رواية ليتني واجهتك الفصل الخامس والعشرون
حييل جنت اعاني من يجون بنات عمتي عدنا بسبب سوى تعاملهم معايا بس كل هذا جنت اتحمل جنت اصبر الخاطر علي وعمتي
بل ليل جنه ادحك على التلفزيون اني وعلي ونسيت اسالو شنو صار من سالفه الفصل واتذكرت
سدره.... علي شنو صار من سالفه الفصل
علي... ها
سدره... نسيت اسالك صحيح
عليي..... مصار شي
سدره... شلون يعني مصار شي
علي... ابوج مقبل يدفع المبلغ يكول جثير
سدره... بس بابا عندو هذا المبلغ اني متاكده
انت نسيت ورث بيت جدو وجان عندو قبلها فلوس بل بنك ويكدر يبيع بيت الي كن اجرو وسياره مختار ويصل المبلغ
علي... مادري
سدره... يعني مقعوله بابا رفض يدفع المبلغ
علي... كال اردلكم الخبر لاتشغلين بالج انتي
سدره... علي
علي... ها عيني
سدره... ماحجيت مع بابا
كبل دحك عليه بنظره يعني ماعجبو الحجي
علي... يعوز والله
سدره... بس علي هذا بابا نسيت اشكد جان يحبك وهسا وبعد اني متاكده ليش هيجي صار كلبك قاسي على اهلي
علي... ايامنا الحلوه ادفنت مع لؤي
سدره.. لو ما عدنا جهال اتعوفني
علي... انت هليوم صاير بعقلج شي
سدره... امبله جاوبني
علي... اني لو اريد اعوفج مايكف بعيني الف جهال بابا اني احبج ماتخلى عنج ب سهوله
دحكت عليه مبتسمه
علي... اشو تضحكين
سدره... ربي لايحرمني منك
كرصني من خدي وابتسم
بعد اسبوع ضبطت جان يوم الجمعه بليل
كمت احمي ماي لحسوني لممه
واندك باب الحوش طلع ابن عبير فتح الباب اني هم مااهتميت منو على باب مشيت وصلت الصاله جاني صوت حسيت لحظتها وكف كلبي
سدره
التفت واني جامده بمكاني
سدره... عمر
لحظتها الكل اتفاجأو بجيت عمر دحكت على الكل ورجعت دحكت على عمر اريد كوه اطلع الكلمه ماكدر بعد بلعت ريكي وكلت
سدره؛: اشجابك
عمر؛؛ امي جاي اتموت سدره
حمودي؛: انت باحق تدخل لبيتنا
عمر؛؛ اني ماجاي اريد شي منكم جاي اريد اخذ سدره اتشوف امي لو حتى ساعه وحده امي تعبانه حييل واتريد تشوفها
هدير؛: اتسوي فضل اذا اخذتها وطلعت
عمر؛؛ عمتي
اتقدم على عمتي يبوسها عمتي مانطت مجال لحظتها هدير راحت لغرفتي فتحت الباب وكالت
هدير؛؛ كوم شوف منو عدنا واي عين وقحه جاي ياخذ اختو
علي؛؛ منو هذا
كبل طلع علي ضل واكف بل باب
علي؛اشجابك
عمر؛: علي بداعت العشره الحلوه الي بينا جانت خلي سدره تجي اتشوف امي صارلها اربع اشهر ماسامعه صوت امي وامي دا اتريديها
اني ماعرف شنو اوصف شعوري بهذيجه اللحظه حسيت نفسي صدك ضايعه شعور محطمني
علي؛: شنو رايج سدره اتروحين؟؟؟
الكل منتظر جاوب مني احجي علي دحك عليه لحظتها كلت
سدره؛؛ روح عمر اني ماعندي اهل
عمر؛: سدره هاي امج
سدره؛: كتلك روح من هينا ولاتجي بعد
علي؛: وهسا سمعت جاوب اختك روح يالا
عمر؛: خليها ب بالج ياسدره اذا امي ماتت لاسامح الله وهيا ماشايفتج عمرج لاتفكرين واتكولين عندي اخ بس انتي من طول عمرج اتفضلين بيت عمتج على اهلج من انتي و طفله
سدره؛: كول لامي اني مرتاحه وهيا راح ترتاح
حمودي؛: بطريقك سد الباب حضرت الضابط
طلع عمر من بيت عمتي وهو صاير نار عصبي دخلت لغرفتي ابجي منهاره دخل علي وسد الباب اول من دخل وكعت ع ايدو
ابوس ايدك خليني اشوف امي حباب لاتحرمني منها هاي امي ياعلي امي
صار يتلفت والدمعه بعينو دنك عليه شالني وكعدني على التخت
علي؛؛ لاتنقهرين ماريد اشوفج هيجي روحي بس ويلادي لاتاخذيهم على مود ابويا
سدره؛؛ اي صار
حضنتو وابجي بحضنو واشهك
اخذني على المغاسل وغسل وجهي ورجعت اتمددت بتختي بعد مانومت الويلاد اول غفوتي حسيت بي دا يبوس بيا ويشمني
كعدت وابتسمت بوجهوو وبستو وصار يتغزل بيا وخدودي الورديه اموت خجل.ووووو......!!
هذيجه الليله مانمنا لاذن الفجر كل شويه اتوسل بي يخليني اخذ حسوني وماري اخر شي سبحنا وصلينا الفجر ومن سلم وكمل كالي
علي؛؛ قزومتي روحي على بيت اهلج وباجر الصبح تعالي واخذي الويلاد
سدره؛؛ ههه تسلم ياروحي ربي لايحرمني منك بس عمي شلون
علي ؛!,ادبرلي سالفه عود
صار الصبح كمت حضرت ريوك وكعدنا اتريكنا عمي دوم بل استقبال لو يطلع بره يكعد مع اخو
خلص علي ريوكو وباسني وباس الويلاد وطلع من البيت قبل لايطلع من البيت انطاني جهازي وكال
علي.... سدره شنو يصير اركبي سيارتج وارجعي لبيت
سدره... شنو يعني راح يصير
علي... ولا شي حبيبتي بس دا اوصيج
ماعرف ليش خفت من كلام علي طلع وراح لدوام
البنات كلهم من الصبح يتريكون دائما ويطلعون دخلت نظفت غرفتي بعد ماغسلت مواعين الريوك وحضرت ملابسي علي وصاني من يروح البنات اطلع
شفت البنات راحو كلهم بدلت ولبست الويلاد وشلت جنطتي خليتها بل سياره ورجعت شلت حسوني وسحبت ماري
ام علي؛: ها امي اتروحين على اهلج
سدره؛؛ اي يوم راح اروح باجر الصبح ارجع
ام علي؛: خوش بنتي هذوله اهلج هم امج الها حق عليج بس سدره اي شي يصير اركبي السياره وارجعي لبيت
سدره؛: يمه شنو صاير علي هم كال هيجي
ام علي؛: ماصاير شي هيجي بس دا اكولج تعالي ابوسج
اتقدمت على عمتي باستني وحضنتي استغربت هو اني رايحه يوم واحد كلبي نغزني من كلام عمتي وعلي
باست الويلاد ومشيت وصلت باب المطبخ كالتلي
ام علي؛: دير بالج على نفسج سدوره
ماتحملت كبل كتلها
سدره... يوم ليش هيجي دا تحجين خوفتيني بيج شي
ام علي... لا امي مابيا بس اوصيج على نفسج انتي بنتي
الله يسلمج امي
ردت اطلع من البيت انقهرت على عمتي رجعت خليت حسوني بل كاع ماري كعدتها
ام علي؛: سدوره رجعتي
سدره؛؛ اي يوم رجعت
ام علي... ليش بنتي
سدره... اريد اسويلكم غده بعدين
جت عليه
ام علي... صحيح تحجين امشي روحي
سدره.. لا يوم والله انتي تعبانه منو يسويلكم غده
ام علي... اني اكدر امشي روحي هذا كله من وقتج امي
سدره... لا يوم ابد ميخالف
راحت مسكت الجفجير ولحكت ورايا تضربني واثنينا نضحك
سدره؛؛ههههه لا حبابه
ام علي؛: ههه روحي امي روحي
سدره؛؛ الله عليج يوم خلي اسويلكم غده واروح
من شافتني مصره كالت سوي.
اسهل شي وعلى سريع طلعت لحم وجان عندي حمص منكع خليتو بل جدر بخار واخذتو على المنور هناك انخلي جدر الضعط خليتو وعفتو ورجعت على المطبخ سويت تمن وشعريه لان علي يحب وخليتو ع نار هادي وغسلت ايدي واخذت الويلاد وطلعت ركبت بل سياره وكلبي يدك سريع متوتره بعد اربع اشهر راح اشوف اهلي ...!!!
علي
كسرت بكلبي حييل سدره من جانت تبجي على امها خفت لايصير شي ب امها وهذاك الوكت راح اتضل طول العمر اتلمو بيا كلبي حن وخليتها اتروح جنت خايف لاابوها يعصى بيها وصار الي جنت خايف من عندووو ....!
طلعت من البيت مشيت مسافه ب سيارتي بعدين اتذكرت عبدالله حييل انقهرت شلون ضربتو البارحه لفت السياره ورجعت لبيت عمي نزلت ودكيت الباب جان يجيني صوت سلوى
سلوى:؛ منوو
علي؛: اني علي
سلوى ؛: هلا ابن عمي شلونك شخبارك عاش من شافك
علي؛: هلا بيج اكول شعجب كاعده من وكت مو من طبعج تكعدين الصبح
سلوى؛: اريد اروح لسوك مع اميي على مود هذا
تحجي وتثاوب
علي؛؛؛. عمه بعينج راح انعس لاتثاوبين كدامي وين عبدالله
سلوى؛: جاي البارحه متعارك ويم حلكو مجرحو.
كلت بكلبي امببين ماكن حجى متعارك معايا طلعت فوك على غرفتو شني هاي غرفه مزبله حشاالقارى
نايم على بطنو وبس بل شورت وبهل برد والجكاير كلها مزروعه بل كاع لمحت بطل على الميز اتقربت شميت ريحتو كبل رميتو من ايدي عرفت مشروب طاح حضك ياعبدالله كاعد تسكر بل بيت
جيت علي اتقربت كعدتو فز دحك عليه ضل مصدوم
عبدالله؛: خير شكو اش رايد
علي؛: لاياناقص هيجي تحجي مع اخوك
عبدالله؛: والله انت ماخليت مكان لعشره اذا انت اخوك لؤي نسيتو هلمره اني
علي؛: انجب واكل خ..... وكوم يالا
دار ظهرو عليه وماقبل يحجي لمحت كرسي يم الشباك الشباك مال غرفتو صايره مقابيل بيتنا يعني يشوف بيبتنا وبيت اهل جنات بس نحنا مانشوفو لان امضلل الجام
علي؛؛ ولك مطي شنو هاي كاعد اتراقب بيتنا
عبدالله؛: ها شنو ارقب بيتكم بس جنت ضايجه وكعدت ادحك ع شارع
علي؛؛ وجنت تسكر هم مو انت ماتستحي على روحك تسكر بل بيت
عبدالله؛؛ صحيح انت شلون دخلت اني قفلت باب الغرفه البارحه
علي؛: والله جان مفتوح
عبدالله ؛: المهم هسا اريد انام عوفني
علي؛: صافي يالبن
عبدالله؛: اضحك على خالتك
علي؛: ماعندي خاله والله شوف اتاخرت على برنامج مالتي وماطلع اذا ماتبطل زعلك
كمت اشاقي وجان يدحك عليه ويضحك
عبدالله؛؛ يابا بس دروح حليب ياقشطه ارييد انام
علي؛؛؛ اكولك يمته اتروح على سوريه
جان يكوم يصوفر
عبدالله؛؛ اووف ول علي مو نسوان قهر قهر شنو من شي ول بس تكف بل شارع انت وسيارتك تجي تركب معاك وحده وتروح اتكمل شغلتك وتونس وترجعها نفس المكان اخخ اويلي
علي؛؛ الله يطيح حضك. وانت هاي سوالفك ماتخاف من الله لا تموت وكاعد تزني
عبدالله؛: يمعود دروح لاتصير ب راسي ملا كل وحده اتخابرك الصبح وتضحك معاك ماتكول حرام
علي؛: مطي شايفني نايم مع وحده هذا شغلي
عبدالله؛؛ ههههههاييي هذا اني هم شغلي انت شغلك تضحك اني شغلي اتونس هيا ك.. اتكول تعال سوي ليش حتى ماسوي
علي؛: ولك هيا انت كلتها ك....هيا حمام حشاك تقضي حاجتك واتكوم شلون نفس عندك انت اتنام مع وحده الف واحد غيرك نايم معاها
عبدالله؛؛ دكوم لعبت نفسي
رفعت ايديني لسمه واضحك
علي؛: يارب يوم الي تلعب نفسك من المشروب هم
عبدالله؛: هههه لو اتموت هم ماتلعب نفسي.
علي؛: لانك حيوان
عبدالله؛: طالع ع اخويا
شلت المخده وضربتو بيها واثينا نضحك
علي؛: يالا سلام
عبدالله؛: الله وياك
طلعت من بيتهم مرتاح لان ماخليت عبود يضل زعلان هذا صديقي واخويا اخخخ اشتاكيت للؤي حييل واختنكت ركبت سيارتي والدنيا تمطر على الجام اخخ ياكلبي هذا المطر يذكرني بايام الطفوله من جانت امي تاخذنا على بيت خالي اني وهدير ولؤي الله يرحمو الله يرحمك يااخويا صافنت على فرعنا شكد بي ذكريات من جنه اصغار وليش جنات الي ضاعت من كثر حبها للؤي الله يساعدج ياجنات ويشافيج شغلت السياره وطلعت بيها لدوام ....!
سدره
امشي بل الزدحامات والمطر ينزل على الجام وماري فرحانه بل مطر وتضحك وادحك على حسوني مايعرف وين رايحه الدنيا وين جايه ربي يحفظكم ياويلادي الحلوين
وصلت فرع بيت اهلي ودكات كلبي الي كاعد يمي يسمعني وكفت السياره ونزلت فتحت الباب وطلعت ماري ورجعت فتحت الورى وشلت حسوني ب يدي
ماري؛؛ ددو مامي
سدره::؛ اي يروحي بيت جدو
ماري:؛ نانا (جده)
سدره؛: هسا اتشوفيهم كلبي مشيت لباب ومتوتره شلون راح اشوف اهلي بعد كل هل المده وخجلانه حييل من امي عفتهم بسبب لااخسر علي
خفت ادك الجرس لان بل مطر يصير بي كهرب دكيت الباب مرتين جاني صوت طارق
اي اي جينا
فتحت الباب انصدم بيا
طارق؛:سماااء تعالي شوفي منو جا
سدره؛: هههه ياروحي طروقي
مسكني يحضن بيا ويبجي وجت سماء تركض واتصيح سدرره اثينهم يحضنوني ويبجون
سماء؛:؛ ليش هيجي ماما يوميا تبجي عليج وعلى مختار
سدره؛؛ ياروحي انتو والله ماكدرت
طارق؛: نعرف اختي نحنا كبرنا بعد اني وسماء صرنا بل متوسطه
سدره؛؛ يمه فدوه لويلادي الحلوين يالا فوتو صرنا مطر
اخذو حسوني وماري ومشو وصلت الصاله امي وابويا واسو ويلاد عمر يم الصوبه
سدره!؛ السلام عليكم
ماري؛: نانا ددو
نزلت من حضن طارق وركضت ع امي وابويا امي وابويا مستغربين من جيتي امي جانت متمدده واتريد اتكوم ماتكدر بابا كبل وكف ع حييلو وماري حاضن رجلو شالها
ابوسدره؛؛ بنتي سدوره
رحت اركض ع حضن بابا وابجي بحضنو واشهك كل شهكه احس روحي تطلع
سدره؛: اسفه بابا سامحني والله ماكدرت اعوف علي بهاي محنتو
ابوعلي؛: الله يرضى عنج يابنتي
بعدني ابجي دحكت على ماما تهمس سدروه تعالي امي
عفت حضن بابا وبابا شال ماري يبوس بيها رحت حضنت ماما واثينا نبجي
ام سدره؛: ليش هيجي سويتي بيا ليش اربع اشهر مرت وماسمعت صوتج انتي ومختار دمرتوني
كمت ابوس ايد امي وابجي
سدره؛؛ اسفه والله اسفه مو بيدي سامحيني ماما سامحيني
ام سدره؛؛ مازعلانه منج ياامي مرضي هذا كله ب سببج وسبب اخوج
سدره؛: الي صار ياامي مو ب يدينا والله الي صار قدر ومغصوب علينا
خطيه حيييل انقهرت عليها جت اسو باستني وسلمت عليه وكتلها اتصلي باسماء خلي تجي
كعدت مع اهلي وبدو يسالوني عن وضعي وبيت عمتي وعمي شلونهم واني اجاوبهم واني وكاعده معاهم دخل عمر كبل كمت رحت ابوس بي واحضنو مايهون عليه ازعلو
سدره؛: خمه زعلان مني
عمر؛؛ لا حبيبتي مو زعلان ضجت اشويه وب تالي هم حقج
سدره؛: اني سويت هيجي انت اخويا وصح مايهون عليه زعلك بس اكدر ارضيك بس علي والله من يزعل يدمرني وماردت اكسرلو كلمه كدام اهلو ردت بيبني وبينو مستعده شنو اسوي حتى يرضى ونجحت بهذا الشي
عمر؛: عفيه عليج اختي هاي هيا مادام هيجي جان تفكيرج براحتج وقرار زوج عمتج شلون
سدره؛: ياقرار
عمر؛؛ ليش ماكالولج عمج شنو طلب يوم الفصل
سدره!؛ امبله علي كالي طلبنا كذا مليون وابوج كال انطيكم بعدين الخبر
ابوسدره؛: عمرر
شفت بابا كبل خنزر عمر مافتهمت على شنو
سدره؛: على شنو ياقرار
ابو سدره؛: هو اخوج قصدو قرار الفلوس
سدره؛: بس بابا مختار غلطان
عمر؛: انتي صدك تحجين اخوج اذا دخل لسجن راح يروح من عمرو اقل شي سبع سنوات هاي اذا اتحولت القضيه لقتل غير متعمد بشهود اهل المنطقه لازم وغير اني دا احاول ماخليها ترفع لقاضي القضيه مالتو بلكي بيت عمتج يسقطون الدعوه
عززه سبع سنوات اقل شي يعني اكثر شكد صخام يااخويا شوازك اتسوي هيجي مادري
طلعت لغرفتي بدلت ودا ابدل لماري وجان يندك باب غرفتي
فوت منو
فتحت الباب ودخلت اسماء شافتني تبجي
سدوره ياروحي مشتاقتلج
واني اكثر اسمو
وحده تحضن الثانيه ومامصدكين متشوافين اتبوسنا وبعدين مسكتني وكعدت تسالني مثل ماسالوني امي وابويا وبعدها اني كمت اسالها وضعها واخبارها شفت ويلادها فدوه حياتي شكد حلوين صايرين
كملت ونزلنا جوى كلنل انجمعنا ماما احس اشويه صارت احسن بشوفتي ماعرف فرحت وبينت احسن كعدنا منجمعين على الميز والجهال بل كاع يكعدون
كملنا اكل وغسلنا مواعين وطلعنا فوك لغرفه وسالفه تسحب سالفه اخوتين وانجمعو بعد العصر سوينا كيك وجاي وكعدنا نسولف ونضحك مع امي حتى انحسن من موضعها بل ليل بعد العشه انجمعنا كلنا وحسوني بحضني وكاعده على القنفه بابا صاحني وكعدنا وصار بابا يحجي
ابو سدره؛: سدوره بابا اريد احجي معاج ب موضوع واريدج اتشغلين عقلج وتفتهمين علينا شنو انكول
سدره؛: اي بابا
جنت متوقعه كاعده ينصحني ع مود بيت عمتي وشلون اتعاامل معاهم بس فاجئني من كالي
ابو سدره؛: اخوج مختار راح يطلع من السجن عن قريب
سدره؛: هاااا صحيح تحجي
ابو سدره؛: اي بابا ان شاء الله شوفي باباتي اخوج مختار وامج الي كل مرضها ب سببج وسبب اخوج خصوصه بركبتج انتي
سدره؛: شنو بابا مافتهمت وعمي شلون قبل اكيد راح تدفع الفلوس مو تمام
ابو سدره؛: راح ادفع الفلوس وفوكها شرط عمج
سدره؛؛ عميييي ليش شنو شرط
ابوسدره؛: عمج شرط الديه وو ....طلاقج من علي تنازلين عن الجهال
انصدمت احس بعمري ماكن انصدمت هيجي دحكت على بابا وكمت اضحك وادحك على الكل
سدره؛؛ هههه صحيح بابا تحجي ههه بابا لاتشاقه معايا
عمر؛: سدره افتهمينا
سدره؛؛ خلوني افتهم شغله شغله بل بدايه اطلك من زوجي واهجم بيتي وبعدين اتنازل عن جهالي الي حملت بيهم وسهرت الليالي ويوم ب يوم انتظر يكبرون اتنازل عنهم مو تمام حتى حضر الجناب مختار يطلع من السجن حتى ابننننتكم القاتل يطلع من السجن لااا ماعوف ويلادي لا لو مو انسجن مختار لو انحكم اعدام
صرت اصيح وحضنت حسوني قوي وصار يبجي ب يدي
الكل يحجي معايا احس ماسمع احد
اسماء؛: سدره حسوني اتاذه حضنتي قوي
سدره؛: تسمعين بابا تسمعين بابا شنو يكول
ابو سدره؛: عمج هيجي رايد
سدره؛: وعلي وعلي وين من هذا الكلام
عمر؛ علي ماقبل وكف بوج الكل وكال مرتي ماتنازل عنها والشيخ طردو من بيتو لو مابو علي جان يطردو من العشيره
سدره؛: انتو اتخبلوتو اكيد
ابو سدره؛: اخوج مريض حييل
سدره؛: الي هينا وكافي ماما سامحيني وانسي عندج بنت بعد اسمها سدره لو ماعندي حسين وماريه هم ماجنت اتخلى عن زوجي
كمت على حيييلي وسحبت ماري واركض وصلت الباب السويج امعلك دا اسحبو وعمر سحبو قبلي
سدره؛: عمر جيب السويج
عمر؛: انتي مخبله وين طالعه بهذا الليل
سدره؛: اي مخبله مخبله اتريدون تاخذون ويلادي مني على مود سيد مختار يطلع من السجن مشكلتو محد كالو صير طايش واضرب طلقات
عمر؛: صدكي سدره كلشي ينحل وعلي مايتخلى عنج بس نكدر نمشي بكلام عمو قصي هسا ويجي يوم وانتي وعلي تنجمعون سوى
سدره؛:ههه لا انت مخبل رسمي انت شلووووون تقبل اتنازل على ويلادي واغدر بعلي شلوون فهمني كون انت بمكان علي شنو راح يكون ردت فعلك من اسراء
جاوووبني شبيك ساكت
ابو سدره؛: بابا سدره كلشي بي حل بس اخوج لازم يطلع من السجن مختار مريض والسجن مو زين علي
سدره؛: وراح اضحي بروحي وبويلادي وحب حياتي ع مود ابنكم مو وبعدين انت سيد عمر شكو ضابط ومابيك خير روح انتقلو على غير سجن
ابوسدره؛: يابابا انتي كلتي سجن يعني مو فندق باباتي هذا هم اخوج
سدره؛ اخويا غالي صح عليه السجن لرجال ويلادي ماتخلى عنهم لو اموت
احجي وامسح بدموعي ودقيقه اتعصب ومره ماستوعب الي دا يصير
عمر؛: كتتتتلج فتررررره بين ماخوج يطللللع من السجن اشكد كلبج قاسي ومستعده تخلين عن ويلادج وماتخلين عن علي
سدره!: لاتصصصيح عليه اني مو طفله كدامك
عمر؛: وانتي ليششش تصيحين لعد الله يعلم اش شفتي منهم هاي الاربع اشهر ب بيت عمتج وبعدج اتريدين علي
سدره؛؛ شوووفو كللللكم واسمعووو زين ولاعلي ولاويلادي ولاعمتي ابدلهم ب دنيا كلها او احاول اتنازل عنهم وياريت ماجيت ولاشفتكم وهاي جانت لعبه منك عمر حتى اتخوفني على امي واجي
عمر؛؛ لاوالله احلفلج بداعت ويلادي ماجانت لعبه وهاي امي كدامج بس هسا فوتي ماراح اخليج تطلعين من البيت بهذا الليل
سدره؛؛ مو بكيفك اذا مانطيتني سويج السياره اخابر علي هسا يجي ياخذني
عمر؛: خلي يجي ياخذج شوف منو يخليج تطلعين
سحب حسوني من حضني وانطى لاسماء واخذتو اسماء وهو يبجي
سدره؛؛ جيبو ابني الله لايوفقكم عساكم كلكم احتركتو بنار جهنم حييييبببببي اسسسسماء ابببني
عمر؛: انتتتتت مخبله بيييج شي اخوج جاي يموت بل سجن
سدره؛: موت الجلب يروح فدوه لويلادي ولابوهم
من حجيت هيجي عمر شال ايدو ضربني ب راشدي بابا كبل صيح علي
ابو سدره؛: لااااا لاتضربها
عمر؛؛ مادا تشششوفها اخوها صار يروح فدوه لعلي وبيت عمتها مستعدين يذبوها بل شارع هليوم قبل باجر ولي هدير ماستحت عيني كدامي تكول سوي فضل واخذها
سدره؛؛ تضربني عمر تضرررربني والي عمرهم ماكن مدو ماما وبابا ايدهم عليه علي الي ماترضى بي جان يوم من الايام صديقك روح بل روح علي الي ماترضى بي من عرفت بيني وبينو اكو علاقه جيتني وجنت انت اول واحد خليتني اتزوجو وجنت اول واحد شاهد على سعادتي مع علي وهسا اتريديني ب سهوله اتخلى عنو بعد ماعشت معا وخلفت من عندو واكبر سند جان الي بعدد بابا بسيطه ياعمر اتخلى عن ويلادي من انت تخلى عن فرح وفاروق
صرت اصرخ وابجي
سدره.. مالي علاقه بهدير مالي علاقه بعمي اني علي يحبني ويريدني لا انت ولاعشره مثلك ينسينا الحب الي بينا
طلعت اركض وابجي لغرفتي واشهك سحبت موبايلي واتصلت بعلي
علي؛: هلا بل حب هيجي اهلج نسوج
سدره؛؛عللي
علي
رجعت من الدوام سلمت ودخلت سالت امي ع الغده كالت سدره قبل ماتطلع سوت وراحت ابتسمت ع حنيتها
جنت كاعد بل ليل ادحك ع التلفزيون ودحكت يمي اتذكرتها واتذكرت سوالفها فجئه جا ب بالي شلون اذا صار واتعوفنا اني وسدره لاعلي مستحيل يصير هذا الشي لا بيا اني اتخلىى عن سدره ولاسدره تكدر تخلى عني دك موبايلي دحكت حبيبتي كاتب على رقمها بنت الحلال جاوبتها وجاني صوت بجيها كبل فزيت وكعدت
علي؛؛ شبيج يروحي قزومتي
سدره؛: علي هييي علي يريدون يحرموني منك ومن ويلادي حتى مختار يطلع من السجن اموت ياعلي اذا صار هذا الشي
علي؛؛ لاتبجين ياكلبي
سدره؛: انت جنت تعرف
جريت حسره وسكتت
جنت تعرف موو
ماكدرت اكولج لان لاتصدكين يجي يوم واعوفج او اتخلى عنج
اني اموت بدونك علي
يروحي لاتنقهرين هسا الدنيا ليل وباجر من الصبح اركبي السياره وارجعي
عمر اخذ سويج السياره مني واخذ حسوني
لا عاددد الي هينا وبس اني جايج
لا علي لا تجي تعال باجر الصبح اخاف هسا منع التجول
اشكد حاولت اروح عليها بس رفضت وماقبلت ساعه كاعد احجي معاها واهدي بيها اني ودا احجي معاها سمعت اسماء تحجي معاها وجابتلها حسوني ماعفت الى ان ضحكت وسديت الموبايل وشايل هم ع كلبي كومه
سدره
اني ودا احجي مع علي اسماء جابت حسوني خلتو بحضني كمت ابوس بي حيات ماما محد يكدر يحرمني منهم
علي ماعافني ع ماشافني اضحك
اتمددت ع التخت وحضنتي ماري وحسوني وافكر بكلامهم معقوله اخسر علي معقوله اخسر ويلادي زين اذا ماخسرتهم مختار راح يموت بل سجن وامي شنو راح يصير بحالها بين تفكير المتشتت والمتاهه الي وكعت بيها فزيت ع دكت الباب
منو فوت
اني عمر
دخل عمر لغرفتي
سدره اكدر احجي معاج
اريد انام
سدوره كلمتين
صفنت بوجو وبعدها كمت سحبت الروب مالي وطلعنا لصاله كعدنا بيها
اتفضل سيد عمر شنو اتريد
يحجي وعيونو مغوركه
كبل حضني وباسني من راسي
اسف والله اسف ماجان قصدي اضربج
بس ابجي وامسح بدموعي
سدوره لايشيل كلبج عليه والله اني اخوكم الجبير واحبكم بس مختار صح غلط بس مانعوفو يموت بل سجن
عجل بس لؤي يموت ويصير جوات التراب
كبل عمر دحك عليه متفاجئ
هيجي كلبج صاير قاسي
ماتحملت صرت اشهك واشر ب يدي
انت تعرف شنو جان لؤي بحياتنا الي راح ياعمر لؤي صديقي واخويا وحتى اقرب عليه من مختار عشت مع لؤي اكثر من ماعشت معاكم الي حد هسا من اصفن واتذكر لؤي وهو واكع وغركان بل دم اريد اتخبل كلبي عمر كلبي ينزف ع لؤي اخخ لو جنات المكروده الي تاليها صفنت ب مصح عقلي بس كولي شنو ذنبهم ماتعرف شنو ذنبهم اني راح اكولك ذنبها طيش اخوك طيش اخوك ياعمر ولاتفكر يوم من الايام اكدر اسامح مختار واعتبرو اخويا واستقبلو بل احضان ولاتفكرون يوم بيت عمتي يسامحون مختار ع شي الي سوى اخوك غلط العين بل العين والسن وبالسن لؤي مات خلي يموت اخوك
لا سدره لاتصيرين هيجي انتي مو قاسيه مختار قتل لؤي جان مو بقصدو غلط وحتى الله سبحانه وتعال يكول الي يقتل مؤمن خطا ماعلي قصاص
ولؤي ولؤي ياعمر
كعدت ع القنفه ومخليه ايدي ع وجهي وابجي واشهك هدو حييلي لؤي وجنات حييل الله يساعد عمتي لو ما تمسكت القران تقرأ جان صارت ازيد من عمي بس اتمسكت ب ايمانها
اتقرب عليه عمر وحضني ويمسح دموعي
كولي يالله سدره الميت راح الله يرحمو بس همنا الحي سدره فكري باخوج اشويه ولاتزعلين من عندي
باسني وراح كمت غسلت ورحت لغرفتي وماعرف شلون نمت وكعدت ع صلاه الفجر صليت ودعيت ربي لايفرقني عن زوجي واطفالي ويكون مع اخويا اني صح احجي ع مختار بس والله من حركه كلبي
صار الصبح اتصلت بعلي وكتلو بعد الدوام تعال اخذني
حضرت اغراضي وسماء وطارق اخذو فلوس من ماما راحو يشترون رجعو من المحل ماري كعدت وشافتهم ب يدهم حلويات اتخبلت وكامت تبجي
ماري؛: اليد لبع (اريد ربع)
سدره؛مامي بعدين اشتريلج تعالي انطيج نستله
ماري؛: نو مامي لبع
جنت احجي معاها كلمات انكليزي لهذا اتكول يس ونو وبعض من الكلمات خبصتني بس تبجي وجنت خايفه عليها بارده مو مال تطلع بره
سدره؛؛ كوم طروقي حبيبي انطيك ربع اخذها لمحل
طارق؛: ماشي اني عندي لاتنطيني
سدره؛: لاحياتي ميصير هاي مال مدرسه
طارق؛؛ هليوم مارحنا ع مدرسه عدنا عطله مال اجتماع امهات وبابا كال لاتروحون ع مود درسون وبارده
سدره؛: ماشي لعد اخذها
اخذ طارق ماري وراح لمحل وكعدت انتظر بيهم نص ساعه وعبرت النص ساعه بديت اقلق وين صارو ماري وطارق يالله
سماء؛؛ اروح ادور عليهم
سدره؛: لااكعدي لاتروحين
اسما!؛وين صارو هذوله نتصل بعمرلو باابا
سدره؛: هو بابا وين راح
اسماء؛: راح يسال ع سماء وطارق بل مدرسه
يالله شلون ورطه اخر شي بعد ماتحمل دزيت سماء
روحي سماء شوفيهم وينهم بس تعالي ب ساع روحي ع هذا المحل الي انتو اتروحون عليهم كل مره
سماء؛: ماشي
اسماء؛: ب ساع سيمه
طلعت تركض واني ادعي ربي مابيهم شي خايفه حييل خايفه
اتصل بيا علي وكالي اطلعي ماضل شي اصل بيتكم ماكتلو ماري ضايعه كتلو اي
علي
هليوم بس خلصت البرنامج طلعت كبل بوجهي لبيت خالي وصلت قريب من بيتهم وشفت سماء وكعه بل كاع تبجي
صحتلها
سماااااء تعالي
ابو حسوني
شبيج تبجين تعالي واكعه بل شارع
ت تعال ح حباب
واكعه ع ركبها وتبحي وبل كوه اطلع الكلمه نزلت من سيارتي وركضت عليها اريد اعرف شنو بيها
شبيج سماء وكعتي
اتهز براسها يعني لا
شبيج لعد شكو سماء
ماري ماري وطارق
شبيهم شبييهم اااحجي سماء لاتخوفيني
راحو لمحل وو ابو محل. ك كالي ااجوي م مسلحين س سدو الفرع واخ اخذو طارق وماري
احس مثل الصاعقه ونزلت ع راسي انصدمت اتخبل صرت اصيح بل شارع واهل المنطقه كلها التمت عليه
سدره
هلمره سماء هم اتاخرت صبري صبري فرط بعد ماتحمل وين صارو
اسماء؛: اني راح اطلع ادور عليهم
سدره؛: لا لاتروحين اخاف انتي هم تروحين ماترجعين
اسماء ؛: الباب دا يندك
طلعنا نركض اني واسماء واني دا اكول والله الي اكتل طارق وين اخذ ماري
سدره؛؛ منوووو
معتز؛: اني معتز سدره
سدره؛؛ اي عزوز جيتك
اسماء؛: هذا معتز اخو اماني
لبست شالي وطلعت فتحت الباب
سدره؛؛ عزوز الله جابك اخويا حباب طارق راح اخذ ماري وانوب سما لحكتهم وماعرف وين صارو
معتز؛؛سدره والله ماعرف شنو اكولج
اسماء؛: اش صاير عزوز احجي
معتز؛:الدنيا مقلوبه بره
جمدت بمكاني
سدره؛: معتز احجي شكووو
معتز؛: علي وهو جاي عليكم شايف سماء بل شارع تبجي وسالها وكن كالتو ابو المحل يكول مسلحين نزل ب سيارتهم اخذو ماري وطارق وصعدو ب سيارتهم وراحو
انصدمت اسماء كبل دكت ع صدرها
اني ضليت مصدومه وبعدها ماحسيت ع شي ...
