رواية أحببت من لايبالي الفصل الخامس والعشرون بقلم مجهول
براء : كعدت على صوت المنبه ... باوعت الساعه بالسبعه ... ياا زين طلع كمت ركض للصاله ماهو ... افف ليش طلع وماكعدني ... غسلت وجهي ... ورجعت ضايجه للغرفه عود ليش ماكعدني ... صفطت الفراش ورحت طلعت ملابسي بدلت ووكفت الف شالي انتبهت على ورقه ملزوكه على ميز التواليت اخذتها
زين : صباح الخير حبيبي من تقرين الرساله اكون اني طالع مااوصيج ديربالج على دروسج لاتتكاسلين ... ولبسي ملابس هواي لاتتمريضن زائد خليلتلج مصرف يم راسج اخذي مو تنسين ... احبج
ملاحظه / مثل ماوصيتج اذا مو ويه نجمه ماتروحين للدوام مفهموم بيج قصص عراقية واقعية
براء : ابتسمت حاضنه الورقه ... فدوه ... لفيت شالي بسرعه واخذت موبايلي دزيتله رساله .... صباح النور حبيبي ليش ماكعدتني وياك قبل لاتطلع ... على العموم من توصل بالسلامه كلي لتخليني قلقه عليك ... احبك ... رجعت الموبايل ولبست عبايتي ونزلت لكيت نجمه كاعده ... صباح الخير
نجمه : صباح النور
براء : كعدت تريكنه
نجمه : يله تعالي
براء : طلعنه ويه الحرس بالاول وصلوني لمدرستي ... باي
نجمه : بيباي حبي
براء : دخلت للمدرسه دك الجرس وبده الدوام
________
نجمه : وصلت للجامعه نزلت شفت صديقتي محاسن بنيه تعرفت عليها كلش لطيفه ومرحه ... هلو
محاسن : ليش تاخرتي صار ساعه منتظرتج حتى ريوك ماتريكت
نجمه : اسفه بس اني تريكت
محاسن : الله لايوفقج ولج اني بقيت جوعانه على مودج تاليتها تطلعين متريكه وعايفتني
نجمه : ههه اسفه تعاي اليوم ريوكج عليه امشي ... كعدنه بالنادي شفت محمد اجه
محمد : سلام عليكم
نجمه : وعليكم السلام
محمد : شلونج اليوم خو مامحتاجه شي
نجمه : لا تسلم كلشي ما محتاجه
محمد : امانه اي شي تحتاجي اني موجود
نجمه : تسلم اعرفك متقصر
محمد : يله من رخصتج سلميلي على براء هواي
نجمه : يوصل الله وياك
محاسن : ولج منو هذا ومنو براء
نجمه : هذا ابن عمتي اسمه محمد وبراء اخته ومرت اخويه بنفس الوقت
محاسن : هاا
نجمه : اي ... يله طلبي شتردين حتى نطلع وهاا باجر ريوكي عليج خو مااصرف عليج اني
محاسن : هههه اوك
___________
.... ديربالكم تتحركون تره نفرغ السلاح بروسكم
قصي : لك بس لا ذوله دواعش
سجاد : لا ما اعتقد يجوز قطاع طرق
جهاد : نزل سلاحك واسم...
.... شعدكم جايين لهينا شتردون منه هاا احجو لا نفرغو السلاح بروسكم
جهاد : مانريد منكم شي بس تيهنه الطريق واجينه لمنطقتكم بالغلط
..... شعرفنه كلامك صحيح يجوز تجذب
زين : بعصبيه جاي يكلك مضيعين الطريق ودخلنه على بساتينكم بالغلط ... احنه جايين لشيخ عشيره ..... واذا تردون اتصلو عليه وافتهمو السالفه لا تضلون تصرفون مثل الهمج
..... قصدكم الشيخ جلال
جهاد : اي
.... هسه اخابرو واتاكد .... الوو شيخ شلونك .... اكو جماعه دخلو علينا من البوب الخلفيه ويكولون معارفك فخابرتك اتاكد .... حاضر ... شنهو اسمك انت
جهاد : جهاد كله ابو لؤي
..... يكول اسمو ابو لؤي ... هاا خوش ... سد الموبايل ... نزلو سلاحكم ... حنه نعتذر منكم وحكم على روسنه بس مثل ما تعرفو اوضاع الانبار ماهي مثل قبل بسبب الدواعش كمنه نخاف من اي رجل تعتب بابنه وانتو اجيتو على مكان شبه مقطوع احنه ما نوصلو غير وكت الشغل فعباله حشاكم ارهاب لو حراميه جايين تبوكون الحلال .... اعذرني خويه وامسحها بوجهي وهاي راسك ابوسو
جهاد : لا خويه ماصار شي حلالكم وحقكم تخافون عليه .... بس بلا امر عليكم تكدرون تدلونه على بيت الشيخ جلال لان تاخرنه
حجي ناظم (الرجال) : ابد والله ماتطلعو منا اذا ما تتغدون معنا
جهاد : رحم الله والديك حجي بس والله مستعجلين
حجي ناظم : ماكو طلعه عيب وكت غده هسه ... تغدو وشربو جايكم واني اوصلكم للباب الشيخ بايدي
جهاد : خويه والله ماكو داعي
حجي ناظم : عدنه عيب ترد العزيمه يا ابو لؤي وانتو اليوم بضيافتي
جهاد : ابتسم هاي هي خويه براحتك
زين : صفينه السيارات ونزلنه وياهم البساتين حلوه وهوائها يرد الروح دخلنه لمكان يشبه المضيف كعدنه اباوع مبينين ناس بسطاء
حجي ناظم : انتو من وين خويه ماعرفتونه عليكم
جهاد : من .... اسمي جهاد وهذوله ولدي لؤي ، زين ، قصي ، حسن وسجاد
حجي ناظم : دمعت عيونه ... الله يحفظهم الك ... واجيتو لعرس الشيخ قائد مو
جهاد : اي والله بس مثل مشوف ضيعنه
حجي ناظم : والله انه خجلان منكم مو خوش طلعه طلعنه وياكم وانتو ضيفونه بس الضروف المرينه بيها خلتنه نشك حتى بخيالنه
لؤي : حجي سوء تفاهم وصار ماكو داعي للاعتذار
زين : اذن الاذان كمنه صلينه ... وتغدينه بسطاتهم حلوه حتى اكلهم رغم بسيط بس بي طعم غير الي ناكله بارقى المطاعم ..... كملنه وشربنه شاي وكام الرجال دلانه على بيت الشيخ جلال .... وصلنه الرجال تشكرنه منه على الضيافه ونزلنه لبستان جبير ... لكينه رجال جبير يطلع بكد ابويه وياا ناس هواي ... اجه حضن ابويه مسلم عليه اعتقد هو هذا الشيخ جلال ... سلمو عليه اخواني بحراره
جهاد : اعرفك ابو قائد هذا ابني زين
شيخ جلال : هلا بالدكتور هله نورت الديره
زين : ابتسم برجوله مسلم عليه ... منوره بوجودكم شيخ
الشيخ جلال : تفضلو تفضلو
زين : دخلنه للمضيف شويه ودخل واحد لابس زيي عربي كامله الكل منو هذا
لؤي : هذا قائد ابن الشيخ جلال العريس
زين : هاا
قائد : سلام عليكم
الكل : وعليكم السلام
ألولد : الف مبروك ابو جلال
قائد : الله يبارك بيكم خويه ... باوعت لواحد طويل وما يشبهلهم واكف بصفهم هذا اخوكم الدكتور
الولد : اي
قائد : صافحه اهلا وسهلا بيك دكتور نورتنه
زين : صافحه تسلم والف مبروك
قائد : الله يبارك بيك
شيخ جلال : صدك ابو لؤي انت ليش ما خابرتني من دخلت للانبار حتى يطلعو الولد يستقبلوكم
جهاد : راح عن بالي كلت اوصل لمنطقتك واخابرك بس ضيعت لان الانبار متغيره عن قبل عبالي باقيه على ايام شبابنه
شيخ جلال : اااخ ياريت لو ترجع الانبار مثل ما جانت .... بويه قائد استعجلهم بالغده
جهاد : يااغده ولك متغدين والله
شيخ جلال : شوكت تغديتو
جهاد : حجي ناظم ماخلانه نطلع خطيه سوالنه غده وشربنه جاي وعاف شغله وجابنه لهنا الله يحفظه
شيخ جلال : خطيه هالناظم راحله ولد بعمر الورده من وره الدواعش الله لا يرحمهم ... هل تشوفه كام يخاف من اي رجل غريبه تدخل عليه الله يساعد كلبه ضل شهور يدور على ابنه تاليها طلع ميت وماله جثه حتى مرتو الله يسترها كل ساعه واكعه وهو حاير بيها ... الارهاب الله لا يرحمهم خذو منه ولد بعمر الورد المتزوج الي يتمو جهالو ورملو مرتو والخاطب والمتخرج والي ستوو صار اب ووحيد اهلو وبعد وبعد شهداء ماينعدون راحو بلا سبب
جهاد : الله يصبركم وياخذ حقكم
شيخ جلال : انشالله وهذا الشي المتاكدين منو ... يله تفضلو ارتاحو حتى نكعد انه وياك عندي هواي حجي صار هواي ماشايفك وولدك هم يطلعون ويه الشباب يشوفون الديره
جهاد : خوش
زين : بس لا نبات هنا
لؤي : اي ليش
زين : زحمه احنه هواي خلي نروح نحجز بفندق عيب نبقه كلنه هنا وبعدين اني ما اكدر اخذ راحتي هنا اتقيد
قصي : والله ابوك مادام شاف الشيخ جلال بعد مايطلع
قائد : شبيكم شباب محتاجين شي
قصي : زين يريد يحجز بفندق يكول زحمه نبقه هنا
قائد : شسالفه خويه انتو اهلنه مو غربه حتى تتقيدون البيت الكم وعتبته النه
زين : خزر قصي ... رحم الله والديكم ماتقصرون
قائد : عليمن اخوانه انتم .... يله تعالو نامولكم شويه حتى العصر نطلع للبساتين ... كامو اخذهم قائد للاستقبال ... دخلو الولد لكوهم فارشين الهم
لؤي : عاشت ايدكم والله هلكانين من التعب
قصي : اي والله ... روح ياا قائد انشالله يصير عدك درزن جهال ومن اول يوم
قائد : هههه ماصيرلك جاره انت ... يله اعوفكم ترتاحون واجي اكعدكم العصر ... طلع
زين : لك حيوان شلون تحاجي الولد هيج ماتستحي
قصي : تره احنه وقائد علاقته كلش قويه هو شهر كامل اجه يمنه باربيل وصارت بيناتنه ميانه
سجاد : اي والله الولد حيل حباب وخلوق
زين : طلعت ملابس ودخلت للحمام سبحت وبدلت واجيت تمددت فتحت موبايلي لكيت رساله من برائتي ... ابتسمت
قصي : لك شوفو الحلك شلون نشرك للاذان
زين : كلب عيونه خليك بحالك وحل عني
قصي : بشرفك عليمن ضحكت
زين : طفيت موبايلي ودرت وجهي ميخصك
______________
نجمه : خلص الدوام طلعت لكيت السايق واكفلي صعدت ورحنه لبراء ... شافت السياره واجت صعدت
براء : بهدوء سلام
نجمه : اباوعلها عيونها حمر ... شبيج براء ليش هيج عيونج شنو باجيه ؟
براء : بارتباك هااا لاللا عليمن ابجي بس عيوني يحركني
نجمه : ليش يحركنج خاف داخل بيهن شي نروح للمستشفى
براء : بهدوء لا ماكو داعي هسه من نوصل اغسل وجهي بمي بارد
نجمه : براحتج
براء : وصلنه للبيت دخلت سلمت و سالت خاله عن الولد كالت وصلو .... صعدت لغرفتي .... ذبيت هدومي وكعدت ... مغطيه وجهي .... ياربي شلون بيه بهالسالفه الطلعتلي صفح ... اخذت موبايلي ماشفت رساله من زين اكيد نايم دزيتله رساله .... حبيبي اني وصلت للبيت من تكعد خابرني ... طفيته ورحت صليت ونزلت تغديت ورحت نمت
________
زين : كعدنه العصر ... كمنه بدلنه اخذت موبايلي شفت
رساله من براء
لؤي : يله زين تعال راح نطلع
زين : جاي وراكم بس دقيقه .... دكيت عليها
براء : نايمه وسمعت موبايلي يدك ... شلته شفته زين كعدت ... الووو حبيبي شلونك
زين : هله حبيبتي الحمدلله انتي شلونج اليوم
براء : الحمدلله ليش مدزيتلي رساله من وصلت
زين : صارت شغله بعدين اسولفها الج ... هسه تعالي كليلي شبي صوتج
براء : هستوني كاعده من النوم
زين : كافي نوم كعدي اقري عندج دراسه
براء : ابتسمت صار
زين : يله حبيبي اني هسه راح اطلع من ارجع اخابرج
براء : اوك باي حبيبي
زين : ابتسم باي سديته وطلعت
حسن : شسالفه تاخرت
زين : ببرود هنه عشر دقايق شتاخرت
لؤي : يله امشونه
زين : طلعنه للبساتين الجو يجنن بستاينهم متروسه زرع من كل الاصناف يعجبك بس تباوع وريحه الزرع تخبل خاصه الجو برد صار بعد احلى
قصي : جوكم يخبل
سجاد : هالمنطقه كلشي بيها ... افكر اقنع ابويه ننتقل هنا حبيت المكان
قائد : تنورونه والله
سجاد : تسلم حبيبي
زين : دخلنه لمكان متجمعين بي هواي زلم ... شفت ابويه لابس دشداشه وواكف يم شيخ جلال هاي اول مره اشوفه لابس هيج تقربنه منهم عرفونه عليهم ناس حيلل طيبين وكريمين مو شلون ماكان حتى فقيرهم كريم
شيخ جلال : هاا دكتور انشالله عجبتك الديره
زين : كلش حلوه وناسها احلى
شيخ جلال : ابتسم مطبطب على متنه
حازم اخو قائد : اكلكم شوكت نسوي حنه الزلم
رائد : كلش بالليل حتى نتونس
زين : ضلينه فتره كاعدين بالبستان صار الليل بسرعه ماحسينه بالوقت رحنه صلينه وتجمعنه بالمضيف .... الاجواء حلوه
قصي : قائد شلونه المعنويات
قائد : حيلل فرحان
لؤي : الله يتمم عليك بخير
قائد : تسلم ابو ايفان
حازم : بشقه وانت زين مانوي تزوج حتى نطيك مره منا
زين : اني مزوج
قائد : صدك هو انت شوكت رجعت حتى تزوج
زين : اول مارجعت خطبت وتزوجت
حازم : ماناوي تاخذ الثانيه
زين : مستحيل
حازم : والاخ مكتفي
قصي : هو زين عنده حساسيه من النسوان
حازم : ههههههه والله عدك طلعات مكسره
كيان (ابن عمهم ) انت دكتور شنو
زين : جراح
رائد : ياريت لو هالسنه اطلع معدل عالي واصير جراح
زين : ليش لا ادرس وانشالله تصير احسن جراح
كيان : شعده صاير جراح احنه الطب كلو مانريدو
زين : ليش؟
كيان : يااخي نصابين ويكصون بالعالم كص
زين : ببرود مو كل اصابعك سوه يعني انتو عدكم كل الفلاحين الي بالبستان نفس الشغل ونفس الهمه
كيان : اكيد لا
زين : هاي هي حتى الدكاتره مو كلهم سوه
كيان : يمكن
زين : باوعت للساعه بالدعش يله من رخصتكم
قائد : وين دكتور بعدنه كاعدين
زين : تعذروني حيلل نعسان من رخصتكم ... طلعت افتر بالبساتين دكت عليه براء .... الووو برائتي
براء : الوو حبيبي
زين : يروح حبيبج
براء : اكولك
زين : كولي
براء : شوكت ترجع
زين : ليش بيج شي ؟
براء : لا بس ضايجه
زين : انشالله باجر بس يخلص العرس اجي
براء : انشالله شلونها الانبار حلوه
زين : كلش حلوه
براء : صدوك
زين : اي انشالله بالعطله اجيبج تشوفيها .... كمت واني احاجيها وصلت للمكان الي انام بي دكيت الباب ودخلت خاف احد جوه ... لبست تراك وتمددت اكول حبيبتي راح اسده واتصل مكالمه فيديو
براء : اوك ... سديته دك عليه فتحته ... اباوعله متمدد ... فدوه اروح لوجهه ابتسمت
زين : اباوعلها لابسه تشيرت علاكات وكاعده بالصاله ... رفعتلها حاجبي يعني هذا اللبس ما تلبسي من اني موجود بس من اطلع تتعرين ادري زنودج مطلعتهن للحيطان مثلا
براء : ابتسمت بخجل
زين : يباوعلها تدرين اني جوعان
براء : احم ... لعد ليش متاكل موزين تبقه بدون اكل مو انت تكول هيج
زين : بس اني مشتهي كرز
براء : باستغراب شمعنه كرز
زين : احبه بس هسه مين اجيبه ... يله من ارجع للبيت اكله
براء : ماعدنه بالبيت كرز
زين : لا عدنه وبالغرفه هم
براء : كمت فتحت الثلاجه والموبايل بايدي ماكو كرز
زين : لا تدنكين مو شتعل ابويه
براء : شنو ؟
زين : بدون زعل حبيبتي انتي اغبى وحده اشوفها بحياتي
براء : برطمت ليش تحجي هيج
زين : بحده لا تبرطمين لخاطر محمد لا تخليني ارجع هسه
براء : صدوك والله لعد تعال اذا تكدر
زين : ابتسم ليش تردين ارجع هسه
براء : احم ... اقصد يعني على مودك لان ضايج وكذا يعني
زين : أبتسم وتالي ويه هالخدود اني
براء : لزمت خدودها مبتسمه
زين : اكلج
براء : همم
زين : روحي روحي اذا اضل على هالوضع اسويها صدك وارجع
براء : اوك باي تصبح على خير زيني
زين : اصبح على وجهج باي ... سديته وضليت اتكلب مااكدر انام صورتها ماتروح من بالي شوكت يصير الي بالي حتى اختمها باسمي وارتاح
_________________
الساعه 7:00
نجمه : كعدت خرب والله دنعل ابو الدوام يابو الي يريده ولكم يعني يصير اعوف نومه الصبح حتى اروح اصبح بوجهه استاذ سالم ابو كرش ... بدلت وتميكبت مادام الشباب ماهمه خاصه زين ماهو حتى يحاسبني هاهاها ... طلعت دكيت الباب على براء ودخلت لكيتها واكفه تمشط صباح الخير
براء : صباح النور
نجمه : وجهج شاحب ليش متخلين حمره شويه
براء : اخذت شالي زين ميقبل
نجمه : ههه صكارج وماموجود عليمن خايفه
براء : ابتسمت مااحب اكسر كلامه هاي هي ميقبل ماكو داعي للمكياج وهو اصلا ممنوع بدوامي
نجمه : والله وفديت التسمع كلام رجلها ... بشرفج براء تحبين زين
براء : ابتسمت شهل الاسئله
نجمه : دجاوبي الله عليج
براء : تنهدت اذا اكلج كلمه حب قليله بحقه تصدكيني .... اني اعشقه لزين حبي اله مقدس لدرجه متتصوريها
نجمه : لج راح تموع روحي شهالمشاعر الجياشه بيج قصص عراقية واقعية براء : كملت خلي اروح تاخرنه يله يله
نجمه : ههه استحت استحت
براء : ابتسمت نزلنه تريكنه وطلعنه ... كعدت بالسياره اراجع دروسي وصلوني نزلت وهمه راحو دخلت للمدرسه
رقيه : صباحو بروئه شلونج
براء : تمام وانتي
رقيه : موزينه هاي الماده كلشي مافاهمه منها
براء : ياهي
رقيه : الرياضيات هاي المسئله
براء : شو باوعت نفس المسئله الي شرحها الي زين ابتسمت متذكره الي صار هذاك اليوم ياربي شيخلص اليوم
رقيه : ليش تضحكين
براء : ماكو شي جيبي الكتاب وتعاي اشرحها الج .... شرحتها الها ودك الجرس وبده الدرس .... وتوالت الحصص
____________
زين : واكفين يم الحلاق الشباب يسوون هوسات لاخوهم
قائد : قصي ليش ما تكص شعرك
قصي : دخيلك كلشي ولا شعري
سجاد : هسه ياريت لو حلو
قصي : خلي رائيك لنفسك
زين : الولد كلهم زينو على الواهس حتى اخواني وياهم
لؤي : زين تعال زين
سجاد : شوف شلون راهمه اسمه زين ويزين
قصي : ههه اي والله
الحلاقه : هاا تزين خلصت الشباب
زين : كعدت اي يله
الحلاقه : تغير زيانك لو نفسه
زين : لا نفسه
لؤي : غير زيانك صار سنين انت نفس التسريحه ماغيرتها
زين : ماشي ... زينت كملنه العصر طلعنه حتى نتحضر للعرس .... اخذت ملابسي بدلت وطلعت
قصي : خرب يومك والله كاعدتلك الدشداشه
لؤي : اي والله كلش لايكتلك
زين : ببرود شكرا .... اخذت الشماغ لفيته على طريقتهم وطلعنه ... العرس كلش جبير وهوسه ناس هواي رحت وكفت يم ابويه واخواني الهيلكيه راحو يم الولد ذبو لحم
قصي : تعال زين اركص
زين : لا روح انت تكفي وتوفي ماعليك بيه ... رجعو يهوسون ويركصون واني عيني على الساعه اريد ارجع
رائد : اليوم اركص ركص واشع الكاشيه ذوله اهل الكرم واهل العزوبيه
حازم : واليوم معرس ضلع من ضلوعي واليوم معرس ضلع من ضلوعي
كيان : اليوم افرح لقؤدي فرحه بدوي وجاب الثار ... اي اي اي
___________
سما : بنات بنات تعالن بده عرس الزلم خلي نشوف شلون يركصون
حور : لج لا يلكفونه كعدي
سما (بت عمهم ) : لا نباوع منا محد يشوفنه .... اجن البنات وكفن
حور ( اخت قائد) : شو وخرن ... ولجن شوف قائد شلون طالع حلو
نازك (اخت قائد ) : شو
اشوف ... اويلي لك هاي شطالعين ولدنه يخبلون
حور : بنات شوفن هذا الاشكراني شلون يخبل فدووه
سما : ولج هذا خاف صابغ
حور : لاولج متشوفي ابيض احمر اكيد شعره طبيعي
نازك : ولجن باوعن على هذا الاسمر ابو الدشداشه النيلي عوفن الاشكر .... خرب يومه شهالوكفه شهالشخصيه
نهى : ولج هذا وين لكفتي
نازك : ياريتني ماشفته معت ولجن معت بس غير اعرف منو هذا
حور : يمكن واحد من جماعه قائد
نازك : لا قائد ماعده هيج اصدقاء صاكين
سما : ولجن باعن شلون يتوسلون بي يركص وميقبل يمه اغدي فدوه لهطول
نازك : لاعيني لافدوه ولا بلوه هذا محجوز الي
نهى : ننننن مو هو بكيفج
نازك : اي حبيبتي طبعا بكيفي .... هيج شخصيه متناسبها غير شيخه مثلي اكيد
حور : دكلي نعل
البنات : ههههه حيلل
________________
زين : خلص العرس وزفو العريس ووجبنه قائد وسلمنه عليهم واجينه نطلع
شيخ جلال : تره عيب طلعتكم هيج وكت خلوكم ماشبعنه من شوفتكم وحتى الدنيا ليل ماتسوه تطلعون هسه خلوها للصبح
جهاد : لا والله خويه عدنه شغل واني عفت شغلي ليومين حتى احضر عرس قائد بس لازم نرجع هسه الاهل وحدهم بالبيت واحنه كلنه هنا
شيخ جلال : جان جبتهم وياكم حتى يتونسن
جهاد : خيرها بغيرها انشالله نسويلكم زياره ثانيه بس بعد زيارتكم النه اكيد
شيخ جلال : انشالله هسه مصرين تروحون مو والله ماضيفانكم عدل
جهاد : لاخويه كفيت ووفيت وانشالله دائما نحضرلكم بالافراح يله من رخصتكم سلمولنه على الكل
شيخ جلال : اهلا وسهلا بيكم نورتونه من توصلون طمنوني
جهاد : انشالله
زين : طلعنه الساعه بالتسعه بالليل .... انشالله من وكت نوصل
_____________
براء : اليوم البنات سهرانات يمي دنشوف فلم رعب وطبعا الفلم من اختيار نجمه السخيف
جميله : شهل الفلم الكله لعبان نفس
شمس : اي والله
نجمه : يخبل بس انتن ماعدجن ذوق
براء : كشولت لج نجمه اليوم تنامين يمي على هالفلم مستحيل اكدر انام وحدي
دارين : اني سامعه الجن يطلعون للنسوان المتزوجات خاصه الي ينامن وحدهن بمكان بعيد مثل غرفتج
براء : بلعت ريكها صدوك والله
نجمه : لج شهل الجذب ماكو هيج شي
براء : ضلينه كاعدين لحد ما خلص الفلم بالف يا ويلاهه وكلام دارين ميروح من راسي اخاف يطلعلي واحد وزين ماخابرني بعد يعني ميجي
نجمه : يله اني رايحه انام تصبحون
البنات : حتى احنه
براء : بتوسل حبابات خلي وحده تنام يمي اليوم فدوه
شمس : ولج بس لا صدكتي بكلام دارين
براء : لالا طبعا
نجمه : خوش جاا يله تصبحين على خير
براء : اج اجمعين ... طلعن البنات واني مااكدر انام كعدت اقره قران حتى تروح الخوفه الله لا يطيج يا نجمه على هالفلم كمت عزلت الصاله واجيت ادخل للغرفه حسيت بايدين التفن على خصري .... بسم الله الرحمن الرحيم
