رواية لست غجرية الفصل الخامس والعشرون بقلم روز الحيدر
سحبني الحضنه مسد على شعري غمضت عيوني
براحة دقايق وهمس
نسر : شموخ...
فتحت عيوني راسي على صدره أريد استوعب
معقولة سمعت غلط!
انتبه على نفسه وفتح عيونه بسرعة
نسر : لا ـ
ماخليته يكمل دفعت صدره.. نهض
نسر : بس أسمعي_
نهضت من السدية.. بعصبية رغم التعب قاطعته أتقربله وهو يرجع لورا خايف من رد فعلي أكثر من خوفي منه
وردة : ولك... لاعبالك ماعندي احد واضيع من دونك
وتخوني على راحتك *********
1 تع
نسر : رحم الله والديج
سويت حركة بأيدي
وردة : طيييط... عود تخجلني بأخلاقك
1 تع
نسر : لا سـ ***ماعندي أخلاق
وردة : هم زين تعرف نفسك
غمض عيونه ومسح وجهه بقهر
نسر : لا حول ولا قوة إلا بالله...
وردة : لا وتالي يجي بحضني ويگلي شموووخ! ولك شبيها وردة؟ حضنها مابي ملح فاهي؟
عض شفته حتى لا يضحك بس فلتت منه ضحكة
2 تع
نسر : وبطل صفين... يخبل مو حضن عافية
قرب شوي وهو يباوعلي بثبات
نسر : حضنج مو طبيعي... صاير إدمان
كل ساعة أدور فرصة أطيح بيه بدون ما أحس
ابتسم يهز راسه
نسر : مانتبهتي كل شوي أرجع أسحبج إلي حضنج
مو فاهي.. بي ملوحة شط العرب
وردة : عبالك أسكت مو..؟ لااا *******
لزمني سد حلگي ودفعني... ظهري على حايط بعدها
أيده على حلگي
نسر : كااافي ولج أرحمي حالج ورحميني وياج والله
ماخنت ولا حتى مفكر بغيرج
هو مرة قربلي هيج من دفعني ؏ شجرة لما جنت
بالقرية وداس على رجلي لان يعرفني بس هل مرة
ماداس...
ستغليت تركيزة بية
رفعت رجلي ضربته برگبيتي تنهى بسرعة بعد أيده
عن حلگي وحتى مايوكع للكاع ستند على جتفي
يصيح...
بأيده مرد شفافي بعدت راسي وصحت
وردة : ياااناس ياااعالم ساعدوني هذا ثور هجم
عليه.. يبووووووو
رجع صم حلكي
نسر : لا لااا... العرمة يمج تضيع
هزيت راسي وبس ادفر برجلية
نسر : ولج راح اموت
وردة : كبر يلفك ولا مرة تلفك
3 تع
همس بأذني.. فتحت عيوني وهلس شعره.. بعد
أيده عن حلگي ولزم أيدي
وردة : ولك بس وخر عني ختنكت
نسر : بس ارتاح مااكدر اوكف على حيلي؏ هل
ضربة هاي بعد سنة مايصير عندنا اطفال
وردة : تستاهل
نسر : اويلييي... مهرة عنيدة شلون اروضها!
وردة : كافي عوفني..
راد يحجي بس..ندك الباب نهض نفسه عني وبتعد
نهضت بلكوة اخذ نفس
نسر : هاي مريضة واللسان مترين!
وردة : شسويلك؟ انتم روحكم بين رجليكم
ضحك عض شفته
نسر : والله لو ماأحبج جان عرفتج شنو معنى كلامج
وردة : روح لشموخك الـ ***
غمز
نسر : انتِ
وردة : خالة عليج الله ترضينها يگلي گـ***وبـ***
فتحت عيونها بدهشة عليه وخلت ايدها على حلكها
سناء :يااا..!
فتح عيونه باوعلي بصدمة يأشر على نفسه
نسر : أني... أني غلطت عليج؟!
نزلت راسي ودموعي توگع بالكاع
وردة : أي خالة.. شافني وحيدة ومااعندي احد صار
يغلط عليه
هو هنا فجه وكع بالكاع واني مستمرة اناشغ.. واحجي
وردة :يعني اقبل يهيني لان ماعندي اهل وماعندي احد يدافع عني
اجت بسرعة وكفت يمي
سناء :لا يماما لاتكولين هيج
المراة نهضمت بسرعة حضنتني تبجي
نسر : جوري منو ضربني وگعني بالكاع؟
بتعدت عنها
وردة : عليج الله خالة تعقليها وحدة مثلي تكدر تضربة
وتوكعة بالكاع؟
باوعتله صاحت بي
سناء : أطلع بررررا
بصدمة خفيفية
نسر : عمه والله ماسويت شي..
رجعت حضنتني قبل مايطلع نظرلي بتسمت بخبث
وغمزتله صاح
نسر : شوفيهااا شلون تضحك والله جذب..
بتعدت عني منزله راسي وبس دموعي على خدي
سناء : عمه اطلع وعوفها هي بيا حال البنية طلعت
من حلك الموت
وردة : ياريتني ميتة ورايحة يم حبوبتي ولا اتحمل
هل أهانه
بدهشة
نسر : جووري..!
سناء : عوفها واطلع
هز راسه وطلع.. بعدت الشعر المعثر عن وجهي
سناء : ارتاحي يماما
رجعتني على سدية كعدت نطتني ماي شربت
سناء : بس طلعين منا اخذج يمي اهتم بيج
وردة : لا خالة رحم الله والديج ماارتاح له بيتي
بتسمت وهي تلمس شعري
سناء :لعد تقبلين يمج ضيفة؟
بتسمت
وردة : بعيوني والله
سناء : يبعد عيوني
تنظرلي بطريقة غريبة بكل تفاصيل وجهي حتى لمستها
احس بيها شي حنين
سناء : تدرين أني ربيت أمير ويا اولادي و اول مرة
أعرف بي يغلط!
وردة : اي أستغل ضعفي.. وحدتي
سناء : لا يماما لاتحجين هيج مستحيل يستغلج
هز راسها
سناء : لاا.. ماترحم
وردة : خاصه اني داستني دوس وشكو زبالة حشاج
ذبتها بحياتي
سناء : مو بعد اليوم
بتسمت بأستهزاء
وردة : وشني اليفرق اليوم عن باجر الله وكيلج نفس
الشي سالفت حبوبتي تكول الدنيا تشمرلي المايريده
الطير
سناء : خلي ايمانج بربج قوي
وردة : ونعم بالله.. بس
نزلت نكسر صوتي
وردة : حتى هو مايريدني..
سناء : مثل بنتي.. اني احب البنات ومااحب اشوف
دموعهن
وردة : حتلو لاتبوسين ايدي مهما يكون
سناء : لتبجين
مسحت دموعي
وردة : مابجي
بتسمت
سناء : اي هيج
وردة : انتِ حلوة
ضحكت
سناء : ها؟
وردة : اي والله تخبلين ولا مبين ام أيسر
سناء : لا عندي بعد ثنين أكبر منه
بصدمة خفيفية
وردة : والله؟
هزت راسها سكتت مدري ليش حسيتها نزعجت
غيرت الموضوع
وردة : ماشاء لله ولا مبين عليج.. ترا اني مااحسد
ضحكت
سناء : فدوتج..
وردة : شنو سر العمر؟
سناء : يمكن اي.. بس السر الحقيقي زوج صالح
وابناء بارين يخافون علية من الهوى
وردة : الله يحفظهم ألج... زين اكو هي ناس!
سناء : طبعاً هواي واهمهن الأزواج اذا صلحوا
صلحت حياتهم..وحياة وابنائهم
تنهدت
وردة : أميرر
هزت راسها
سناء : اي.. أمير يشبه عمه بالشكل والطبع
رفعت عيني
وردة : هااا؟
سناء : اي والله من صغره متأثر بعمه ويموت عليه
وسبحان الله حتى طبع بأطباعه..
سكتت ثواني وكملت
سناء : محضوظة اللي تحبه وتاخذه
سكتت
سناء : اكول... ليش نسر غلط عليج؟
حكيت راسي
وردة : هو ياريته بس غلط علية
سناء : شنو سوه؟
سناء : شنو صاح؟
وردة : شموخ....
رفعت حواجبها بينت ابتسامه بطرف شفتها بس من حجيت
وردة : تقبليها عليج الله؟ ترا صعبة والله ادري ماعندي
بهالدنيا غيره بس مو يعني اقبل بالقليل ولااقبل اكون
هامش
سناء : عفية عليج اني هم ارزله ألج
وردة : لا مااريد هسه هم يكول تقصدت تسوي مشاكل
وحاولت تشوه صورتي بين أهلي وناسي ويطلع الصوج بية ومحد يصدكني..
سناء : لا شحده ليحجي وياج
لمست وجهي ومررت ايدها على حاجبي سكتت ودي أبوس لمستها واخلي راسي على جف أيدها
سناء : حلوات وثخان
بتسمت
سناء : مشايلتهن صح؟
هزيت راسي
وردة : اي ابد ولا مرة حبوبتي ماتقبل تكول لتحفحف
تريدبها فحل..
بتسمت وعينه مانزلت حتى من ترمش تتأخر من كد مامركزة بية
نسر : جوري.!
لفيت وجهي عنه بزعل
وردة : لاتحجي ماسمعك
أيسر : ليكون مزعلها ولك؟
نسر : لا وحق داحي الباب...
اجه وكف كدام مبتسم
نسر : ليش اني اكدر على زعلها!
لزمت أيدي
سناء : أسمعي.. الخاطري شوفي شنو يكول ولو مرة
نزلت عيني وهزيت راسي
نهضت وطلعوا هي وأيسر... سد الباب ورجع كعد على
طرف السدية بدون مايحجي طلع مبايله ومدري شنو
طلع صورت ورقة مكتوب بيها
نسر : أقري
رفعت عيني بأستغراب
وردة : تعرفني.. أقرأ؟
نهض قرب مني
نسر : شوفي...
قرب الصورة صار يتهجه حرف حرف
نسر : شـ مـ و خ
گلبي عصرني
وردة : شـني تعني؟
نسر : تاريخ ميلادج ٦/١
وهذا تاريخ اليوم اللي نفقدتي بي وسنة الميلاد
احس جسمي قشعر مو بس گلبي رجف حتى روحي
والدمعة نحبست بعيني
وردة : شـ...شلون؟ لاتجذب عليك الله... حباااب
لزم وجهي بجفوف أيده
نسر : والله العظيم.. أسمج... شمـوخ محمد
بتعدت واخذت المبايل بأيد ترجف
وردة :شلون..شلون عرفت؟
نسر : لكيت ملف قضية قبل عشرين سنة
رفعت عيني له
وردة : شعرفك أني؟
سكت
وردة : شعرفك؟ بلگ وحدة غيري؟
هزيت راسي
نسر : وشموخ محمد بعد ولادتها نفقدت بعشرين
يوم
بلعت ريگ بخوف
وردة : بلگ صدفة؟
هز راسه بنفي
وردة : والمراة وينها لكيتها؟
هز راسه
نسر : ماتت
فتحت عيوني
وردة : هي امي ؟
نسر : لا مو أمج
وردة :شمدريك؟
رفع عينه
نسر : راح اوصللهم بس... الأهم من هذا انتِ تردين تشوفيهم؟
هزيت راسي بنفي بدون تردد ودموعي تنزل
وردة : لااا.. لااا.. لاا مااريدهم
لزم أيدي
نسر : ليش؟
نهضمت اكثر رفعت عيني بعينه
وردة : مااريد اتفشل خاف يرفضوني مايقبلون بية
بسرعة سحبني ضمني الصدره ارجف وحلگي حجر
نسر : خلاص... أهدي
باس راسي
نسر : أني يمج ماعوفج
وردة : يعني عرفت أهلي؟
رفعت راسي بصدمة وگلبي رجف
وردة : والله؟
هز راسه
نسر : أي والله وخوش ناس
نهضمت أكثر وذكرت البيئة العشت بيها برطمت
شفافي رجفت
وردة : عادي أشوفهم من بعيد؟
نسر : ليش ماتحضنيهم؟
رفعت كتافي
وردة : أخاف... أخاف ميردوني
مسح طرف عينه قبل ماتوكع دمعته
نسر : وبلگي هم يدورون عليج؟
هزيت راسي
وردة :ترا... مو شوية عشرين سنة منو يكولون بعدهم يذكروني!
رجع سحبني الصدره ضمني بقوة خفيفة
بصوت يرجف
وردة : امير
نسر : يبعد عيونه
بتعدت عن صدره مسحت دموعي
وردة : لاتعوفني... مااريد غيرك أنت أهلي ودنيتي
تحملني حباب
بتسم ومرر بهابه مسح دمعي
وردة : تحملني حتى لو اغلط انت علمني وأدبني
ضحك وسحبني باس جبيني
نسر :اني احبج عرمة..
بعد شعري عن وجهي وبقى لازمني
نسر : قابل بيج حتى لو دوسين بطني..
سكتت ونزلت عيني
نسر : ها موافق؟
بدون ماارفع عيني
وردة : شنو؟
نسر : أصير اهلج ونتزوج ونخلف قرودة
الدمعة بعيني بس.. بتسم بخجل
نسر :اويلييي الخجل صار يخرخر لمي
ضحكت.. رجع سحبني الصدره يبوس راسي
نسر : أحبج
وردة : جذاب
نسر : والله أحبج
سحب نفس من شعري وتنهد
نسر : تدرين بغيابج ماشفت راحة... والله التفكير
اكل عقلي خفت لا سامح الله صايرلج شي
ضحك باس راسي
نسر : اهم شي سلامتج حبيبي
وردة : والله خفت يمطلني
ضحك أكثر ورجع ضمني الصدره
نسر : لا لتتخافين محد يمطلج غيري
ضربته بخفه
وردة : شو صاير سـ***فد مرة!
لف أديه ؏ ظهري ضمني بقوة سحب نفس براحة
نسر : بس وياج والله
بتسمت عدل راسي
وردة : خوش جتاف عدك
نسر : تردين مواصفات؟
رفعت راسي له واني ؏ صدره
وردة : وانتَ حسب الطلب
بدون مابتعد
وردة : معقولة؟
نسر : ليش لا؟
وردة : ليش مالكوني همَ؟ لو يردوني صدك جان
دوروني
نسر : زين اذا طلعوا ملهوفين ؏ ريحتج؟!
تنهدت وبتعدت عنه
وردة : شوف مااريد اتأمل وبعدين اتفشل مثل ما
عشت عمري بدونهم اكدر اكمل اللي بقى وأعيش
هز راسه
نسر : اعرف والله.. بس جربي.. شنو رأيج اني
أتواصل وياهم وأكلهم
نسر : يعني موافقة؟
هزيت راسي
وردة : اللي تكوله وتشوفه صح سوي
بتسم
نسر : أي هذا الصح... حتى اخطبج منهم
رفعت عيني
وردة : بلگ ماقبلوا؟
بتسم
نسر : اي ويطلع عندج ابن عمج ينهي عليج.. لاااا
خلي نتزوج وبعدين ادورهم
ضحكت
وردة : تخاف؟
نسر : لااا ... بس اذا أبن عمج ماقبل شتسوين؟
بتسم
نسر : يبعد العشيرة واحد واحد
وردة : أريد أطلع من المستشفى ختنكت
نسر : حبيبي.. لازم تبقين تحت المراقبة
وردة : والله مابية شي واذا ابقى اكثر اتعب
نسر : زين نتظري شوية بعد ونشوف
وردة : عطشت
نهض
نسر : أنطيج ماي عيوني
وردة : خاف مالح
نسر : لا متوهمة الدمع مالح وماي العين حلو
وردة : اهاا؟
نسر : اصيحه؟
وردة : لا لحظة.. تعال عدل كفشتي يمعود عيب هيج
يشوفني
اجه اخذ ماي بأيده وبلل شعري وعدله
وردة : افتح ضفيرتي
نسر : شكو؟ ترا جاي يشوفج مو يخطبج
وردة : لاا.. اول شوفه تطبع بالعقل عيب يشوفوني
مبهذله
نسر : ترا مريضة!
وردة : حتى لو مابية شي
هز راسه وفتح ظفيرتي
نسر : هااا ست حلوة
كمل باوعتله
وردة : حلوة؟
بتسم
نسر : تخبلين؟
وردة : جذاب لان تحبني تشوفني حلوة لو تريد تسكتني
نسر :والله حتاريت وياج!
وردة : جنطتي وين؟
لتفت
نسر : هاي
وردة : نطينياها بيها عطر
نطاني الجنطة بانزعاج خفيف ماهتميت
أخذتها بسرعة طلعت العطر وتعطرت
نسر : عطرج يجنن
وردة : اي طيب هذا
رفع أيده لمس رگبتي.. ضحكت بلع ريگه
نسر : جؤ من يلمس جسمج يصير اطيب
بتسمت
وردة : دخت؟
رفع عينه علية وابتسم بخبث
نسر : سامع بالسطرة... بس هسه عشتها
ضحكت بخجل
وردة : شبيك اليوم؟
نسر : لأنج رجعتيلي بعد تعب وقهر وسهر
سكتت وگلبي دگ ببطء هالمرة مو خوف.. راحة
نسر : والله... لو يبيعون عطر بنفس ريحتج جان
فلست نفسي عليه
ضحك هز راسه..
فتح الباب وطلع شوية ورجع دخلت سناء وأيسر
ولد ثنين واحد بيهم لابس عسكري وعلى جتفه طير
اذكر شفته بالمركز
والثاني يخبل عنده الحية ويلمع لابس بنطرون جوزي وتشيرت كريمي.. أكلوني بعيونهم أكل نزلت عيني بخجل
سناء : هذا ابني يسار
بتسمت ورفع راسي
وردة : اهلاً وسهلاً
ماحجه شي بس عيونه علية
اشرت على ثاني
سناء : وهذا اصغر واحد ميسر مفوض اول ويدرس
هندسة
رفع راسه له
يسار : اهم شي طلعتي سلامات ولاتخافين احنه هم
اخوتج مانعوفج
نزلت راسي مدري شبية نهضمت من كلامه بلكوة لزمت دموعي
تقرب ببتسامة
ميسر :وله يهمج بس شدي حيلج له اخليج تحبين
الحياة وتنسين الدنيا من اخذج فرة على الوحش
الاسود
صابني شعور غريب ماعرف تفسيره بتسمت بخجل
ورجهت نزلت راسي
نسر : الوحش الاسود دراجته
اشرت على باب كأنها تشوفه
سناء : هذا
باوعت للباب... دخل ذاك الرجال.
طويل... هيبته تسبق خطواته،لابس عسكري وعلى
جتفه علامات قوة تخوف ماعرف ليش بس گلبي فز فجأة... بلعت ريگي بصعوبة وعيوني ثبتت بوجهه
بياض عيونه محمر من السهر أو القهر... ووجهه رغم هدوءه بي وجع مو طبيعي
وفجأة انتبهت للشبه
لفيت بسرعة على أمير... ورجعت باوعتله مرة ثانية
نفس النظرة... نفس الوگفة... حتى نبرة الهيبة نفسها
بس هذا أكبر... وفرق امير أصغر بالعمر وحفرة بخده
تجمد بمكانه بس عيونه احمرت أكثر وحسيت للحظة
أكو شي بدا ينهار داخله وكاعد يكتمه
سناء لزم من أيده وبتسمت حسيت بلمستها كأنما تواسي
له لف مسح وجهه ورجع باوعلي بتسم وتقرب
محمد : حمد لله على سلامة بابا
بتسمت
وردة : ربي يسلمك
قربي ونحنى لزم راسي بإيده الثنتين وطبع بوسة على جبيني اني هنا تجمدت... مو خوف بس شعور غريب خنكني فجأة
كعد يمي عالسرير وظل ساكت ثواني يباوع بوجهي
بعدها سأل
محمد : احجيلي صار وياج؟
والمشكلة كلما أباعيلهم أحس البچية تصعد غصب بس استحي أذب وجعي عليهم... من كد ماحبست بجيتي العبرة نحصرت بصدري...
هزيت راسي بنفي وصوتي مخنوك بعبرة
وردة : ماصار شي
رجع عاد السؤال بنبرة خوف قوية
محمد : احجي صار وياج؟ ليش بنية بعمرج تفكر
بالموت؟
كد ماحبست بجيتي العبرة شهگاتي بدت تفلت غصب صدري يصعد وينزل و بعدني منزلة راسي ومقاومة دموعي.
بسرعة انقذني
نسر : عمي... أترجاك وضعها تعبان بعدين..
ماشفت شي غير طلعوا من الغرفة كلهم.. اني هنا
نفجرت بجيت بقوة وقهر مكتوم ركض حضني
وردة : لاتخليهم يسالوني.. شكلهم؟ منين أبدي؟
مايدرون شلون عشت؟ وشفت؟ والله الموت اهون
بعدني عنه يمسح دموعي
نسر : گلبج راح يوگف كافي...
ندك الباب.. دخلت الممرضة بايدها أبرة.. نهض
نسر : شنو هاي؟
وهي تجهز الأبرة
:: مُهدء
نزلت دموعي على حلكي مسحتها
وردة : مااريد انام
:: مو منوم.. مُهدء اعصاب
لتفت لـ أمير
:: نتبهوا على نفسيتها
مسد على شعري...
وردة : دلك فروة راسي..
احس بلمست أصابعة راسي خدر وعيوني ثكلت
نسر : هيج!
وردة : اهمم... لا تعوفني حتى لو نمت
نسر : ماعوفج
حسيت براحة وغفيت وراسي على صدره... اول مرة
انام براحة بعد وفاة حبوبتي
ماعرف شكد نمت بس...
فتحت عيوني ببطء بعندي نايمة بحضنه وراسي على
صدره ايد ساندني له
إيده الثانية بيها المبايل يباوع صوري بالفستان شعري نازل
ترك المبايل بسرعة ورفع وجهي مبتسم كأنه ماسمع
او يريد يتأكد
نسر : شنو؟
وردة : أحبك هواي.
باس راسي وتنهد
نسر : يشهد الله... أحبج بطريقة تخوفني من كد
ماهي حقيقية
بتسمت بخجل... قرب وباس خشمي ضحكت
نسر : أحبج وردتي
رفعت عيني عليه ببطء... أول مرة أصحى وما أحس روحي ضايعة.
وردة : شكد نمت؟
عضيت شفايفي بخجل
ضحك ومسح على خدي
نسر :لالاااا.. هيج اني أضعف كلش واضحة البراءة
مالتج ارجعي العرمة احسن
ضحكت وضميت وجهي
وردة : لا تباعلي هيج
نسر : شلون أباوعلج يعني؟ وانتِ كل مرة تصيرين
أحلى من القبلها
رفعت عيني إله وردة : أمير...
نسر : عيون أمير.
وردة : إذا ضليت تحجي هيج... راح أبجي
تغيرت ملامحه بسرعة
نسر : لا لا... دمعج بعد ما أريده ينزل. كافي اللي
شفته منج اليوم
وردة : ليش تحبني؟
ابتسم بدون تفكير
نسر : لأنج انتِ.
وردة : شجواب هذا؟
نسر : يعني حتى لو ألف وحدة غيرج مرت بحياتي
ماكو وحدة راح تخليني أخاف عليها هيج.
نزلت عيني
وردة : خوفتك؟
تنهد وباوع بعيد لحظة
نسر : من شفتج نايمة على القبر.. حسيت روحي طلعت مني.
رجعت باوعلي وعينه تلمع
نسر : لأول مرة بحياتي هيج أعيش الخوف
مديت أيدي ولمست خده بخفة.
وردة : آسفة...
ماتوقع كلامي بتعد لزم وجهي بكفوف ايده
نسر : كولي مو رجال ومو كد حجايتك وماتنعد على
زلم اذا فد يوم تعبتج
بتسمت
وردة : نشوف الزمن يحكم
هز راسه.. بس فجأة عقدت حاجبي
وردة : أمير...
نسر : ها؟
وردة : بطني توجعني
اعتدل بسرعة بخوف
نسر : شبيج؟ اصيح الممرضة؟
بتسمت
وردة : لا.. جوعانة.
صفن بي ثانيتين... وبعدين ضحك.
نسر : ولله عبالي رجعت الحبوب اشتغلت!
وردة : أريد شي طيب.
نسر : تؤمرين أمر... شتريدين أجيبلج؟
فكرت ثواني
وردة : ماعرف... شي طيب
نسر : تعريف الطيب شنو عند حضرتج؟
وردة : حامض... وحار... وبيه دهن
فتح عيونه بصدمة
نسر : بعد غسيل المعدة هذا اللي مشتهيته؟!
ضحكت
وردة : شسوي... جوعانة حباب
نسر : أخاف أجيب لج شوربة؟
برطمت
نسر : زينة وخفيف على المعدة
صفن بي وضحك
نسر : لا هاي مو جوع... هاي نية انتقام من المعدة
وانتحار ثاني
وردة :يله جيبلي أي شي بس لا شوربة
نهض
نسر : اشوف اذا يسمحولج تاكلين هيج اكل
وردة :هاا صدك أسألهم يصير اطلع
نسر : تحسين شي يعني تعبانه؟
وردة : لا مابية شي يعني تعب عادي مو اكثر
نسر : له على مسؤليتي طلعين
وردة : اي والله مابية شي
نسر : تمام هسه اشوف
وردة : بيت عمك راحوا؟
قطع كلامي وهو يمسد على أصابعي بإبهامه
نسر : لا تفكرين بهيج سوالف... عمتي من شافتج
كامت تتنفس
عقدت حاجبي ضحكت
وردة : يااا لاتبالغ
نسر : لا قصدي تحب البنات
نزلت عيني بخجل
وردة : بس مدري... كلش حبابين وياي
نسر : لأنج تستاهلين
وردة : لاا ما متعودة
نسر : ومن هسه تعودي
گلبي دگ بسرعة... حتى هاي الكلمة حسيتها أمان.
وردة : حباب طلعني بسرعة منا
نسر : صار
ترك أيدي وطلع...
رجعت سندت راسي على وسادة واحمد ربي الف
مرة رجعلي أمير
بتسمت ورفعت عيني لسما من الشباج
وردة : شكراً ياربي... لان درت بالك علية بأمير خلي
دائماً هيج حباب وياي ويتحملني وهو فرحان
شوية وندك الباب دخلت سناء مبتسمة
سناء : ها يحلوة.. يله وقع على مسؤوليته حطلعين
بنبرة فرح رفعت راسي بسرعة
وردة : والله؟
نهضت بخفة
وردة : أريد أبدل
سناء : خليج اني أجيب ملابسج
فتحت الكنتور حتى تطلعهن.
وردة : لا تتعبين نفسج خلي أمير-
طلعت الملابس وباوعتلي بنظرة غريبة... نظرة كلها حنان. ابتسمت.
سناء : تحبي؟
عضيت شفايفي ونزلت راسي بخجل
سناء : زين ماختاريتي والله
رفعت عيني إلها... شفتها تمسح طرف عينها بسرعة
وردة : تبجين؟
معقولة يستعطفون علية؟
لو بس الخاطر أمير هيج يعاملوني؟
زفرت نفسي فتحت الماي غسلت وجهي وبدلت ملابسي وطلعت...
جان كلهم بالغرفة... حتى أبوهم
ابتسمت بخجل. تقرب مني محمد... من وكف مقابلي رفعت راسي له لأن طوله يخوف
محمد : باباتي... تحسين بتعب؟ أكو شي يوجعج؟
هزيت راسي بسرعة
وردة : لا والله... مابية شي لو أبقى هنا أتعب أكثر
هز راسه بهدوء
محمد : تمام... واحنه منعوفج. وأي شي تحتاجيه
هاي هم أمج وهذول اخوانج... لا تستحين
ابتسم مد أيده إلي
نسر : يله جوري.
مديت أيدي له.. بخجل
لزم أيدي وساعدني أمشي ببطء.
نسر : على كيفج حبيبي... بعدج تعبانة
وردة :لا مابية شي
أيسر :اجبيلج كرسي متحرك
وردة :لا شسالفة اكدر امشي
باوع
ميسر :اسندها يبعد بيتي سندها
1 تع
نسر : أشيلج
كرصته وهمست
وردة : شنو ناصبين علية..؟
نسر : خايفين عليج
أمير : عمي خليها هل يومين ترتاح بيتا وعمتي تبقى
يمها واحنا حواليها
هز راسه
محمد : هاي هيَ..
مشينا وأمير لازم أيد.. نتبهت النفسي امشي واني
محاطه بالزلم الخشنه يسار وابو لابسين عسكري
وأيسر وميسر مامقصرين وأميرهم ساندني وسناء
تمشي يمي
همست
وردة : مو كلت اجو يتونسون.. عمك شعجب لابس
زي عسكري؟
نسر : وليش تركزين؟
وردة : لا مو تركيز ستغراب
نسر : اي عادي راح كمل شغله ورجع
سناء : خو متعبتي؟
وردة : لا الحمدلله
طول الطريق محد نطق بحرف بس امير اتصل بيسار
دزله الموقع.. وستمر الصمت لحد مانزلنا...
ابوهم ضرب المنطقة سونار نظري رجع باوع للبيت
عفتهم وقربت ارد افتح الباب واشوفه مكسور جمدت
بأرضي
نسر : جوري شبيج؟
اشرت على باب بصوت يرجف
وردة : اجه والله عرفته يجي
بأستغراب
نسر : منو؟
فتحت الباب دخلنا
نسر : اني اللي كسرت الباب
رفعت عيني بدهشة
وردة : والله. شلون؟
نسر : صار شهر افتر بالشوارع مثل المخبل ماعرف
وينج..
تنهد
نسر : لما اتصل الحارس وكال حصل رقمج من المرأة
اللي تسكن مقابيلج.. ركضت نطاني رقم اتصل رفضتي
وبعدين نغلق
فتحت عيوني
وردة : انت اتصلت؟
هز راسه بأيجابية
نسر : من وصلت لهنا خفت يكون صايرلج شي
وردة : يااا عبالي صاحب الشركة.... الحمدلله انت
ولا غيرك
نسر: شنو مسوي وهيج خايفة منه؟
سكتت ونزلت راسي ..
نسر : شنو سوه؟
سناء :عمه... خليها ترتاح
عرفني استحي احجي كدامهم لزم ايدي
نسر :اعذروني دقايق
سحبني عنهم للغرفة وسد الباب بقيت واكفه
نسر : احجي صار؟
رجف حتى صوتي واني اباوع بعيونه
وردة : راد يستغلني
خفت عصبيته وسحبني باس راسي
نسر : قصرتي والله.. عبالي تكطعين النـ**على راسه
بتعدت
وردة : والله خفت.. وبيومها مارجعت للبيت نمت
بالحديقة خفته منه يجيني واني وحدي عاد بالشارع
اذا صيح ناس وشرطة تحميني
نسر : لهذا سبب اخذتي الحبوب؟
نزلت عيني وهزيت راسي بأيجابية
وردة : حسيت نفسي ضايعة ماعرفت وين اروح
گلت يم الله أمان.
رجع سحبني كال بحسرة
نسر :الحضني..ماعوفج بعد.. الحمدلله انتِ بخير
فتح الباب وطلعنا واكفين بتوتر وابوهم مغطي وجهه
وظهره علينا
نسر : نطيني عنوان الشركة
وردة : شتسوي بي؟
نسر : أسلم عليه
سناء : شكو عمه صاير؟
نسر : اكو واحد يحتاج تربية
لزمت أيده
وردة : اميير.. حباب مااريد تسوي مشكلة
فلت ايده.. كال بحدية
نسر : مااسوي
اجت لزمت وجهي بقلق
سناء : خو مابيج شي؟
نزلت راسي صاح
نسر : اعيدد؟
أيسر : مو بالصياح هي تعبانة
لتفت عليه بعصبية
نسر : بسببه اخذت الحبوب ونامت بالشارع
سناء : انطيهم العنوان لان ميرتاحون له ياخذو
نزلت راسي
وردة : الكارت بالجنطة
جنطتني على ميز بسرعة اخذها طلع الكارت وخلا
بجيبة
ابوهم ختل توازنه أيسر بسرعة سنده
أيسر : شبيك يابا!
ماكدر يحجي كعد على كرسي لزم حبينه بتعب
رفع ايده بدون مايباوع
محمد : ماكو شي
أيسر : تعال برا
طلعوا أيسر وسناء
راد يطلع لزمت أيده
وردة : خلي بيت عمك يرحون عيب تعبوا هواي
بسببي
نسر : مو بسببج.
وردة : أدري... بس مو متعودة أحد يتعب علية هيچ.
رفع عينه علية ملامحه هدت شوي
نسر : تعودي حبيبي
نزلت عيني بخجل... كل ما يكولها أحسها دفي گلبي الخايف
رجع الباب انفتح... دخل أبوهم وأيسر وراهم سناء
بس ابوهم ملامحه متغيرة أكثر وجهه شاحب بطريقة
خوفتني.
نسر : ها؟ شصار؟
أيسر : ضغطه نزل شوي بس هسه زين.
بسرعة قربت خطوة
وردة : عمو انت بخير؟
رفع عينه إلي.. وهنا حسيت النظرة غير. مو شفقة... مو مجرد خوف... شي أعمق
محمد : بخير بابا.. لا تخافين.
سكت شوي وبعدين باوع لـ أمير
محمد : لا أحد يروح لهسه
نسر : عمي-
قاطعه بنبرة قوية هادئة
محمد : كتلك لا أحد يروح
سكت الكل. حتى أمير استغرب
رجع باوعلي وعينه مليانة تعب
محمد : البنية تعبانة وخايفة.. مو ناقصها مشاكل
جديدة
نزلت راسي... لأول مرة أحس واحد يحچي وكأنه
فعلاً خايف علية.
بديت ادوخ واتعب من الجوع اكل معدتي بس مااريد
ابين هسه عالهم تعبانة واقلقهم
شوية دخل ميسر ويسار من الباب بأيده بلم
ميسر : جبت احلى مسكوف حتى المريضة تتعدل نفسيتها.
باوعتله وضحكت بخفة
وردة : شمدريك احب السمج؟
ميسر : لا ولو اني اقرأ الممحي
نسر : لا تحچي هواي لا تتعود عليكم وتنساني
رفعت حاجبي بسرعة...
واستغربت وضع أمير.. ليش ميغار؟
معقولة ميشوف اهتمامهم؟
لو بس أني اللي ملاحظة الموضوع ومكبرته؟
يسار : لا خيتي خاف موزين عليج اول شي جبت
شوربة ألج شربي واكلي هم سمج
ميسر : هيج ترضين معدتج ونفسيتج
بتسمت
وردة : مشكورين تعبتكم
يسار : تأمرين واحنا نف
ستغرب كلامهم.. منين ذول وشلون هيج بين يوم
ولليلة حتلو حياتي ويتصرفون كأنوا أني جزء منهم!
يارب إذا هذا حلم لا تصحيني...
وإذا حقيقة ديمها علية
بقيت ساكتة أباوعلهم وداخلي شي يرتجف بخفة لأول مرة بحياتي أحس أكو ناس متجمعين حوالية ومو ضدي يهتمون بية من دون مقابل
بس ابوهم من سمع بأسم ابو الشركة ملامحه تغيرت
حتى مابتسم ولا حجى كاعد وصافن بالفراغ وعيونه
حمر.. تقربت منه
وردة : عمو انت زين؟
من حجيت ويا فز كأن غارك بأ فكارة.. فرك وجهه
محمد : بابا انت المريضة اني لازم اسألج شلونج؟
بتسمت بمزح
وردة : لحد مااكل يله تسألني
ألتفت واخذ تحية بصوت حاد
أيسر : جاهز سيادتك
ضحكت واجت سناء خلت السفرة وجابوا الاكل غسلت
وكعدنا اني يم امير وسناء بصفي وزوجها بصفها ولدها
مقابيلنا
شعوري وياهم ماينوصف راحة وأمان عمري ماحسيت
بي.... كلنا نجمعنا وسوالفهم وضحكم رغم ماعرف عن
شنو يسولفون بس..... من يضحكون لا أرادياً اضحك
وياهم
أمير اخذ الخاشوكة يشربني
وردة : لااا أمير عيب لاتسوي هيج كدامهم
سكت اخذت الخاشوكة وشربت شوية.. صار يفلس
سمج ويخلي كدامي لو يسوي لفات عمه نتبه
نظرلي مبتسم
نسر : من تاكل هي أني أكل وأشبع
ضحك وهز راسه.. سناء تجب وتخلي كدامي أكل
نسر : عمه اني خاف عليها اليوم من الاكل اسويلها
لفات صغار
سناء : لا مبيها شي ان شاءلله
وردة : اي والله ماكو شي بالعكس احس براحة
نسر : دوم راحتج حبيبي
يسار گح وأيسر نظرله عاقد حواجبه وميسر ضحك
خجلت من نظراتهم.. اكلت شوية وشبعت.. نسر اخر
همَ رد فعلهم مستمر يوگلني سوه لفه مد ايده
يسار : خاف تستحين؟
وردة : لا والله الحمدلله
اكل اللفة وقرب همس
نسر : مشتاق أشرب الچاي من أيدج بتسمت
وردة : بعيوني
بهمس
نسر : ابوسهن يبعد عيوني
ضحكت ونهضت
وردة : دايمة يارب
:: الف عافية
رحت غسلت وشوية وسناء لحكتني
سناء : شتسوين؟
وردة : چاي
سكتت ستحيت أكلها فرحانه بوجودكم وهاي اللمة
الحلوة اللي بعمري ماخطرت على بالي ولا عندي
الجرأة اتمناها
بتسمت وكلت
وردة : أريدكم تضوكون چايي صدك طيب لو أمير
يضحك علية
بتسمت
سناء : يله ونحكم بحق
وردة : هههههه اي بدون نحياز
سناء : ابد
ضحكت وسويت الچاي بين ماكملوا البقية هم بس
عزلوا سفرة.. خليته يتخمر زين وجهزت الصينية
وتليفوناتهم ماسكتت
سناء : اي واحد يتصل من خوالكم وخالاتكم لاتردون
يسار : اي والله ماعدنا وكت ألهم
صبيت الچاي وقدمته
محمد : عاشت أيدج.. جنت مستمتع بريحته ترست
البيت
وردة :بالعافية
كلهم اجو اخذو وكعدو يشريون أمير اجه كعد يمي
يشرب وهمس
أمير : يخبل عاشت أيدج
بهمس
وردة : مطرح ميسري يمري حبيبي
ضحك
نسر : اويلي اشتعلوا اهلك أمير
هزت راسها بنفي
سناء : اول مرة بحياتي أشرب هيج چاي
بتسمت
محمد : اي بالله يعدل الراس عاشت ايدج بابا
بتسمت بخجل حلوة كلمة بابا باللسانه ماعرف احجي
اللساني نربط
أيسر : تمنيت ياسر يشرب الچاي يقفل عليج وعلي
مايشرب بعد غير من ايدج
نسر : أي ذاك ايدور وين واحد يسوي چاي طيب
يلزك بي
ضحكوا وهم يسولفون بس أني بقيت صافنة بأمير
شلون يقبل يحچي وياي هيچ كدام أهله؟
يعني صح همه ناس طيبين... بس مهما يكون هالشي بعيوني عيب شوي
نهض ويا
أيسر : وياك أبن العم
يسار : واني هم
ميسر : بقت عليه
يسار : ياسر راح يي منو يجيبه؟
نهض
محمد : اني..
نظرلي بحنية
محمد : وخلي وردتكم ترتاح شوية
وردة : والله مرتاحة بوجودكم
سناء : اي خليهم يفترون شوية ولترجعون بدون
عشا
يسار : تأميرين.. واذا تحبين بأيدي أسويلج عشا
بتسمت.. صفن بعيوني وكال
نسر : يمن فدوة اروح الضحكتج
نزلت راسي همست
وردة : صوووتك نشهرنا.. صاير رومانسي!
ضحك عض شفته
نسر : ولج غير تمرمرت شفت الموت بفراگج..قصص ماي هوبس
الافكار أكلت عقلي
اجت
سناء : روح عمه خليها ترتاح
ضحك يمرر أيده على شعره
نسر : احمم.. عمه مااوصيح على وريدتي
رفعت حواجبها وبتسمت
سناء : هاي شنو! وريدتك؟
نسر : أي بالله وسباح گلبي
سناء : صار عمه..
راح يركض صعد السيارة سدينا الباب ورجعنا
سناء : أرتاحي ماما خاف تردين تنامين
وردة : لا اريد احضر ملابسي و ادخل أسبح بية
ريحت مستشفى
سناء : تمام يروحي
دخلت للغرفة جهزت ملابسي هي وياي تباوع للغرفة
سناء : وحدج كاعدة هنا؟
عقدت حواجبي وضحكت
وردة : ايي.. لو عندي واحد مالگاني ميته على قبر
حبوبتي
اخذت ملابسي بأيدي التفتت ألها
وردة : بس الصراحة أول مرة أخاف أتعود على وجود ناس بحياتي
تباعلي عيونها هدت بطريقة غريبة
سناء : ليش؟
نزلت عيني وأني ألف أصابعي بالملابس
وردة : لأن كلشي حلو بحياتي يروح بسرعة
سكتت...حسيتها انوجعت من كلامي
سناء : لا تكولين هيچ.
ضحكت بخفة حتى أكسر الجو
وردة : شسوي؟ هاي الدنيا تمشي عكس وياي
تقربت مني ولمست خصلة شعر
سناء : لا... هاي مو دنيتج الحقيقية
رفعت عيني إلها باستغراب
وردة : شلون يعني؟
ارتبكت للحظة انتبهت على حجيها
سناء : يعني... البنات الحلوات والطيبات مثلج
لازم يعيشون مدللات مو وحدهم.
ابتسمت بخجل
وردة : مدللة؟ أني؟
سناء : أي والله... وتستاهلين تعيشين أميرة
ضحكت غصب، بس صدري دفى من كلامها
وردة : تره اذا بقيتي تعامليني هيچ راح ألزك بيج.
ضحكت ودمعتها لمعت بعينها
سناء : لتخافين... حتى أني ما أريد أفلتج
وردة : هههههه يله اسبح ومن اطلع مشطيلي شعري
مابية حيل يتعبني
اشرت على عيونها
سناء : بعيوني
سناء : حابه اسمع عن حياتج
نشفت شعري وضحكت
وردة : يااععع.. ياحياة هاي سالفة حبوبتي اذنج طرم
من هيج سوالف الله يبعدج عنها
اشرت اكعد كدامها
سناء : لا عادي تعاي احجيلي
كعدت كدامها وتنهدت
وردة : ولله يخالة بعض السوالف توجع ماتتسولف
فهمت مااريد أحجي او اخجل ... سكتت وغيرت
الموضوع فتحت شعري
سناء : بسم لله ماشاء الله شعرج كلش طويل وثخين
بدت تمشط ببطء تمرر ويدها بحنية حتى ماتوجعني
سناء : خو ماوجعتج؟
وردة : لا والله ولاحس
سناء : تدرين اني محرومة من هل نعمة
لتفت عليها بدهشة
وردة : ماعندج شعر!؟
صفنت بوجهي وضحكت ضحك لحد مانزلت دموعها
نزعت الحجاب عن شعرها.. ماشاء تخبل وجها حلوة
بدون حجاب
فتحت شعرها طول عادي نازل ع كتافها وأسود فحم
وردة : يافدوة تخبلين بدون حجاب حتى شعرج حلو
سكتت ماحجت شي او ماتريد تحجي... لف راسي
تكمل التمشيط ستغربت ليش وحدة مثلها ما شاءلله ولدها يتفدوها وزوجها يباوع الحلكها ما شاءلله.. شنو الغاثها؟
وردة : احمم.. ليش كلتي محرومة من هل نعمة؟
سناء : ماعندي بنية..
بدهشة
وردة : هاا مو أمير كال عندج!
سناء : اي... اسمعي حماي ابو أمير عدهم ثلاث بنات
اموت عليهن.. اخذهن يمي امشط وارتبهن وادزهن
حتى شنو أشوف اشتريلهن مدللتهن
وردة : بنتج وين؟
تحسرت وبطلت تمشط
سناء : من عرف بية بنية حتار شنو يجيب وشنو يسوي
تخيلي حتى شغل مايخليني اشتغل هو يرجع من الدوام
يطبخ
لتفت
وردة : هااا؟
سناء : اي والله.. ويكعد الصبح يبدل للولد وياخذهم
ويا للمدرسة.. لاعبالج مجبور لا ابد والله جان أسعد
شخص او اسعد تسع أشهر عاشها بحياته
وردة : أي وبعدين؟
سناء : اني جنت مرتاحة شوية بس من يشوفون هيج
يسوي يكومون يحجون الاقارب
وردة : ينقهرون من واحد يساعد مرته
دمعت عينها
سناء : وبأخر لحظة صارت ولادتي صعبه وكأنها ماتريد
تحجي للحياة.. تعرف اللي منتظرها
مدري ليش گلبي نعصر
وردة : ليش صار وياها؟
ماجاوبتني بس كملت
سناء : غير الدكتورة اجو عاملات ثنين دفعوها
وردة : عسرتي؟
سناء : لا جان عندي ضعف بالأعصاب ماكدرت بس
ختنكت بعبرتها
سناء : نورت دنيتي.. اول مرة شفتها بيضه شحم
جانت ساكته مابجت خفت عليها هواي
هزت راسها
سناء :لا.. الحمدلله عايشة اخذوها للخدج وطلعنا
بخير.. محمد وقتها الدنيا ماتوسع فرحتة حتار
شيسوي بعد اربع ولد الله وهبلنا بنية وجان ظهرها
وركها ازرك
وردة : لان دفعوها
هزت راسها
سناء : اي واكو علامة زرگة طوخ مثل بصمة الابهام
غمضت عيوين بقوة وفتحت
وردة : و.. ووين؟
سناء : من الجهه اليسرة بخصرها بالضبط
عضيت شفتي كتمت احساسي
وردة : ايي وينها صار وياها؟
مسحت عيونها
سناء : اليوم الثالث من ولادتها ماعرف صارلها فجأة
وجها وجسها جمع سوائل صارت طبقة على جلد ركضنا
بيها للدكتور كال عادي من الحر رغم ولادتها صارت...
رفعت عينها
سناء : ٦/١
بلعت ريگ عيوني وحدها صارت ترمش بسرعة لا اراديا
وردة : أبوهاا أسمه محمد؟
سناء : أي
رجفت اريد اعرف صار مستحيل تكون صدفة!
وردة : كملي
سناء : محمد تخبل شلون تحتر نيمها على مكيف صار
يباوعلها ضحكته ترست وجه من شافها كيفت ع برودة
مدري شبية ختنكت بعبرتي
سناء : صاح ولج سوسو تعاي شوفيها شلون سنحت
اجيت لكيتها فاتحة أيدها ونايمة وابوها واخوانها
داير مدايرها يضحكون ع نومتها.. غطيتها كتله موزين
عليها
مسحت دموعي
وردة : وبعدين؟
سناء : صبحت مريضة كونها بنت نفاس ميصير تتعرض
للبرودة مباشرة رجعنا اخذناها للدكتور كتبلها دخول ١٤
يوم دخلت بيها مستشفى....ويومية وحدة من خواتي
تبقى يمي لو حماتي بس ١٤ يوم مو شوية هم عدهم بيوت
اخر اربع ايام بقيت وحدي بس محمد يجيني صارت
زينة
تحسرت وكل كلامها يحفر بگلبي
سناء : أخر يوم جهزتها حتى نطلع لبستها وعطرتها
نتظرنا محمد... يحب يشمها من ركبتها يموت على
ريحتها وجان جايبلها ملهي ذهب كال حتى من تكبر يكلولها ابوج خله بحلگج ملهي ذهب
رفعت عينها قصص ماي هوبس
سناء : بس أجت وحدة قبل مااطلع بحجت تسلم
علية وتبارگلي.. نطتني اشرب عصير
ضمت وجها بأيدها تبجي بقوة وكل جسمي صار
يرجف لزمت أيدها بعدتها وحجيت بصوت يرجف
وردة : گملي..
سناء : صحيت على ضربات محمد
لزمت أيدي
سناء : گعدت وانتِ مو بحضني..
بسرعة نهضت وبتعدت منها وكل جسمي يرجف هي
خافت من رد فعلي
سناء : شبيج ماما؟
ركضت للغرفة وسديت الباب وكفت مقابل المراية
گلبي وجسم يرجف بطريقة خوفتني
بس قاومت ورفعت ثوب رغم حافظة كل نقطة بجسمي
بس كأني اتأكد أكثر من نفسي قبل مااتأكد من كلامها
مستحيل كل هذا يكون صدفة
ملهي ذهب..
واسم محمد..
وتاريخ الميلاد..
نفس البصمة لازالت بخصري ونفس اللون محد شايفها
افرض الملهي والاسم وتاريخ امير يعرف بيهن بس هاي؟
محد يعرف بيها ولا احد شايفها غير حبوبتي الله يرحمها جانت تكول هاي بكل طفل تصير يسموها (بصمت علي)
رجعت فتحت الباب ودموعي تنزل وأرجفه اخذت حالي
شفتها مرعوبة جانت دك الباب...
بالكوة نطقت قصص ماي هوبس
وردة : أنتِ.. أنتِ أمي.؟
