رواية ليتني واجهتك الفصل الرابع والعشرون
علي
طلعت من بيت الشيخ واني نار تطلع من عيوني ركبت سيارتي وعبدالله لحكني وركب كبل بل سياره وطلعت اسوق طياره
عبدالله؛: علي شبيك سوق على كيييفك عللللي راحح تدعمنا
وكفت السياره واني اتنفس سريع روحي دا اتريد تطلع مستحيل اتخلى عن سدره صح ضايج صح ماكاعد انام يمها وكلامي على كد حاجتي بس اني مازعلان منها اني ضايج وتعبان مستعد لو اضل طول العمر هيجي ماتخلى عنها
عبدالله؛: شبيك غبي اتخبلت
علي؛: اسكت عبدالله ماريد اسمع اي صوت
مسكت راسي ومغض عيوني وجع براسي مسكني قوي اشهل المهزله الي صارت
عبدالله؛: انزل اني اسوق انززززل شبيك
نزلت من السياره وعبدالله ركب بيها وكام يسوق وصلنا يم الصيدليه نزل جابلي حب وجع راس وبطل ماي
علي؛: اتعيش
عبدالله؛: تدلل بس اهدأ لاتضل مخبل
علي؛: انت شفت هاي المهزله الي صارت هناك
عبدالله؛؛ ابوك تعبان وحقو مايريد يشوف اي واحد من بيت خالك
علي؛؛ ولللللك انت حيييوان حقو شنو ب شنو حقو مرتي شعليها شنو دخلها بل موضوع قابل هيا قتلت لؤي مرتي حتى اهلها عافتهم في سبيل اتضل معايا امها وصلت الموت وماخليتها اتروح صارها اربع اشهر ماتعرف شي عن اهلها واتريد اتخلى عنها على مود فلوس لو اعرف ابيع روحي هم ماطلكها
عبدالله؛: انت غبي مكعد عندك اخت الي قتل اخوك شبيك انت
علي؛: انزل من السياره عبدالله انززززل
عبدالله؛: كاعد تطردني
علي؛؛ لانك حيوان وماتعرف تحجي كلمه بيها خير
عبدالله؛: اذا اكو حيوان بل دنيا هو انت امكعدها عندك لو منك من زمان اطلكها ودازها على بيت اهلها
علي؛: لو اتسد حلكك وتكمل طريقك لو تنزل من السياره
عبدالله كبل نزل من السياره وضرب الباب قوي
علي؛: طبك الف مرض مو مرض واحد
رحت اتحولت مكان السايق وكمت اسوق على كيفي شفتو هو دا يمشي بل شارع يريد يكضب تكسي جيت اتقربت يمو اني وبل سياره نزلت الجام
علي؛: اصعد لاتضل حيوان
مايقبل يجاوب
علي؛: اصعد عبدالله مالي خلكك ترى نحنا اخوه نتعارك بس مانزعل
عبدالله؛: خلي مرتك اتفيدك اتخلي بخاطري على مودها
علي؛: هههه ديلا والله اول مره اضحك من بعد موت لؤي اصعد جنك ماري اتغار من مرتي
عبدالله!؛ الله يطيح حضك وحض مرتك
علي؛: تدلل بس اصعد ماضل امشي وراك هسا الناس عبالهم دا اتحارش بيك ههههه
عبدالله؛: هههه مطي
علي ؛:ماكثر منك
ركب بل سياره وطلعنا لبيت .....
سدره
مرت اربع اشهر وحالي حال الضيم تعبت تعبت نفسيتي فدمره اربع اشهر على موت لؤي علي ماينام يمي ولانفس الغرفه اشكد حاولت احجي اشكد حاولت اخفف من حزنو بس كلمره بيها جنت احجي معا جان يصدني ويتحجج لو تعبان لو اريد انام لو اريد اطلع لو مو وكتج هسا
علي تغير حييل معايا مو هذا علي الي اعرفو ومع هذا جنت انطي عذرو واكول ميخالف حقو زعلان على موت اخو
عمتي الوحيده جانت معايا الوحيده ماجانت تقبل احد يحجي عليه صارتلي سيف بوجه كل واحد يحاول ياذيني
وميس اخت ونعم الاخت بس الباقي ولا واحد يعاملني بطيب كلها صارت تكرهني كلها اذتني بس مع هذا كلبي مايشيل عليهم ابد عمي ماكدر ادخل عليه على الغرفه من يشوفني يعصب عليه اخر شي علي منعني ادخل
اذكر مره جنت اطبخ والبنات عدنا ويريدون اي حجه عليه بس حتى يحجون عليه عمي ماياكل اكلنا ياكل بس شوربه سويتلو شوربه وعمتي كالت اشويه ملح خلي لاجثير على مود الطعم خليت اشويه وبل كوه يبين بي طعم جت عبير تذوك الاكل وذاكت اكل عمي
عبير:: شنووو هذا الاكل ليش مالح
سدره؛: لا مامالح
عبير؛: امبله مالح ومو زين على ابويا
سدره؛؛ عبير مو مالح والله ليش هيجي انتي دائما اتريدين ادورين زله عليه بس حتى تتعاركين معايا
عبير:؛ اي اي اكلتني ب لسانج اشدعوه عيني ترى ماحجيتا شي معاج اشوفج كاعده ملكه ب بيت ابويا وجنات المكروده تاليها صفنت ب مستشفى امراض عقليه
سدره؛: زين اني شنو ذنبي
عبير؛؛ ذنبج اختو اختووو افتهمي هذا الشي سدره الي جانت عايشه ملكه والكل يحترمها ويحبها وبكلشي ناخذ رايج راحت بحححح افتهمتي بحححح
صارت تضرب ايد ب ايد
عبير؛؛ بل نسبه الاكل ماكول اذا اتريدين تكتلين ابويا مثل مااخوج المثقف كتل اخويا
ولحظتها دخلت عمتي لمطبخ
ام علي؛؛ بس عبير كاافي احترمي مرت اخوج اني ماقبل احد يحجي على سدره افتهمتي سدره بنتي اني ربيتها بنتتتتي حالها حالكم واذا يتعدى عليها كان من يكون اعرف كن اتعدى عليه
عبير؛: بس يوم
ام علي ؛؛ ولاكلمه تجون بهذا البيت خطار ماتجون تنهون وتامرون
عبير ماحجت بعدها ولاكلمه خنزرتني وطلعت من المطبخ دحكت على عمتي وكمت ابجي رحت بست ايدها وخدها
سدره؛؛ انتي امي وعمتي واغلى ماعندي
ام علي؛: اني ربيتج ب يدي ماقبل احد يتعدى عليج
بستها ورحت لغرفتي ابجي سديت الباب وكعدت على التخت لمحت فستاني الي لبستو بعرس لؤي جبت المكص وسحبتو وصرت اكص بي بكل عصبيه ....!!
امه امي حياتي ماكدرت اتواصل معاها جنت اخاف من علي لايعرف ويزعل من عندي فوك زعلو جانت اماني تجي عدنا ودزلها سلام معاها واكولها كولي لامي اني بخير
صار يوم الفصل وماجنت اعرف شنو راح يسوون بس اني متاكده بابا لو يبيع كلشي بس في سيبل يطلع مختار من السجن كاعدين اني وعمتي نتظر على نار شنو راح يصير كلهم جانون رايدين مختار يدخل سجن بس من صار عمام جنات يهددون كلها تراجعت
ام علي؛؛ سدره امي تعالي احجي معاج
سدره؛: اي يوم جيت رحت يم عمتي واني شايله حسوني ب يدي وماري مخليه راسها على رجل عمتي وتاكل نستله وحلكها صاير كله كاكو وفرحانه بيها لان انطيتها لان مو دائما انطيها مو زين عليها
سدره؛؛ اي يوم
ام علي؛: انتي ليش ماتحاولين ترجعين رجلج لحضنج ليش اذا هو ابتعد شبر انت تبتعدين متر
سدره؛: يوم علي هو مادا يتقبل مني ارجع لحضنو احس بي مابعد يريدني
ام علي؛: علي يحبج ويريدج اني ام وافتهم على ابني شنو بي بس علي دا يبتعد عنج لان يشوف نفسو شلون هو مرتو بحضنو ولؤي مات الله يرحمه وضلته بنفسه جنات
حجتها ودموعها تنزل
سدره؛: زين اني شنو ذنبي والله لؤي اخويا وصديقي جان يوم لؤي عشنا معا ايام حلوه بتعبنا وحزنا وضحكتنا وفرحنا انصحيني يوم الله يخليج ماريد اخسر
ماريد اخسر علي والله اموت من دونو اني عفت اهلي في سبيل ماخسر علي
كمت ابجي وخليت ايدي على عيوني كامت ماري تبوس بيا
ماري؛:. ماما لي بكين
سدره؛: مابيا شي يروحي روحي العب ب العابج
كامت عمتي تهدي بيا وبدت تنصحني
ام علي؛:؛ لازم تنازلين لرجلج بنتني انتي تعرفين لؤي وعلي جانو روح وحده واحد مايكدر يستغني عن الثاني علي انهد حيييلو بعد موت اخو انتي لازم تكفين معا اتساعدي لو حتى كالج عوفيني وحدي عوفي بعد اشويه تعالي عليه بكلام طيب حبيبي وحياتي افرك رجلي افركي كتفو هذا رجلج امي وحبيبج
سدره؛: خايفه يايوم علي يتخلى عني خايفه لايسمع حجي الناس ويعوفني
ام علي؛: ماعندج ثقه بعلي
سدره ؛: عندي ثقه بي اكثر من روحي
ام علي؛؛ خلص لعد هاي هيا
سدره؛: يوم مشتاكه لامي حييل
ام علي؛: اخخ يمه اتهون وحقج احاول احجي مع علاوي يرضا بلكي يخليج تروحين وهم عمج تعبان مانكدر نضغط عليه اخاف يتخربط
سدره؛: ها هيا يوم المهم انتو ماتضوجون
ام. علي؛: الله يرضى عنج بنتني الحلوه اتوكلي على الله وكومي ربج هو يحلها
استاذنت من عمتي اطلع لشقة حمودي وكالتلي اطلعي اخذت ماري ونومت حسوني وطلعت دكيت باب الشقة ميس فتحتلي
ميس؛: هلا نور الكمر
سدره ؛: يعمري تسلمين شلونج
اتسالمنا وكعدنا هيا جانت اتسوي كيك ماري اخذوها ويلاد حمودي يلعبون معاها وكعدنا نسولف
ميس؛: سدره احسج ضايجه حييل
سدره؛؛ والله ياامي منو بينا ماضايج بهذا البيت
ميس؛: اي والله حقج ولج شبيج ياحضي نسيتي من جنتي تحجيلي على علي اشكد رومانسي معاج بحركاتج يتخبل عليج اسحبي اشويه يمج لاتخلي هيجي بعيد عنج
سدره؛: ههه ميس اش دا تحجين مابي طاقه بعد ولاعلي بي طاقه ضلت
ميس؛: لالا اكو بس يراد اشويه اتغيرين حياتج تطلعين من جو الحزن الي انتي بي هسا اني وياج صح البيت كله حزن وقهر صاير وصح موت لؤي الله يرحمو ومرض عمي وجنات ودخول اخوج لسجن ومرض امج صح هذا الشي مو قليل بس الرجال ماينترك مكروده يكوم يدحك على غيرج والله بعدين لو حتى مو حب رغبه
سدره؛؛ وي علي الي جان مايسبح اذا ماني اسحبو هسا يفوت على حمام يقفل الباب حتى لاادخل
ميس؛:. ميخالف حبيبتي حمودي هم بل بدايه جان يضوج وضل شهرين اكثر هو مايجي يمي بس بعدين اني عرفت شلون اشويه اطلعو من جو الحزن
سدره؛؛ اني اختلف اني اخت مختار ميس
ميس؛؛ اختو او مو اختو هسا انتي مو علي خيرج بين اهلج وبينو واختاريتي علي
سدره؛: امبلي
ميس؛: خلص لعد لاتخسرين الاثنين ارجعي اكسبي علاوي ترى علاوي كلبو طيب انتي اعرف بي
كملت الكيك واني سويت كهوه وسوينا عصير لجهال وكعدو ياكلون ويدحكون على التلفزيون وضلينا نحجي اني وميس وجبت طاري امي وكمت ابجي هيا انقهرت عليه ماشوفها الي كامت وجابت موبايلها
-اتصلي بامج
-انتي اش دا تحجين ميس مستحيل علي حالف يمين
-هذا اسمو قطع صلة رحم وحرام هذا الشي لو امج وابوج جانو كافر لازم اتبريهم
-مستحيل
-خابريهم واسمعي صوت امج
-بس مي
بعدني احجي ماشفت غير حمودي كدامي صار وميس ماشافتو وسمع ميس اتكولي خابري امج ميس التفتت وراها شافت محمد كامت تبلع بريكها حاولت اتغطي على السالفه
ميس؛: ها حبيبي جيت ياهلا اخليلك كيك شلون كيك سويت
حمودي؛: ميس الحكني
مشى حمودي وراح لغرفتو
ميس كامت تضرب على خدها
ميس؛: شنو اسوي راح يتعصب عليه والله
سدره؛؛ روحي لاتتاخرين عليه اخاف يتعصب بل زايد
راحت ميس تمشي وتدعي مايعصب رغم همه من يتعصبون بس يصيحون بس ابد مايغلطون او يضربون بس يزعلون وزعلهم كلش ثكيل
ميس
حييل انقهرت على سدره لهذا ردتها اتخابر امها تحجي معاها دخلت الغرفه وحمودي حييل عصبي سديت الباب وضليت واكفه بمكاني
ميس؛؛ محمد والله انقهرت عليها امها مريضه
حمودي؛: باي حق
سدره خطيه حرام اتحملوها ذنب اخوها
صار عصبي ويصيح
انتتتي ماللججج دخل افتهمتي لاتدخلين بهايةالسالفه اذا جان حرام او لا عود اذا واحد من اخوتج يصير بيهم شي لاقدر الله هم كولي حرام سدره اتصير اخو الي قتل اخويا سدره محد رايد يشوفها بهذا البيت وجاي انتي اتكوليها اتصلي بامج انتي شنو دخلج ب الموضوع
اسفه
اسمعي زين ميس اذا عرفت بيج منطيه موبايلج لسدره تحجي مع اهلها من خلف ظهرنا او ظهر علي حسابج يكون غير شكل ترى عمري ماكن زعلتج لاتخليني هسا ازعلج
صار معلوم
هزيت براسي وكتلو اي معلوم
طلعت من الغرفه لكيت سدره توها طلعت من الشقه ....!!
سدره
صوت حمودي جان عالي وهو دا يكول محد بل بيت يريد يشوف وجه سدره لحظتها كرهت روحي لحظتها حسيت نفسي عايشه بلا كرامه سحبت ماري واني ابجي توي طلعت وكفتني ميس
ميس... سدروه عفيه لاتزعلين من حمودي
سدره.... حمودي معا كل حق ميس كل الي بل بيت محد يريدني واولهم الي ردتو سند الي بكل ضروفي عافني
ميس.... لاتنقهرين يروحي والله مو عافج علي يحبج والله وانتي تعرفين هذا الشي لاتخربين بيتج سدره
سدره.... اني بيتي خرب من يوم قررت اجي اسكن ب بيت عمتي
ميس... شنو قصدج مافتهمت
سدره...احسن
ميس...سدره شبيج على شنو تحجين
سدره.. ولاشي ميس عوفيني
رادت تحجي معايا ماخليتها مشيت وعفتها مسحت دموعي ماردت يوم اتشوفني وتسالين ليش تبجين
ام علي؛؛ ها امي جيتي
سدره : اي يوم
ام علي ؛: روحي لغرفتج رجلج نايم هناك
ابتسمت صحيح علي نايم بل غرفه عفت ماري يم عمتي ورحت لغرفه لكيتو نايم جيت فتحت الغطا وحضنت ظهرو وابجي من همس واشتم عطرو مشتاقتلو حييل سدره من دون علي تموت والله تموت حرااام اكبر حرااام وكفو بوجه حبنا الله يسامحك ياعمي الله يسامحك.....
اخخخ ياربي مسحت دموعي واني مخليه اغنيه هيثم يوسف باذني ياناس رحموبحالي كل ماسمعها ابجي واتذكر موقف من حياتنا بل ماضي
فجأه اندفع باب بيت عمر وصار الداعشي كدامي كمت اصرخ
انتو منو شنو اتريدون من عدنا....!!
نرجع لماضي
علي
وصلت البيت لكيت امي كالعاده كاعده تقراء قران جيت بست راسها وسالتني شنو صار بل كعده العشاير حجيتلهم بس كتلها لاتحجين كدام سدره امي من نوع من تنطيها سر خلص ماتحجي بي بعد كعدت يمها اشويه وصارت تحجي عليه ليش مادا انام بل غرفه وسدره خطيه ومن هاي الكلام كلام امي صحيح واخر شي كالت
ام علي... كوم ابني اتعوذ من ابليس وروح فوت لغرفتك مرتك خطيه
علي... يمه مادا اكدر
ام علي... لو حتى ماتكدر اتنام بعد نفس التخت بس لاتطلع من غرفتك ترى سدره حبابه وليدي يالا كوم الله يرضا عليك نسيت اشكد ضحت الخاطرك حتى اهلها عافتهم يمه
علي.. صار يوم
كمت دخلت لغرفتي بدلت وسحبت غطا غطيت رجليه بس ماحب اتغطى كامل لو حتى شته
حسيت على سدره جت حضنتني وتشم بملابسي وتخلي راسها يم ركبتي حركت كلبي من حسيت نزلت دمعتها على ركبتي بس مع هذا ماخليتها اتحس عليه كاعد نمت كعدت من النوم لكيتها مخليه راسها بين صدري وايدي ومغطيه نفسها بردانه دحكت عليها وصرت اتامل جمالها اشتاكتلها والله خليت ايدي على خدها ولمست وجها وركبتها كامت تتحرك عرفتها راح تكعد دا اكوم وجان تمسك ايدي....!!!
سدره
كعدت ولكيت علي دا يكوم كبل مسكتو من ايدو
علي
نفخ بنافذ صبر ومالتفتت عليه
اتعدلت وحضنتو قوي من ظهرو وصرت ابوس بظهرو
سدره.... انت ابويا واخويا وصديقي وامي وكلشي املك بهاي الدنيا الله يخليك لاتعذبني ابوس يدك لاتبتعد من عندي سدره من دون علي تموت والله تموت شنو اتريد اسويلك شنو الي يرضيك اسوي بس لااخسرك
التفت عليه وكعد مقابيلي وصرت ابجي واشهك
سدره.. هي....هيجي اهون ..ع ..عليك. اني ليش ليش اتحملني ذنب اني مالي دخل بي اني عفت اهلي والدنيا كلها ماعفتك ولاراح اعوفك لاخر يوم بعمري
مد ايدو ومسح دمعتي
علي.... لاتبجين
سدره... الله يخليك لاتعوفني
علي... ماعوفج بس ماريد اشوف هاي العيون تبجي
سدره... اني تعبت وانت اتعاملني مثل الغريبه
قرب شفتو باسني من خدي
وطبطب على خدي دا يكوم كتلو
سدره. اني اعرف لؤي جان قطعه من روحك واعرف اشكد جان غالي عليك واخوك بس ياعلي لؤي هم جان غالي عليه هم جان اخويا وصديقي وعشنا معا ايام حلو ماترجع بعد والي يقهرني هم خسرت جنات الي ضلت من ريحتو بس هيا الحياة لازم تمشي
من كتلو كام بس دموعو تنزل مسح دموعو وكام وكالي
يصير خير بس اصبري عليه اني تعبان
المهم ترجعلي ماريد شي
هز براسو ومشى لحظتها حست ملكت الدنيا اجر نفس بكل قوتي واشكر ربي ماعافني وحدي !
طلعت من الغرفه غسلت وتوضيت ورحت اصلي شفتو كاعد يصلي بل هول دخلت لغرفه كملت صلاتي وطلعت ماشفتو
يوم علي طلع بره
لاامي طلع فوك
فووك !!!!!
رحت امشي وصعدت فوك من وصلت غرفة لؤي الله يرحمو سمعت بي يبجي بجي الطفل على امو يبجي ويحجي
علي... ولكك لؤي وين رحت وعفتنا بس فهمني وووين ليش هيجي اخويا يااخويا والله ظهري انكسر من بعدك وحق الله لاضلي ليه نفس ب نوم ولااكل ولامرتي ولاحياتي كرهت كلشي من بعدك كلشي يالؤي كرهت
انت الي جنت منطي لحياتنا معنا ولك اش صار بحالنا من رحت لؤي اخوتك انكسر ضهرهم ابوك القوي وكع ومرتك حب حياتك ضاعت ضاعت يالؤي فقدت عقلها من كثر حبها الك واميييي اخخخ على امي ولك اخخخخ الي ماتبين ضعفها كدام احد ولك جم ليله ب ليله اكعد على صوتها نص اليل الكيها كاعده بل حديقه تبجي وتشهك على فراكك وكدامنا اتبين روحها قويه تعبنا لؤي حييل تعبنا
اسمعو ابجي واشهك معا عفتو ونزلت خلي يطلع هاي الحسره من كلبو مو زين يكتمها
نزلت جوى كعدت بغرفتي ابجي جت ماري عليه تمسح بدموعي وتبوسني وبس اتكولي مامي لي بكين يعني ليش تبجين
مابيا شي يروحي
رحت غسلت ولميت البيت وشطفت الكراج وعلي مانزل من فوك خفت عليه لاكن بي شي طلعت فوك جيت فتحت الباب على كيفي لكيتو نايم بل كاع حاضن قميص لؤي الله يرحمو اتقربت علي وخليت ايدي على راسو وهمست
حبيبي علي كوم
فز كبل واتعدل يستغفر الله
استغفرالله اش نومني هينا
اتاخرت وخفت لاكن بيك شي
لا بس اشويه تعبان
روح على الطبيب اخاف كبدك بي شي
خلى ايدو على خدي وابتسم وكال
اني شايل الكبد مال حلو مالي واتاذه مو عيب
من سمعت يكولي هيجي كبل دخلت لحضنو
ربي لايحرمني منك ياابو بيبتي وكل حياتي
ولامنج كومي عيني نزل جوى مسكني من ايدي وكمنا قفل الباب وهو يكولي
هاي الفتره جنت تعبان حييل لاتظنين حمتلج ذنب اخوج لاوالله
جنت حاسه بيك والله
اشوفك ابتعدت ياحلو انت
هههه غير انت
يالا حبيبتي فتحنا صفحه جديده ان شاءالله
نزلنا من فوك وهو يكرص بيا عمتي من شافتنا ابتسمت
علي:روحي سدره لغرفتج ولاتطلعين منها عندي موضوع مع امي
سدره؛: صار عيني
من كال هيجي كلبي خاف وكلشويه اريد اسالو على الفصل واتراجع
سمعتو سال على عمي ويوم كالتلو بل استقبال مع عمك اني هم دخلت لغرفه وماعرف شنو صار بعدها ....؟
علي
دخلت لاستقبال ماردت سدره تسمع بشرط ابويا سلمت ابويا مارد السلام جيت ابوس ايدو سحبها
ابو علي؛؛ اش رايد سودت وجهي الله يسود وجهك
علي؛: لايابا لاتدعي عليه
ابو علي؛: فضحتنا بين العالم
علي،؛: اني ماكلت شي غلط كلت مرتي ماتنازل عنها وهيا مالها ذنب بل صار
ابو علي؛: وللك حيوان العالم اكلت وجهنا وهمه يكولون ملفين اخت قاتل ابنهم
علي؛: هسا يابا سدره شعليها قابل هيا قتلت لؤي ترى هذا الحجي مايصير بعدين راح اكولك لو اعرف ابيع نفسي هم راح انطي فلوس عمام جنات وسدره ماتخلى عنها لو اش من يصير
ابو علي؛؛ اسمع زين فلس واحد اذا دفعت من جيبك ياعلي لاانت ابني ولااني اعرفك اتبرأ منك ليوم الدين ومارضى عنك وكل صلاه ادعي عليك الله لايشوفك خير وتحلم اتشوفنا اذا ماطلكت مرتك
علي؛ بس يابا حرااام والله حررراااام الي دا اتسونو
ابو عبدالله؛: لاتصيح بوجه ابوك عللللي
علي؛؛عمي مرتي مالها دخل حرررام عليكم شوفو اني طلاك مااطلك وشنو اتريدون سووا عفتهم وطلعت بوجهي لابو عقارات عرضت بيتي لبيع ورجعت...؟
سدره
اول مره افرح من موت لؤي الله يرحمو طلعت صليت العشاء جان الجو شته ودنيا دا اتزخ مطر نشفت شعري ورحت طلعت كبه حلب من المجمده وكبده دجاج وطلعت خضروات وطرشي وحضرت شنينه وبديت اكلي بل كبه رحت اشوف حسوني لكيت عمتي مخليه مخاديد يمو حتى تثبت كعدتو وماري كاعده اتباوع على برنامج علي جان طالعه اعاده
سدره؛؛ انتي ماتشبعين من ابوج الصبح وبل ليل ادحكين علىه
ماري؛: ههه احبو بابا
سدره؛؛ يمه قربان ويلادي وابو ويلادي دزيتلها بوسه بل هوى ومشيت لمطبخ اكمل شغلي عمتي جانت اتصلي بل غرفه وعمي هم ب غرفتو بعد ماعلي طلع من البيت مستعجل مافتهمت شنو بي
دا اكلي بل كبه وجان يفوت عبدالله
عبدالله... هلووو شلون الحلوين
سدره... الله لاجان جاب الغلا
دخل لصاله وشاف اكو بيها ورجع طلع سحب كبه و ياكلها
عبدالله.... اكولج سدره هاي الكبه حييل طيبه انتي مسويتها
مارديت
عبدالله.....شبيج ماتسمعين
سدره....شنو اتريد
عبدالله.... دا اسالج هاي الكبه انت مسويتها
سدره... ليش اتريد اطلعلها هويه مثلا
عبدالله... ههههه ضحكت اكيد انتي امسويتها عاشت ايدج ياا همس ياكلبي
سدره... عبدالله روح من هينا احسلك رجعنا على نفس السالفه
عبدالله.... اهدي اهدي لاتعصبين
سدره... انت ماتخاف لااحد يسمعك
عبدالله.... زوجج شفتو طلع وعمتج اكيد اتصلي بغرفتها لو تحجي مع الحجي واني بعدين كاعد اهمس همس
سدره... اتروح من هينا لو احركك بل زيت والله
عبدالله... ايبااخ اتعلمت الاجرام من اخوها اكولج لو ماخذتني مو احسن وانتي هذا حالج علي صار اربع اشهر ينام بغرفه وانتي بغرفه
اتعصبت علي صكيت ع اسناني وصرت احجي معا بنار تطلع من عيوني
سدره.... رووح الله ينعلك اكرهك تعرف شنو اكرهك اذا مارحت من هينا راح اصيح والله وخلي شنو يصير يصير
عبدالله.... عادي صيحي لان محد راح يسمعج انتي مطلكه مطلكه احجيلهم حتى طلاكج يصير بساع
سدره... انت شنو تقصد بحجيك
سحب كبه وكالي
عاشت ايدج على كبه وطلع ماتحملت لحكت ورى
سدره.... عبدالله شنو تقصد بحجيك شنو مطلكه
عبدالله.... راح تعرفين بعدين وراح تعرفين محد رايدج بهذا البيت
سدره... اسكت اسكت عبدالله اني بيت عمتي يحبوني مايتخلون عني همه ربوني
عبدالله.... بكيفج عجل
مشى وعافني ضليت صافنه شنو يقصد بكلامو شنو مطلكه مستحيل اني علاوي وعدني مايعوفني هذا عبدالله هيجي دوم يحجي حتى يضوجني رجعت كملت العشه واني ضايجه شفت علي فتح الباب ودخل جا لمطبخ سلم وباس راسي
يالا حبيبي ماتعشى
امبله عيوني صبي بين مابدل واشوف الويلاد
اوكي
خليت العشه على الميز بل مطبخ ورتبتو وصحتهم جا علي شايل حسوني بحضنو وماسك ايد ماري
كعد على الكراسي وخلى ماري يمو واني كعدت وجت عمتي كعدنا اتعشينا وكملنا اني دا اغسل مواعين علي كالي
حبي صار وكت عشه ابويا حضري
اي عيوني تدلل
غسلت ايدي وسحبت الخاولي نشفتهم وطلعت عشه عمي خليتو بل صينيه واخذو علي وراح على عمي ...
علي
عمري مامزعل امي وابويا كلشي ولاغضبهم عليه بس هم مايصير يخربون بيتي اخذت العشه ورحت ع ابويا سلمت مارد السلام
ابو علي؛: اني مو كتلج ماريه انتي جيبي العشه
ام علي؛؛ يارجال ابنك هذا نحنا ماضل عدنا غير هاي الولدين ونخسرهم ليش هيجي اتسوي سدره شنو ذنبها
ابو علي؛؛ذنبها مو ذنبها اني ماريد اي شخص من هذيجه العائله يدخل بيتي اني كلت الي عندي ياعلي لاتحاول لان ماراح تشوف نتيجه
علي؛؛ انت ماتريد اتشوف سدره مو تمام اني راح اخذها ونسافر لمصر هم هيا اتكمل دراستها وهم انعيش هناك
ابو علي ؛: روح بس لاتشوفني خلقتك بعدها
علي؛؛ يابا مرتي خطيه. والله حرام يابا سدره راح تاذه اذا عفتها واني مرتي احبها واريدها
ابو علي؛: من هينا اسبوعين اذا ماطلكت مرتك لاتشوفني خلقتك بعدها مرتك ترجع لاهلها ويلادك عدنا مايدخلون بيت الي قتل عمهم
ام علي؛: يارجال لاتسوي هيجي
ابو علي؛: انتي اسكتي لاانتي هم ارجعج على اهلج
حاولت اشكد مع ابويا بس ابويا جان معاند واني اكثر من عندو معاند ماعوف سدره اني اعرف هذا الشي كلها سوالف عمي يحشد براس ابويا لان عمي من اول ماجان راضي على زواجي من سدره عشيت ابويا وكمت بل كوه قبل ياكل من ايدي ....!!
سدره
نومت ويلادي والغرفه جانت مرتبه وكفت اتمكيجت وسحبت فستان بيجي الى حد الان مانزعنا الاسود لهذا حبيت اغير اشويه
لبست فستان بيجي وكفت فتحت شعري ورشيت عطر الي يحبو علي جا علي لغرفه عصبي ويتستغفر من شافني هيجي دحك عليه بنظره حب وحنان وابتسم وفتح ايدينو ركضت كبل على حضنو وادفن نفسي بحضنو حاضني يبوس براسي ويشم شعري
شنو هذا الجمال حبيبي
كلو الك ياروحي
رفع حنجي واتقرب باس شفتي ثواني ورجع ليورى يصفن
شبيك حبيبي
مابيا شي اريد انام تعبان
عرفت لحظتها اتذكر لؤي بس مع هذا ابتسمت بوجهو
نوم العافيه حياتي
هز براسو وراح لتخت. فتح الغطا واتمدد رحت فتحت ايدو ونمت على ايدو اول غفوتي وحسيت بي مخلي راسو بركبتي دا يبوس بيها ضليت امسويه روحي نايمه
علي؛: ههه كاعده
سدره؛؛ اممم يروحي كاعده
جان ظهري صاير علي سحبني صرت مقابيله وصرنا واحد يبوس بل ثاني بكل حب وشوق ولهفه طبع اثار ع ركبتي واني هم... اتعمدت اسوي هيجي حتى عبدالله يشوفها ويعرف شلون علي مايريدني
من شوقنا لبعض نسينا ناخذ حذرنا مثل حسوني اشويه واتذكرنا
علي؛؛: هم كولي ليش هيجي
سدره؛؛هههه اي طبعا ليش هيجي
علي؛: اني نسيت انتي ليش
سدره؛؛ هههه هم نسيت
علي؛: لعد اسكتي ههههه
حضني وهو يشم ويبوس بيا ونمنا كعدنا الصبح على صوت الهوسه هليوم جمعه والبنات كلهم ينجمعون وميس تنزل جوى
علي حبيبي يالا كوم
امممم
كوم عفيه البنات جوي
ديلا حياتي كايم بس حضريلي ملابس
حضرت ملابس لعلي ودا يروح لحمام كالي
يالا تعالي معايا
لا علي عفيه البنات هينا
شنو اتخافين من البنات امشي يالا صار اشكد ماكن سبحتيني
ههه اوكي حياتي
اخذت ملابسي ورحت معا جانو البنات بل مطبخ يحضرون ريوك سبحت
وسبحت علي وهو طلع كتلو جيبلي حسوني وماري وراح جابهم وجا سبحتهم ولبست ماري البرنص مالها ولفيت حسوني بلخاولي وطلعت من الحمام نسيت اغطي ركبتي
طلعت والبنات كلهم كاعدين سلمت عليهم هدير كبل
هدير؛: لاعليكم السلام انتي ماتستحين على روحج طالعه هيجي صحيح الي استحو ماتو
ام علي؛: هدير
هدير؛: شبيج انتي كل مانحجي كلمه مع ست الحسن والجمال تسكتينا
ام علي؛: احجججي عدل معايا ادبسزز اني امج مو اشتغل عندج
سدره؛: يوم الله يخليج والله مو قصدي نسيت
ام علي ؛؛ فوتي على غرفتج
فتت على غرفتي وهدير خلفي اتصيح وتغلط عليه وعلي كاعد يصلي الفجر قضاء بس سلم كام كبل
علي؛؛ هاي شبيها
سدره؛؛ مابيها شي
علي؛؛ معاج مو
سدره؛: لا لا والله الله يخليك لاتطلع
علي؛؛ بالج خلي اوكفهم عند حدهم عاد طوخوها
ردت امسك علي بس ماقبل طلع انوب يكحلها عماها هم طلع واركبتو ضليت كاعده بل غرفه اسمع صوت صيحهم
علي؛؛ انتي شبيج ماتكوليلي
هدير؛: عمرت اذا انت هيجي طالع لاعتب على مرتك
علي؛: هدير اشويه اخجلي على روحج عيب تحجين بهاي الطريقه مع اخوج الي اكبر منج
هدير؛: والله اخوووويا الي نايم وحاضن اخت الي قتل اخونا ونايمه وناسي الدنيا هذا مالو اي احترام
علي
جنت اصلي وسمعتها تحجي على سدره بس كملت صلاتي رادت تمنعني سدره ماقبلت طلعت وشفتها اتجاوزت عليه رفعت ايدي دا اضربها وجان البنات يمسكون ايدي طلعو فؤاد والويلاد وحمودي من الاستقبال على صوتنا
حمودي:: هاي اش صاير هينا
هدير؛: اخوك يرفع ايدو عليه لان حجيت على مرتو ويريد يضربني
علي؛: اني ماردت ارفع ايدي عليج بس انتي اتجاوزتي حدودج هدير صار اربع اشهر واعرف حق اليقين انتو الثلاثه من تجون شنو تسوون بيها
رغيد ؛: على اساس انت مو عفتها انشوفك اربع اشهر نايم بل استقبال
علي؛: اني ماعفتها ولاحملتها ذنب مختار ولؤي بس اني جنت ضايج ومخنوكه واريد هدوء كاافي عاد تجون خواتي اخليكم على راسي واحترمكم وعيوني انطيها الكم بس اذا اتحاولون تعتدون على مرتي يصير غير حساب
هدير،؛: شنو اتسوي بله شوفنا
فؤاد؛: هددددير اخووج ماغلط بكلمه وكل كلامو صحيح حرام عليج كااافي
جان يدخل عبدالله وسمع صوتنا
عبدالله؛: هاي شبيكم صوتكم لي عدنا واصل
علي؛؛ ماكو شي
عبدالله؛؛ انت غطي اركبتك بعدين احجي طالع هيجي
علي؛؛ عبوووود ماناقصلك اني ترى الي بيا مكفيني
عبدلله؛؛ شكو عليك نايم بحضن مرتك وعايفين ثار اخوكم
علي؛: انت تجاوزت حييل ماشلون من جان
ومسكتو من ياختو شكو حركه بكلبي طلعتها بيها اضرب واصيح
علي؛؛ ولك اني مانسيت ثار لؤي ولك لؤي ياكل ويشرب معايا استكثرتو عليه ضحكت اشويه
وبل كوه سحبوني الويلاد عنو
عبدالله؛: بسيطه علي تضربني ب سبب مرتك ب سبب الي قتلووو اخوووك
حمودي؛: لاانت تخبلت رسمي صدك ماتستحي على روحك يا علي
ابو علي؛: ولكممم اش صاير
عبدالله طلع من البيت وهو يصيح
عبدالله؛ عاررر انت اكبر عارر اتنام بحضن مرتك واخوك نايم جوات التراب
طلعت اريد امسكو اكمل عليه ومسكوني الويلاد
حمودي؛: فوت جوى فووت مخبل
عفتهم ودخلت جوى لغرفتي ....!
سدره
سمعت كل الي صار بره بس ماكدرت اطلع دخل علي لغرفه كعد ع التخت وخلى ايدو على راسو مدنك
اتقربت علي
سدره؛؛ علي
اشرلي ب يدو يعني اسكتي عفتو نص ساعه يرتاح بعدين كام على حييلو طلع بلوز ابو حلك ولبسو وراح على القران طلع القران وكعد يقرأ ودموعو تنزل
اخذت الويلاد طلعتهم بره وكلها ادحك عليه بنظره حقد ريكت ماري وحسوني وكمنا اني وميس انظف البيت ردت اروح لغرفه اشوف علي يتريك اتقربت يم الباب سمعت بي يقرأ ب صوت عالي ويشهك ويبجي ماكدرت ادخل على الغرفه عفتو ورجعت كملت اساعد ميس اشويه وجت ماري عليه اتكولي بابا
رحت اشوف علي راد ريوك حضرت الريوك وخليت كدامو وصاحني اتريك معا وكعد يشاقيني بل بيض ويطعمني ب يدو كمل غسل وباسني من راسي واخذ المصحف ورجع يقرأ قران بل صاله صار وكت الصلاه راحو هو وحمودي وازواج البنات وعمي هم طلب يروح معاهم واخذو باسياره خليت بل فرن ثلاث دجاجات شوي وسويت جدر جبير مقلوبه لحم وزلاطه وطرشي وشنينه ومدينا السفره كلها بل صاله ورجعو الزلم من الجامع عمتي ادحك عليهم كامت تبجي اتذكرت لؤي الله يرحمو جان اول من يدخل يصيح
لؤي؛؛ هااا يوم مصار الاكل والله متت من الجوع
ام علي؛؛ اي امي صار شوف مرت اخوك
لؤي؛: وينج مرت اخويا اكل
سدره؛؛ اشكد اتحب بطنك
لؤي؛: بس ماحبها اكثر من جناتي
مسحت دموعي وعلي وحمودي اتقربو باسو ايد وراس امهم وهيا تدعيلهم ربي يوفقهم ويرضا عنهم
انجمعنا كلنا على الاكل ومن خلصنا عمي كال
الفاتحه
قرينا سوره الفاتحه وهدينها ل لؤي الله يرحمو.....
