رواية كان اخي الفصل السادس والعشرون بقلم مجهول
فزيت من النوم وصرخت..كمت ارجف وابجي كعدت هبه:-خير شبيج جفلتيني
ملك:- شفت كابوس موتني خووف
هبه:-تعوذي الشيطان ورجعي نامي
قريت ايات ورجعت نمت هم شفت نفس الكوابيس بس بغير طريقه كل شوي اكعد ميته خوف وارجف اريد بس الصبح يجي
ماصدكت على الله يجي الصبح حتى مارحت للمدرسه كبل كعدت وطلعت من الغرفه لكيت عمتي مسويه ريوك وكاعد يتريكون كعدت وياهم قصص وروايات عراقية
سميه: هاا شون صرتي ان شاء الله اليوم احسن
هبه:-كعدت باليل صرخت اله جفلت بشنو حلمتي ملك
تملك:-كوابيس مرعبه كل اليل ماكدرت انام بس ردت الصبح يجي..باوع هيثم عليه بأستغراب وكال:-كوابيس شعجب
ملك:-والله مادري اني بحياتي ماحلم بهيج شغلات حتى استغرب من اليكول نحلم هيج وهيج
سميه:-يجوز لان جنتي مريضه هيج كوبستي مثل الحمى
شروق:- ااي اي لان جنتي مريضه هيج صار
ملك:-والله مادري يجوز
كملت ريوك وكمت طلعت هدوم ليه تااسبح فتت عالحمام اول مافتحت المي احس اختنكت معد اكدر اريد بس اطلع من الحمام مثل واحد ماسكني من ركبتي
رحت عالسريع عالباب اريد افتحو احس حيلي نهد معد اكدر افتحو كمت ادك بالباب واصيح عليهم افتحو الباب افتحو .انفتح الباب باوعت هيثم وعمه سميه
سميه:-شكو شكو شبيج
دفعتهم وطلعت عالهول اريد اشتم هوى
هيثم:-ملك شبيج
ملك:-اختنكت من فتت للحمام كبل اختنكت
سميه:-استغفرالله ياربي شون يعني اختنكتي
ملك:-مادري والله ...
سميه:-روحي تمددي ورتاحي
رحت تمددت ..لعبت نفسي رحت ركض عالمغسل ضليت ازووع..وراها ارتاحيت بقيت كل اليوم وضعي احسن الى مااجه المغرب طلعت للحديقه وكعدت عالكرسي كمت اسمع اصوات مخربطه وهوسه قويه حسبالي عركه صايرة برة او عند الجيران ضليت اباوع حواليه ماكو شي الصوت كام يعله حيل احسو بأذني صار ..معد اكدر كمت اسد بأذاني كل قوتي بس الصوت نفسه بقه فتت جوة عالسريع اله طعست بهيثم
هيثم:-شبيج على كيفج
ملك:-صوت بأذاني ماديروح دااسمع هوسه كلش قويه
هيثم:-صوت شنو كلشي ماكو
ملك:والله دااسمع صوت.....
فجاة راح الصوت مني وحسيت عركت حيل وكمت ابجي
هيثم:-ماكو كلشي والله.... ليش تبجين ياعمري ملك وضعج مديطمني ابد باجر اخذج لغير دكتور
ملك:-والله جنت اسمع اصوات حسبالي برة بس باوعت ماكو شي
هيثم:-امشيي وياي امشي للغرفه..اخذني لغرفه الخطار كعدنه
هيثم:-اهدي اهدي واستغفري ماكو اي شي ...
فاتت شروق:-هيثم شنو تريد عشه
هيثم:-ملك شتريدن تاكلين
شروق:-سألتك انت ماسألتها هي
هيثم:-واني كاعد اسألها هي .....شتحبين تاكلين
ملك:-ماريد اكل...اريد عصير بس
هيثم:- من عيوني هس اجيبلج
ضلت تنافخ شروق ومبوزة عليه..راح هيثم شويه ورجع
جابلي عصير وكيك علاكه مليانه حلويات
شريت عصير وياه كيك
هيثم:-باجر اروح لمدرستج اخذج اجازة واخذج للدكتور
ملك:- صارلي يومين مارايحه
هيثم:-ميخالف بسيطه اني اكوللهم مريضه
اجه ثاني يوم وراح هيثم اخذلي اجازة ووداني لدكتور هو وعمه سميه كالو خوش دكتور يفهم ...شخص حالتي وحجيتلو كلشي..باوعلي كالي:-ماكله شي مو نضيف
كتله لا ...كتبلي علاج وكال اخذي اذا ماصرتي زينه ارجعي عليه
طلعنه ورجعنه للبيت تغديت واخذت العلاج نمت كعدت العصر احس صرت زينه فرحت حيل كلت يجوز العلاج فادني من اول استخدام
سميه:-هاا شونج اليوم
ملك:- حيل زينه
سميه:-عفيه بنتي دومج زينه ان شاء الله
خابرت على صديقتي سألتها عالدروس الي اخذناها ..طلعت الكتب وكمت ادرس حيل زينه كلشي مابيه...اجه المغرب وياريت مايجي المغرب مدري شيصير بيه من تصير الدنيا مغرب كلشي يتغير وينكلب عليه...كمت اسمع هم اصوات بالغرفه وهالمرة اكثر مرعبه عرفت رجعتلي الحاله كبل طلعت من الغرفه وادور لهيثم
ملك:-هبه هيثم وينووو.
هبه:- مادري ليشش
ملك:-هيثمممم وينووو صيحي بسرعه
هبه:شكو شبيج ليس وجهج اصفر..والله ماعرف وينو
كمت ابجي :-بس صيحي هيثم عفيه
هبه:-هس اروح اشوفو وين بس اهدي
راحت هبه صاحتو يمكن جان برة فات جوة اول ماشفتو رحت اركض علي.. جان اكع دخت مادري بعد شصاار.......
صحيت باوعت المغذي بيدي وكلها فوكي بس بالبيت
هيثم مخلي ايدو على كصتي
هيثم:-همزين فتحتي ...شونج هس
ملك:- تعبانه كلش
سميه:-والله غريب هيج تكعين فجاة الدكاترة يكولون مابيج شي من ترجعين تتخربطين شنو السالفه
هيثم راح بصفحه يخابر صديقو يدرس طب وعلم نفس كام يحجي وياه ويسألو على اسم دكتور مضبوط بهيج حالات...خلص مخابرة وكال:-اكو دكتور مضبوط صديقي يعرفو باجر اوديج علي
ملك:-اهووو يوميه دكتور بلافايدو
هيثم:-لعد خما ضلين هيج...اريد اعرف شبيج
احس نفسي يضيق واعرك هواي وبس ارجف
خلص المغذي ...وبقيت بمكاني نايمه ماكعدت للصبح هم اخذني هيثم لهذا الدكتور ونطاني علاج واخذته بس بلافايدة دايما من يجي المغرب تتخربط حالتي ..احتارو وياي هيثم حيل شايل همي يضل وياي حتى اكلو صار قليل واكثر الوقت يدخن...كام يطلعني برة ويفرفرني بالسيارة ويوديني للمطاعم اصير احسن من ارجع للبيت ترجع حالتي واكوم ازوع حتى ضعفت...ودوامي قليل بالمدرسه يوم اروح و3 ايام مااروح صرت اكره كلشي واضل مخنوكه
وابجي كالي راح اخذج لاهلج حتى بس تتغير نفسيتي رحت وياه على اهلي ونفس الشي يوم عن يوم حالتي تزيد وتصير اسوء رجعني من اهلي وكلت لهبه ملك:-هبه امشي وياي للحمام اريد اسبح اخاف اروح وحدي
هبه:-يله امشي..
رحت ويه هبه للحمام بقيت بملابسي الداخليه وسبحت
طلعت من الحمام ورحت للغرفه داامشط بشعري شفت كومه مال شعر يم باب الغرفه
ملك:-هبه شنو هذ العشر روحي شيلي
هبه:-وين الشعر ماكو
ملك:- شبيج يم الباب هناك ماتشوفي
هبه:-ولج ووين ماكو شي
كمت تااروح اشيلو بيدي وصلت اباوع ماكو
ملك:-والله جان هين هس
شفته...كامت تباوعلي هبه بأستغراب
ملك:- والله ماكاعد اتخيل والقران شفته
بديت احس شوي شوي اني موطبيعيه واسمع اصوات واشوف شغلات ماكو بس اني تصير وياي عرفت حالتي موخاليه
صارت الساعه11 ورحت تاانام كلت باجر اروح للمدرسه
نمت وشفت نفس الكوابيس بس بصورة ابشع وتخووف حييل اريد بس اكعد مااكدر مثل المربوطه هم فزيت وصرخت بصووت حيل عالي من دون ماحس بنفسي..فات هيثم وعمه سميه للغرفه على صوتي
هيثم:-شبيج ياروحي
ملك:-خايفه هوااي
هيثم:-من شنو تخافين ياعمري اني يمج لاتخافين
ملك:-نفس الكابوس ديجيني
سميه:-اني اكول ناخذها لمرقي يقره عليها احسن من الدكاترة لان شغلتها مو مرض اكو غير شي
هيثم:اوووف
هيثم بقه يدخن مانام ضل وياي
ملك:-لاتروح عفيه ضل هين
هيثم:-ماروح وياج والله ماروح ....يوم روحي انتي نامي اني اضل يمها
راحت عمه سميه وبقه هيثم نام وياي حضنتو وكمت ابجي وهو حاضني ويقره عليه ايات كل اليل يقره عليه قران
شوي غفيت ...كعدت على صوت الباب نفتح فتحت عيوني عالشباك الدنيا فجر والسما زركه..سمعت صوت شروق:-هااا شو نايم هين
هيثم:-لازم ماسمعتيها من كعدت ....ماشفتي حالها
شروق:-شوكت تجي للغرفه
هيثم:-شويه نوب
شروق:-اي نوب بس هااي ضلت
هيثم:-روحي نامي وبلاكلام زايد شويه واجي
راحت شروق وكالتله انتضرك .... هيثم :-ارجعي نامي مالج دخل بيها اضل وياج...لاتخافين ابد وربج ماعوفج واضل وياج الى ماترجعين مثل قبل...
كعدنه الصبح واخذوني هو وعمتي للمرقي شافني وكام يسألني واجاوبه اخر شي اخذ هيثم بصفحه وكام يحجي وياه ماعرف شنو حجو ولاهيثم كالي
مرر كم يوم واني هيج حالتي هيثم مايعوفني ابد واني تعودت علي واضل خايفه من اشوفه ارتاح الى ما اجه اليوم الساعه7 الصبح جنت نايمه كعدت على صياح شروق وهيثم..طلعت من الغرفه اني وهبه عالسريع باوعت هيثم ماسك شروق من شعرها ويضرب بيها دفرات وخشمها كلو دم.....
💥💥💥💥💥💥💥💥💥////
