رواية هو لا يشبههم الفصل الرابع والعشرون بقلم تبارك الوائلي
يالمخليني أحِبّ الدنيا
حِبني آكثر
انا بعيونك التميت
وچنت مثل الهوى مطشر
حلاتك ماجزتني
منين مااصدلك حِلم يكبر
چنت كُلش بسيط
وفوضوي وتعبان
ماچنت ادري هيچ اليحب يتطور
الناس تگلي شو كبران ؟
مايدرون انت الچنت
أدور عنه بين الناس حَتى أصغر
أيهم : وجهت السلاح عليها هيه خافت و كالت شكو
كلتلها اكعدي سلامتج كعدت وهيه مصفره وترجف
همست برود شنو خاله رمز لمبايلج كالت اي ليش
غير افتهم انتي الي
ليش خاله رمز اكو بي مصايب كالت لا مو تعرف البنات يلعبن بي وبي صوري هاا زين افتحي اليه
كالت ليش ايهم شكو ، كتلج افتحي غير اعرف ليش افتحه ، ها تردين تعرفين مدام كلتتتتتت افتحي انطيني صاحت بخوف ، لا لا مانطي ضمته بصدرها جريتها من شعرها وكلتلها طلعي احسن الج لان عرفت الي بي تره عرفت ففتحي احسن ، فتحته وديها ترجف اني الرقم حفضته على الغيب من صدمتي بيها دكيته بمبايلها طلع وكاتبه عليه اسم اختها وكاتبه عليه رقم 2 كلتلها ،ر شيسوي هل رقم عندج بقت تبجي وتبرر ماعدها شي ومره صدفه داكه علمود اخته وحاجيه اختها من مبايله
صحت كافي وباعي شكلج تسوين بدون ولا حرف تكومين تلمين كل زبالتج وهسه اخابر اختج تجي تاخذج وهاي الورقه الي بصمتي عليها راح اكتب الي يعجبني واورطج بيها لان توقيعج عليها اي شي اكتبه يمشي وره توقيعج احسن حل الج تتنازلين
عن كل حقوقج ، سكتت وافقت تتنازل دكيت على
اخوها وفتحت اسبيكر وكتله ، شوف انت ابن خالتي وماكدر احجي كدام العالم بالشي السوته اختك بس علمود بناتي راح اسكت لان ماريد بناتي يتعيرن بامهم راح اسكت لخاطرهن واختك راح ادزها هسه الكم وفعلا سديته وراحت بحال سبيلها وتنازلت عن كل حقوقها ماخذت كشه من اللبيت والذهب من كل شي جردتها وتستاهل اكثر بس بناتي وكفن بعيني وسكتت ومسويت اكثر وتعرفين بنتي الصغيره هنا عد محمد ابن خالتي مربيها تدرين هاي ماجنت قابل تنطيها تخليني اروح للدوام ودزها
الهم لان تتعاجز تربيهن سوه وخلت الطفله تتعلق بيهم جمانه اني كلبي مجوي من الخيانه والمبايل ليش ماردت منج تنزلين برامج التواصل الاجتماعي لان ماريد ينعاد نفس الغلط بحياتي ولو اني اعرف اصلج ومعدنج شنو وعندي ثقه بيج بس اريد اتحذر بحياتي الجديده ماريد اعيد نفس الغلط الي صار قبل اني اعرفج شنو انتِ جمانه مره شفتج بالسوك انتِ وطيبه بس بوقتها انتو ماشفتوني هل حجي
بعد وفاه بسام وبعد طلاكي شفتج تمشين بالسوك اباوع عليج شلون منزله راسج بكل ادب وشلون تمشين بثكل ، جمانه اني من احجي الج من حرصي لان اعرف معدنج شنو انتِ من جان مسجون بسام وانتِ بعمر المراهقه حافضتي على نفسج وصنتيها وانتِ بهيج عمر الي اكثىطر البنات ينحرفون لان ماعدهم زوج وبقيتي اطبين وتطلعين بشرف
واخلاقج ورغم كل الي سواه بسام وياج مانزلتي راسه بيوم .
جمانه : لا ايهم اني اول شي احط الله بين عيوني وثاني شي ابويه حبيبي ميستاهل يوم انزل راسه لان رباني ودللني وما احب اخون ثقه ابويه بيوم ابد لو عندي نقص كل الدنيا .
ابتسم الكلامي وكال
أيهم : خليها بالج عندي علاقات بنسوان بكد شعر راسي هيه الوصلتني الهاي المرحلة هيه الي خلتني اكثر من الف مره خاينها من كمت اشوف القصور منها والاهمال و هسه اتمنى وياج حياتي تختلف وتصير
غير والاهم توبيني على ايدج جمانه بداعت ابوج توبيني من النسوان .
جمانه : هوه يحجي واني نخبطت عندي مشاعر الخوف بانواعها أيهم طلع داهيه وخفت حيل من
طريقه تفكيره يعني يطلع حقه ويحارب بطريقه تشل العقل ضحكت على اخر كلامه وكتله .
:- ها زين والله تعترف انت ابو نسوان .
أيهم : اي هو هذا الي اريده كسري حاجز الخجل الي عندج واحجي ويايه براحه ولو اني اموت على الخجوله بس خلي اطمنج ان شاءلله على ايدج ماكو بعد نسوان عوضيني انتِ حبيني وخليني ابيتي شبعان وترسي عيني بهتمامج الي .
يحجي وغمزلي وكمل كلام وكال .
:- والله مادور بعد ابد ولا اكل شي بره اذا انتِ
ترستي عيني .
جمانه : ابتسمت وهزيت راسي بقبول هوه فرح الابتسامتي وكال .
أيهم : يااا مو كافي حجينه هواي اليوم وضيعتي الوقت عليه .
جمانه : اي مو ردت اعرف بس سبب طلاكك .
أيهم : هسه عرفتي بس محد يعرف من اهلي ولا
حتى انهار ولا اريد احد يعرف علمود بناتي تحفضت بالسالفه جمانه داتفهمين عليه مو .
جمانه : اي أفهم حقك والله محد يلومك .
:- فديت العاقل والفاهم اني .
سوه هجمه مرتده ،
وووووووووو ووووو
وكعدت الصبح ياربي جسمي كله مكسر عبالك
جنت طالعه عماله تعبانه حيل كمت وراسي مصدع باوعت بلـ 10ونص حيل معقوله هيج وقت ابقيت نايمه قصص ماي هوبس
حتى جهالي بعدهم نايمين ويانه ، معقوله اني هيج تعبانه لان مامتعوده على هيج شي اكيد متقبل غلط رحت سبحت وبدلت وخليت مكياج خفيف لان ايهم كال المكياج الخفيف احلى عليج ياا اباوع ياربي كل ماتقل الاثار مني يزيده ايهم ويجدد اشلون اروح لاهلي هيج لازم ماذب الشال ابد رحت سويت ريوك وفتحت قران بالبلازمه خطيه بالي كواكب هسه اشلونه رحت دكيت على حميد ابن خالتي سلمت عليه وكتله اريد احجي ويا كواكب كال
" اني طالع بالسوك من ارجع انطيها الج .
" تسلم وسلملي عليها هواي .
سديته واجه ايهم كل معتاد خطفله بوس.....ه وكال .
أيهم : صباح الخير حبيبتي .
:- صباح النور .
:- ميت جوع و مشتهي مخلمه هديتي حيلي البارحة .
:- يااااا ، اني شعليه .
:- لعد ابويه عليه .
:- خلي اروح اسويلك ريوك .
بس اريد اشرد منه يعني اذا ماكو سوالف تعبانه
اكو حجي تعبان من ستاذ أيهم كال .
أيهم : اوكف دااكلج .
:- هاا .
:- اكولج اذا واحدا عنده هيج كيك ككو وحليب شيسوي لازم .
يمه متتت من كلامه حسيت خدودي بوخن وصارن نار ضحك بصوت عالي وكال .
أيهم : بنتي الكيك مينعاف لازم ناكل منه لحد منشبع
عفته وفلتت لا هذا كلش فالت وميستحي صاح ورايه .
:- تعالي لتستحين تعودي تره اني واحد مايستحي والي بكلبي على الساني اتعودي يابه تعودي عليه ابوس خجلج اني .
جمانه : رحت سويت ريوك وكعدو الجهال ايهم شال مليكه وجابها بالصاله وتريكتنه رحت اغسل المواعين وهوه طب يسبح اجيت فتحت البلازمه للجهال اجه
هوه لابس ومتعطر عبالك رايح يخطب كال .
أيهم : راح اروح لسوك اسوك تردين شي .
:- سلامتك ربي يسلمج اليه تدرين اول مره اطب للحمام والكه ملابسي محضره .
:- ليش ؟
:- لان اني متعود اطلع الملابس النفسي بايدي مو مثلج هسه طبيت لكيت كل شي كدامي .
ابتسمت لان اني سويتها بعفويه وطلعت شغله زينه كام أمير لحكه وكله .
:- عمو اروح وياك .
:- يله تعال راح اخذ اموري جمانه .
:- اخذه الله وياكم .
طلعو و رحت انضف البيت وعطرته لان لكيت كميت المعطرات والديتول كله مسفط بالرفوف الحمام اشكد اله واهس بالنضافه كملت شغلي وسبحت وكعدت اني ومليكه انباوع بالبلازمه اجه ايهم وامير
اموري مكيف مشتريله مسدس وفرحان بي نزل المسواك جايب سمجه شوي وجايب لفات المليكه وامير لان يعرف مياكلون سمج وكال .
أيهم : جمانه حبيبتي مااحب السمج يبرد تعالي نتغده بالاول بعدين عزلي المسواك بس جيبي التمر طلعي من المسوالك لان متعلم اني اكل تمر وره السمج .
أيهم : جمانه بروح خالج كصكصي ركي .
جمانه : صار ، رحت جبته ماعون اله وماعون لجهال لان اعرف امير ياكل على كيفه .
امير : عمو اريد مبايلك العب بي .
أيهم : لا ميصير تلعب بموبايلي حبيبي .
التفت عليه وكال .
:- جمانه العصر من اطلع راح اجيب تاب المليكه واخلي بي العاب تلعب بي هيه وامير بس مو تتعاركون عليه .
:- لا عمو منتعارك .
:- عفيه سباع انت من تنام مليكه تلعب بي واذا انت نمت مليكه تلعب بي واذا اثنينكم كاعدين تلعبون كل واحد لعبه زين .
:- اي اي عمو زين .
:- اموري انت ليش متكلي بابا اني عمك و ابوك .
:- لا انت عمو اخو بابا واني احبك .
:- اني هم احبك بس كلي بابا احسن .
:- لا اني مااحب بابا احب عمو .
:- يله براحتك عمو عمو بس لتعصب .
:- لا ماعصب اني مثلك حباب عمه طيبه تكول بابا عصبي ويضرب نور وطارق واني مااحبه احبك انت .
:- لا ميصير تعيد كلام الكبار عيب عمو حبيبي اني هم احبك والله وان شاءلله اصير الكم اب وعم وسند يله روح جيب العابك من جوه والعب هنا انت ومليكه وباوعو على البلازمه .
:- مو ماما متقبل هنا اجيب الملاعيب هنا .
:- شعليك بماما اني جاي اكلك انطلق حبيب عمك .
جمانه : ايهم وين يلعب هنا تره امير مينعطي وجه راح كل يوم يجيبهن بصاله ويلعب ويكلبه كلاب علينه .
أيهم : اي وخلي يكلبها كلاب عادي قابل اذا جانت امه مشغوله .
غمزلي وكال .
:- حقه وين يروح الولد .
جمانه: يا ايهم شكو .
أيهم : شنو شكو من الصبح بالسوك اسوكتلج وتعبت ماكو تعويض .
جمانه : لا عفيه .
:- ابد ماكو عفيه يله تعالي اشوفج شي جوه كومي ولج .
أيهم : اي اي يا بعد عمك فديتك انت وامك شفتي هوه يكلج روحي شوفي عمي يله امشي لتضوجيني .
مجذب خبر أيهم سحلني ورا جوه ووووووووو سبح وطلع يضحك وكال .
:- ها اشبيج شكو تعودي تعودي حبيبتي محد
كلج ازوجي .
:- ها مو هيج أيهم .
:- لعد شكو متزوجين يول.
جمانه: يحجي ويضحك عليه شفته يبدل كتله .
:- راح تطلع .
:- ليش حبي تريدين ابقه يمج عادي ماطلع ابقه
يمج بس كولي أي .
:- لج بابا تعودي عليه ولتخجلين مني و لا ماطلع اريد اشبع من عروستي واكعد يمها شعندي طالع يله راح اروح يم الجهال اكعد سويلنه عصير وتعالي يمي .
:- اي صار .
رحت سبحت وتعطرت وسويت عصير وديته الهم صاح .
:- تعالي هنا بصفي .
انطيتهم عصير وكعدت بصفه وكتله .
جمانه : دكلي على نور وطارق اريد اعرف اخبارهم .
أيهم : صار عمري .
دك عليهم وقبل ليفتحون خط كال .
:- جمانه هذا العطر مو قوي حيل الي عايفته خلي من عطري بعد .
:- ليش شبي .
:- اي واذا حجيت عادي خلي يتعودون عليه تره هذا طبعي ماكدر اغيره عمري انتِ .
ضحكت بصوت صدك ميسيطر على تصرفاته وعنده كلشي عادي كال .
أيهم : والله اشبيج تضحكين تردين اتصنع وياج لا مااحب اتصنع خلينه على طبيعتنه احسن ما ازيد عليج .
جمانه: لا لا عفيه هههههه .
أيهم : لعد اسكتي لتعلقين على كلامي احسلج ليش اطلع أيهم الوحش واكلج .
جمانه : هههههه كافي ماعلق والله بعد توبه .
أيهم : فديت هل ضحك اني اضحكي ليش عيونج بيها حزن جمانه انسي حياتج الي عشتيها ويا بسام الله يرحمه انتِ هسه زوجه ايهم اعتبري نفسج اول زواج الج هذا ونسي كل شي عشتي انتِ نجرحتي بحياتج واني هم انجرحت بحياتي انتِ محتاجتني اعوضج عن الي شفتي واني هم محتاج تعوضيني خلينه نبدي سوه من الصغر وننسه الي مر علينه
سوه صدكي لتشوفيني اضحك واشاقه عبالج مرتاح لا جمانه اني اريد انسه واعيش حياتي من جديد.
جمانه : حقك أن شاء الله اكدر اعوضك وانسيك .
أيهم : جمانه حبيبتي الرب واحد والعمر واحد لازم انعيش حياتنه بكل تفاصيلها .
:- ان شاءلله يارب .
:- هسه سمعتي لازم اشيلين حاجز الخجل وتتعودين عليه وتناقشيني بابسط تفاصيل حياتنه اني ليش ردت نبقه وحدنه شهر لان اعرف راح تخجلين من نور وطارق ومتكدرين تتعودين عليه اني اريدج تتعودين عليه وتحبيني و تتعرفين عليه اكثر بحريه ومن حقنه هل شي جمانه اثنينه نحرمنه من كل الاحاسيس انتِ زوجتي بسام وامه واخته ويا ومافهمتي اي شي من عرسج واني هم مثلج بيت خالتي كلهم جانو عايشين يمنه ومااخذت راحتي الهل سبب خليت نور وطارق يم بيت جدهم لان اثنينه لازم انعيشه سوه ونتعود على بعض اعرف انتِ ضايجه عليهم وحقج اطفالج بس لازم تنطين حق وفرصه الحياتنه الجديده .
:- ان شاءلله الي تريده يصير .
:- جمانه ردت اكلج على شغله ام دينا تبقه ام بناتي توقعي يجي يوم تتواصل ويايه علمود بناتي ماريدج تضوجين لان بينه بنات ولو اني هسه مااعرف اي شي عنها غير مسافره لسويد هيه ودينا بس راح ترجع بس يخلص علاج زوج اختها .
:- ان شاءلله ترجع وشوف وتشوف .
:- ان شاءلله يارب الله يسمع منج فديت الحنينه
على زوجها .
:- شو اليوم ماطلعت .
:- مو كتلج ماطلع بيوم الجمعه كله الج باجر سبت عطله و الاحد اروح للدوام .
:- يعني اني اروح الاحد يم اهلي .
:- زين مو اني اخاف ابقه بالبيت وحدي اني والجهال .
:- لا متخافين راح تتعودين واني هم ادك عليج وابقه وياج على الخط جمانه لازم تتعودين هذا نضام دوامي هيج .
:- هاا ، ان شاءلله ايهم الاربعاء يصادف السبعه مالتي هم اسوي شي لو ميحتاج اخاف اهلي يجون .
:- اي ليش لا سوي الي يعجبج واني باجر السبت
من اطلع اجيبلج كيك وببسي خلي بالثلاجه لان اني اجي الاربعاء وره الضهر وتعبان فـ باجر احسن اجيبه الج وروحي انتِ يم انهار بالصالون اذا تحبين روحي عليها البيتها وتاخذج وياها للصالون واني ارجعج للبيت من تكملين .
:- اي عاجبني اروح .
:- اسوي عشه .
:- يله روحي .
:- ماما اجي وياج .
أيهم : لا حبيبي اكعد يمي نباوع على البلازمه .
:- عمو انت عايفه على الاخبار .
:- والله عمي حقك هسه احطلك كارتون .
:- اي اريد اشوف كارتون .
أيهم : تعال حبيبي اكعد شوف مليكه اشلون عاقله.
امير : لعد و اني .
:- انتَ هم عاقل وبطل .
عفته يحجي ويا امير ورحت سويت عشه الهم ياربي اهدي على جهالي وحببه بيهم باوعت ايهم جايب كبب وبركر سويت شويه واجه كال .
أيهم : جمانه وينج .
جمانه : ها عيني .
أيهم : شنو ها عيني شنو كدامج بابا كولي حبيبي بعد .
:- هاا اي اي .
:- شنو جمانه كولي اي حبيبي .
:- احم أي والله.
:- لج شنو اي والله اني محلفج وما ادري احجيها عاد .
:- أي أيهم اني اكولها .
:- أي والله أي حبيبي هيج تريد.
بعدني ممكمله تقدم اخذ شف.....ي .. كطع نفسي وكال وكانما ممسوي شي .
:- عفيه بالشطوره هيج اريدج .
التفتت غسلت وجهي من البوري لان احس نفسي وجهي نار يطلع منه راح باوع على الزلاطه وكال .
:- حبي شيلي كشر الطماطه ماحب كشرها من تكليه
:- ادلل .
:- شنو ادلل جمانه شكلنه هسه .
جمانه : شنو يعني .
أيهم : كمليها وكولي ادلل حبيبي .
جمانه : أي حبيبي ، كملتها بصعوبه .
:- ايهم .
:- ها عيني كولي .
:- ليش جايب كبب اني اعرف اسوي كلشي بالبيت افضل وانضف .
:- هاا زين تعرفين طلعتي سبعه ، زين لعد ان شاءلله من انزل باجازتي الثانيه اجيبلج لحم وسوي الي يعجبج واني احب كبه البتيته جاب حيل احبها .
:- ماشي اني راح اسوي كبه تمن وكبه تشريب كلهن اسويهن واخليهن بالفريز .
:- احسن والله سبعه احله شي تعرفين كل شي .
جمانه : وخبز هم اريد اجيبلي تنور اعوفه بالطرمه
حتى اخبز .
أيهم :- ماريد اتعبج حبيبتي الخبز اني جيبلج من بره.
:- لا اني متعوده على الخبز مال بيت ماعندي شي من تروح للدوام اخبز واخلي بالثلاجه .
:- تدللين بعد شنو تحبين اجيبلج .
:- يراد انه مجمده .
:- شلج بيها .
:- تفيد اخلي خبز كبب بيها نفرز تفيدني اكثر .
:- ادللي اجيبلج احلى مجمده .
:- شعجب ماعندك مجمده .
:- شنسوي بيها عمري اذا هيه جانت لاتعرف تخبز ولا تسوي شي بس انتِ معدله ماشاءالله عليج وام بيت ونادره وشاطره وذكيه وتحبين تتعلمين بسرعه ومطيعه ومحد كلج جمالج مايتقاوم .
:- هههههه لا محد كلي اكيد .
:- عميان ميشوفون وعيونج ميشوفون بس ايهم
يشوف ويميز بسرعه خصه جنس النساء اوف أوف بسرعه انتبه عليهن جمانه مو بيدي تره .
:- يااا ايهم شنو هاي كلامك .
:- هاا شكو غرنه يله خليني اتوب على ايدج مابيها شي اني اعترف احب النساء وهسه اريد هل هدوء والجمال يتوبني ويكرهني بيهن .
:- كافي ايهم صدك تحجي .
:- هااا يمعوده هاي قبل مو كتلج مو هسه لزعلين اشاقة وياج اشبيج .
ويه ايهم ماكدر اوصفه لان اخاف احسد نفسي عليه وعلى اهتمامه وحنيته عليه وراح السبت لسوك وجاب الكيك والببسي وحضرته للسبعه وكعد الصبح الاحد واصر هوه يكعد ويتريك بره بس اني ماقبل وقتت المنبه وكعدت بلـ 5 حضرت ملابسه بالحمام وجنطته وسويتله ريوك وكعدته فتح عينه.
جمانه : صباح الخير .
أيهم : صباح النور حبيبتي .
كام سبح وكعد يتريك كال .
:- اكلي ويايه جمانه .
:- ماشتهي والله .
كمل ولبس وشال الجنطه وكال .
:- جمانه احمد ربي الف مره عليج اول مره احد يكعدني ويحضرلي كل شي ريوك وملابس ويمشيني هيج .
:- انت تستاهل وهذا واجبي كزوجه الك .
حضني وباسني من راسي وكال .
:- حبيبتي ربي ميحرمني منج ، خليت الج على المعرض مصرف وصيت حمودي ابن اختي انهار يجيج بالليل اخاف الجهال يردون شي يشترو دزي
عليهم .
:- ماشي اني اخابر انهار اذا حتاجيت شي .
:- يله حبيبتي مع سلامه .
:- راح تجي نور وطارق .
:- اي اي هههههه .
:- فرحتو حبايبي يله تريكو قبل ليجون .
بسرعه كملت ولملمت ندكت الباب ياربي شكد مشتاقه الهم فتحت الباب طفرت عليهم احضنهم وابوسهم واني ابجي .
نور : ليش ماما تبجبين .
:- والله مشتاقه الكم .
:- احنه يمج مو بعاد ماما .
:- طبو حبايبي فوتي فرح.
فرح : اي حبيبتي الف مبروك تستاهلين كل خير ان شاءلله زواج الدهر .
:- تسلمين فروحه .
طبو وجبت العصير والببسي الهم راحو نور وطارق يم مليكه وهيه فرحانه بيهم و اشوفهم التاب مالته ومكيفين بي يلعبون صحت فرح .
:- تعالي كومي شوفي البيت .
:- باللعافيه عليج حبيبتي والج هاي شنو ركبتج صاير بيه خريطه .
خجلت منها وسويت الها هسسس بس اختي مطلقت بالكلام وكالت .
:- والج هذا ايهم محروم المسكين يريد يطلع العوض .
جمانه : يااا كافي ليسمعون الجهال شبيج يمعوده .
فرح : احجيلي شصار ماصار ولو مبين الرجال من
الاثار مامستحي منج ومبدع هههههه .
:- كافي فرح عليج الله.
:- ولج جمانه شلونه وياج سولفيلي .
:- الحمدلله فرح حيل زين ويايه ويحترمني حيل ويهتم بيه اول مره احس بالامان واني نايمه .
:- الحمدلله والشكر ربي يسعدج ان شاءلله ويعوضج .
:- امين يارب العالمين .
فرح : اكوم اروح امي ضاجت لان جبت نور تكول منو يتصخر اليه وبت صالح بالمدرسه .
جمانه : خطيه فرح مشتاقيلي .
فرح : أي اكيد ان شاءلله على جازته الثانيه ارجعهم يم اهلي .
جمانه : ان شاءلله وانتِ هم لتعوفين امي فرح روحي يمها لحد ما يرجعون جهال صالح .
:- اي شون لعد بلا متكولين اروح .
:- تجين الاربعاء مو .
:- اي اجي وره الغده .
:- خوش جيبي امي وياج .
:- أن شاء الله ياله مع السلامه .
راحت فرح واني كعدت اسال بنور وطارق من عفتهم سووو مسوو وكعدو يحجولي وكامو شافو البيت شفت الفرحه بعيونهم سوده عليه جهالي هم مثلي تعبو نحرمو من كلشي و بالاخص نور وطارق شهدو على كل شيء شفته ومر عليهم كمت كلتلهم .
نور : بكيفج ماما .
جمانه : انسوي دجاج شوي .
طارق : اي اي احبه .
:- حبيبي امك يله روح انسوي اني وياك وخلي نور يم مليكه .
رحنه شوينه وتبلنه الدجاج وخليتها بالفرن وكعدنه نتغده سوه واني احمد ربي الف الف مره اول مره بحياتي اكعد هل كعده بس اني وجهالي وبيت دافي وهدوء وامان عالكه الصوبه وحاطه البلازمه على كارتون احس نفسي ملكت كل الدنيا بهاي الكعده
ياربي ميحرمني من هاي كعدتكم ولمتكم .
نور : ماما كافي بجي ارتاحي كافي الشفتي .
:- عفيه وليدي السبع .
بقينه كل النهار نحجي ونلعب ونباوع سوه ودزيت طارق اشتره اله والاخوانه وكاعدين ياكلون حلويات ونور جابت فواكه كعدنه نتعللل دك ايهم رديت .
:- ها حبيبتي شلونج .
:- الحمدلله بخير .
:- والجهال اجوي يمج .
:- اي يمي .
:- ها الحمدلله سلميلي عليهم روحي يمهم مااعطلج
عليهم و قبل لا انام اخابرج باي حبيبتي .
:- باي .
رحت وكملنه السهره نور كالت .
نور : يله طارق كوم نفرش اني وياك .
:- راحو يركضون وفرحانين واني اضحك على ضحكتهم فرشو وطفو الضواءه وعلكو بس ضوء الثريه وخلو مسلسل يباوعون عليه نامت مليكه وامير. وطارق وبقت نور مكيفه تلعب بتاب مالت مليكه وفرحانه دك ايهم رديت .
:- ها حبيبي .
:- ها يروح حبيبج شنو هل تطورات جمانه تره كلبي رهيف ميتحمل شويه على كيفج وياي .
ضحكت عليه كمل كلام وكال .
:- شكو ماكو اخباركم .
:- ماكو شي والله .
:- تعشيتو .
:- شنو ها جمانه كولي اشتاقيتلك تدرين اني حيل شتاقيت الحضنج .
:- ها اي اي شكرا .
:- هذا الله كدرج عليه يلهحبيبتي راح اروح عندي شغل انتِ يراد اخذج دروس هوايه حتى اعلمج يله باي .
:- باي .
سديته منه واني كل مشاعري تتحرك من اسمع صوته اجت نور باوعتلي كلتلها .
:- ها نور حبيبتي .
:- ها ماما .
:- روحي نامي عين امج اني هم راح انام نعست .
:- اي هسه اشويه وانام ماما اشكد حلو هذا التاب .
:- اي والله حيل .
:- يله ان شاء لله اجيب الكم كلكم .
رحنه نمنه
مرن الايام
من الاحد للربعاء بسرعه وتونست اني والجهال واليوم السبعه وايهم يجي وره الغده سويت الغده وتغدينه اني والجهال ونضفت البيت اني ونور ورحت سبحت وتعطرت .
:- راح اروح ويا عمتج انهار اتخليلي مكياج بالصالون مالتها واخذ امير ويايه وانتِ وطارق اقفلي الباب واكعدو يم مليكه ولعبو بالتاب .
:- اي ماما روحي ليضل بالج .
رحت سلمت على انهار ورحت وياها للصالون سحبت شعري وعافتلي مكياج حيل حلو دك ايهم جاي بطريق كال .
:- ماشي كملت اني منتضرتك ، كملتني انهار وهوه اجه ودك عليه كمت كلتلها ، تسلمين ماقصرتي تجين
مو انهار مو تتخرين .
:- والله عندي زباين اذا كملت من وكت اجيج .
:- بنتج تجي .
:- اي كالت تجيج .
:- هلا بيها يله باي .
طلعت وصعدت امير ليوره وكعدت بالصدر عيونه تراقبني ومبتسم كال .
أيهم : شمسويه بيج انهار .
:- رديت متفاجأه ، شنو .
:- عمي اني كيك ساده وممقاوم كباله مو نوب يحطوله كريم .
:- الحمدلله زينه.
:- ها عمو هلو حبيبي اموري شلونك .
:- زين .
جمانه : وصلنه للبيت نزلت اني كال .
:- راح اخلي السياره باللكراج حضريلي الحمام حبيبتي .
نزلت طبيت اجت نور تلكتني .
:- ها نور .
:- ها ماما اجتي خاله فرح .
:- هلا بيها ، طبيت لكيت فرح وبت اخويه بس لا شهد ولا امي اجوي سلمت وكلتلهم .
رحت حضرتهن بالحمام ورجعت نزعت شالي والجبه طب ايهم وسد الباب حاوطني من خصري وهوه يب....س بيه ومتلهف كال .
:- مشتاقلج موت شنو جمال عمي على كيفج علينه والله انهار طلعت مبدعه بالمكياج هاا لتابوعين هيج
انتِ بكل حالاتج تموتين .
:- ايهم عوفني عليك الله يصيحون عليه .
:- يله حبيبتي روحي راح اسبح وانام حيل تعبان .
كوه راح للحمام سبح وراح واني رحت لكيتهم كلهم كاعدين ومخلين اغنيه ونور جابت كيك وببسي قدمت الهم وهم يحجون اتمنيت تجي امي وشهد وكواكب يشاركوني فرحتي بس ماكدرو وراحو ونور وطارق ويا فرح وصدك ضجت من راحو وكامت تبجي مليكه على نور وطارق سكتتهم ولملمت البيت
سلمت وراحت وكمت صليت المغرب وكملت وعلكت الصوبه بالصاله وخليت كارتون باللبلازمه كعد ايهم ويه الاذان .
:- لك هلا بالكيك وجهال الكيك شونكم .
اجه بأس راسي ويحجي كتله .
:- هلو حبيبي .
:- هلو عمو .
:- هلو اموري حبيبي شونج مليكه .
:- الحمدلله .
:- ماشتاقيتولي .
:- اي عمو شتاقينالك .
عفتهم و رحت حضرت العشه تعشينه كلنه وايهم يحجيلنه على دوامه ويسالني منو اجه وسويتو ماسويتي يحب يعرف كل شي يصير نامو الجهال وايهم شال مليكه وغطيناهم .
:- صدك حيل طيبه ريحته خلي ادك اسال انهار شسمه علمود اجيبلج منه .
:- خاف نايمه هسه .
:- لا اعرفها متنام من وكت .
وصدك دك حجه وياها واخذ. اسم السيروم وكال .
:- اوف جمانه حيل احب المعطرات اني باجر اروح للكوزمتك واجيبلج منه اريد من تنامين بحضني اشتم هل عطر بشعرج كل يوم ، اوففف صدك يسوي واهس .
:- ايهم ؟
:- عيونه للايهم كولي .
:- موعد روحتي لجمعيه باجر الخميس ولازم اروح .
:- عمري ليش متعوفيها اني موجود شلج بيها .
:- ماشي لعد اني اوديج الصبح انخلي مليكه يم اهلج وناخذ امير ويانه ومراح امنعج لان هذا راتب اطفالج جمانه ماريد راتب اطفالج تصرفي على اي شي غير الهم يعني انتِ بالذات حتياجاتج تكليلي عليها ومسواك البيت قبل لا يخلص هم تكليلي عليه ان شاءلله ماقصر لا وياج ولا وياهم واذا خلص راتبهم تكليلي اي شي تحتاجو بدون خجل .
:- ان شاء لله .
: نسيت اكولك السبت موعد دكتور مليكه راح يفتح الجبس من رجلها .
:- اي ان شاءلله تفتحه وتمشي .
:- ان شاء لله يارب .
رحنه الصبح للجمعيه وخليت مليكه يم اهلي وموري ويانه رجعنه قبل ال 12الضهر ومريت اخذت مليكه وشفت الجهال وبوستهم وخليتلهم مصرفهم يم امي ورجعنه كال .
:- جمانه راح اجيب غده من بره ماراح تلحكين تتطبخين هسه .
:- براحتك .
مرت الايام
واجه يوم السبت ورحنه ودينه مليكه وفتحنه الجبس من رجلها وشبعت بجي خطيه وانطاها الدكتور عصاره وتعقيم كل يوم ويا شراب فيتامين
ايهم اصر هو يدفع افلوس الكشف والعلاج ورجعنه وامير فرحان لان فتحنه رجل مليكه حتى يلعب وياها وصرت كل يوم اعقمه وادهنه واسويلها تمارين رياضيه على المشي لان صار 45 يوم مجبسه والحمداله كامت تتخطه برجلها وتحسنت اشويه اشويه وصار من يروح ايهم للدوام اروح يم اهلي اخبزلهم وانضف واطبخ الهم وارجع قبل يوم من رجعت ايهم وصرت اخبز من يروح ايهم للدوام ولف كبب واضمه بالثلاجه وانضف البيت قبل جيته واهتم بابسط تفاصيله بالبيت وهوه فرحان حيل باهتمامي بي مرت الايام وراح للدوام ندك الباب كمت فتحته
اجتي انهار هيه وبتها وكالت .
:- هله بيج خيه ميه هلا .
بوقتها مسويه كباب عروك وزلاطه وبتيته وطماطه تعشينه حسيت عدها كلام تريد تحجي واني هم سكتت نوب كالت .
:- اشوكت يجون جهالج .
:- انشاءلله كم يوم يجون .
:- تعرفين جمانه بيت خالتي كالو الايهم معقوله تعوف جهالك علمود وحده عدها كومه جهال
صراحه بيت خالتي مارادوج غير الصدك لان
خالتي كالت امج وخالتج قبل مارادن امي الله يرحمها ولا اعترفن بيها و قاطعنها علمود عمتج ام بسام ، خالتي كالت ام بسام تصير بت خالتهن و امكم لان غريبه ومارادنها ولا اتواصلن وياكم شوداكم وخطبتو منهن مره الايهم .
سكتت اسمعها كالت .
انهار: خالتي ضاجت وكالت مو عدنه بت خالتكم
الثانيه مطلقه وعدها ولد واحد المن عافها و راح اخذله وحده عدها جيش .
جمانه: اني صدك انهضمت من كلامها سبحان الله اشكد اصغيره الدنيا امي وخالتي الي سونه قبل راح ينعاد عليه كلتلها.
:- والله انهار اني مالي علاقه بلي صار قبل على امج الله يرحمها او امي وهذا كلام خالتج ماله داعي وبعدين اني ماجبرت ولا دزيت على احد يخطبني ورايه جيش شنو غيره انتِ واخوج برضاتكم اجيتو وخطبتوني .
انهار: اي صح والله اني خيرته بكومه بنات وماقبل عليهن اني اكلج هوه راد شرف واخلاق واخذج الج
خل يحجون معليج هم ولد اخو شكو بيها ايتام ويربيهم .
جمانه :- الحمدلله الايتام الي تحجين عليهم مامعتازين من احد شي انهار ماعرف شنو فايده من واحد يحجي على احد .
انهار: اي صح يمعوده لتهتمين ، يله خلي اروح وتسلمين على العشه ها ونسيت اكلج جمانه اخاف تفوت من يمج خالتي وتحجي مره جبيره لزعلين من كلامها هيه او بتها خو بنتها تكول ماتحمل اشوف وحده غير بت خالتي بالبيت لزعلين اذا حجن شي
او سمعنج كلام من تطلعين تعرفين هم حقه
ام دينا تصير بت اختها وتميل الها .
:- واني شنو خيه بت اختها بنت اخوها اني شنو هوه رجال مطلك قبل لا يزوجني اني ليش يحكمن عليه .
انهار: ماعرف بعد جمانه اني كلت اخلي عندج علم يله باي .
بله هاي شحجي وياها اخاف ناقصه مشاكل بحياتي قبل اني راحت انهار .
ومرت ايامي
كمت اسمع كميت الكلام الي يسم البدن من بنات عمتي من طيبه وساره وغيرهم هواي كلام حجو عني ومره من المرات فرح اختي رايحه ازور عمتي لان سامعين بيها مريضه شايفه ساره وكايلتلها
شمعنه عاف كل البنات ايهم اله جمانه ليش مو جانت عايشه يم امي وطيبه ومهتمه بيهن هسه منو الهن وراها هسه من تتمرض امي نحتار بيها ولازم نجي احنه بعد ماجنه مرتاحين بوجود جمانه وفرح متعاركه وياهم وكايلتلها قصدج الخدامه مالتكم
الي تخدم من طبت بيتكم لليوم كافي حرام عليج الله فوكاجن شافت جمانه يم اخوج ضيم بضيم خليه ترتاح اشويه بعدها بعز شبابها تردن دفننها ويه اخوجن راده عليها ساره وكايلتلها
فرح متخبله ومصيحه " والله محد. حقير ونذل وناني غيرجن انتن الي متخافن الله وطلعت فرح وبعد محد راح على عمتي وصرنه منحجي وياهن
لان بس يحجن ويدعن .
