رواية ليتني واجهتك الفصل الثالث والعشرون
وعينـَي شماَ تكأبـل ناسٌ تبقهة بعينـيُ بس انته ...💙
سدره
فزينا على صوت اهل المنطقه اتصيح الحكو بيت اهل جنات احترك طلعو الويلاد يركضون وكلهم شالين ماي ويركضون بين ماتجي الاطفاء
علي
جنه نايمين بوقت متاخر بل ليل وسمعنا صوت بيت اهل جنات دا يحترك طلعنا نركض بل شارع وهل المنطقه ماقصرو
دخلنا لبيت لكينا المطبخ دا يحترك ودا اتروح النار لصاله طلعنا اهل الجنات كلهم الوحيده جنات اختفت
علي؛: خاله وين جنااات ليش ماكو
ام جنات؛: ماعرف يمه الخاطر الله بنتي
عبدالله ؛؛ يولد زيدو الاضاءه
جانت ماكو كهرباء ودخلنا جوى والولد يطشون ماي جان اكو الاستقبال هم بي مدخل لبيت لهذا ب سهوله كدرنا ندخل لبيت وطلعنهم
بس جنات ماكو ضلينا انصيح اني واخوتها حتى بعض من الجيران هم دخل يدور عليها ماكو طفت النار كلها
علي؛: جنات وينج الخاطر لله
اخو جنات؛: جنات حبيبتي فدوه تسمعيني وينج
ابن جيرانا ؛: علللي علللي هاي مرت اخوك هينا
ركضت عليها لكيتها جوات الدرج كاعده وحاضنه نفسها اتقربت عليها
علي؛: جنات ياعيني جنات بيج شي
جناات؛؛ لؤي جيت
علي:؛,يالا جنات كومي
جنات؛:؛اشش لولا لعبت بل نار مثل كل مره من انسوي اني وانت واخاف علي يشوفنا ويكتلنا هههه
صدمتني جنات من كامت تحجي هيجي وهيا حركت البيت وبدت تفقد عقلها وترجع لايام الطفوله
اخو جنات؛: يالا كومي جنات يالا حبيبتي
جنات؛: ما ما اخاف تكتلني
اخو جنات؛: وعد ماكتلج والله اني احبج اني اخوج
جناات؛: ماتكول لعلاوي لعبنا بل نار اني ولؤلا
اخو جنات؛: ماكول حبيبتي وعد انطيج فلوس وروحو لمحل بس لاتعيديها ماشي
جنات؛؛ هههه اي
اخذوها وطلعو سحبت اخو جنات
علي؛؛ ليش ماكلتو جنات هيجي صاير بيها
اخو جنات؛: جنات جانت ماتقبل تحجي مع احد وحاولنا ناخذها لاطباء ماقبلت جانت حاضنه جاكيت لؤي ونايمه دومها
علي؛؛ مصدوم جنات فقدت عقلها
اخو جنات:: ماعرف شنو اكولك اني مصدوم اكثر منك
امها مسكتها كامت اتبوس بيها وتبجي اتشكرنا من اهل المنطقه واخذنهم عدنا بل بيت وذكرتني جنات بايام الطفوله
لؤي وجنات من جانو اصغار جان كرهم يحركون ورق همه ودا يدرسون يسحبون ورقه ويحركوها فديوم من الايام ماسك كتابي وكاعد اقرأ سمعت اختي رغيد اتصيح ركضت عليها
علي؛: شبيج رغوده اتصيحين
رغيد؛: شوف لؤي وجنات كاعدين يحركون ورق يلعبون بل نار
جيت عليهم ومسكتهم كل واحد من اذان وصرت احجي عليهم
علي؛: ليش تلللعبون بل نار هاا ماتخافون لاتشتعلون
لؤي؛: اسف والله بعد ماعيدها
علي؛: وانتيييي
جنات؛: والله بعد ماعيدها
علي؛: والي يعيدها
لؤي وجنات؛: اكتلنا
علي؛ ؛: يالاااااا امشووو ادرسو واذا شفتكم ثاني مره تلعبون بل نار اموتكم شوفو هدوره اشكد عاقله ولي جنات انتي عبالك ولد بس تركضين اربع وعشرين ساعه
جنات؛: ههههه
خلت ايدها على حلكها وتضحك ولؤي يضحك معاها ابتسمت ومشيت اكمل درسي وبعد يومين هم طالع اني من الغرفه وشفت امي طلعت راحت اتصلي ولؤي وجنات وهديركاعدين يدرسون اني وراهم مايعرفون اني وراهم
سمعت لؤي يحجي مع جنات
لؤي؛: يالا تعالي جنو جيبي ورقه وتعالي
جنات؛: اخاف علاوي يشوفنا
لؤي؛:مايشوفنا كاعد يدرس
هدير؛: والله راح يكتلكم هلمره علاوي
لؤي ؛: معليج انتي يالا جنو كومي
جنات؛: اي لؤلا
خبيت نفسي وهمه اخذو ورق وراحو لمطبخ
جنات؛: لولا اش راح اتسوي
لؤي؛: راح اسوي سحر حتى نجح
جناات؛؛ هههه صحيح يالا
وجنات اتجيب عود شخاط اتخلي بل صينيه ولؤي كام يحرك ورق ودخلت اني كمت اصيح عليهم
علي:: وللللكم اني مو كتلكم لاتلعبون بل نار
لؤي؛: ها حباب بس اسوي سحر حتى نجح
علي؛: والله هليوم اسويلك فد سحر يخبل تعالو هينا
مسكتوهم وهمه مدنكين راسهم
علي؛: اني هذيجه المره مو كلت راح اكتلكم اذا عدتوها هاااا
لؤي وجنات؛: اسفين
علي؛: ارفعو راسكم يالا يالاااااا دا اشوف
رفعو راسهم ضربتهم كل واحد براشدي بس مو قوي حييل جنات كامت تبجي بس لؤي مابجى
لؤي؛: لاتبجين جنو
علي؛: تستاهلون يالا
جناات؛:, والله الى اكول ابويا عليك ليش تضربني اني المدلله مال بابا
وراحت جنات تركض على ابوها وتبجي وجا ابوها وسالني ليش ضربتها وكتلو..... وكعد يعلم بنتو مايصير نلعب بل نار ومن هذاك اليوم بطلو لؤي وجنات مايلعبون بل نار فزيت من صفنتي على صوت سدره
سدره!؛ علي جنات شبيها
علي؛: جنات اتخبلت ياسدره اتخبلت ب سبب اخوج النذل ووووواللله واللله ورووووح لؤؤؤي الى اكص راسكك يايدي يانذذذل والله الى اكطعو قطعه قطعه واخذ ثار كل شخص اتأذى ب سببك
سدره
جابو اهل جنات عدنا دخلو جنات امها ماسك ايدها وجنات تضحك اول من دخلت ضليت صافنه جنات ليش تضحك
سدره؛: جنات حبيبتي بيج شي
ام جنات؛؛ عوفيها سدره
خاله شبيها جنات
ام جنات؛: روحي اسال اخوج العار وراح تعرفين شنو بيها ابتعدي عن وجهي كون الله يشوفني يوم باهلج واخوج حوبة بنتي ماتروح ولاحوبة لؤي الي صار جوات التراب
كبل رجعت ليورى جنات من سمعت اسم لؤي كبلت دحكت على امها وكالت
جنات؛؛ لؤلا وين
اخو جنات؛؛ هسا صار وكت النوم لؤلا الصبح يلعب معاج اوكي
هزت براسها وابتسمت اخذوهاعلى غرفة عمتي نومتها وامها تبجي كلنا استغربنا من حال جنات هيجي عمتي كعدت تضرب على رجلها وتبجي
ام علي؛: يمه لؤي وينك حبيبي وينك تجي واتشوف جناتك شنو صار بحالها من بعدك
محمد؛؛. يمه كولي يالله ادعيلو
ام جنات؛: شكووو ساكتين شكو ماتاخذون ثار اخوكم الي صار جوات التراب
اخو جنات؛: يوم مو وكت هذا الحجي
ام جنات؛: لاااا وكتوووو شوف بنتي شنو صار بحالها وفوكها مكعدين اخت الي قتل ابنهم ب بيتهم
ميس؛ بس خاله ليش تدخلون سدره بل نص
هدير ؛: انتي محد كالج احجي
ميس؛: ترى حرام عليكم لا تزرُ وازرةٌ وِزرَ أُخرى
هدير: غير تسكت الملا بابا اسكتي انتي مالج دخل سدره ماكن وكتلج محامي
محمد؛: بس كااافي اثينكم
سكتو البنات مصدومه من حجيهم جنت متاكده راح اسمع كل هذا الحجي
واكثر اضل اني اخت مختار اضل اني اخت الي قتل ابنهم
دخل علي صافن ومدنك ومخلي ايدينو ورى ظهرو فززتو من صفنتو وانوب هو هم كملها وكام يصيح بكل صوتو بل كوه سكتو اخو جنات وعبدالله ماتحملت اكون بينهم دخلت جوى ابجي لغرفتي واشهك وادعي على مختار من حركت كلبي نصحتو وكتلو لاتضرب طلقات ليش هيجي سوّى ليش تقريبا ساعه اسمع صوت حجيهم وصياحهم وام جنات اكلت الدنيا بحجيها وصرخها
ام جنات؛: بنتي اتخبلت ب سببكم ب سبب ابنكم ومابيكم واحد ياخذ ثار لؤي مابيكم واحد يقتل الي قتل لؤي
اخو جنات؛: كافي ياامي الخاطر الله يابا احجيلك كلمة
ابو جنات؛: امك معاها كل الحق بنتي ضاعت بنتي الوحيده ضاعت من ايديا ب سبب ابنكم الطايش
محمد؛: عمي كولو يالله والله نحنا كلبنا محترك اكثر من عندكم بس خلي ابويا اشويه يصير زين وهذا الوكت لكل حادث حديث هسا نامو وارتاحو وخطيه جنات هم لازم ناخذها على طبيب يشوف حالتها النفسيه بلكي الها علاج بلكي نكدر انعالجها وترجع طبيعيه
سمعت صار هدوء الضاهر سكتو خليت ماري بحضني وكل يوميا نفس الكابوس ماكدر انام
صار ثاني يوم الصبح كعدت سويت ريوك لعلي جان دا ييدل يروح لدوام لان طلبوا
سدره؛؛ علي صار الريوك
ماجاوبني دا اطلع وكفني
علي؛: اسمعي يابنت الناس اذا اتريدين اتكملين حياتج معايا تنسين عندج اهل
التفتت عليه وكمت ابجي دحكت عليه بنظرت توسل
سدره؛؛ لا حباب الله يخليك
علي؛: كلت الي عندي وخليت نقطه نهاية السطر.
سدره؛؛ لاتحملني ذنب مختار امي علي
علي؛؛ الباب يسع جمل روحي لامج ويلادي عمرج ماتشوفيهم اني مادخل ويلادي ب بيت قاتل عمهم
علي
اعرف جنت غلطان بهذا الشي وهيا مالها ذنب بس من حركت كلبي على اخويا ماعرف شنو اسوي كل ماشوفها كدامي اتذكر لؤي اشكد جان يحلم ياخذ جنات كل ماريد اتقرب من سدره يجي لؤي كدامي ماكول كرهت سدره لا بس صابني احساس ماكدر اوصف شنو هو جان الاحساس
سدره
زت (ذب) المشط من ايدو وطلع وكعدت على التخت وكمت ابجي حييلي انهد حتى علي حملني ذنب مختار امي ماعرف شنو وضعها ميته طيبه موبايلي حتى ماعندي طاقه ادور عليه اعرف اخر مره جان ب سيارة علي بس وين مادري اتذكرت امي ركضت عليه وهو كاعد يتريك
سدره!؛ علي الله يخليك بس اسمع صوت امي والله حييل مريضه صار بيها سكر
علي؛؛ صبي جاي
صبيت جاي وخليت كدامو
سدره؛؛ الله يخليك لاتعاملني هيجي اني شنو ذنبي بس فهمني اني سدره علي اني قزومتك اني حب حياتك الله يخليك لاتسوي هيجي معايا حباب
ندكت ابوس ايدو سحبها سحب موبايلو والسويج وكام على حييلو وكالي
علي؛: ذنبج اخت مختار
و مشى خليت ايدي على وجهي وكمت ابجي وصل لباب المطبخ كالي
علي؛: موبايلج عندي بل سياره ولاتفكرين نتصلين باحد من اهلج من موبايل ثاني
كمت اشهك وابجي طلع علي الي جان يتخبل يشوف دموعي صار هو هسا يبجيني ماعرف شنو اكول ياترى حقو ماحقو ماعرف دخلت عليه عبير
عبير؛: ياستار شكو البومه تعوي من الصبح
كمت اشيل الريوك وامسح بدموعي فدمره شدو معايا البنات من مات لؤي الله يرحمو جان قبل حييل يحبوني بس هسا قلبو فدمره
عبير؛: شكو طرش ماتحجين شبيج
سدره؛: عبير الله يخليج عوفيني بحالي
عبير؛: طبج مرض
مشت وعافتني اني ناقصتلهم خليت ايدي ع ميز وندكت راسي ابجي حسيت احد يلعب ب شعري
ام علي؛: شبيج ياامي شبيج تبجين
رفعت راسي عمتي ادحك عليه ودموعها تنزل
سدره؛؛ يوم علي حرمني من اهلي علي خيرني بينو وبين اهلي يوم امي مريضه وماعرف شي عنها وسحب موبايلي هم ليش دا يحملوني ذنب لؤي صح مختار اخويا بس اني شنو ذنبي شنو ذنبي الله يخليج كوليلي
ام علي !: اني بظهرج وراح اصير سيف بوجه الي يحاول ياذيج تموت ماريه اذا واحد ياذي بنتي
حضنت عمتي ابجي وهيا تمسح بدموعي ارتاحيت اشويه وكمت انظف البيت وطعمت حسوني وماري وبس اذا كعدت يويلي ماخلص من حجي بنات عمتي وحده تكبس وحده ترفع اهل جنات نفس اليوم كملو مطبخهم ورجعو لبيتهم عمي من اريد اتقرب يمو يعصب ويكول ماريد اشوفها ماريد اشوف اي واحد من هاي العائله
رجع علي من الدوام وحتى ماكالي حضريلي ملابس راح هو اخذ البرنص وراح لحمام لحكتو جيت افتح الباب لكيتو مقفول علي ما من طبعو ابد يقفل الباب يعرف بيا راح ادخل تركتو على راحتو
نفس اليوم العصر اندك باب الحوش وطلع علي يفتح الباب وسمعنا صوتو يصيح وهيثم يحجي عليه
هثيم ؛: اشجالك اتخبلت عييب هذا خالك
علي؛؛ اش رايد اش جاي اتسوي هينا جاي توسل حتى انسقط الدعوه عن ابنك تحلم استاذ محمد تحلم ابنك اذا سقطنا الدعوه عنو اعرف نزلنها حتى ناخذ ثار اخونا ب يدنا
اتفاجأت بابا بل باب ماري شافت بابا طلعت تركض وتصيح
ماري ؛: تددو (جدو)
ركضت على بابا هيا وصلت يم بابا علي سحبها وشالها من ايد وحده وصرخ بوجها
علي؛: فوتي بنت الكلاب
ابو هيثم؛: شبيك انت مخبل طفله شافت جدها
علي؛؛ اش رايد هسا من الاخير
جنت ادحك عليهم من الشباك بس من شفت علي هيجي سوى بماريه وكامت تبجي وطلعت ركض حضنت بنتي بابا دحك عليّ كبل وكال
ابو سدره؛: بابا سدره
علي التفت عليّ واشرلي بعينه يعني افوت جوى صرت ادحك على ابويا وعلي واصعب موقف مربيا صعب جان الاختيار جان نفسي اركض بحضن بابا وابجي واشتم ريحتو بس علي مع الاسف منعني من هذا الشي بابا جان متوقع راح اركض عليه هو جان منتظر هاي اللحظه بس اني شنو سويت شلت بنتي ومشيت وبدون مالتفت ورايا
ابوو سدره ؛؛ اريد احجي مع ابوك
علي؛: ابويا مايسمحلو وضعو احد يحجي معا واختك تعبانه
طلعت عمتي كبل بره
ام علي؛: شرايد يامحمد
ابو سدره؛: ماريه جاي اشوفج جاي اشوف قصي
ام علي؛: هسا شفتني مابيا شي دحك زين على اختك شوفها فرحانه وتضحك شنو تريد بعد ابنها وصار جوات الكبور اكو احلى من هذا
حاول ابويا يشوف عمي بس كلها وكفت بوجه ابويا اخخ شلون موقف صعب جان مشى ابويا من يم الباب مدنك
وراح وروحي راحت مع ابويا هلكد بجيت بعد ماطلع رحت لغرفتي ابجي واشهك دخل علي لغرفه وشافني ابجي
علي؛: خيير شكو هل البجي
سدره؛: ليش هيجي سويت مع ابويا مهم يكون هذا خالك نسيت اشكد جان يحبك نسيت اشكد جان يعزك ويغليك
علي؛: اخويا اغلى واعز من عندو ماتفرق عندي اخسر منو بعد
مرت ايام وحال بيتنا كابوس صار السبع ايام مال لؤي الي هيا جانت بلحك سبعة ايام عرسو ورحنا لمكبره وماصدكت من شفت اسماء هناك جت اتبوس عمتي عمتي صدتها واتقربت على البنات نفس الشي ماقبلو اتبوسها جت عليّ باستني وسالتها على وضع ماما وكالت مره زينه ومره مو زينه دا تضرب انسولين
البنات سووا عمل هلكد بجو هلكد لطمو على كبر لؤي عمتي جانت اتشيل تراب واتخلي على راسها وامسك ايديها وتصرخ وتبجي .....!!!
وزعنا حلاوه وبقلاوه وبعدها رجعنا لبيت الويلاد مهدود حييلهم علي يمشي مايكدر يعدل ظهرو من الكسر الي كن كسرها وصهيب لاعشتو عليه بجى بجي على كبرو 💔 لؤي ترك فراغ جبير بحياتنا لؤي جان اخ وصديق لؤي ماجان اكو صديق مثله مشينا وعفنا لؤي نايم بكبرو مرت سبع ايام على موت لؤي وهو مو بينا جان من نجمع وهو بينا جنه مانكف من الضحك وكل اشويه امسوي حركه مضحكنا مرت هاي السبع ايام بجي وحزن وكسره لؤي راح راح ودفنا ايامنا الحلوه معا اخخخ شنو اوصف لؤي جان قليل بحقو ربي يرحمك يالؤي ويجعل مثواك الجنه يااخ ونعم الاخ والسند جنت انت في قلبنا يالؤي ماراح نساك ابد مع السلامه يااغلى واعز صديق جنت طلعنا من المكبرره واشهك وابجي 💔......!!!
جنات بدت تتعالج عند دكتور نفسي بس جان ابد مامنها فايده بلعكس حالتها صارت اسوأ كامت ها ماتحجي مع احد ودوم عازله روحها واصلا ماتعرف احد يعني اذا شخص يكعد كدامها يحجي معاها عشر ساعات اتضل تصفن بوجهو
يوم من الايام جت مرت اخو جنات تركض عليّ ب يدها ابنها صاير ازرك مايطلع من عندو اي نفس من باب الحوش تصرخ وتبجي
سدددررره الحكني الخاطر الله ياسدددره
طلعت عليها اركض لكيتها واكعه بل كراج وابنها ازرك ب يدها
شبيج بتول الخاطر الله
ابنيييي ماااات
سحبتو من ايدها وقلبتو بل عكس يعني راسو صار جوى ورجلينو فوك وضربتو على ظهرو وصار يبجي ويشهك
اخذتو امو من ايدي وتحضن بي وتبجي جت ام جنات تركض
ام جنات؛؛ يمه حفيدي
بتول ؛: عمه سدره نقذتو
ام جنات؛؛ اشكرج سدره
سدره؛: جان كن غص ليش هيجي عايفينو
بتول ؛: جيت عليه لكيت جنات امخليه ايدها ب ركبتو ودا تخنك بي
ام علي؛؛ يارربي دير بالج عليه امي
بتول :: خاله والله هيا ماتطلع من الغرفه مالها اني جنت اصلي الظهر وخلص جيت لكيت جنات امخليه ايدها بركبتو وتخنكو وبل كوه عمتي سحبتها واني خلصت ابني المشكله محد موجود من الويلاد بل بيت
ام علي؛: اصخام براسج ماريه جنات وحدها عفتوها امشي ام جنات انروح انشوفها
عمتي اخذت ام جنات وراحت لبيت يشوفون جنات واني وبتول كعدنا هيا هم اشويه وراحت
كملت الغده ورجع علي من الدوام اتغده وراح نام بل استقبال ابد ماينام يمي من مات لؤي الله يرحمو جنت اكول لان فاتحه لان البيت خطار بس كلها راحت حتى البنات بس مع الاسف علي حتى وجهي مايريد يشوفو حتى كلامو قليل معايا اذا يدخل لحمام يقفل الباب
تعبت تعبت نفسيتي من هينا البنات كل مايجون يذبون حجي ويطلعون ومايخلوني حجي اذا مايحجون على مختار ودعاء اضل اني اختو واضل انقهر من يجبون طاريو
من هينا علي ابتعد من هينا ماعرف شي عن اهلي لو اماني تجي كل فتره تحجيلي عنهم او بنات عمي ينطوني اخبارهم بس اكيد لو حتى امي مريضه فدمره ماراح يكولولي اسماء بيت عمتي دزو خبر مانريد انشوف اي واحد من بيت اهلي حتى اسماء واسماء زوجها سمع وماقبل بعد تجي عدنا
بعد ولادة حسوني سمنت اشويه حتى علي جان يكولي دائما اشكد احلى صايره من سمنتي بس هسا رجعت صرت جلد على عضم عمتي اتعس مني حيييل تعبانه
الويلاد ياخذون عمي دائما على الطبيب ودا يتعالج جنات اهلها حييل يئسوا منها واخر شي الطبيب اقترح عليهم يدخلونها مصح بل بدايه اهلها عارضو هذا الشي وماقبلو حتى ب يومها جت ام جنات وهمجت عليه ورادت تضربني لو ماعمتي وميس وكفو كدامها
ام جنات؛: الله ينتقم منكم عساكم ب نار جهنم كلكم يارب
ام علي؛: ياام جنات استهدي بل رحمن
كام تضرب على رجليها وتصرخ وتبجي
ام جنات؛: بنتتتتتي وحيدتي واتكولي اهدي بنتي راحتتتت مني راحتتت بنتي راح تدخل مستشفى امراض عقليه بعد كل هاي السنين الي انتظر بيها بنتي اتصير دكتوره اتعالج الناس اتصير هيا المريضه وبحاجة شافقة من الاطباء الله ينعل هذاك اليوم الاسود الي وافقنا بي نطي بنتنا حسبي الله عليكم
ضلت تحجي وتصرخ وطلعت من البيت ومن بعدها انكطعت علاقتنا ب بيت اهل جنات وسمعنا ثاني يوم ماخذين جنات لبغداد حتى تدخل مستشفى
اشكد حاولت عمتي تتواصل معاهم وحتى مره راحت عليهم ودكت الباب وطالعه ام جنات مصيحه منو وسامعه صوت عمتي وماكت قبلت تفتح الباب
عمتي عافت غرفه لؤي مثل ماهيا وغلقت باب الغرفه جانت يوميا تطلع تكعد تبجي بيها لحد ماتتعب اخر شي علي وحمودي اتعصبو وغلقو الباب وشالو المفتاح بل بدايه رادو يشيلون كلشي من الغرفه بس عمتي اتعصبت وكالت اغضب عليكم وتركوها
صار بابا يدز جماعه ب جماعه بس شنو يريدون بيت عمتي بابا ينطيهم في سيبل يتنازلون عن الدعوه عن مختار
بس بيت عمتي وبيت اهل عبدالله جانو معاندين وجان كل مايجون جماعة يكولوهم اذا نتنازل ابنكم ميت لان ماراح انخلي عايش
اخر شي بابا سمعت بي رايح لشيخ عشيره علي وطالب من عندهم الصلح والشيخ قرر يسويها كعدت فصل بيت عمتي ماجانو راضين ب كعدت الفصل ابد لان جانو يكولون لو ينطينا فلوس الدنيا اول شي نحنا مابحاجتها وثاني شي ماتعوضنا عن اضفر اخونا
بس هينا الي صار ويلاد عمام جنات ماسكتو وطلبو بحق بنتهم شنو هو جان حق بنتهم لو يقتلون علي او محمد لو يقتلون واحد من اخوت عبدالله او عبدالله هذا باعتبار بنتهم ضاعت وصار يطلبونا دم
وصارو يهددون ب ويلادنا ابو جناات جا على عمي وكالو اني ماراضي على هذا الشي ابد بس لاكن عمام جنات جانو مصرين وهيا جانت الصدمه
لو نطيهم 250مليون لو يفجرون البيت على راسنا ويقتلون شكو بي
اتخبلنا مانعرف شنو انسوي منين انجيب هذا المبلغ الجبير صح نحنا عدنا بس لازم انبيع شكو شي عدنا حتى يصل هذا المبلغ همه جانو طمعانين حاولو بيت عمتي معاهم ورفضو هذا الشي قطعنا وكالو هذا حق بنتنا
الويلاد بس يصفنون تعبو نفسيتهم فدمره ادمرت وهينا علي وحمودي وعبدالله واخوتو وابوهم قررو يحجون مع عمي ويرضون بل فصل وهيجي راح يكدرون ياخذون من ابويا وينطون لهل جنات عمي جان حجيو زين اشويه احسن من البدايه
وحجو مع عمي وبعد حجي طويل جان عمي رافض بس بعدين اقتنع وافق على فصل ودز خبر لشيخهم نحنا موافقين جانت صعبه على عمي حييل وحتى الويلاد
علي
بعدما وصل تهديد عمام جنات النا وطلبو هذا المبلغ ماجان عدنا غير حل نرضا بل فصل ابو جنات ماجان راضي على هذا الشي بس عمامها دخلو على طمع
حجينا معاهم وحاولنا وكلنا الميت ابنا مالكم حق تطلبون بل فصل بس لاكن بداء التهديد النا لمبلغ جان جبير نحنا موت لؤي هدت حييل امي وابويا وحييلنا اذا صار بينا شي اني وحمودي هلمره والله يموتون ابويا جان رافض فكره الفصل بس من حجينا معا وكلنالو بعد اصرار جبير وافق نحنا ماهان علينا دم اخونا يروح هدر ولاهان علينا الي كتل اخونا يضل عايش ويسرح ويمرح بكيفو
بس لاكن مرات البشر يصادف بحياتو مجبور يقدم تنازلات ومن بين هاي التنازلات جانت بنت كلبي ...!!!!
.......يوم الفصل ......
التقو الطرفين ب بيت الشيخ التابع لعشيره علي وصار شيخ عشيره علي يحجي وبداء الحجي بينهم وبعد حجي طويل ابو علي وكع ع اهل سدره250 مليون بس طرف اهل سدره اعترضو وكالو المبلغ جبير ولازم يقللون من عندو ورجع الطرفين يحجي واخر شي ابو علي كال
ابو علي :: ام حسين ترجع الكم والفصل ماينزل من عندو ولافلس
انصدمو الكل بهذا القرار علي حاول يستوعب الشي دا يكولو ابو زين سدره ليش يضلموها حرام هذا الشي حرام ليش حملوها ذنب غيرها
ابو سدره؛: بس بنتي مالها ذنب بلي صار
ابو علي؛: اني كلت الي عندي كل العشاير اذا وكع دم راح يكون فصل ماده وفوكها بديلة دم الي يسموها اهل الجنوب فصليه اني ماريد منكم بديله رايد تاخذ بنتكم ولاماكو اي علاقه بعد تربطنا بيكم ويلاد ابني عدنا
حاول علي يحجي بس محمد مسكو من ايدو يعني اسكت
ابو سدره ندك براسو ورفع راسو وكال
ابو سدره؛:. موافق
بس علي ماتحمل الي دا يصير شنو هاي المهزله الي كاعده اتصير وين العدل وين الشرع ليش الضلم وكف بوجه الكل وصار يصيح بوجهم
علي؛: شوووف كلكم تسمعون زين مرتي ماتخلى عنها لو هاي الروح تطلع افتهمتو وانت ياستاذ محمد خلي ابنك يروح ياخذ جزاؤه
شيخ عشيرتهم اتعصب وصيح بوجه علي
احترم الي كاعدين ومالك حق تحجي
علي؛: لا ياشيخ الي حق احجي من تصل الشغله لعاائلتي الي حق ادافع شنو اتريدون سووا بس مرتي ماتخلى عنها ولااحرم جهال من امهم وين العدل وين الشرع الي يحكمك صدك من كال عادات الجهاليه
الشيخ من سمع علي يحجي هيجي واكف كدام الكل ويصيح بوجهم معناها ماحترمهم وطرد علي من المجلس لو ما ابو علي والي كاعدين جان علي طلعو من العشيره .....
