رواية في ذمة الغريب الفصل الثالث والعشرون بقلم كنوز
ناسِينه لو عِندك عِلم ؟
لو تِدري أنتَ شگَد مُهم ؟
ليّليه بيّن نجُومنا ندَروك نَجم
و عيُونا تدَور عَليّك بكِل سَواد
الليّل ما خَلت حِلم
━━━━━━━━━ ⚖ ━━━━━━━━━
براءة :: المن يطلعون وينك انت من الصبح اخابر عليك و...
حتى الهوى صار شحيح وثگيل ما يندفع بريتي.. غفار اختفى و الشرطة جاية ع رحمة... الأمانة الوحدة صارت ثنين
من جهة هي أمانة أهلها يمنه ولزوم نحافظ عليها سالمة
ومن جهة وصية غفار..
و أمانته الغالية اللي واجب علينا نوصنها أكثر من أي وكت فات،
لو على گص رگابنا قصص ماي هوبس لملمت ضياع روحي و طلعت اركض جان جدي مهدأ الوضع شوية و مرجع الأمل الفگدناه الصبح ماكو مجال امهد للخبر ولا طريقة ثانية اهونه عليهم
براءة :: قسيم خابر يكول طلعوا رحمة من البيت.. الشرطة جاية لسلف عليها!
فزت رحمة خطية ما ظل لون لدم بوجهه شحبت صارت بيضة مثل الگطن وعيونها دارت بالوجوه تدور أمان
تدور وجه واحد.... وجه غفار
دز جدي علي ع الولد يصيحهم بساع اجوا متحزمين كل واحد بيدة تفكته ناوين ع الموت خاطب عون رحمة يطمنها
سجدة :: كل عگلج تخافين وكل هل زلم موجودة؟ والله ما يخلونهم يلمحون ظلج موش ياخذونج النوب
نهض جدي بساع لا أمر عمتي إصالة بصوت حازم
هاشم :: اكيد راح يفتشون البيوت كلها ما اريدن لا حرمة ولا بت تبقى هنا إصالة اخذيهن كلهن و روحي يم اخوج فاضل بساع
جانت رحمة تايهة عبالك محكوم و صدر اعدامه و التنفيذ بنفس الثانية عيونها مغوشة بالدموع وتلتفت يمنة ويسرى جابت إصالة عباية انطتها لسجدة لبستها بساع وهي تحث البنات بنظراتها
إصالة :: يله بساعجن تحركن عنبر انطي خبر لمرمر بساع
عون ندار ع عنبر يحجي وياها
عون :: سدرة بقت لوحدها بالبيت خل تجيب آية وتجي تروح وياجن
هزت راسها اله اي و ركضت تاخذ عبايتها
عنبر :: نخبصت اريدن اطلع دخلت للحجرة رجعت طلعت اركض أول شي درت لبيتنه انطيت خبر لمرمر ورحت ع بيت عون
دكيت الباب حيل وسدرة مدري وين غاطة دنكت من الخوف والسرعة رفعت الزرگي و فتحت الباب جانت توها جاية تريد تفتحها وجها مخطوف
عنبر :: بساع جيبي اختج وتعاي
سدرة :: وين اجي شكو شصاير لا تخوفيني
عنبر :: لا تظلين واكفة سدرة شمالج لبسي حجاب و عباية و اخذي اختج روحي لبيت عمي حاكم عون هناك همين
صدك لبست و لفت اختها بالبطانية زين تمسح على راس الطفلة تهدأ بيها جانت تريد تنام وانا فززتها
سدرة :: شكو عنبر وعلي حيلي كله كام يرجف.. گوه انكل جدمي، شصاير احجي
عنبر :: مدري يا جلب واشي ع رحمة، و الشرطة جاية لسلف
سدرة :: جا احنه ليش نطلع؟
عنبر :: جدي كال عبنهم راح يفتشون البيوت وما يقبل تظل بت هنا يله فضينا امشي ع سريع
تلگتنه مرمر غفلت الباب واجت ويانه درة جانت تبجي وماترضى تمشي شايلتها وملاك جفصت بالطين شلتها انا وياها
سجدة :: اليشوفهم يكول جاين ع ارهابية موش بت لاحول ولا قوة، متبلين عليها گوة مروة يردون يخلون دم جنتهم بركبتها
دار جدي راسه بالبستان جن يفكر منين يطلع رحمة و بنفس الوكت رد ع اعتراض رحمة
هاشم :: السلطة تغر جدي تخلي ابن آدم يتكبر و يطغى ع أضعف منه
إصالة :: گتلجن يله ظليتن تتوانن
ترفة :: وين توانينه عمة هي بس لبسنه عبينه و طلعنه بس همه جايين محزمين علينا عبالك بايعين الموصل
إصالة :: وهسه منين نطلع الطريق منا ما يفوت لشارع العام
گطع كلامنه صوت سيارات الشرطة صارت تنشاف من بعيد أشر جدي بساع يأمر الولد وعيونه ذ
هاشم :: لا تخلونهم يوصلون لهنا ولا ترمون عليهم و تصوبونهم..
صار الرمي فوگانه زاد الرعب بگلوبنه نرجس گامت تصرخ و تركض بينه مثل مفزوعة ، تريد واحد تلوذ بيه لكفتها سجدة بساع شالتها ضمنها لصدرها
وبعد ما جانت هي كاضة ايد رحمة بحرس خلت ايدها بـ ايد براءة و حذرتها
سجدة :: ديربالج تهدينها
هزت براءة راسها اي... نحصرنه بالبستان و بوسط حيرتنه
دكت علياء صدرها لجدي بساع البت أصيلة شما عاشرت عمي كزار بقت ع معدنها الطيب مثل الزيت شما يدرونه فوگ الماي ما يخبط وياه ولت أخذت من طبعه النذل
جدي :: والنعم منج ابوي.. يله جدي بساعجن، و الأمانة.. الإمانة بين عيونجن تخلنها
طلعنا وياه علياء وصدح بهذيج اللحظة صوت أذان المغرب صوت "الله أكبر نزل عبالك امان و سكينة لخوفنه و رعبنه بهذيج الساعة الصعبة
سدرة شايلة اختها وماتعرف تمشي على السريع، كامت تهرول وعبايتها طاحت ع جتفاها وسحلت بالطين، وما نحس الا وقوست ظهرها، نحنت ع گاع وضامة اختها بكل قوه باقية عدها
سدرة :: لحكني.. راح توكع من ايدي
ركضت الها ترفة اخذتها منها، گامت خطية اديها تتراعش وعيونها مذعورة صدم گوم التعاونت ما ذلت
براءة :: نركض و الهوى بارد كلش ترس صدري وخنگ أنفاسي و ريحة البارد اختلطت وياه الهوى . صوت الرمي ورانه يزيد ما يقل، وظلام السما نترس بجمر المذنب
الشرطة مطاوقة البستان كله ترمي ع بيوتنه بشكل عشوائي بس ولدنا يرمون ليفوك بأمر من جدي جفصت بالطين و نعالي ركس شلت رجلي نشلع السير عفته بالطين و مشيت ورا البنات تك و تك
علياء شالت أطراف عبايتها تتحزم بيها مدت ايدها جدامنا وهمست بصوت خافت
علياء : اشش لا يطلع حسجن
سكتنا كلنا حتى صوت انفاسنا كتمنا أشرت بجف ايدها بمعنى كعدن... لبدنه بسد الشجر و غطينا حتى وجوهنا بالعبي ضوة سيارة الشرطة احمر و ازرك ضرب علينا من فاتن رجعنا نمشي و گلبي
يدك ع سريع أيد رحمة بيدي احس بيها ترتجف ضغطت أكثر عليها و اردد بگلبي أمانة اخوي لازم احافظ عليها لو اعرف موتي يصير هنا ما اسلمنها
علياء :: جانت اكو فتحة منا و اخوي شكلها ناس بناس بسيم دورنها وياي حتى ندخل منها
براءة :: ظلمت الدنيا علياء شنشوف هسه احنه و ندور عليها
نزلت عنبر ملاك كاضة ظهرها بوجه الطفلة جبيرة وهي شالتها اشرت ع كاع وگالت
عنبر :: هاي اكو حفرة جبيرة هنا تدخل منها الجلاب راح ارفع السيم و وحدة وحدة تدنك و تفوت احسن ما نظل واكفين
ما انتظرت ردنه بساع دنكت شالت الـ BRC نرفع شوية ذبت سجدة نرجس من ايدها و رفعته وياها صار مجال أكثر واحنه وحدة صافنة بوجه الآخرة فززتنه سجدة من صاحت
وياه ما عبرت سجدة فلتت نرجس ايدها من ايد عمة إصالة و ركضت الها
عنبر :: هاي لو فضيلة ويانة جا حشرت هنا و جبنه رافعة ياله شالتها
براءة :: موش وكت مداهر عنبر امشي وانتِ ساكتة
عنبر :: تره يبستن البت بدمها علكيفجن الله موجود حاشى ما يخلي عبده يطيح بيد ظالم
وصلنا بيت أهلها كاعهم صغيرة بعد ما جان هل بستان كله الهم غصبه منهم عمي كزار بالمحايل
جانت امها تغطي بگن الدجاج بنايلون حتى لا يدخل الهن مطر انتبهت ع الصوت و علياء شالت ايدها من بعيد تسلم عليها
ام علياء :: علياء يمه هاي انتِ
علياء :: وياي خطار يمه
:: هلا بيج و بخطارج يمه رزق من الله اجانه بهل مسية
هلت بينه حتى رحمة ما تعرفها ولا شايفتها شبگتها وحبتها ولا نشدت منين هل بت و شعدها جاية وياجن
نزعنه عبينه كلها طين و غسلنه رجلينه من الطين هم وحدة ورا الاخرة و جنتهم طلعت النه دشدايش من عدها خطية تجيب و تطلع تخير بينه اللي تعجبجن لبسنها... جالت علياء عيونها تدور اخوها طلعت تشوفه
كعدنه وحدة صافنة ع الآخرة و رحمة بغير عالم سوت ام علياء هي و مرت اخوها لعلياء العشة جان شوربة اش ريحة تفوح طيبة
كمنه ساعدنهن و كعدنه و عنبر دغت سجدة بخاصرتها
ردت عليها ترفة بثقة
ترفة :: حتى لو همه ماخذينه مستحيل يكول ع مجانج هذا وأحد من ثنين وشى عليج لو ابوي لو جدي جبران
رحمة :: ادري و واثقة بيه ما يكول عني بس خايفة.... بلعت ركبها باحراج... خايفة عليه منهم لا يكون عدهم و أذوا
نهت سجدة توقعاتنه بكلامها
سجدة :: والشرطة شعدها تزت النه جفن بالباب هاي سوالف الكرابة و غفار موش عند الشرطة متأكدة
عنبر :: اي والله صدك الشرطة تحقق وياه شعدها تخوف بينه عليه
سكتت رحمة بس خوف ثاني طفح ع عيونها جانت خايفة يكون عد الشرطة وهسه خوف لا ابن حرام غادرة وما معروف اله درب لسه لا نعرف عايش.. لا جوعان.. عطشان
و مرمر تنوم ابناتها.. صارت عيني ع سدرة خطية كامت تغفي وهي گاعدة اخذت اختها منها وخليتها تنام
عنبر :: فزيت من نومي زحت الغطه عني ع كيف لا تفز رحمة گوه ياله غفت الها عين خطية
طلعت امشي ع أطراف أصابعي لاگتني علياء گاعدة تعجن و عزلت منه تسوي خبز بالدهن ريحة فايحة بالبت اخذت وحدة اكل
عنبر :: انا راح امشي لبيت عمي حاكم اشوفن جدة بقت لوحدها مل قبلت تعوف جدي
علياء :: كعدي و سكتي عنبر موش گالوا لحد ترد الا احنه ننطي خبر
عنبر :: ما اتأخر بس اشوفنها هلبت الله تجي وياي لهنا خطية ظالة هناك لوحدها
:: و اخوي هم أخذوا موش ضابط هو شلون ياخذونه و قسيم وينه ليش ما اجه
العلوية :: قسيم اجه وراجن وياه ما طلعتن هو اجه و ترامى وياه الشرطة و خذوهم بحجة اعتداء ع شرطة كلها ظلم و بهتان ياما بالسجون مظاليم
جانت لعيون كلها ع جدي عمي كزار يحرض انسلمها حتى نخلص دك جدي عوجيتة ع كاع يحفر أثر بالتراب و حجه بنبرة قوية ما تتناقش چن دستور و نخط لا ينمحي ولا يتغير
هاشم :: لو موش ياخذون زلام آل هاشم كلهم... لو يعلگون الحبل بهل نخلة و يعدمونهم واحد ورا الاخر جدام عيني و أولهم ذاك عزيز گلبي ما اسلمها الهم
طلع عمي كزار مغتاظ و يدردم جي ما نال مراده نهض جدي لبس عگاله وعمي فاضل خلى الخاجية ع جتافه دغبت جدة تستفسر منه
گبل لا ترد ندفع باب الحوش بدفرة و دخلوا عرفت جاين ع رحمة
جرتني جدة بساع خلتني ورا ظهرها وهمه فتروا بالبيت
واكفة ورا جدة اتحامى بيها وهي تدفع بيَّه وراها تضمني عن عيونهم أكثر و البيت نترس شرطة هم ما خلوا مجان ما دورا بيه عليها
واحد منهم لابس مدني گعد ع جذع النخلة المگصوصة حاط رجل ع رجل و يدخن عبالك بيت الخلفة رغم گالوا اله ما الها أثر بالبيت
ما طلع گام يتمشى بالحديقة و جر غصن السدرة يشلع نبك و يتزقنب طحيل كون...
دغتني جدة بخاصرتي بيدها وهمست بنبرة خافتة
العلوية :: ركضي للحجرة و غفليها عليج بسااع
هزيت راسي اي عدلت العباية ع راسي و مشيت بخطوات سريعة فززني من صاااح بصوت عالي كلش
:: وووووين اني گتلج تتحركين من مكانج
اجه يتبختر بمشيته صوبي وكفت جدة حاجوز بيني و بينه رافعة عوجيتها بوجه
العلوية :: شتريد من البت انت مامش خجل عندك واكف بنص بيت مامش زلمه بيه
جر العوجية من جدة بقوة خلى توازنها يختل لو ما اركض اسندها وگال
:: يا زلم حجية التحجين عنهم غير مضيفيهم يمنه كلهم
:: و من هيج كلهم يمك شعندك لافي يمي روح وحقق وياهم و اليفتح حلگه منهم بجلمة لا هو حفيد ولا اريدنه
أعاين لجدة تگوم وتطيح ما يخلونها توصلني . عتني واحد منهم وأنا ذبيت كل ثگلي ع الگاع وبإدية الاثنين كضيت يدة الباب حيل جنها حبل نجاتي
التموا الفلح يم الباب وهمه رفعوا سلاح عليهم ما نعينهم و شهروا هوياتهم يحذروهم ما يتگربون
صاح زمجر بالواگفين يمي
:: د جرها شبيك راخي بگد زرك ما تكدر الها
تقدم هو صوبي وبكل حقد طگني راشدي فر راسي فر.. صار طنين بآذاني وعيوني غوشت كض إيدي وقبضته چنها حديد عتني حيل حسيت جتفي بيها انخلع
من حلاة روحي گمت أغرس أظافر إيدي الاخرة بالطين أريدن بس الوذ بأي شي هلبت يعوفوني
حسيت روحي طلعت و مثل هوى حار صعد من صدري وياه النفس .. رجله ثگيلة وچبيرة فصمت ظهري بالنص
گرفص جدامي ركبة ونص و ثغرة ابتسامة خبث
:: تردين أعوفج؟
:: إي حباب.. والله ما سويت شي أنا!
ـ رحمة إبراهيم وينها؟ وين وديتوها ؟
بلعت ريگي حرگة گوية ابلعومي صارت و رجفة لا ارادية بكل جسمي هزيت راسي لا ما اعرف شني احجي انكر وجودها من الأصل لو همه يعرفون بس اسكت بلعت ريگي وحجيت
:: ما اعرفها
:: يعني اني جاي اتبلى عليكم
سكتت ما اعرف شنهي اجاوب واخافن يزل لساني بكلمة گرب وجه مني يضحك وگال
:: وهيج صدفة البيوت كلها فرغت؟!
همهم بعدم تصديق وانا زحفت ليوراي بخوف ابتعد عنه اتوسله
:: ما أعرف شي عليك الله عوفني.. ما تخاف الله انت ما عندك أخت، بنت، حرمة؟
بلمح البصر جراني من ايدي لسيارة دفعني ع وجهي بالكشن و
