رواية أحببت من لايبالي الفصل الثاني والعشرون بقلم مجهول
زين : اني عطشان
براء : هسه اجيبلك مي ... كمت جبتله مي دافي ... كعدته يشرب ورجعت تمددت بصفه رجع حضني ... شديت عليه
زين : بنعاس براء
براء : هممم
زين : جسمج دافني حرك خشمه على صدرها
براء : غمضت عيونها ... اهدي براء زين مريض ومو بوعيه اهدي اهدي
زين : ريحتج طيبه ... جر زيك التشيرت ... باس صدرها ... رجع خله راسه بركبتها يبوس بيها
براء : رجف جسمها ... حاولت تجر نفسها متكدر ... ياربي هذا شبي ... ززين شبيك
زين : لارد
براء : حست كلبها راح يوكف ... وخرت راسه من ركبتها ودنت عنه
زين : رجع جرها عليه ... بهمس لاتعوفيني خليج هنا
براء : رجعت حضنته متررده ... بديت امسح على متنه حتى ينام ... شويه ونام ... أباوعله شلون نايم عاكد حواجبه مشيت اصبعي على حواجبه حتى ميعكدهن ... نزلت لعيونه لمست رموشه عود ليش هيج حلوات ... كثاف وكد ما طوال مفروشات على عيونه فرش ... نزلت لخشمه ... طويل وحاد ... لمست وجناته عضام فكه كولش واضحات ومحاوطتهن لحيه تجنن ... لمست شفايفه ... غمضت عيوني شفايفه ناعمات حييل ولونهن وردي يمكن لو ما لامستهن بايدي مااصدك اكو رجال عنده شفايف بهالنعومه ... بسته بجبينه ... وحضنته اقرب الي ... ياربي ليش اني راغبه زين لهدرجه متمر لحضه اذا ما اجه على بالي وحتى واني ادرس ابسط شي يمر عليه اتذكره صايره اركز على اتفهه وابسط التفاصيل الي تخصه لبسه طريقه اكله شنو يحب شنو يكرهه شوكت يضحك شوكت يطنكر .... حتى صايره اضوج من تحاجي دارين او نور ... اي بنيه بصوره عامه بودي اخفيها من يجي زين ... وهسه الي حيموتني صايره لمسات زين هواي تاثر بيه شكد اكول ميصير الي بيناتنه بس من يتقرب عليه مااكدر اسحب نفسي منه احس نفسي اتخدر اذا انفاسه لفحتني ... ابتسمت جنت من اقره روايات ... البطله من يتقرب منها البطل تحس بفراشات او يقشعر جسمها ... اكول جذب اكو هيج شي وهسه جربت هالشعور وازيد منه بعد ويه زين ... اختفت ابتسامتها من تذكرت ... لحضه لحضه البطله جانت تحس بهالمشاعر لان تحب البطل فتتاثر بلمساته ... لالا مستحيل يعني اني احب زين مدام داتاثر بوجوده مو بس بلمساته ... ياربي معقوله اني احب زين باوعتله ... يعني اني احبك ... بسرعه وخرت عنه ... لالا اكيد لا اني مااحبه ... ابتعدت عنه ... كمت طلعت كعدت بالصاله لزمت راسي ... صارت عيني على القران أي خلي اقره قران حتى تروح هالافكار الزفته من راسي كمت لبست جادر خليت ايدي على القران ياربي ارشدني ودلني على الطريق الصحيح فتحت القران صارت بوجهي .... (( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ" )) غمضت عيوني عرفت الجواب ... سديت القران ليش ياربي انوب هاي بلوه جديده ظهرت بحياتي مااريد احب احد .... شاستفاد اني من هالحب وهو ميبادلني نفس المشاعر ... نزلت دمعه من عيني ياربي سلمتك امري وانت بايدك تيسير الامور رجعت تمددت على القنفه مااريد ادخل للغرفه ... ضميت جسمي على نفسي ونمت
________________
مريم : كعدت الصبح نزلت لكيت الكل كاعد صباح الخير
سجاد : كام باسها صباح الورد وردتنه
قصي : لا اصير لوكي
سجاد : بخبث والله اذا لوكي فجاي الوك لامي مو للبنات
لؤي : باس راسها صباحج خير يمه
حسن : نفس الشي
جهاد : بشقه كافي طحتولها بوس مو خلصتوها
نجمه : هاا تغار جوجو
جهاد : ولج تادبي شنو جوجو
الكل : هههه
خوله : اكلكم الطنطل وينه شو ماهو
قصي : ليش عدنه طنطل بالبيت
حسن : لك قصدها على زين
نجمه : بيبي بشرفج الله يقبلها .... احلى واحد بالعائله تصيحيله طنطل
لؤي : ولج عود لان طويل
نجمه : هاا
قصي: تلكي بعده نايم اكيد
خوله : والمسعده مالته هم نايمه
شمس : حجيه بعد وكت ستوها بالتسعه ونص خليهم براحتهم
خوله : والله هاي اول مره اشوف نسوان حموين متوالمات مثلجن
جميله : اللهم صل على محمد وال محمد عين البارده علينه
شمس : اسكتي لا اسمعج
____________
زين : كعدت عركان وملابسي منكعه وحلكي يوجعني ... كمت طكيت عضامي هاي شلبسني هالملابس باوعت على جهه براء ماهي هاي وينها ... طلعت للصاله لكيتها نايمه هناك هاي ليش نايمه هناك ...رحت كعدتها براء
براء : فتحت عيونها
زين : ليش نايمه هنا
براء : باوعت لكيت روحي نايمه بالصاله ... كمت لزمت كصته تنهدت الحمدلله نازله حرارتك
زين : يا حراره
براء : تمغطت البارحه بالليل ارتفعت حرارتك كولش هواي لان سبحت ونمت بدون ملابس فتمرضت .... سويتك كمادات والحمدلله نزلت حرارتك
زين : باوع لروحه ميتذكر شي ... ملابسي منو غيرهن انتي ؟
براء : لا انت
وانتي شنيمج هنا
براء : ورى ما نزلت حرارتك كعدت اقره قران ونمت بدون مااحس
زين : وانتي ضليتي كاعده طول الليل وتعلعلت نومتج من ورايه
براء : تباوع بعيونه بكلبها ... الي تعلعل كلبي مو نومتي ... لا عادي هذا واجبني
زين : دنك باسها بخدها ... شكرا تعبتج ويايه
براء : غمضت
زين : اليوم اروح للمستشفى اخليهم يشيلون التجبير راح يصيرله شهر كافي
براء : غير يبقه لحد ما يلتأم الكسر ياله تشيله
زين : لا اذا هسه ملتأم العضم يصير تشيلي على العموم اني راح اسوي اشعه اذا التأم اشيله ما التأم اعوفه
براء : اروح وياك
زين : دار وجهه ... ببرود ماكو روحه كعدي وسكتي
براء : ليش
زين : كلت ماكو روحه كلها ناس هناك ... تعاي طلعيلي ملابس
براء : تباوعله ... افف منك رحت طلعتله ملابس ... طلع لبسهن
زين : اني نازل لبسي ولحكيني
براء : طلع ... رحت لبست تراك وفوكه صايه وحجاب ونزلت ... صباح الخير
الكل : صباح النور
خوله : صباح الظهر لو مخليه كعدتج على العصر
براء : لارد
زين : تعاي كعدي
براء : كعدت يمه
نجمه : كومي تريكي بروئه
براء : صبيت كلاص مي ... ما اشتهي
مريم : حبيبتي جاي اشوفج متاكلين ليش هيج مو حتى مو زين عليج
خوله : وج يامتاكل ... دباعيها وجها مينشاف من الخدود
نجمه : لزمتها من خدودها ... ولكم هو اكو احلى من الخدود دباعو الجمال يممممه
براء : اووي وخري
نجمه : هههه ماااا ما
زين : جريت ايدها ... عوفيها اباوعلها خدودها صارن حمر من الكرص مسحت عليهن ... طاحظج نجمه شوف شسويتي
نجمه : بس لا متقبل
مريم : حقه ملاته هذني ... ميقبل واحد يلمسهن
زين : ابتسم
سجاد : هسه شراح تسون غده
مريم : شتردون انتو
الولد : بكيفكم
شمس : خاله نسوي سبزي
مريم : اي هاي هي يمه يله تعالن نسوي الغده
براء : كمنه ويه خاله
مريم : يله وحده خلي تثرم
السبزي
براء : انطيني اني اثرمه ... اخذته منها كعدت اثرمه ... احب اثرم الخضروات اتونس
جميله : ثرمي ناعم حتى ينحمس عدل
براء : اي اعرف ... كملته وره فتره هاج ... وكفت جميله تحمسه ونجمه تلكط التمن .... وشمس تنظف الخضره ... ودارين كاعده تبرد اظافرها وتحجي ماحركت نفسها .... وكفت اغسل مواعين حتى مصير هوسه ... دخل زين اباوعله اخذ تفاحه ... اجه وكف على السنكي غسلها .... تره مغسوله هي وكل الفواكهه
زين : ميخالف خاف لايحها شي
براء : راح ورجع .... شال ردانات الصايه .... كفهن
زين : رادن يتنكعن انتبهي
براء : ابتسمتله شكرا
زين : مسح على خدودها عفوا
براء : غمضت عيونها ... مبتسمه بكلبها اااه معقوله احبك لدرجه ابسط حركه منك تاثر بيه والله ووكعتي يابراء ومحد سمه عليج يمكن هسه نوعا ما ماضايجه من مشاعري لان حبي لزين مو حرام هو زوجي ومو عيب احبه مشاعري اله مو حرام لان هو حلالي ... بس شنو فائده هالحب وهو من طرف واحد اااوووف يافكرج يابراء
نجمه : وين سافرتي يا حلوه
براء : فزيت لا وياج
نجمه : احاول اصدكج
جميله : تلكي زين مدري شكلها وهي سنحت
براء : ما كلي شي والله
شمس : علينه سيدي
براء : بضوجه اافف منجن ليش متصدكني
جميله : حبيبتي متمشي علينه ... هاي اني ببدايه زواجي لو كلي حسن جيبلي كلاص ماي عبالك غازلني وهم اصفن صفنتج هاي
مريم : ههه والله انتن كارثه
نجمه : صدك يمه من تزوجتي ابويه هم جان مثل اخواني رومنسي وكذا يعني
مريم : ابوج اكثر واحد يشبهه بالطبيعه لؤي يعني سبورتي بس برزانه
شمس : صدك واني عبالي زين يشبه عمو جهاد بالطبايع
مريم : لا شجابه ... جهاد اهون من زين لابد يضحك يشاقه زين ماكو مدري عليمن طالع عافس وجهه اربعه وعشرين ساعه زائد زين عنده كلشي عيب ومايصير متزمت برائيه مو شلون ماكان وهذا الشي الغلط بشخصيته
دارين : لهدرجه
مريم : واتعس والله مجربته باكثر من موقف والبنات شاهدات اذا كال لا هاي هي بعد ماكو نقاش
جميله : خاله زين من شوكت صار هيج
مريم : من اول ما اجه للدنيا وهو يضحك بالشافعات بس جان من واحد يناغي يضل يضحك والله ذكرتني بايام
دارين : اكلج عمه زين شلون جان شكله وهو صغير
مريم : يجنن ابيض كطن ودبدوب بحيث مينشال من السمن جانن اديه يوجعني من اشيله بس تغير شكله من كبر
براء : تخيلت شكله ابتسمت ... خاله فدوه راويني صوره وهو صغير
مريم : ميخالف حبيبتي وره الغده اروايج اياهن
دارين : زين عمه هم جان هيج طويل
مريم : لا .... من كبر تغير جذريا والله جان بكصر مريومه شو هذا طال فجأءه حتى صار اطول من ابو
نجمه : شوف براء حلكها وصل لاذانها
جميله : طبعا عيني غير ديحجون على حبيبها اكيد تستمع بكل اذن صاغيه
دارين : تره الكل ينتبه من يسمع اسم زين مو شرط تكون بس مرته تحب سيرته
براء : باوعتلها صفح مستنكره كلامها .... رجعنه نكمل تحضير الغده ... طلعت اودي دولكه الماي
خوله : اكلج فرشن سفره بالكاع
براء : ليش
خوله : الاكل مابي طعم على ميز الطعام مدري شلونه خلي نتغده بالكاع
براء : بكيفكم ... رجعت للمطبخ ... خاله وين السفره
مريم : شسوين بيها
براء : حجيه خوله تريد نتغده بالكاع
مريم : استغربت ... بهاي الجراره
براء : طلعت سفره ... ورجعت للصاله .... دنكت افرشها ... حست على كرصه .. كامت فازه ... باوعت لكت زين وراها يباوعلها بحده ... ليش يباوعلي هيج شسويت
زين : بحده روحي جيبي الاكل ويه البنات وجيبي هاي اني افرشها ... همسلها وحسابج بعدين
براء : انطيتها اله ... رحت صبيت الاكل ويه البنات ... كمنه نقلنه الاكل لكيته فارشها ... اخذ الاكل مني خلا بالسفره كملنه نقل وكعدنه ... انطاني زين خاشوكه
زين : دنيت يمها الماي ادري بيها من تاكل لازم اكو ماي
براء : بهدوء شكرا
زين : عفوا ... همسلها حضري روحج للعقاب وره الغده
براء : ليش شسويت ؟
زين : بحده شلون تدنكين كدام الولد هيج جسمج كله بين حمدي ربج جسمج صار بوجهي مو كدام احد جان طيحت حظج
براء : بهدوء ... بس والله ما انتهبت
زين : اي هو راح اعاقبج حتى تنتبهين مره ثانيه
براء : بس م...
زين : ببرود انته النقاش لا تجادلين
خوله : اي هذا يتسمه غده مو غداكم على هذاك الميز عبالك كاعده بمطعم
سجاد : بيبي الاكل اكل ينوكل بالكاع ينوكل على ميز ينوكل بالحمام هم يبقه اكل
خوله : استغفر الله ... طيح الله حضك على هالحجي ولك نعمه الله ما تستحي تحجي هيج
سجاد : باوعلها بشرفكم كلت شي غلط
لؤي : ههه ولك اسكت
زين : يابه العصر اروح للمستشفى
دارين : ليش شبيك
زين : بحده خلي اكمل كلامي ... اريد اسوي اشعه حتى اذا مابيه شي اوخر التجبير ... لان لعبت روحي منه
جهاد : بس بعدك هو يادوب صارلك اقل الشهر عليمن مستعجل
زين : يابه اريد اتحرك براحتي اريد ارجع لدوامي مليت من كعده البيت تدري بيه مااكدر اكعد بدون شغل
مريم : بس لاناوي ترجع تفتح العياده مالتك مره ثانيه
زين : شي اكيد
مريم : مستحيل اخليك تفتحها بعد الي صار
زين : ليش يعني هذا شغلي ولازم امارسه مو من حادث بسيط انسحب
مريم : محد كلك لا تمارس شغلك داوم بالمستشفى انت اصلا جراح يعني شغلك يعتمد اكثر شي على المستشفى بس عياده تحلم
زين : بنفاذ صبر يمه رجاءا لا تدخلين بشغلي
مريم : ادخل وغصبن ما عليك اني الي جبتك واني الي ربيتك واني الي حق امنعك عن شي ياذيك
زين : يمه
مريم : قسم بالله يازين اذا فكرت تفتح العياده ييحرم لساني يدور على لسانك عافت الاكل وكامت
زين : استغفر الله ... كام وراها ... اوكفي يمه خلص لا تزعلين انعل ابو العياده كلشي ولا زعلج العياده وصاحبها جوه رجلج بس لا تضوجين باس راسها يله تعاي كملي غداج
مريم : باسته حبيبي فدوه لكلبك
نجمه : يمه لا تبوسي براء ما تقبل
براء : لا والله خاله اقبل
الكل : هههه
سجاد : لخاطر الله انتي شكد فطيره
براء : ابتسمت ... رجعو كملو غده ... كملنه شلنه المواعين وكفنه نغسلهن اني اجلف وجميله تشطف وشمس راحت صبت جاي ... كملت جلف .... رحت اطلع ملابس لزين حتى يطلع هو والولد للمستشفى ... صعدت لغرفتي لكيته هناك ... اجيت اروح للغرفه
زين : اوكفي
براء : ها
زين : تعاي هنا
براء : خير ... اجيت
زين : شكلج نسيتي العقاب
براء : يعني اني متعمده حتى تعاقبني
زين : ببرود ميخالف لازم تتعاقبين حتى تنتبهين على تصرفاتج
براء : تقربت منه ولزمت ايده ... بتوسل ... حباب زين بلا عقاب وهالاشياء والله بعد ما اسوي شي يضوجك
زين : شد على ايدها ... واذا انعادت
براء : والله متنعاد
زين : دنك عليها واذا عدتيها
براء : سوي الي تريده
زين : نزل عينه لشفايفها ... بهمس اي شي
براء : بارتباك اااي شي
زين : وخر عنها ماشي ... هالمره سماح المره الثانيه تتعاقبين يله تعاي طلعيلي ملابس
براء : رحت طلعتله بنطرون وقميص كالعاده خليتهن على الجربايه ... طلعتله ساعه سوده ومحبس بي شذره سوده ... زين كملت
زين : خوش ... دخلت بدلت ... تعاي سديلي القميص
براء : وكفت كباله دكمت القميص ... لبسته الساعه ... وكف مشط شعره ورش عطره ... واخيرا عرفت يا وحده منهن يستخدم ... علبه مربعه وبيها كتابه فضيه
زين : يله اني راح اطلع محتاجه شي تردين اجيبلج شي ويايه
براء : اي
زين : شنوه ؟
براء : اريد سلامتك
زين : دنك لزم خدودها وباسها يله باي
براء : ابتسمت باي ...طلع واني رحت عزلت الغرفه رتبت الملابس المغسوله وغسلت الوصخه ... دخلت سبحت ولبست تراك نيلي ونزلت ماهمه الولد فانزل بلبس الغرفه ... هاا طلعو
نجمه : اي
براء : كعدت يمها
دارين : هاي اول مره اشوفج نازله بهيج لبس بالعاده تلبسين دشداشه وتنزلين
براء : اي ماكو احد
خوله : شو كومي
براء : باستغراب كمت
خوله : تباوعلها ... اكول ليش الرجال متسودن عليج دكعدي كعدي
مريم : شبيج يمه
خوله : ضحكت ابنج السايب طلع يحب المربرب مشوفي مكيف على هاي ... واني اكول زعطوطه ... طلعت مشاءالله عدها امكانيات
مريم : يبوو يايمه كلشي ما يفوتج حتى على هاي تركزين
خوله : اني شعليه هاي جنتج البر .... جسمها يجيب التايه مدري هي جانت ناعمه بس شغل ابنج سواها هيج
براء : عززه هاي المره متستحي شلون تفشر عليه هيج
مريم : يمه كافي البنيه راح اطك من الخجل
خوله : باوعتلها وعليمن تخجل تلكيهم مسوين ذيج الشغله مثل وجبات الاكل كل يوم تلث مرات مشوفين كبرانه بس المكانات اليشتغل بيها ابنج حتى كرش ما عدها
مريم : هههه يمه كون يسمعج زين يتخبل
دارين : بس بيبي مو حلو هيج يعني الجسم الناعم ارتب واحلى
خوله : دروحي عود تعرف تحجي ... ولج الزلم يحبون المره بيها لحمه مثل هالبليه براء يريدون يلزمون لحم شيسوون بالعضام هاا
جميله : خرب الحجيه استلمت البنيه لا ونازله عليها بالقلم العريض
شمس : ههه خطيه وهي فاهيه كلشي متحجي بس تسمع
دارين : اكلج عمه حبابه مو كلتي راح تراوينه صور زين وره الغده
براء : بكلبها ... وانتي شعليج شنو رجلج هو شكد مكروها
جميله : خاله راوينه صورهم كلهم حبابه قابل بس زين اني اريد اشوف رجلي شسوي بزين
مريم : هههه كومي نجمه لغرفتي فتحي الكنتور الفوك طلعي صندوك خشب جيبي وتعاي
نجمه : وشمعنه اني اكوم مو كاعدات اربع بنات وانتي الخامسه ليش اني بالذات
براء : اجيت اكوم
مريم : كعدي براء ... كومي ولج لاتضلين معتمده يله كومي لا اطيح حظج
نجمه : افف منكم افف شوكت اعرس واخلص منكم
مريم : امشي لج ادبسزز تره اكوملج
الكل : ههه
براء : راحت نجمه جابت الصندوك واجتي ... انطته لخاله مريم كلنه اجمعنه داير مدايرها حتى نشوف
مريم : اول شي نطلع صور زين حتى تشوفهن براء
براء : طلعت البوم مبين قديم ... فتحته
مريم : شوفي بروئه هنا زين عمره 8 اشهر
براء : هههه فدوه اباوع اديناته شلون صغار
دارين : اوماي كاد مااصدكك معقوله هذا هو نفسه زين هسه
مريم : اي غير كبر لازم يتغير ... شوفن هاي الصوره هنا بعيد ميلاد نجمه جان مكيف بيها باعن شلون يضحك
براء : ابتسمت يجنن حتى وهو صغير
جميله : ياا خاله زين كلش حلو وهو صغير
دارين : اي صحيح بس هسه احلى وهو صغير شكله بريئ عكس هسه رجولي اكثر
براء : كلبت عيونها ... ضلت خاله تراوينه صوره واني احس فكي حيطك كد ما مبتسمه مااصدكك الي بالصور هو نفسه زوجي والشخص الاحبه ... وصلت خاله لصوره ... تمعنت بيها اعتقد منا بده يتغير شكل لزين حتى يكون بهالهيئه ... عيني على صورته .... اكولج خاله هنا زين شكد عمره
مريم : اعتقد بين ال 16وال 18سنه ... هنا جان بعده طالب بالثانويه
براء : ابتسمت حبيت ستايله بس هنا ابيض من هسه ... حاليا بشرته سمره لونها موالمه اكثر
دارين : اكول عمه مو زين لابس ترجيه هنا بهاي الصوره
مريم : اي هو جان بي شغلتين موحلوه جان يحب يوشم هواي وهم جان حاط خرزه باذنه ابد مينزعها لو تكطعي وشكد جان يتعارك هو وجهاد من وره هالسالفه
خوله : الله يطيح حظه شنو مره ويلبس تراجي
مريم : يمه يا تراجي جان ثاقب ثقب واحد باذنه وحاط خرزه سوده بيها وبعدين هنا جان بعده مراهق ميفتهم
نجمه : بيبي تره زين ... هي نفسها شخصيته ما تغيرت ابد بس من صار عمره عشرين صار معقد اكثر وكل مابي جاي يزيد
دارين : شنو رائيج براء بشخصيه زين قبل
براء : الي سوى مو جريمه هاي حريته الشخصيه مادام ممأذي احد من مسويها إذأ محد اله حق يحاسبه وبعدين هذا الحجي من جان صغير يعني هو هنا جان قانونيا مابالغ اكيد باعتباره مراهق يحب يجرب اشياء جديده بدون ميفكر بنتائجها فمن الطبيعي حتكون عنده بعض التصرفات الغير مدروسه
نجمه : باستها يمه اروح فدووه للي يفكر
براء : ابتسمت .... رجعت خاله تكملنه الصور وتسولفنله على حياتهم .... ضلينه تلث ساعات كاعدين بس نشوف صور راوتنه خاله صور الولد كلهم بس انصدمنه من شفنه سجاد بنيه من اكول بنيه اعنيها شعر اشكر مسويته خاله كصايب والعيون زرك وهو ابيض مستحيل واحد يصدكك الي بهاي الصوره ولد حيلل تونسنه اليوم ... شويه و سمعنه الجرس كمنه نطافر اني صعدت ركض لغرفتي ليلكفني زين نازله هيج ويلعب بيه جوله ... لبست صايه وحجابه نزلت ... لكيتهن كلهم كاعدين بس زين ماهو ... الله يساعدكم
الكل : ويساعدج
براء : لعد وين زين ... حست بايد على خصرها
زين : وراج
براء : وخرت ايده عن خصرها لا يشوفهم احد ... اباوع لايده ورجله ماكو جبيره ... الله يساعدك
زين : ويساعدج
براء : كعدت ليش شلت التجبيره
زين : سويت اشعه طلع العضم ملتحم لان الكسر ماجان بكل العضم فطاب بسرعه
براء : الحمدلله
جهاد : اليوم وره العشه نروح نشوف بيبيتكم صار هواي ما شايفيها
زين : اني مااطلع روحو انتو
جهاد : ماكو كلت الكل يروح وبعدين بعد وكت منا لليل الله كريم
زين : اني كايم من رخصتكم
براء : صعدت ورى
زين : حرك ايده مرتاح ... اووف واخيرا خلصت هسه عرفت قيمه الرجل شنو
براء : تنام
زين : لا مو نعسان اذا انتي نعسانه كومي نامي
براء : لا حكعد اقره ... رحت جبت كتبي وكعدت اقره
زين : طلعت اللابتوب لبست نظاراتي ... وكعدت اشوف شغلي اريد بعد يومين ارجع لدوامي
براء : اففف هاي المسئله شلون تنحل
زين : اباوعلها تتافاف مدري شبيها ... شبيج
براء : بضوجه هاي المسئله صار ساعه احل بيها بس مجاي يطلع نفس الناتج الي هو يريده
زين : يا ماده هاي
براء : رياضيات
زين : شو تعاي جيبي
براء : كمت يمه ... انطيته الكتاب
زين : كعدي ... اخذت القلم .... اباوع للمسئله ... هنا انتي مسويه الاشاره موجب وهو سالب اكيد تطلع المسئله غلط
براء : هاا اي صحيح
زين : تعاي رجعي حليها وشوفي يطلع نفس الناتج
براء : وكفت تحليها
زين : جرها خلاها بحضنه وحاوط خصرها... حليها يله
براء : بارتباك هاا اي خ خخلي ااااكوم واحلها
زين : لا حليها حتى اشوفج فهمتيها
براء : هزت راسها ... بديت احل المسئله
زين : وخر شعرها عن ركبتها خله خشمه داخلها
براء : وكفت .... مغمضه عيونها مرتبكه من الوضع
زين : سند ذقنه على متنها ... يله كملي
براء : رجعت تحل متجاهله تصرفات زين ... اااا گگ كملت
زين : اخذ القلم من ايدها ... شوو باوع حاله المسئله صح ... باس ركبتها ... عفيه ... يله عندج شي بعد
براء : بتنهيده ... لا
زين : همسلها كملتي دراسه
براء : امممم
زين : عض شحمه اذنها .. مااسمعج
براء : رجف جسمها ... اااا احم لا بعدني
زين : خوش يله كومي
براء : كامت تطوطح الي يشوفها يكول سكرانه .... رحت للحمام غسلت وجهي بمي بارد اصحي براء شبيج
زين : رجع راسه على القنفه ... والله زمن يازين ... سبحان الي خلاك تحط مره بحضنك وتريدها بكل جوارحك لا وتتمنى لو تسوي وياها شغلات على بال ابليس ماتخطر .... اوووف شسوت بيه هالطفله ... كمت نزلت جوه اذا اضل كاعد هنا اسوي شي اندم عليه بعدين
براء : طلعت ما لكيته وين راح ... رجعت كعدت اكمل دراسه .... وره ساعه كمت صليت ونزلت لكيت الولد كاعدين بالصاله والبنات كالعاده بالمطبخ
نجمه : ولج وين جنتي
براء : بغرفتي غير
نجمه : ولج مو كال بابا بس نتعشه نطلع لبيت بيبي حميده
براء : هاا تدرين نسيت
جميله : ليش وين بالج عيني
براء : باستهزاء يمج عيني
نجمه : ههه هاي شنو براء ماعرفتج
براء : ابتسمت
شمس : اكلجن اني سويت شوربه كبه ... الي ميحبها يسوي غير شي
نجمه : لا كلنه نحبها يله خلي نصب
براء : هستوها ثمانيه اله ربع بعد وكت على العشه
جميله : يحظي مو نريد نطلع
براء : بكيفجن بعد ... وكفنه صبينه الاكل اخذت الطوس وطلعت خليتهن على ميز الطعام ... رجعت اخذت الخبز وطلعت
نجمه : يله تعالو .... الكل كعد تعشو وكملو غسلن البنات المواعين
جهاد : يله كومو بدلو عدكم ربع ساعه الكل يكمل
براء : صعدنه اني وزين نبدل
زين : لبسي شي عريض
براء : اوك .... طلعت تنوره سوده وقميص اسود وبي ورد ابيض اخذت شالي ورحت الفه وكفت كدام ميز التواليت زين ساد المرايه ... بهدوء زين شويه اريد الف شالي
زين : ببرود متلفي منو لازمج
براء : بس شويه سويلي مجال
زين : جرها خلاها كدامه ووكف وراها ... هسه لفي
براء : شلت شعري بقراصه لبست الكب ووكفت الف الشال ... اباوع لزين واكف ورايه يدكم قميصه لابس قميص جوزي وبنطرون اسود
زين : دنيت اخذت العطر رشيت واباوعلها تباوعلي ... لبست الساعه اكو شي
براء : هزت راسها لا ... كملنه ونزلنه
زين : بحده عباتج وين
براء : اوووو نسيت رجعت لبستها وطلعت ... نزلنه لكيناهم مكملين ... طلعنه
زين : وخر اريد اسوق
لؤي : يمعود ستوك صرت زين لا تروح تسوي بينه حادث اكعد
زين : وخر عود اسوق على كيفي
لؤي : ماشي دير بالك لا تموتنه
زين : لا تخاف ... صعدت حركت السياره ... وطلعنه
براء : وصلنه وره ربع ساعه لبيتهم اوو حيصيرلي شهرين مشايفه بيت جدو ... نزلنه دكينه الجرس طلع خالو هشام لان هو كاعد عد بيت جدو مطالع ببيت وحده سلمو الكل عليه ... بابتسامه شلونك خالو
هشام : باسها هله بيج بروئه شلونج
براء : الحمدلله
هشام : تفضلو تفضلو ... همزين اجيتو بيت ماجد هنا
براء : يبوو لو ادري مجايه ... دخلنه للاستقبال لكيناهم كاعدين سلمنه ... السلام عليكم
الكل : وعليكم السلام كامو سلمو
ماجد : شلونك خويه
جهاد : هلا خويه ابو غسان
براء : رحت سلمت على بييي ... شلونج بيبي
حميده : هله بعد كلبي هله ولج هاي شصايره شحلاتج
براء : حبيبتي شلونج
حميده : الحمدلله بعد كلبي انتي شلونج شخبارج
براء : بابتسامه الحمدلله ... رحت كعدت يم زين
ماجد : اي شلونكم شخباركم
جهاد : والله الحمدلله انتو شلونكم
نور : بتنعوص ... شلونك زين
زين : ببرود .... الحمدلله
احلام : شو شايل الضمادات
زين : اي اليوم شلتهن
ماجد : عندك العافيه عمي
زين : الله يعافيك عمي
حميده : اعذرني حبيبي ما كدرت ارجع اشوفك والله هالتشوفه مريضه وكاعده بالبيت
زين : ابتسم ... لا حجيه معذوره
غسان : شلونج براء شلون صحتج
احلام : ولج براء حليانه على الكعده ببيت ابو لؤي
حميده : طبعا تحله هو الي يعاشر مريم اكيد يحله ويرتاح
احلام : عوجت حلكها
جميله : مو جن اكو قصف من حجيه حميده لاحلام
براء : ابتسمت .... سكتي
نور : براء سمنانه
نجمه : ههه اليوم طحنالها تكرص مردنه خدودها مرد
سجاد : خطيه هي هاي ضريبه العدهم خدود
غسان : ههه الله يساعدها تلكاها شبعانه تكرص وعض
زين : ببرود مو جنك رحت زايد بالحجي
غسان : ليش شكلت صدك خدوها يساعدن على الكرص
زين : يستحسن انو تلزم حدودك لا تخليني ارايك وجهي الثاني
احلام : ليش شحجه هو شدعوه عليك
زين : حسب علمي الكلام ما موجهه لحضرتج من احاجيج عود الج حق تردين واعتقد اكو مثل يكول من تدخل في مالا يعنيه لقي مالا يرضيه
غسان : لك هاي ويامن الحجي
زين : جره من قميصه وياكم شنو خايف منك ابو الوصخ
غسان : هد القميص
زين : بابتسامه جانبيه واذا ماهديته شراح تسوي بس لا تصيح مامتك عليه
غسان : راد يضربه
زين : ضربه كله وكعه بالكاع
براء : زييين
زين : خزرها لا تدنين
احلام : يمه ابني ركضتله هي والولد كومو
زين : جججج شنو هاي ابن العم .... ما توقعتك ناعم لهدرجه شو ضربه وحده وكعتك بالكاع .. انصحك تدخل جم تبني جسمك لو اكلك تعالي بعد يومين للمستشفى اطيك ابر ترفع من نسبه الرجوله عندك
غسان : اني ارجل ملك
زين : اخذ ايد براء ... الرجال افعال مو اقوال يا ناعم ... يله كومي ... اني سابقكم للبيت ... يله مع السلامه حجيه عندج العافيه
غسان : ركض يريد يضرب زين الولد لزمو
ماجد : كافي غسان
زين : اخذت براء وطلعت ... الطريق كله بس تبجي ... عفتها ما حاجيتها ... وصلنه للبيت نزلت فتحت الباب صعدت ركض فوك ... صعدت وراها دخلت للصاله مالكيتها ... شويه وطلعت مشت وعبرتني ... جرها عليه ودفعها على الحايط ... بحده شبيج
براء : مابيه شي
زين : بصياح احجي شبيج
براء : بدموع ليش ضربته
زين : شد على ايدها بس لا ضجتي لان ضربته
براء : يطبه مرض بس ليش تسوي مشكله
زين : ترديني اسمعه يجاوز حدوده ويه مرتي واني كاعد تردين اسكتله الكلب يحجي حجي اني مااحجي وياج
براء : بس ميستوجب تضربه
زين : اضربه واطيح حظه الي يمسج بوجودي مو مكرن حتى اكيف واضحكله وهو يتغزل بمرتي
براء : مرتك ؟
زين : لزم خدها وتقرب منها ... اي مرتي و
براء : وشنو
زين : باس خدها .. وحبيبتي ... و
براء : بخدر وشنو
زين : باس خدها الثاني ... وعمري وباس طرف شفتها ... و
براء : وش
زين : قبل لا تكمل خله شفته
على شفتها
براء : غمضت عيونها من الاحساس الي اجتاحها
زين : حرك شفايفه على شفايفها ببطئ ... مغمض من نعومه شفايفها
براء : ززييي ن
زين : شششش .... نزل لشفتها الجوه يبوس بيها ورجع على الفوك يمتصها ... ايده انمدت على خصرها نزلها ضاغط على خلفيتها متحسس ملمس جسمها جوه ايده ... جر شفتها الجوه تاوهت فاتحه حلكها دخل لسانه لجوفها محركه ويه لسانها صانع سمفونيه رائعه من امتزاجهم ... ضغظ بجسمه على جسمها متعمق بالبوسه بده .... يقسه وياها مستمع بطعم شفتها الي جزم انو تشبه طعم الكرز ... ضل عشر دقايق يبوسها يحس شفتها مغناطيس وجذبه ميكدر يبتعد لحضه وحده ... حس بيها اختنكت وخر مخلي كصته على كصتها متنفس بعمق ... عرفتي هسه انتي شنو ... مالكه جواب شال راسه ... باوعلها ماعت روحها واكعه بحضنه ...... براااااء
********************
