رواية أحببت من لايبالي الفصل الرابع والعشرون بقلم مجهول
زين : كاعد اشرب جاي واشوف التقارير ... دكتوره اسراء
اسراء : نعم
زين : اكو تقارير مال عمليات باللوكر مالتي بس ماجاي الكاهن ... شوفيهن خاف صايرات بالغلط عندج
اسراء : لا اني ذبيتهن
زين : دار وجهه عليها وانتي بأي حق تذبيهن هنه الج
اسراء : مو عزلت المكتب ومن ضمنهن اللوكرات فلكيت عندك هواي تقارير لاشخاص صار شهرين من مسويلهم عمليات المن مخليهن
زين : ركع التقرير بقوه على المكتب ... بعصبيه وانتي شمعرفج بشغلي ... هاي التقارير الي ذبيتيها مهمه عندي اني منطي مواعيد لكل واحد مسويله عمليه يجي يراجع وضعه الصحي وحضرتج طلعتي ذابتهن كليلي هسه من يجيني مريض يريد يراجع شلون اعرفه وانتي ذابه الصخام مالته
اسراء : يعني فوك ما عزلتلك اللوكر جاي تصيح عليه
زين : بحده ومنو عتب عليج وكلج عزلي
علاء : خير خير شبيكم
اسراء : تعال شوفه ... خبصني لان ذبيت كم تقرير هو اصلا مايحتاجهم
زين : على اي اساس كلتي اني مااحتاجاهم انتي دكتوره ولازم تكونين اكثر مسؤليه الي جاي تعالجيهم مو حشرات هذوله بشر لازم تشتغلين وياهم بكل ذمه لا تساهلين ... المرضى حياتهم بادينه مو مهم بس تنجح العمليه لازم الدكتور يضل يراجع المريض لحد ما يتاكد انو وضعه الصحي فوق الممتاز مو يطلع من غرفه العمليات وهاي هي كلشي انته
اسراء : يووو خلص اسفه بعد ماادخل بشغلك عافتهم وطلعت
علاء : اعصابك زين شجاك
زين : كعد
علاء : انت مو كتلي كلشي تنزله على الحاسبه مالتك اكيد منزل كل تقارير المرضى عندك
زين : منزلهن على اللابتوب بالبيت مو هنا ... بس هاي عصبتني حاطه روحها بكلشي
علاء : اي ارجع انسخهن عليمن هالعصبيه اهدئ
زين : مسح على وجهه .... اي هو هذا الي راح اسوي ... باوع على الساعه بالوحده اله ثلث ... يله اني طالع خلص دوامي
علاء : هاي شبسرعه خلص الشفت الصباحي
زين : لان اكو شغل هواي ما حسينه بالوقت يله مع السلامه
علاء : الله وياك
زين : اخذت سيارتي من الكراج وطلعت .... ماكو خمس دقايق ووصلت لمدرسه براء مو بعيده عليه وهذا الي مريحني ... شفتها واكفه على صفحه مدنكه راسها ... دكيتلها هورن باوعت للسياره واجتي ... فتحت الباب وصعدت
براء : بهدوء هلوو
زين : بابتسامه هله حبيبي شلونج
براء : بابتسامه مصطنعه ... الحمدلله
زين : اباوعلها مو على بعضها ... شبيج حبيبتي ليش وجهج اصفر
براء : بهدوء لا حبيبي مابيه شي
زين : بايس ايدها .... مادام اني حبيبج يصير تضمين عليه شي
براء : حست على زله لسانها ... هاا .. متوهم والله مابيه شي
زين : عافها ماحب يضغظ عليها خلي ترتاح واحجي وياها .... وصلنه للبيت صفيت السياره ونزلنه
زين وبراء : سلام عليكم
الكل : وعليكم السلام
براء : صعدنه ... فتحت الباب ودخلت ذبيت العبايه والحجاب رحت اطلع ملابس لزين حتى يدخل يسبح اعرفه ميتحمل يبقه هيج ... طلعتله تراك ... حسيت بايده تلتف على خصري
زين : شبيها حبيبي اكو واحد مضوج هالوجهه حتى معبس
براء : محد مضوجني
زين : عبالج تمشي عليه هاي مال مابيه شي لو محد مضوجني ... دارها عليه لازم وجها ... حبيبتي اريدج قبل لا تعتبريني زوجج ... كون تعتبريني روحج زين ...اكو واحد يجذب على روحه هاا جاوبيني
براء : جج
زين : جااا يله سولفيلي اكو واحد مسمعج شي بالدوام طالبه مضوجتج لو مدرسه
براء : حضنته مابيه شي شويه تعبانه من وره الدوام وهم ما جاوبت بالامتحان عدل لهسبب ضايجه شويه
زين : بحده وانتي كل عقلج كالبه وجهج على مود امتحان عبالي صاير شي وياج
براء : اخذت ايده لافتها على خصرها راجعه لحضنه ... اسفه
زين : حضنها بايس ركبتها ... لا تتاسفين اني لان خايف عليج احجي هيج ... بس بعد لاتسويها تره اعاقبج اذا شفتج معبسه على شي تافه
براء : خلت راسها بركبته مستنشقه عطره ... صار
زين : ابتسم وخري بعدني ماسابح كلني جراثيم لا تتمريضن
براء : ميخالف خلي اتمرض
زين : ضحك ... شالها كعدها على الجربايه دنك بايس شفايفها ... يله بدلي وصلي علما اسبح وطلع حتى ننزل ماشي
براء : ابتسمت ... هازه راسي ... راح واني كمت بدلت وصليت ... كعدت انتظره حتى ننزل ... شويه وطلع لاف المنشفه على خصره شعره يكطر مي وينزل على جسمه يمشي ووشومه تتحرك ويه عضلاته ... اباوعله يعني صدوك هذا هو زوجي .. مااعرف ليش احس نفسي مفتخره من اكولها ... طلع لابس تراك ... وكف كبالي
زين : عدلت حجابها انتبهي شعرج طالع ... اخذ ايدها يله تعاي ... نزلنه ... اني رحت للصاله وهي للمطبخ
قصي : يعني وتالي
زين : شنو
قصي : اكو سر عظيم وره سبحك كلما تجي من الدوام
زين : ببرود شبيك ولك شارب شي
قصي : اي شارب ببسي المهم اكو شغلتين وحده منهن صحيحه يا اما انت تخون مرتك بالمستشفى وتجي كبل تسبح حتى تخفي اثار الجريمه عن براء يااماا الشغله نفسها بس تسويها بغرفتك وبالحلال
زين : ببرود شنو شايفني مثلك وين ما اكو مره افتح بنطروني
سجاد : في منتصف الجبهه يا حبيبي
لؤي : ههه دومك جايب الاهانه لروحك
قصي : ومنو كال اني افتح بنطروني من اشوف بنيه
حسن : باستهزاء جاا شتسوي تصليلها صلاه الايات
قصي : لا ماافتح بس بنطروني حتى قميصي افتحه
لؤي : هههه شكد ساقط
قصي : حبايبي هاي شغله افتخر واعتز بيها
زين : شمر الكوشه عليه ... مفتخر حضرته وهو يسويها ويه الكحا ....
جهاد : ولكم شو ماتستحون ولا جن اني كاعد بيناتكم لا وتحجون بدون سيطره وانت زين عود هاي انت العاقل تحجي بهالطريقه المنحطه
سجاد : يابه تره كعداتنه ما تخله من هالمواضيع
جهاد : سياب غير
قصي : ليش يابه تره متحلي الكعده غير هالمواضيع خاصه اذا واحد يحجي عن بطولاته بيها
جهاد : طاحظ تربيتكم ولد كلب
زين : ببرود واني مشمول بهالمسبه
جهاد : لا حشاك دكتورنه اسب روحي ومااسبك
الكل : هههه
براء : صبينه الغده وكعدنه نتغده
نجمه : اكلجن اليوم انتن تغسلن المواعين اني هستوني اجيت من الكليه وتعبانه
جميله : يبوو اليوم اول يوم الج وخبصتيه جاا بباقي السنه شلون بيج
نجمه : ماعليه كلت تعبانه كلشي مااسوي اليوم
سجاد : هو انتي من غير خير مخيره مو انوب داومتي
نجمه : ننننن
سجاد : دمغها تادبي واحترمي نفسج
نجمه : باوعتله صفح رجفت ... اكول براء فنج اليوم منو شفت
براء : منو ؟
نجمه : شفت محمد مو اني وياا بنفس الجامعه فدلاني على الاقسام حتى مااضيع المهم سالني عليج ووصاني اسلم عليج يكول سلميلي عليها هواي وكليلها مشتاقلها خلي تخابرني
براء : بفرح صدوك
نجمه : اي والله
براء : حبيبي والله حتى مشتاقتله ... حست على كرصه بفخذها ... اااخ
مريم : بخوف شبيج يمه
براء : بارتباك ... مم ماكو شي تعورت رجلي بحافه الكرسي
جهاد : ديربالج بنتي
براء : هزت راسها ... اباوع لزين ياكل ولا كان شلع جلدي بايده ... همستله ليش هيج شسويت حتى تاذيني
زين : رفع ايده من جوه السفره ماسح على فخدها باصابعه
براء : ارتبكت تباوع خاف احد ينتبه عليهم
زين: صب كلاص ماي خلاه يمها هامسلها ببرود ... حسابج بالغرفه صبريلي
براء : بكلبها غير اعرف شمسويه
دارين : انتبهت عليهم لان كاعده يم براء ... باوعتلها بحقد الله ياخذج يا حقيره
براء : شكلتي ؟
دارين : بابتسامه ماكلت شي سلامتج
براء : كملنه غده وكمنه لمينه السفره وصبينه جاي وكعدنه بالصاله ... رحت كعدت يم زين
زين : جاا وين مريومه ما شفتها اليوم
سجاد : دخيلك هسه بس تسمعك تجي مالنه خلكها
قصي : بشرفج جميله كومي جيبها
جميله : عوفها نايمه
زين : لا اذا نايمه عوفوها
شمس : هالايام هي وايفان كد ما يلعبون بالحديقه بوجهم للنوم محد يشوفهم
جهاد : خليهم جاا المن خلينه الحديقه والالعاب غير الهم
زين : كام من رختصكم يله براء
براء : بارتباك خليني كاعده هنا
زين : ببرود كومي
براء : كمت صعدت وراه اول مادخلت للغرفه دار وجهه عليه
زين : بحده شنو هالحجي الكلتي
براء : باستغراب يا حجي
زين : تقدمت عليها وهي ترجع لوره لحد نحصرت بالباب دنكت عليها ... شلون تكولين حبيبي؟ لا ومشتاقتله وبعد وبعد ؟
براء : والله على محمد اخويه
زين : واذا اخوج يعني ... ببرود شوفي ولج اذا اسمع كلمه حبيبي او اي كلمه تنكال لاي احد لو جان لامير الصغير اطيح حضج
براء : هزت راسها
زين : وهسه لازم نتعاقب
براء : لا زيين
زين : نفه لالا هالمره لازم تتعاقبين حتى ما تعيديها ... تقرب عليها اكثر لحد ما تلامست شفايفهم بدون مايبوسها ... يحجي وشفايفه تتحرك ويه شفايفها ... هالشفايف يحرم عليهن يغازلن لو يكولن كلمه حلوه لغيري اذا طلعت كلمه حبيبي منهن فلازم تكون الي واذا طلعت كلمه احبك هم لازم تكون الي مفهوم
براء : غمضت .... حاسه بشفته بدت تتحرك على شفتها بطريقه تحسسها هي مبنجه
زين : باسها بهدوء وبعدين جر شفتها عاضها بقوه .... وهي تاوهت لان اذاها ... حاولت توخر بس متكدر ... اديه مثبتاتها .... باسها بعمق وبقسوه تحس شفايفها راح تتكطع ... شفتها نشكت من العض ومع هذا ما تركها ... دموعها نزلت تاذت حيلل ... دخل لسانه لداخل علي الشمري سارق القصص شفتها ممتصه بقوه ... وعاض عليه ... وخر عنها شايف شفتها منفوخه وطاكه دم امتصها بهدوء وخر بايسها بخفه ... هذا عقاب بسيط حتى تكون عبره الج وبعد ماتعيديها
براء : تباوع بعيونه ... متحجي
شي شفتها تاذيها ولسانها هم
زين : جرها حاضنها .... اسف حبيبي ... يمكن اكو شي ماتعرفني عني اني شخص جدا اناني على اشيائي وخاصه بيج اريدج كلج على بعضج الي
براء : بهدوء انت متملك ومتسلط
زين : ببرود افتخر بهالشي وانتي مجبوره تتقبلين شخصيتي وتملكي
براء : رغم البعض يعتبر مشاعر زين وتصرفاته غلط بس بالنسبه لبراء تحب تملكه تحب قسوته كلشي بي بالنسبه الها حلو ... حاوطت ركبته .... بهدوء احبك
زين : شد عليها ... بتنهيده ... مو بكد حبي الج
براء : ابتعدت اني نعسانه حروح انام
زين : باس ارنبه خشمها ... نوم العوافي ... راحت نامت واني كعدت اشوف التقارير الي ذبتهن هالحيوانه اسراء
براء : دخلت نزعت الصايه والحجاب ... خلت راسها على المخده .... نامت ... بعد تفكير طويل بالي صار وياها اليوم
____________
بيت غيث
ناديه : اكلك غيث
غيث : عينه على التلفزيون ... هاا
ناديه : اطلب منك طلب وبروح امك لا تردني
غيث : خير يا ستار
ناديه : الله عليك خلي نعزم براء هي ورجلها يمنه والله طاك كلبي عليها
غيث : لا
ناديه : غيث شبيك جاي اتوسل بيك يعني يعجبك وضعي راح اموت على بتي الله يقبلها اعرف اخبارها من الناس ليش يتيمه لو فصليه هي
غيث : لا ادوخيني كلت براء متدخل لهل البيت
ناديه : كامت خوش جاا اني طالعه وعايفتلك البيت بلي بي
غيث : الله وياج
ناديه : راحت فتحت الكنتور طلعت جنطه وبدت تخلي ملابسها ودموعها يجرن ... كافي بعد سكتت هواي صار شهرين ماشايفه بتي حتى من طلع رجلها من المستشفى ماخليتوني اروح والله انعل ابو هالبيت اذا ابقه بي
غيث : كام ...كل عقلج تردين تطلعين
ناديه : طبكت الجنطه وراحت لبست حجابها ... اي اني ماابقه ببيت محد يحترم رائيي بي خليكم انتو شبعو بهالبيت واني رايحه لبيت اهلي ... اجتي تطلع
غيث : استغفر الله لاتطلعين ماشي خليها تجي بس مو اليوم بعد اسبوع عازم اخوتي وخواتي على ثواب لروح امي وعود عزميها هي ورجلها بس لا تطلعين
ناديه : اكيد يعني ماراح تتراجع
غيث : بنفاذ صبر لا ما اتراجع
ناديه : ابتسمت يعني بعد يومين اشوف بنتي
غيث : اي بس خلصيني
_________
خوله : اكلج شو جنتج مالها حس
مريم : ياهي منهن
خوله : براء
مريم : ضحكت يايمه هي ميلها حس كاعده لو نايمه متحسين بيها
خوله : هو اني جاي اسئل عليها من بعد الغده ماشفتها لاهي ولا زين
مريم : اكيد تلكيهم تعبانين ونايمين خطيه هي تداوم وتدرس وهم ترجع تساعد البنات خطيه خليها ترتاح
خوله : ولج لاتصيرين فرد مره وياهن خليج شديده حتى يسمعن حجايتج تره باسلوبج هذا ياكلنج
مريم : يمه اني بدون ما اعاملهن بشده هنه بنات اوادم وماشيات عدل
خوله : عوجت حلكها خليج تضلين طول عمرج فقيره وعلى نياتج
مريم : اخ منج يمه ترديني اصير مثل خواتي روحي شوفي سمر شلون شاده ويه جناينها وبيتها كل ساعه صايره بي مشكله وولدها مو كلب على كلب ترديني اشد وياهن حتى ولدي يتفركون
خوله : يطبج مرض والله باجر عكبه يطردنج ويستولن على البيت خاصه هنه متوالمات
مريم : خليهن ياخذنه هو اول وتالي اني وجهاد رايحين والبيت راح يبقه الهم منا لذالك اليوم اني اريد اعيش مرتاحه ويه عائلتي يله من رخصتج اروح اصبلج جاي
خوله : مرخوصه
______
براء : كعدت العصر بحدود الاربعه ... طلعت لكيت زين كاعد على بيج قصص عراقية واقعية اللابتوب يشتغل
زين : حس بوجودها شال راسه باوعلها لابسه دشداشه قصيره سوده والرجلين يلمعن ... اشرلها تجي
براء : مشت بنعاس وكفت كباله ... اخذ ايدها كعدها بحضنه ... خلت راسها على متنه متثاوبه
زين : نزع النظرات وباسها ... صحي النوم
براء : ابتسمت
زين : بعده الحلو نعسان
براء : غمضت عيونها ... امممم
زين : رجعي نامي واكعدج بعد ساعه
براء : هزت راسها وغمضت عيونها
زين : ابتسم ... كومي نامي بالغرفه
براء : همست مابيه حيل .... حاوطت خصره نايمه على صدره
زين : ثبت ايده على خصرها ورجع يكمل شغله ... وكل شويه يبوس خدودها ... شويه وسمع الباب يندك خرب منو اجه هسه .... منو ؟
دارين : اني
زين : يعني حتى هنا لاحكتني ... دخلي
دارين : دخلت مبتسمه اختفت ابتسامتها من شافت براء نايمه بحضن زين وهو حاضنها ... تحجي وعينها على براء ... عمو جهاد يريدك وبيبي خوله كالت خلي تكعد براء
زين : ببرود خوش روحي واحنه نجي وراج
دارين : اشرت على براء ... ليش نايمه بحضنك
زين : ببرود على حسب علمي نايمه بحضن رجلها مو بحضن رجال غريب حتى تستغربين
دارين : لا بس داسأل انو يعني ليش نايمه هيج خو تنام بالغرفه
زين : ببرود وانتي شعليج
دارين : باحراج هاا .. يله اني نازله مو تنسه انزل وكعدها وياك ... طلعت وهي تحس نار شبت بيها ... الله ياخذ عمرج يابراء ويخلصني من شرج ياحقيره ... ياربي ... معقوله زين لهدرجه يحبها بحيث حتى وهو يشتغل حاطها بحضنه
خوله : هاا كتيلهم ينزلون
دارين : اي كتلهم
خوله : ومرته كتيلها اني
اصيحلها
دارين : لا جانت نايمه مدري مسويه روحها نايمه المهم كلت لزين يكعدها
خوله : يعني شلون مسويه روحها نايمه
دارين : مو دخلت للغرفه لكيت زين كاعد بالصاله وخالها بحضنه وهي نايمه
خوله : ااخخ مفلفلات البراب..... ميكدرن
_____________
زين : براء حبيبي كعدي يصيحولج جوه
براء : فتحت عيونها ... منو يصيحلي
زين : حجيه خوله
براء : كامت بسرعه ... شتريد مني
زين : علمي علمج ... وبعدين تعاي ليش كمتي مخروعه
براء : تريد الصراحه
زين : اي
براء : اخاف منها
زين : ههههه
براء : اباوعله عيونه نسدن من الضحك ابتسمت ... ليش تضحك
زين : كل عقلج تخافين منها
براء : اي والله تخوف تضل تصيح عليه
زين : لزم ايدها ... حبيبتي ممنوع اسمع هالحجايه بعد ... مادام اني وياج اياج تخافين من احد .... ابن امه وابو الي يسترجي يدنالج واني موجود
براء : ابتسمت بايسه ايده بعمق ... الله يخليك الي
زين : رجع باس ايدها ويحفظج الي
براء : رحت غسلت وبدلت ونزلت اني وياا
جهاد : تعال زين
زين : كعد ... أامر يابه
جهاد : سمعوني خمستكم باجر نطلع للانبار عندي صديقي شيخ عشيره .... عزمنه على عرس ابنه بعد يومين واريدكم كلكم ترحون ويايه باجر نروح نبات ليله ونرجع ثاني يوم من يخلص العرس
لؤي : قصدك شيخ جلال
جهاد : اي
زين : اني عندي دوام مااكدر اروح ... غير هيج ملتزم ببراء منو ياخذها اذا رحت وياكم
جهاد : كلت كلكم ترحون هذا صديقي من ايام الكليه وحتى من سافرت ما عافني عيب ارده وهو قدرني وعزمني اني وياكم ويزعل اذا مارحتو اما بلنسبه الك زين فاحنه نطلع اليوم الفجر حتى نوصل الصبح واصلا انت اجازتك ماخلصت فما مجبور تداوم ودوام براء ... فالحرس المن موجودين همه يوصلوها
زين : وتريدني اصعدها ويه الحرس
جهاد : شكو بيها همه راح يوصلوها قابل شراح يسوون
زين : يابه كتلك ما اريد اروح روحو انتو
جهاد : ماكوو ... جلال اول واحد سال عنه انت واصر عليه تجي حتى تتعرف عليهم لان من رجعنه اجو زارونه وما شافوك فيردون يتعرفون عليك
زين : بنفاذ صبر ... ماشي
جهاد : وهسه كومو طلعو اشترو ملابس
قصي : عدنه ملابس شعدنه طالعين نشتري
جهاد : ليش ميلكم لبس عربي؟
زين : شلوون
جهاد : هاا بس لا تريد تروح للانبار لابس قاط
زين : استغفر الله ... اني ماعندي لبس عربي
لؤي : اني عندي جدد لسه مالابسهن اخذ الي يعجبك منهن
زين : شلون البس منك ياذكي
لؤي : بس لا تقرف مني ولك ... اصلا جاي اكلك مالابسهن ولامره
زين : لك لا اقصد ملابسك مايصيرن عليه
لؤي : اي صحيح انت اطول مني بهواي
زين : كام اني راح اطلع تجون
سجاد : اي اني اجي وياك
قصي وحسن : حتى احنه
لؤي : اني مالي خلك روحو انتو
زين : خوش ... صعدت بدلت براء ماشفتها بعد راحت ختلت بالمطبخ بعد ماطلعت .. اخذت سويجي وطلعت ويه الشباب
براء : طلعنه اني والبنات بدينه كيك وجاي مالكينه احد ... لعد خالو وينهم
جهاد : طلعو
مريم : وين راحو
جهاد : باجر رايحين للانبار وطلعو يشترون ملابس للعرس
مريم : عرس منو
جهاد : قائد ابن الشيخ جلال
مريم : هاا ... اي الف مبروك الله يتمم عليهم
براء : لعد ليش زين مصاحلي اطلعله ملابس ... ضليت كاعده شويه وكمت احضر العشه حسوي فطاير ولحم بعجين سويت العجينه وعفتها تتخمر حضرت المواد ... وسويت على جهه كباب وكبه لان ادري حجيه خوله متاكل هالاكل وشيخلصني من لسانها ... كملت كولشي بقت بس الفطاير كعدت احشيها ... دخلت جميله ... تساعدني
جميله : والله الج خلك
براء : بالعكس احب الطبخ
جميله : اني ولا الي واهس بي احب التنظيف عندج شمس واهسها بالطبخ
شمس : سمعت اسمي بالموضوع خير جاي تحشن بيه
نجمه : اكيد جانن يحجن عليج
جميله : اي براء تكول عليج مابيج حظ
براء : لا والله
شمس : هههه ادري بيها جذابه ... بس صدك شجنتن تحجن
جميله : جنت اكلها اني واهسي بالتنطيف وانتي بالطبخ
براء : اني ماعندي مشكله ويه الاثنين
نجمه : وين اكو منج انتي
شمس : وانتي واهسج بيمن
جميله : اني اعرف بيمن واهسها
براء : بيمن
جميله : بالكالات والغيبه والنميمه
نجمه : الله يطيح حظج صدك ما تستحين
البنات : ههههه
براء : كملت العشه وصعدت لغرفتي نزعت الي عليه وبديت انظف ... كنست الصاله وعزلتها ... دخلت للغرفه هم نظفتها لكيت تشيرت زين على الجربايه مصفط هو والبجامه ابتسمت ياربي شكد مرتب ... اخذت التشيرت شميت عطره
عفيه عطر ميخلص .. يمكن زين انظف وارتب رجال شفته بحياتي ... رجعتهن بالكنتور ودخلت سبحت وطلعت لبست بلوز وردي فاتح وستريج اسود ... كعدت امشط بس شو عجبني اغير شويه ... سشورت شعري حتى ينشف ورجعت برمت اطرافه ... سمعت الباب نفتحت ... طلعت للصاله شفت زين دخل شايل شغلات مغلفه اعتقد ملابس ... رحت يمه الله يساعدك
زين : دنك بايس خدودها ... ويساعدج حبيبي
براء : شنو هذني
زين : ملابس
براء : شنو عندك مناسبه
زين : اليوم الفجر طالعين للانبار
براء : هاا تذكرت خالو جهاد كال معزومين على عرس
زين : فتح قميصه ... اي واني مالي خلك اروح بس مجبور
براء : يعني شكد حتبقون
زين : يومين
براء : بضوجه مو هواي يومين
زين : لا حبييي مو هواي انشالله ثاني يوم احنه الظهر هنا
براء : هزت راسها
زين : انتبه عليها ... لزم اطراف شعرها ... مبتسم هاي شمسويه بشعرج
براء : ليش موحلو
زين : لا يجنن
براء : صدوك اني عبالي طلع موحلو
زين : ليش انتي اكو شي يطلع مو حلو عليج
براء : دنكت راسها خجلانه
زين : ابتسم كارص خدودها تره مايصير كلما احاجيج حجايه هذني ينكلبن طماطه
براء : ابتسمت
زين : بوس خدوها الاثنين يله اني رايح اصلي واناملي شويه .... هاا حضيريلي ملابس لباجر ...و كعديني بعد ساعه مو تنسين
براء : موزين تنام المغرب خلي نومتك لليل
زين : نعسان مااكدر انتظر لليل
براء : راح صله نام ... واني هم صليت ورحت حضرتله ملابس تراكين علي الشمري سارق القصص وبنطرون وقميص والملابس الي اشتراهن خليتهن بجنطه وسديتها عزلتها على جهه .... طلعت اقره قران جانت امنيتي الاولى انو تظهر برائتي كدام الكل بس هسه صارت امنيتي الاولى انو الله ميفاركني عن زين ولا لحضه وحده ... كملت قراءه وكمت حضرت واجباتي ... وره نص ساعه كملت باوعت صارت بالسبعه كمت كعدت زين ونزلت للمطبخ حتى اكمل العشه دخلت للمطبخ ... خليت اللحم بعجين والفطاير بالفرن ووكفت اكلي الكباب والكبه
سجاد : الله شهل ريحه
براء : داسوي عشه
سجاد : شمسويه
براء : فطاير ولحم بعجين وهسه داكلي كباب وكبه
سجاد : عاشت ايدج بس اكو شي ناقص
براء : شنوه؟
سجاد : المقبلات
براء : مسويه بس عفتهن بالثلاجه لان موطيبات وهنه حارات
سجاد : والله ياعمي انتي بت اوادم الله يوفقج ياعمه ناديه على هالخلفه
براء : ضحكت هاي كلها لان طبخت
سجاد : جاا هو سهل اصلا اهم شي بالحياه الاكل
براء : ابتسمت ... ورجعت اكمل وهو واكف يمي يسولف وياكل ... دخل قصي وكعد يشارك الحديث ويانه
قصي : لك كافي خلصت العشه
سجاد : ماعليك انت
براء : مو تشبع
سجاد : لاتخافين مااشبع هاي يصيحولها تصبيره
زين : دخلت للمطبخ ... شفت سجاد وقصي واكفين على الطباخ يتناكرون هاي شعدكم هنا ... وخرو جان اشوف براء واكفه وراهم ... باستغراب هاي شجاي تسون
سجاد : اني جاي اكل شو هذا شعنده هنا
قصي : واني اجيت وراك
زين فتح الثلاجه .. يشرب ماي
سجاد : اخذ كبايه اني طالع تعال قصي اريدك تشوف لابتوبي شبي جاي يعلك
قصي : اجيت
زين : سد الثلاجه ... وكف يمها ... شو ماكو احد وحدج واكفه بالمطبخ
براء : اليوم عليه العشه والبنات راحن يعزلن البيت
زين : وشراح تسوين عشه
براء : عجبني اسوي فطاير ولحم بعجين وهسه داكلي كباب وكبه خاف انتو متحبون تاكلون هالاشياء
زين : بتفاجأء هذا كله انتي مسويته
براء : اي
زين : حلو يعني تعرفين تطبخين
براء : اي طبعا
زين : وكف وراها حاضن خصرها ... بس تره مامبين عليج
براء : احم زين وخر ليفوت احد فشله
زين : خله راسها جوه حجابها ... بايس ركبتها ... لا
براء : تباوع للباب ... عفيه زين حيدخل احد
زين : عادي ... جر جسمها مرجعه على جسمه
براء : رجف جسمها ... زين
زين : روح زين
براء : عوفني فدوه
زين : ججج ... كلت لا ... ضل حاضنها وهي تحاول تجر نفسها بس متكدر
دارين : دخلت وشافتهم بالمنظر ... احم احم
زين : ابتعد عنها ... باوع لدارين ... استغفر الله اني اخلص من مريم تطلعلي هاي ... اخذ كلاص الماي وطلع .
براء : عززه شكول عليك زين خليتني بهالموقف
دارين : ضمت اديها ... انتي ماتشبعين
براء : بخجل هاا
دارين : لاتسوين روحج ماتفهمين ... يعني بالغرفه نايمه بحضنه وهسه اجي الكا حاضنج وبدون ميهتم لاحد بس فهميني شوكت تعتقي وتحلين عنه
براء : بضوجه عفوا وانتي شعليج وين انام ووين اكعد وبعدين شنو يعني اعتقه ؟
دارين : عبالج يمشي عليه دور الطفله البرئيه هذا لا حبيبتي هاي الشخصيه الوديعه مشيها
على اهل هالبيت لان زواج وكلشي يصدكون
براء : هزت راسها مستغربه ... انتي بيج شي والله ... عافتها وراحت
دارين : لزمت ايدها ضاغظه عليها .... تعاي ولج اني ماكملت كلامي حتى ترحين اصلا منو انتي زبالتيش وتتجاهليني
براء : دفعت ايدها متالمه ... سمعيني مو بمعناها اني محترمتج ومراعيه فارق العمر بيناتنه واكول انتي اكبر مني وميصير اتجاوز عليج مره وثنين وتلاثه تسوين ويايه مواقف سخيفه واغلس واكول ميخالف اكبر مني واتحملها بس مال تجاوزين عليه بالكلام وتدخلين بحياتي الشخصيه لا لهنا وحدج
دارين : باستهزاء وشتسوين يعني
براء : بهدوء اني مااكدر اسويلج شي بس عندي الي يكدر يسوي شغلات متخطر على بالج
دارين : شنو تهديديني بزين
براء : بهدوء اني مااهددج بس احذرتج اذا ضليتي تجاوزين والله اكل لزين وهو يتصرف وياج ساعتها ... عفتها ورحت طفيت الفرن وطلعت بيج قصص عراقية واقعية صواني الفطاير ورجعت طلعت اللحم بعجين من فرن الطباخ واخير كملت كولشي رحت ... خليتهن على جهه ورحت طلعت المواعين ووزعت الاكل بيهن ... صحت للبنات حتى نشيلنهن
جميله : اويلي لج براء شهل ريحه
شمس : ياا كل هذا سويتي وحدج حبيبتي ليش ما صحتيلي اساعدج
براء : بابتسامه لا حبيتي عادي اصلا العشه عليه اليوم
شمس : حتى اذا هسه مو انتي تساعدينه بالغدهو
براء : ابتسمت يله عادي ... شلنه الكل خلينا بالسفره وكعدنه نتعشه
مريم : عاشت ايدج بروئه
براء : بالعافيه خاله
جهاد : طبعا اكلج يشبه اكل امي بالضبط جانت هم تسويلنه الكباب هجي بي نكهه حيلل طيبه
براء : ابتسمت لاخالو اكل بيبي حميده يجنن شجابني عليها
مريم : يمه هو الاكل نفسيه اذا نفسيتج طيبه يطلع الاكل تحفه واذا نفسيتج مو طيبه لو تحطين روحج بي يطلع يلعب النفس
سجاد : اي والله ... هاي نجمه ابسط مثال اذا طبخت شي حتى الجلاب البره متقبل تاكله
نجمه : اي لهسبب تجي تتوسل بالليل انزل اسويلك زقنبوت
سجاد : ضربها زقنبوت بكلبج ام عطوب
نجمه : تروحلي فدوه
قصي : بشرفكم شعر نجمه مو جنه سيم ماعين
حسن : ههه اي والله
نجمه : انتو شيفهمكم بالموضه شعري يصيحوله كيرلي
لؤي : وهو سرح احلى ليش غيرتي ستايلج
نجمه : هيج شويه تغيير
براء : كملنه اكل ولمينه السفره ... نجمه راحت تغسل المواعين واني صعدت ... دخلت للغرفه نزعت الصايه لكيت زين كاعد بالصاله ... اشششه بارده ثلج بره
زين : تعاي
براء : كعدت يمه
زين : اخذ اديها يفركهن حتى يدفن ... اذا تدرين بارده ليش مالابسه شي ثخين
براء : لابسه شوف البلوز شثخنه
زين : هو بلوز واحد يدفي ... كمت عليت الدفئه ورحت جبت بطانيه ... غطيتها .. وكعدت ... هسه تدفين
براء : غطيته ويايه ... تغطه بارده
زين : رفعها مكعدها بحضنه ... هسه ادفه
براء : خلت راسها على صدره ... كعد يكلب بالتلفزيون حاضنها بايد ... والايد الثانيه يكلب بيها .... خلا على فلم اجنبي ..... رحت طلعت حبشكلات وحب الشمس واجيت كعدت بحضنه ... حلوو هذا الفلم ؟
زين : اخذ حب ... اي
براء : اكول
زين : مال راسه على راسها ... كولي
براء : من اتابع افلام اجنبيه بدون ترجمه تفتهم كلامهم
زين : اخذ قطعه ككو خلاها بحلكها ... اي اكيد
براء : اممم شكد حلوو واحد يعرف يحجي اكثر من لغه يعني انت هسه تحجي انكليزي وعربي
زين : ابتسم ضيفيلهن فرنسي واسباني وايطالي
براء : صدوك يعني انت تحجي كل هاللغات
زين : اي
براء : زين كلي كلمات مختلفه من هاللغات
زين : بالفرنسي ... Je t'aime
براء : بتسائل شنو يعني
زين : يباوع بعيونها ... يعني احبج
براء : ابتسمت بخجل ... واني هم
زين : باس ايدها مبتسم ... يله هالمره لازم تحزرين هالكلمه
براء : اوك
زين : بالاسباني ..... Quiero comerte
براء : شنو يعني؟
زين : هالمره مااكول انتي حزري
براء : بردان
زين : لا
براء : فرحان
زين : لا
براء : كلي حباب
زين : هز راسه ... لا
براء : زين نتنقل للغه الثالثه
زين : بتفكير ... ابتسم بخبث .... Voglio vederti decollare
براء : شنو هالكلمات والله متنحزر
زين : فكري
براء : ماكو ايست يله كول انت
زين : جج ... فكري بيها
براء : اممم مااعرف انت كول حباب
زين : انتي الي اصريتي اني ماعليه ... معنى هالجمله ... همسلها ... اريد ان اراكي تخلعين ماعليكي
براء : غطت وجها خجلانه ... شنو هاي زين مو عيب تحجي هيج
زين : وخر اديها عن وجهه هامس مشكلتج انتي اصريتي تعرفين
براء : باوعتله ... هامسه وانت
بس بهاي تسمع كلامي على العموم خخ لي نشوف الفلم
زين : مسح على شفايفها ... اني هم اكول هيج ... رجعنه نتابع الفلم ... ضلينه بحدود ألساعه كاعدين ... بس براء مالها صوت ... حبيبي شو سكتي ... باوع لكاها نايمه ... ابتسم دنك ماخذ شفايفها ببوسه هادئه على كيفه حتى متكعد ... شالها نيمها على الجربايه ونام بصفها .... حاوط خصرها وخله راسه بركبتها مستنشقها .... وبعدها ما حس على شي
______________
الساعه 4:30 فجرا
مريم : كعدت على المنبه جهاد والولد كون يطلعون بالخمسه للانبار ... جهاد اكعد
جهاد : كعدت كعدت ... صباح الخير
مريم : صباح النور يله كوم صلي الفجر وبدل علما اكعد الولد واسويلكم ريوك حتى تطلعون
جهاد : اي رحم الله والديج
مريم : طلعت دكيت الباب على لؤي وحسن لان غرفتهم وحده بصف الثانيه طلعو
لؤي وحسن : صباح الخير يمه باسو راسها
مريم : صباح النور بعد كلبي يله صلو وبدلو وتعالو نزلو
لؤي وحسن : صار
مريم : كعدت سجاد وقصي بقه زين ... طبعا بس هو غرفته معزوله ... اخخ منه ... دكيت الباب
زين : كعدت على صوت الباب كمت فتحتها شفت امي ... باس راسها صباح الخير حبيبتي ليش اجيتي اني انزل
مريم : صباح النور حبيبي اجيت اكعدك بدل وانزل تريك حتى تطلعون
زين : صار هسه دقايق واجي ... دخلت للغرفه بدلت واخذت جنطتي ... اجيت اطلع رجعت غطيت براء وخليتلها مصرف مال يومين ... وبستها وطلعت .... نزلت تريكنه وطلعنه بسيارتين سيارتي وسياره سجاد .... الطريق بعيد للانبار ... وصلنه الصبح دلانه ابويه على المنطقه ... بس تيهنه ... فتنه من مدخل بي بساتين هواي وكفت السياره ونزلت اسال احد ... مااشوف غير طلع قيلق كله لابس عربي ... بيدهم سلاح حاوطو سياراتنه همه واسلحتهم
جهاد : تقدم يحاجيهم
.... ديربالكم تتحركون تره نفرغ السلاح بروسكم
**************
