رواية كان اخي الفصل الخامس والعشرون بقلم مجهول
كمت ابجي معد اكدر اباوع عالكتب وميته قهر .رحت على عمتي
:- روحي شوفي شمسويه بالكتب كلهن مشككات ومي بالزباله ليش هيج تسوي وتكول مادري الج لعد لمنو هاا هس بشنو ادرس
سميه:يافاينه الحض ياشروق ولج شروووق شروووق
شروق:-هااا عمه
سميه:-عمه الدبب ولج ليش هيج مسويه بكتب ملك
شروق:والله عمه ماادري حسبالي ماتحتاجهن ورحت ذبيتهن شدراني تريدهن
ملك:-وانتي غير تسألين وتكولين هس بشنو ادرسس يله كولي..بس هااي حقارة وخباثه منج اعرفج مسمومه
شروق:-احترمي الفاضج عيني وبالجهنم مايروحن هنه شنو تالي كتب
هيثم جان نايم كعد عالصوت مالنه
هيثم:-خير شكو شبيجن
ملك:-مرتك ذابه كتبي بالزباله ومشككتهن همين
باوعلها مخوزر حييل شون هيج تسوين
شروق:-والله ماقصدي حسبالي ماتستخدمهن وكلت خلي اعزل ويه هبه وذبيتهن
ملك:-لاتجذبين لان مشككات موبس ذابتهن
هيثم افتهم انو هي متقصدة تسوي هيج
هيثم:-سالفتج هاي ناقصه وتعرفين الكتب الها يعني منو غيرها يدرس بالبيت هاا..وانتي ملك لاتشيلين هم اني اجيبلج جدد باجر
شروق:-يعني هيج بالاخير طلعتوني اني العايله ومتقصدة ..وكامت تبجي وتتمسكن
رحت لغرفتي بس كلش مقهورة ..كمت افكر ويه نفسي كلت احسن شي اروح لاهلي حتى لو عندي مدرسه اسوي نقل وهناك اكمل حيل جنت مقتنعه بهالقرار خابرت على اخوي سالم وكتله تعال اخذني قصص وروايات عراقية
كالي باجر الصبح اجي هس ماكدر كتله اوك..حضرت هدومي وبقيت الكتب الي عندي ..حتى من يجي باجر كبل اروح وياه..فاتت هبه للغرفه:-هاا شو دتحضرين شكو
ملك:-باجر اروح لاهلي
هبه:-هااا صدك.ليشش
ملك:-ماريد اضل هين بعد كافي لازم ارجع لاهلي واكمل دراستي هناك
هبه:-لا عفيه لاتروحين ابقي هين والله متعودة عليج
ملك:-ماكدر هبه والله ماكدر نوب دتصير مشاكل ويه شروق واني ماحب المشاكل ..خل اروح احسن
هبه:-منو كال هيثم يقبل تروحين
ملك:-لاتكوليلو دير بالج... من يجي الصبح راح يجي سالم وكتها اذا عرف عادي ماراح يكدر يمنعني لان سالم راح يكون موجود كبل اروح وياه
هبه:-والله ماعرف شكلج بس ضجت حيل على هذا قرارج
ملك:-واني هم موهينه عليه اعوف البيت واعوفكم ..بس هذا احسن شي
بقيت احضر كلشي وخليته بالجنطه وانتضر الصبح يجي على نار حتى يجي سالم واروح
صارت ليل الدنيا ونمت كعدت الصبح كبل خابرت على سالم كالي ساعه نوب واطلع من البيت كتله اي بس لاتتأخر.. سويت يروك وكعدنه كلنه نتريك..جان تجفص بالحجي هبه
هبه:-اوووف بلكي مايجي سالم وينساج
باوعتلها بعصبيه..خلت ايدها على حلكها
سميه:- ليش تايجي سالم شو ماكلتي
ملك:-هاا..اي يجي
سميه:- شعجب يجي مومن عوايدة يجي اله وكت المناسبات
سكتت ماعرفت شردلها
باوعلي هيثم بطارف عينه
هييم:- ليش يجي سالم
ملك:-تااروح وياه
هيثم:-موعندج مدرسه شون تروحين
ملك:-ماارجع ابقه هناك
كبل طلع الموبايل من جيبو وكام يخابر
هيثم:-الوو مرحبا هلا سالم شونك
عرفت خابرة تايكله ارجع
هيثم:-سمعت تاتجي شو ماكتلي......اها شوف لاتجي ميحتاج عود بنهايه السنه اني اجيبها
عرفت هاي جذبه مال يوديني بس يكول هيج تامايجي سالم..سد الموبايل
ملك:- ليشش خابرته وكتله لاتجي هاااا ...ارووح يعني ارووح وهس ارجع اخابرة اني
هيثم:- ملك كلمتي ماتكسريها كلت ماتروحين يعني
ماتروحين
شروق:-خليها تروح لاهلها ليش تمنعها
هيثم:-محد لوه دخل عندج مدرسه وروحه ماكو
ملك:-عادي اسوي نقل قابل اول وحدة اسوي نقل..رحت امشي سريع للغرفه
ملك:-هس اخابرة وخلي يجي
لحكني للغرفه
هيثم:-انطيني الموبايل
ملك:-مانطي ...لاتدخل هس اروح والله
هيثم:-كلت انطيني الموبايل
ملك:-والله مانيطك...
هيثم:-اذا انتي مرة خابري دشوف وشوفي شسوي بيج
كلت بكلبي يعني شيسوي مثلا طلعت الموبايل ودكيت على سالم
اجه سحب الموبايل مني وضربو بالكاع تطشر ميت وصله
سميه:-ياربي دخيلك شبي هالبيت يوميه مشكله شديصير
ملك:-تحسب اذا كسرت الموبايل ماكدر اروح غلطان والله لو اعرف وحدي اروح مومهم المهم ماضل هين
هيثم:-شوفي ترى ماريد امد ايدي عليج واذا فكرتي تروحين بوحدج اعتبري نفسج ميته
شفت هذا الحجي ضايع معاه مثل كل مرة ماراح يقبل لوتنكلب الدنيا قابل شسوي اعاندو ماحصل شي
كعدت بالكاع وكمت ابجي..هو سد باب الغرفه وجه كعد كبالي وخله ادينو على وجهي
هيثم:-ياروحي ارجوج لاتبجين اني ماريدج تروحين لان ماكدر بدونج وانتي تعرفين هاي نقطه ضعفي فلاتستخدميها ضدي ونوب تروحين زعلانه مستحيل اخليج تروحين اعرف بيج متضايقه من المشاكل الصارت.
ملك:- بس اني تعبت اريد ارتاح
هيثم:-يعني اذا تريدين ترتاحين تروحين وتعوفيني اشو اني ماتخطر على بالي حتى هيج فكرة شو انتي بالعكس
ديله كومي غسلي وجهج
ملك:-ماريد روح
هيثم:-اوك.
طلع من الغرفه واسمع شروق تحجي
شروق:-يعني واذا تروح انت ليش تخبلت
هيثم:-شوفي واصله مدري وين لاتخلين ابرد كلبي بيج
من شافت ماخلاني اروح وهيج تمسك بيه هي تخبلت ومن وكتها يطير عقلها مني وشكال تسمعني حجي مع العلم هي كاعد تشوف انو هو الي يريد هالشي ...
بعد يوم اشترالي هيثم موبايل وكتب جدد همين
هذا كلو يخليها اكثر تكرهني وبمدها تاكلني ودايما تحاول تضوجني وتشوفني بالقصد مرات مثلا احمرار على ركبتها على مود تغيرني صادفت بيوم رجعت من الندرسه وفتت للغرفه لكيتها فاتحه مكتبتي من شافتني تفاجئت حيل وارتبكت
شروق:-هاا رجعتي
ملك:- اي رجعت
شروق:- جنت ادور عالشاحنه مال موبايلج لان موبايلي مديشحن عالشاحنه مالته
ملك:-بس الشاحنه بالنقطه تضل موبالمكتبه
شروق:-مادري والله حسبالي تضمينها هين....
راحت بس كلبي مارتاح الها ..بعدين كلت يجوز رادت شي بس من شافتني استحت وكلبتها عالشاحنه
اما علاقتي بهيثم مخربطه كلش ...هواي تجيني لحضات اشتاكله واريد اروح احجي وياه او ابوسه واحضنه مجرد اني اشم عطره من يفوت للبيت كبل احن الو ..
صادفت جنه بالحديقه والجو عصر كلشش حلو طلعت من الحمام رحت للحديقه امشط شعري من شافني كبل غمزلي علني كدام الكل وشافوه...خجلت مدي الكاع تطمني
شروق:-ليش دتغمز
هيثم:-يمعودة يااغمز هاي غمضت عيوني من الشمس
شروق:-اي موعساس الشمس مقابيلك
ضحكت بكلبي علي
مر كم يووم.حسيت نفسي مثل المصخنه او مريضه
رحت تمددت ونمت كعدت نفس الشي ومعدتي حيل مخربطه
رحت على عمتي كتلها انطيني براسيتول وحب معدة انطتني بس مااثرن بيه ابد
صادفت صبينه العشه وبالكوة عاونت هديل
كعدنه نتعشه اول مااكلت كمت اشوف الدنيا تدور بيه وكعت ماحسيت اله اني يم الطبيب
سميه:-هاا شجاج دختي
هيثم:شون صرتي هس
ملك:-دايخه هوااي
سميه:-سوولج فحص وسحبو دم ننتضر الدكتور يجي
ورى شوي اجه الدكتور:-فحصها نضيف مابي شي وحتى هيوط ماعدها
سميه:- لعد ليش هالدوخه صارلها يومين تشكي من راسها ومعدتها
الدكتور:-سوولها ناضور وجيبولي الفحص مال الناضور اشوفه
سميه:-ياستااار ليش ناضور
الدكتور:-حجيه لاتخافين الناضور فحص عادي واني اعتقد مابيها شي لان فحوصاتها نضيفه بس للأطمنان
هيثم راح بصفحه يحجي ويه الدكتور وره شوي رجع
هيثم:-يله خل نروح وباجر اوديج للمستشفى يسوولج ناضور.. مسكني من ايدي هو وعمتي وصعدوني بالسيارة
وصلنه البيت
هبه:-هاا شبيها
سميه:-سوولها فحوصات الدكتور يكول مابيها شي بس باجر نسويلها ناضور حتى نتأكد..شروق ولاسألت عليه ولاعبالك بيه شي..
اجه ثاني يوم ودوني للمستفى وسوولي ناضور متت من سولياه يأذي حيل..طلع الفحص ودو للدكتور نفسه شافه الدكتور وكال:-حيل نضيف واي شي مابي
سميه:-الحمددلله ياربي.... بس عجيب اذا مابيها شي ليش هالدوخه
كلش فرح هيثم وعمتي من طلع الفحص نضيف نفسيت هيثم تغيرت هواي وكام يشاقيني ويضحك وياي وجابلي غدة من السوك
رجعنه للبيت
هيثم:تمددي ورتاحي كلشي لاتسوين
ضليت كل اليوم متمددة وماسويت شي ..صارت الدنيا ليل ورحت تاانام...شفت كوابيس مرعبه موطبيعي انام كل شوي افز من الفراش وتعوذ الشيطان وارجع انام ارجع اشوف نفس الحلم مرة اشوف بزونه سودة ملاحكتني ومرة اشوف عكربه بس بحجمم كلششش جبيرر بكد الغرفه تريد تاكلني واشكال شغلات .كعدت بنص اليل صررخت من الخوف.....
