رواية لست غجرية الفصل الواحد والعشرون بقلم روز الحيدر
نزلنا فتح الباب صعدت ورجع صعد وكل جسمي
يرجف مو خوف شي ماعرف اسمي بس گلبي مطمأن
ويا عندي ثقة مايخذلني
شغل ومشينا مسافة وكل شوية ويلتفتلي رگبته
نكسر واني ساكته ومنزله راسي بخجل لحد ما
نخضينا
وردة : شكو؟
نسر : نضربت
وردة : يااا
فتح الباب
نسر : هسه اشوف لاتنزلين
هزيت راسي والتفت شفته يحجي ويا شخص
بس ماطول دقايق ورجع
وردة : شصار؟
نسر : ضربة خفيفة متأثر
وردة : ليش ضربها غير ينتبه!
نسر :أني السبب ما جنت مركز
وردة: ليش؟
سكت وبعدين ابتسم ابتسامة خفيفة بيها
إحراج
نسر: لأنج وياي
سكتت اني منا متوترة ونوب كلامة يزيدها
نسر: وبَطل صفين مسطور من شفتح وأني
ما أشوف غيرج
نزلت عيني بسرعة وحرارة وجهي صعدت
نسر: حتى الطريق نسيته
دگ گلبي بقوة
وردة: يعني بسببي؟
لف علي بسرعة
نسر: لا بسبب إحساسي مو بسببج
بقيت ساكتة
نسر: لا تفهمينها غلط
وردة: ما فهمت شي
ابتسم
نسر: أحسن
سكتنا حتاريت شسوي نزلت راسي اخرها صف
على جنب ونزع سترته
نسر : تعاي
وردة : شكو؟
خله السترة على كتافي
نسر : ألبسيها يمعودة.. أني عقلي مدري وين گتلج
ألبسي
البستها
وردة : ليش شبي؟
نسر : خاف تبينين من جام السيارة لحد مانطلع
من الازدحام
وردة : لا ترا محد ينتبه
نسر : حتى لو هيج اطمأن
كمل الطريق ضميت أيدي بكمام السترة حتى مابين
رجفتي وكل شوية وكال شلونج وارد بنفس الجواب الحمدلله أخر شي التفت
وردة : شبيك؟
نسر : شبيه؟
وردة : كل شوي وكلت ايييي شلونج شخبارج
بتسم ونظرلي
نسر : وعلي مشتاقلج
سكتت تنهد وكال
نسر : بس واضح انتِ مومشتاقة
وردة : لا
رفع حاجبه
نسر : شنو لا؟
نزلت راسي بخجل نطقتها
وردة : هو هم
نسر : هو هم شنو؟
سكتت حرك السير قبل مايحجي غيرت الموضوع
وردة : وين رايحين؟
نسر : شفت مكان حلو وهدوء كلت اكيد مليتي
بالبيت اغيرلج جو
وردة : اي والله ماكو لعبة مالعبتها وماكو مسلسل
ماتابعته
نسر : اعرف
وردة : شلون؟
ضحك
نسر : مو رابط اليوتيوب على حسابي وشنو تبحثين
يطلع يمي
فتحت عيوني
وردة : ااااع
ضحك.. طلعت مبايلي واشوف قائمة البحث كلها
مسلسلات واغاني وطبخ بس شغلة وحدة طالبتها
غطيت وجهي بالسترة عنه من الخجل التفت
نسر : الكيتيها؟
سكتت
نسر : جبتها ألج بس _
قاطعته
وردة : ترا عيب عليك يعني اكيد كل بنية تهتم بنفسها
شكو داحس نفسك بهيج سوالف!
نسر : والله مو بقصد بس تفاجأة من البحث الحد ما
ذكرت سويتلج اليوتيوب على حسابي لذلك يطلع يمي
وجبتلج كلشي تحتاجي
وردة : الغي وماريد منك شي
نسر : مو بكيفج
سكتت مااريد احجي التفت
وردة : الأكل جبته؟
نسر : اي
وردة : وماعين وهاي سوالف خليتهن؟
نسر : اي كلشي اخذت من جنتي تبدلين
وردة : زين تعرف
نسر : اي نطلع سفرات اني والشباب
وردة : اممم
نسر : هههههه اي بدون شبابات
وردة : واني شعلية
نسر : اي طبعاً شعليج
لفيت وجهي على جامة بين ماطلعنا من الازدحام
ومشينا بطريق يكون على طرف بعدنا عن العالم
صف السيارة نزلنا مكان حلو بحيرة ودايرها جبال
نزل جرجف فرشنا ونزلنا باقي الغراض
وردة : مدبر مانسيت شي
نسر : حتى الملح ولايت شحن جبت
ضحكت
وردة : والله لو اني ماحضرت هيج
نسر : كعدي اني اجيب الباقي
كعدت ارتب اللي موجود بين ماجاب البقية
وجاب كوشات صغار خلاهم يمي
نسر : كعدي
وردة : مرتاحه هيج
كعد وكف أكمامة وجاب جدر الدولمة والصينية
وگلبها رفعها
نسر : اويلييي ذايبة مثل گلبي
وردة : أكو لبن جبته؟
نسر : اي
سمينه وبدينه ناكل الجو يجنن وبس صوتنا وسوالفنا وضحكنا وكل اللكمة يصيح
نسر: اويلييي
ضحكت
وردة: طيبة؟
نسر : خرافية... وعلي تفوقتي على أمي
ابتسمت بخجل
وردة: صب اللبن
مد إيده وصب بالكلاص قدمه إلي أخذته وشربت
شوية وهو باوعلي وبعدين بدون ما يحچي رفع
الكلاص وشرب من نفس مكاني
وباوعتله
وردة: شنوو؟ ماجبت گلاصين؟
رفع حاجبه
نسر: تلعب نفسج؟
ضيگت عيوني
وردة: اي شنو شواربك المست اللبن
ضحك بخفة
نسر: نجبي وشربي
وردة: لا ما أشرب
قرب الكلاص أكثر
نسر: تشربين
هزيت راسي
وردة: لا
ابتسم ابتسامة خباثة
نسر: والله تشربين
وردة: صدك تحجي؟ ما أشرب ورا واحد
باوعلي بنظرة مباشرة
نسر: واني واحد؟
نزلت عيني
وردة: لا ثنين
مد الكلاص إلي مرة ثانية
نسر: شربي
رجعت لورا شوي
وردة: يااا!
قرب أكثر
نسر: وعلا تشربين وغصب عنج
ضحكت ولفيت وجهي
وردة: لاا
رجعت آكل وتجاهلته بس فجأة حسيت بإيده
كفشت شعري
وردة: ولك تخبلت؟! إيدك كلها دسم!
قرب الكلاص من حلگي
نسر: أشبي بس رشفة
غمضت عيوني وشربت شوية غصب
نسر: بعددد
باوعتله بصدمة
وردة: كافي!
بس رجعت شربت شوي وعافني مسحت حلگي
بسرعة
وردة : مخبل
ضحك
نسر : حتى أعلمج شلون تلعب نفسج
ضيگت عيوني
وردة: مو منك من شواربك
باوعلي بنظرة غريبة ورجع شرب
نسر : يله... شلون شواربي صارت بي؟
سكتت نزلت عيني بسرعة
وردة : عبالي
نسر : هاج نشرب سوه
اخذت من ايده
وردة : شعري خو مادمر؟
نسر : لا شلون ألزم شعرج وأيدي مدمرة!
فتح گف إيده
نسر : شوفي
هزيت راسي
وردة :زين..
من شافني اخذت اللبن بتسم
نسر: هسه صرتي شاطرة
نزلت عيني بسرعة
وردة: لا تتعود
ضحك
نسر: متأخرة تعودت
لفيت وجهي عنه
وردة : ومنو گلك تتعود؟
نسر: أني قررت
وردة: مايصير
نسر: ليش؟
وردة: لأن مو كلشي تريده يصير
باوعلي بنظرة هادئة
نسر: وانتِ؟ كلشي تريدينه يصير؟
سكتت لحظة
وردة: لا
نسر: زين ليش هل عناد؟
ضيگت عيوني
وردة: مو عناد
نسر: شنو؟
نزلت عيني
وردة: احتياط
رفع حاجبه
نسر: احتياط من منو؟
سكتت
نسر: مني؟
بلعت ريگي
وردة: يمكن
سكت ثواني كال
نسر: تخافين؟
وردة: لا
نسر: لا لو اي؟
وردة : مو خوف.. بس_
نسر: بس شنو؟
رفعت عيني له
وردة: ما أحب أتعود على شي وبعدين يروح
سكت ومايجاوب بسرعة
نسر: زين لو گتلج ما أروح؟
نزلت عيني
وردة: كلهم هيج يكولون
نسر: أني مو مثلهم
وردة: كلهم يكولون هيج بالبداية
تنهد بخفة
نسر: يعني شسوي حتى تصدكين؟
سكتت
نسر: جاوبي
وردة: لا تسوي شي
نسر: ها؟
وردة: خلي الأيام تحچي
ابتسم بخفة
نسر: صعبة
نظرتله
وردة: ليش؟
نسر: لأن أني مستعجل
استغربت
وردة: مستعجل على شنو؟
باوعلي مباشرة
نسر: عليج
سكتت ونزلت عيني بسرعة
وردة: أكل...
توترت
وردة: أكل أكلك برد
ضحك بخفة
نسر: تهربين
وردة: لا
نسر: واضح
وردة: مو واضح
قرب الكلاص مرة ثانية
نسر: اشربي
باوعتله
وردة: بعد؟
نسر: اي حتى انت تتعودين هم
ضيگت عيوني
وردة: مو گلتك لا تتعود؟
ابتسم
نسر: ما أسمع
ضحكت غصب عني و شفته فرح
: بداخلي ستغربت معقولة هي فعل بسيط يفرحة!!
كملنا أكل غسلت ورجعت كعدت عدلت شعري بالمراية شفت الحمرة نمسحت طلعت قلم و خليت واخذت موبايلي أصور
رجع الماعين بالجنطة واجه كعد
نسر : شتسوين؟
وردة : اتصور
نسر : عجبتج؟
وردة :شنو؟
نسر :السترة
وردة : مدفيتني
قرب كعد يمي دنيت نفسي شوية بس ما ابتعدت
نزلت عينه على شفايفي وسكت
وردة: شبيك؟
ماحچى بس ظل صافن وكأنه يحارب شي داخله
سحب نفس ببطء وقرب أكثر
ماتوقعت هل قرب منه جمدت بمكاني مال وجهه
شوي كأنه ينتظرني أرفض بس ما سويت شي
غمض عيونه بخفة وقرب أكثر سحب نفس خفيف
من شفتي
رجف صوتي
وردة : أمير...
فتح عيونه فوراً وابتعد كأنه حس على نفسه
نسر: أني..
سكت لحظة، مرر إيده بشعره بتوتر
نسر: بس ردت أتأكد
ضيگت عيوني
وردة: من شنو؟!
نزل عينه بخجل خفيف
نسر: طعمها.. مثل ريحتها لو لا
وردة : شبيك شو تخرفنت؟!
ضحك وهو يحك راسه
نسر : مو قصدي والله بس...
سكت ورجع باوعلي
نسر : شكلها يشهي
نزلت عيني بسرعة وحرارة وجهي صعدت
وردة: مخبل!
ابتسم
نسر: يمكن
سكت ورجع عيونه عليها وكال
نسر :بيها طعم؟
وردة :شنو؟
أشر وعينه عليها
نسر :اللي بشفتج
وردة : تريد تضوكها؟
ضحك عض شفته التحت
نسر : أمنيتي
بتسمت وهزيت راسي اخذت الحمرة ونطيتها نصدم
نظرلي بدهشة
نسر : شنو هاي؟
وردة : مو أمنيتك تضوكها هاك
اخذها من أيدي هز راسه فتحها وقربها عبالي
صدك يضوكها بس شمها سحب نفس قوي منها
نسر : والله مثل الأزبري
وردة : أأي
رفع عينه الي
نسر : وطعمها هم أزبري؟
ضحكت
وردة : ضوكها
نسر : تنوكل؟
وردة : هههههههه جرب
سدها ورد بحسرة
نسر : طبعاً أجربها بس بغير طريقة
وردة: شلون يعني؟
عيونه ثابتة علية غمز
نسر : مو وگتها
نزلت عيني بسرعة
وردة : أمير...
نسر: لا تخافين ما راح أسوي شي
سحبت نفس عميق كأني جنت محبوسة
نسر: بس...
رفعت عيني
وردة: شنو؟
ابتسم
نسر: لا تغيرينها
وردة: ليش؟
نسر: عجبتني
نزلت عيني بخجل
وردة: ذوقك
ضحك
نسر: لا ذوقج
سكتنا لحظة رجع رفعت الموبايل
وردة : يلا تعال صورني قبل لا يروح
نسر : شنو يروح؟
وردة : المزاج الحلو
ابتسم واخذ المبايل
نسر: ابتسمي
وردة: مبتسمة أصلاً
نسر: لا مو هيج ابتسامة حقيقية
نزلت عيني بخجل وبعدين ضحكت غصب
وردة: هيج؟
باوعلي
نسر: اي هيج بالضبط
وردة : تعال بعد اني وياك
نسر : لا موبايلج كامرته متعجبني
وردة : ليش شبيها تكرص!!
نسر : لا طلعني أزرك
وردة : كامرتي ماجذب
رفع حاجبه
نسر : يعني اني ازرك؟
وردة : لا بنفسجي
نسر : شلونها البيضة
ضحكت
وردة : الحمدلله بخير
ضحك وطلع مبايله صورنا سوه
وردة : خلي اوكف وصورني حباب
نسر : أي مو اشتغل يم الخلفوج
ميلت راسي بدلع
وردة : حبااااب
ضحك
نسر : اوكفي هنا ظلام خلي اشغل اضوية السيارة
عليج
نزعت السترة ونهضت وكفت امام السيارة شغل
الضوء ورجع يصورني
وردة : أريد شعري كله يطلع
نسر : صار عيني ست جوري
بعد ماكمل تصوير قربت أشوف
وردة : عاشت أيدك..
نسر : يله روحي اكعدي
رجعت كعدت المبايل بأيدي نقلت كل الصور
برام.. اجه
نسر : ولج عمي عيونج راحت من الالعاب كافي
كعد وخله علبه صغيرة يمي بس ماعرفت شنو بيها
وردة : ماالعب بس نقلت الصور برام
نسر : ليش؟
وردة : مو مرات جهازي من كد ماانزل بي العاب
يصيبه فايروس لذلك انقلهم برام حتى ماينحذفون
حتى صور حبوبتي كلهن بي
نسر : زين تسوين واحذفيهن من المبايل
وردة : ليش؟
نسر : لاتخلين صورج خاف يضيع او يصير شي
لاسامح الله
وردة : هم صح من ارجع للبيت اطلع الرام واحذفهم
سكتنا ثواني والجو يجنن سحبت نفس عميق أخيراً رتاحيت بعد تهميش وعذاب حسيت بأستقرارا وأمير
يمي احس بأمان عمري ماحسيته
لفيت عيني له مدد وساند نفسه على أيده يتأملني
گلبي يتخرفن بهاي النظره بسرعة بعدت عيني عنه
نسر : احمم.. ممكن سؤال يحلوة
وردة : جواب
نسر : شنو مواصفات فارس أحلامج
ماتحملت طكيتها بضحكة قوي ستغرب
نسر : ترا ماحجيت شي يضحك!
وردة : اعتذر والله العظيم مو قصدي عليك بس
ذكرت شي
نسر : شنو؟
وردة : لما جنت اكعد وي البنات ونسولف وكل وحدة
تنطي مواصفات شريكها لما يوصلني الدور اكول خطية
وكع من الفرس ورجلة نكسرت
نظرلي مباشرة وكال بجدية
نسر : بلگي هو خيال مضبوط.. يعرف شلون يصعد
الفرس ويضبطها
سكتت ومدري ليش ماضحكت ولا عرفت ارد حسيت
كلامة بي غاية بس شنو مافهمتها او مااريد افهما نزلت
عيني وماحجيت شي
كعد وعيونه عليه
نسر : شبيج سكتي؟
رفعت عيني بخجل
وردة : شكول؟
نسر : مواصفات المحروس شنو؟
بتسمت.. مارديت سكتت أفكر بعدين باوعتله
وردة : أمير.. أحلامي
رفع حواجبه بأعجاب
نسر : بالضبط.. أميـــر أحلامج
وردة : شنو تريد تعرف شكل لو اخلاق؟
نسر : كلشي اول شي نبدي بالاخلاق شلون حابة
تكون اخلاقة؟
بعدت عيني عنه بتسمت واني اتخيله
وردة : يحافظ على صلواته واهم شي الفجر
بتسم
وردة : صح اني مااصلي بس مو غلط اخذ واخد
ملطلط مثلي لا صوم ولا صلاة
نسر: مو شرط تكونين كاملة المهم تعرفين وين
تردين توصلين
رفعت عيني له بسرعة استغربت من رده
وردة: يعني عادي؟
هز راسه بهدوء
نسر: اي واللي يحبج يساعدج مو يحاسبج
سكتت هالكلام لمسني أكثر مما توقعت لان فعلاً
ضايعة ومحتاجة اللي ياخذ بأيدي ويدليني الطريق
نسر: كملي
نزلت عيني ورجعت أفكر
وردة: يكون هادئ مايعصب بسرعة وإذا زعل
مايكسر بخاطري
نسر: هممم
وردة: ويخاف علية وبس مو يخنكني
ابتسم بخفة
نسر: صعبة المعادلة
وردة: ليش؟
نسر: لأن اللي يخاف.. يغار.. واللي يغار مرات يخربها
وردة : واهم شي من أحجيله عن حياتي يتقبلني
مو كل كلمة والثانية يعيرني ويكول كاولية لميتج
من الشارع
سكت هالمرة محتار شلون يجاوب عرف قصدي
شنو نزل راسه وكأنه يفكر شلون يرد
نسر : اعرف غلط نحكم بس...
رفعت عيني بسرعة
وردة : بس انت گلتها
سكت وانصدم شوية من المواجهة مرر إيده بشعره
نسر: اي.. گلت
نزلت عيني
وردة: زين
سكت لحظة ورد بصوت اهدأ
نسر: لأن بوكتها جنت أشوف كلشي بعيني غلط
وأحكم بسرعة بدون ما أفكر
تحسر بقوة
نسر: واعترف... ماتستاهلين هل كلمة
رفع عينه علية شوي
نسر : أني جنت أفكر غلط وكل ماتبعدين عني احس
بنار تاگلني من أشوفج ويا
هزيت راسي
وردة : فهمت
سكت ثواني وكسر التوتر بضحكته
نسر : تدري جنت أشوفج مغرورة حتى على هوى اللي
يمر عليج
وردة : ها؟
نسر : أي والله بس بالحقيقة من تقربت اكثر شفتج
بوضوح
وردة : شلون؟
نسر : عرفت هذا الغرور نوع من انواع الاحتياط اللي
دافعين بيها عن نفسج
سكتت ابتسم
نسر : كملي
ضحكت
وردة : يمعود عوفه الله اعلم وين
بتسم نزل راسه
نسر : يمج والله... يله كملي
وردة : يكون صادق مايلعب
نسر: زين
وردة: واذا وعد يوفي
سكت لحظة صوته نزل
نسر: هاي مهمة
رفعت عيني له حسيت الكلام مو عادي
وردة: ليش؟
نسر : لأن مو كل واحد يكدر
وردة : طبعاً
التفت بسرعة
وردة : وهااا كون لو ادوس بطنه مايزعل مني
ضحك
نسر : يغنيلج دوسي علگليبي دوسي وتمنيتج
عروسي
ضحكت وخلت أيدي على حلكي
وردة : إي والله أستاهل مو؟
هز راسه
نسر: والشكل؟
ضحكت بخفة
وردة : عادي
رفع حاجبه
نسر : عادي شلون؟
وردة : يعني مو مهم
نسر : يعني لو طلع مو أمير؟
ابتسمت
وردة : المهم أخلاقه...الباقي يتعدل
باوعلي بنظرة طويلة ابتسامته خفت شوي
نسر : لا لازم الشكل مطلوب يعني طويل قصير
سمين ضعيف.. اسمر ابيض
ضحكت بقوة
وردة : اسمع حبوبتي الله يرحمها تكول الرجل
لوفحمه رحمة
ضحك وهو يهز راسه
نسر : الله يرحم حبوبتج حكمتها قوية صراحة
سكت شوي وبعدين رجع يباوعلي
نسر : بس صدك.. خل نرجع للشكل
رفعت عيونها بسرعة
وردة: شلون يعني؟
نسر: يعني لو نجي نكمل مواصفات أميرج
شتفضلين؟
وردة : أهم شي حباب ومايخون
نسر : إي هو مال حباب حباب ومايخون بس
أعرف خلي نكملها اعتبريها لعبة
وردة : يمعودد
نسر: لا عادي كولي طويل لو قصير؟
سكتت افكر
وردة : اهم شي أطول مني يعني اوصل الصدر
ويم نبض گلبه
بتسم هز راسه
نسر: أوك.. لون البشرة؟
وردة: عادي... أي لون بس اهم شي نظيف
ابتسم وهو يتابعها
نسر : عيون؟ حلوة لو عادية؟
وردة: عيون...عادية بس بيها أمان
سكت ثواني وبينت ابتسامة خفيفة على وجهه
نسر : أمان؟
وردة : إي.. أهم شي
هز راسه بهدوء
نسر : حلو هذا أصعب وصف أصلاً
نظرتله
وردة : لان ماعايشة هل شعور وأريد بس ويا
رد بجدية
نسر : عشتي هل شعور ويا؟
وردة : من اشوفه واعيش هل الشعور عود اكلك
بتسم وهز راسه
نسر :زين وضحكته؟
رفعت عيني بأستغراب
وردة : شبيها؟
نسر : يعني ضحكته حلوة بيها شي مميز؟
رفعت حاجبي
وردة :من اشوفها انسى كل همومي
هز راسه وسكت لتفت
وردة : بعد خاف ناسي سؤال منا منا؟
نسر : هههههههه لا هاي هي خلصت
نظرتله صفح
وردة : متأكد؟
صفن بوجهي
نسر : اي
وردة : اجت حجاية بحلكي شكبرها
نسر : شكبرها؟
وردة : ماتنحجي
ضحك
نسر :أعرف سوالفج والله عرمة
وردة : والله ماكو سؤال ماسألته شعليك عوف
الرجال بحاله
سكت لحظة وبعدين رجع بضحكته الخفيفة
نسر: تمام سجلتها بالملاحظات
وردة : هااا وسجل إريد عريض الكتفين
دنك باوع على كتافه ورفع عينه
نسر : شلون يعني؟
وردة : يعني إذا أمشي يمه أحس نفسي صغيرة
رفع حاجبه وهو بعده باوع على كتافه وبعدين
رجع نظره إلي
نسر: صغيرة لو مدللة؟
ابتسمت بخجل
وردة: الاثنين يمكن
كل مايضحك غمازته تبرز
نسر : خوش شرط...عريض الكتفين حتى تتحامين وراه؟
هزت راسها
وردة: إي أريده سند أصلي
سكت لحظة نظرة مختلفة بعينه
نسر: هم زين
وردة: ليش هم زين؟
ابتسم بخفة وهو يرجع يتكئ
نسر: لا بس أشوف المواصفات صارت صعبة
ضحكت
وردة: ليش؟ مو متوفر؟
ميل راسه وهو يباوعلي بنظرة بيها لعب
نسر: يمكن موجود.. بس صاحب المواصفات محتار
إذا ينقبل لو لا
رفعت حاجبها
وردة: ليش ما ينقبل؟
ضحك وغمازته رجعت تبين
نسر: لأن البنية شكلها دقق هواي
نزلت عيوني
وردة :جؤ.. إذا ارتاحت مادقق
سكت وظل باوعلي شكم ثانية
نسر : يعني الموضوع كله راحة؟
وردة: إي.. إذا ارتاح گلبي الباقي كله يهون
هز راسه
نسر : خوش وصلت الفكرة
وردة : شنو وصلت؟
نسر : ولا شي.. بس واضح
ضحكت
وردة : واضح شنو؟
غمز
نسر: خلي سر أحلى
وسكت بس نظرته إلي طولت شوي وكأنه حصل
الجواب اللي يدور عليه من البداية
باوعت للعلبة
وردة : شنو هاي؟
كعد فتح العلبة وقدمها فراولة مغطسة بالككاو
ضحكت ورفعت عيني
وردة : جبتهااا!
نسر : هذيج سويتيها مخلمة
ضحكت واخذت قطعة اكلها
مرة شفت مقطع باليوتيوب بنت تغطس الفراولة بككاو
وكتله مشتهيتها وگتها نزلت للاسواق وهو وياي على
خط ورجعت سويتها وهو هم وياي بس ماضبطت عندي
الككاو جمد بسرعة اخر شي ثرمت الفراولة وخبطتها وكعدت اكلها وهو يضحك
وردة : أمــــير والله نفس الطعم بس الشكل يفرق
نسر : اشو ما توكليني؟
باوعتله باستغراب وضحكت
وردة : يااع شبيك اعضب!
ابتسم وهو يهز راسه
نسر: لا مو أعضب... بس أحسها غير لما تكون من
إيدج
حست بنبرة صوته جدية
نسر : هو المفروض الأهتمام ماينطلب بس ماعندج
حساس
ضحك
وردة : كسرت خاطري والله
نسر: وإذا ما تريدين عادي
رفعت عيوني بسرعة
وردة : لا...
اخذت قطعة قربت الفراولة بإيدي شوي بس بعدني مترددة بس مديت إيدي أله
وردة : ها... افتح
ابتسم وغمازته بينت وهو يقرب شوي
نسر : عفية
أكلها وهو يباوعلي بسرعة بعدت عيوني بخجل
نزلت راسي شعري نزل مد أيده لمس أطرافة
نسر : يجنن
رفعت عيني له
وردة : موتكول كفشه؟
نسر : انتِ ليش تعتبرين كلامي غلط؟
وردة : مدري انت هيج تكول
نسر : لا بس مرات كفشه احسبها غزل قوي
وردة : اااع من يمته صارت الكفشه غزل
نسر : اني عندي غزل
رفعت حاجبي
وردة : وليش تتغزل بية؟
نسر : لان من تسرحي روحي تتعلك بي
وردة : يعني من مكفش موحلو؟
بنظرة ثابتة وهز راسه بهدوء
نسر : حتى من تكفشين حلو
سكتت لحظة مستغربة وعيونه تتنقل بين شعري
وعيوني
نسر : بس من ترتبينه يصير أخطر
نزلت عيوني بسرعة وابتسمت بخجل
وردة : شلون يعني أخطر؟
قرب شوي بدون ما يحسسني بضغط
نسر : يعني يصير عندي مشكلة أركز بغيرة
سكتت
نسر : ولج قبل شوية صار حادث بسببج
رفعت عيني بسرعة
وردة : شعلية
مد إيده مرة ثانية واخذ طرف شعري
نسر : لأنج شاغلة بالي
سحب شوي وقربه سحب نفس عميق
نسر : ماتدرين شكد أشتاق اشمه من أشوفه بس
بعيد عني
تجمدت بمكاني وگلبي دگ بسرعة ومستغربة
نفسي رغم گلشي بعدني مأمنه
وردة : أمير...
نزل الإطرافة ببطء وباوعلي
نسر : سواد اللي سبه گلبي.. سباية
نزلت عيني فوراً ويدي تشابكت ببعضها
وردة : لا تحجي هيج..
قرب نفسه شوية بس توقف كأنه يحارب نفسه
نسر : ليش؟ هذا الواقع
سكتت ماعرف شنو أرد هو ابتسم بخفة حتى يكسر
الجو
نسر : لا تخافين بعدني مسيطر
رفعت عيني له
وردة : على شنو؟
باوعلي شكم ثانية توترت أكثر
نسر : عليج
دگ گلبي بسرعة أكبر حاولت أبين عادي
وردة : شنو علية؟
مارد بس تنهد.. اخذت فراولة اكلها وأني أرجف
احاول أبين طبيعية
نسر : لا تستفزيني
رفعت عيني له
وردة : والله ماسويت شي
مد إيده ورفع راسي
نسر : جوري
همسه باسمي خلا كل جسمي يرجف
وردة : أميــر..
بدون أي تردد سحب راسي بسرعة ماتوقعتها وطبع
بوسه بشفافي
شهكت من الصدمة حاولت ادفعة بس قلص على
راسي بقوة......
