رواية تحت ظل السعف الفصل الرابع والعشرون بقلم ميار
:ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان ، خلوني انتِچي
ـــــــــــــــــ♕ــــــــــــــــــــــــــ
مروى:: جديتي حسنه توفت
ريام:: عزاا بعيني شتحجين انتي
-اي والله هسه جهاد خابر على ابوي كومي ريام حتى
نروح يم بيت خالي يم البنات راح يجيبوها للبيت ما
يصير ما نروح راح اروح اكعد تبارك وزياد واجيج ماشي
-خوش روحي هسه اني بس ابدل واجي وراج راحت
مروى واني حيلي يرجف انوب لزمتني بارده وكفت ارجف
سن يطگ بسن مدري انهبطت كوه غسلت وجهي واخذت
كلاص مي وكعدت اريد ارتاح وشكد ما رجفت بطني صارت
تمغصني خفت لا يصير شي للطفل كمت اريد ابدل ودخلت تبارك.
تبارك:: ريام زين كاعده اريد اسألج شنلبس ما عنده
لبس اسود او نيلي وما نكدر هسه بعد نرجع للبيت.
-اني راح البس جبه من رحنه للسوك اخذتها وانتن هم
ما عدجن جبب سود وشالات اني عندي اكثر من شال
تبارك؛؛ لا عدنه صدك راح نلبس جببنه الي نلبسها بالزياره
يلا بدلي وتعالي هاا ولا تنسين قفلي بيتكم من تطلعين.
-خوش هسه ابدل واجي روحي انتي تحضرن بين ما اجي
-ماشي
-كمت بدلت واخذت عبايتي وقفلت البيت ورحت لبيت عمي وصوت النسوان ليمنه احس گلبي مردنه من صوت
نعاويهن دخلت للبيت عمي لكيت البنات هم واكفات ينتظرني وزياد واكف بالباب بس وصلنه يمنه دار علينه
ويحذر بينه.
زياد؛؛ شوفن الي اسمع حسها اجرم بيها اولا حرام
يطلع صوتجن ابجن بسكوت حرمه راحت لدار حقها ما محتاجه بجيجن وجهاد بدون كل شي مفور
لا يطلع حس وحده منجن ويفيل بيجن يطلع قهره كله يلا امشن.
-مشينه وراه وهو كضاها غطن وجوهجن امشن عدل
ومدري هلناس منين جت انترست الساحه الگبال بيوتنا
توه دخلنا ونسمع صوت مره تعيط صوتها يخمش الگلب
طبينه للمطبخ وتلكتنه فاطمه عيونها منفخه وحمر سلمنه عليها واشرتلنه ندخل يم مهى كعدنه يمها حالها
يمرد الگلب تشهك وتبجي وتضرب على رجله ووضعها يقهر گابلنها البنات واحنه نبجي على بجيها و وفاطمه تحاول تهدي بيها بس هي حيل متأذيه على جده دحكت
الساعه بعدها 2بالليل كمت وره فاطمه بطني ملختني حيل
توجعني وكفنا بالطبخ اسألها.
-عجل فاطمه هي شوكت توفت
فاطمه:: بال12 متوفيه اصلا مهى من راحت الصبح كالت
حسيت بيها ما تشوفينه شكد متأذيه من كاعده وهي توصي بيهم بمهى حتى كايله لخالي جاسم اذا زعلتها
ازعل عليك ولج اني من خابرت فرات كال كعدت وتسولف ويا اختها وخالاتي بس سبحان الله لل11بالليل
وضعها تغير وماكو ساعه وسلمتها لو تشوفين الولد حالهم يقهر والجبير بركة البيت صدك هي طبعها صعب
بس والله يا ريام حنينه بس هي من كثرة دلال اهلها انوب دلال جدي الله يرحمها.
ريام:: ما ادري والله اني الصراحة ما شفت منها شي
بس كل مل اتذكر اذيتهم لابوي گلبي يوجعني وما اكدر
انساها الهم.
فاطمه:: اي حگج هو تره المشاكل كلها الصارت بسبب
الي سووه ويا خالي خالد. شبيج ريام شو وجهج اصفر
-بطني توجعني حيل من كعدت لهسه.
-عزاا خاف انهبطتي مروى كالت جنتي نايمه من خابرتها
-اي والله نمت تعبانه
-كومي تمددي ارتاحي بغرفة البنات عود من يجون اني
اكولج كومي ريام مو زين عليج لا يصير شي بالطفل
ريام:: هزيت راسي وكمت وين ارتاح واني گلبي يخمشني
من صياحهن ونسيت اسأل على هاي المره منو.
فاطمه:: راحت ريام تمدد انوب شغلت بالي عليها رجعت
يم النسوان اخت جديتي غير سوت عمل تنعي وتلطم خبلت مهى وگلبي وجعني من كامت تنعي على خالي خالد
كلنه درنه وجوهنه على الباب من دخلت ريام وايدها على
گلبها كمت بساع اخذتها وطلعت وهي كعدت بالكاع ساده اذانها وغير لو تسكت انوب زاد الطين بله من جابو
التابوب ودخلو للحوش طلعت اخت جده تركض كعدت
گبال تابوتها ونعاويها اكثرها على خالي رفعت راسها لخالي محمد وتگوله.
ولك يماا محمد امك راحت وهي بحسررت اخوك
ولك عيني خالدد ولج حبيبه رحتي وما شفتي طوله
ولكم تشكيلي على فراق وليدها راح وما شافته
اخيتي ااخخخ يا يمه راحت اخيتي وعافتني منين اجيب
اخيه بعد يمااا يولييي راحت عزيزتنه راحت الجانت
بس النه عزيزه وما فد يوم غثتنه راحت الجان ابونا
الما فد يوم نزل دمعتها ولككمم اخخخ شيطفي نار
الفاكده اختهاا شيعوضني وانااا الفاكدته بمكان امي
-كعد خالي محمد جرها ويهدي بيها بس وين ملخت روحها ورجعت حضنت تابوتها وادك عليه وتكول...
-چتلها فراك خالدد يا يمه يايمه عمت عيني عليك خاله ولج خيه ما تحملتي فراك ابو طول الحلو
اويلييي علييج خييه ولكمم بس هي ظلتيي من
ريحة اميي عمت عيني عليج يأم خالد يا يمهه
-سحبوها سحب هي وامي وخالتي سهام وكومن
البنات مهى ورحاب دخلنهن جوه اني وريام ظلينه
بالمطبخ مسحت دموعي من دخل فرات تلگيته
-البقيه بحياتك
فرات:: حياتج الباقيه عيوني اسمعيني فاطمه
عمر جابت مسواك الي كتله علي لو بعد.
-لا لا جابهن قصدك الريوك
فرات:: اي شي سريع باجر عرفه واكو ناس تريد
تتسحر تصوم على خفت ايديجن سولهم بساع
گبل لا يأذن يسندون افادهم بلگمه يلا عيوني
-اي تدلل خمس دقايق اصلا الجاي حاضر
-ديلا عيوني بس سريع ورانه طريق
فاطمه:: طلع واني صحت للبنات وركض ركض سوينه
اربع صياني للزلم وصياني اثنين للبيت كعدن بس جم
مره ياكلن وجده فرحه كومت اخت جده حسنه كوه
اكلت لكمتين وشربت الجاي سبحان الله ليلة عرفه
توفت اني والبنات كوه غصبنه نفسنه اكلنه لكمتين
وكفت اغسل المواعين بين ما تجي الصياني الباقيه
جت ريتاج تساعدني وعينها على الباب الداخلي ردت
دارت عليه وگالت.
ريتاج:: فاطمه ريام مدري شبيها شو ساكته وصافنه
بالنسوان وضعها ما عاجبني بس لان جده هدله نعت
على ابوها خايفه عليها لا يصير بيها شي.
فاطمه:: والله ما ادري ريتاج بس انتن حاولن لا تخلنها وحدها انوب بطنها توجعها مدري ادزها هي وتبارك للبيت
ريتاج:: ما اعتقد تروح وهم خاف عيب يسألن عليها النسوان عوفيها واحنه عينه عليها حتى اني جسمي
يرجف.
فاطمه:: روحي اكعدي خاف هبط ضغطج اني اكمل
هزيت راسها وراحت وكفت انتظر الصياني شويه ودخل
عماد وحسين جايبين باقي الصياني محد ماكل شي قليل
ماكلين حطوهن على السنك وطلعو مالهم خلك حتى يحجون وعزلت الاكل وجن البنات يغسلن وياي وبس أذن
صلو وطلعو يدفنون جديتي راحن وياهن بس خالاتي واخته
امي تعبت وخفنا عليها كعدنه احنه البنات محد بينه حجه
وبس نسمع صوت الحديد مالت الچوادر والولد رايحين
جاين وكفت اشوف منو من ولدنه موجود بس لمحت
زياد وعماد وحسين البقيه راحين لل 6الصبح انترس بيت
خالي وبس صوت النعي والبجي واكفه بالمطبخ اخدر جاي ودخل عماد دحك مستغرب گال
عماد:: شبيج خويا شتخدرين غير صيام؟
-خاف اكو ناس ما تصوم هسه گبل شويه جن نسوان
ما صايمات اگلك طبختو غده مو لان عيب اكو ناس
تجي ما صايمه.
-اي طبخنا عمي غير فرات فرنه فر وهذا حمدان مال
اگضبه وانعل خيره بعد ما دافن امه يكول لابوي على ورث
امه هو بدون كل شي كوه مصبرين جهاد وفرات بس لا
يفضحونه تالي ويكتلونه بنص الجادر.
فاطمه:: عزاا بعيني عماد لا تعوفوهم عيب من الناس
وانت تعرف اخوتك واحدهم چبريت استرو علينه.
-فاطمه وينج تعالي شوفي عل.....
فاطمه:: درت على رباب من دخلت وبس شافت
عماد استحت حتى ما كملت سالفتها وهذا عينه
صلفه ولا نزل عينه منها حان بيدي خاشوكه دقيته
بيها ورحت عليها واسأل بيها وهي كوه تجاوب.
رباب:: مو هاا علاوي مدري شبي تعالي شوفي يمكن
خايف وما يرضى يجي يمي وبس يبجي تعاليي.
فاطمه: لس حجتهن مشت وخلاتني واني عفت عماد
ورحت ركض للغرفه واشوف علاوي لام روحه بالزاويه
ويبجي جيت يمه احاجي.
-يمه علاوي شبيج عيوني انت ليش خايف
ل يأشر خايف حطيته بحضني وهو جر شالي وغطى وجهه شويه ونام حطيت على الفراش وطلعت صوت
النسوان وكفنا بالمطبخ وعلى صوت نعاويهن كلمن
اتذكر جرح گلبه اغسل بالستكاين ودموعي تجري
سوده بوجهي تذكرت حارث وينمرد گلبي حطيت
الستكانه وامسح عيوني وصلو الدفانه وبس دخلت
جده هدله وتلكنها النسوان لطمت لطم ما صاير حالها
يمرد الگلب سحبنها ودخلنها للغرفه كعدت بالكاع ما ظل
بيه حيل حسيت جن توه دافنين اخوي وتؤم روحي جن
البنات وتگالبنه نبجي بنات خالي محمد على بجينه يبجن
رفعت راسي على طبت فرات هو وجهه مخنوگ وانوب
شافنه هيج تخبل وهرن خواتي واني شفته زرفت گلبي
العبره وهو كعد ثنى گبالي ومسح دموعي يعرف البگلبي
فرات:: كومي فطومتي كومي ابوي انتي هاي انتي
الجبيره خواتج يدحكن عليج راحو يم رب كريم
رب رحيم اريدج قويه وامج تحتاجج هسه انفتح
جرحه بجرح اكبر الام صعبة روحت الام ضياع
-گالها وغص بعبرته عبنه يعرف فقدان الام مسحت دموعي والبنات كلهن واكفات وكفت يمهن وهو يوصي بينه دار عينه ورجع عليه حجه بستغراب.
فرات:: عجل ريام وين؟
فاطمه:: التفتنه كلنه وحده دحك على الثانيه وبنات
خالي محمد ارواحن راحت طلعن من المطبخ يدورن بالغرف واني وياهن ما لكيناها طلعت بالحوش ادور
عليها وفرات يفتر وراي يمسي ويحجن على صوت النسوان رحت بالممر لكيتها كاعده حاضنه رجليها
-ريااام
رفعت راسها عيونها مورمه كعدت يمها جريتها لحضني
وهي تشهك من غمج گلبها يابه غير مردت گلوبنه فرات
بس سمعها عافنه وراح كومتها ورجعنه للبيت والبنات
رباب وريتاج اخذنها مني وشكد ردنه منها تفطر ما قبلت
اخذنها ودخلن لغرفة البنات.
ريتاج:: كعدنه يم ريام بس تبجي رباب راحت تعاون
البنات واني ظليت وياها وللمغرب هي دمعتها ما وكفت
دارو الفطور وهي بالتواسيل اكلت جم لگمه وكامت
وكفنه اني ورباب حايرين بيها انخاف عليها انوب حامل
وهي بس تنقهر تصخن گالت رباب.
رباب:: شنو رائيج اخابر وسام من موبايل امي وناخذ
ريام ونرجع للبيت حتى لو بس انتي وياها واني بعدين اجي
-خاف عيب دشوفي فاطمه شتكول والله احسن شي
وبس لا رجلها ما يقبل مو وكتها لان اذا اتظل هين تموت
-هسه اشوف فاطمه واذا رضت اخابر وسام يجي ياخذنه
-راحت رباب واني ظليت كاعده وريام ولا يمها دخلن البنات وحتى مهى كعدت گبالها حاولت وياها بس ريام
لا تصد ولا ترد جت رباب مستعجله جابت عباياتنه وگالت
رباب:: يلا امشن وسام ينتظرنه بالباب وبنات باجر
من الفجر نجي واذا احتاجيتن شي موبايل امي يمنه
مهى:: لا روحن اهم ديرين بالجن على ريام احنه
كومه اهناي لا تهتمن وريام گوي نفسج انتي حامل
مو زين عليج وگلنه على هذا الطريق.
ريتاج:: هزت راسها واحنه گلنه ندري ريام تبجي على
ابوها اخذناها وطلعنه بس وصلنه الباب اشرلنه نمشي
وراه وصلنه البيت وعافتنه ودخلت وسام يدحك عليها
وسام:: هاي شبيها خاف بيها شي وانتن ما تحجن
احد غثها ريام تمشي بدون وعي شسالفه ما تحجن.
رباب:: لا بس هي من سمعت البجي والنعاوي على
ابوها وهي هيج لا تسولف ولا تاكل وبس تبجي تمرد الگلب.
وسام:: اخخ وسفى والله وسفى واحد مثل عمي خالد
جو التراب والي گتلو يشمون الهوى بس اخخ لو نعرفهم
ريتاج:: اهاا عاد نخلص من جهاد وفرات تجينه انت اسكت لا يسمعك ابوي وهو هسة مقهور لا تزيدها عليه.
وسام:: انجبي ولج هذا عمنه مو جبناء احنه حتى
نسكت عن حق ودم عمنه بس الله كريم يجي يوم.
ريتاج:: عافنه وطلع مفور والله يلا الله كلها تذبح وتصلخ
الله يعينك يا يابه منين تحلها ومنين تلزمها طبينه للبيت
لگينه ريام مدده مدري نايمه لو لا غطيتها وطلعنه بالحوش
رباب:: الله يرحمه جده والله انقهرت عليها تدرين
-شنوو
-من عرس جهاد والله حسيتها مو طبيعيه وباخر الفترات
شفتيها مو مثل گبل تدخل وتسولف بس كاعده وادحك.
ريتاج:: هو يگولون الميت يدري بروحه گبل اربعين يوم
يدري يريد يموت يجوز حست بنفسها وسكتت مو بالله
-انجبي ريتاج هاي شدخلها ولج ريام وجهاد راح يصيرلها
جريب الثلث اشهر او همه ثالث يوم العيد هي هسه
صارلهم شهرين عدل سبحان الله باجر عيد واحنه حزنانين على جده صدك شفتي عمه بلقيس تفاجئت جت
ريتاج:: صدك ولج يابه شلون هيبه والرزانه شفتيها
حتى بجيها مال اكابر ومثقفين مو مثل خاله امل ولج
كل ما اشوفها تبجي تلزمني الضحكه بجيتها ومن يهتز
جسمها يذكرنه بالمنشف الغساله من ما يشتغل عدل
-هههههههه طاح حظج اي والله ولج لا تضحكيني ريتاج
هسه يجي ابوي وعيب منه وانوب تلزك براسي اخاف
اشوفها واضحك غير نتخزه والله امي تكتلنه جدامهن
ريتاج:: عمي شحجيت والله صدك يلا اني اروح اصلي عشه وانام وانتي انتبهي على اختج كل شويه شوفيها.
رباب:: دولي روحي نامي شريد منج اني انتظر ابوي
والولد خاف يحتاجون شي وهم خاف تكعد ريام
-خوش Good night
رباب:: دولي روحي وانتي من اهلو
-راحت ريتاج تنام واني ما جتني النومه لل10ونص يلا جو
ابوي والولد تلكيتهم سوده علي ابوي وجهه تعبان والحزن
مخيم عليه بس سلمت عليه عافنه وراح يرتاح بغرفته.
وسام؛: اكول رباب ريام شلونها هم حجت اكلت
-لا والله من جينه لهسه هي نايمه والله حيل خايفه عليها
حسين:: هيج متأثره على جديتي عمي صدك انقهرنا عليها بس شسوي احسن الها ارتاحت من هلدنيا.
-دحك عليه وسام بنظره سكته هز ايد وطب للاستقبال
مدري شعاجبهم بيها نومهم كله بيها حتى حسين تزوج
وما فاد من رجع من دوامه گبل على الاستقبال ينام
ظليت افتر حتى الجو يخنگ توضيت وكعدت اقره قران
بديت خمته لجده ما حسيت بالوقت الا من اندك الباب
دحكت على الساعه ب12 حرت افتح الباب لو اكعد الولد
طبيت اكعدهم ولا يمهم عفتهم وطلعت وكفت وره الباب
وصحت.
-منوو
جهاد:: اني خويه
-فتحت الباب واحجي وياه من وراه
هلا خويا تفضل
جهاد:: احمم شنو خويا ما عدكم. جلاب تفتح الباب شكو
انتي تفتحين المهم خيتي بلا امراً عليج ما تصيحين مرتي..
-هاا مو شسمه
-شسمه؟ خيتي كوليلها جهاد ينتظرج بالباب
رباب:: حرت شريد اكوله هو خلگه ضيگ خفت يتعصب
-جهاد
جهاد:: ها خويه شبيج صار شي ريام بيها شي تره قلقتيني.
-ريام تعبانه اليوم من شافت البجي والنعاوي على ابوها
وضعها تعب وبطنها جانت توجعها وهي انت يجوز بعدك
ما تعرفها هي من تنقهر تصخن حيل ومن رجعنه هي نايمه.
جهاد:: زين شلون خويا ما تكدرين تصيحينها اشوفها
يظل بالي بس اشوفها وخلي تظل يمكم.
رباب:: هاا مو نايمه والله بغرفتنا وريتاج نايمه يمها
جان خليتك تشوفها بس مو لان نايمين بس تكعد اكوللها
تخابرك.
جهاد:: شتحجين انتي وين افوت لا بويا قصدي تجي اهناي
يلا من رخصتج يابه وبس تكعد خلي وسام ينطيني خبر.
-اي تمام
راح واني طبيت يمهن شفتها نايمه تلمست گصتها حاره
عرفتها تصخن تمددت واني حافظه من سورة مريم واتذكرت اني سامعه يقرنها على بطن الحامل حطيت
ايدي وهل حافظته من السوره صدقت وغطيتها ونمت.
تبارك:: كعدونا من الفجريات نروح لبيت خالي جاسم
صوت التكبيرات العيد والجو بعده توه يكشف صوت
الديوكه والعصافير بس من وصلنا بين خالي ادحك الحزن
مخيم طبينا لكينه فرات واكف ويحاجي جدله هدله وخالاتي وبصوت عالي حتى الكل يسمعه گاللهن.
فرات:: يا جداتي وعماتي ادري بحزنجن بس هذا
امر الله لا اعتراض على حكمه رجاءاً بدون صوت
مهما يكن اليوم عيد ومو جائز الحزن بي الاريده
منكم ما اكدر اكوللكم لا تبجون بس سالفة النعاوي
بطلنها اصواتكم بنص الزلم واليوم عيد ابجن بس بسكوت واضح كلام دعولها بالرحمه راحت من جيسنه كلنه ومو هينه علينه بس احنه اهل ايمان
نرضى بقدر الله والحمد لله على كل حال ونسأل الله
ان يجعل قبرها روضه من رياض الجنة.
-اللهم امين.
فرات:: يلا من رخصتكم اروح الحك بصلاة العيد
امنه:: الله وياك يمه
تبارك:: راح فرات ودرت لكيت فاطمه ادحك عليه وسارحه حطيت ايدي جدام وجهه غمتني وطبت
طبينا وراها وصدك بعد محد منهن نعت بس صوت خالاتي يبچن اووف والله گلبي مردنه كافي بچي
مروى:: انجبي تبارك غير امهن هي الام تتمرض تاخذ
الروح شلون لو بعد ما يشوفنها والله حتى اني نقهرت عليها اني احبها لجده حسنه الله يرحمها ويسكنها الفردوس.
-امين هو شحجيت ديلا امشي نروح يم البنات
سلمنه على البنات ورحاب واكفه وتحجي ويا
عمتها سألتها على البنات كالت بعدهن بالبيت
كامن يصلن صلاة العيد وكفنا كلنه صلينه واني
بس خلصت وكفت بالمطبخ حتى فاطمه تروح تصلي
واكفه واسمع صوت هوست الطبخ شويه ودخلن البنات
كمت تسلامه وريام وجهه نار حضنتها خايفه عليها وهي
بس تدفع بيه
ريام:: ولج خنكتيني على كيفج شنو مسافره
-غير خايفه عليج يولي سوده بوجهج ريتاج
ريتاج:: وجهج وياي اكول نتعايد لو ما يصير
رباب:: دوخري ولج شنو ما يصير غير عيد من شعائر الله
واجب نعايد ونهنئ المسلمين حتى الحزن بي ما يصير
كل عام وانتي بخير تبوكه گلبي
تبارك:: حياتي رباب وانتي بخير ان شاء الله
انتي واختج واخوتج كلكم عرايس وعرسان.
ريتاج:: وانتي بخير وان شاء الله انتو هم مثلنه
-بدون كل شي لزمتنه الضحكه وريام تغم بينه وتسكتنه
وهي مالها خلك ضربتنه وكعدت بالمطبخ تعبانه وجهه
احمر من الصخونه واحنه غير لو تروح الضحكه چلبت
بس من دخلو خوالي وابوي وياها وراهم فرات والولد
طلعن البنات عايدن ابوهن جت فاطمه والبنات هم طلعن
وريام كوه كامت وطلعنه نعايدهم وجوهم بدون ضحكه
وكفنه على صفحه جن خالاتي يعايدن اخوتهن ادحك
خالي محمد شابك ريام لصدره ويعايد بخواته خالتي
بلقيس اول مره اتشوف ريام شهكت من نص گلبها
ريام ما تعرف ظلت صافنه بوجهه وخالتي جرتها لحضنها
وتبجي بحرگه وصوت وخلت الكل يبجي على بجيها حتى
خالي محمد جر اشماغها على وجهه ويبجي وهي ما على
السانها غير.
-يماا يا خالد يا يماا
تبارك:: كلنه خفنه على ريام صارت تشهك وتبجي وبس
تريد خالتي تعوفها مدت ايدها لخالي محمد وعمتي امنه
ندسته حتى ينتبه وخر اشماغه من وجهه وسحبه وخالتي
ادحك عليه وريام شبكت خالي بقوه وتصرخ خلتنه زلم
ونسوان نبجي حتى ولد خوالي اول مره اشوفهم يبجون
ريام:: يا يابه عمت عيني عليك يابه لك عمو كتلوو
جدام عيونيي ومن البارحه ينعون علي مردو گلبي
يا يابه اخخخ يا يابه ما لحكت عمي ما لحكت حتى
ابجي عليه ما خلاني عمي ما خلاني البس علي اسود
ماتت روحي عليك يا عيوني يا يابه ريتني عمو ريتني بمكانه زرف گلبي اخخخ يابه اخخ.
تبارك:: يا يابه غير احنه الي اتزرف گلبنه خالي محمد
ما كدر حتى يحجي شبكها وكوه كوه على نفسه كدر گال
محمد:: كافي بابا كافي مو زين هيج تقهرين ابوج
هاا ريام بنيتي القويه شحجيت وياج ذيج المره هاا
يابه كومي اليوم عيد كافي بس تفض الفاتحه اوديج
تزورينه والله يرتاح گلبج يبعد گلبي بنتيتي انتي.
ريام:: كوللهن عمو كوللهن لا ينعن لا ابوي ما يستاهلن ينعن عليه أذو همه وهسه مقهورين
عليه يزيدن ناري عمو والله يزيدن ناري من اسمعهن
محمد:: هاي هي عمو والله بعد ما ينعن بس انتي
لا يصير بيج شي لخاطري عمو مو زين عليج يلا بنيتي
كومي ويا عمتج والبنات يدحكن عليج يلا بنيتي
تبارك:: كومنها عمتي امنه والبنات للبيت وانقهرت
على خالتي بلقيس ظلت ادحك وراها اخذها خالي
على صفحه مدري شيحاجيها وهي بس تهز راسها
مسحت وجهي من الدموع وادحك على خالي حمدان
بيده الجكاره ولا عبالك يدخن وعينه على خالي محمد
والله لو بيدي اغمه دخلنه جو وبدات الناس تلتم انترس
البيت نسوان واحنه يا ودي مي يا ودي جاي انكسرت
ظهورنا للعصر جو بيت السيد محمد بس مرته تلكتهم
عمتي امنه ادحك امي ندري بيها صارت بعالم ثاني ما تدري
لا بالرايح ولا بالجاي بس العجبتني نسرين كاعده وصافنه
مدري شبيها وعمتي امنه هي الي حارت بالخطار بيت السيد ما ظلو كعدولهم ساعتين ومشو واحنه ظلينه
نتراكض بالفاتحه ثلث ايام لحد ما خلصت يلا رجعنا لبيتنه.
مهى:: وفاة جديتي حيل اثر بيه شكد جانت مرات تقهرني
بس باخر فتره تعلقت بيها اسبحها من تتعب وانام يمها
ادحك مكانها فارغ وفرغ اكثر من كلها مشت لبيوتها
من عماتي وبيت عمي محمد حتى رحاب رجعت لبيتها
صدك يجن مرات بس من يرحن عبالك ياكلني وامي من
فاتحة جديتي وضعها ما يعجب كاعده وحدي لازمه ملزمتي
وادرس دخل فرات وبس شافني ابتسم كمت تلگيته وتوه
احضنه انسحب دار وجهه فاطمه واكفه وهو ضحك گالت
فاطمه:: هاا هاا اعوفك دقيقه الگاك تحضن خواتك مو كلنه ممنوع وخر وخر اني احضنها بمكانك
مهى:: ضحكت على سوالفها گتلها.. شنو تغارين عليه
مني يابه تره هو اخونه گبل لا ياخذج تريدين تاخذنه مني
فاطمه:؛ يولي خلينه اصحاب وحبايب الا زوجي
ما عليكم بي الي وبس ولا شتكول ابو علاوي
فرات:: بعد كلامج ماكو كلام شحدها تخالفج
مهى:: ياااا والله ما صوجك ياما ياما داريتك هسه
بس جت فطوم نسيتنه جنه احنه الغالين هسه بعتنه
فرات:: شحدي بنتي انتي تعالي من قربان لهلوجه
فاطمه:: عمتي وين
-راحت لبيت اختها بس اني بالبيت
فرات:: عجل دكعدن غيبن بالناس بين ما اشوف ابو الجود وهم اشوف ابني الدايح مدري وين راح من الظهر
فاطمه:: خوش گلبي
فرات:: يبعد روحي هل وجه
مهى؛:طلع فرات واني درت على فاطمة احاجيها
-ولج شمسويه باخوي اول مره اشوف هاي الشخصيه
فاطمه:: هاي بس وياي تطلع وين تشوفينها
-هههههههه هم صدك
مهى:: كعدنه نسولف على البنات وشوكت نروح نزور
شوية ودخل عمر مستعجل جفلنه اثنينه وهو اعصابه
نار وصوت فرات عالي طب عمر للبيت وطلع بيده سلاح...
