رواية تحت ظل السعف الفصل الثالث والعشرون بقلم ميار
❀مهى❀
بعد حادث فرات الي مر عليه شهرين جديتي فجئه
انكست صحتها حيل تعبت وهي من شافت نفسها
تعبانه گالت لعمي محمد يزوج حسين وصدك حددو عرسهم بعد 10 ايام و رحاب وامي يوميه رايحات للسوك يجهزن وحتى بيت عمي محمد هم
انخبصو راحن امي ورحاب وجديتي اخذها عمي محمد بقيت وحدي ضايجه طلعت للحوش فتحت
شويه من الباب اوايج على المار من جدام البيت
ضجت حيل رجعت للبيت اخذت عبايتي وطلعت
وايجت من الباب ماكو احد لبست عبايتي وركضت
لبيت فرات دخلت المبرده مشتغله رغم الجو تغير
بس فرات وانعرفه ما يتحمل شويه حر فتحت الباب
ودخلت راسي اشوف من اكو ميلت راسي وفرات
صار بوجهي ميل راسه مثلي ويضحك عرفني جيت
فرات:: تعالي بزوتني
-هههههههه هلاوو اخويي
-هههههه هلاوو اختي تعالي فوتي
- دخلت واحجي ويا شلون عرفتني اني
فرات:: هههههه سوالفج حتى فتحتج للباب اعرفها ومو بس اني حتى اخوتج حافظينج
-هههههههه شسوي ضجت وحدي عايفوني وطلعو
كلت اكيد هسه فرات بالبيت وحتى اذا طالع على
الاقل العب بلي بين ما يجن امي ورحاب وجيت
فرات:: البيت بيتج يروحي كل الهلا سوده علي
بنيتنا ضايجه عجل مازالج ضايجه دكومي اكوي
ملابس اخوج تعرفيني لهسه بطني توجعني وهذا
عماد جلب ما يكوي زين والاغا عمر عيب يكوي
مهى:: يمكن جت امي بايي
سحبني وعصر راسي بحضنه
فرات:: هههههههه لا يولي غيروج عليه اني اخوج الجبير تاج روسكم منو الجانت تبجي عليه گبل فتره.
-شبيك فرات بجينه وخلصنه مو صرت زين
-كومي كومي اكوي عنده كعده احنه والولد.
مهى: كمت واني ادردم عليهم بس همه يلتمون
واني ما طالعه من عرس جهاد والبنات بس من
تمرضت جديتي جم مره جن نص ساعة ويمشن
فرات:: ولج صايره جنج ريام بس دردمين ورانه
-هههههههه حگنه عمي بس انتو يوميه ملتمين
واحنه ناس بسد ناس شهر ما نتشاوف انوب راح
تطلع رحاب بعد ائيس اطلع حطيت الأوتي ودرت
عليه.. فرات واحد بيكم يتزوج هسه من وره الشغل ما يخلوني اداوم كليه والله ازعل منكم
فرات:: شنو بكيفهم شعليج انتي هسه لا تشيلين هم اداومين وبس نخلص من عرس حسين اخذج
ونروح نشتري ملابس لان ما ظل شي اداومون.
-واذا عرف ابوي بالقسم الي رحتله
فرات:: مالج شغل شبيج خليها وراي
-خوش
درت اكمل كوي واندك الباب بقوى اشرلي فرات
اسد باب الغرفة سديت واسمع صوت جهاد يصيح
جهاد:: هيي ولكك فررات
فرات:: تعالل شبيك مورث
جهاد:: انجب ما بيه شي بس عندي سالفه وياك
-اي كول خيرك طاردتك اختي ميخالف ميخالف
تكبر وتنسى واعذرها بعدها ما متعوده عليك
جهاد:: تخسي انت مو اني الي انطرد
فرات:: هههههههه ديلا عجل شكوو
مهى: وكفت يم الباب وأسم فتحته حتى اشوفهم
جهاد كاعد گبال فرات ويمسح بوجهه امبين مرتبك مدري ضايج وانوب يخزر بفرات مدري شبي رد گال.
جهاد:: انت مو حاجيتني گبل مدري شكد على
موضوع واني حاجيتك بشغله وانت كلت عوفها
فرات:: اي بس موضوعي ليش تربطه بموضوع اخوك المهم اي الزبده مثل كل مره غير رحم الله والديكم بس انت وتعرف فرات شيسوي ووو.....
جهاد:: انجب لا تمسلت خلي احاجيك صلاح
ابن حجي فاضل وره زواجي بجم يوم محاجي
ابوي رايدين فاطمة البنت رفضت وابوي ضاج
اجلتها ما حاجيت ابوي لان لو محاجي بوكتها
يقفل انوب جديتك تمرضت ما صارت فرصه
فرات:: جهاد ليش تخليني اغلط عليك وتعرف
نفسك ما تحب تحجي بالتفاصيل ودومك مختصر كلامك هسه من صارت السالفه بيها
اني كمت تخبث تره شعلتي والله فادي غده نار
جهاد:: هههههههه انجب يلا المهم والزبده
يا اخوي انجب المهم هاي هي نطيناك مره
-عليك الله بروح حارث ما ناصب عليه جهاد
وحك روح ذاك الغالي اذا ناصب بعد تحلم
احاجيك.
جهاد:: انجب لا تفرح شكوو فرحت وشوكت
اني ناصب عليك كتلك رضينه وانجب وانلصم
-يا بعد روحي يا خوي.
مهى: يا فرحه ما بعدها فرحه لازمه الباب وادحك
على فرات حضن جهاد وجهه عليه دمعن عيونه
من الفرحه واني دموعي وياه تجري وجهاد لان يعرفه شبكه لحد ما يهدء ورجع يغلط عليه اول
مره اشوف جهاد امبين عليه يغار على فرات هههههه يگوله.
جهاد:: اني اعز لو هي
فرات:: هههههه اثنينكم اعز من روحي
جهاد:: انجب انجب اسمع سوو گطعان المهر
مثلنه لان حاكم واخوته جلاب وتعرف سوالفهم
وابوي حاجه بس عمي حاتم وره المهر تظل بكيفكم يلا في امان الله اروح اشوف اختك
رجعت للبيت لا هلـ جلب وسام جيه اخذها
فرات:: هههههه غير اخت العريس شبيك
جهاد:؛ ما عدها اخوان ولو ما عليكم بمرتي
مو كتلكم ممنوع أحد يدخل بيني وبين مرتي
فرات:: ولك شوكت مدخلين
-اي اي خااب انجب حتى وجهك تفح لا تظل تمسلت عود فرحان والله اجي اشك حلكك
فرات:: عجل والله فرحه ما بعدها فرحه
وانت ادرى بالي بداخلي ومثل ما وكفتلك
وكفتلي وهذا الاخ والسند الي اتنومس بي
جهاد:: الله يسهل عليكم ويسعدكم اروح اشوفك بعدين وانت جهز امورك وانطيني خبر
فرات:: تسلم ياغالي
مهى:: هز ايده عافه وطلع وفرات يضحك عليه
واني بس راح طلعت يم فرات وهو سحبني لحضنه وانوب حب راسي وما يعرف شيكول
فرات:: ولج مهاوي فرحتي ما اعرف اوصفها
اخاف لا حلم واكعد منه وصدك ويسويها الحظ
وفاطمه تصير بيتي شريد بعد من الدنيا واني مالك بنت گلبي وفرحة عمري.
مهى:: الحمدلله تستاهل بعد صبر السنين
ولان الله كاتبكم من نصيب بعض الله سهلها
فرات:: الحمدلله والشكر يلا بويا اني اروح
اشوف عمي محمد حتى نتفق لان هسه هذا
اذا اكوله خلي نعقد اليوم يتخبل بس ما اريد
أجل بعد اريد الامور تمشي بخير وسلامه وبدون
مشاكل.
مهى:: اي زين خلي ارجع للبيت هسه تجي امي
ورجاب وهم احظر العشا بين ما ترجعون كلكم
-خوش يلا يابه خلي اوصلج واروح على عمي
مهى:: طلعنا سوه وبس وصلني راح لبيت عمي
واني الضحك والفرحه وامبينه بوجهي ظليت
اسوي عشا وادندن اغنية اخونا خوش اخو يستاهل الهوسه كملت العشا واجن امي ورحاب والتهينه بغراضها.
رباب: مخبوصين بعرس حسين بعد 10ايام وامي
ويام يوميه رايحات للسوك امي اذا غيرنه الفراش
ادز على ريام تشوفها حلو لولا احنه بالبيت ما تاخذ
رأينه بكد ريام وحتى حسين والولد هم تعودو عليها
جابو غرفة الخشاب ونصبوها ما بقى شي وهمزين
امي تذكرت وراحت هي ويام ياخذلنه ملابس للعرس واكفات نسوي عشا وابوي ووسام وحسين
كاعدين بالحوش يسجلون الأسماء حتى لا ينسون
يعزمون الگرايب والعرف اندك الباب كام حسين
فتح الباب فرات واكف صاح عليه ابوي دخل كعد
ريتاج بس سمعت بيها سالفه عافت من ايدها ووكفت تصنت يم الباب وكفت يمها تفاجئنه من كال..
فرات:: عمي اريدك وياي نحاجي ابوي بخصوص زواجي ما اريد بعد أخر بيها
حسين:: زواجك؟
فرات: اي شبيك بيها شي
حسين:: لا ولك غير صدمتني يبعد عمري
صدك واخيرررا انت اقتنعت وتتزوج مني سعيده الحظ الي راح تصير زوجة أميرنا
فرات:: ههههه فاطمه بنت عمي احمد
-شنووووو
وسام:: عليك الله فاطمة فاطمة
حسين:؛ اخت جهادد؟
محمد:: هههههههه اي فاطمة ماكو غيرها
وسام:: جنت تدري يابه وما گلتولنه
محمد:: قبل ساعه يلا خالكم ردلنه خبر صار
شهرين من طلبناها بس بسبب عمامها تأجلت
فرات:: عمي خلي نعقد اليوم وعلى كيفنا
نسوي الخطوبه بس نضمن انو عمامه بعد
ما يكدرون يحجون كوم وياي نحاجي ابوي
محمد:: يا الله يلا كومو وحتى نتفق احنه
مسوين عرس مسوين نتشايل المصاريف
وعرسك وعرس حسين بفد يوم عليش نأجل
بي بيتك وجديد ما ناقصه شي بس غرفة اخشاب وباجر عگبه روحو جيبوها واليوم
سلم اسياگ حتى تلحك تهجز البنيه شتكولون
حسين:: ما يحتاج يابه انت شتكول احنه تم
وسام:: هسة فرات لو تكوله اخذها بكفشتها
ما يكولك لا لو تجي هي ووصخها هو الممنون
فرات:؛ انجب محد وصخ غيرك تروحلها فدوه
وسام:: استلم ان ما كلت لجهاد فرات يكول
يروح جهاد فدوه لفاطمه اني معتب اصبرلي
فرات:؛ وحك الله يبطل استر علينه
-ههههههههه
محمد:: يلا يابه حتى ان رضى ننطيهم خبر
-تفضل عمي
رباب:: ظلينه وحده دحك بوجه الثانيه خالي
ينطي فاطمه لفرات ما مصدكه بعد هل مشاكل
ريتاج:: اي والله ولج فرحانه والله واخيرررا
والله فاطمه ما تلوك لغير فرات ولا فرات يلوك
لغيرها العببب عرسين وهبز طبز وللكاع العببب
رباب:: بعد معانات اسنين ينجمعون فرات وفاطمه
بس هسه تتخبل رحاب هي لان ريام عرست گبلها
تخبلت انوب اخوها ديلا والله حسين وجهه خير
حسين:: والله صدك اني وجهي خير معكم حسين
لفتح العقد والجبسه اقوى حجاب لتسهيل الأمور
ريتاج:: جبسه ربط جلب الحبيب اي شي بس
ادحك بوجه حسين تنال مرادك وتتسهل امورك
حسين:: عمي صدك منو مصدك فاطمه اتطلك
ويرجع فرات ياخذها ولا جهاد ابو العقد هم تزوج
رباب:: هههههه بس كلها مو مثل فرات احس
حلم شوف ربك من يكتبلك الشي ادور ادور
وترجع وتحصل الشي الي تتمنى بس يحتاج صبر
حسين:: كلج حكم اختنا العزيزه ولجن اني
شكلت مو كل ما تشوفني ادخل هلهلن
ريتاج:: هاي الك ولفرات كلللوووووشششش
-ركض سد حلكها ريتاج بدون كل شي صوته يرعد
وانوب تهلهل صوتها يصل للشارع وخر ايده ويزرل
بيها.
حسين:: شو انوب صاير حسج تكول استريو
انصلمي ديري بالج تهلهلين يلا كملن العشا
العريس جوعان ورانه خطوبة بطل الابطال فرات
ريتاج:: عمي احنه هم نروح نحتفل بأميرة الاميرات فاطمه قابل بس انتو تروحون
رباب:: غمها وطلع ادحك عوائلنه من ولد وبنات
كل شي ما يعجبهم يمشون ويغمون بالاوادم
طلعت حسين واحنه ركض ركض سوينه العشه
للمغرب دخلن امي وريام وحامد وياهن شايل
الغراض دخلن وامي تريد ريام تتعشه يمنه بس
ما قبل وكفت تتمسكن وتحرش امي علينه
ريام:: لا عمه اروح اشوف زلمتي بس اذا يرضن
البنات اخذ من عشاكم ما ظل بيه حيل اطبخ
امنه:: يااا وشنو تنتظرين رأيهن تعالي يبعد
عمتج ولجج رباب حطي من العشه لاختج
ريتاج:: خلي تولي تتمسكن علينه وهي بس
مسواك ما تتسوك منه البارحة حتى التمتوعه
اخذتها منه وهسه عود خايفه منه لا ما ارضى
ريام:: ذلني ذلني عمي ما اريد اروح لبيت احسن
امنه:: وروح ابوي ما ترحين بدون عشا
ولجن بيت ابوها هذا تاخذها وتمشي وما
وحده منجن تفتح حلكها من تفتحن بيوت
بأسمجن عود سولفن يمه ابنتي بيدي احط
عشاج سوده علي لافيات عليج انتي اختهن
الجبيره والج البيت كله شحده الي يحاجيج
ريام: بعد روحي يا عمه هو اني لو ما انتي
شحالي رباب اريد ليمونه هم ما عندي
رباب:: ضحكت عليها ورحت جبت ليمونتين
وحطيتهن بالعلاكه ويا الخبز الي حطتها امي
شالت جداريها ولفت عبايتها وطلعت حامد
يوصلها واحنه كل وحده منها راحت تصلي.
فاطمه: واكفين نصب بالعشا ودخلو ابوي وجهاد
سأل على امي جديتي كتله جوه بالهول كاعدات
راح ابوي وجهاد ظل امبين عنده سالفه تالي گال
جهاد:: فاطمه شوفي هذا ابن جاسم طايح
حظ بس شنسوي حرجنه ويريد اليوم تعقدون
- ارتبكت وهو مصغر عيونه منتظرني احجي
اخاف اكوله بكيفك ويأجلها واخاف اكول
موافقه ويكول كاتله نفسها عليه سحب نفسه
وكتله.. بگيفك انت شتكول اني راضيه.
جهاد:: هو خوش ولد عمامي خاف يخربوها
وتصير مشاكل هاي هي ابوي رضه بس تره
طبعه صعب وبس مني يسمع راضيه بي.
-احمم اي راضيه مادامك بظهري ما اخاف
جهاد:: اي اي راضيه لان بظهرج عفية عليج
يلا عوفي البنات يكملن انتي روحي اكعدي
تبارك: دفوت تعشه
جهاد:: اروح لبيتي اشوف مرتي رجعت لا
-عافنه وطلع ردت اعوف العشا بس خفت يتأخرن
ويزعل ابوي كوه كملت دير العشه ايدي يرجفن
درت على البنات.. انتن ودن العشه اني استحي
تبارك: اوووي العروسه مستحيه دتعالي ما
يحتاج تستحين هسة اخوتج ينصبون عليج
-دروحن هسة اجي ودن العشه واني كعدت
بالمطبخ فرحانه شعور كن اول مره اتزوج
وره العشه ابوي والولد طلعو احنه لمينه المطبخ
وكعدنه جت ريام يمنه نسولف ونضحك وتسولف
على تجهيزات عرس حسين بعدنه مندمجين نسولف ودخلو معاذ وجهاد واحنه بس دخلو وكفنا
جهاد:: شكوو وكفتن
ريام:: خوفتونه شكو شصاير
جهاد:: ماكو شي بس جينه ناخذ وكالة فاطمه
حتى يعقدون معاذ اخذ وكالتها حتى نرد
معاذ:: غير انت الجبير وانت وكيلها شبيك
جهاد:: انجب ماكو فرق يلا عيب من الزلم
ينتظرون يلا فضوها عاد شكد فاهين لخاطر الله.
معاذ:: دصبر خلي نفهمها حتى....
جهاد:: انجب شتفهم فاطمه يابه شيكول ردي وراه.
-ضحكنا ومعاذ جلبت الضحك كوه كاتمها لا
يزعل سحبني لحضنه وشيكول ارد وراه باس
راسي وطلعو وريام كعدت بالكاع تضحك كالت
ريام:: هههههه اخ يابه ولج كضاها عليهم ياهو
يسولف ويا وكال انجب خابره حسين بعده ما
حاجي كاله انجب زياد جيه صاحه شبعه انجب
مروى: ميخالف اخوي مقهور اخته راح تطلع
هسة واذا كاللهم انجبو ما بيها تره مو غلط هي
تبارك:: معاكم محامي العائله للاستفسار راجعو
مكتب جهاد لحل الطلايب وتزويج الارامل وطلاق المتزوجين راسلونه على الرقم 0770......
فاطمه:: ايا جلبه وشلج على خطية المزوجين
هسة يسمعج يطلع قهر فرات بيج دمشن
نكعد يم امي وجديتي هسة يكومن يحجن علينه
ريام:: لا اروح انام بعد ما اكدر افتح عيوني
تبارك: شكد تنامين لخاطر الله ولج من اخذناج
مو هيج صار فتره كل ما افوت بيتكم الگاج نايمه
ريام:: يااا خيه غير من قهر الجهال وابوهم مالي
كعده افتر وراهم وشغل البيت وزلمتي مو زين عليه هئ هئ يكعدني بكتله ويكومني بكتله
-ههههه شكد جذابه عود تبجي امشي روحي
اشبعي نوم هسه يرجع عليج ويلكاج نايمه يكوم يلطم النهار كلها تفترين يم بيت خالي محمد وهو
يجي الليل جنج دجاجه من وكت تلفين راسج وتنامين.
ريام:: اكول فطوم هسه عروس بعدين ارد عليج
اروح احضن مخدتي وانام للصبح يمااا تعبانه.
-ضحكنه عليها هي غير كاضيتها نوم وفره ويا عمتي
وغير متعلقات ناس بناس عمتي بكل شي تاخذ رائيها ولازم يوميه تشوف ريام خفت لا جهاد يضوج
لان ما يخلونها تكعد بيتها بس لا بلعكس هو حاب
وكفتهم وياها ويحسسونها عدها اهل ترسو الفراغ
الي بداخلها. رجعنه كعدنه ويا امي وجديتي وتبارك
كالتلهن راح نعقد جديتي جرتني تبوس بيها والحمد لله امي هم مقتنعه لل11 انهزمت لغرفتنااستحي
من ابوي واخوتي ومن التوتر حتى موبايلي غلقته.
وره عقدنا ثاني يوم بديت اجهز محد بينه راضي
وين الحك تجهيز بس فرات وخالي محمد قفلو
امي ظلت تحجي لان ما تلحك تسويلي فرش
صار اربع ايام نركض بالسوك اني وامي وعمتي
امنه ريام هلـ يومين ثلاث تعبانه وبس نايمه كاعدين الضحى اني وجديتي والبنات وجهاد وريام
وهي بس ما تشوف واحد من الولد تنبطح ما بيها
حيل وجديتي تحجي عليها تريدها تشرط تكول بيها
ابو صفار وهاي ما تقتنع ادحك على جهاد وتگوله
ريام:: جديتك تريد تزرف يافوغي عمي ما بيه شي
بس هذا من تعب الجهال خلوني انام النوم عافيه
جهاد:: صدك جده تره النهار كله تركض وره الجهال وشغل البيت شتريدنها تصير سوده علي
فرحه: والله فلا ينكدرلكم ولك يمه مو زين خاف
صدك بيها ابو صفار وانوب يضرب كبدها مو زين
جهاد:: شسويلها جده تخاف من الشراط خلي
العصر اخذها اسويلها تحليل خاف صدك بيها
تيفو واخذلها علاج بس عوفو الشراط لا تنجلط
حرمتي.
فرحه:: ياااا لاحكين بهلعلاجات ولك جده والله
كلها مضره اني هسه اشرطلها وابهرزها فلا يظل
بيها شي لا تظل شتكولك مطاوعها شمعرفها هي
ريام:: تشوف تشوف اهلك كتلك مو زينين عليه
وعبني فقيره من اهل الله ويتيمه مستگويات عليه
جهاد:: مالج شغل بيهم عيوني انتي خليهم يحجون
بكيفهم اهم شي اني شتريدين منهم منو اهم
-اكيد انت يا گلبي انت
فرحه:: يااا والله فلا تستحون مو جدام البنيات تتغزل بيها وتتغزل بيك كومي ولج
شكو نايمه على رجله يماااا يبت خالد فلا ينكدرلج وانوب الزلمه مسلمها تراب بكيف حرمته.
ريام:: عمي اكوم اروح لبيتي احسن وانت حبيبي
الحكني لا تتغده ببت اهلك ما ارضى الا يمي تاكل
-ضحكنا كلنه على سوالفها عود مسيطره الجذابه
تريد اداهر بجديتي راحت ريام وظلينه كاعدين
للظهر بس أذن كام جهاد وصاحني وياه اتغده يمهم
جهاد:: امشي نشوف مرت اخوج هسه الگاها نايمه
فاطمه:: شبيكم تره صدك خاف بيها شي لا تهملها
وهي اعناد تره من خوفها تتحمل الوجع حتى وجهه اصفر.
-ان شاء الله العصر اخذها ونروح للدكتوره نجيك
وضعها اني هم ما مرتاح لنومها ومرات تاكل مرات
لا.
فاطمه:: حاير بيها وهي معانده بنفسها توه ندخل
ونلكه ريام متربعه وبيدها موبايلها مدري شتحسب
وتذبها وترجع تعد بيدها وجهه اصفر دخل جهاد
خايف عليها وهي مدري شبيها وشتحسب گاللها
جهاد:: شبيج ريام شتحسبين شنو طگن الفيوزات
ريام:: تعال تعال يمكن كلام عمتي صدك جهاد
جهاد:: يا كلام وشكالت عمتي هاي شبيج يابه
ريام:: يمااا ولكم يمكن اكو صخام ابطني
جهاد:: اسم الله صخاميش فهميني ولج وكعتي گلبي وليش خايفه ماكو شي مو كلتج ما عليج بحجيهم هاي يخوفونج حتى تشرطين ماكو شي
فاطمه:: اني افتهمتها بس اخوي باله راح بعيد عباله اسم الله الرحمن مرض وادري الخبله تخاف تحبل والله شنو سامعه ألم الولاده ثاني اقوى الم
بعد الحرق الله يبعدنه وهاي من خوفه كاعده وتقنع بجهاد انها مو حامل وهو من عرفها تقصد
اكو طفل سحبها من ايدها وحاول ما يحجي عليها
جهاد:: تحجين ريام فورتي دمي ولج عبالي بيج
شي لا حول ولاقوة الابالله تعالي اكعدي خلي نفتهم
ريام:: شهرين جهاد شهرين حسبت اني من
كبل العرس بيومين بعد ماكو عمتي تكول حامل
فاطمه: شبيج ولج الحمدلله هذا رزق من الله
لا تتبطرين غيرج يتمناه والحمد لله ما طولتي
ويظلون يحجون الله خلصج من حجي الناس
وهسه اذا صدك بس يجون يترسون البيت عليكم
ونست الدنيا بالجهال شبيج احمدي الله ديلا كومي غسلي وخلي نصلي ونتغده والعصر روحو
تأكدو مو جهاد شبيك انت هم احجيلك سالفه
جهاد:: اي بله الحمدلله ريام سباعيه العصر اخذج
ونسوي تحليل ظليتي تحجين بالجهال هاي جو
جهالج شوفي حتى هسه صدك يتعبونج الجهال وابوهم.
-ضحكت والخبله فلا تستحي مني حضنته وتگوله..
ريام:: لا شعندي غيركم تعبك راحه ابو جهالي
-هههههه دمشي خلي نتغده وبعدين نسولف
ريام:: هههههه صدك والله سوده علي ابني جاع
فاطمه:: ضحكنه عليها گبل شويه تلطم مال حاظر
غيرت رأيها صلينه وتغدينه وللعصر همه راحو
للدكتوره واني رجعت للبيت اكمل تعزيل اغراضي
الحمدلله طلعت ريام حامل وكملت فرحتنا كملت
تجهيزات واكفه ابدلتي جدام المرايه وتسوي بحجابي ما سوينه حنه بسبب جديتي حسنه حالتها
تدهورت وبالمستشفى وضعها حيل تعبان رحاب
كملت واني جاي اتثبت الطرحه وريام فوك روسنه
تاكل حلويات طالعه تخبل لابسه فستان ذهبي
ريام:: كملتي خيه تره حركو الجو علينه ما ظل وكت جتي الزفه فدوه لعينج استعجلي كملي الها
-وي فدوه للحلوه هاي خلصنه عروستاكم شايفين
كل الخير غير وحده تكول للثاني اني احلا.
ريام:: اي صلاوات على النبي هنه حلوات يلا خلي اخابرهم اكوللهم كملنا.
-لل4وصلت الزفه واكفات بالصالون ما اشوف
شي من وره الطرحه ادري بيهم همه وصو ريام
دخل فرات واني مندكه راسي رفعته من باسني
براسي ولزم ايدي وسط هلاهل البنات وصوت حسين اخذ ايدي وطلعنا حرارة ايده لازم ايدي
بقوه عبالك راح انهزم منه ساعدني اصعد رادت
ريام تساعدني ما قبل هو صعدني بس صعدنه
ومشت السياره درت عليه خفت ريام تاخذ على خاطرها.. ليش هيج هسه تزعل ريام اني ردتها
تساعدني.
فرات:: هههههه لا يروحي فهمتها خايف عليها
ما اريدها ادنك وهي لابسه كعب اطول منها
-هههههه فرات لا تقلد على مرت اخوي
همس
-اروح فدوه لصوتج
-اسم الله عليك
فاطمه:: وصلنا نزلنه وكعدنه النسوان ملتمات
هلاهل ويصفگن واحنه كضيناها تصفن فرات
كعد شويه وبعد ما شفته لليل زفو رحاب لبيت
عمي واني اخذني لبيتنا دخلت مدري ليش تخيلت
زوجته دخلني للغرفه ماكو نص ساعة واسمع صوت
الدفوف غير گلبي رتح يطلع من مكانه ولا عبالك
جنت مزوجه شعور حلو انك تاخذ الشخص اللي
تريده دخل وسد الباب وظل واكف بمكانه وكفت
ودموعي من وحدهن ينزلن فتحلي ايدي وكال
فرات:: تعالي فطوماتي تعالي يا فرحتي عمري
يانسمت ريتي يا اميرة احلامي يا سعادتي تعاي
-ركضت لحضنه مثل من جنت طفله ذبيت روحي بحضنه وهو شالني ويفتر بيه ويتغزل
ومن اجمل ايام حياتي جان يوم العمر فعلاً.
ريام:: تعبت تعب عود اتنسى وساعه اكل وساعه
نفسي ما تتقبل الاكل داومنه اني والبنات مهى
ومروى نروح سوه ونرجع سوه ما صادقت احد
ومن وره الحمل كل شويه بمزاج وجهاد يلا
حاير من دوامه للبيت ومرات يظل يم جديتي
الي وضعها حيل تعب وفاطمه بس طلعت سبعتها
رحنه اني وياها عليها انشوفها مرتين رحنه وراها
فقدت وما انطو بيها امل. كاعده وحدي انتظر
جهاد لل11بالليل وماكو دكيت عليه ما رد عليه
تمددت وماخذتني النوم فزيت على ايد انحطت
عليه لكيت مروى خوفتني من شفتها عيونه حمر
-شكو مروى ليش تبجين؟
- جديتي حسنه توفت......
