسكتين 

كضيتها من شعرها و طگيت راسها ع الصبه حيل 

إصالة :: ولج لو جلبة جا هم دافعت عن بزرها لا ع بشر لا حيوان محسوبة التسوي سوايتج 

نكطع نفسي بلعومي تجرح كد ما صيحت نار بروحي أحسنها واجه جريت نفس و رديت املش بشعرها و اطگ بيها 

إصالة :: غيرج وحدة جا هي گتلته بيدها لأجل بنتها ولج عملتج اسولفها للمخبل ما يصدك لا الشريفة ولا الساقطة ترضه بيها 

فرفحت روحي كامت تشهك حدر أيدي سمعت سيارات الشرطة اجت عدلت شالي و كمت عنها فتحت الباب سلم فطرس روحه الهم گالهم داس بيت عمي و گتلته 

حطوا جثة مصطفى بجيس اسود خاص و شالوا ومن خذوا فطرس بقى ضابط وياه جم شرطي ينشد بالوادم الواگفة 

عن الجريمة كضيت گلبي بيدي لا واحد منهم يحجي طلعت اتمشى و اتگرب حتى اسمع وجان جوابهم واحد... فطرس گتاله جي داس بيت عمه ومامش زلم بيه 

والله وطلعت الغربة براسها غيرة و حميها أكثر منج يا فضيلة من راحوا طشت الوادم كلمن لبيته و سمعت وحدة من النساوين تكول 

" والله عفية عليها سباعية من گتلته وما خلت يتكرب الها" 

هزيت أيدي ومن هي طفلة لاحول ولا قوة تگرب و لوث حياتها كلها رجعت الهن گاعدات بلا صوت عبالك جثث عدلة 

و امي من عرفت الصار طاحت من طولها اخذتها انعام للمستشفى هي و آمين 

براءة :: رجعت من الدوام تعبانة شفت عمي كزار راح صوب بيت جدي جبران وما يشوف جدام مزرعد.. اسمع نساوين الفلح من اجزي من يمهن يتهامسن 

" موش هاي اختها "

دخلت البيت أدور ع وجهها بين الوجوه والخوف ماكلني لا مسوين بيها مثل عمتي خميلة صارت عمتي إصالة بوجهي كاعدة ع عتبة وجهه مزلغ وأثر الدم بيه 

وضعها خمش گلبي نشدتها واخافن اسمع جوابها حتى 

:: وينها.. أخيتي وينها سجدة وينها عمة؟

:: دخلت تغسل

زفرت انفاسي جريت نفس ودموع نزلت احمد الله ع وجودها 

طبيت أدور عليها صوت الماي جان يدلح وهي تهمس لروحها بكلام موش مفهوم... ما گدرت أفرزن كلماتها من بين خرير الماي

كعدت ع الدرج انتظرها الف سؤال براسي بس بهل لحظة ما اريدن غير اشوفن أخيتي بعيوني واطمن عليها 

سجدة :: ليش تبجن؟... أني فرحانة إنتن موش اخياتي افرحنلي

شالت ايدها تأشر ع رگبتها وصدرها وجرت نفس گوي... چن واحد جان اله سنين جدر الماي وهسه طفح للسطح يشم الهوى لأول مرة 

:: اليوم ياله تنفست... وفات الهوى لريتي جنت چان النفس من أخذه يوجعني چن خيل ساحگة ع صدري 

رجعت تتحسس معاصمها تعاينلهن براحة وفرحة أول مرة أشوفهن ع اختي... چن سجين وانفتح اله باب السجن 

:: هنا جانت أحبال وسلاسل ع اديه ورجليه... ع كل جسمي ملتفة محد يشوفها بس أني أحسن بيها... هسه اختفن..... وتحررت

بوزت شفايفها صافنة بكلامها و تعد ع أصابعها شكد أشياء رجعتلها رفعت راسها إلنه من دركت حقيقة وحدة وگال 

:: أني جنت ميتة... واليوم احتيت

ترفة واكفة ع جهة معزولة عيونها تدور ويا كل واحد يمشي و اللي يطلع تراقب بس و دموعها تنزل التفت الها سجدة مشت الها كرفصت جدامها تمسح دموعها 

سجدة :: لا تخافين ع فطرس انا اروحن و.. 

بترت ترفة كلامها هزت راسها برفض 

:: ما خايفة عليه والله اول مرة يدخل السجن وما أخجل اكولن اخوي دخل السجن عبنه شهم وما رضاها ع نفسه بنت عمة تدخل سجن والله شايلة راسي لسما بيه 

جانت سجدة تعاين الها بشك ما تريد احد يحملها ذنب تعبت وجن ترفة فهمت نظراتها حاوطت وجهه بثنين اديها 

ترفة :: والله اكصه للساني لو طلعت منه كلمة عتاب الكم انتم اهلي وأهل فطرس ولو ما واكف الج اتبره منه والله انا موش زعلانة منج 

مسحت دموعها تناشغ و كملت كلامها تروي قهرها ع سجدة 

ترفة :: انا ابجي مقهورة عليج شلون تحملتي هل صخرة واكفة بلعومج كل هل سنين... دومج الكوية تدافعين النه وصاير اخت وام لكل وحدة بينه اثاري غرگانة و تدفعين بينه ليفوگ 

سبلت سجدة عيونها مرتاحة رخت راسها ع جتف ترفة و الآخرة تمسح ع ظهرها و راسها بحنان و تكتم بصوت بجيها بيدها 

ادور ع عنبر مالها أثر گبل شوية جانت هنا ما احس الا نفتح الباب طبت متحزمة و بيدها تفكة اخوها و بطرف العباية جايبة الجيلات 

عنبر :: بين ما يجون الولد اخافن واحد يصير سبع بروسنه واله نية يتگرب وعلي الفحل اترس صدره جيلات 

1 ت

كعدت ع عتبة اللي يشوفها يكول فاقت عمرها حرمة معتبرة و الكلام يطلع من لسانها خشن 

صدت سجدة بعيونها الها وهي هزت راسها الها بتأكيد وكالت 

عنبر :: اعرف ارمي غفار علمني احرك سلفه سلفاهم لو جاسوا شعرة من راسج اليوم 

فززني صوت سيارة شخط قوي طلعت اركض و عمتي إصالة وراي بقت واكفة بعتبة الباب نظراتها تنتقل بين سجدة و البستان 

نزل غفار مشى صوب امي بيده سلاحه رفع ليفوك و رمى أكثر من جيلة هجت الطيور و العصافير الجانت مجلجلة ع شجر 

گرفص جدامها يعاين بنص عيونها 

وهي عدلت گعدتها تمسح بطرف عبايتها عن جهه و الدم وين عمتي إصالة مخرمشة خدها... عاينت منا ومنا ومالت بجذعها عليه وهمست

فضيلة : الوادم كلها عرفت السالفة گبل لا يجي جبران و يتفضل عليك انت صير سبع و اغسل عارك بيدك

بهل لحظة بعد ما اشوفن ملامح بشر صرت اشوفنها شيطان يوسوس ابن آدم ع خطية بس هيهيات گلب غفار يطيع شيطانة.. جان مغلفة السكوت بس يسمع الها دكدكت ع زنده 

فضيلة :: يله لا تخليهم يگولون ابن حاكم فاهي ما گدر يذبح اخته و يغسل عاره 

نهت كلامه طلعت سجينة من حدر عبايتها خلتها بيده واشرت براسها صوب بيت فطرس وين سجدة موجودة 

فضيلة :: اسحلها من شعرها للعگد و اذبحها جدام الوادم العار الصار جدامهم لزوم ينغسل جدامهم هم 

ضحك بصوت عالي وامي عگدت جبينها مستغربة بطرفة عين محى ابتسامته وكل ملامحه تبدلت عرگ جبينه بزر من گد الغضب رفع السلاح حط براس امي 

غفار :: ياهو من اهلج جان يعرف و مستغفلني 

گامت امي تبلع برياگها تهز راسها تريد تبتعد عنه وهو كاضها حيل و يضغط السلاح ع صدغها 

فضيلة :: م...محد يعرف ا

قطع كلامها من رفع السلاح لسما رمى جيلتين و رجع رصه ع راسها عرفته وصل قمة الغضب بعد ما يشوف جدامه حتى امه 

غفار :: لا ما اخافن بهل ساعة شاطين الأرض كلها التمت براسي توز بيه اذا ما تحجين و تنطيني اسماء كلها اشملها حتى الطفل أبيت اهلج اذبحنه اسبيهم وحگ شرف أخيتي اخليهم يشوفون البرزخ گبل الموت

فضيلة :: تروح سجن يمه و

غفار :: واحد 

گام يعد الها بتهديد وهي تعاين بالوجوه تستجدي الشفقة تريد واحد يخلصها من ايده محد تكرب 

غفار بهل حاله بس الرايد الموت يوگف بوجه 

الولد كل واحد طلع سلاحه و حضر عتاده عبن يعرفون خطوة غفار الجاية شنهي 

غفار :: اسهلها عليج... انا راح اعدن نسل اهلج السگط وانتِ بس هزي راسج اي لو لا ... اخوج ابوه لمصطفى الـ....... يعرف 

:: و أبوج الشيخ حامد يعرف بعملة حفيده 

فزت بساع شالت ايدها صوب كربلاء تحلف وتتوسل 

:: لا والله لا والعباس ابوي ما يدري ولا اله علم بهل سالفة كلها 

:: بعد ياهو جان يعرف اليوم ما ارحم لا صغير ولا جبير لا حرمة ولا طفل بيكم 

رفعت راسها صوبي عكدت جبيني مستغربة من گالت 

:: براءة تعرف 

فتحت عيوني ع وسعها من أشرت بأصبعها صوبي اسماء أهلها استعصبت تنطقها ونطقت اسمي عگلي ما يستوعب بعد أفعالها 

گالها و راح صعد صهريج فطرس جان بيه نفط مشه و عون عاند صعد سيارته يريد يلحگه نزل من الصهريج رمى تاير كعد السيارة اله و راح 

الغضب بعيونه چن سيل انكسر سده و راح يجرف كلشي وياه 

ركض عون ع سيارة حيدر يريد يروح بيها دك نقاله فتح خط يخابر رجفت نبرة صوته ينشد بقبق 

عون :: خو ما خطرة حالته 

حيدر :: عن ياهو تحجي ولك 

:: جراح مدري منين سامع و هو جاي مسوي حادث و جايبينه لمدينة الطب 

بقينه واحد يردم الاخر المن نروح وياهو نلحگ والمن نحمي ركض عون بدل ملابس المستسفى واخذ سلاحه 

عون :: انا راح الحك غفار وانت روح للمستشفى لجراح 

هاشم :: انت روح للمستشفى لجراح وانت تبقى هنا الضباع بس تشم خبر راح تلتم علينه 

عون :: وغفار جدي شنهي نعوفه لوحده 

هاشم :: ذيب و داسوا عرينه الغرب ما ينجهب بعد اذا تريد تموت روحله 

عون :: خله يگتنلي شنهي يغلى عليه دمي المهم اوكف بظهرها 

هاشم :: عوووون انا شگلت اكسر لرجليك اذا تكسر حجايتي 

أمره جدي بغضب اخذ سيارة حيدر و راح للمستشفى ندار ع حيدر 

هاشم :: خابر ع قسيم خله يجي بساع 

حيدر :: هو عرف وجاي بالطريق 

:: خوش 

اخذ خطواته لبيت فطرس اول ما دخل جال بنظره لحد ما طاحت ع سجدة تگرب وكف جدامها وهي نزلت عيونها بخجل و فاضت دموعها.. رفع راسها بيده 

هاشم :: جبيرة حاكم ما تندك راسها وانا موجود 

نزع خاجيته خلى ع جتافها گعد و جراها من ايدها كعدها حذاه و بعتاب گال الها 

هاشم :: غلطتي بسكتوج جدي جثير غلطتي 

اديها بحجرها تعصر بيهن حيل و تعكس اصابعها عبالك تريد تكسرهن سحب جدي وحدة من اديها ضماها بين جفوفه 

نفتح الباب دخل قسيم ينهج بـ انفاسه عبالك ما يشوف جدامه بس سجدة ويريد يتأكد هي بخير وگبل لا يتقدم خطوة الها سيارات آل جبران ملت البستان دك جدي عوجيته ع گاع وگال 

جبران :: شنهي ولك شجاي تحجي انت 

قسيم :: بكيفكم انتوا اختاروا انا كلشي يرهم عندي التفكة البيدي ترمي مفرد و صلي 

جبران :: اليتستر ع العار أحطن جيلة براسه قسيم ميل من جدامي لا اخلي الويلاد يجتفونك و يزتونك بالجول 

جان رد قسيم موش حروف و كلمات لا رد عليهم صلية كاملة حدر رجليهم خلاهم يتطافرون 

قسيم :: شنهي ولك جبران جايبلي جم واحد مخربط عبالك اخافن و اسلمنك أخيتي وعلي هسه اسوي بيكم مجزرة حتى كبور موتاك انبشهه واحرك الجثث 

صار صوت رمي قوي من صوب ثالث صارو آل جبران محاصرين بالنص بين قسيم وحيدر و بين جراح اله اجه قميصة كله دم و راسه ملفلف بضماد طبي متروس دم 

هاشم :: هذا الخط بنتي العلوية سجدة ان تعديت عليه يا جبران لاتكول هاشم كبر و رك حيله جتافاتي للعباس انا بنفسي اخلي هل النهر يجري من دمك و دم أحفادك

جر جدي جبران احفاده يطلع من البستان واحد يهمس للآخر بقى بس عمي كزار واگف 

كزار :: شنهي بويه كل يوم راسملك خط و فنكم تعدون عليه تريدنه نسكت ع عار و ندنگ روسنه بين الوادم 

هاشم :: تررررفة 

طلعت اله ترفة تركض وكفت ورا الباب و مدت راسه اله 

ترفة :: هااا جدي أمرني 

:: جدي ورقة و قلم أبوج رد جاهل و لوزم اعلمنه ليمت ما يحفظ

فتح عمي كزار حلگه يريد يحجي اشرله جدي ع حلگه بمعنى السكوت وگلبه 

:: يله كض القلم واكتب 

جان جدي يحجي بلهجة أمر صارمة ما تقبل نقاش ولا جدال اخذ عمي الدفتر و القلم 

هاشم :: اكتب العلوية إصالة.. العلوية سجدة.. 

سكت و دنك راسه يعاين شني يكتب عمي دكدك ع ورقة بطرف عوجيته 

هاشم :: لا تكتب الاسم حاف خل جدامه علوية

اغتاض عمي كزار كلش القلم يترجف بيده بس يعرف اذا عارض جدي راح يهينه جدامنه... خلى يكتب اسمائنه البنات كلنه 

:: هذن كلهن خطوط حمر اياااك تتعدى عليهن كزار

دگه بالعوجية ع جتفه وگاله.... يله كوم روح بيتك و باجر اشوفنك حفظت الدرس لو لا 

..... :: وصلنه خبر مصطفى راد يعتدى ع بنت فضيلة و گتلوا هناك خرت ام مصطفى من طولها و بناتها حاوطهن يرشن ع وجهه ماي 

1 ت

ومن صحصت گعدت تلطم و تنوح شلت فزت من نومها مفزوعة من الصريخ شلتها اهشهش الها واسكت بيها وكفت بعيد اعاين 

الهم.. شلون ملتمات يلطمن ع روسهن و ابو مصطفى يصيح وين الهوية شوفلي الهوية اريدن امشي للمستشفى 

شكت وجهي ضحكة شما حاولت اخفيها تطلع من نص گلبي عزاهم فرح بالنسبة اللي بقيت واكفة ما اريدن يفوتني 

لحظة من قهرهم گد ما قهروني سمعت صوت هورن قوي وصهريج شك الزرع و دخل فر الكيعان كلها الكاك مفتوح يخر نفط 

و نزل منه زلمه طوله فارع الغضب مرسوم ع تقاسيم وجه عرفته هذا غفار ياهو ما يعرفه صيته واصل گبله 

غفار :: اللي تخابر منجن ع شرطة و دم المظلوم لو عشرين سنة انسجن بس اطلع اذبح أولادها جدامها 

نخطفت وجوهن عبن كلامه موش يخوفهن بس جان تهديد صريح و يعرفونه بالسلف ابن حاكم لو گال فعل 

هزن روسهن بطاعة و طلعنه يركضن وهو تگرب شايل التفكة ع جتفه مد ايده لابو مصطفى بحركة سلام  قصص ماي هوبس 

و ابو مصطفى خاف و تردد وغصب عنه مد ايده يسلم عليه و غفار بساع لواها ما هدها الا سمع طگة العظم قصص ماي هوبس 

غفار :: تجي لبيتي وبهاي ايدك تسلم عليه و ابنك داخل بعرضي وانت ساكت اله 

يحجي بغيظ و حقد و ابو مصطفى كاض ايده يبجي بجي نسوان من الوجع رجع غفار طكاه ع راسه بطرف التفكة 

ابو مصطفى :: لااا مروتك دخيل بختك لا تفجعني مرتين مصطفى راح فدوة الكم و اتنازل عن دمه والله بس اعفي ع سامر 

غفار :: لا تخاف هو بس اگتلنه اخليك تلحكهم يله خاااابر 

طلع ابو مصطفى نقاله خابر ع سامر يگله يرد السلف 

وصدك نص ساعة واجه يركض وياه ما دخل صوبه جيلتين برجلي الاثنين خلى يزحف من الوجع 

غفار :: انا تلطخون شرف أخيتي و تجون لبيتي تاكلون من زادي و تضحكون بوجهي اليوم اخلي صياحكم لسابع سما يوصل 

حصرهم بالحجرة ثنينهم تفنن بتعذيبهم وكل هذا وجعهم جدامه و ما برد دمه بالعكس يزيد حقده و غضبه شال بوري قوي بيده وكسر كل عظامهم 

يمشي بخطوات تعبانة صوب الحجرة فتح الباب عاين لجثث و رجع وكف يم غفار ضغط ع جتفه حيل و دكدك عليه 

الشيخ حامد :: عاشت ايدك 

الشيخ حامد الزلمة الوحيد بهل سلف عادل و ابصم بالعشرة لو جان يعرف بعملة مصطفى وياه العلوية جا هو بنفسه گتله 

ما يرضه بالعوجة ابد ولا يرضه بالظلم ع حد السيف يمشي واللي يزل لونه من صلبه يعدمه 

نهض غفار سحب نفس قوي من الجگارة خلاها تجمر و زتها ع شجرة جان لايحة النفط بساع وجت و كام ياخذ الزرع كله 

طلع غفار و انا انتبه عليَّه الشيخ حامد اشرلي صعدت وياه طلعنه وكفنه بعيد و النار تزيد ما تنگص 

انخطف لونها من سمعت بقسيم جاي رغم فزع الها و هدد جدي جبران بعده لونها مصفر كعدت بالحجرة لوحدها تكرض اظافرها بسنونها دمت اصابعها العشرة 

والله شوفتها بهل حالة مردت گلبي و حسيته ارتجى ع ظلوعي من قهري عليها 

طلعت اشوفن قسيم وين حتى يجي يحجي وياها و يطمن خوفها 

لگيته گاعد لوحده يم الساگية ايده ع صفحته مكسور ظهر خاطره 

براءة :: قسيم 

دار براسه اللي من ندهت بـ اسمه تكربت وكفت يمه وما اعرف منين ابدي وياه بالحجي نشدته استفسر منه و اشوفن رأيه 

براءة :: ليش ما دخلت شفت سجدة و تطمنت عليها 

دنگ ع ساكية اخذ غرفة ماي غسل وجه أكثر من نوبة وكف صافن 

شال حجارة و طك راسه بيها حيل سال الدم ع جبينه كوه كضيت ايده وأخذتها منه وهو صاح يلوم بنفسه 

:: اكولن انا أكرب واحد الها شلون ما عرفت أخيتي بيها شي وليش ما حجتلي شنهي خافت مني 

:: اي 

جاوبته بساع اريدن ينتهي كلشي حتى لا يبقى ثغرات يستغلها اليكرهون 

:: شنهي.... سجدة تخاف مني ولج توكف وياي وجه بوجه و تتعارك 

:: هذا الظاهر بس الداخل شي ثاني وهسه هي خايفة منك فوت احجي وياها اهدم هل حواجز كافي موش حتى امي استغلتها ضدنا 

قسيم :: اذبحنج.... ليش اذبحنج شمسوية حتى اذبحنج .. كضاها من جتافها و دنك وجه لمستوى وجهه يحجي.... غريبة عني ما اعرفنج... ما اعرف تربية ابوي ما عايش وياج 

طاحت دموعه و دموعها سوا جراها لحضنه بساع بعد ما شالته رجليه طاح ع ركبه وهي وياها 

قسيم :: والله لو تعرفين غلاتج بگلبي ما تحجين هيج شما اتعارك وياج و نوبات اطكنج بس و داعة بنيتي ما توصل أشك بيج ولج دمي لحمي انتِ سجدة 

بجت لحد ما انزاح وياه دموعها شكو خوف بداخلها ابتعدت عنه وگالت بهمس 

سجدة :: راح انامن انا 

وصدك راحت وياه ما حطت راسها ع مخدة نامت جن عليل سكن وجعه و غفى براحة... تتنفس بأنتظام و عگدة جبينها نحلت... 

عون :: لا جدكم الشيخ حامد طلع خوش زلمة ما اشتكى عليه ومن اجت الشرطة گالهم سبب الحريق تماس كهربائي احترك البيت واخذت الكيعان وياه 

حيدر :: والجثث شلون موش بالتشريح تبين الجيلات بيها 

عون :: عنده واسطة بالطب العدلي ما خلاهم يشرحون الجثث هو شيخ اله معارفه و دسترها لسالفة 

حيدر :: جا وينه غفار ليش لسه ما رجع 

هاشم :: بعده دم حار تركوا براحته هو يرد لوحده 

تنهدت براحة من عرفت جدي حامد ما سجل الحريق حادث جنائي عبن لو مسجلة جا صدر أمر قضائي بتشريح الجثث و وعرفوا ماتوا گتل و غفار يروح بيها 

من المغرب لثاني يوم الفجر سجدة ع فرد نومة من نسولف نحجي بهمس حتى لا نعكر صفوة نومها 

أما هسه وأنا إلي يد بالقتل مستغربة من برودي ومن الراحة اللي بداخلي

يمكن لأن الفرق مو بالموت نفسه الفرق بالشخص

طيبة چانت روح بريئة أما مصطفى چان مثل نبتة ضارة وإذا ما تنقلع بجذرها تفسد كلشي يمها وتأذي باقي النباتات 

ولهذا ما حسيت بذنب لأن داخلي مقتنع إن وجوده چان أذى مستمر و الموت الحل الوحيد 

حتى رب العالمين من گد ما كرم الإنسان وصان عرضه وكرامته أباح دفع الصائل وأعطى للمظلوم حق يدافع عن نفسه وعن حرمته لو وصل الأمر للقتل

مو أكو ناس موتها فاجعة وأكو ناس موتها يشبه راحة الناس بعد سقوط الطاغية 

:: من امس لسه الأفكار جن جلاب مسعورة تنهش براسي اكولن لو مسلم البت و نسجنت جا ياهو وكف لاختي

حسيت بالندم بنبرة صوته اعرفه هذا الشعور رغم الشي ما صار بس تبقى تلوم بنفسك وسؤال يتكرر براسك لو صاير هيج جان صار بسببي... جليت صوتي وگتله 

:: رب العالمين يگول عسى ان تكرهوا شي وهو خيرًا لكم... حتى اني من كعدت فكرت بسجدة كلت يمكن الها حوبة يم رب العالم وصار وياي كله هذا بس حتى يخليني يمها بمثل هيج يوم

انتبهت حواسه وياه كلامي خشعت عيونه لعظمة رب العالمين شلون يدبر الأمر و شلون دبر أمر اخته رغم محد بيهم يعرف 

رحمة :: شوف شلون هيئ الأسباب كلها الها.. اصفن و اكول شكد الها حرجة يم رب العالمين طفلة نذبحت برائتها ،،و اغتصب منها أغلى شي عدها و اقرب الناس الها اللي طلعت من بين احشائها صارت ضدها بس الله تعالى جان بجانبها دوم 

:: والله لأخوي انا ما متعذر لسه ع سويته وياج و ما اعتقد كلمة تكدر تعبر شكد انا ممنون الج هسه وشاهد الله و داعت بنيتي لو يصح بيدي اشيلن التهمة عنج و انسجن وحتى لو انعدم قابل ع هاي وكفتج ويانه 

:: اني سويت العلية والله ما فكرت بشكر ولا فكرت برد معروف اصلاً هذيج اللحظة عقلي ما فكر ولا جان عندي رفاهية الاختيار غير اخذ السجينة و اضربه 

هز راسه اي دار راسه بتجاهي و عيونه ما رفعهن الي مو خجل لا تقدير عدهم ما يرفعون نظرهم ع حلال غيرهم 

:: انا اعتذر جي مديت ايدي عليج منا وغاد رابع خواتي انتِ واللي يمسج يمسني 

1 تع

هزيت راسي اله صدح صوت الاذان گمت فرشت سجادتي اصلي و ادعي لسجدة ينزل الراحة بگلبها شكد احنه مقهورين عليها بس ما يجي گد جرحها و قهرها 

عنبر :: اخذت تعقيم و گطن من بيت عون و سرعفت لبيتنه جراح من امس ضماده كله دم وما بدله دورت عليه ماله أثر بالبيت نشدت ابوي عنه 

:: بويه ما شفت جراح وين راح 

:: بنفس المجان اليكعد بيه تلگينه 

عرفته يقصد المجان اليكعد بيه هو و سجدة طلعت و عباتي تسحل ورا صدك ليكته يم الشجرة نفس ما گال ابوي 

گاعد مرتجي ع الجذع و مغمض عيونه مهدود حيل وصلت يمه وما حس بوجودي 

عنبر :: جراح خويه 

بلعت ريگي بمرارة اعاين لجرح من نتل الضماد عنه نزف دم.... مسحته و عقمته و لفيته بضماد جديد ردت امشي نشدني 

:: شلونها 

:: ما ادري... أحسنها صارت غريبة نوبة تبجي... و نوبة لخ فرحانة و مرتاحة... بس الاعرفنه هي اطئنت من نگتل گاتل براءتها و أمنت من شافتكم وياها موش عليها 

هز راسه راد ينهض حيله ما يعينه سندته بساع جن جبل و انهد للگاع 

:: فوتي گبلي شوفيها اذا گاعدة اريدن احجي وياها واذا نايمة خلها مرتاحة 

هزيت راسي اي سندته لحد الباب كعد بره وانا دخلت للحجرة الها لگيتها ع سجادة ساجدة و صوت نحيب تبجي و تردد شكر لرب العالمين 

:: تره اخوي واثق بيج سجدة مستحيل يظلمج وانتِ همين لا تظلمينه بظنونج 

شربت كلاص الماي كله هزت راسها اي طلعت اركض اصيحنه گبل لا تبدل قرارها توي احجي وياه سمعت خطوات هادئة وراي وهو حفز من مجانه بساع 

نداريت لگيتها وراي عفتهم و دخلت اعاين الهم من شباج المطبخ صرت اخافن عليها حتى من اخوي لا يذبله كلمة تجرحه 

سجدة :: اذا تريد اطلگ... 

خله ايده ع حلكها يسكتها وبساع ابتعد يتجنب لمسها 

جراح :: هو هذا الجان مخليج تبتعدين عني.. من شنهي خفتي.. اعوفنج لو عرفت.. لو اصدكهم و أشك بيج 

سكتت عبن كلامه صح هي هذة مخاوفها جانت صدك 

جراح :: گبل و هسه و بالمستقبل و بحياتي و موتي ما اختار غيرج حرمة الي

بعد كلامه وياها ثنينهم ارتاحوا حتى هو شوية تنفس 

فتح الباب غفار دخل ثنينهم صدوا اله... سمعت عمتي إصالة دوم تكول غفار لو غضب ما ينجهب بعد واليوم شفت صدك شخص ثاني من يعصب 

تقدم الها بخطوات محسوبة وكف جدامها رفع راسها مخليها تعاين بوجه غصب 

غفار :: لهدرجة موش كفوا بعيج انا وما أكدر اخذ حكج وما اجيتي گتيلي 

سجدة :: جنت طفله وخفت دكت بقبضتها ع صدرها عبالك اختنكت

كعدت ع كاع و تسولف اله شلون عمة فضيلة مخوفتها و زراعة الرعب بداخلها من أهلها 

:: ومن كبرتي ليش ما حجيتيلي 

:: ما ردت السالفة تطلع و ينزل راسك و يلوحك العار من وراي 

:: يااا عار هذا سجدة شنهي شايفتني كزار وشما سوا الولد يصلب البت 

گرفص جدامها محروگ گلبه 

:: چم نوبة گتلج اي شي يصير تجين الي انا غفار موش كزار سجدة... جم نوبة گتلج هل حجي 

رجفت شفتها غطت وجهه بثنين اديها تبجي كضه جراح من جتفه اشرله بعيون عوفها... كام طلع مغتاظ منها عتابه اله من حرگة گلبه عليها موش ضدها 

رحمة :: مرت عشرة أيام بعد الحادثة كلها عايشة بنعيم الحق رد لـ أصحابه و فطرس الشيخ حامد تنازل عنه بقى بس الحق العام و يطلع.. الهدوء هذا 

كله لان فضيلة ما موجودة جدو هاشم وداها لابوها ومنعها تدخل للبستان بعد لذالك كلها مرتاحة

جبت ملابسي من الحبل و گاعدة اسفط بيهن اجتني براءة مدت راسها من الباب 

براءة :: هاي حرمة من السلف خطية ابنها مسوي عملية تكول الكانولا ما تمشي علاج وعون موش هنا تسوينها الهم 

رحمة :: اي هسه ثواني بس البس حجابي و عباتي 

تركت كلشي من ايدي وكمت عنبر مشت وياي الهن دخلنه بيتهم الكانولا مأوته شكلت اله وحدة ثانية مشيت اله علاج و علمت زوجته شلون تسده اذا خلص 

الحجية :: الله ينطيج الصحة والعافية بنيتي هاي امس سووا العملية وبعده الجرح يوجعه ما يتحمل يبقى للعصر 

رحمة :: تدللين خالة ما سويت شي عنده العافية 

خطية شكد دعتلي و قدمت النه ضيافة و توسلت بينه نبقى ع غده تشكرتها ع كرمها و طلعنه عنبر راحت لترفة مدري شعدهن يخططن الهن يومين ع كزار 

دا امشي لمحته بالگاع يسگي بالزرع من شافني ابتسم واجه بتجاهي 

غفار :: وين جنتي

رحمة :: مره خطية ابنها مسوي عملية و رادت أشد اله كانولا

عگد مابين حواجبه متعصب واني استغربت رد فعله من گال 

:: وشديتي لزلمه كانولا

:: رجال جبير حتى ايده معفطة باقي بس الجلافيط 

من شفته صار عصبي ردت اضيع عليه الموضوع حتى ينسى گمت ادردم عون متعصبة 

:: لا ما گسته ولا تكمكشت هو معضل وريده واضح مثل عين الشمس گبل من اول جكة شكلتها اصلا بالمستشفى جانوا من الطوارئ يدزون علينه احنه اهل الخدج أصعب وريد نشكل اله من اول جكة و

قطعت كلامي بعد ما اخذني الحماس امدح بنفسي اني اسولف وهو يغلي من الغضب يهز براسه يحثني اكمل 

:: و تجذبين هم 

:: هاي شبيك ترى اجر و ثواب والله الكانيولا مأوته ويردون يمشوله علاج خطية فاقد من الوجع 

:: ما گتليلي انه اشكلها اله

:: تعرف انت 

:: اي اشكلها اله بالزردوم خوش وريد بيه 

يحجي بصوت حاد من بين اسنانه مغتاظ عبست بوجه اني هم وگتله

:: شوف اني وكل الممرضين والدكارته ما نشوف رجال لو مره ولا صغير و جبير نشوفه مريض يحتاج مساعدة واحنه قاسمين ع قرآن نساعد حتى عدونه 

بوز شفايفه مقتنع شوية واني ضربت ع وتر الحساس 

:: وانت سيد وقارئ قران و طالب حوزة رجال شهم لذالك اني حبيتك شلون ترضاها اعـ.. 

1 تع

بترت كلامي الطم ع حلكي بيدي من شفت تبددت كل ملامح الغضب وابتسم ع اخر كلامي احس حرارة صارت بوجهي اجيت اشرد لزمني من ايدي 

:: مرة لخ تلبسين جفوف ما تطخين زلمة غريب عليج 

هزيت راسي اريد اشرد منه وهو رفع ايده يتلمس شعري من فوك الحجاب عگد جبينه 

:: مساع طلعت من الحمام بعدني ما مشطة 

:: جا خوش تعاي انا اسويها الج 

1 تع

اخذني من ايدي مشابك اصابعه ويا اصابعي دخلنه للبيت جان فارغ البنات كلهن مجتمعات بحديقة براءة 

گعد ع كرويته و خلى كوشة بالگاع گعدت عليها و بدا يسرح بشعري من كمل تسريح بدا يظفر وگال 

:: طموحاتي الجبيرة جانت اظفر هل گصيبة 

1 تع

عصرت رداني حيل كلامه حلو يدغدغ گلبي بس كلما يحجي وياي بهل طريقة اخنس حتى لساني الطويل ابلعه 

من كمل گمت اريد اشرد بساع صار گبالي سد الطريق رفع ايد يمشي ظهر اصابعه ع خدي و ايده الثانية ع خصري قربني اله اكثر طبع بوسة ع خدي و

صوت البنات قريب يسولفن ابتعد بساع طلع من البيت واني شردت للغرفة وجهي صاير احمر لا يشوفني و يسئلن شكول الهن 

اجت عنبر فرحانة كعدت يم الكنتور بيدها جنطة جبيرة طلعت ملابسها تخليهن بيها لان ابوها راح يتزوج مرمر وهي تستقر ابيتهم 

عنبر :: احسن روحي حرمة زعلانة من زلمتها وجاي تلم جوالاتها و تروح لأهلها 

عنبر :: ولج تريفة ليش احسن كلامج عبالك جاي تحجين ع ورثي و شلون تتقاسمونه من اموت 

ترفة :: هو ورثج هذا وراح يصير اللي 

صفكت بثنين اديها بحماس 

ترفة :: حتى غفار گالي راح يجبلي جرباية و يسويلي المكتب الوعدني بيه فطرس 

عنبر :: جا انا ربي وحد ليش ما يسويلي مكتب 

عافتنه و طلعت ترعد ادور غفار حتى يسوي الها مكتب 

للعصر راحوا حتى يتم عقد القران بين عمو ابو طالب و بين مرمر سووا عزيمة بينهم حتى يصير اشهار بالزواج 

هزت ترفة راسها بأقتناع 

ترفة :: بيها وجهة نظر 

كامن البنات كلهن محد غريب دخلوا كلها باركت الهم مرمر جانت إيه من الجمال ما جنت اتوقع جبران عنده هيج بنية و عنبر گامت تهوس 

عنبر :: جبناها واجت ويانه بنت النذل لابن الشيخ جبناها 

عداتها من مرة و براءة تضرب ع حلكها بكف ايدها من الفشلة تريد تسكتها دمغتها سجدة ع راسها انتبهت علينه ساكتين 

برطمت شفايفها تهمس بصوت خافت 

عنبر :: جا شنهي بس لا حاسبين جبران شيخ

براءة :: موش شيخ بس عيب تكولينها جدام بنته

دارت ع مرمر شبكتها وگالت الها بابتسامة 

عنبر :: زعلتي مني

خطية البنية خجلانة كلش حتى ما تحجي هزت راسها لا و عنبر فرحت تگلهن

عنبر :: شوفن ما زعلت حتى هي تكرهه لابوها عبنه موش خوش زلمة و

صمن حلكها و دخلنها للمطبخ مدينة سفرة و كلها كعدت ع الاكل الفرح سير ع هذة العائلة بعد تعب طويل

ندك الباب كلها ندارت بتجاها أشر غفار محد ينهض وهو گام شوية و رجع شايل نرجس بنت قسيم اللي نهض الأرض

ما تشيله من الفرح

غفار :: موش گتلك اخليهم بنفسهم يجيبونها الك

شبگ قسيم بنته عيونه مدمعة و يشم نحرها

قسيم :: هاي شلون سويتها ولك 

باوعله بطرف عينه ما جاوبه بعده زعلان منه رجع كعد يمي نتعشى و قسيم دفع بنته بخفة ايده ع سجدة 

قسيم :: سلمي ع عمتج بوية حبيها من راسها جلسة وحدة خلتهم واحد يردم الاخر 

اخذتها سجدة هي باستها 

سجدة :: شني هسه اعترفت بشهادتي 

ضحكوا كلهم و قسيم مد جذعه يهمس لغفار 

قسيم :: انا وام السادة تصافينه بعد انت بكيفك ترضه تبقى زعلان 

عگد جبينه سئلني 

غفار :: شوكت تصافيتوا شو ما ادري 

رحمة :: من صارت الحادثة 

اختصرت الجواب اله حتى لا يصير حديث ع موضوع و جرح سجدة بعده ما مندمل 

لليل كلها كلها راحت لبيوتها حتى عنبر رجعت يم البنات بحجة تعوف ابوها ياخذ راحته بس هي متعودة عليهن 

رتبت الفطائر بالصحن و غطيتهن بقطعة قماش و طلعت للورشة بهذة الايام صار مثل روتين نكعد سوا يعزمني ع جاي طيب يسوي ع جمر واني اخذ اله فطائر مسويتهن بيدي 

نسولف و علمني انحت ع خشب شلون اسوي نقشة ع الغمد وصلت فتحت باب الورشة بحماس فارغة خليت الصحن ع ميز وكعدت ارسم زخرفة 

انتظرته ما اجه طلعت بره اباوع ماكو رجعت للورشة بدون ما احس غفيت كعدت ع صوت بره صاير النهار باوعت الساعة جاية الوحدة الظهر 

شلون نمت هلكد الصحن ع حطته يعني ما جاي عدلت حجابي و طلعت الأجواء متوترة 

رحمة :: شكو براءة صاير شي 

ابتسمت بوجهي مجاملة حتى لا تقلقني 

براءة :: غفار مختفي من امس نخابر عليه نقاله يدك بس ما يرد و بعدين نغلق