رواية هو لا يشبههم الفصل الخامس والعشرون بقلم تبارك الوائلي
- كانَ يَصِفُها قائِلًا:
"تِلْكَ الرَّقِيقَةُ يا سَيِّدِي كُلُّ جَيْشِي." ♥🦋
جمانه :-
هل فتره صرت اسمع اشكال الكلام المسيء بحقي على أبو تزوجت وعدها جهال وزوجها ميريد جهالها وذابتهم على اهلها ومن هل حجي واخر شي ختموها ، ايهم جان حاط عينه عليه من جان يجي علينه وحتى زينه الي نكول عليها افقرهن تجي خطار على اهلي تكول سمعت من طيبه على اساس جمانه مسويه سحر الايهم ومزوجته وهيه بسببه خرب بيته امي راده عليها لو جمانه تعرف هل سوالف جان سوت الاخوج بسام سحر وكعدت
حضها ويا اشو شافت الويل منه وجانت ساكته
تعبت من حجيهن الي يسم البدن واني ما اتحمل سديت المكالمه ممن امي بعد ما حجتلي زينه شكايله وكعددت ابجي اجه ايهم شافني كال .
أيهم :- ليش البجي يا ابويه .
جمانه : صرت احجي بشهكه شفت شلون يحجن عليه ويطلعون كومه سوالف .
:- جمانه حبيبتي منو ميعرف اخلاقج وادبج
بابا هذني مقهورات صدكي لان خسرن جوهره جانت مهتمه باامهن واختهن عوفيهن يحجن محترك كلبهن عليج وخليهن يدعن عليه عادي ماضوج لان هنه من يومهن ماحسبني اخ الهن ابد الله موجود ياخذ حقي من كل احد يمسني أو يمسج بكلمه او يحجي عليه .
:- هذا هو راح اسكت .
:- لعد شكو مبجيه هل العيون الحلوه .
:- مو انقهر.
:- احتركت لشته الي يقهر جمانتي .
ضحكت لسوالفه كدر يغير مزاجي بكلمتين
مرت الايام .
طبعن ماتنوصف بكل شي حلو بيها وماحسيت اشلون مر الشهر عليه ابد عشت عبالك شهر عسل
اني وايهم صدك حسيت نفسي ويا انثى من صدك اكو شغلات وامور عرفتها ويا ، عمري ماحسيت بيها ويا بسام هسه تأكدت اني جنت مدفونه واجهة أيهم حياني.
كاعده بصفه اكشر بالتفاحه وكتله .
:- ايهم راح اخلي الجهال يجون واجيب غراضهم بعد .
:- حبيبتي بكيفج المهم عيشتج شهر عسل صح بالبيت بس جمانه جنه محتاجي هل الوقت اني وياج وحدنه حتى نتعود ونتعرف على بعض ونشيل حاجز الخجل بينه والاهم انتي بالذات لان تعرفين بيه ماكو مستحى بقاموس حياتي .
:- ضحكت وكتله ، يعني تعترف بنفسك.
:- أي طبعا الاعتراف بالحق فضيله ، والحمداله تخطرينه اول مرحله وان شاء لله الجاي من حياتنه يكون احلى ويكون عوض الج واليه ان شاءلله يارب .
:- تدري ايهم اليوم منو دك عليه .
:- منو ؟
:- زينه اختك .
:- خير شكو ؟
:- تكلي عفيه بسلا دعيتي عليه من حجيت يم عمتي انو طيبه كالت انتِ مسويه سحر الايهم ومخربه بيته والله اني مالي دخل ابد هيه طيبه حجت عليج البارحه الله ستر ابني الجامه نكسرت بوجها فدوه جمانه لزعلين مني .
عقج حاجبه وكال .
:- وانتِ شكلتيلها .
:- كلتلها لا يابه مادعيت و لا عندي شي وياجن بس كلي الطيبه الي يخرب بيوت الناس الله يخرب بيته
وسديته .
:- والله مادري شكلج جمانه عوفيهن ربج على الحق .
:- امنت باالله بس والله قهرني .
:- تجاهلي وعيشي حياتج وياي ، يله حبيبتي العشه وين تره جعت .
:- اي دقايق واجيبه .
تعشينه وخلص اليوم جمعه ورحت فرشت للجهال وللملمت البيت سبحت ومنتضره هل مره افاجاء جهالي الاحد واجيبهم ويايه للبيت اشكد مشوقه الهاي الحضه اجيت كعدت هوه لازم مبايله يكلب بي شافني مد ايده نمت عليها اباوع ويا وكتله .
:- ايهم ردت اسالك بس ماريدك اضوج مني .
:- كولي حبيبتي
:- تدري انهار من اجتج حجيتلي وكالت خالاتك مراضيات على زواجنه .
:- وانتِ ليش ضايجه حبيبتي مو كتلج اني قبل صارت عندي مشاكل بس ماحبيت احجيلج وحتى الجهال هم من ردتهم بالاول يبقون لان اعرف سوالف خالتي كل زين كل النهار لابسه عبايتها وكاعده بالطرف هيه وجاراتنه واعرف طبت جهالج وطلعتهم راح اسمعهم كلام و اسوي مشاكل فـ جان قرار على الجهال درسته من جميع الجهات بس ربج رجلها مكسوره هل ايام خالتي واعرف سوالفها ولتحطين بالج صدكي انهار عمرها ماحبت ام دينا بالعكس على طول جانت مشاكل وياها المهم انتِ شسوين تجاهلي احسن .
:- جمانه اكيد اني مراح اكدر احجي ويه خلاتك الخاطرك خليني بعيده عن المشاكل احسن اني ما احب المشاكل والله العضيم.
:- اعرف بيج عمري .
جمانه : دك مبايلي فرح .
"ها فروحه
............
" شنو شكو شصاير .
....؟.
" صدك تحجين .
.....
" اي رحت طبيت بالغرفه احجي يمعوده .
فرح " جمانه طارق متعارك ويا ولد صالح وهسه صالح زعلان يكول اني بتليت بيهم خلي تجي جمانه تاخذهم يمها وتخلصني واذا ماجتي اليوم البيت ماطبه بعد .
" ليش فرح شكو هيج يحجي صالح هيه نور منيلها صوت شو بنته بالمدرسه ونور تنضف البيت وتغسل ملابسهم وتصخر الهم وبنته كاعده وهم مصرفهم مني هاي عود بس طارق وهم بالمدرسه نص نهاره ويعرف زين ولده وكحين وهمه يعيلون بـ طارق .
" خيه ماعرف بعد اني هذا كلام اخوج وانتِ بكيفج .
" على كلن خابري وكليله رحم الله والديك ماقصرت وياهم باجر الصبح اجي اخذهم والله قبل ساعه كلت الايهم الاحد من اروح اجيبهم وسويها مفاجأة الهم .
" هذا هوه خيه ميخالف راح اروح اخابره واكله وانتِ تعالي الصبح .
" ان شاءلله .
سديته ورجعت شافني أيهم ضايجه كال .
-: ها شكو جمانه ليش ضايجه .
:- هاا لا ماكو شي بس طارق متعارك ويا جهال خاله وضجت عليه .
:- اروح هسه انجيبهم .
:- لا لا الصبح احسن ادري بيهم اهلي ينامون من وكت
:- خلي نجيبهم هسه احسن .
:- لا أيهم خليها باجر اني اروح واجيبهم .
:- هذا هوه براحتج .
خجلت احجيله موقف صالح وخفت ليرحون يحجون شي كدامه بقيت اتكلب بغراشي من التفكير مادري شلون نمت كعدت الصبح سويت ريوك وكال ايهم.
أيهم : جمانه عيني راح اروح اني وصدقاءي لواحد صديقنه مريض بالمستشفى مدينه يجوز اتأخر عليج .
:- اي حبيبي عادي براحتك اني هم اريد اروح اجيب الجهال .
:- اي روحي .
سبح وبدل وراح هم اجتي عدله علمود احجي وياهم براحه وما اخجل كدامه كمل وطلع واني هم اخذت الجهال ورحت الاهلي كعدت شويه سلمت
امي كامت تبجي .
ام صالح: والله تعودت على نور يمي وتصخر اليه تعرفين اني ما اكدر .
جمانه : ميخالف يمه عود ادزها الج حجتلي فرح على كلام صالح ماتوقعت منه هيج يحجي .
:- ياا يمه حقه كلهم ينجمعون ومايكدر الهم .
:- اي هذه هوه يمه ماقصرتو ياله مع السلامه.
رجعت للبيت والكاع ماسايعتني فرح بيهم .
:- هسه ياله بيتي نور بيكم وكملت فرحتي صدكو كل شي بي غصه بكلبي عليكم .
نور : حبيبتي ماما اهم شي رجعنه يمج .
كامو حطو ملابسهم بالكنتور جان اكو كنتور بابين فارغ اخذو الهم وسفطو ملابسهم بي والغرفه بيها تلفزيون الهم ومرتبه الهم .
:- نور هاي غرفتكم بعد تنامين هنا انتِ وطارق .
مللك : واني ماما هم اريد انام يمهم .
:- ها مليكه بسرعه تحولتي وبعتيني.
ملك : اريد انام يم نور .
امير : واني هم اريد يمهم .
جمانه : لا انت يمي .
كام يبجي ويكول .
امير : ما ، والله اريد انام يم اخواني .
:- لا انت لا ماكدر بدونك انت صغير تكعد بالليل
ابقه نام يمي .
امير : بزعل ، اي ماما .
: - اريد منكم شغله ماما لتحجون الحجي الي سمعتو بيت جدكم كدام عمكم لان عيب .
:- اي ماما منحجي ابد .
:- عفيه واريدكم عقال ماريد صوت عالي عيب ماما ومن ينام عمو الضهر ماريد صوت عالي .
:- اي ماما .
:- عفيه بحبايبي
اجه ايهم ورحب بالجهال وراح ثاني يوم للدوام
ومر على زواجنا تقريب شهر ونص
دك مبايلي ايهم رديت جان بالدوام مثل كل مره يسال بس جان مو على بعضه ضايج وكوه يحجي كتله .
:- اشبيك مو على بعضك .
:- لا مابيه شي ، شكو ماكو اخباركم هم اجه احد عليكم .
:- لا والله بس اني والجهال .
:- ها زين يله حبيبتي راح اروح عندي شغل .
:- الله وياك .
وره اشويه كاعدين نتعلل على البلازمه وندكت الباب استغربت دكت الباب بهل وقت بالليل طلعت اشوف منو شتاء بارده الحوش يكص كص من البرد صحت منو ردت انهار فتحت الباب باوعت ، جايه وياها بنيه شابه تقريبن بعمري رحبت بيهم .
:- اهلاً وسهلا بيكم تفضلو .
انهار : جمانه هاي زوجه ابن خالتي .
:- اهلا وسهلا بيكم عيني تفضلو.
انهار : كلت خاف نايمين بهل وقت .
جمانه : لا بعدها بلـ 10 بعد وقت انام.
:- اي هم كلت ، اكلج جمانه مادري شلون ابدي باسالفه بس راح احجي وياج بسالفه لازم متقاطعيني واسمعيها للاخير .
جمانه : بداخلي كلت يارب سترك
:- كولي خيه وترتيني .
انهار: شوفي جمانه ، امي الله يرحمها وعمتج ام بسام بقن 3سنوات مزوجات ابويه وعاشن كل وحده بيت و ماكلت وحده الثانيه وتراهمن بحياه ابويه وهسه اريد اكلج اني اريد ارجع ام دينا الايهم ياريت تتقبلين الفكره .
جمانه : اني مادري شصار بيه من الصدمه نصدمت
بكلامها وكلتلها .
:- شلون يعني تردين ترجعين ام دينا .
انهار:- مو كتلج اسمعيني ولا تقاطعيني شوفي جمانه اليوم خابرتني تبجي على بتها مدخلين دينا مستشفى لان عارفه ابوها متزوج وهيه عدها تحسس ومكلوب كل جسمها حساسيه ومعلكيلها مغذي والبنيه منهاره ومتهستره اتريد ابوها .
جمانه : وهسه شنو انهار .
انهار: هسه اني كلت علمود بنته يرجعها على ذمته حتى لو بس عقد سيد وترجع تكعد ابيتها وخلي ايهم ياجر بيت الج والجهالج وهيج كل وحده بيت .
:- كملتي انهار .
:- اي كولي اسمعج جمانه .
:- اول شي انتِ من ردتيني الاخوج جان منفصل عن زوجته وما كلتي ارجعه واني هم مامستعده اعيش ويا ضره والراي الاول والاخير الاخوج يجي باجر
ان شاءلله و هو والله كريم اذا يريد يرجعها بكيفه
اني هم ماكدر ارفض واكسر كلب بناته .
:- اي عفيه هيج اريدج انتِ عاقله وخطيه علمود بنته هيه بعدها مارجعت بعد كم يوم يرجعون من السفر ويجون .
:- الله كريم .
:- يله عيني مع سلامه .
:- الله وياجن .
راحت و قفلت الباب نور تباوع عليه اعرفها نور ذكيه وتفتهم كلتلها.
:- روحو كملو ماما مسلسلكم ماما .
:- أي راح اطب جوه .
رحت واني مامصدكه الي سمعته معقوله هيج اني ماعندي حض عود كلت ارتاحيت ولكيت منو يحبني ويحتويني اني وجهالي كعدت ابجي بحركه صوت صرت بين نارين نار ما اتقبل اعيش ويه ضره ونار ما اكدر اكسر كلب بناته لو اعترض أخاف لا الله يحاسبني ، اجت نور شافتني نقهرت وكالت .
نور : كافي ماما الله يخليج ماعولنه انشوفج رجعتي تضحكين والفرحه على وجهج كافي تبجين .
جمانه : اني مامكتوبلي الراحه ماما ابد .
:- لا ماما أن شاء الله تبقين فرحانه ، هاج هذا عمو ايهم يدك عليج .
:- عوفي نور ماكدر ارد عليه اكيد يعرف هو قبل لا يجن دك عليه وجان متوتر ماريد احجي .
:- ماما ردي هاي اكثر من مره يلح بالدكه خاف يضوج .
:- ردي حبيبتي عليه وافهمي منه .
:- شكله اني ماما .
:- والله ما اعرف نور اخاف ارد عليه ويطلع صح الكلام وانهار كدامه .
نور : ماما انتِ جمانه القويه الي شافت اكثر هسه تخافين .
:- يووو يا نور جيبي وروحي يم اخوانج .
راحت نور اول مافتحت اجاني صوته يرعد مثل البرق وعصبي نارررر .
أيهم : ليششش متردين كولي هل غبي ضل باله عليج شكو ست جمانه احتركت الدنيا يمج ومتردين
اجي عادددددد شبيج لتخبليني عليج .
:- ها ايهم ادخل بالموضوع كول اسمعك .
:- اشبي صوتج جمانه ليش باجيه كولي .
بجيت وصوتي اختفه من الخنكه كوه طلعت مني وكتله .
:- انت كول وريحني الي كالته اختك صح .
:- اي صح .
:- يعني تريد ترجع ام دينا مو ومنو كلك تزوجني اذا تريد ترجعها ها كول ليش تزوجتي .
:- اول شي لتعلين صوتج جمانه زين من اجتج انهار وحجتلج ليش مدكيتي عليه وسمعتيني مثل ماسمعتيها رجعه ام دينا الي حلم تعرفين شنو حلم اني بأرادتي طلكتها ومستحيل ارجع هيج وحده مثلها وهاي انهار اني اعرف اشلون احاسبها تدخل بحياتي شنو شافتني صغير وتمشي قراراتها عليه واذا على بنتي اعرفها مابيها شي هاي افلام مسويتها امه بس علمود ارجعها .
جمانه : مسحت دموعي وكتله ، حقك بنتك وتريدها بس اني ما اتحمل اكون ضره واكيد الخيار الك .
أيهم : لج بابا انتِ شبيج اكلج تحلم ارجعها دقيقه بحياتي مو يوم كامل واذا بنتي تريدني خلي ترجع من السفر وتجي يمي هله بيها بيت ابوها مفتوح فهمتي هسه لو تردين اعيد الج .
:- امممم فهمت ، يعني مراح ترجعها .
أيهم : لا اله الا الله ، يله روحي نامي وكافي تبجين
لا اغير رأيي .
:- لا سكتت .
:- تصبحين على خير .
:- وانت من اهل الخير .
سديته واني مادري ابجي اضحك بس كلبي بعده ما مرتاح ابد من انهار حسيتها تميل البت خالتها اكثر ومقتنعه ترجع بقيت افكر ونمت بعد ما تعبت من التفكير كعدت الصبح لكيت نور كاعده .
نور : ها ماما صباح الخير .
:- صباح الخير حبيبتي راسي مصدع راح اروح اسوي ريوك وانتِ كعدي اخوتج .
:- اي كعدتهم كلمن كعد شال افراشه وراح جوه سفطه .
:- لعد كلهم غسلو وكعدو .
:- أي ماما .
كملت و راحت جابت نور الريوك تريكنه واني بالي كله يم ايهم بقيت افكر اخاف هيه متصله عليه اخاف حاجيه ويا احس نار شتعلت بكلبي يارب خلصني منها كطعت تفكيري نور.
:- ها ماما شراح اسوين غده اليوم .
:- والله مادري نور .
:- مبين مالج خلك .
؛- أي والله اليوم اسويلكم اني نواشف للغده كافي كل يوم مرك وتمن .
:- نور براحتج ماما حبيبتي .
جمانه : اليوم ايهم مادك عليه يمكن زعل مني لان
صيحت عليه البارحة اوف جمانه اني هم بدون مافهم بقيت احجي والوص بالكلام اوف أوف يا جمانه هسه طلع السانج على ايهم مو جنتي جنج خرسه قبل شجاج
كلت اراسله بعدين كلت لا لا خاف ميرد عليه ويتجاهلني احسن شي ماراسل كمت صليت الضهر ودعيت من كلبي ربي يسعدني ويبعد عن الهم
راحت نور سوت غده لاخوتها وتغدو وراح طارق للمدرسه دوامه ضهري ومليكه خطيه راحت عليها السنه بسبب رجلها اجلته على السنه الجايه اموري نام وبقت نور ومليكه يلعبن بتاب اني رحت للحمام سبحت لان مادري شبيه جسمي يوجعني طلعت من الحمام رحت انشف شعري دخل ايهم تفاجاة بي جاي من وكت .
أيهم : السلام عليكم .
جمانه : رديت ، وعليكم السلام .
باوعتله شكله ضايج نزع اسلاحه عافه على الميز وخله جنطته و اجه حضني وباس راسي اني هم بادلته الحضنه كال .
:- اشلونج .
:- الحمدلله بخير اجيت من وكت اليوم مو ؟ عيونج تسال مبينه .
:- ابتسمت وكتله ، اي انت تجي العصر كل مره .
:- شسوي عجبني اقدم الوقت بكيفي بعد واجيت عندج اعتراض ست جمانه .
:- هاا لا ماعندي .
:- امشي حضريلي الحمام .
:- اي صار .
حضرتله الحمام ورحت شسورت شعري بسرعه طلع
من الحمام ينشف كتله .
:- اسويلك غده .
:- لا شبعان.
جمانه : كلت بكلبي همزين ميريد اليوم سوينه نواشف وهوه ميحبها بس لو اعرف بي يجي من وكت جان سويتله تمن ومركه ، وكف يمشط شعره بي طبع اذا يطلع من الحمام اله يخلي دهن الشعره ويتعطر حتى اذا يريد ينام كال .
:- راح انام تعبان حيل .
:- أي روح .
:- تعالي جمانه لعبي بشعري حتى انام و طفي الضوء وياج .
:- اي هسه دقيقه .
رحت النور لكيت مليكه نايمه بس نور كاعده كلتلها .
:- ماما راح اطب بالغرفه عمج يريد ينام .
:- اي ماما روحي .
جاي ارجع وكلتلها.
جمانه :- اذكرت نور بيبي دكت عليه كالت خلي تجي نور عليه الصبح كل يوم تروحين يمها .
:- لا ماما فدوه مارح ابد .
:- ليش نور خطيه بيبيتج وحدها الصبح .
:- لا ماما مارتاح والله اني هنا رتاحيت ماريد اروح ماجنت ارتاح ابد من وره مشاكل جهال خالي وتبارك بت خالي مرات احسه تتأمر عليه عبالك اشتغل عدها لا ماروح ماما عفيه .
:- براحتج حبيبتي راح اخابرها واحجي وياها بس اخاف لا تزعل بلكي خالتج فرح تجي يمها الصبح .
عفتها و رحت يمه كعدت العب بشعره شويه و اندار حضني حيل ضمني الصدره وب....سني كال
أيهم : اشتاقيتلج جمانه اعرف اكو ابالج الف سوال بس موكته هسه من انام وكعد نحجي بيهن لان تعبان من اكعد طلعي الي بكلبج .
جمانه : خله ايده على كلبي وكال .
أيهم : جمانه شنو هنا غير حب جهالج واهلج بي مكان الي كلبج لو لا .
جمانه : رديت بحيرة كتله ، هااااا .
:- اي جاوبي تحبيني جمانه .
:- ها ... اي .
:- شنو اي كولي احبك .
:- أي احبك ايهم احبك واموت عليك .
:- حيللل معقوله بهل وقت البسيط كدرتي تحبيني .
:- ليش لا ايهم انت محترم وحنون وتنحب ولكيت اهتمام عندك مجنت شايفته او اعرفه بحياتي .
:- واني هم احبج واموت عليج جنه ماصورت بيوم احبج هيج اتمنيت انتِ اول زواجي بس نصيب بعد والحمداله جنه لتسرعين وتحكمين عليه بله متسمعين مني ابد لو يجيج اي واحد ويكلج ايهم ازوج عليج لصدكين ابد اله تسمعين مني .
:- أي أيهم اني اثق بكلامك .
:- تعرفين اني البارحه صدك ضجت من تصرفج ضل بالي عليج واتصل عليج وحضرتج متردين عليه خفت عليج حيل كلت اكيد انهار حجت وياها شي وزعلته .
:- صح لان جنت مقهوره والله .
:- لا جمانه غلط تصرفج البارحه اني ماستاهل منج هيج .
:- بس ايهم والله جنت مقهوره حيل ومصدومه من الخبر وخفت ليطلع كلام انهار صح .
متحملت نزلت دموعي الي متصدك تركض على خدي من أبسط موقف حضني وكال .
أيهم : لا يروحي انتِ لتبجين ابد جمانه واني وياج
ماريد اشوف ادموعج والله العظيم ام دنيا طلعت من حياتي ونسيتها وكرهتها من كل كلبي ومستحيل افكر بس تفكير ارجعها الذمتي اني احمد ربي واشكره انتِ بحياتي شفت كل الحب والحنيه وياج
و ما ابدلج بكنوز الدنيا .
جمانه : مسحت دموعي ونكلب الوجه المعبس وبسرعه ابتسمت الكلامه هوه هم ابتسم وكال .
:- فديت الغيره اني لج كل هاي الدموع عليه لج جنه حضنيني .
جمانه :حضنته ورحنه بغير عالم كعدت من النوم رحت لكيت طارق جاي سوت نور جاي و كعك وكعدنه وكعد ايهم طب سبح وبدل واجه كال .
:- هلو حبايب شونكم .
نور :- هلو عمو .
:- هلو حبيبتي.
جمانه : اجه كعد بصفي اكل كعك وراح لسوك .
كعدت سويت بيتزا للجهال اجه ايهم كال شنو .
:- هل ريحه الطيبه .
طارق : عمو راح اجيب ببسي .
:- روح جيب حبيبي .
كعدنه ناكل وايهم يسولف ويا الجهال ويضحكون
ويا ومندمجين بسوالفه كملنه العشه ندكت الباب
أيهم : روح عمو طارق شوف منو .
شويه واجهة كال عمه انهار اجت .
انهار : السلام عليكم .
جمانه و أيهم : وعليكم السلام .
انهار : ها اشوكت اجيت .
:- الضهر .
انهار : ها فكرت ايهم بلي كلته الك .
أيهم : انهار مو كافي سدي السالفه ولتدخلين بيه
رجأءً .
:- شنو مادخل ايهم البنيه خابرتني وتبجي وترجتني ترجع الك حتى اليوم كالت حتى اذا ميقبل يعقد عليه خلي بس اكعد بالبيت اني وبنتي .
صار عصبي وصاح .
أيهم : كافي انهار كافييييي عادددد لحد يددددخل بشي كلت .
جمانه : اجيت كومت الجهال كومي نور اخذي خوتج جوه وسدو الباب وفتحي التلفزيون الهم .
:- اي ماما .
إنهار : ليش متحجين جمانه لو انتِ السبب ومن جوه راسج اكيد انتِ متقبلين ترجع تره حرام عليج البنيه اعتذرت وتبجي دم تريد ترجع البيتها.
جمانه :- واني شنو انهار هذا اخوج كدامج لدخليني بينكم شيريد يسوي يسوي قابل هو ياخذ بكلامي .
انهار: لا والله مبين انتِ الي ماقابله .
جمانه : انهار شتريدين لعد اقبل طبعا ماقبل واني من ازوجته هو منفصل وبقى فتره منفصل ليش مارجعت قبل اله لو من تزوج صار غالي بعينها .
انهار : كافي عيب عليج جمانه اصلا موزين قبل بيج انتِ وجهالج ال 4 ليش .
جمانه : انهار هذا كلامج ما اقبل عليه لان اني ماجبرت احد يجيني لا جبرتج ولا جبرته يتقدم الي
وهاي كدامه اكول اذا مقتنع ايهم مابيها شي من حقه
يرجعها والله العضيم اني معليه معليه.
انهاريت وصرت احجي باعصاب هوه هم. صاح بينه ثنينه وكال .
أيهم : كافيييي حجي زايد اثنينحن تسكتن
ولتكعدن اتقررن بكيفجن وتحللن ام دينا طلكتها وخلص مالها بعد رجعه ابد و محد يدخل بحياتي مفهووووممممممم .
انهار : ايهم البس وتعال يمنه ابيتي نحجي .
أيهم : ماله داعي انهار ليش تلحين يااختي .
:- يله براحتك ولو مبينه ست جمانه هيه راس البله كله من جوه راسها .
أيهم : بسسسسسس انهار كلت كااااافي .
انهار: ولج اخذج انتِ و 4 جهال شناقصه اخويه
بعده شاب وعنده بيت وسياره وضابط جبير
بالدوله بعد شتردين وهسه علمود بناته ماحملتي الضره بس هوه عادي يحمل ولدج .
أيهم : لججججج انهار كتلج كافي لتخليني اتجاوز عليج خليني محترمج مو انتِ اكبر مني .
انهار : لا أيهم هايه استغلتك .
جمانه : عيب هل حجي انهار خافي ربج انا شنو اخوج يريد يرجعها مالي علاقه .
انهار : هسه عرفتج انتِ من جوه الجوه .
أيهم : انهار عيب عليج هيج تحجين اني مو احجي وياج كافي صار ساعه تلغين على روسنه هسه حبيتي امل ولج انتِ كضيتي كل عمرج معارك انتِ وياها هسه صرتي حنينه تره حافض كل سوالفج .
انهار: هااااا أيهم غسلت دماغك موووو.
أيهم : انتِ الحجي ضايع وياج ا طلعي بره انهار .
انهار : يااا تطردني علمود بت عمتك بسيطه ايهم خلي تفيدك جمانه .
طلعت انهار زعلانه رغم السوته بس نقهرت عليها وكتله .
جمانه : لا ايهم على كيفك خطيه هيه تحبك ويجوز مدفوعه واجتي تحجي .
أيهم : لا جمانه ذيج اعرفه زين هيه الي دزتها
تحجي ويايه حتى ارجعها حافض كل سوالفها
جمانه اعرف شنو يدور بالج ولتفكرين اصلن .
:- ايهم اني ماجبرتك تزوجني وعندي اطفال .
:- لا جمانه لتبجين صدكي اذا مو اني اي احد غيري يتقدم الج شرف واخلاق وادب وجمال شريد بعد اني من الدنيا العنده مثلج محضوض والله جمانه واذا عندج جهال شو ماشاء الله عليهم مايوم سمعت صوتهم وبعدين غصبا على الي يرضى والمايرضه
ذول يبقون من دمي ولحمي لان جهال اخويه .
:- والله اني مردت اتزوج وردت ابقى اربيهم بس هيه انهار نفسها اجتي تقنعيني اقبل شنو الصار وكلها صارت ضدي .
:- كافي بجي عمري انتِ .
مسحت دموعي وباوعت عليه وكتله .
:- اي استاذ ايهم انت حافض كل كلام طليقتك مو .
:- هههههه والله وصرتي تغارين عليه .
:- هااا... والله مو قصدي اني ؟
:- لج بابا انتِ هسه زوجتي وحبيبتي وام بيتي خلينه نبدي هل حرب سوه جمانه لان اعرف انهار واكيد راح تتفق هيه وخالتي علمود يرجعن امل
وهنا راح تخليني اضطر احجي الهم حقيقه طلاكنه.
جمانه : أيهم صح اني حبيتك واغار عليك بس اذا تحب ترجع ام دينا اني ما اكدر اعارضك على هل شي لان أخاف لا ربي يغضب عليه .
أيهم : جمانه وبرئيج لو اريد اكو واحد يوكف بوجهي لج السوته مو شويه .
جمانه : ميخالف المهم اطلع من ذمتها .
:- يله حبيبتي روحي صيحي الجهال ينامون اريد اطب انام .
:- اي هسه .
كمت صحت الجهال اجوي نامو واني رحت نمت مادري شلون من التفكير كعدت الصبح راسي مصدع حيل لان بجيت هوايه البارحه كعدنه تريكنه وسويت الغده وكعدنه نتغده سوه وايهم يسولفنه موقفه بالدوام و الجهال يضحكون واني بكلبي اكول معقوله. انهار تكدر ترجع ام دينا و تخرب حياتنه
لا ماكدر والله ما اتحمل وحده تشاركني باايهم
يجوز البعض يسميها انانيه بس مو بيدي اني من صدك احبيته من كل كلبي وشفت الراحه ويا معقوله وره مارتاحيت هسه ارجع تعذب من جديد هيج اني ما مكتوبه الراحه اليه ابد فززني من صفنتي صوته .
أيهم : ها يروحي شو صافنه .
:- هاا لا ماكو شي .
:- جنه لتبقين تفكرين وتعبين نفسج واني موجود يمج أبد مافد يوم اخذلج ثقيل بكلامي .
جمانه : هوه يحجي واني صافنه عليه وماريد اضيعه .
أيهم : هل عيون ماريدهن يبجن ابد اريد كل اباوع عليهن اخذ طاقتي منهن .
تقرب باسني من خدي واني اخجل كدام الجهال فتحت عيني مصدومه همزين منتبهو عليه .
:- يله اكلي حبيبتي .
تغدينه وكلمنه وايهم طب سبح وبدل دك مبايله رد .
أيهم : هلو ام ريان يله شويه واجي كلي الخالتي ماتاخر .
جمانه : ها ايهم خو ماكو شي.
:- ماكو شي حبيبتي خالتي تريدني راح اروح اشوفها اني اعرف شتريد اكيد انهار راحت عليهم .
:- هاا شراح تكوللها .
:- لتفكرين اني احلها يله رايح .
:- الله وياك .
كعدت صفنت معقوله تريد خالته ترجعه وميردوني اني لان امي وخالتي قبل مارادو اختهن بقيت افتر ومتوتره يارب اشوكت يجي ايهم وافهم منه اخر شي اذان المغرب رحت توضيت وصليت ودعيت من كلبي يارب صبرني كما صبرت ايوب يارب هسه شفت طعم الراحه والاستقرار يارب ابعد عنه كل المشاكل يارب تعشينه وايهم ماكو اخر شي دكيت عليه انطاني رفض ضجت حيل وقلقت رجعت هم دكيت جاوبني وهوه عصبي .
أيهم :- جاااااي .
سديته كعدت اني ونور الجهال نامو اجه طب
مبين عصبي نار قفل الباب وكال .
:- السلام عليكم .
:- وعليكم السلام .
؛- ها عمو نور كاعده .
نور : اي عمو راح انام هسه جانت تنتضرك ماما ومردت اعوفها وحدها .
أيهم : هاا يله حبيبتي روحي نامي ، جمانه تكومين تنامين .
:- اي جايه وراك .
راح وكلت النور.
:- نور راح اطفي البلازمه وانتِ لتبقين تتخرين بالتاب نامي .
:- اي ماما هسه بس العب اشويه وانام يله .
:- يله حبيبتي .
طبيت لكيته نازع هدومه وكاعد باله مو ويا رحت كعدت قريبه منه وكتله .
:- ليش ضايج شبيك أيهم احجيلي.
:- انهار رايحه الخالتي وحاجيه وياها على موضوع ام دينا وتبجي الهم وتريدهم يقنعوني ارجعها وفوك كل هذا اصرو عليه و دكو عليها كامره وحجت ويايه بكل صلافه عين تبجي وتتوسل كدام كل الكاعدين من ولد خالتي وانهار وجناينهم الكل كاعد جانو متفقين كلهم يقنعوني ارجعها كلتلها لتبقين تنزلين نفسج اكثر لان عمري ماراح افكر ارجعج ابد بقت تبجي وتتوسل وتتحجج بدينا مريضه وتريدك اخر شي ختمته وياه وكتله من ترجعين للعراق دزي دينا يمي تبقه كم يوم كالت بعد اسبوع وارجع .
جمانه : أي عادي أيهم جيب دينا هنا خليها تغير نفسيتها شويه تلتهي ويه نور .
أيهم : أي اني هم كلت تدرين جمازه اشكد حاولت تعتذر وترجع والكل جان مايد على رجعتها وحتى كالت اذا جمانه متقبل تطلع من البيت عادي ايهم اجرلي بيت قريب على دوامك ومن تجي للدوامك تجينه قابله اني بكل شي اخر شي كتلها لتلحين هواي انتِ اختاريتي طريق وانتي بديت حياه جديده وماقبل اي احد يخربه اليه حتى بناتي ماقبل .
جمانه : هوه يحجي اني وكامشه نفسي بالكوه من سمعت كل هل وقت حاجي ومتناقش وياها ياربي اشكد غرت غيره عمري ماحسيت نفسي هيج غيرانه عبالك نار وشعلت بكلبي بحيث عفت كل كلامه وكتله .
:- و انت ليش كل هل وقت باقي وتحجي وياها
و تاخذ وتنطي وياه ومكيف.
ضحك بصوت وكال.
:- على كيفج حبيبتي لازم اسمع الكل لازم اتناقش وياها وافهمها بعد منكدر نعيش سوه ابد وهيه من كد ملحتها راح تخليني اضطر احجي على غلطها لان يلحون هواي عليه بيت خالتي .
:- ميخالف أيهم اذا صدك متريدها عوفها لتحجي وياها بعد .
:- لتضوجين جمانه لازم تتحملين هل سالفه الحد ماتنتهي .
:- اي ان شاءلله راح انام نعست .
:- اي نامي بس اني ماريد انام اشلون تعاقبيني لان حجيت ويا طليقتي ههههه .
:- كافي ايهم ماكو شي يضحك اريد انام والله .
اندار عليه صار يدغدغ بيه وكال .
:- خنشوف منو تنام ومنو يخليج تنامين .
:- لا لا ايهم كافيييي والله بعد ما احجي توبه.
متحملت صرت اضحك واحجي .
:- فديت الي تغار عليه انتِ حبي صدكي طلعت من كل حياتي وصرت اكرها كره متتوقعي لتخلين الي يسوو يخربون حياتنه جمانه صدمتي بيها رجعتي هواي بس الحمدلله كدرت اسيطر على نفسي وهسه انتِ غير والله جمانه ماكدر اسيطر على نفسي واني وياج .
:- يحجي ومستمر يدغدغ صحت كافي ايهم فدوه راح اموت .
:- فديت الضحكه والج ماعرفتج هيج فطيره ساعه تبجين وساعه تضحكين .
:- شسوي غير انت متكعد.
:- شو تعالي ....ووو
مرت ايامنه الحمدلله ايهم يوم بعد يوم احبه اكثر واتعلق بي اكثر لا شنو احبه صار ادماني وماشفت مثل حبه وحنيته عليه وعلى جهالي بس الي متعبيني بي واهسه بنضافه حيل والترتيب قبل جنت اكول ليش بسام ماعنده اوتي ميكوي ملابس ميبدل ايهم من كد مايهتم باهاي التفاصيل لبسه واناقته بشكل مبالغ بي كرهني بكل الترتيب لان ميعذر ابد لازم من يطب البيت يشتم عطره باللباب وعنده كل شي اله نضام البيت علم جهالي على كل شيء نومتهم الها وقت ونضام والاكل هم واترتيب البيت اهووو طارق وامير لازم. كل وقت يلعبون هوه سوالهم وقت للعب ومن يروح للدوام. ياخذون راحتهم 3 ايام باللعب بكيفهم ومن يجي هوه يمشي نضام. البيت مشه على الكل اوولهم اني هههههه الي تكول عنده جنود هيج يتعامل ويانه هههه
وطبعا مابزعت انهار من السالفه وضلت تحاول اجتي تعاركت ويايه و جرحتني بكلامها تعيرني اني عندي جهال واخذني ايهم ولازم مثل ماتحمل جهالي اتحمل يرجع طليقته وختارت وقت ايهم مو باللبيت واجتني حجت ويايه دك ايهم سمع صوتي حفضني من ابجي كال .
أيهم : عمري ليش باجيه جمانه اشبيج.
:- ماكو شي .
صار عصبي عليه وكال .
:- احجي اشبيج ليش تخبليني جمانه اني زوجج ليش متحجين وتريحيني .
:- ايهم ماريد تصير مشاكل بسببي .
:- وانتِ شعليج لججججج احجي عادددد تره تعبتيني .
حجيتله كلام انهار وهو صار عصب حيل كال .
:- سهله خلي انزل واني احل هل سالفه بسيطه .
سده واني هم تندمت لان حجيتله بعدين كلت لا خلي يعرف ماريد اضم عمه شي .
ومرت ايام
دوامه كل يوم يدك عليه يطمأن تغديتو كعدتو اسويتو يعرف كل تفاصيل حياتنه باللمبايل وبالليل يدك عليه يتغزل اجه يوم نزلته واني حضرت العشه ونتضرته اجه تعشينه سوه وتعللنه احنه والجهال دز طارق جاب كرزات وحلويات ايهم متعلم يوميه وره العشه الكرزات والفواكه واالنساتل ونامو الجهال ورحنه الغرفتنه ولازم كل يوم اكتشف شي جديد ويا بالحياه ويا لان ويه بسام جنت مطفيه وكلشي ماعرف تعلمت كل شي منه وكل يوم حبي يزيد اله وهتمامه اليه يزيد
كعد ثاني يوم الضهر على الغده لان باجازته يسهر بالليل يبقه نايم للضهر تغدينه وسبح وكال .
أيهم : راح اروح على انهار عيب زوجها اتصل بيه يريدني اعرف هاي سوالفها تعرفني اشكد احترم زوجها اكيد هيه طلبت منه يتصل بيه ويقنعني .
جمانه : ايهم انهار هيج علاقتها با أم دينا وتحبها .
:- لا وعيونج متحبها ودوم مشاكلهن سوه وحده تكره الثانيه بس اني اختي واعرفها اشلون تفكر وهاي امل مقشمرتها الانهار واكيد باقيه تبجي يمها وهاي انهار فطيره بسرعه صدكت بيها .
جمانه : ماعرف أيهم اني هم حرت .
سلم وكال .
:- يله راح اروح عيني .
:- الله وياك .
طلع و بقيت متوتره ومحتاره حيل من راح ايهم
كعدت افكر شحجو وشكالو اخر شي كلت معقوله
ام دينا ماغلطانه وهوه طلكها وانهار وزوجها يلحون يرجعوها اله لا لا مامعقوله ايهم يجذب عليه بقيت فكره تاخذني وفكره ترجعني لحد ماجتي نور كالت .
نور : ماما ماما .
:- ها شكو شبيج .
:- سمعت صوت عمو ايهم من باب المطبخ فتحت الترك الي يطل على شباك عمه انهار تعالي اسمعيهم شو عمو صوته عصبي خاف جاي يتعارك .
:- صدك تحجين ؟
:- أي والله عمو مدري شبي صوته عالي .
رحت اركض اسمع الهم خفت لا صدك جاي يتعاركون والله كدرت اسمع عبالك يمهم بس ايهم حيل عصبي وانهار الحقيره تحجي عليه وخالتني براسها اخر شي سمعت ايهم كال " اني سبحت هسه انطيني القران احلف عليه الي حجيته الكم صح "
ردت انهار لا ماله داعي "
كال
" لا اله داعي "
انهار مثل الي تفاجأت وكالت .
" يااا ايهم انت شددكول صدك. هيج طلع منها "
كال
" اي علمود تعرفين ليش ماريد ارجعها هاي وحده رخيصه وخانتني وبعد مالها رجعه اليه ابد لو شيصير فهمتو هسه لتبقون تلحون عليه والله العظيم يشهد على كلامي الله وكاتبه امل هيج سوت بيه .
سمعت زوج انهار كال .
" لا لا ليش شلت القران يااخي ماله داعي "
رد أيهم
" لا علمود اخلص من نك زوجتك وبعد تسد حلكها ومتفتح سالفتها ابد البارحه هواي لحت عليه ابيت خالتي واني ساكت لان ماريد احد يعرف تعرف هذه سمعت بناتي باجر عكبه هم يتعيرن بسبب امهن هسه عرفتي يا اختي العزيزه .
انهار "
"اي خويه عرفت ومالومك ابد بعد براحتك انت "
أيهم "
" بس انهار هاي كدام زوجج اذا سمعت منج كلمه طالعه الاي احد او البيت خالتي احركج والله ممنوع .
انهار "
" لا ابد والله ما ادخل بعد .
أيهم "
" الحمدلله من عقلتي لعد دكي على جمانه لان هواي جرحتيها بكلامج .
انهار "
" اي هسه ادك عليها هسه عرفت ليش تنازلت عن كلشي وعافت كلشي اكيد خوفها من الفضيحه .
جمانه : اني اسمع كلامهم وثبتلي كلام ايهم كله صح دك مبايلي وشرتلي نور رحت ركض بالصاله رديت انهار كالت .
:- لتزعلين مني جمانه احنه اخوات واني حجيت مو بقصد والله جنت مقهوره على بنات اخويه وما يدهم يتاثرن بابوهن وامهن.
:- لا والله لا مازعل حالج حال فرح .
حجيت وياها شويه وسديته واني مرتاحه حيل الحمدلله يارب ابعد عني كل اذاه كعدت منشنشه من الفرح وطب ايهم كال بابتسامه .
أيهم :- ها يروحي .
:- ها حبيبي شسويت .
:- حجيت وياهم وفهمتهم اشياء جانو لازم من الاول يفهموهن والحمداله خلي اصلي المغرب واطلع .
صله واجه الجهال جانو جوه يباوعون باللتلفزيون
واكفه ارتب الملابس بالكنتور اجه حضني وباس...ي .
جمانه : ايهم ليجون الجهال .
:- شكو شمسوي اني والله حلوه هاي بيتي وبراحتي بااي وقت وباي مكان يعجبني لازم اطمأن على ممتلكاتي الخاصه .
:- ياا ايهم حركتها الركبتي عليك الله كافي .
:- يله والي خلي اطلع احسن هواي البوسه عليج انتِ .
:- ياا ايهم شبيك .
:- يروح ايهم هسه اعرفج شكلج ورد و فرحتي امانتي عليه الج والله وماصير الغيرج بعد مو ملعونه .
حجيت بغرور .
:- طبعاً وغصبا عنك اليه وماخليك الغيري .
سوه هجمه مرتده وصار هجوم صحت .
:- مو غصب والله مو غصب لا لا مو عليك يمعود ههههه والله توبه .
كوه فك مني وكام عدل روحه وكال .
أيهم : يله رايح الله تعبتيني .
ضحكت وكتله .
:- وياك حبيبي .
صدك حسيت الدم رجع بعروكي .
مرت ايامنه مثل العسل وراح للدوام لليل اتصل
عليه وكال .
" صدك انتِ كصتج خير عليه .
" صدك ليش شصار ؟
" راح انقل بمركز شرطه العامريه اداوم قريب
على بيتنه ودوامي صار يومي كل يوم اطلع بلـ 9 ارجع بلـ 3 .
فرحت من صار دوامه يومي يعني كل يوم هو
يمنه وصدك نقلو واستمر دوامه كل يوم اكعد الصبح اسويله ريوك ورجع انام اجتي عطلت المدرسه والجهال ابقيهم لل 11 يكعدون نتريك اني وياهم واكعد اطبخ صرنه ننتضره لل 3 نتغده سوه وطارق وامير تعبوني بالفتره الولى لان يردون يلعبون وهوه يجي تعبان يريد ينام واكعد اسكت بيهم اخاف ليكعد
مرت الايام وكاعدين نتعشه دك مبايله جاوب زوج اخته الام دينا .
" ها شكو .
" انت متريد بنتك .
" شنو ليش شكو اشبيه بنتي .
" ام دينا راح تجي باجر من السويد وماخذه مني افلوس هيه واختها بدون علمي اله علمود تدفع كروتهن من السويد البغداد وهسه اني اطلبك افلوسي الي باكتهن طليقتك .
" واني شنو اني كلت الزوجتك اتبوكك وتنطيهن الاخته اني شنو شعليه جاي عليه .
" ها خلي اكلك حتى تعرف تره ابن اختي عافها وضحك عليها ما قبل ياخذها متشوفها دكت عليك رادت ترجعلك لصير مضحكه .
" طز بيك وبيها يا ك..... انت وذيج البر.....ك
ولي يله واني اعرف اشلون اجيب بنتي .
" اكلك تره هو تزوجها بعقد سيد وميريد بنتك تعيش وياهم .
" طز بيهم وبيك يا عاررر .
سده منه معصب اشبيك كتله .
:- ايهم على كيفك حبيبي .
:- شفتي هل بت الكلب لاعبه بالطفله لعب روحت السنه عليها والله شنو سافرت وهسه زوجها ميريد دينا لازم اخذها منهم جمانه هاي بنتي .
:- اي حبيبي عادي براحتك جيبها اخليها بعيوني حالها حال الجهال .
:- تسلم عيونج حبيبتي ادري بيج متقصرين والله .
جمانه : لهنا وعبالي خلصت وراح ارتاح ومجنت اعرف المضموم شنو وشنو. منتضرني .
