رواية تحت ظل السعف الفصل الخامس والعشرون 25 بقلم ميار

‏:لاطشرت ملموم لافلشت عش

وحت اليغشني وياه مادورت غش

مدري شبلاها الناس رفجته مده

وتگطع بلايه اسباب حبل الموده

ــــــــــــــــــــــــــ♕ـــــــــــــــــــــــــــــ

مهى::بس شفنه بيده السلاح اثنين ركضه عليه وهو بس

يريد انوخر من جدامه اني حيلي يرجف من الخوف مچلبه

بي دفعني وتوه يريد يطلع صار بوجهه عمي محمد وعمي وجهه مختنك من العصبيه حط ايده بصدر عمر ودفعه داخل الحوش طب وجر السلاح من عمر واشر لعماد يجي

ياخذه اخذ عماد السلاح وعمي سحب عمر من ياخته بقوه والولد كلهم طبو للحوش وجوهم تخوف هذا وسام

الي كلنه نكول الطف واحد بيهم هسه وجهه من عصبيته

يخوف كلهم على فد وگفه وعمي واكف ويمسح بوجهه

دار عليهم ورفع ايده ينبهم گال. 

محمد:: والله ثم والله الا اشوف لازم السلاح وطالع

ما يلوم الا نفسه هذا السلاح بيتكم حتى تحمون بي

عرضكم وتحمون نفسكم مو حتى تهدون بي من وره

عرگه مزاعطه ضاربين وسام افزعله ومثل ما ضاربينه اضربه بس مو سلااااح ساعة شيطان وصوبت واحد ما يصير بحر دم ناس تكتل ناس مو عيب وخزي واحد بيكم ينكتل من وره ساجيه 

زلم تتكتل من وره عرگه على مي للزرع اسمعو زين

الي اشوفه شايل سلاح بسلاحه اكتله واضح كلاميي

عمر:: شني عمي تريدنه نصير مخانثه يا هو جيه يبرز عضلاته عليه والله ما اسكت احنه كافين خيرنه وشرنه بس همه جلاب والي يندك بينه انسي حليب امه. 

وسام:: يابه كلام عمر صدك عمي محد بينه محاجيهم بس همه يذبون بحجيهم مو احنه

النسكت على حگنه اذا همه زلم مو من وره

النهر يشمرون حجي انعل والدي الي يتجاوز عليه. 

-فتر عمي بحرگه ويصيح عليهم

محمد:: لا وحول ولا قوة الابالله ولكم شو مستهترين تضربون كلامي عرض الحايط

م

ا يكف بعينك احددد 

تقدم جهاد وسحب ايد عمي وحبها ويحاول يهدي گال

جهاد:: حشاك خالي لا والله كلمتك تاج على راس كل واحد بيهم واولهم عمر بس هذا بعد مراهق على كيفك وياه 

عمر:: اتخسي محد مراهق غيرك مو اجي انعل خيرك والله لا تلعب وياي 

جهاد:: منو تنعل خيره والخلقك اسويك اربع وصل حالك حال ابوك وعمك بوكس ما تعرف تضرب

عمر:: اي تعال اتعلم بوجهك ان ما رجعتك لاهلك بلا فجوج عاتبني مثل الطاووس نافش ريشاته علينه

جهاد:: من رخصتك خالي اي عمر منو الي ترجعه لاهله بدون فجوج تعال اتناقش وياك نقاش يلوگلك

عمر:: مو عليك على واحد بس عوفني 

جهاد:: اي عبالي يلا عاد من رخصتكم هدتكم وراحت مو وجوه واحد يفزعلكم طاح حظكم يكتلون واحد منكم وانتو كاعدين مثل النسوان بالبيت والله بدجاج ما اسرحكم مو عاد غنم ها امداكم شلون زلم. 

-جهااااد

جهاد:: شحجيت خالي يلا اني اروح لبيتي عبالي خوش زلم واهد وياكم والله علاوي اشجع منكم. 

-طلع جهاد بعد ما خلاهم يشبون بنار ويطفون وعمي

يغلط عليه تالي بزع عافهم وطلع وولده لحكو ظلو بس

ولدنه فرات كعد على قريوله وعماد بصفه بس عمر ظل

شاب بنار ويغلط على جهاد ادحك فرات من جوه ليجوه

يضحك وعمر بس شافهم ما ردو عليه غمهم وطلع. 

فاطمه:: امشي نشوف شبيهم نفتهم السالفه. 

مهى:: يمعوده ما يسولفونه هسه يكولون شعليجن

-ما عليج امشي وراي وهسه تشوفين شلون يحجولنه

مهى:: رحت وراها وهي كعدت بصف فرات واني بسد عماد وفرات بس كعدت يمه سحب ايدها بين ايديه وعماد من يمه گمز عبالك انتل كلنه فزينه وفرات يحجي عليه

-شبيكك ولك

عماد:: والله ما يصير عمي لا تلزم ايدها جدامنه احنه ناس كاتلنه الضيم وبينه حروب واسير گلبي بعده مسجون يم اهله وانت تقهر بينه ارحمو من في الارض يرحمكم من في السماء اني رجال كاتلني الجفاف ومحد يفزعلي بمغذي. 

فرات:: هسه اجيبلك مغذي يخليك سنتين ما تدري بروحك وين طاح حظك ولك عبالي انتلت انلدغت

فاطمه:: ومنو هذا اسير گلبك خويا 

فرات:: لاااا حرمات ما تدرين ما تعرفين مجنون ليلى

فاطمه:: هاا بله اعرفه

فرات:: اي وياج عماد مجنون رباب 

فاطمه:: يااا عزاا تريد رباب بنت خالي محمد 

عماد:: اي شكو بيها شناقصني بروح الغالي شبيه وما ينطينياها شو خلق واخلاق والوجه الحسن واخلاقي تشهدلي بيها جنوب والشمال وشرق وغرب مو بالله 

فاطمه:: اي والله يا خوي حشاك من النقص وحگك ما بيها شي بس لا تهتم ابو علاوي هو يرهمه ابو الفزعات

فرات:: حبيبي ليش احسج تؤم جهاد صارحيني انتي تؤمه يعني ما تكدرون اذا ما ادقون بالناس شنو معاجبكم مثلاً

-يااا والله شيخ الزلم اذا انت ما تعجبنه منو يعجبنه انت أبو علاوي رجال، گول وفعل، وإذا وعد يكون على سن ورمح."

عماد:: الله الله مغازل وجدامي لا شغلتنه مكيسه في امن الله ابوووووو علاووووي سن ورمحح وكول وفعلل

-هههههههه 

مهى:: طلع عماد واحنه ظلينه نضحك على رد فعله

اذن مغرب وفرات اخذ السلاح ويا وهو وفاطمه راحو لبيتهم واني طبيت اصلي وانتظر باهلي يجون حتى اصبلهم العشه واصلي وانام وراي دوام.

مروى:: بعد العركه ما فتهمنه من كاتل ومنو مكتول ولدنه محد منهم رجع للبيت وامي وضعه تعبانه اخذت علاجها وره الغده بعد ما طلعت من غرفتها وكعدنه احنه ندرس وللمغرب يلا كمنا تبارك شاده حيلها من بداية الدراسه واني هم جنت عبالي الكليه سهله وبس ونسه لا عمي طلعت تشلوط والله ذبيت ملزمتي وكفت اسوي عشه ولحكتني تبارك اذن المغرب ومحد منهم بين كملت العشه وكعدنه ننتظر بيهم طب ابوي وراه زياد وكفته اسأله. 

-زياد وين اخوتك البقيه تره نشغل بالنه عليكم

زياد:: لا يابه ماكو شي انحلت هذول جلاب ولد حميد يذبون حجي لوسام ومدري شحاجين

تبارك:: ادري انت مو وياهم شكالوله ما عرفت

زياد:: شتريدين منهم انتي حاطه روحج يابه حطن

عشه جوعانين ورانه دراسه واريد اروح انام نعسان

مروى:: هسة بس ما ننتظر الولد يتعشون ويانه

زياد:: ابو الجود رح لبيته ومعاذ مدري وينه دصبي

النه اذا يردون همه يجون يتعشون اني وراي دراسه تعرفينه مهندسين قابل فارغين مثلهم

مروى:: ضحكنه عليه دكول وزير مو مهندس

بين ما صبينه العشه جيه معاذ وكعدنه نتعشه

خلصت وكمت احظرلهم الجاي بين ما يكملون

وبالي يم ريام الصبح ما عجبتني من رحنه للدوام

صبيتلهم الجاي وكعدت ودخل جهاد امبين عليه

ضايج كعد يم جديتي اشرلي على الجاي وجديتي

بس كعد سألته على ريام. 

فرحه:: وينها مرتك جده شو ما جاي نشوفها

جهاد:: راحت لبيت عمها دزت عليها عمتي امنه

فرحه: شبيك جده وجهك مهموم احجيلي

جهاد:: ماكو شي جده بس ريام شاغله بالي

من فاتحة جديتها وهي مو طبيعيه ضايجه

وحتى اكلها مو شي ومن اسألها تكول ما بيها شي ومن شافتني الح وياها كامت تجبر روحه

تضحك وتاكل بس اغفل عنها الگاها صافنه

لو تبجي. 

فرحه:: اني شكتلك مو كتلك خليها تروح

تزور زوروها ابوها البنيه ما تعرف مكان 

گبر ابوها ما تروح انت خلي خالك لو ولده

يودوها. 

جهاد:: ما تروح جده والله حاولت وياها واصلا

خالي محمد گال اسبوع الجاي اربعين جديتي

يردون يرحون بس هي معانده ما تروح شسوي

جده قابل اجبرها ولاتنسين بعدها بداية حملها حتى الطريق مو زين عليها. 

فرحه:: هاي هي جده لا تقهر روحك يجوز من وره النساة عبنها تتنسه يجده ضايجه هسه بس تكمل شهر الرابع تتغير نفسيتها لا تخاف. 

جهاد:: جده تظل شهر ونص على هل حاله

حتى خلگ ما ظل عندي افوت للبيت من وراها. 

فرحه:: ميخالف جده لازم تتحمل قابل بيدها

كوم روح يم فرات غير جو ولا تظل ضايج 

-لا جده لا تشيلين هم تعدي ان شاء الله 

يا الله من رخصتكم اروح يم الولد واشوف وسام

جده فرحه:: اصبر اخذني وياك اشوف عمتك

جهاد:: خلي اجيب السياره يم الباب 

-ما يحتاج اني اريد اتمشى احرك ارجيلاتي

مروى:: جده والله تعب عليج بالسياره احسن

تبارك:: جده مو تباتين اريد انام يمج مثل البارحه

فرحه:: دهر صاب عدوج اني اخليج تنامين يمي

بعد كسرتي ظهري بس تلمضين روحي بحضن امج بكيفي ان طابتلي بايته يا الله يلا امشي انت هم. 

جهاد:: ههههه اني شكو يلا امشي حجيه. 

مروى:: جهاد اخذ جديتي وراحو واحنه رجعنه

لدراستنه نراجع وتبارك ساعه تقره ساعه تصفن. 

تبارك:: مروى سؤال

-جواب 

-الحب شي حلو يعني هسه لو اكو واحد يحبني

مثل فرات وحبه لفاطمه لو مثل جهاد وريام

والله احسه حلو كون هيج رجال معگل وسيد

ويجي بنص الديوان ويعارك اذا ما انطوني 

-تبارك ليش ما تنجبين وتقرين احسن كون اخوتج

يسمعونج الا يطيحون حظج أحلامج خايسه مثلج

تبارك:؛ تره والله ما بيها شي كون يجيني واحد 

رومنسي ويحقق امنياتي مثل اسد وزويا شفتي

شلون حقق احلامها لو مثل ارناف شكد حلوين 

مروى:: هو اسد وارناف وينهم وين الرومنسية 

خاب انجبي واقري وبطلي سوالف طايح حظها. 

تبارك:: تدرين اني احب شاهد كابور يمه شفتي

شكد حلو عمت عينها كارينا عافته الجلبه. 

مروى:: والله تبارك اذا ما بطلتي سوالفج الخايسه

اخابر على فاطمة واحجيلها وينج وين الحب وهل

سوالف. 

تبارك:: عابتلج والله مو مال واحد يحجيلج ولي

اروح اقري بالهول ظلي وحدج كون تتزوجين واحد

اعور اصور وما عنده غير سن واحد بحلكه. 

-ما يفيد بيها توه كمت اكتلها ونهزمت الحيوانه

وينها وين الحب بعدها ما صارت 16 ادور حب 

عفتها ورجعت لملزمتي جاي اقره واسمع صوت

طلعت اركض واشوف ريام لازمه ايدها والدم يجري

ركضت عليها وهي تصيح متوجعه وعلى صوتها

جيه ابوي وهي بس شافته ركضت عليه وهو گضب

ايدها يشوفه وريتني ما دحكت مفروعه ايده فرع

احمد:: شلوون انجرحتي هيج ولج بوياا

ريام:: بالسجين عمي اخخخ توجع توجع اخخ

يابه اخخ دزو على جهادد عموو اخابره ما رد

احمد:: هسه هسه بس انطيني اشدها الج

مروى:: دور منا منا شي يشد بيها ايدها مالگه اخذ شال تبارك جان ذابته على چتافاتها وايدينه كله دم ادحك عليها من بين ايدين ابوي وكعت وهو ساندها حيل ما ظل بيها جرها بحضنه وايدها الثانيه طلع موبايله وانطانياه وگال. 

احمد:؛ خابري اخوج بسااع

-اخذته منه وايدي ترجف مسحت عيوني غوشن

من الدموع واتصلت بجهاد ما يريد دكيت على 

زياد يرن يرن وين يلا جاوب بعد ما حاجيه صحت

الحك زياد صيح جهاد الحك ريام ايدها جاي تنزف

مجروحه مجروحه الحك راح يصير بيه شي الحك

زياد:: شبييج ولج شجاي تخربطين على كيفج سولفي خلي افتهم وشجرحها ما تكوليله. 

-مو وكتها والله ما يكف الدم ما يكف صيحه بساع

زياد:: خوش خوش هسه اصيحه اطيح حظج

اذا جرح اصغير وتضحكين عليه والله اكتلج

مروى:: ما رديت عليه گبل سديته وعيني على

ريام تبارك مگابلتها وتبجي وابوي حاضنها وما

تحمل سحبها وصاح عليه على عبايه ركضت

سحبت عباية امي وانطيته حطها على راسها

وسحبها وطلع. 

ريام:؛ جيت اتعلل يم بيت عمي وره ساعه اتذكرت

عندي امتحان سلمت على عمتي والبنات وجده فرحه ورجعت وصلني حامد وراح طبيت بس ذبيت

عبايتي ولزمت ملزمتي اقره حسيت بجوع كمت

اشتهيت حميسة صدر دجاج جاي اكطع بي ولان

جامد والسجينه جديده توه فاتحته من جيسها

لزمت الصدر بيدي واكطع بي وما احس غير 

راحت السجينه بيدي ذبيته مفرفرحه روحي كوه

اخذت الموبايل ادك على جهاد ما يرد ولا انتبهت

عايف موبايله بالبيت وشويه شويه زاد الألم بعد 

ما تحملت ومن حلاة روحي طلعت اركض لبيت عمي صارت تبارك بوجهي حارن بينه هي ومروى 

وعلى صوتي دخل عمي واني روحي رايحه احس

من قوة الالم دخت وعمي بقى حاضني على صدره

ومن شافهم تأخر وسحبني وبس حط العبايه على

راسي وطلعنه صعدني السياره وشخطها واني بدت

عيوني تغوش وبس هو ظل يحاجيني وصلنا المستشفى نزل وجيه عليه نزلني واني كوه امشي

طبينه الطوارئ ونخبصو من كمية الدم اول ما وخرو الشال ظلو واحد يدحك بوجه الثاني وواحد

منهم دار على عمي وگاله. 

-على بختك حجي هذا شنو الجارحه هل 

جرح مفروعه ايدها تكول ذبيحه 

احمد:: بالسجينه والله يابوي ما تستعجل 

دمها گضه لا يصير شي ببنيتنا فدوه لوجهك

-هاا حجي الظاهر بنتك الغاليه اكيد الصغيره

ريام:: عمي ماله خلك الحجي وهذا ظل يسولف بين ما يحظر توه راد يضربني ابره

سحبت ايدي بقوه وهو جر واني اجر اريد

افهمه دفعت ايده وعطت بي. 

-اصبررر لا تضرب بنج حامل اني حامل غير نفهمك بس تريد تجرب بيه عوفنيي. 

-عجل تحملي ما يصير ننطيج بنج بما انو

راح تصيرين لازم تتحملين لخاطر طفلج 

ريام:: مسحت دموعي وهزيت راسي وبداخلي

احجي شتحمل غير روحي راحت من الوجع

ادحك على الابره بخوف رفعت عيني على عمي 

وهو فهمني جيه كعد بسدي وسحب راسي لحضنه حتى يمنعني اشوف شلون يخيطون

يابويااا شنو من وجع شكد حاولت اكتم 

صوتي بس ما كدرت من يدخلها ويرجع يسحب

الخيط يسحب روحي وياه ويا اخر نفذه ما تحملت حسيت روحي ماعت وفقدت وما حسيت الا على ايدها الحنونه فتحت عيوني 

لكيت عمتي گبالي كاعده يمي وعيونها متروسه

دموع ردت اسند نفسي واكوم وهيه صاحت بيه

امنه:: لا يا يمه ايدج اني اساعدج 

-ساعدتني اكعد وبين ما كعدت دخل جهاد من شافني صحيت جيه بسرعه وحضني واني من يمي

استحيت من عمتي بس هو ولا يمه وواضح عليه الخوف وخرني من حضنه ويسألني. 

جهاد:: هاي يابه شلونج هسه يوجعج شي

ريام:: لا بس راسي احسه ثگيل وعطشانه جهاد 

-هسه عيوني انتي وكفتيلي گلبي هي هاي عمله

امنه:: اي والله يا يمه ما ظل بينه حيل اخذتي روحي من گالو مشكوكه ايدها واخذوها للمستشفى ما كمت اندل دربي بس اريد اصل واشوفج. 

جهاد:: والله عمه كتلها من اخذتها كتله انتبهي منها جديده لا تنجرحين اني كيفت انكسر ذيج

انوب فتحت الجديده عمي غير تنتبهين يا گلبي. 

ريام:: ادحك عليه يرزل بس بطريقه ثانيه بحجة

النصيحه بس كملت المغذي وعمتي لبستني

العبايه وطلعنا وصلنا السياره ادحك ولد عمي 

كلهم واكفين يم سياراتهم بس عمي محمد ماكو

من شافونه وكفو بين ما وصلت كلهم عافولي بس

فرات استلمني رزايل جنه عمي محمد من يزعل

فرات:: هي هاي سالفه بنص الليل عمي منو

عاتب عليج تطبخين جهاد يريد اكل يسوي لنفسه والا دجاج بنص الليل تدرين شصار بينه

يابويا منين تجيبن هلسچاچين هاي مالت كصابه مو مال ثرم شلج بيها يا خويه بس تصلين تذبيها بعد ممنوع يا ويلج اسمع بيج

ثارمه بيها خوش يلا الحمدلله الحمدلله عدت سلامات ما بيج غير العافية ان شاء الله. 

ريام::ضليت ساكته ما ردت عليه وصعدنه كلمن بسيارته بس عمتي جت وياي درت على عمتي اسألها على عمي گالت. 

امنه:: عمج احمد ضغطه صعد ورجعو للبيت

ما كدر يظل وعمج محمد ما يدري عفته نايم

تعبان المغرب وصل جان رايح يقره فاتحه لصديقه

ريام:: مو اكول ما شفته لا تكوليله عمه هسه

عود الصبح لا تخوفونه جرح بسيط بس لان 

اني خفت منه هبط ضغطي هسه زينه اني. 

جهاد:: منو البسيط بويا خمس نفذات ادري

تكصبيها لدجاجه لوبس ادري بالج وين اني ارتاح

ريام:: هاي شبيكم تره تعبانه واستلمتنو رزايل 

والله ازعل عمه ترضين هيج يحاجوني فوك ما اني

المتأذيه هو يرزل. 

امنه:: مالج شغل بيهم شعرفهم بوجعج هسه 

اخذج يمي اداريج زخلي وحده فوك حكه دكه

جهاد:: والله ما تروح شبيج حبيبتي غير خايف

عليج بعدين يا روحي غير تنتبهين على ايدج

ريام:: والله غير الصدر مالت الدجاجه جامده

وابنك جاع بنص الليل اعوفه هاا كولي اعوفه

جهاد:: لا لا هم حكج ابنيتي جاعت وجبرتج

يلا عدت سلامات ليش نعيد بالسالفه مو صح

-اي والله بعدين ليش ادك عليك ما تجاوبني

جهاد:: شبيج عيوني غير جدامج عفته على الشحن وطلعنه شمدريني انتي راجعه للبيت

وصايره گصابه على هل دجاجه المسكينه

-همم اي نسيت اخخ ايدي بويااا 

امنه:: سوده علي يمه انوب لا نكدر ننطيج علاج

لا شي يمه يا يمه ولك عمه ما تسأل دكتور بلجي

يكتبلها علاج يصير تاخذه

جهاد:: ما يصير والله عمه لا تنسين بعدها بداية الحمل واي علاج مو زينه تاخذه هسه شويه يسكن 

ريام:: وصلنا للبيت شكد رادت عمتي تاخذني وياها

ما قبل وصلها ورجعنه لبيتنه بس دخلنه تلكنه البنات جن يركضن حضنني وجهاد يطمنهن 

وبنفس الوكت يقاصد بيه يگوللهن. 

جهاد:: لا تخاف يابه سهله جرح بسيط منا هيج

ممنوع اسمع وحده تصيح ريام غير ريام الكصابه

تبارك:: والله شفت صدر الدجاج حتى ما مكصوص

هاي كاصه ايدج من الجوع عبالج كاصه الصدر. 

جهاد:: اي يابه ما سامعه يگلك وقت البطون تعمى العيون هي من وصلت السالفه بيها اكل نست نفسها. 

مروى:: هسه وكتها تقلدون عليها ما عليج بيهم

الحمدلله على سلامتج عمري. 

ريام:: الله يسلمج گلبي هو بس انتي تفتهمين 

جهاد:: شقصدج ولج

-مو عليك جهاد اريد اتمدد دايخه والله 

جهاد:: تعالي تعالي والله مو قصدي ردت 

اضحكج واغيرلج جو حتى لا تبقين خايفه 

ريام:: سلمن البنات وراحن واني وجهاد طبينه

منظفات البنات المطبخ طب جهاد يسبح لاحظت

بي هاي الشغله لازم يسبح گبل لا ينام ومن يكعد

ومن يرجع من الدوام حتى لو بارد الجو ما يهتم

كوه كمت طلعتلي ملابس ملابسي كله دم 

ذبيت شالي وكعدت انتظره يطلع حتى اني هم 

اسبح ريحة الدم خنگتني سبح وطلع وكفت اريد

اطب اسبح وهو لزگ يريد هو يسبحني دفعته

اضحك. 

-ههههه عوفني جهاد بلا شقى شنو جاهل وانت

تسبحني اني اسبح ولا تخاف ما اقفل الباب اذا

دخت اني اصيحك. 

جهاد:: شبيج غير مرتي ومريضه لازم اداريها

والله اسبحج سبحه ما سابحته بعمرج كله

-رحم الله والديك روح روح ما تقصر ارتاح اني اسبح روحي ما احتاجك عود من اطلع مشطلي

جهاد:: بكيفج انت الخسرانه تفوتين هيج عرض

ريام:: ضحكت وسديت الباب وصدك انشلع 

گلبي يما ذبيت الملابس وبيد وحده كوه

الليف جسمي كملت ما كدرت انشف شعري ظل 

ينگط مي بس ذبيت الخاولي على راسي وبدلت

وهو كل ساع واكع تالي ذبيت بالطشت وكملت

وطلعت لكيت جهاد متمدد من شافني طلعت 

كام وسحب الخاولي من التعلاكه وجرني كعدني 

وكعد وراي ينشف شعري واني كل الي بالي لا

يتبلل جرجف الجربايه وهو خبيث كل شويه 

بحجة ينشف شعري ينفشه على الجربايه 

-كافي كافي نشف مشطه خلي انام

جهاد:: اصبري خلي اجيب الفير انشفه الج

-تعبانه جهاد اريد انام مو وكتها

-لا بويا مو زين تتمرضين هسة خمس دقايق 

-راح جابه وكعد ينشف بي وانوب مشطه هو راح

يشيل الغراض اني تمدد غمضت تعبانه كل جسمي يوجعني فتحت عيوني من سحبني لحضنه

وسحب ايده يبوسها من فوگ الضماد لمني بحضنه ونمنه. 

فاطمة:: من سمعت بريام ردت اروح ما كدرت

لان علاوي نايم انتظرت فرات يرجع حتى اروح 

اشوفها وين يلا جيه تلگيته وبيدي عبايتي هو

بس شافها سحبها مني وكف يعلگها واني اريد

بس يجاوبني.. 

شبيك فرات ريام بيها شي رجعت للبيت لا ما تحجي خوفتني تره.. 

فرات:: لا تخافين الحمدلله عدت سلامات 

خيطو ايدها وتأخرنه بين ما خلصت المغذي

فاطمة:؛ الحمدلله زين خلي اروح اشوفها وارجع

ظل بالي عليها سوده علي هي ما الها خلك صار

جم يوم انت ابقى يم علاوي بين ما اشوفها وارد

ما رد عليه سحبني من خصري حاضني مبتسم

ونزل عبر ايديه على رجليه وشالني واني بس اريد انزل اروح اشوفها وهو لا عبالك ولا اهتم دخلني

للغرفه وسد الباب نزلني والغثني اسولف وما يرد

فرات:: شبيج حبيبتي روحه نامو اخذها

زلمتها وراح خلي يولي غثني تره اخوج

فاطمة:: ياا شبي وياك ليش غاثك من تالي صرتو

تغاثثون انت وجهاد. 

فرات:؛ خلي يولي گبل شويه احاجي يكول

مو وكتك اختك تنتظرني كل ما احاجي وكال

اني يم اختك لو بحضني اختك ادري جلب ادري نسيبي نعله على بليسه ابتليت كتله ريام اختي

فاطمة:: هههههه ادري عليش تحجون هيج

احنه شكو وشدخلنه بينكم وجهاد من شوكت 

هيج يسولف والله صايره ما اعرف غير مغيرته

اخ..... 

فرات:: لا وحول لله هم كولي اختك

-هههههه مو قصدي والله بس والله هي غيرته

فرات:: لا هو لزمها هاي ذاك اليوم بالغلط

كالي وينك والله مو قصدي شي كتله يم اختك

لو ابتليت كل ما احاجي وكال اختك ساعة

السوده الغلطنه بيها عمي ابتلينه خما ابتلينه. 

-هههههههه يلا تحمله غير صديقك خلي انام

حتى الحك اروح اشوفها كبل لا تروح للدوام

فرات:: تعالي فطومتي تعاي بحضني تعالي يا فرحتي ودنيتي وسعادتي افيششش ياريحتج

فاطمة:: تمدتت بحضنه وعلى دفو حضنه

نمت وما حسيت للصبح على صوت المي

كمت عرفته يسبح كمت غسلت وجهي

لكيته مخدر الجاي وكفت اسوي ريوك

بين ما بدل وخلص كملت الريوك كعدنه

نتريك وموبايله ما سكت دحكت عليه وگتله. 

-ليش ما ترد خاف اكو شي 

فرات:: رقم ما اعرف منو شو انطينياه اشوف

منو يدك بهلصباحيات اني الي خلك الناس 

فاطمة:: انطيته وكعدت بسده اريد اعرف منو

وجفلني من فز اريد بس اعرف شكو هو كضاها

-لا حول ولاقوة الابالله 

-اي سهله سهله يا خوي شنو الموضوع 

فاطمة:: غير لو افتهم بس وجه فرات ما يطمن

مختنك وكف يمسح وجهه وتصنت على كلام

الطرف الثاني مدري شگاله ورجع فرات سأله

فرات:: ابوي اله ايد بالسالفه بس ريحني

فاطمة:: گلبي انقبض حسيت السالفه بيها

شغلة حارث وخالي خالد ادحك فرات ما تحمل كعد على القنفه وايده على راسه

فزيت من عاط بي

-لااا لا تكول اني اجيك بس لا تكول لجهاد

-سده منه وظل يفتر دك على عمر يحجي

بحرگه فزيت من عاط بعمر وصدمني من گاله

-ابوك ابوكك هو گتال اخووه ولك ابوي كاتل

عمي.....